[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
مشاعري ماتت وشعري قوافيه = ماتت مع أحساسي عسى يدفنونه
لاعودت للصدق ماعاد لي فيه = بعد الحبيب اللي هله يبعدونه
عني وأنا والله أحبه ومغليه = قصدي شريف ن عكس مايفهمونه
مير البلامن ضيع الوقت أمانيه = وخاب الرجا من يوم خابت ظنونه
الله ياوقت ن قضى بين أياديه = ماهو ب مثل اليوم عايش بدونه
يفز قلبي كل مامر طاريه = وأموت حسره والاهل يمنعونه
أن جيت أبيله عذابي وأحاكيه = أخاف من دمعه يغرق عيونه
هو يحسبني أقدر أنسى وأخليه = مايدري أن الموت دوني ودونه
أخفيت جرحي يوم قفى مداويه = وأخفيت من شانه بقايا طعونه
وسألت ليلي وين راحت لياليه = وسألت رب البيت جعله يصونه
وآمنت بالمقسوم وأقفيت أعزيه = قلبي زمانه كل يوم ن يخونه
أخوكم حبيس المشاعر
غزاي
الله ياوقت ن قضى بين أياديه 
العرض العادي
