رواية كنت بربيك بس بدون مدري حبيتك يا مجنونة / بقلمي , كاملة

احساس طفولي · 07-07-2011, 04:48 AM

الحمد الله ع السلامة خيتو حلو البارت تكفين بلييييز نززلي بارت الحين

انوثة زاحفه · 07-07-2011, 04:49 AM

البارت الثالث عشر

بديت تحب بديت تغار بدى قلبك يعيش في نار بديت تسهر عيونك عسى الله يكون في عونك
أشوفك لاهي وحاير وقلبك يكسر الخاطر تحب ومنخطف لونك عسى الله يكون في عونك
جالك من هو يبكيك يشغل قلبك ويشكيك شغلك وصار مظنونك عسى الله يكون في عونك
تفكر منشغل بالك ولا يسر العدو حالك غلاك محير ظنونك عسى الله يكون في عونك
بديت تحب بديت تغار بدى قلبك يعيش في نار بديت تسهر عيونك عسى الله يكون في عونك

محمد : انا عرفت مين وليد
رائد بحماس : بسرعه قلي قل شي ويالتفصيل
محمد : طيب ياطويل العمر وليد هذا يصير ولد خالتها اللي توفى قبل خمس سنين تقريبا يوم كان عمرها 13 وهو عمره 16
رائد متوتر : وطيب وش السالفه اخلص قلي
محمد : طيب انت هدي شوي عشان اعرف اتكلم
رائد يحاول يهدي شوي :طيب اسمعك
محمد : وليد هذا كان معها من هم صغار وما يفارقها ابدا
وبما ان ابوها ما يدري عنها وامها متوفيه كان هو بالنسبه لها الام والابو مات بحادث سياره اول يوم بالعيد
رائد منصدم : طيب كمل
محمد : بس هذا اللي قدرت احصله
رائد منقهر ما يدري ليه : طيب يله انا بروح
محمد تنهد : رائد طلقها وريح نفسك ليه تدور العنا دواره
رائد عصب : محمد طلاق لا تجيب لي سيرته تفهم
محمد : طيب طيب خلاص يله مع السلامه
رائد : مع السلامه

سكر منه وراح يتمشى الين وصل الفندق الساعه 4ونص العصر
كان متوجه للفندق وشي خلاه يرفع عيونه فوق وشافها شافها واقفه على البلكونه تناظر بسرحان ماكانت لم احد كانت تفكر
وقف يطالعها وهو يتذكر كلامها لاتين :محد مثله هو غير غير عنكم كلكم اكرهكم انا احبه هو بس وليد بس
رائد بقهر بينه وبين نفسه : ااخ بس لو وليد عايش لا احرقه احراق اكيد هي تفكر فيه الحين بس انا وياها والزمن طويل

عند لاتين

كان تفكر برائد وليه يسوي كذا يعني مرات يشد معها ومرات يرخي
وتصرفه من شوي يوم ضمها كانت تفكر: معقوله يغرا من وليد لالا ما اتوقع اصلن هو يكرهني ايه طيب يمكن لالا ما اتوقع
قطع عليها تفكيرها
...: اللي يشوفك سرحانه كذا يقول عيالك ماعندهم عشى
اللتفت عليه ببرود : انت جيت \
رائد يستهبل : لا رحت هاهاها
ضحكة بخفيف : ههههه بزر والله بزر
رائد اول مره يشوفها تضحك كان منصدم : ا ا انتي انتي ابتسمتي
لاتين مستغربه : وطيب وش فيها
رائد : لا لا ولاشي
لاتين رجعت تناظر الناس
رائد ناظرها مستغرب :انتي كيف لابسه كذا والجو بارد
لاتين تذكرت وناظرته بطرف عين : انت ما قلتلي وين بنروح اصلن عشان اعرف الجو عندهم كيف
رائد : طيب تجهزي بسرعه
لاتين مسترغبه : ليه
رائد : بس كذا وصح اللبسي عبايه وتحجبي
لاتين رافعه حاجب ومنزله الثاني : نعم
رائد : اللي سمعتيه يعني اذا سافرتي برا تفصخين العبايه وبالسعوديه تلبسينها يعني الله بالسعوديه وموب هنا
لاتين بملل : طيب خلاص
طلع رائد ولحقته لاتين بعد ما لبست عبايتها

بما انهم ساكنين بفندق قريب شوي من شارع الشانزليزيه فراحوا له منه يتمشون ومنه يشترون لاتين راحت لم باريس مره وحده يوم كانت مع وليد
لان ابوها اكيد ماراح ياخذها
كانوا يمشون واللتفتت لاتين على زوجين ما سكين يدينهم ويضحكون ابتسمت بخفيف
لاحظها رائد ومسك يديها بس هي كعادتها تحب تخرب على نفسها
لاتين ببرود: ترا هم غير وحنا غير اكيد زوجته تبيه بس انا مابيك
رائد اللي عرف انها ماتبي احد يمسكها حب يعاند وشد على مسكته ليدها
لاتين : فك يدي
رائد ببرود : لا
لاتين رجعت تناظر الناس وبنفس الوقت شدة على يد رائد وكانها تقول لا تتركني
ناظرها رائد مستغرب منها قمة التناقض هالانسانه
دخلوا محل فخم للزياء
كانوا يتمشون شاف رائد لبس عجبه وتخيل شكله على لاتين عجبه زياده

اللبس كان كذا

رائد : لاتين تعالي قيسي هذا
لاتين ببرود : بس انا مابيه
رائد بعناد : بس انا ابيه
لاتين :اجل اللبسه انت
رائد مسك يدها وضغطها بقوه : روحي قيسيه دامني مروق اليوم
لاتين اخذت اللبس منه وراحت تقيسه طلع مقاسه واخذوه مع مجموعه كبيره من الازياء
واشترت فستان لم حفلة ام رائد
اخذوا ليموزين وانطلقوا لم بحيرة انسى الشهيره بتواجد السياح هناك مع ان افضل وقت للروحه هناك هو فصل الصيف بس رائد يحب المكان هناك
وصلوا ونزلوا ومشوا لحد البحيره كان المنظر خيالي مرررا
تمشوا هناك
رائد : لاتين هذي زيارتك الاولى صح
هزة لاتين راسها بمعنا لا
رائد مستغرب : يعني هذي الثانيه
هزة راسها بمعنى ايه
رائد :طيب مع مين
لاتين ببابتسامه خفيفه : مع وليد
انصدم رائد بس ماحب يبين انه مهتم :طيب كم كان عمرك
لاتين :تقريبا 12 وليد كان عمره 15
رائد حب يسحبها بالكلام لين يعرف وليد وش بالضبط بالنسبه لها :طيب وليد هذا اخوك ولا وش يقرب لك
لاتين ببرود :وليد اخوي وابوي وامي واختي بعد واخر جمله قالتها بأبتسامه وحبيبي
هنا رائد عجز لا يتحمل سحبها من يدها لحد ما صارت قريبه منه وهو معصب : والله لا اوريك
واخذها وركب ليموزين وطلب انه يوديهم الفندق

بالسعوديه

....: اي حبيبي وانا اشتقتلك اكتر

....: ايمتى راح تيجي والله اشتقتلك
....: اممم ما بعرف
....: نادين افهميني والله بدي شوفك باقرب فرصه
نادين بدلع ماصخ : وانا كمان يا احلى حسام
حسام بطمع : حبيبتي انتي ما قلتيلي كتبتوا البيت باسمك اما لا
نادين بوناسه : اي حبيبي هالعجوز الخرفان صدقني بكلمتين
حسام ضحك بشر : هههههههههههه ما بلومه والله انتي بتسحري الواحد بعيونك سحر
نادين بضحكه مايعه :هههههههههههههههه ولك بحبك
حسام :وانا كمان

بالفندق
دخلوا وسحبها رائد بقوه مع يدها ولفها عليه وعطاها كف
لاتين معصبه : كم مره اقولك يدك لا تمدها علي
رائد مسكها مع شعرها بقوه : والله من قوة العين عندك تكلمين فيه قدامي
لاتين بعصبيه :اتكلم فيه متى مابي وبعدين فكني
رائد وهو راص على اسنانه :انتي المفروض تسكتين وما تكلمين بولا كلمه اللي مثلي كان المفروض دافنك من زمان
لاتين دفته بقوه :بعد عني
وراحت دخلت الغرفه وصكت الباب
اما رائد كان منقهر وقال بصوت عالي : تدرين شلون انتي وحده موب وجه سفر تجهزي بروح اتدور لنا اقرب رحله
وطلع وخلاها
اما لاتين كانت منقهره منه وبنفس الوقت مستغربه من تصرفاته مره يشد معها ومرا يرخي
تنهدت بقوه :اوووف ياربي متى برتاح
وراحت تتسبح

اما عند رائد كان يكلم امه
رائد: هلا والله بالغاليه
ام رائد : هلا هلا بوليدي
رائد: يمه ترا بكرا طيارتنا قررنا نرجع عندي شغل مهم
ام رائد :ليه ياولدي الشغل موب اهم من زوجتك
رائد :اصلن زوجتي بعد تبي ترجع
ام رائد : كيفك ياولدي ولو اني منيب مرتاحه بس يالله
رائد :اوك يمه رتبوا جناحنا خلاص
ام رائد : ابشر ياولدي بس متى موعد طيارتكم
رائد :بكرا الساعه 11 الصبح
ام رائد :توصلون بالسلامه
رائد : الله يسلمك

سكر منها وراح يتمشى ويريح اعصابه شوي

انتهى البارت
معليش بنات بس هذا تقسيمي للروايه

انتظروني بالبارت الثاني

آحآإسييس محتآإرةه · 07-07-2011, 05:03 AM

يسلمووو انوثه
تصدقين هذا اول بارت اوصل لنهايته وما انقهر لانه انتهى على موقف حماسي
في انتظارك يالغلا

انوثة زاحفه · 07-07-2011, 05:16 AM

هههههههههههههه ايه انا تعمدت اخيه موقف عادي مو حماسي

عبق اللرياحين · 07-07-2011, 05:17 AM

صبااااااااح الخير

تسلمين انوثه على البارت

رائد ماله حق انه يغار او يعاتب لاتين
على حبها لوليد لانه مايدري عن حياتها شيء
وهذا ه جالس بس يكفخ فيها على كيفه

مرت ابوها حقيييييييره مررررره الله ياخذهااااااا بس يستاهل
ابو لاتين بسبب تعامله الجاف مع لاتين

مشكوره انوثه ماقصرتي

انوثة زاحفه · 07-07-2011, 05:37 AM

العفو يالغلا \\
نورتي ووجودك اسعدني

Ruolo · 07-07-2011, 06:03 AM

اقتباس:

المشاركة الأساسية كتبها ruolo

يعطيك الف عافيه وااااصلي يالغلاااا..
روايتك ابداع بس يارب تكملينها كلها مو مثل بعض الروايات..
ياليت تعطيني خبر اذا عندك استعداد تكملينها ولا لا..اذا تحسين نفسك..ما تقدرين تكملينها. كلها..و في وقتهاا...بدوون تأخيير..رجاااا قولي لي...

اعذريني والله لي 5اشهر كل ما قريت روايه الكاتبه تقوول خلاص ما رااح اكملهااا...وتقفل الروايه...جتني حاله نفسيه ..من الوضع هذا..

تقدرين ولا لا..