اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 301
قديم(ـة) 09-09-2011, 10:17 PM
صورة نؤؤف حسين الرمزية
نؤؤف حسين نؤؤف حسين غير متصل
©؛°¨غرامي مشارك¨°؛©
 
الافتراضي رد: وطت رجلي علي دربه و لا أدري وش نوي فيني / بقلمي


يارب ماتتأخر
ياربي تهئ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 302
قديم(ـة) 10-09-2011, 10:19 AM
ببطرآآنـہ‘ ببطرآآنـہ‘ غير متصل
©؛°¨غرامي مشارك¨°؛©
 
الافتراضي رد: وطت رجلي علي دربه و لا أدري وش نوي فيني / بقلمي


ويييتنق يوو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 303
قديم(ـة) 10-09-2011, 09:43 PM
صورة نؤؤف حسين الرمزية
نؤؤف حسين نؤؤف حسين غير متصل
©؛°¨غرامي مشارك¨°؛©
 
الافتراضي رد: وطت رجلي علي دربه و لا أدري وش نوي فيني / بقلمي


همممم جاري الانتظار


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 304
قديم(ـة) 11-09-2011, 03:35 AM
صورة مـآ يهزنـي ريـح الرمزية
مـآ يهزنـي ريـح مـآ يهزنـي ريـح غير متصل
©؛°¨غرامي متألق ¨°؛©
 
الافتراضي رد: وطت رجلي علي دربه و لا أدري وش نوي فيني / بقلمي


البارت الـ 111
فالفندق . .
سيف مبتسم : متوتره ؟
مهره تبلع ريجها : وايد . . هذي اول عمره لي . .
سيف : وان شاء الله بتكون الألف . .
مهره تطالعه بنظرات مش مفهومة . .
سيف يمسك ايدها . . : يالله خلينا ننزل عسب نروح نعتمر . .
مهره : ان شاء الله
سيف : سمعي . . ايدج ما تخوزينها عن ايدي . . لو شو ماصارررررررر . . ايدج ما تنشال من ايدي . . " يطالعها بتمعن " سمعتي ؟
مهره تهز راسها بمعنى الموافقه
سيف يفكر : ممممم . . عندج شآل . . ولآ شيله زياده؟
مهره تطالعه : ليش ؟
سيف : عندج ولا !
مهره : هيه
سيف : هاتي . .
مهره تطالعه من دون ما تتحرك
سيف : يلاااا . !!
مهره تقوم وتطلع من الشنطه شيله خفيفه سودآ . .
سيف يبتسم : وايد اوكي . .
شلآهآ وربط ايده اليسرى وسحب ايدها اليمنى وربط ايدها فيه . . خلا المسافه جدآ بسيطه . . رص بقوه عشان الشال ما يتبطل لين ماآآآ
مهره : آآآآي . . بسس يعوور . .
سيف : احسسن
مهره تطالعه وهيه عاقده حياتها
سيف : حتى بعدج يعور . .
مهره لفت راسها الصوب الثاني
سيف ابتسم ومشى وهيه انجبرت تمشي وراه بسرعه لانه ايده المربطه فايدها سحبتها . .
مهره تطالعه : شوي شوي !!!!! تباني اطيح
سيف يطالعها فاج عينه : ان شاء الله مدام . . اعصابج . .
ماردت عليه وتمو يمشون . . خذو اللفت ونزلو . . وتوجهو صوب الكعبة . .
اول ماشافو الكعبه كل واحد فيهم انهار بدموعه . . الندم والحسره ع الذنوب الي طافت وعلى كل اغلاط محد يعرفها الا الشخص نفسه . . كل واحد فيهم يدعي انه كل آثآمه وخطآيآه تتكفرر وتنمسح . . دعو بالجنه . . دعو بالرحمه . . دعو بالرزق . . دعو بـ حسن الخآتمه . . دعو لآمهم وآبوهم وآهآليتهم . . ودعو لعمآرهم . . كل واحد فيهم كان خآآشع بطريقته . . سيف يدعي بضمير ويصيح وشوي يمسح دموعه وينتبه لها ويرد يرص ع الربطه ويمسح دموعها . . ومهره يا دوب ترفع راسها بس عشان تشوف الكعبه وتدعي و عشان تتاكد ان الي حذالها سيف وبعدهم يمشون مع بعض . .
بعد الطوآف توجهو صوب السعي . . وسعو فالصفا والمروة . . كان سيف يهرول بس هيه تمسك ايده بعصبيه تذكره انها بطيح وقالتله يفصخ الربطه ويهرول لان الريال افضل انه يهرول . . لكنه ما رضى ومشى معاها بنفس السرعه الي كانت تقدر عليها . . كانت ترص ع روحها عشان تمشي بسرعه . . كان عقب كل شوطيين ياخذون ماي زمزم ويشربون ويغسلون ويهم لين خلصو السعي . . وعلى طول قعدو ع طرف . .
سيف يطالعها : تعبتي صح
مهره : برايه . . احلى تعب هذا . .
سيف يبتسم ويحب راسها : الله يتقبل يارب
مهره تطالعه عين بعين : اميين . .ويتقبل منك يارب . .
ابتسم سيف . . : اقعدي اهني لا تتحركين ّ! بروح احلق اهناك " ياشرلها " وبرد . .
مهره : بي معاك . .
سيف يبطل ربطة الايد : وين تين معاي . . شوفي كلهم ريايييل . . يالله خليني اخلص وبييج بسرعه . .
مهره تطالعه : وانا ؟ وين بقص شعري
سيف يطالعها ويعطيها الشيله : انا بقصلج اياه فالبيت . . " يقوم ويرفع صبعه يتوعدلها " ماتتحركين من اهني . .
مهره فاجه عينها : انزيييييييييين
وراح عنها سيف . .
بعد ربع ساعه حست بالعطش وشافت ان سيف بعده . . قامت سارت صبت لها ماي بارد وشربته . . وغسلت ويهها . .
.
.
.
منصور يتجلب ف رقاده يمين ويسار . . وبنفس الوقت سلامه كانت واعيه . .
سلامه : شفيك حبيبي ؟ ما احسك مرتاح
منصور يطالعها وبعيون حايره : لا مرتاح فديتج . .
سلامه : مش علي . . خبرني شو فيك . .
منصور يطالعها بتمعن : مستغرب من اهلي . . محد دق لي ولا حد حاول وياي اتم في البيت وما اطلع
سلامه : شفت كيف ؟ عششان تعرف انهم مش مهتمين فيك . . ولا يبونك . .
منصور عاقد حياته : سلامه ! شو هالكلام
سلامه بتردد : آآآ . . آقصد يعني مآ يدآنوني آنآ . . وحاقدين علي . . علشان جي قامو يتغيرون عليك
منصور : محد له حايه يكرهج . . " عاقد حياته " ليش مسويه شي انتي عشان حد يكرهج ؟
سلامه تبلع ريجها وتقوم : لا . . شو بسوي الله يهديك
منصور ينزل راسه : قسيت عليهم . . وانا ما تعودت على جي " يقوم " بسير اخذ بخاطر امايا
سلامه عاقده حياتها : الحيييييييين ؟ ها الوقت ؟ شوف الساعه كممم ؟ احين بيأذن الفييييير
منصور : بصلي فالمسيد . . وبروحلها على طول . .
سلامه تعض ع شفايفها بقهر وشوي صرخت وحطت ايدها ع بطنها . .
منصور يي صوبها بسرعه : شفيييييييج ؟ خبريني وين يعورج
سلامه : آآآآآآآآآه مآقدر اتحمل . . عوق فظييييع
منصور : ويين خبريني وين
سلامه تحط ايدها ع بطنها : اهني
منصور يحط ايده مكان العوار : بسم الله عليج " وتم يقرا عليها المعوذات "
مثلت سلامه انها رقدت ع جتفه . . ومن حس انها رقدت وهدت يا بيقوم بس مسكت ايده بقوة
سلامه : لا تخليني . . اخاف ارد اتعب . .
منصور : ما بخليج حبيبي . . بصلي وبردلج . .
سلامه تبتسم بنصر وتغمض عينها . .
.
.
.
عنود قامت ترجع وعلى طول نش محمد وراها . .
عنود تطالعه : انا اكيد حامل . .
محمد يرجف : احلفي . . كيف عرفتي
عنود حاطه ايدها ع راسها : من هالدوار . . وكل شوي اقوم اررررجع . .
محمد يرفع ايده : ياااارب يااارب . . يااارب تفرررحني . . قومي نروح المستشفى يلا
عنود فاجه عينها : عن الخبال . .
محمد عاقد حياته : بشوف ولدي بخير ولا مش بخير
عنود : انزين يمكن مش حامل
محمد : لالالا هاي اعراض حمل اصصصصصصصصصلا . . ماروم اتحمل يلااااااا " يسحب ايدها"
عنود تطالعه : حمووووود . .
محمد يطالعها . .
عنود : اطاع الساعه كم !!!! وين نروح الحين . .
محمد يشوف الساعه : شو يعنييييييي . . يلاااا انتي تعالي ماعليج من الساعه
عنود : حمود خلاص من يصبح الصببح بنروح . .
محمد : وانا شو بينطرني للصصصصصصصصصصبح . .
عنود تبتسم ومستغربه . . اول مره تشوف محمد مستانس لهالدرجه ومتحمسس ومشتط . .
محمد يطالعها : بخصوص النظرة يعني
عنود : فرحت حق الياهل وايد اششوف . . يوم خذتني مافرحت جيييييييه . .
محمد برقت عيونه
عنود تمسك ايده : شو فيك حياتي ؟
محمد يمسح الدمعه قبل لا تنزل : ما بقصر عليه ف شي . . بعوضه وبتم معاه وببيع الدنيا كلها علشانه .. ما بعيشه نفس ما عشت ولا بذوقه ربع الي انا عشششته
عنود تبتسم : حبيبي والله . .
محمد يطالعها ويبتسم : بسميه حمد . .
عنود مستغربه . .
محمد : وان شاء الله يطلع نفس اخوج حمد ف كل شي . .
عنود مبتسمه : واذا بنت . .
محمد : لا ولد . . احس انه ولد
عنود : ان شاء الله يارب . .
محمد يسحبها لصدره ويضمها بقوه : فديييييت ام حمد . .
عنود : ههههههه وفوديت روحك بو حمودي . .
.
.
.
عذاري : رقدت ؟
سلطان يتثاوب : توا الناسس . .
عذاري : سوري حبيبي . . والله امايا نفسيتها تعبانه
سلطان : اششششششششش . .
عذاري : . .
سلطان : تعالي اهني . .
عذاري تغمض عينها وتلم المخده : ييييت . .
سلطان : نامي غناتي . . تصبحين على خير
عذاري وقلبها يدق : وانت من اهله . . . سسلطآن ؟
سلطان : لبيه
عذاري : احبك . .
سلطان " احبج " : نامي نامي . .
.
.
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 305
قديم(ـة) 11-09-2011, 03:35 AM
صورة مـآ يهزنـي ريـح الرمزية
مـآ يهزنـي ريـح مـآ يهزنـي ريـح غير متصل
©؛°¨غرامي متألق ¨°؛©
 
الافتراضي رد: وطت رجلي علي دربه و لا أدري وش نوي فيني / بقلمي


الله أكبر .. الله أكبر .. آذن الفجر .. !


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 306
قديم(ـة) 11-09-2011, 03:37 AM
صورة مـآ يهزنـي ريـح الرمزية
مـآ يهزنـي ريـح مـآ يهزنـي ريـح غير متصل
©؛°¨غرامي متألق ¨°؛©
 
الافتراضي رد: وطت رجلي علي دربه و لا أدري وش نوي فيني / بقلمي


.
.
.
البارت الـ 112
كان ناصر توا راد من برى . . وصلهم المطار وعقب تم يحوط . . واتذكر امه ورد البيت . .
اول ما دخل شاف امه فالصاله حذال المسجل ومقصره ع صوت القرآن وتسمع وتنزل دموعها . . اول ما شافت ناصر شهقت وقامت . .
ابتسملها ناصر : شفتي ؟ ما قلتلج بيييج بسرعه . .
ام عبدالله : كيف ؟
ناصر : خليتها تسافر ويا ريلها ورديت . .
ام عبدالله تمسك ايده : احسن ما سويت ياوليدي . .
ناصر يبوس راس امه : ليش ما رقدتي يالغاليه
ام عبدالله : قلبي كان محروق . . والحين انت ريحت قلبي . . " تمسح دموعها "
ناصر مبتسم : عيل يالله نشي ارقدي حذال ابويه
ام عبدالله : بروح فديتك . . وانت ؟
ناصر : بتريا صلاه الفجر ما باقي عليها شي . . بصلي فالمسيد وبرد ارقد
ام عبدالله تطالع الزوليه . . : من يوم كنتو صغار . . واحنا نقارنك ف منصور ف كل شي . . كان منصور دوم الي يبيض الويه . . هو المتفوق . . هو الشاطر . . هو الاحسن ف اخلاقه وف كل شي . . ويوم كبرتو . . منصور تخرج واشتغل وانت بعدك ترسب وترسب وترسب . . حتى يوم سافرت انت وبغيت تشد حيلك رديت لنا خايب ، صح خيبت ظني فيك وتوقعت انك بتعوض ع السنين الي فشلت فيها . . لكن حمدت ربي انك عندي وبصحه وسلامه . . " تطالعه " الحين . . منصور كبر وصار ريال ومسوؤل عن بيت وقريب بيكون مسوؤل عن عايله . . لكنه خيب ظني فيه . . خيب ظن كل هالسنين الي كنت راضيه عليه فيها . . وانت . . مع انك خيبت ظني كل السنين الي طافت . . لكني راضيه عليك الحين . . واعرف انك بتمشي صح . . وبتكمل صح
ناصر يطالع امه باهتمام . .
ام عبدالله : شوف ياولدي . . مش مهم الي عاش كل حياته بغلط وبفشل . . هذا مش غلط . . الغلط انه يتم عليه ويكمل حياته فيه . . ويوقف عند نقطه وحده . . وانت تعرف شو اقصد . . كل شي فالدنيا نصيييب . .
ناصر ينزل راسه . .
ام عبدالله : انت غلطت في حياتك وايد . . لكنك بعدك صغير والعمر جدامك . . وتقدر تعوض ع كل شي . . وانا واثقه فيك . . واعرف انك قدها .. . انا قلبي راضي عليك وااايد . . والله بيرضى عليك ان شاء الله وبيسير لك امورك كلها " تبتسم" . . تأكد من شي واحد . . الدنيا فررصص يا ناصر واستغل انت فرصتك
ناصر يبوس ايد امه : الله لا يحرمني منج ومن رضاج علي . .
ام عبدالله تبتسم له . .
ناصر : ولا تشيلين على منصور . . منصور معماي . . وصدقيني بيقوم من عماه . .
ام عبدالله : بيقوم . . انا اعرف انه بيقوم . . بس يوم بيفوت الفوت . .
ناصر انصدم من كلام امه وتم ساكت . .
ام عبدالله : انا رفضت سلامه قبل . . مش عشان انها عاجز . . بالعكس . . انا يسدني انه يحبها . . ولازم عقب كل حب زواج . . لكن البنت ما ارتحتلها . . مول ما ارتحت لها . . قلبي ما ارتاح انها تكون حرمت ولدي
ناصر : وليش ما قلتي هالكلام
ام عبدالله : لان منصور كان بيسوي الي فراسه لو قلت ولا ماقلت . . " تتنهد وتقوم " ما تيوز انت . . تخليني اسولف واهذرب . .
ناصر يبتسم : فديت سوالفج عيوزتي . .
ام عبدالله تصد له : شوووووو . ؟
ناصر : هههههههههه . . غصصب تستوين ششبباب ؟؟؟ روحي اماايا نامي روحي . .
ابتسمت له وراحت . . اما ناصر انسدح براحه فظيعه . . من زمان ما حس بهالراحه . . كان دومه قلبه شايل هممممممم وغم ف كل شي . . الحين يحس انه مرتاااااااااااح . . وان من كلام امه بإذن الله كل شي راح يتسسسهل . .
مسك فونه وطرشلها مسج " يوم بتحسين روحج تقدرين ترمسيني . . دقيلي . .في اي وقت . . راح انتظرج "
ما كمل دقيقه واتصلت فيه . . ورد بلهفه
ناصر : الو ؟
حصيص : . .
ناصر : . .
حصيص : ِشـ الي تبيه . . ليش مطرشلي مسج
ناصر يغمض عينه ويسمع صوتها بهدوء . .
حصيص : ألووو ؟
ناصر : معاج . .
حصيص : شتبي؟
ناصر : بقولج كم كلمه وببند بس . .
حصيص : اسمعك
ناصر : الحياه ما توقف عند نقطه وحده . . وكل شي فالدنيا نصيب
حصيص عاقده حياتها : نعم ؟
ناصر : بس ها الي بغيت اقولج اياه . .
حصيص : . . .
ناصر : تصبحين على خير . .
حصيص : وانت من اهله !!!!
ناصر مبتسم : مع السلامه
وبند . . بند وهو مرتاح . . بند وهو يفكر ف كل حرف من امه . . شجاعه فظيعه يته . . احلام وافكار واهداف . . و فباله شي واحد . . عندي فرصصص وايد . . وانا بعدني صغيير والحياه جدامي . .
.
.
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 307
قديم(ـة) 11-09-2011, 03:38 AM
صورة مـآ يهزنـي ريـح الرمزية
مـآ يهزنـي ريـح مـآ يهزنـي ريـح غير متصل
©؛°¨غرامي متألق ¨°؛©
 
الافتراضي رد: وطت رجلي علي دربه و لا أدري وش نوي فيني / بقلمي


.
.
.
البارت الـ 113


سيف بغيض خفيف : وييييييييييييين كنتي ؟
مهره تبلع ريجها : رحت . . .. ( يقاطعها )
سيف يقاطعها : ما قلتلج لا تتتتتتتتتحركين من مكااااااااانج !!!!!!!!!
مهره : انزيييين رحتتتتت ( يقاطعها )
سيف يمسك ايدها بقوه ويمشيها بيطلعون بيردون الفندق . . كان يمشي ويمشي ويمشي لين ما طلعو من الحرم وخوزت ايدها بقوه . .
مهره : عوووووورتني شوي شوي . .
سيف يصدلها : بعد لج ويه ترمسين !!!
مهره : شفيك انا ماغلطت ف شي . . عطشت وانت تاخرت وايد . . اموت يعني ؟؟ اموت ما اشرب ماي ؟ والمكان جريب يعننننني . .
سيف : تشربين ماي 5 دقااااااايق ؟؟؟؟؟؟؟؟
مهره : ياااااااا الله 5 دقااايق سويت فيها قصصصصصصصه . . ترييييتك انا ربع ساعه ما نطقت . .
سيف : انزين خلاص
مهره : هذا انت ترى . . تعصب علي وتفول وعقب خلاص . .
سيف اتنهد . . وشاف الي هيه بعدها مخلتنها فإيدها . . وربطها فإيده وكمل مششي . .
ما نطقت ولا قالت شي . . تمت تمشي تمشي لين ما وصلو الغرفه . . على طول حاولت اتبطل الشيله من ايدها بس ما قدرت . . رابطنها بقوة . .
انجبرت تمشي بعد وراه وهو فيه ضحكه . . وهيه معصبه . .
سيف يصد وراه يطالعها : ليش تلحقيني ؟
مهره تطالعه بعصبيه : لا تتفلسف وتستهبل . . " رفعت ايدها وانرفعت ايده معاها " بطله . .
سيف : ما بببطله . .
مهره : والله لو ما بطلته بيييييييييب مقصصص بقص الشيله
سيف : يالله قومي قصيه اشوف
تحركت مهره شوي عسبت تسير تيب مقص من شنطتها لكن سيف رد ايده ورى فانجبرت ترد ودق ظهرها صدره . .
حست بقشعريره فظيعه . . وهو بالمثل . .
سيف يحظنها من ورى ويغمض عينه : وحششششششتيني . .
غمضت عينها بالمثل . . تحس باحساس فظيع . . ماتقدر توصفه . . تحس انها ماتقدر ترمس . . " بلعت ريجها "
سيف : والله العظيم وحشتيني . .
" خلاها تجابله "
سيف يطالع عيونها وهيه تطالعه عين بعين : وحشتني هالنظرة . . " يمسك خدها " هالخ ـد . . هالدفا . . وحشني كل شي الله . . ماتتصورين شكثر تعبت فغيابج . . شكثر عانيييييييت . .
مهره : علشان جي ما سألت عني ولا مره . .
سيف : يئست منج مهره يئست .. راسج يابس " يدق راسها بصبعه " عنيده . . تكابرين وايد . .
مهره تطالعه : كنت ابي اشوف غلاتي . .
سيف : . . .
مهره : كنت ابي اشوفك لين متى بتحارب علشان اتردني . . بس انت ما حاولت
سيف : حاااااااااولت
مهره : حاولت ؟ حمد وناصر يابوني عندك الشقه مش انت . . وين محاولتك ؟ كل شي حمد وناصر كانو يسووووونه . . انت ما سويت شي
سيف : كاني الحين اتحرررركت ويبتج اهني . .
مهره : مششش انت . .
سيف : صح . . فكرة حمد . . لكن طبقتها انا . .
مهره تنزل راسها : فكرة حمد . .
سيف يرفع راسها : انا ماعرف شسوي . . ماعرف اتصرف . . ماعرف كيف اراضي . .
مهره ما ردت عليه . .
سيف يحظنها بقوه : الحين . . ما راح اسمحلج تبتعدين عني . . والله ما راح اسمحلج . .



يا ترى تشتاق لي وانت بعيد ؟
تبي قربي مثل اتمنى لقاك ؟
يا ترى حبك مثل حبي يزيد ؟
يا ترى تحتاجني دايم معاك ؟



سيف يمسح ع شعرها ويبتسم : اشتقتيلي ؟
مهره ترد له الابتسامه : هيه . .
سيف : شكثثر . .
مهره : قد ما ودي اضربك . .
سيف فاج عينه : تضربيني
مهره تطالعه . .
سيف يييلس ع السرير وتتحرك معاه عشان ربطة الايد . .
سيف : يالله اضربيني . .
مهره تبتسم : اول بطل هالشششيّ . .
سيف : عشان تشردين ؟
مهره : عشان اقدر اضربك
سيف : اضربيني بإيييد وحده
مهره عاقده حياتها : ما ينفع . .
سيف : ما ببطله . . اشك فيج !
مهره : وين بروح يعني . . ماشيي الا غرفه وصاله . . ما بروح بعيد حتى لو شردت
سيف : ادري . . بس بعد مافيني حيل الاحقج . .
مهره : لا والله !
سيف : شفتي . . يعني بتشردين
مهره : قتللك ما بششششششرد . . يالله بطله . .
سيف بتردد بطلاه بس مسك ايدها الثانية . .
مهره : هههههه شفيك والله ما بشرد ! حلفت
سيف مبتسم : ما اباج حتى تروحين بعيد . . مابي افقدج . .
مهره : قول ما تبي تنضرب
سيف مسك ايدها : اتريي قبل لا تضربيني . .
مهره تطالعه . .
سيف : وين المقص ؟
مهره تأشر له ع شنطتها . .
سيف راح : اتريييني . .
ياب المقص وردالها مره ثانيه
سيف : صدي اشوف . .
مهره صدت عسبت يقص شوي من شعرها . .
سيف متوهق مايعرف كيف . . تم كل شوي يشل شعر ويرد ينزله . .
مهره : شفيييييييك . . يلااااا
سيف ياب المشط وخلاه يستوي سيدا وقصص منه وشهق
مهره تصد تطالعه وفجت عينها : خيبه
سيف يطالع انه قص وايد . .
مهره : حرام عليك بروحي مستانسه اقول شعري رد يطول . . رديت بترته لي مره ثانيه
سيف يبتسم : اقص عليج بعدني ما قصيت يا هبلا . . انا ماسك شعرج
مهره بدت تعصب : خلصصصصني
سيف : انزين انزين . .
رد مسك المقص ويحس انه توهق . .
مهره : هااااات بقص روحي
سيف : لا والله خلاصصً!!!!!!!! " ياخذ شهيييييييق " بسم الله . . " وقص شوي منه "
مهره : ما بغيت . .
سيف يبتسم : تمت المهمة بنجاح . .
مهره تبتسم اكثر . .
سيف : الله يتقبل مني ومنج ياااارب . .
مهره : امين ان شاء الله . .
سيف : ترى ما نسيت . . كنتي بتضربيني صح " يبتسم " شفتي كيف انا طيب . .
مهره عقدت حياتها : وايد طيب بعد . .
سيف يغمض عينه وهو مستانس . . يحس انها بتحظنه . . بتبوسه .. لكنها ما بتضربه !
ووووووووووووووووووووو فجججججججججججججججججججججأه ّ!
وانهللللللت عليه بالضررررررب . . شوي ويهه وشوي جسمه . . شوي تمشششع شعرره وشوي تقرص إذنه . . شووووي تصصفعه . . شوي تعضضض جتفه . . ما رحممممممته . .
وسيف !!! مثل المنصعق . . ما توقع انها تضربه صدق ! توقع انها بس جي تقول . . لكن هلكتتتتتتتتتته . . ومن عقب ما تعبت . . طاحت ع السرير على طول . .
مهره : آآآآآآآه . . الحين ارتحت . .
سيف بعده مذهول . . : يالهرمه يلي ما تستحين ولا تخيلين " قام بيسير عندها وتفاجأ يوم شافها غمضت "
سيف شوي شوي قرب منها . . بغى يسمع نصخها ويطمن ! ويوم تأكد وسمع نصخها ارتاح . .
سيف بصوت واطي : ياعمري . . تعبانه وايد . . " ابتسم " فديت روحها انا . .
رفعها بشويش صوب المخده ولحفها . . وعقبها راح حذالها وسحبها لصدره بشويششش . . قعد يلعب بشعرها بحنان . . تنزل دمعه دمعه وتبلل ويهها من غير ما يحسس . . لين ما غمض عينه ونام . .



ضمني في وسط حضنك خلني أبكي وانام
ضايقٍ صدري وقلبي فيه جرح موجعه~


ضمني في وسط حضنك يامبادلني الغرام
ولاتحرك وخل خلك نايمٍ لاتفزعه~


وحط يدك فوق خدي بخفها ريشة حمام
وامسح اي دمع ينزل من عيوني تدمعه~


وأعذرني لو كثر دمعي وبللت اللثام
وأعذرني لو شهقت وصوتي امك تسمعه..~


وأعذرني لو تلعثمت وعجزت أجمع كلام
من كلام الحب واللي هو لقلبك مطمعه~


وأتركني يابعد عمري على صدرك بنام
ضايقٍ صدري وقلبي فيه جرحٍ موجعه ~

.
.
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 308
قديم(ـة) 11-09-2011, 02:21 PM
صورة نؤؤف حسين الرمزية
نؤؤف حسين نؤؤف حسين غير متصل
©؛°¨غرامي مشارك¨°؛©
 
الافتراضي رد: وطت رجلي علي دربه و لا أدري وش نوي فيني / بقلمي


واااااااااااااااااااو
مره روعه كملييييييييييييييييييييييييييييييييييييييييييييييي يييييييييييييييييييي
وااي يالبى سيوووووووووووووووووف


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 309
قديم(ـة) 12-09-2011, 01:24 AM
غااده غااده غير متصل
©؛°¨غرامي جديد¨°؛©
 
الافتراضي رد: وطت رجلي علي دربه و لا أدري وش نوي فيني / بقلمي


ننتظر التكمله على احر من الجمر

القصه خيااااااااااااااااااااااااااااااااال


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 310
قديم(ـة) 12-09-2011, 05:34 AM
Amoon-X Amoon-X غير متصل
©؛°¨غرامي جديد¨°؛©
 
الافتراضي رد: وطت رجلي علي دربه و لا أدري وش نوي فيني / بقلمي


آلبييييييه
آخيييراا مهووور الدووبة رضضت وسآمحتته
وسيفووه يستآهلل بعد ، لو انا منهاا جان نآقززت ع بطنه خخخ <شرييييرة لآه
وشسمه بعآد ، الله يعوضهم ببيبي ، ويرزقهم الذرية الصآلححه ، آن شاءءلله
\
/
\ والشسممه بعآاد روووعه ‘


الرد باقتباس
إضافة رد
الإشارات المرجعية

وطت رجلي علي دربه و لا أدري وش نوي فيني / للكاتبة : ضحية حبيبي , كاملة

الوسوم
آلله , آإدريّ , لهجه اماراتيه صعبه , حرته , رجليّ , علىً , فيني , نوني , وطتّ , كلامها مو مفهوم
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
صحيتي بداخلي توك و كنتي نايمة بروحي / بقلمي ، كاملة غرامي الدلوعه روايات كامله - يتم نقل الرواية هنا بعد اكتمالها 883 15-04-2014 01:47 PM
رواية أموت أنا في حبهم / كاملة بنت أبو ظبي روايات كامله - يتم نقل الرواية هنا بعد اكتمالها 45 07-07-2012 11:52 AM
رواية متلثمة بشماغك حبيبي / الكاتبة : ملح الحياة ، كاملة ليمونة الحلوة روايات كامله - يتم نقل الرواية هنا بعد اكتمالها 391 26-06-2011 12:28 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM

الساعة الآن +3: 05:22 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم