اهداء لزوجي قولو لي رايكم بسرعه

[ذبحني الشوق بغيابك]

:crying3: أصـــيح باعلى الصوت فاضل فقدناك عساك تسمع صرختي يوم أنــــــاديك
أنا زوجتك اللي عيدها يوم لــــــقياك يا سعد نفسي لـــــو عيوني تــــلاقيك
والقلب نــــــــاره تشتعل عقب فرقاك ما تطفي النيران يا حبيبي أيــــــاديك
لبست ثوب الحـــزن بعدك ولا انساك والنــــــوم ودّع يوم غــــــابت لـياليك
تاهـت بي الخطوات وادروبي أشواك والدمع من عيني عــــــلى الخد يبكيك
أراجع الماضي واعــيد ذكـــــــــــــراك تشدني الـــــذكرى وابـــكي لماضيك
سجـــين بالغــربة ويــاكـــبر بلـــــواك الله يعينــــــك دايـم في بـــــــلاويـــك
هذا القدر مكتوب ... مكتوب مـــا جاك اصبـــر عسى الله بالنهايه ينجــــيك
بديار (0000 ) سجنك الموحش هناك ياليت لي قدره عــلى الدرب واجيك
يا ســـــجن ارفق مسندي وسط مبناك مـــــا شاف شمس ومظلمات مبانيك
مـــدري يا عمري كيف الأحوال ويّـاك طمـني عنك طــــمن زوجتك تحـاتيك
من يغسل اهدومك ومن قـــام يرعاك ومن يطبخ الوجبات مـــــنهو يواسيك
ومــنهو الذي بالليل لا نمت غــــطاك خوفي عليك البـــــــرد بالـحيل يوذيك
ودي قبل مــــــــــوتي مشاهد محـيـاك ودي أضمك في يديني وحـــــــــاكيك
يا حافر قبري دخيــــــلك رجيـــــناك تحــــــــــط فوق النصب تكفى بوصـيك
يمكن يحين الوقت ترجع لمــــــرباك وتزور قبري مســــــــرع في خطاويك
يالله عسى المولى يصــونك ويرعاك ويعــــــود فاضل ـــيا عسى الله يخليك
أبختصرها يا ذرى كل من جـــــــاك شـــــكوى تجيلك تنتهي ما تعـــــــــديك

[ونة جروووح]

لاهنت اختي الغا لية
اوجعت قلوبنا قصيدك
معبرة
صادقة
موجوعة حروفها
جمعك الله وزوجك وفرج كربه
وكربنا
وانعم الله عليكم بالسعادة
دمتي بسعادة
ولالاهنتى

[الحنوووون1]

فعلا قصيده مؤثرة وموجعة

أتمنى من الله أن يفك اسر

زوجك وأن يعيده اليك في

اسرع وقت ,ويجتمع شملكما

تحيااااااتي

[طير المحبه]

قصيدتك رائعه00وكلماتها مؤلمه ومؤثره 000ربي يرجعلك زوجك بالسلامه في اقرب وقت وتخطي لنا قصيده جديده تحمل كل الفرح والسعاده ياااااااارب0000000اختك طير المحبه

[بقاياالشوق]

ياوجودي وجد... من صار له.. مده سجين...
ينتظر مردود عفوه... على يدين.... اخصماه..



مشكوره...على هذه الابيات.... المعبره

ودايم قصائد النساء مؤثره..

الله يفرج لك........ تحياتي لك