اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 71
قديم(ـة) 14-02-2012, 07:23 AM
غيآبك ذبحني غيآبك ذبحني غير متصل
©؛°¨غرامي فعال ¨°؛©
 
الافتراضي رد: ياما نهيت القلب / الكاتبة : أم وسن


روايه روعه ..

ريم ماأعتقد بتتقبله لان من أصله ماتحبه ..

تررف الله يعينهآ علي طارق ..

نجوود المتظرره من المشاكل ..

غنادر أن شاء الله تمتلك قلب عبد العزيز ..

ديمه هههههه الله يثبت لهآ عقلهآ ورياض هوآ الانسب لهآ ..

عوآفيي ي حلوه ..



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 72
قديم(ـة) 15-02-2012, 10:21 AM
غزل2000 غزل2000 متصل الآن
©؛°¨غرامي جديد¨°؛©
 
الافتراضي رد: ياما نهيت القلب / الكاتبة : أم وسن


اهلين بغاليتنا ام وسن والله مقدرين ظروفك بس انتي السبب في رواياتك المبدعه تخلينا مانصبر نبيكي تنزلين بارت زرا بارت

يعطيكي العافيه حبيبتنا الحياة كذا على تعبك معانا ونقلك للبارت

الله يهدي ترف مالقت الا فياض تتصل عليه وبعد طارق ماعنده اسلوب يفهم ترف

اكثر ماحزنت على ساره حتى بعد مااتصلت على ريم وخبرتها ريم انها ماتبي سلمان بس الله يجبر قلبها

ضحكت كثير هلى هيا وظافر تبي تتغنج عليه حذفها بالفنجان وقال لها لاتتدخلي بشيء ما يعنيكي

بس اشوى انها اخذت البشاره ولا كان افلست
ديومه ياحبي لها ولرجتها بليز ام وسن زوجيها رياض وخليها تهبل فيه

غنادر يالبيه انتي وعزوز ربي يسعدكم يارب 0000 بس ابي اعرف ليه عزام يعامل ندي بهاي الطريقه

يسلم لي نبض قلمك وتسلم لنا ايدين ناقلتنا الغاليه



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 73
قديم(ـة) 17-02-2012, 01:49 AM
غزل2000 غزل2000 متصل الآن
©؛°¨غرامي جديد¨°؛©
 
الافتراضي رد: ياما نهيت القلب / الكاتبة : أم وسن


بنات في منتدي ثاني قرائت ان الكاتبه بتنزل البارت الساعه ثلاث الفجر الليله لاتنامون خليكم سهرانين ماادري المعلومه صحيحه ولا بيسكتونا

ايش ورانا نسهر للفجر ونشوف



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 74
قديم(ـة) 17-02-2012, 02:57 AM
صورة االمهره الرمزية
االمهره االمهره غير متصل
©؛°¨غرامي فعال ¨°؛©
 
الافتراضي رد: ياما نهيت القلب / الكاتبة : أم وسن


غزل2000

هههههه صادقة وش ورآآآنا <<<المهم غاليتي بنت اخووي اسمها غزل <<<شيطوونه بالحيييييييييييييل مشاغبة
،،،،،،،،،،،،،،،

في انتظارك يا ام وسن


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 75
قديم(ـة) 17-02-2012, 08:22 AM
صورة الحياة كذا الرمزية
الحياة كذا الحياة كذا غير متصل
©؛°¨غرامي فعال ¨°؛©
 
الافتراضي رد: ياما نهيت القلب / الكاتبة : أم وسن


صباحكم خيــــر :)

هذا إقتباس لأم وسن أمس تعتذر فيه عن التأخير ..

اقتباس:
مرحبااا ياااحباايب ...



ترااي لمكم ماطنشتكم ي الغواالي ..
بس جاا لمناا ضيووف امس واليووم ..
والباارت الليله حسب وعدناا باذن الله ..
بس بيتااخر شووي ...
يمكن على .. 3 او 4 الفجر ..
وان قدرت قبل ابشروو .. فالكم طيب ..
واليووم خميس ابي اسهركم معي شووي 



ودعتكم الله 

.
.

لحظات و أنزل البارت ..



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 76
قديم(ـة) 17-02-2012, 08:25 AM
صورة الحياة كذا الرمزية
الحياة كذا الحياة كذا غير متصل
©؛°¨غرامي فعال ¨°؛©
 
الافتراضي رد: ياما نهيت القلب / الكاتبة : أم وسن


السلاام علييكم ...




الغوااالي اللي علقوو ..
من زاارا ل .. سمررو ل .. فطوومه غيرررر ..
ل.. عدراا ياقلب ،. ل .. لاماراا ..
ل .. jello ل.... زهور الااس ... وكل من رد ببارت ساابق
او لااحق .. ربي يسلم ايااديكم ويحرمهاا عن الناار ...
ويسعدكم مثل اسعدتووني بردودكم ..



.. زارا اشتقت لك والله .. يابطه ..
لاماراا من عيووني ..
شووفي اي يوم يواافق بالهجري وعطيني خبر
اذاا مافاات التااريخ 
هل الكووويت اهلنااا ويستاااهلوون باارت عيديه ليومهم الووطني ...




بالنسبه لديمه .. مثل ماوضحت اختي jello
ربي يسعدهاا ..
ثووب سعوود حااله حاال ثيااب هالشبااب المخصره
وبسن سعود اغلب الشبااب نحفهم شديد
وديمه كبنت .. تسعى للرشااقه لو كاان جسمهاا زين ..


ونظره ريااض لها ..
كنظرة اي رجل لاانثى ..
غالباا يحبوون المربربه 



ف بالمختصرر المفيييد ...
دييمه متوووووسطة الحااال لانحف ولاااسمنه ..
تبي هي الرشااقه اكثرر ..
ورياض يبيهاا تسمن اكثرر ....








[ 21 ]
_____








.
.



[ سلمـــان ]
________


.. سحبت من صدري نفس قبل لا ادخل على ساره ...
.. مااودي اظلمهاا وودي تعتقني لوجه الله ..
.. اعرف قلبي بيجوررر عليهاا لاشاف ريم ...
.. و الجور شييين ...*
ذقت جور مسااعد وجور ريم نفسهاا ...!


.. حاولت اهدي نفسي ...
وابدل نظراتي الشفقاانه على حالهاا
بنظراات قلق عليهاا وحب لهاا ..
بس ياكووووود التمثيييل والتصنع ...
قلقت عليهاا صح ...

بس قلق حب لا والله ..
.. ماقااله قلبي ولاا ظني بيووم بيقووله ...

.. حست بي يون دخلت مع ان شكلهاا نايمه ..
.. شافتني *وصدت ...
حطيت يدي بيدهاا ..
والثاانيه *على جبينها بعد ماحبيته *وانا اقول ...
/ اجر وعاافيه ياساره ...
الدكتور *يقوول لي بسيطه ..
بس انخفااض ضغط ودووخه من قل الاقل ..
وقل النووم ..!
وكتب لتس خرووج اذا خلص المغذي ...


ردت ببحه ...
/ اناا داايخه بناام ..
.. خل الخروج للعصر والا بعدين ....


قلت وانا اهاديهاا ...
/ مااعليه .. ارتااحي في بيتس وناامي
المستشفى نومهاا عقووبه ..
كل شووي رازعين البااب هالدكاتره والاا الممرضاات والا الزوار *...!

.. انا باخذتس ترتاحين ..
وبخلي العياال عند اختس ..
عشاان مايزعجوونتس ...

ردت وعيونهاا تغورق بالدموع ..
/ متى بتعرررس !!!!!


قلت وانا اتنهد ...
/ ماهوووب وقته يا سااره ...
لا تكدرين علي وعليتس ....


تفاجأت يووم شفتهاا تشااهق ومنهاره
كن الخبر جايهاا اليووم ..!!
/ حراااااااام عليييييك حرااام عذبتني معك
حراام تخليني امووت مية مرره باليووم
اعرس وخلصني ...
ادري ووش انا عليه ولاا اتعذب بالهوااجيس
والشكووك والظنوون ...
كلهااا بتذبحني ...
عيني مااتغفي من الهم والهوجااس بسبتك انت ..
ارحمني تكفى ارحمنـــــي ....


.. ضميتهاا لصدري .. ومنعتهاا تكمل انهياارها ..
.. همست باذنهاا ..
/ سااااااااره والله ماا اضيمتس بقول والاا فعل وانتي على ذمتي ...
بس القلب .. لاتشرهييين علييه ..
ماهووب ملك يميني ...والا كاان اهديه لتس بلااتردد ..
انتي اللي تستااهلينه ..!


حسيتهاا بدت تهدي
وهي تبكي بصمت ...
غمضتني جروحهاا مني ودمعهاا اللي من سبايبي ..،
قلت واناا ابعدهاا عن صدري ويديني بيديهاا
وبصووت مهزوز مادري سمعته والا بيتهياا لهاا ....
نكست رااسي وانا اقولهاا ....


/ تبيني اطلق ريم يا سااره ....!

.. شتت نظرااتي حواليهاا ،..
مادري لو قاالت ايه وش بسووي ...
ان حكينااا بكينااا وان سكتناا قهررر ....



.. ماعااد سمعت لبكاهاا صووت ...
غمضت عيوووني بألم وانا اسمعهاا تقوول ...

/ ولو اقووولك طلقهاا ياسلماان ...
.. بتطلقهاا عشاااني ...


.. لفت بي الدنيااا ...
ورجفت يديني اللي ضامه يدينهاا بدون وعيي ...
.. مااقدرت اجاااوب ...
لااااني عااااااجز .....!
عاجز عن القوول *... وعااجز عن الفعل ...


.. هزتني اكثر وبقووه اكبر كنهاا تتحدااني ..
وعاادت سوألهاا ....
/ و بتطلقهااااااا اذاا قلت لك طلقهااا ...!
جااااوب علي .،.!


.. ترجح كفتهااا .. وسهر عيوونك سنين ..
*.. والاا ترجح كفتي انا وعياالك وعشرة عمر ...

**
.. جاوبتهااا بضعف ...
واناا اجااهد قلبي وعقلي ...
كلن يبي يكوون هو اللي له الامر والطااعه ...
/ انتي المبداااه ياسااره ..
انتي ام عياالي ورااعية الااوله معي والتاليه ...
*الله صبرني عنهاا كل ذا السنين ..
يصبرني بااقي العمر ..



ردت بتحدي ...
/ حط عينك في عيني ياسلماان*
وقلهاا قل *بطلقهااا عشااانتس ....



.. يا الله عجــــــزت لااا اسويهاا ...
كل ماجيت برفع طرفي سجد ...!
وكنه استمرى الذل لاسمع طرياهاا ...
*
*

.. ردت بوجع ...
/ ااااااه ياسلماااان ...
ارفع رااسك وتمم عرسك ...
ع الاقل اشوف روحك يوم ردت لجسدك ..
واحس لو يوم انك معي حي ماهوب ميت ..!
*


حبيت راسهاا بخجل ..
وقلت وانا اتهرب من نظراتها ..
بعد مالقت لي مخرج من همي ..
/ انا بروح اوقع اوراق خروجتس ..
وانتي تجهزي والبسي عبااتس ...!







[ ريــــم ]
______


.. كلااام سااره عور قلبي ...
انا والله ماحلمت بسلماان ولاا بغيته من بد اللي خطبووني ...


... ماهووب نقصٍ فيه ...
لكن عشان القرابه اللي بيني وبين مرته من جهه ..
ومن جهه عشانه كان صديق لمسااعد ...
.. لكن فياااض ماخلاا لي خيار والاا راي ..
.. ولاا حط اي اعتباار لصلة الرحم
اللي بيني وبين سااره ....


مهماا كاان وضعي ...
مااايحق له يفجع بنت عمتي في زوجهاا
وابو عياالهاا ...


.. *كلمته ولاا رد ..
.. ارسلت له ولاا اتصل ...
قفلت جواالي بعد ماوصلت له قرااري ونمت ...
.. الزوااج هذاا ما بلعته ...
.. ومادمنا ع البر فالافضل نطلع منه باقل الخسااير ...
بلاا ما نفترق وبيناا دستة عياال يتشحططوون بيني وبينه ..
والاا تولااهم مرت ابوهم ....
تذكرت عياالي وفراقهم عن ابوهم وغصتني العبرره ...
.. ليت فيه السمحه والعوجاا عشان اكاافح واقعد معه ...

*
... لكن مسااعد *دربه كله *عووج ..
.. لا يقدر ولاايثمر فيه معروف ...!


.. مااصدق اني نمت من الظهر لين 3 العصر ! ..
.. فزيت .. اكييد امي بالمطبخ لحالهاا ...!
اليووم عشا خوااتي ولاعندهاا احد يساعدهاا الا هالشغاله الباارده ...


.. حمدت ربي ان العياال راحو البارح مع ابوهم ..
عشاان مايشغلووني عني امي والعشاا ...


.. نزلت للمطبخ شفت ديمه تصفف الفناجيل
بصينية القهووه ...
وتسوولف على امي ...
وامي تضحك على خبالهاا و تغسل الجريش ...


.، تمغطت ..
وانا احس اني مكسسسله وجسمي داايخ يبي النووم ...
خذت تمره من اللي ترتبه ديووم في صحون التمر ...
وسالتهاا ...
/ من هي له هالقهووه ..!
شكلهاا محشوومه ..!


تنحنحت *..
/ آحم لاتكووووون لي والاا ... وبغمزه ..
تكون لريااض بس ... !


ديمه / لاا تهبين انتي واخوتس ..
*هذي احم احم ...
لمزيوون من السلمااان ...
... ياحسررتي ..
بيااخذ فقمه من الفياااض ..


دفيتهاا بكتفي بقووه ...
/ فقمه بعيييينتس من نحفتس عاد ..
يقاالي مربربه شووي*
بس ماهووب دبه !!


.. ردت بتطنيش ..
/ اهاااااا
ياااحليلتس ترفعيييين لعمررتس ...
اجل مربربه ماهووب دبه ..،


.. ما امداهاا تكمل مسبه الاا وريااض مدرعم
بلاا احم ولاا دستورر ..
تخبت ورااي ..
ودفيته ابي اطلعه من المطبخ ..
/ ريااااض خييير اطلع ديمه ورااي*
ومره ثاانيه تنحنح قبل تدخل ...


.. رد بوقااحه وعيوونه تلفت تدورهاا
/ وينهااااااا
ما شفت اااااحد !!!



.. صدق قلة ادب ..*
ماهووب صاااحي ..؟

صرخت فيه من وراي وفضحت عمرهاا ..
ديمه */ ارررررجع وراااك
ماتسمع انت !!!!*

**
.. طل عليهاا من ورااي ..
وهو يضحك ويحاكيهاا بميااانه ...
/ انتي هنااااا !!!
ماشفتس !!



.. خيييير ياااعم ..
.. ساافطني ع جنب ..
ومااخذ رااحته الاخ ع الااخر بالسواالف والمياانه ..
.. الصرااحه انحررجت منه مررره ..
.. ماادري وووش فيه اليووم *..!


.. دخلت امي ورااه وهو انلفع وجهه
يوم قالت له امي وش تبي !
ريااض وهو يعطي ظهره لنا ويطلع ..
وبعصبيه يبي يشغل امي عن سوايااه لا تنتبه ..
/ عجلوووووو عليناااا ...
ساااعه والقهووه ماجهزت ..


.. امي ناظرته وهي سااكته ..
.. ثم نطقت بصوت ثقيل ..
*/ رح ورااك والقهووه بتجيك ..


.. التفت وخز بجرأه ...
وديمه انسحبت من وراي تذرى بالباب ..
ورد على امي ...
/ يمه عبوودي بالصااله لحاله يلعب ...
انتبهوو له .... لايغثه احد مثل كل مره ...


.. وصوت لي الحقه ..
.. دخلت بالمقلط مقهوره منه ..*
.. قلت وانا ارفع صووتي ..
/ ريااض تراك زودتهاا مع ديمـ.......!!


.. كني لمحت بيااض ثوب وحمرة شمااغ !
التفت وبهت من ذااا !!!
لفيت بقووووه ابي انحااش ..
واخزيااه من ذا اللي كشرت بوجهه ..!
مسكني ريااض وهو يضحك ..
حاااولت اتفلت منه وانحااش بس هو رفع صووته /

.. هذا سلماان يبي يسلم عليتس ويحاكيتس ..
.. وهو وقف مبتسم ومسكني بيد واشر لرياض يطلع ..
/ مشكور يابو عبدالله ..
نردهاا لك ف الافراح ...


.. طلع واناماشوف شي من اللي حوولي الا بياض في بيااض ..
.. حسيت بالعرق يبلل ظهري ويديني ترشح ..
حاولت اتملص منه واناا كلي ارجف ..
رفع وجهي بين ايديه وخلااني اواجهه ..
.. ياااا الله ...!
.. معقوووله هذاا سلماان ...!
.. مستحيييل .. هذا وااحد عمره بالعشرين*
ماهوب قريب الاربعين ..!


.. حسيت بعيوونه نظره حلووه .
ماادري ووش افسرهاا ..
لكن عمري ماشفت هالنظره لي من احد ..
.. نظره حلوه حنوونه داافيه ...
.. حسستني اني اعرفه من سنين ..
وانه احن علي من امي وابووي ...


.. تعوذت من الشيطان *..
ماغير ابليس يزينه في عيني يبي يقهر ساره فيني ..
.. طلعني من هواجيسي مع عمري لمن قاال ..
/ تسمحين لي اسلم عليتس ..!

.. حينهاا بس ... تذكرت ...
... قميصي القطن ..!
.. وكشتي المعفووسه ..
ووجهي الاشهب .. لو كحل ماحطيت ..
ربي كماا خلقتني ...

انحرجت من شكلي مره ..
.. مهماا كان ماودي اي غريب يشوفني بهالشكل ..
مديت له يد بسلم .. ويدي الثاانيه*
تحااول ترتب شعري ..

.. هز راسه برفض ..
وانحرجت ....
وووجع ورااه مايبي يسلم علي*
وهو اللي .....
.. ماكملت لاااانه ... حظني حيله قووه ..
.. وحط راسه على كتفـــي ..!!


.. بغيييييت اموووت من الخوووف والحياا ...!
.. ووش ذاا ماهووب صاااحي ...!!!
.. لو انه مرااهق ماسوا كذاا ..!


.. تنحنحت بعد ما اوجعني صدق ..
قلت بانزعااج واحراج *..
/ سلماان عيييب وخر عني ...*
*

رد وهو يبعد عني ..
وشكله ارتبك وانحرج .. وهو يواسي عقاله المايل ..

/ ااااسف ريوومه ..
.. مدري ووش جاني يوم شفتس .. * *
*.. ماعليناا تعاالي .. بقولتس شي ...


.. تنهد وهو يجلس ويقعدني جنبه ..
.. واناا بذووب خلااص .. يوم جت عينه بعيني ...

/ ريم ووش هالرساابه اللي جتني منتس ..!
.. زعلتيني والله ..
.. هذي رسااله عروس لرجلهاا ..!!

.. رديت باندفااع ..*
وكني ابرد حرت فيااض فيه ..
وانشغلت عن شكلي ولبسي ..


/ *اسمع ي سلمااان ..
انا اصلاا مالي بالعرس كله ..
*.. لااامنك ولاامن غييرك ..
.. وريااض لوى يدي يوافق عليك ..
حطني في مووقف مافيه خياار ...
يا وااافقي بطيب نفس ..
والا واافقي غصب عنتس ...!


.. وحتى لو بغييت العرس ..
ماا راح اخذ رجل بنت عمتي بقواية وجه ..
ووشلون لو عمتي حيه اواجههاا واقولها
خذت رجل بنتس ..!
.. ثم انت صديق لمسااعد قبل ..
والخوياا نفس اطبااع بعض ..
كلكم من طينه وحـ......


.. ماخلااني اكمل ..
قطعني بعصبيه وهو يحاول يضبطهاا ..

/ ريم .. انا ومسااعد ماهوب سوا
حتى لو كناا خوان ماهوب خوياا وبس ...

اصاابع يدتس ماهيب مثل بعض ..
وانا شي ومساعد شي ثااني ..*


وابيتس تفمهين ان ....
لوهو *علي تساان ودي ان ساره*
من بعيد السعه ولاهيب بنت عمتس ..
لاني ماودي اكون سبب القطااعه بينكم ..


.. بس ربي قدر وكتب ...
وبتردد .........!
.. اصلاا كنت ابيتس ..
قبل سااره وقبل لاياخذتس مسااعد ..


.. بس النصيب حاال بيني وبينتس ..
.. وهذي الايام بقدرة ربي جمعتناا ..
ولا رااح يفرقنااا الاا موتي والا موتس ..
هالشي حطيه في بااالتس ..
وبين عيووونتس ...


.. وفياااض ..*جميله في رقبتي ليووم الدين..
*..*لو يطلب دمي افديه به ...

.. وقف ووقفت معه ببلااهه ..
نااظرني بتأمل ...
وباسني على خدي .. تجمدت كليااا من سوااته ..
.. قال باحرااج ..
ابي اودعتس .. وما احترااني اوافق والا ارفض ..
*.. لااانه ضمني .. وهمس باذني ...
/ حددت زواجناا بعد شهر ... كان ماعندتس مانع ...
والمهر نزلته في حسابتس قبل لا اجي ..
وتركني وطلع ........!







[ نجـــود و فيـــاض ]
_____________



.. ماتركت طارق يناام ليمن فهمني الساالفه ..
.. وقلت له راايي بصرااحه .. ويمكن بوقااحه ..

/ انت وهي غلطااانيين ..
ثم *سوالفكم التاافهه ذي حلوهاا بينكم اوول
وتناقشوو فيهاا ثم لاعجزتوو عن حلهاا
ذيك السااعه يمديكم تفزعوون النااس*
من فجر الله ...
ع الاقل يفزعون لشي كاايد ..
ماهووب على خباالك انت وياهاا ...


ماعطيته فرصه يرد ..
لان نفسيتي في الحظيظ بصرااحه ..
.. رحت لفيااض وفهمته الساالفه ..
وغلط اخته ..*
مهماا غلط طارق ..
ماهووب من حقهاا تنشر اللي سوااه*
قبل لاتناقشه ليش سواا كذا ..


.. فياض يدري انهاا جرحهاا
بس مايتذكر بالضبط وش قاال ..
بس اللي متأكد منه انه سبهاا *
*ويمكن سب اهلهاا من وراهاا ...


.. فياض بتملق /
يوووووه الله يصلحهم بس ..
كدروو عليناا .. وخربوو ليلتناا ..
وحاسو علي مفاجأتي لتس ..
.. احناا حجزت تذكرتين لي انا وياتس ..
بنروح لتركياا ...
طيارتناا 3 الفجر ..
بنحضر العشاا وناخذ اغراضناا
.. ونمشي للمطاار سيده *...



.. قرب بيحضنهاا ..
*.. وهي بعدت عنه بقرف ..
واعصابهاا فالته ع الاااخر ...

/ بعد عني .....
امس تلعني وتلعن اهلي ..
واليووم تحضني وتودد لي ..!


.. ماانيب رايح معك مكاان ..
.. رح لها مع اهلك ..
ترا هم بينفعوونك اكثر مني ..
.. ولاا طحت عن عمرك هم اللي بيرفعونك ..
ولاا مستك الحااجه او انفضحت هم اللي بيستروونك ..
.. واناا دخيله بنت النااس ..
ماا اعني لك شي ولاا بفيدك بشي ..
.. اخذ من خيرك وامسح يدي بالجدار ماشكرت فضلك ..
.. ولاا شفت لك جميل ولاا عشره ..*
*.. مااانيب راايحه معك يا فياااض ..
.. انا تراني بشر ..
.. ماانيب حجر تحذفه متى ما بغيت*
وتشيله متى ما اشتهيت ..




.. لاااول مره يتركهاا تكلم براحتهاا
*وهي تحكي ف اهله ...
لاقاطعهاا ولاهاوشهاا ولاطلع وتركهاا ..


.. كل اللي سوااه بعد ما فرغت اللي في نفسهاا ..
انه تعداهاا بقل اهتماام وبتطنيش وهو يقول لهاا قبل يرمي جسمه ع السرير ..


/ .. انتي خابرتني ..
لاعصبت اخذرف ولا ادري وش اقول ..
يعني لاتشرهين علي ..

وهالحين اقصري الهرج ..
.. سفره معي بتروحين ورجلتس فوق رقبتس ..
.. والحين طفي اللمباات وتعاالي نقيل ..
.. يا الله يمديناا نرقد ساعتين قبل العصر ..!


عطاهاا قفااه*
بعد ماتغطى كله بالمفرش ..
وتركهاا ورااه مايدري وش حالهاا ..
*





[ ريــــاض ]
________


.. احس ريم نااقده علي وعلى مياانتي مع ديمه ...
.. بس صدق ..
.. احس انهاا تنتمي لي ..
**واحس ان لي حق وكل الحق اني اكلمهاا ..
.. مع اني ما اشووف هالحق لفيااض ..
.. انتقدته يوم سلم عليهاا ..
وقهرتني هي يوم تسأاله عن حااله وحال عيااله ..
خلااااااص .. ترد على سلاامه ووبس ..
وشو له تطولهاا معه وهي قصيره ..
هو قدامهاا هو وعياله وطيبين وبخير ..
يعني ماتشووف ..!


.. دخلت عليهم وهن يرتبوون العشاا ف المقلط ..
.. وعبوودي ف الزاااويه يلعب بمفااتيحه ..
.. استغليت فرصه انشغاال خواتي بالعشا*
وهي معطتني ظهرهاا ومغطيهاا جسنهاا وراسهاا بالجلاال ..
.. وتحاول تكلم عبودي اللي مطنشهاا ..


.. قربت لهم ..*
وقلت وانا اخفض صوتي لايسمعوني البناات ..*

/ لازم يتعود عليتس .. ويتعلق فيتس ..
.. بكره بيقابلتس كل يووم ..*



ردت وهي تواسي الجلاال ع وجهها ..
/ من يقووول بقابله كل يوم ..!



قلت وانا احاول اهدي انفاسي ..
/ لاضمكم بيت وااحد ..
لاز.......


.. بعدت بسرررعه يوم شفت امي تدخل فجأه ..
.. سألتني بنغزه ..
/ رياااض وش تبي ...!


رديت بتوتر ..
/ يمه جيت اشوف العشا خلص والاا لا ..
ووجيت اتطمن على عبودي ...


.. طلعت ديمه ..
وامي همست لي ... لانها طلعت كاشفتني ...
/ ماااتصلح لك يابووي ..
ولاا لولدك ...
لاتعلق روحك فيهاا ..،
ولاتعلقهاا فيك ...


.. رديت باحبااط ..
/ ليه ماتصلح ..!
القريب اولى من البعيد ...
وارحن وارحم لعبوودي ...


ردت تحااول تقنعني ..
/ ماهيب تكاانه بالحيل ...
وعجله وفيهاا خرشه ..
وعوباا ومطنشه ولسانهاا متبري منهااا
ولا تقدر تشيل بيت وولد على ذا الحاال
وتجيب عياال بعد ..!



.. ادري امي تحبهااا*
بس تحااول تعيبهااا في عيني ...
لانهاا تحس انهاا ماهيب قد مسؤولية عبودي ..
قلت باصراار ..
/ رااااضي بكل اللي قلتيه ..
.. وعبودي مسؤوليتي اناا
انا ابووه وملزوم فيه ..
هي مالها دخل ولااذنب ..


/ بكيفك على هواك ..
لاتجيني عقب وتقول فيهاا مالا يخطيهاا..
وفعلت وسوت ...


قلت ببتساامه خجل ..
/ ابتحمل منهاا كل شي ..
بس وافقي خلي ابوي يخطبهاا
ابوي مايشك خيط بابره الا بشورتس يابحرالزين ...


.. ههه هفتني بالفوطه اللي معهاا
وردت بثقه ..
/ بلااه يوم ان راايي هو الصواب والصح
والا تساان ماطاعني ..

رديت اشاغبهاا ..
/ الاا والله بلااه الزين اللي حط عقله بكفه*
لو حرمتي تجي مثل زينتس بشباابتس ..
**والا عجزت مثلتس هالحين ..
تساان اسلمهاا الخيط والمخيط ..
تفصل وانا البس ....


قالت باستغلاال لحكيي ..
/ خل عنك ديمه ..
واخطب لك اللي مااجي ربع زينهاا وعقلهاا ..

تنهدت ..
/ يمممممممممه ..
قضيناااا .. غير الخبله الشيفه ديووم ماابي ..
.. لو تجيني ملكة جماال ..
ثم ورااتس يمه عليهاا ..
انا اشووفتس دايم تسألين عنهاا
وتبين خوااتي يكلمونهاا ويعزمونهاا ..!
.. وراه ماتبيني آخذهاا وتقعد عندتس دايم ..!


/ يااولدي يعلم الله ان لهاا في قلبي معزه
مايعلم بهاا الاا والله ..
وفيهاا طبع زين ..
لااهيب زراايه ولاانقااله للكلاام ولازعوول
ولارااعية حتسي في القفى ..
على كثر من تشوف من خوااتك ..
وتسمع سب في اخوانهاا ..
مساعد يوم طلق ريم ..
وعزيز يوم ندى ترده وتعذرب فيه قدامهاا
الاا انهاا ماقد حتست فيناا حرف قدام اهلهاا
.. وقلبهاا مافيه اطهر منه ..
لازعلت اليوم تنساا بكره ..
لااهيب حسوود ولاحقوود ولاا ثقيلة طينه ..
ولو خذتهاا ترى اناا اللي ابستفيد اكثر منك ..
ابكسب بنت ظامنه انهاا ماهيب قالبتن ولدي علي ..
ولاا مغيرته على اهله والاا ساحبته منهم ..
.. يعلم ربي انهاا لويجي نصيبهاا لغيرك
انها بتغمضني ..
.. بس يبوووي اناا ادور مصلحتك قبل مصلحتي ...

.. ابي لك مرةٍ *ترتكي للحمل ..
تشيلك وتشيل ولدك وبيتك وعياالك ..
لاعزمت تبيض وجهك في ضيووفك ..
ولا عطيتهاا العلم تاخذه بالقبوول
ان نظرت في وجههاا سرتك ..
وان غبت حلت محلك ...!


رديت بملل ..
/ يمه .. ترااي شفت من الزين اشكاال والواان
بيض وسمر وشقر ومن كل لون ..
والله يمه مافزيت لحدةٍ منهن ..
و....


.. قاطعتناا ندى باستعجاال .
/ ووش عندكم !
قصة حيااتك والاا خطبه ..!


يالله الرجاال بيقلطوون ..
اطلعوو بنسكر البااب ..
وانت يارياض قل لابووي يقلطهم ..


.. ناظرت امي ..
/ بكره نكمل ونتفااهم ... زين يمه ..

ردت بطفش من عناادي .
/ الله يصلح لك الحاال*
ويعدل لك مااماال ..

رديت *ببتسامه رضاا ..
/ امييييين .. وااخذ اللي في بالي ..،



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 77
قديم(ـة) 17-02-2012, 08:26 AM
صورة الحياة كذا الرمزية
الحياة كذا الحياة كذا غير متصل
©؛°¨غرامي فعال ¨°؛©
 
الافتراضي رد: ياما نهيت القلب / الكاتبة : أم وسن






[ عزاااام ]
________


.. *عاذرهاا .. للحين ماعرفتني ..*
.. بس اللي مايعرف لاازم يعرّف ..
.. والاا مايدري لازم يعلّم ..


.. بنت ابوهاا تحسب عزام
اللي تصك بوجه البيباان ..!
.. ماااعلييه .. ان قااله الله لاخليهاا
تمشي على السرااط المستقيم مثل الاالف ..


.. اذن الفجر ..
ودقيت البااب عشاان بتوضى واصلي ..
.. فتحت بكسل و النووم معلّم على وجهها ..


.. تجاهلتهاا ودخلت ..
توضيت وصليت ..
ورجعت اكمل نومي داخل ..
توسطت السرير وعطيتهاا ظهري ..
ولاقمت الا الظهرر ...
.. رحنا لاهلي نتغدى عندهم ..
وهنااك ماشفتهاا الا يوم ركبت جنبي راجعين ..


.. نزلتهاا تلبس لعشا اهلهاا
وطلعت اناا .. بعد ماامرتهاا تجهز اغراضهاا
للرجعه .. بمشي للشرقيه الليله ..
بعد صلااة العشاا بنص سااعه ..
كلمتهاا وقلت لهاا تنزل ..
وطلعت لها ابنزل اغراضناا*
واسلم الغرفه وانزلهاا معي ..
مابيها تنزل الاصنصير بلحالهاا ..


.. وصلناا بيت *اهلهاا
وانا كناا طرماان ..
ماتكلمناا لو بحرف ..
ماغير صوت الاخباار هو السايد على صمتناا **



ماااعليييه .. الووعد قداام ..







[ نــــدى ]
_______*


ع باله يعااقبني بتطنيشه وصمته ..
ههه ولااااا همني ...!


.. خل يشبع بسكااته مصييره يجي ويكلمني ..
.. ويرااضي نفسه اذا مالقى *من يرااضيه ..



.. بعد العشاا كناا مجتمعين ..
ومحور الحديث اللي صاار بين ترف ورجلهاا
.. طبعاا اني ماادرت ..
ولاا قلناا لهاا ..
.. نعرف امي زيين .. من انصاار الرجل ..
وهو دايماا على حق مهماا كاان غلطاان ..
ولو درت عن ترف بتمسح فيهاا البلااط ..!
.. لذلك طلبناا نجوود ماتعلمهاا ..


.. خذت ترف ع جنب ..
وقلت لهاا ...
/ مااعليتس منه .. لاتعتذرين ولااشي ..
هو الغلطاان في اسلووبه ..
ماوصل لتس العلم زين ..
خليه يرضى من حااله ..
الاا بعد يرضيتس ...


ترف / لاا ياختي .. طاارق ماهوب مثل رجلتس ..
.. انتي يمكن حبتس وبيتحملتس بعيووبتس
بس طاارق والله لو اغلط ان ينسفني وراا ساابع شمس ولاا همه ..


.. ثم هو مهووب من النووع الصبوور
وما خلااني عنده الاا معااند في فيااض
والاا تساان قد حذفني باقرب تاكسي ورجعني لاهلي ...!


ندى / تستااااهلييييين ..
اخبل ماهناا اللي تعرف رجلهاا بقدره عندهاا
يقووم يلعب في حسبتهاا هي وقدرهاا عنده ..
يااخبله خليه هو اللي يحبتس
لااااتحبينه انتي ...



ترف / وووه ..*
اجل هو بيدي ..
الحب لاجاا مايرده الا ربي اللي حطه في القلب ..
والله يااندى كل ماشفته قبالي*
اني احمد ربي واشكرره في نفسي اللي جعله من نصيبي*
لانصيب غيييري ...!


ندى / عااد ماشفت فيه ذااك الزوود
صح وسيم وكذاا*
بس فيه الاااحلى منه والااجمل ...


ترف / مارااح تفهميين شعورري وشهو لانتس ماجربتيه ..
.. واللي ماجرب وذااق مايقدر ..


ندى / المهم ماعليتس منه ..
لاترضينه ولا تبينين له انتس ميته عليه ..
تراا بكرره بيوطى عليتس ولا يشوفتس شي ...


.. مرت غناادر وصووتناا لهاا ..
.. قلت لهاا وهي تجلس ..
/ وجهتس منوررر عقب العررس ..


ردت بخجل وجهها احمر */
ممم عاادي ..*

/ كيف عزيز معتس ..
عسااتس مرتااحه ..!


غنادر / الحمد لله ..
وقاطعتني وهي ترد بخجل على رجلهاا
وبهمس ماسمعنااه مع اننا قريب منهاا ..


خلصت مكالمتهاا ووقفت ..
/ ي الله ندى .. تراه يقول عزام عند البااب ينتظرتس ..


ضحكت عليهاا ..
/ هههه منهوو اللي يقووله ..!
ياااا بنتي مااتو البناات اللي يستحوون
من ذكر اسم رجاالهم ..
يمكن مابقاا منهم الاا انتي هههه ...


.. ضربتني بشنطتها ..
.. وضحكناا عليهاا وتوادعناا وتفرقناا
.. انا وغنادر طلعناا لرجالناا ..
وترف بقت لان طارق مابعد اتصل فيهاا ...


.. ركبت .. واناا مقرره اسحبهاا نوومه واطنشه ..
وفعلااا هذاا اللي صاار ..
بس صحيت على السيااره وهي كنهاا على مووج بحر تماايل ..
صررررخت برررعب ...
/ يمممممممه حااااادث ...!!!!


بعد صمت .. رد بملل ..
/ لااا بس طلعناا من الاسفلت للبر ..


ساالته ..
/ ليييش ..!
ووش نبي بالبرر ذا الحزه ..!
تعباانيين وبنناام ...


رد وهو يدووس ع البنزين ويعطي السياره عزم لاانغرز ..

/ مايخاالف ..
بنووصل وبنرريح ...


*
.. حاولت اضبط اعصاابي وانا اشووف ساعتي *..
/ بالله متى بيمديناا نرد من البر ونرريح ..!
عارف السااعه كم ..
3 الفجرر ....
يعني ماراح نووصل الدمااام اذا طلعناا
من هالبر الزفت الاا بعد شرووق الشمس ..



/ ومن قاالتس بنرجع للدماام ..
بنمسي عند ابلي ..


صررخت بقهرر ..
/ مسسسستحيييل ..
مااعررف انااام الا على صووت المكييف
وبفراااشي ..
رجعني وارقد عند ابلك بكييفك ..



.. وقف السيااره والتفت علي بفتنه ..
/ ابلعي لسااانتس اطيب لتس
اناا مصدع وداايخ من النووم
والسياره غرزت ..
انزلي يالله ...


.. قلت بقهرر ..
/ يااااا الله ...!
حراااام عليييك ..
وووين موديناا بهالبراان بهالليوول ..
اناا خااف من البر في النهاار
كييف بالليل والسيااره معرزه بعد ..!!!


رد ببروود عكس عصبيته قبل شووي ..
/ تعرفين تسوقين ..!


رديت بقهرر .. وانا اصد بوجهي ..
/ لاااا ماعرف ولاا ابي اعرف
والحين تصررف وطلعناا من هالوررطه اللي حطيتناا فيهاا .. *


رد بامر /
اجل حولي لاهنتي ودفي السياره
و اناا بشغل واطلعهاا ...

رديت بانتقااد /

خيييير ماعااد الااذي ..
ادف سياراات وبالبرر بعد ..!
لااا تحلم دبر عمررك ...


رد وهو يطفي ... وينزل ..
/ اجل اقعدي بسياارتس*
لين تشبعيين من عناادتس ...
انا بفررش على ذاا الطعس وارقد ..
ولاا تقووميني لوو يجيتس ذيب والا ثعل ...
دااايخ وتعباااان ...

وباستهزااا ... كمل ..
وانتي ان بغيتي ترقدين ارقدي
وان بغيتي ترصدين رجلتس عن الذياابه لاتاكله تراه ازين ..

*
.. وفعلاا فرش فراشه *ورقد براااحه ..
واناا بمووت بمحلي من الخوووف ..

*
*

*•



[ طاااارق ]
_______\


.. طلعت من العشاا للاسترااحه ..
لاكلمتهاا ولاا عبرتهاا ..
شفت اتصالااتهاا وطنششت ...


.. رجعت ع السااعه 3 الفجر ..
وتوجهت لبييتي ..
خلهاا تنطق عند اهلهاا
لين تأدب وتعرف تحاافظ ع اسرار بيتهاا ..
.. فتحت البااب ودخلت ...
وقبل لااتوجه للتلفزيوون اطفيه وقفت بوجهي ...


.. كشيت لااني تفآجأت ..
عقدت حوااجبي وسالتهاا ..
/ من جاابتس ..!


ردت سؤااالي بسؤاال ...
/ لييش ماترد علي ..!
وطلعت من العشاا ماخذتني معك ..


.. قلت وانا افتح اول ازرارين من ثووبي
واريح جسمي ع الكنب ...
/ لاااني ما كنت ابيتس تجيين ..
ولاا نوييت اخذتس الاا لين تسنعين وتجين مره ..


ترف بالم / يعني طررده ذي ..!
ماتبيني ..!
*

.. رديت ببرود ..
/ لاااا ... مااا ابيتس ...
ما ابيتس وانتي كذاا*
لاا تسنعتني تدلين درب بيتس ...
واعتبريهاا زي ماتعتبرينهاا ..
طررده .. فكه .. هم وزاال اللي تبين ..


وبصرااامه ..
/ اهم شي ان بغيتي بيتس يعمر معي
احفظي سرري في حضرتي وغياابي ..
واستري عيبي وزلااتي ...


وكاانتس مانتيب قد هالشي ..
البااب يفووت جمل ...
وكاان تبين فزعة فيااض بعد ...
هذاا جواالي قداامتس ..
خذيه وكلمييه ...
**
*
ردت بمراااره وعيونهاا تلاامع بمدامعهاا*
/ يعني باااااايعني ...!!!!


*رديت بصدق ..
/ انااا ابيييع اللي يبيعني ..
واشتررري اللي يشترريني ..
*

وانتي من اوول مشكله بيناا
بعتيني واستفزعتي باخوتس علي ..

*
*
.. صرخت بقهرر
/ لاعاااادهاااا الله من فزززعه*
اللي كل شووي بتذلني فيهااا ...!
*


.. وقفت ومسكتهاا من زندهاا بقووه .. *
/ وقص للساااانتس ..
اقصرري حستس لايرتفع في حضررتي .. *


.. سالتهاا ..
/ تبيني والاا تبين اهلتس ..!
تبيني مثل مااقلت لتس تحفظيني وتحفظين بيتي ..
تبين اهلتس .. برسم الخدمه اوديتس لهم الحين ..
*بكلم امتس وابوووتس واعلمهم باللي صاار
عشان لايلومووني لارجعت لهم بنتهم ..
*

*
.. بكت بشده استغربتهاا
.. اللي اعرفه ان امهاا *عسل مصفى ..
لييش كذا خاايفه اعلمهاا .. ترجتني ..

/ لااااا امي لاااا
تكفااا امي لاا ...
.. ان درت بـ ......*


.. تنهدت واشرت لهاا تسكت ..
/ قوومي ارقدي ..
وبكره يصير خيير ..*
*


.. سكتت ولفت بوجهها عني ..
.. ودخلت الحماام ولاعااد طلعت ..*
*.. سااعه سااعه ونص ..
وسااعتين .. بعدهاا ماعااد قدرت اتحمل*
من القلق ..
اخااف زلقت وصاار لهاا شي ..
والااا انخفظ عندهاا ضغط والا سكر
وترووح بغيبووبه ..
اصلاا اناا غبي اللي خليتهاا
هالووقت كله بالحماام*
بدوون لاا اتطمن عليهاا ..
فزيت .. ودقيت الحماام بقلق ...
/ ترررف ترررف .. تسمعيييني ..!

لااارد ... رجعت ادق اقوووى وبحده *
/ تررف افتحي والاا بكسرر البااب ..


حسييت بحفيف صووت ..
وبعدهاا فتح البااب ..
.،حمدت الله في قلبي ان ماصار لهاا شي ..
ودلع البنااتـ....


.. ااااه .. ما امدااني امسكهاا
لانهاا طااحت عند رجوولي ..*


.. سندتهاا على ركبتي*
وحااولت اصحيهاا*
وانا اضرب خدهاا ابيهاا تحس .،
بس البنت موووليه مرره .،
*
**
.. شفاايفهاا زرقااا مع سوااد
وجههااا صفاار ببيااض خاالي من اي حيااه ورووح ..
مسكت يدهاا بخووف ..
وطااحت بثقل من يدي ..
جيت بتحسس نبضهاا ..
وضيييعت مكاان النبض ...!!!
**
.. ضميتهاا لصدررري بقوووه .،
وصورر كثيره تزااحمت بعقلي وبين عيووني ..
.. اهلهاا ووداعهاا تغسيلهاا وكفنهاا
الصلااة عليهاا والقبررر .. ااااه
ياارب رحمتك ..،
*

*.. رجعت اهزهااا بقوووه
مابيهااا تمووت ..
ولااعااد احس لهاا خاطرر
او اضييق صدرهاا
بس تقوووم ...
*


.. طاحت عيني على كااس موويه
بجنب الكومدينه ..
ماافيه الاا ربعه موويه بس يفي .،
خذيته وصبيت بكفي ومسحت على وجههاا*
*لعل وعسى تحس ..

*
.. بس ماافي امل ..
طحت جنبهاا بقل حيله واحبااط ..
.. قربت بشيلهاا ..
واول مانسفتهاا على كتفي*
ومشييت خطووتين حسيت بوشوشه باذني ..
تنهدت .. قاام يتهياا لي صوتهاا ..*


لكن ثواااني واناا احس بتملصهاا مني ..
وبصووت ضعييف تكلمت ..
/ نزلني طاارق ..*




وهن جسسسمي يوم سمعت حسهاا بالدنياا
جثيت بمكاااني وطيحتهاا معي
رديت ارفعهاا بخووف*
/ انتي صاااحيه*
قااااومي لايغمى عليتس
**واناا بروح احيب لتس عصيير بسررعه ..



.. جبت لهاا العصير بلمح البصر
اخااف لايغمى عليهاا مره ثاانيه ..


ترف وهي تشرب /
.. من قاالك ابي اشرب شي من يدك !


ناظرتهاا بتعجب
انتعشت بعد العصيير ..
**
/ لاااا والله ..
نص العلبه في بطنتس وتقوولين مابي منك شي ..!
ماافات الاا الشر هاتي باقيهااا ..


.. تمسكت فيهاا بقووه*
وبعدتهاا عني ..
/ اغمى *علي الظااهر من الجووع
جب لي شي ااااكله من برااا ...



قلت واناا احك رااسي .. *اتاامل بطنهاا ..
/ ياااابنت اخااف انتس حاااامل وتوحمين *...!



ضحكت علي وحذفتني بعلبة العصير
الفااضيه بمزح ..
/ ههههههههه عمى بعييينك
حمل ووحاام باسبووعيين ..!
يقاالك الحين *فااهم بالحمل والوووحم *...!

*

قمت مو عندهاا ..
وتذكرت زعلي اللي نسيته ...
/ مااادااام مااافيتس ورع ..
ارقدي وتعشييتس الحماااامه ..



.. *رحت ارقد وحسيت بحركتهاا جنبي ..
امرتهاا والنووم بداا يداخلني ..
/ قوووومي كولي لتس شي قبل ترقدين
لايغمئ عليتس وانتي ناايمه تفطسسسين
ثم يجيني فيااض يطاالب بدمتس ...
*
*


.. حذفتني بالمخده ..
وهي تناافخ وتهووش علي ..
والظااهر انهاا كملت هواسهاا علي باحلاااامي ...




[ الى لقآء قريب باذن الله ]
____________________*
سامحووني ع القصوررر

ولو سمحت لي الضرووف
نزلت بارت صباحي السبت ...
مو اكيييد .، يمممكن بحاااول ..



**



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 78
قديم(ـة) 17-02-2012, 08:31 AM
صورة الحياة كذا الرمزية
الحياة كذا الحياة كذا غير متصل
©؛°¨غرامي فعال ¨°؛©
 
الافتراضي رد: ياما نهيت القلب / الكاتبة : أم وسن




| .. حنيــن

يعافيك ربـــي .. أسعدني مرورك ياحنين :)
شرفتيني .. كوني بالقرب ..


غزل2000

هلا و غلا ..تعليقك رائع ..
بصمتك هنـا تعنيني :)
كوني دائمًا قريبة ..





  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 79
قديم(ـة) 17-02-2012, 02:00 PM
غزل2000 غزل2000 متصل الآن
©؛°¨غرامي جديد¨°؛©
 
الافتراضي رد: ياما نهيت القلب / الكاتبة : أم وسن


يسلم لي قلبك يالغاليه انا دائما بالقرب والله


والله متعجبه بعزام ومعاملته لندي والاخت ندى تحرش خواتها لايرضون رجالهم ولايسمعون كلامهم ولا عليهم منهم وفي الاخير انتي اللي بتطيحين ياندي بحب عزام وانتي اللي بتراضي وانا اللي بذكرك لان الطاوله بتنقلب عليكي
ترف ليه محبطه تروف تحسبين انه مايحبك يابنت والله يحبك بس الرجاجيل وانا اختك مايحبون احد يدري بما يحصل من مشاكل ببيتهم وانتي ماقصرتي لك اسبوعين وسوء تفاهم مايحوج قلبتي الدنيا وخبرتي فياض اللي مايتفق مع طارق وقلبتي المشاكل

رياض والله ووقعت ولا حدش سمى عليك اجل شفت سمر وبيض وحم وشقر ولا تبي الا المرجوجه والعوبا الله يوفقك
اعجبني مدح ام رياض لديما ياحبي لها
ريم شفتي الحب بعين سلمان ادحري الشيطان وتوكلي على الله لاانتي اول ولا اخر واحده تااخذ رجل بنت عمتها انا عندنا بديرتنا بنات العم وبنات الخاله يااخذون رجال واحد
ام وسن يالبيه والله يعطيكي العافيه والله يقويكي وانا عند وعدي اي خدمه انا حاضره
لك مني كا الحب والتقدير



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 80
قديم(ـة) 18-02-2012, 08:29 AM
رهفm رهفm غير متصل
©؛°¨غرامي جديد¨°؛©
 
الافتراضي رد: ياما نهيت القلب / الكاتبة : أم وسن


متى البارت الجااااي
انا قريت كل رواااايتها
كووولها تجنننن
وان شاء الل تكتب كماااان روااايه تانيه


الإشارات المرجعية

ياما نهيت القلب / الكاتبة : أم وسن

الوسوم
للكآتبة , القلب , ياما , نهية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
امراض الاطفال المواليد اسباب وعلاج عيووون الغزااال الطفل - الرضاعة - التربية 6 27-04-2012 02:02 PM
النوبة القلبية Heart Attack إعلامي ومخرج ارشيف غرام 1 29-12-2008 08:01 PM
النوبة القلبية ~ الأصيل ~ صحة - طب بديل - تغذية - أعشاب - ريجيم 20 17-12-2008 08:43 PM
تصلب الشرايين دكتور حورس صحة - طب بديل - تغذية - أعشاب - ريجيم 4 27-08-2005 11:49 PM
موسوعه الأمرااض " أرجو التثبيت " عهد صحة - طب بديل - تغذية - أعشاب - ريجيم 64 09-05-2005 09:11 PM

الساعة الآن +3: 11:36 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم