خــــ ـ ـ ــ ـ ـ ـ ـ ـ ـ ـ ـ ـواطر ..... و هلوسة جنـــونــي ....!!!

[][محمد الشمري][]

انا طالب جــامعي


بس ليت حظي






...// جـــا...معي //...




رايح









ايه رايح



لاعاد تنشدني .. : على وين رايح !؟

ــ رايح أسابق خطوتي ... وانطح الريح !


وإن شفتني .. عند الهواجيس طايح !

ــ إتطيح .. من عيني .. اذا جنبي اتطيح !





رايح و أنا ....


تدري ..؟


بلاش الفضايح



يكفيك منــّـي ومضة الحرف تلميــح


....


حزين ! واشبه دموع اليُتم لاهلّت !

........ وحيد واهرب من احزاني / على احزاني !

والغيمة اللي مطرها حب ّ .. مابلّت !

........ قلب ٍ تركني وحيييييييييد .. ومابعد جاني

قولوا لها .. يوم راحت بس .. وش خلّت !

........ إلا ّ أنا ! " بس ادورني ..... ولا القاني " !!



قولوا لها ..
بس !
يكفي بُعد !
ماملّت !!
....
خطير أبكّي ..
على هالحال
جدراني !!!!!
..........

على همسات حزني .. والنوايا ..
..... وغيم ٍ من ورى عيني ... أخيلة ..!
شربتك يالصبر هم ..ْ وخطايا ...
..... وخذيتك يالتعب " سكة طويلة " !
.................
...........................
..............
...........................
إلا من قلت ( طعناتك هدايا
..... واحبك حيل ) قلتي لي : قليلة !
قليلة ! ( زين ماشفتي الحنايا
...... وجرحي كيف خفّاقي .. يسيله) !؟
..............
.........................
.............
.........................
يقول القلب : وش حال المرايا !؟
....... إلا من بعثرت ... هاك الجديلة !؟
تقول الروح : وش حال الزوايا !؟
....... إلا من أخّرت بالعمر .... ليلة !؟
..............
.........................
............
.......................
عطيتك وانتظر منك (عطا) (يا) :
........ أبسكت ! ماني قايلك ... بخيلة !
.....


ياصباح اعيونها اللي يحتريني ..
..... قبل هذا اليوم ... قلّي وين كانت !؟

طفلة ٍ آشوفها.... بيني وبيني !
..... وين مالدّيت .. بالأنظار .... بانت

طفلة ٍ ترحل معي وتحل .. فيني
..... في سبيل الحب ما لحظه .. توانت !

جيتها ماشوفها ! من دمع عيني !
..... أشتكي دنيا قست مايوم ... لانت !

قلت مدري وش أبي ! لكن عطيني !
..... وامسحت دمعي وقالت : أص هانت !

جيتها ترجف من اللهفة يديني
..... ورحت ولسان الخفوق يقول زانت !

علمتني بالغياب .. انشد حنيني !
..... واذكر إنه قالي : كانت .. وكانت !

طفلة ٍ أشوفها .. بيني .. وبيني !
..... وين مالدّيت بالأنظار ..... بانت !!


..........

ياغياب اشواقنا .. خل ْ الحنين ..
........... يمكن بـ لحظة يرجع لي .. الحياة !

أفتح زرار الأمل ... للمُتعبين ..
........... ون ّ .. لقلوب ٍ تغنّت ... مرهفات !!

وين ابهرب بس ياملح السنين !؟
........... والتعب منّي أنا ..." حذفة حصاة " !



............
السنين / الزرع ... والموت/ الحصاد ..
والوجيه اشباه ! .. ماتشبه وجيه !

من بلاد التيه ..... ياتيه الـبلاد !
مات شاعر ! ( رحمة المولى عليه ) !

مانقص مثقال ذره ! ........ إلا ّ زاد !
هالحنين .. اللي يسولفني حكيه !

ماهمى حظي على ترابي ! .. وجاد
ولانمى صبري على مابي.. ياهيه !

شوفني لاحلم بيدي ... ! .. لاعتاد !
بس عندي قلب ! ياخي ! ماأبيه !

شاعرك يدري .. وتدري ! .. للنفاد
يحتري .. موته / وقلبك .. يحتريه !

أطلق عيونه على طرد ! ... الرقاد !
وانكفت هي هي : تاكل مقلتيه !

فوق كل هذا ! أمانه ! .. شـاستفاد !
غير طعنات ٍ من ايدينه.... تجيه !

بس تبي تشوفه إذا ربّك ...... أراد !
شاعر ٍ ... تتوسد الغيمة .. يديه !!

والسواد إن حل .. قله : .. ياسواد !
هذي طعناته على ماهي .. عليه
.............


أنا للحين يلعبّي الحنين / وغيبتك / والهم !
................ وابد .. كل الجروح اللي على خبرك .... على خبرك !!



................


متى أحس ... بلذة أفراح الاعياد ..!؟
..... متى أحس بطعم .... تمري .... وتوتي !!؟
أيا خوي الدرب والملح .. والزاد
..... الناس تسمع ! وإلا انا مات ..... صوتي !؟
به ناس تنطر في فرح " عيد ميلاد " !
....... وانا انتظر في صمت " ميلاد موتي " !!



!!!!!!!!!!!!!!




يا انتظار !
أنتـ ...... ضار !!


شي غريب !
كيف أنا احس بـ حضوري .. !
وانت عن عيني ..
تغيب !!؟
................



لاتغيب شوي ! ياعمري أخـاف
.... ينتهي بي الحزن داخل مسرحه !
والصباح يموت من هذا الجفاف
.... وانت ماتلقى حبيب ٍ .. تجرحه !!


.........


وارتبك ! والعالم الله .. مايطيح !
غير طفل ٍ ..
داخل ضلوعي يصيح !
خوذي يده ..!
يمكن عيونه ... تنام !
يمكن عيوني .. تنام ! و يمكن أقدر .. أستريح



..

لاتنام !
قاعد اجمع لك وسط صدري حمام !
..........

والطريق ..
كم بكاني يوم .. جافاني الرفيق .!
كم ندهني يوم ..
بعيوني تضيق :
كل هالدنيا .. الوسيعه !
وعمري الذابل .. ربيعه ..
وصدر من قالوا : ( صديق ) !
والرحيل ..
كم يلوّح لي ورى .. الهم ْ الثقيل !
كم صرخ لي " ليلك الليلة .. طويل " !
والشقا .. درب ومسافة !
و( المسا ) .. مخلوق ( آفه ) !
وصبري الباقي .. قليل !
والغياب ..
كم أهه ... داخل ضلوعي .. أذاب !؟
كم جرح ٍ .. ماسلم منّه ..
وطاب ..!؟
كم يعلمني .. أحن ّ !
واطلق آهاتي .. واون ّ !
واكتب .. بدمعي .. الـ عذاب !!



....


بس عشانك قمت أستطعم ... جراحي !
وجاي تبغاني .. أسيبك ...؟؟؟


















منت صاحي ...!






.............




للجنون بقيـــــّـه

[مروان]

محمد الشمري
خواطر وهلوسة جنوني

بوح ثم تالق مع خواطر
وبعض من جنون
شاكرين لك حرفك الساحر
وسنكون حيث الجنون يكون


كل الود
وباقة ورد

مشرف عذب الكلام

مروان

رجل المطر

[MoOoN...7]

جنون له تأثير على القلوب
يسلمووو
لا تحرمنا من جديدك

[][محمد الشمري][]

هلا مروان



وتسلم يالغالي




تشرفت بمرورك الراقي



ولك من اعماقي



تحياتي و اشواقي

[][محمد الشمري][]

هلا بك يا مون













تسلمين



وتسلم يمينك لا هنتي


ومشكوره يابعد راااسي










تحياتي