اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-07-2011, 08:13 AM
مغرورة وصعب حبي مغرورة وصعب حبي غير متصل
©؛°¨غرامي جديد¨°؛©
 
الافتراضي عصابة المافيا بنات / بقلمي


عــصاااابة المـــاااااافــيـااااا (( بنااااات !!!! ))) ...
السلام عليكم ورحمه الله وبركاته ...
قصتي هااي عن شله بناات في المدرسه ...وطبعاا أنا في البدايه بعرفكم على بطلات قصتي ومع القصه بعرفكم على باجي بنات الكلاس ...تماااااموووا ؟؟؟؟؟؟ وعلى فكره ترا في مواقف في القصه حقيقيه ... فــي البداايه ...
حنــان ((14 سنه ))لاهي قصيرة ولا طويله يعنى طولها معتدل ...وضعيفه وبشرتها حنطاويه وفيها غمازات وعيونها أسود مايله ع البني ...وكلمتها ((شوو هااا مصخرره))أو((والله مصخره))>>> يعنى وايد ترددها ...
مسمينها ((أم راس صغيروون)) >>>أونه راسها صغير بس أنا ماأشوفه جيه ههههه...
مــريم ((14سنه))قصيره وعليها جسم بس هب دبه يعنى جسمهاا حلوو ...بيضى وعيونها سوود ...وكلمتها (((والله بوكس))... >>>يعنى بتعطيها بوكس خخخخ
صفيـه((14 سنه))أطول عنهن بشوي وضعيفه ...بيضى وعيونها سود ...وكلمتها ((الله عليج ))...
منــال((14 سنه))طويله شووي وعليها جسم بس هب دبه يعنى جسمها مع طولها مظهرنها حلووه ...بيضى وعيونها سود ...كلمتها ((إشتعني))>>بمعنى إلتعني ...بس إشتعني هن الشله مخترعاتنها هع ...
مسمينها ((البقره الضاحكه))
شيـخه((14 سنه))طويله وضعيفه ...بيضى وعيونها سود وفيها غمازات بس ماواضحات واايد... كلمتها(((يلعنج))>>واايد تلعن هالشله أستغفر الله ههههه...
طـاهـره((14 سنه))طول منال وضعيفه ...حنطاويه مع سماره شوي ...وعيونهاا سوود ...كلمتهاا ((والله أنكن غجر))...مسمينها ((صابون ديتوول))
زهــراء((14سنه))طول منال وطاهره وضعيفه...بيضى وعيونهاا سوود ... كلمتها ((والله العظيم))>>>يعنى كله تحلف هههه .....
بطلات قصتي من الامارات بس رايحات عمان يدرسن لان درااسه عمان أسهل من الامارت >>أمبونهن مافالحات هههه
...وكل إجازة صيف يرووحواا الامارات ... وطبعا كلهن يقربن لبعض ((أهل)) ... عسب جيه أنا بكتب قصتي ع طريقه دراسه بنات عماان ...أووكيك؟؟؟
القصه كلها أحداث فـي المدرسه بس شووي داخله البيوت >>>!!!!هههههه
**الـــبـــــــــــــ1ــــــاااااارت**
فـي الطابووور ...
النشيد السلطاني ... البنات يضحكن ...ويقولن الكلمه الاخيره بصوووت عااالي>>جنهن داشات أمسيه شعريه ...
خلص النشيد ويات الاذاعه ...ظهرت بنت قالت المقدمه ودخلت وظهرت بنت ثانيه تقري قراان ...
مريم:إإإإيييه بس بس سكتن قرران ...
البنات ضحكن ونزلن راسهن
خلصت الاذاعه وكل حد رااح كلاسه ...والبنات بدل لا يروحن الكلاس رااحن يبن يشربن ...مسكتهن الابله ...
الابله:بنااات روحن الصف وإستأذنن من المعلمه إللي عليكن ...يلااااا الصـــف ...
وقفن مكانهن يتناقشن>>جنهن رجال أعمال ههه....
طاهره:أووووووف شووووو هاااي نبا نشرب نحن وإلا بعد حررااام ...
حنان:لالالا طاهره حرررام تشربين عن تكفري أستغفر الله ...
شيخه:شكله جيه عنبووه إلا مااااي بيحطووا عليه حراااس...
صفيه:بناات سووولها طاااف ونرووح ...
مريم:هيييه تبيهاااا تذبحناااا ...
منال:عاااادي شووو بتقوول يعنى ...يلااااا ...
وراحن صووب الثلاجه ...
وقفتهن الابله:أنااا شوو قلت ؟؟؟يلااااا ردن الصف ...
البنات:أنزين بنشررب وبنرووح ...
الابله:قلت لا يعنى لا يلا الصف ...
حنان:أنزين إلا ماااي وإلا يعنى حرااام ...
الابله:ماتسمعن الرمسه يــلا ...
ياتهن أبله نوره عليهم أحين تدرسهم تربيه إسلاميه ...
ذ.نوره:بنات يلا روحن الصف ...
البنات شافن أبلتهم وردن ...
خلصت الحصه الاولى والبنات ظهرن برع ...حصلن هزبه من الابله ودخلن داخل ...ومن بين الحصص يظهرن برع والابلات يردنهن ...وهن لا ع البال ولا ع الخاطر ولاجنه أحد يرمسهن ...وصلت الفسحه رااحن المقصف >>البنات يسمنه دكاان هههه
وهن متعوداات يعني يظهرن كل بنات الصف مع بعض يشترن ...ظهرن وشالت الدنيا ع راسهن ...إللي يشوفهن يقوول رجال زيدان>>مال مسلسل التركي الارض الطيبه خخخ...
والبنات إللي يشوفنهن يخوزن من دربهن >>>هالكثر مسويات رعب ...هههه
راحن الدكان وحصلن الشباك مسكر>>يعنى المقصف فيه ممرات وكل ممر فيه شباك يبيعووا فيه ...وماكلهن يفتحوهن ...
عااد البنات ياخذن ممر روحن ويلسن يصارخن ويدققن الشباك عشان يفتحوه حقهن وهم مطنشينهن لان يعرفوهن مابيلسن لو هزبوهن ...بعدين راحن ييلس ع طاوله جريبه من الاداره أوونه عشان يغايضن المعلمات ويضحكن بصوت عالي>>هااي طاولتهن يعنى محد يتجرا وييلس عليهاا هههه...
يلسن ياكلن ويقولن نكت ويضحك بصووت عاالي..
زهراء:سمعن سمعن هالنكته ...فيه وااحد ركض ركض ركض ...بعدين مشى ...
البنات نقعن ضحك عليها:هههههههههههههههههههه>>زهراء يابتها بطريقه حلوووه عشان جيه ضحكن ...وهن حتى لو النكته ماتضحك بيضحك عشان يغايضن المعلمات ...
مريم:سمعن هاااي ...فيه واحد شاف مطب دهنه بفوكس هههه ...
البنات:ههههههههههههههههههههه ...
فاطمه:فيه قناه كله تطلع نكت بس ترااا قله أدب كلهاااا ...>>وحده ف كلاسهم مسمينهاا فااطمه فراطه ...لانها قليله أدب ...هههه
ردن درسن الحصه الرابعه والخامسه والسادسه وطبعاااا ماتخلووااا من تعليقاات البنات ومصخرتهن ع المعلمات ...يات الفسحه الثانيه راحن يلعبن ف حوي المدرسه...ويايبات كوره ..>>>هن كل يوم الفسحه الثانيه يروحن يلعبن جنهن يهااال هع هع ...
الحصه السابعه إحتيااطي ... البنااات يايبات لاب تووب...وفيه أفلام هنديه رومنسيه ...عااد هن مسويات الكلاس سينما...مبندات الليت ومسكرات الستاير ...ومحطيات الاب توب ع الطاوله وهن يالسات تحت وطبعاا فوشار...عاد النص منسدح والنص يالس مندمج في الفلم >>يتحرن عمارهن في البيت ههههه...
وكل ماتظهر لقطه رومنسيه يصرخن ....وحاشرات الدنيا ...دخلت عليهن الابله فجأءه ..والبنات صرخن مرره وحده ...وكل وحده تقوم من صووب ويردن مكانهن وحطن الفلم يشتغل...>>>ذكااااء
ذ.شريفه:ماااشاء الله عليكن ...شوو هذاااا؟؟؟؟
البنات يضحكن >>بعد ماساكتات ...هع هع
ف هاللحظه ظهرت لقطه رومنسيه ...
البنات:ههههههههههههههههههههههه
رااحت ريا تركض وبندته ...>>وحده ف الكلاس ...
ذ.شريفه:ماشاء الله مسويات سينما ؟؟ مال منو الاب توب؟؟
البنات:.......
ذ.شريفه تصرخ:ردن ...
طاهره:أبله نحن يايبينه ...
ذ.شريفه:شوو تستهبلين علي؟؟؟؟
زهراء:أبله والله العظيم نحن يايبنه ...
ذ.شريفه:أعرفكن أنتن يايبتنه بس أبا أعررف مال منوو؟؟
ف هالحظه يات أبله ثاانيه وزقررت أبله شريفه ...
ذ.شريفه:ماعليه برد لكن ...وراااحت ....
البنات:هههههههههههههه
حنان:والله مصخرره هالابله ...
صفيه:ههه وأنتن بعد ليش ماسكرتنه الاب توب؟؟؟
إيناس:نبا نسوي أكشن ههه
صفيه:الله عليكن ...
مريم:والله بوووكس هالابله ماعلي منها ... أحيين شوو نسووي؟؟؟
منال:خلوهااا تشتعن ظهرنا من الصف ملينا من اليلسه...
البناات :يــلا ...
ظهرن بررع ونقسمن شلتين وأتفقن أنهن يلتقن تحت عند المختبر...نص نزل من الدري إللي عند كلاسهم والنص نزل من الدري الثاني ...وصلن تحت ...عند المختبر...
الشلتين متجابلات ويمشن جنهن عصاابات يبن يضاربن ويصاارخن ...
البنات يصرخن بصوت عالي:أوووووووو...
يوم ألتقن ضربن كف ونزلن راحن يشربن ... >>حشى شباب هب بنات ...
زهراء:أقووول بنات نروح تستهبل ع البنات ...
البنات:يــلا ...
شيخه واقفه عند باب الكلاس:شوو بنات أدق الباب..>>كلاسس ثاني هب كلاسهم ...
البنات:هيييه يلا ...
شيخه دقت البااب وركضت ...
ظهرت الابله إللي ف الكلاس تبا تشوف منو إللي دااق ...ماشافت حد ردت تكمل شرح ...والبنات راحن يركضن فووق وهن يضحكن بصووت عااالي ...
شيخه تضحك بتعب:هههه يلعنكن بس وقفن ...
طااهره بتعب:ياااالله تعععبب بس بس ....هههه والله أنها غجرريه>>تقصد الابله ...
دق الجرس ...وهن بعدهن برع ما دخلن الكلاس ...يات أبله تماضر تدرسهم علوم وهن مسمياتنها الحفاظه أوونه تلبس عبايه مرفوعه من جدام و وراء ...دخلتهن داخل ويلست تشرح التجربه ...ويابواا الادوات ويلسن يسون التجربه ...أبله تماضر منحنيه ع الطاوله تعابل الوايراات ...
عايشه:بنات تعالووا نشووف قطعه عبايه الابله أصليه وإلا؟؟؟
راحت تلمس قطعه العبايه بشوي شوي بدون الابله ماتحس ...
عايشه تسوي حركه بإيدها:لالالالا ما أصليه ...يااخي أبله .. وراتبهااا واااايد ليش ماتخيط عبايه أصليه ...عنبوو الراتب ووين توديه ...
زهراء:لانها هيه أحين حامل وتخيط ملابس وسااع شوي عشان كرشتهاا ماتوضح ههههههه>>>ماخذات تقرير مفصل عن الابله ....
البنات:هههههه
عايشه:هييه عشان جيه مخيطه عبايه رخيصه أثااااري الحرمه حااامل ههههه ...رفعت إيدها تدعــي:يااااااارب عساااااه بـ 6 توام واحد تاكله و 5 يعيشواااا
حنان تمسك عايشه وتلفها ع القبله:لالالا من هالصووب القبله ...يلاااا إدعي ...
عايشه تلتفت صوب القبله شراا المينونه:من هالصووب ...يلاااا قولوا أمييين ...
البنات بصوت عااالي:آآآآآميييييين ...
الابله سمعتهن:بنات أنتبهوااا حق الشرح >>الابله مصخره حصتهااا ...هههه ....
أنتبهن البنات حق الشرح ...وخلصت الحصه ...أحين روحه...
مريم وصفيه ومنال وزهراء يوو أهلهم وشلهم إما حنان وطاهره وشيخه قالن حق أهلهن أنهن بيردن ف الباص ....يلسن البنات في الكلاس ...الابله المناووبه تصرخ عليهن من تحت ينزلن ...
طاهره تصرخ ع الابله عشان تسمعها :أبـــله نكــتب درس الهوووووش ... وشردت>>العمانيين يقولواا درس الهوش يعنى مكان يخلوا الغنم فيه ((عزبــه))..
شيخه وحنان:ههههههههههههههههه ...
الابله تسوي لهن إشارات من تحت بمعنى صبرن صبرن .. .إما البنات شلنهااا بركضه ونزلن تحت ...وردن بيوتهن ...
خــلـــص اليـــووووم ...
وياااااا يـــــووووم يديــــد ...
اليووم عليهم إمتحان عربي والبنات مسويات حق الكتااب طاااااف ...ياات حصه الامتحاان ...الابله توزع أوراق الامتحان ...
ذ.حليمه:يلاااا بنات سمووا بسم بالله وأبدوا الامتحان ...
في نص الحصه ...
طاهره بصوت خفيف:حنوون السؤال الرابع الاعراب بسررعه ...
حنان بصوت خفيف:مرفووعه بالضم ...
وصدت صووب مريم:مريوم السؤال الثالث صح وإلا غلط؟؟
مريم:صح ...
منال صدت ع صفيه تبا تسألها عن السؤال الاول لقتها محطيه الكتاب في الدرج وتغش ...نقعت منال تضحك بس بدوون صوت ...شافتها شيخه عااد شيخه فضوليه تبا تعررف ليش تضحك...
شيخه:منوول ليش تضحكين؟؟؟
منال تنزل راسها ع الطاوله عشان الابله ماتشوفها تضحك ...وأشرت ع صفيه ...
شيخه صدت ع صفيه لقتهاا مرره مجتهده وتفتح الكتااب كاان شكلهاا يفطس من الضحك ...
شيخه تأشر ع زهراء عشان تشوف صفيه >>>أنفضحت البنت ههههه ...
زهراء ضحكت بصوت عالي .........
ذ.حليمه:زهــرااااااااء ...شووو إللي يضحك؟؟؟
زهراء تمسك عمرهاا شووي:مااشي أبله خربطت في البيت الشعري وضحكت ع عمري ...
طالعتها الابله بنص عين :كل وحده عينهاا في ورقتها يلاااا خلصن مافي وقت ...
البنات ما ردن عليها ...
طاهره بصوت خفيف:عنوود تبي شي؟؟؟>>صار نشاط جماعي هب إمتحان ...ههههه
عنود ترفع لها البرشومه :لالا عندي الحل ههه
حنان ومريم يلسن يتأكدن من الامتحان مع بعض وبعدين كل وحده تخبر الثانيه الجواب ...>>>أحـــلى !!!!
ذ.حليمه:يلاااا بنات بجمع الاواق؟؟؟
صفيه:لحظه لحظه
البنات أستغربن يعنى فاتحه الكتاب وبعدها ماخلصت ...منال كانت جريبه من صفيه ...
منال بصوت خفيف:صفووي شوو ناقصنج؟؟؟
صفيه:سكتي أستهبل ع الابله ...قوولي حق البنات يقولن أنهن ماخلصن إمتحاان أعرفهاا بتجمع الاوارق وبتدرسنا ..>>>ذكـــيه هع

منال فطست من الضحك:شيخووه قولي أنج مامخلصه إمتحااان بسررعه ...
منال ترمس بصوت عالي:أبله بخذ مساحه من عند طاهره...
الابله:خذي
صدت ع طاهره أونه عشان تاخذ المساحه:أونه قولي أنج مامخلصه إمتحاان وخبري الربع يقولوا جيه ..
أنتشر الخبر حق كل بنات الصف ...
حنان تشهق:أآآآهاااا غلــط بنات مساحه ...
ذ.حليمه:شوو حنان ماخلصتي؟؟
حنان:لالا أستاذه هذا غلط ...
ذ.حليمه:ماااشي خلص الوقت لاتعطوها مساحه ...
عااد حنان تتمنى اليوم إللي الابله تغلط عليها ردت
حنان بعصبيه وبصوت عالي:والله الحصه بعدها ماخلصت يعنى مالج حق تاخذي الاوراق عنا ...
ذ.حليمه تصرخ:حناان لا ترفعي صوتج علي وبسرعه عطيني الورقه ...
حنان بمصخره:وإذا ماعطيتج يعنى شو بتسوين؟؟؟
ذ.حليمه:حنــــــان ...
زهراء:أبله هيه ماخلصت والحصه بعدها يعنى خليها تكمل ...
ذ.حليمه:زهراء إنتي سكتي ولا ترمسين شوو محطينج محامي عنها؟؟؟؟
زهراء بصوت عالي:أبله لوسمحتي ماأحب أحد يسكتني ...
ذ.حليمه خافت وقالت:بنات يلاااا جمعوا الاوراق ...
حنان تبا تسووي أكشن قالت بعصبيه:أنا قلت لج إني ما مخلصه ومابعطيج الورقه ألين أخلص أووكيه؟؟؟
ذ.حليمه:خلاص عيل حطي الورقه عندج ...
حنان ترفع حاجب واحد: بنات أبا مساااحه ...
صفيه تعطيها مساحه:اندووج حبيبتي>>تغااايض الثانيه هع
حنان عجبتها الفكره:مشكووووره الغاااااليه ...الله يخلـــيج
وأبله حليمه تحتررق وهن لا ع البال و لا ع الخاطر ...
مريم:شوو حنوونه فديتج خلصتي؟؟؟
حنان:لا حياتووا بعدني >>>!!!!!!
طاهره:حنونه عمري عااادي حلي ع راحتج الابله تتريااج ...
شيخه:حبيبتي حنونه ركزي عشان تيبين الدرجه النهائيه ...>>>خخخخ
حنان شافت الابله حمررت من القهــر قالت:خلااااص حبووا خلصت ...
منال تحطي إيدها ع كتف حنان:يــلا حبيبتي نروح نسلم الورقه ..وعيونها ف ورقتها >>ههههه...
سلمن أوراقهن والابله بمره ظهرت لانها لو هزبتهن بيردن عليها كلهن وهيه وحده كلمتين من معهن يسكتنهااا ...
البنات:هههههههههههههههههههه
صفيه:حلووووووه
منال تضحك بصووت عااااالي مررره
وزهرااء تصرخ من الضحك>>>!!!!!
والبنات بيموتن من الضحك ...
مريم:والله لوو أنا منج حنوون بعطيهااا بووكس...
منال تضحك:ههههه بموووووووت بطني يعورني ههههه وإلا صف هه ووي ههههههههههههههههه ...
البنات تذكرن شكل صفيه يوم تغش ونقعن من الضحك:هههههههههههههههههههه ...
زهراء صررخت بصوووت عاااااااااالي:ههههههههههاااااااااااااي
ياتهم الابله إللي في الكلاس إللي عدالهم ...
الابله:شوو هالصووت؟؟؟
زهراء وف حلجها لبانه:ابله أنا ضحكت
الابله:وشوو هالصووت إللي سويتيه؟؟حشى جنه هالمدرسه مدرسه شباب هب بنات ...
زهراء تتخصر:شوو شوو ؟؟شوو قصدج يعنى أنا ولد؟؟؟؟شكلج ماتعرفيني منو أنا؟؟؟
الابله طالعتها بنظره وظهرت من الكلاس ...والبنات ناقعاات من الضحك ...
خلصت الحصه ...ياتهم أبله أمنه تدرسهم أسريه...وهااي يووم تشرح ترقد مرره ...والبنات محطياات كيك ف الدرج وياكلن>>يايباتنه من البيت جنهن رايحاات السجن هع
طاهره ترفع قطعه كيك وتأشر ع عايشه:تبوواا؟؟
عايشه:هييه هييه عطيني ...
طاهره حطت النص ف صحن وطرشنه حقهن والابله خبر خير >>>نزل الكرم هع ...
سألت الابله سؤال وماعرفن الجواب>>>أصلا مامنتبهاات كيف بجااوبن ...
هههه هزبنتهن شووي وكملت شرح >>الابله حتى عصبيه ماتعرف تعصب ... ههههه ....
شيخه فتحت الكتاب وحطته في الدرج ...سألت الابله سؤال البنات كلهن بصوت واحد وبسررعه ...
البنات:هبله هبله هبله ...
الابله ع بالها يقولن أبله أبله وتشققت من الفرحه تفاعلن البنات معهااا والبنات يضحكن وهيه فرحااانه >>> شررا البقره في حريج هههههه ..........


أنتـــــــظــر ردوووودكــــم ...


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-07-2011, 08:14 AM
مغرورة وصعب حبي مغرورة وصعب حبي غير متصل
©؛°¨غرامي جديد¨°؛©
 
الافتراضي رد: عصـــابة المـــــــــــافيـــا >> بنـــات !!!!!!


بـــالبــااااااجــر ...
يوو شباب في المدرسه عشان يتدربون للحفل العيد الوطني ...وعااد بنات المدرسه لاصقات ف الشبابيك .... كان الشله عليهم أبله سلمى رياضيات ...وطارده حنان وزهراء برع الصف أوونه متأخرات عن الحصه 5 دقايق ...>>>يعنى لو 10 بنقوول لكن 5 !!!!!! ....
حنان وزهراء متربعات شرا العيايز برع ...والابله عطتهن نشاط يحلنه...>>> عنبوو حتى وهن برع ماسلمن من الانشطه ...
حنان تأشر ع الباب :إإإيييه إإإييه إنتي شوو تتتحرين عمرج؟؟؟أهاااا؟؟؟مسووده الويهه ع بالها نخافها ...>>أوونه ترمس الابله ...هع
زهراء:ماأعرفهااا ماأعرفهاا ...إإإيه إإيه ترانا بندوس ببطنج هني شوو هالسباله ...
حنان:ههههههه حلــووووه ...
شافن مريم تطلع إيدهاا من الشباك حقهن ...قامن وراحن صوبهاا ...
حنان:مريوووم شوووو تسوون؟؟
مريم:عطتنا نشاط فردي وأحين تصحح ...
حنان دخلت راسهاا من الشباك وقالت:أبــله ما صدر العفووو؟؟؟
زهراء تدخل راسها :أبله متى بيي الفرج؟؟؟؟
ذ.سلمى تصرخ عليهن:ظهـــرن برررع ...
ردن ويلسن مكانهن وتربعن ...
حنان ردت راسها ع وراء وغمضت عيونهاا وغنت:
وش جاه محبوبي مشى وخلاني**مابين نيراني وبين أحزاني
كملت زهراء وهيه ترد راسها ع وراء وتغمض عيونهاا:وإللي يسوي سواته ماهوو عاقل **يحبني مووت ويصاحب ثااني
.........:محبوووووبي مشى وخلااااااني ...
حنان وزهراء فتحن عيوونهن بسررعه وقامن ...
الشباب ضحكوا عليهن وراحوااا ...>> كانوا الشباب إللي مال التدريب ...رايحين المعرض فووق .....
يوم طافوااا ردن يلسن مكانهن ...بعد شوي يات أبله شريفه ومعاها شباب وايدين رايحين المعرض فوق ...
حنان وزهراء قاامن وراحن صووب باب كلاسهم ...
ذ.شريفه:هااااا ليش مطرودات؟؟؟
زهراء وحنان ضحكن وماردن عليهااا ..
يات الابله تبا تروح ...
زهراء:أبله سوي لنا واسطه عند أبله سلمى ...
ذ.شريفه تفتح باب الكلاس:السلام عليكم أستاذه سلمى ...أقوولج لا تدخليهن للنهايه الحصه ...
الشباب ضحكووا:ههههههههههه
حنان:أمحق واااسطه ...
مسكتها أبله شريفه من أذنهاا :شووو قلتي؟؟؟؟
حنان :آآآه ماشي ماشي ...
ودرتهاا وراحت والشباب يضحكوااا عليهن ...
زهراء تفتح الباب:أبله بس خليناا ندخل ملينا من يلسه برع ...
حنان:أبله بس والله حرر موووت بررع حسي شووي ...
الابله ماردت عليهن ...
زهراء تمسك حنان:حنوون ظهرناا الابله ماتحس ...
حنان:عنبوو جان مافيهااا إحسااااس مااالت عليهاااا ...والله مصخره ...
والابله تسمع وما قالت شي ...
دق الجررس ودخلن البنات والابله بعدهاا ماظهرت ...
زهراء وحنان:الســــلاااااام عليـــكم ...شحالكن بنااااات؟؟؟؟
وراحن يخاشمنهن>>>جنهن من سنه ماشايفاات بعض ...هع
عصبت الابله وظهرت ...والبنات يضحكن ...
الحصه الخامسه عليهم إنجليزي والابله غايبه ويالسات روحهن ويرمسن...وكل وحده تجذب ع الثانيه بجذبه خياليه ماتصير إلا ف الافلام ...
طاهره تجذب عليهن:أنا مرره شفت ريال ساحر في بيتنا ...يووم رحت أفتح الكبت لقيته كاتب لي رساله ((لاتخبرين أحد من أهلج وإلا بذبحج ))وعااد أنا خفت ورحت أبا أرقد ع السرير لقيته تحت ورحت أركض المطبخ ولقيته هناااك >> عايشه ف عالم الجن هاااي ههههه ...
صفيه تجذب:عيل نحن ف بيتنا حرمه عيوز قصيره وشعرهاا أبيض طوويل وتمشي ع عصاا ...تظهر لنا بالليل وتمشي ع كبر البيت وبعدهااا تدخل الحماام وتختفي ...>>> أوووب خطييييره جذبتهاااا ههههههه ....
زهراء تجذب:عااادي نحن عندنا حرمه ساكنه ف بيتنا الجديم ساحره ونحن نرووح عندهااا مانخااف تعودناا>>>ياااا جذاابه قالت ماتخاف ...هههههه
حنان:عيل نحن كل مره تيي حرمه عند بيت جيرانااا وتييب معاهااا دبه ديوو مانعرف شوو فيهااا ...وبالباجر بنتهم مررضت ورقدوهااا في المستشفى >> يااربي عيل سووت لهااا سحر ههههههه ...
مريم:أنااا كل مرره أطووف من عند الحمااام أسمع المااي يشتغل و محد فيه ...>>>سحــر ...هع هع
شيخه:يلعنكن بسكن تنقيع ...رمسن يــلا ...
منال:بعطيكن مووضووع وكل وحده تعطيناا رايهاا ...
البنات:يــلاااااا ...
مناال:أمممم عن الحب يلاااااا ...
عاايشه:هيه إنتي بسررعه إعتررفي منو تحبين؟؟؟؟
منال:ههههه شوو أحب انتي الثانيه ...
طاهره:بنات خاطري ف أكشن ...يعنى أجلن المووضووع لبعدين وظهرنا نسووي أكشن يلااا ...
البنات:يلااااا
ظهرن من الكلاس ...وفي المدرسه معلقين زجاج مرسووم عليه ...ويمسكن الزجاج وكسرنه وتحول الممر كله زجااج ...وحشرره ...ظهررت الابله إللي في الكلاس ...
الابله تشهق:شووو هذاااا؟؟؟
مريم:والله لو خبرتي أحد ببوكس ...
صفيه:الله عليييج ...
الابله بعصبيه:أنتن شوو تسوون هااااا ؟؟؟يلااا ردن الصف ...
حناان:الكلاس أناااا ماراده يعنى شووو بتسويين؟؟؟
طااهره ترمس الابله:إإإيييه والله لو سمعت هالرمسه ظاهره من هنا وبتشوفين شي ماشفتيه فاااهمه؟؟؟يااالغجرررريه ...
منااال ماسكه زجاجه ف إيدهاا:يلا بنات فوووقه ...
وفرت الزجاجه ع الارض وإنكسرت والابله تطالع ...
البنات بصووت عالي:فوووووقه ...
وكسرن جم زجاجه وردن الكلاس ...طبــعااا الابله خبرت عليهن المديرره والمديره فصلتهن 3 أيااام ...في هـ 3 أيااام شووفن شوو سووون ...
اليــــووم الاوووول ...
حنان تتصل حق مريم ...
حنان:هااا مريوووم ملل والله طلعنااا ...
مريم:هييه والله فكره حلوووه تماااام ...
حنان:إتصلي حق صفوي وشيخوووه ومنوول وأنا بخبر زهراء وطاهره أووكيه ...
مريم:أوووكيه
أنتشر الخبرر ...وراحن المووول ...عاااد ف الموول تخيلووا من حصلن ...أبلتهم أبله حليمه ...والابله كانت شاريه بطاطس عماان كيسه كبيره ...بسررعه البنات كتبن 10 أرقااام هواتف ف وراق >>> أخترعن أرقاام من عندهن
وراحن بشوي شوي وفتحن كيسه البطاطس ودخلن الارقااام في الكيسه وشردن ... ياا بدر ريل أبله حليمه وشااف الارقاام وعصب وهزب أبله حليمه والبنات ناقعات ضحك ع شكل أبله حليمه ...
حنان:والله أخرب لها بيتهااا مسووده الويهه...
البنات:شوو بتسوين؟؟؟
خبرتهن الخطه ...
وكتبن ورقه وردن وحطنهاااا ف كيسه البطاطس بس شوي طالعه عشان ينتبهووا لهاا ...
المكتووب ف الورقه ...
((شحالج غناتي؟؟؟
أحين بذمتج هاا ريلج؟؟؟وععع شكله يلوع ...وبعدين ليش هزبج وإنتي سكتي له لو قلتي أنج ماتبيه ... أقوول متى بطلبي الطلاق منه؟؟أناا أتريااا هاليووم يي عسب أخذج ... دخيلج عجلي تراني مستعييييل مووووووت ...
أحبـــــج ...
حبيبج:فهــد )))
شافهااا بدر ريل أبله حليمه .... وحمررررر من العصبيه ....ومسكهاا من شعرهااا جدام النااااس ..
بدر:منوو هااا يالحقيرره؟؟؟؟رمسي يالخاااينه؟؟؟؟
أبله حليمه تصيح:والله ماأعرفه ماأعررف ...بس بس فضحتنا ...
بدر:إنفضحتي يالخاااايسه ...أقووووول ...أنتي طااالق ...طااالق ...طااالق ...وخلي حبيب القللب يي ياخذج ...
وخذ عياله ورااح ..>>> حشى خراااب بيووت هالشله ....
والابله راحت الحماام تصيح وتتصل حق أهلها يوو ياخذوهااا ...
منال :بنااات بستهبل برووح الحمااام عندهااا ...
راحت منال ...أوونه تغسل إيدهااا ...وحصلت أبله حليمه تصيح ...
منال بصدمه:أبله شوو فييج؟؟؟
الابله ماردت عليهااا ...
ومنال ماسكه عمرهااا لا تنقع تضحك جدامهااا ...
منال:أبله شوفيج؟؟؟أقدر أسااعدج ...؟؟؟؟
الابله بصووت مبحوح:لا ...
مناال:عيل بروح أخوويه يترياني برع ...الله يكون ف عوونج ...
وصدت ع جاانب ونقعت من الضحك وظهرت من الحماام وراحت عند الشله وردن البيت وهن ناقعاات من الضحك ع أبله حليمه...عااد ليش هن يكرهن أبله حليمه ؟؟؟لان مره قالت لهن (((قليلات أدب ... أنتن يايات من الاماارات تعلمن بناتنا قله الادب مايايات تدرسن ...)))عشان جيه محطياتنهااا ف راسهن من ذاج اليووم ...وأحين ردن لهااا الصاع صااعين ...
اليــــووووم الثـــــ2ـــاااانــــي ...
راحن المووول ... وعاااد ع نهااايه ردتهن .. شافن الاخصائيه
شيخه:يلااااا بنااات أكشـــن ...
راحت وخذت لها شيلتين من المحل وحده تلثمت بهاا والثانيه ربطتها ف ريولهاا ووقفت ع الدري شراا البويااات ...ومدت الشيله ... طاافت الاخصائيه وهيه مامنتبه حق الشيله...داستهاا وشيخه سحبت ريولهاا ...ووووووتطــــيح الاخصاااائيه من فوووق إليين تحـت ...والبنااات شلنهااا بشررده ...شيخه ردت الشيله مكانهااا وراحن ينزلن من الدري ...>>> جنهن مامسوياات شي ...هع
نزلن وهن يشووفن التجمع ف نهايه الدري ...عمانيين وهنوود والسكيورتيه ...والاخصااائيه فــي النص !!!!... تقربن البنااات ومن شافن الاخصائيه شهقن ...>>> أونهن مايعرف باللي صااار ....
البنااات بصدمه:أبـــــله ....
بس الاخصاائيه كانت فاقده الوعي ونقلوهااا بسررعه المستشفى لان الضرربه ياتهااا ع راسهااااا ... >> الله يسترر ...أعوووذ بالله منهن ...
ردن من الموول وهن فرحانات مسويات إنجاااز ... >>> يسون المصيبه ومايفكرن فيهااا ...
المهم ...
اليـــوم الثــــــ3ـــالث ...
راحن الحديقه ... حصلن أبله سلمى معاهاااا ولــد صغير ومحد كان معاهااا ريال ...المهم ...
ابله سلمى ركبت ولدها ف المريحانه ... وحد إتصل بها ... راحت شوي ع صووب عشان تررد ع المتصل ...
البنااات خذنهااا فررصه ...
زهراء:والله بخذ حقي منهااا ...يلاااااا بنات اكشن...
رااحت شوي عند ولد أبله سلمى ...
زهراء ترمس الياهل:شوو أسمك ياحلوو؟؟؟
الياهل:عيسى
زهراء:أنزين عيسى تبا آيسكريم ؟؟؟
عيسى بفرح:هييه هيه ...
زهراء تشله:أووكيه تعااال معــي ...
وخذته ...ورااحت به ف نهااايه الحديقه والبنات يراقبن أبله سلمى شووو تسووي؟؟؟
أماا أبله سلمى رجعت وشاافت ولدهااا محد ...سألت اليهااال إللي حذاله قالوا لها مانعرف ... ويلست تدور ولدهااا بهدوء وبعدين ماقدرت تتحمل ...يلست تصيح وتصااارخ وتركض في الحديقه شراا المينونه ...وكل ماشافت حرمه ماسكه ولد تروح تركض عندهااا وتحصل هزبه ...وسوت ربشه في الحديقه ...والياهل ع بالهم تلعب راحووا يركضواا معاااهاااا ... وهي تركض ماحست بشيلتهاااا يووم تطيح ...ويلست تركض وشعرهاااا يطير >>> سبااايدر مان ...ههههه ...
أمااا البنات فاطسااات من الضحك ...وبعدين أتصلن حق زهراء قالن لهااا رديه بتموووت ...زهرراااء ياات صوووب البناات ...وأبله سلمى من شافتهن راحت تركض صووبهااا
والشبااب يصرخووا:طااااارت طااارت هههههه ...
أبله سلمى تاخذ ولدها من مع زهرااء:ووينك ياالخااايس ماتعررف أن أبووك محطنك عندي أمااانه ...تباه يردني بيت أهلــي >>> أثااري الابله ماخايفه ع الولد خاايفه ريلهاا يطلقهااا هههههه ...
عطنهااا البنااات الولد وهن فاطسااات من الضحك عليهاااا ...
بالبااجر راحن المدرسه ...الحصه الاولى أبلتهم مشغووله وماياتهم ويلسن يخبرن البناات عن الأكشنااات ...
عاايشه:شوو هااا خيااانه مااايصير ليش ماخبرتوناا ؟؟؟؟مااشي أحيين تقوومواا نسووي أكشن خطييير وقووووي ...
البنات:يلاااااا ...
ظهررن من الكلاس وهن ماشااء الله وااايدات تقريبا نص الكلاس معاهن ... راحن يمشن ف الممر ... حصلن أبله تمشي وحاامل ...
منال:بنااات هاااي ربيعه أبله حليمه ...والله أسووي فيهااا أكشن ...
ردت الكلاس ...يلست شووي وبعدهاا ظهرت ...ترركض عاااد أونهااا مامنتبه حق الابله ...ووودعمتهاااااا وتعمدت تضربهااا ع بطنهاااا ...
الابله:أأآآآآآآآآآهاااااا
منال تصرخ:أهاااا أبـــله ...
وزقرت البنااات ... وساعدنهااا وخبررن المعلمااات وردن الكلاس وهن يضحكن ... >>> عنبوو الله لايبليناااا ...ولا جنه مسوياات شي ...
أنتـــــظررر الردووود ..........


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-07-2011, 08:15 AM
مغرورة وصعب حبي مغرورة وصعب حبي غير متصل
©؛°¨غرامي جديد¨°؛©
 
الافتراضي رد: عصـــابة المـــــــــــافيـــا >> بنـــات !!!!!!


ياااا يوووم الاحتفاااال بالعيد الوطني ... عااد المدرسه مسويين خيمه ف ساحه المدرسه مفتووحه ... وكاان حااضر معاهم والي منطقتهم وعدد من كبااار الولايه... عاااد يااافشيلتهم .... كانووا يقدمووا فقرات العررض ... ومشغلين موسيقى ع حسب الفقره إللي يقدموهااا ... وكانت الفقره ...بنات صغاار يسوون حركات مع بعض ع الموسيقى ... قاامت مريم وصفيه وراحن وراء الخيمه ...
مريم:يلاااا صفووي قطعي الواير الكل مندمج ...
صفيه:أووكيك بقطعه كاامل حتى مال الإنااره أووكيه ؟؟؟؟
مريم:أووووكيه ...
صفيه قطعت الوااير وركضن ويلس عند البنااات بدوون محد ينتبه عليهن ... أمااا الموجودين ... في البدايه الوالي كان يشووف شووو إللي صاار ...وبعدين نزل رااسه وضحك ... ونقعـــن بناااات المدرسه كلهن يضحكن ...والمديرره حمررر ويههاا من الفشيله ...وبسررعه ركبووا الواير وكملووا فقراات الحفل لكن بعد شوو ؟؟؟>>> والله سوون خيييررر هع
البناات نااقعاات من الضحك وماقادرات يمسكن عمارهن شووي ...وعايبنهن الاكشن إللي مسوياتنه ...خلص الحفل وكاان باجي اليووم يوم مفتووح والحضور راحووا يشوفواا أعمال المدرسه ... وعاااد البناات ماخذاات إحتياطاتهن ... يايبات معاهن شلق (((مفرقعاات ))) وهن كلاسهن فووق ... يولعن الشلق ويفرنه من فوق ع البنااات ويشردن وصااارت المدرسه مصخرره ..والوااالي فاطس من الضحك ع المديره إللي ماعارفه شوو تسووي مع البنات ... ويايبات الاب توب معاهن وطبعاا النت مفتووح ... وهن يدخلن الشاات ويستهبلن ...دخلت شيخه بـاسم (((العيووون السوود))) ...ومسكتها وحده (((الفراشه الحزينه)) ...
العيون السود :هلااااا ومرحباااااا شحالج؟؟؟
الفراشه الحزينه:أهليييين فيييك الحمدلله تماام شلوونك إنت؟؟؟
شيخه ترمس الشله:بناااات شوووفووا تتحرانـي ولـد ...
منال:عااادي لعبي عليهااااا ...
العيون السود:تماااام التماااام فديتج ...
الفراشه الحزينه:شوو أسمك؟؟؟
العيوون السود:شيخه وإنتي؟؟؟
الفراشه الحزينه:أأهاااااا سوووووري والله ع بالي ولد ...السموووحه ...
العيون السوود:لالا عادي فديتج هب مشكله مسموحه...
الفراشه الحزينه:سمحيييلي والله ..
شيخه ترمس الشله:أوووهووو عليناااا قلنالج مسموحه ...
والبنات يشوفنا لمحادثه ويضحكن ...
العيون السود:عاادي ...بس ماقلتي لي شوو أسمج؟؟؟؟
الفراشه الحزينه:نوره ...
العيون السود:عااااشت الاسامي نوره ...من وين؟؟؟
الفراشه الحزينه:من الكويت ...
العيون السود:من الكوويت؟؟؟؟من ووين بالضبط؟؟؟
الفراشه الحزينه:الصباح الناصر ...
العيوون السود:تشرفت بمعرفتج يانوره ...
الفراشه الحزينه:إنتي من وين؟؟؟
العيون السود:أنا من الامارات بس رايحه عمان أدرس ...
الفراشه الحزينه:يعنى ف الجامعه؟؟؟؟
العيوون السوود:لالالا مدرسه ...أنا صف تااسع ...
الفراشه الحزينه:عيل إللي أعرفه أنه عماان احيين عليهم دوام وإلا أنا غلطاانه؟؟؟
العيون السود:لالا ماغلطاانه صح ...وأنا أرمسج وأنا في الكلاس ...عااادي ...
الفراشه الحزينه:أنا بروح ع العاام ...بااي ...
وظهررت ...
شيخه:شووفوووااا هااااي ...مااعليه تبا تتعررف ع ولد ...أنااااا بعرفها عليه ...
ظهرت وغيرت نكهاا لـ (((قلـــــبي )))ودخلت ...
قلـــبي:السلام عليكم ...الفراااااشه شلوونج؟؟؟
الفراشه الحزينه:الحمدلله تمماااام شلونك أنت؟؟؟؟
قلــــبي:والله تمااام ...الفراشه!!!ممكن طلب ؟؟؟؟
الفراشه الحزينه:تفضل ...
قلــــبي:نروح ع الخااص ...
الفرااشه الحزينه:تماااام يلاااا ...
شيخه:طاااعووو هاااي أي واااحد رااحت معااه ع الخاااص يلعنج ...
وراحووا ع الخااااص ...
قلــــبي:شوو أسمج؟؟؟
الفراشه الحزينه:نوره ... وإنت؟؟؟
قلـــبي:علـي ...
الفراااشه الحزينه:عاااشت الاسااامي علاوي ...
شيخه:قالت علاوي قالت مسوده الويهه ماااااشي هاااي فاصخه الحيا ...
ورمستهااا شووي شيخه وطبعاااا كله تنقع عليهااا >>> تجذب عليهااا ...هع هع ...
وظهرت ويلسن يرمسن ...
مريم:أأأأوووف ملينااا متى بتخلص المدرسه؟؟؟
صفيه:هييه وبعد كله يدرسناا مافي حصه فااضيين ...
عااايشه:تعااالوواا باجر ف الحصه أونه أناا بيغمى علي ..وأنتواا تعاالووا شلوني ...
طاهره:والله فكره حلووه ...
بالباجر ...سون الخطه في حصه العلوم ...أبله تماضر ...عاد أونه عايشه بيغمى عليها ومنال حذالهاا بتزقر الابله ...
منال تشهق:أبـــله ....عاااايشه ...
تجمعن البنات عليهاا ...والابله مايااات ...والبنات من وصلن حذال عايشه نقعن من الضحك ...
ذ.تماضر:بنااات شوو فيهااا؟؟؟؟؟
إيناس:لالالا أبله مافيها بس نحن متعودين هي دايما تطيح ...
ويلست ربع ساعه طايحه ...وعايشه تعرف تمثل عشان جي الابله ماشكت ...
ذ.تماضر:بنات شلوهااا غرفه الصحه((وهيه واقفه عند السبوره))>>خايفه خخخ
قامن البناات يشلهن عاايشه ...
مريم تهمس حق عايشه:يالخااايسه قوومي ترااج ثجيله تتحرين عمرج ريشه ...
نقعت عاايشه تضحك بس الابله ماشافتها لان البنات كانن متجمعات عليها ...قامت عايشه والكل رد مكانه ...لكن بعد شوو يووم خلصت الحصه ...
زهراء:بس أبله قامت ...
************
يات حصه التربيه الاسلاميه .....
البنات يأشرن حق عايشه أنها تطيح ....وعاايشه تغمزلهن ...بعد شووي طاحت عايشه ...منال تصرخ:أبله عاايشه >>>هااي عبارتهاا ههههه خخ
تجمعن البنات عليهاا ويات الابله ترش ماي ع ويهه عاايشه ...
حنان:زهروو تعااالي يلاااا بسررعه ...
زهراء:يلاااا
طاهره:لحظه لحظه وووين رايحيين؟؟؟
حنان:أونه رايحين نييب ماي وبنظهر ولا بنرد ...يلاااا
طاهره:يلااااااا ...
ظهرن البنات ولاردن ... أماا عايشه .. الابله رشت ع ويهها ماي وقاامت ...
الابله:عايشه شوو فيج؟؟؟
البنات نقعن ضحك ...
الابله:بنااات بــس
وووونقعت عايشه تضحك...
الابله مستغربه:عايشه شوو فييج؟؟؟؟
عايشه تمسك عمرها شوي وتظاهر التعب:لا إستاذه مافيني شي ...
إيناس تضحك:لالا أبله فيها يني هيه كل مره تطيح ...
البنات نقعن يضحكن ...
الابله عصبت:بـــس ردن مكانكن ...
وردن مكانهن وحنان وطاهره وزهراء ظهرن ولا ردن إلا ف نهااايه الحصه ...دخلن ...
الابله:ماشاءالله من ويين؟؟؟
زهراء:أبله رايحين نيب ماي...
حنان:ووو طرشتنها الاخصائيه ...
طاهره:وبعدهااا رحنا عند المديره ...
الابله عرفتهن يجذبن بس دخلتهن ...
وكل حصه يسون جذاا ...ويظهرن وتضيع الحصه وهن عايبتنهن الحركه ...بس الابله إللي يسون عندهاا هالحركه مايعيدنها لانها بتكشفهن >>>حاسباتنها من كل الجوانب هع ...
بالباجر ...
يالساات يتفقن ع الاكشن ...
مريم:هاااا نقووول إتفقناااا ؟؟؟؟؟
صفيه:نقوووول ...
البنات:إتفقنااااااا ...
وفترقن ...كل وحده ع مهمتها ... مريم وصفيه وحنان فووق ... والباجيات تحت ...مريم تسوي حق إللي تحت إشارات وبعدهااا صفررت ...ووووكسررن زجاج جرس الانذار وتعاااالت أصوااات الجرس ف كل مكااان ... وظهررن البناات من الكلاساات يصااارخن والابلات يظهرن البنات عشان يروحن ف الحووي >>> ع بالهن حريق مستووي صدق ..خخخ ...
حنان ومريم وصفيه يظهرن البنات من فووق ...
حنان تصرخ:يـــلااااا بســـرعه تحـــت ...
مريم تصرخ:بنــــات عن الــرقه أحيـــن نزلن ...
صفيه تصرخ:يـــلااااا تحت تحت ...
وراحت تنزل البناات أونهااا بترتيب هع ...
حناان تصرخ:إإإإإيه عن الصرريخ أحييين بس صمختن إذني ... شووو هااا مصخره
مريم بسررعه تلثمت وتصرقعت تضحك عشان محد يشوفهااا وهيه تضحك ...البنات عجبتهن الحركه وتلثمن كلهن ...
وصاااارت المدرسه مصخخره ...والابلات بنزلن من الدري ...
طااحت أبله سلمى من الدري ألين وصلت تحت يلست ... ويلست تشوف حد شافهاا لكــن البناااات ماطاافهن ونقعن يضحكن عليهااااا ....
حنان ومريم وصفيه فووق يالساات ف الممر يضحكن ماقادرات يقومن ...
وإللي تحت يصارخن ع البنااات يظهرن خاارج مبنى المدرسه ...والابلات عاجبتنهن شجااعه البناات ...>>>> مايدرووا أنهن السبب ...خخخ ...
ظهـــروااا البناات والابلات برع المدرسه والمديره إتصلت حق المطافي ...
وصلووا المطافي ودخلووا داخل يدوروا الحريق ... والباجيين ف حوي المدرسه ...ظهروا رجال المطافي من مبنى المدرسه يضحكووااا ... والمديره مستغربه ليش يضحكون ...
واحد من رجال المطافي :والله ياختي نحن ماشفناا حريق ...
المديره بصدمه:شووووو؟؟؟
الريال:مااشي دخلي وشووفي ....الظاهر أنه أحد لعب عليكم وكاسر زجاج جرس الانذار ...
وظهرووا من المدرسه ...
إمااا المديره حالتها حاله خصوصا أنه خطيبهاا ياي معاهم ...وشافته يضحك عليهااا وعصبببت ...
وردن البناات ف الكلاسات ... إمااا الشله ناقعاات يضحكن ع شكل أبله سلمى يووم طاحت ...
المديره بعصبيه:روحووا وزقروا هالشله الفاسده ...
راحت الشله عند المديره وهن ولا جنه مسوياات شي ...
دخلن البنات مكتب المديره :السلام عليكم ...
المديره:أي سلااام هذااا وانتن موجوداات ف المدرسه ؟؟؟هااااا؟؟؟
البنات يطالعن بعض ببراءه ...
المديره تصرخ:هااااا ؟؟؟ لييييش مسووويااات جذاااا؟؟؟وأناااا أقووول هالشجاعه ماتظهرر إلا وراهااا مصيبه ...
مريم أونهااا عصبت:لحظه لحظه شوو سالفتج إنتي ؟؟؟يالسه تصارخين عليناااا ....والله ببوكس
المديره تصرخ :أوونكن ماتعررفن شوو مسوياات؟؟؟
صفيه:الله علييج إنتي وهالصووت إللي شالتنه شوو فييج تبااغمين؟؟؟
حنان:هههههه والله مصخرره إنتي إستااذه حد قالج من قبل؟؟؟؟؟
طاهره:ههه موو بس مصخره إلا غجرريه معاهاااا خخخ...
المديره تصرخ:بــــس ياااقلياات الحيااا ...
شيخه:إإإيه شوي شوي ع عمرج تعرفيناا منو نحن ؟؟؟يلـــعنج ...
منال:الظاهر هااي معاملتكم حق الضيوووف ...إذاا بتيلسي تتعامليين ويااانا هالمعامله بنسووي أكثرررر مفهووم ...
المديره بإستهزاء:شوو بتسووين بعد يالطيبه؟؟؟
منال تصرخ:أقووووول إشتعني ... ويتشووفيين شووو بنسووي ياااا....
ماكملت رمستهااا وظهرت من المكتب والبنات معاها ...والمديره تدعي ربهااا مايسون شي مره ثااانيه ... أمااا البنات يفكر لآكشن ثاااني ...


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 30-07-2011, 08:16 AM
مغرورة وصعب حبي مغرورة وصعب حبي غير متصل
©؛°¨غرامي جديد¨°؛©
 
الافتراضي رد: عصـــابة المـــــــــــافيـــا >> بنـــات !!!!!!


يووم الإربعاااااء ... آآآآخر يوووم إمتحااانات ...
البنات ظاهرات من الإمتحان وطبعااا مبدعاات فيييه .... ظهرن وهن نااوياات ع شر ... بما إنه أخر يوم محد بيهزبهن .... المـــهم ... البنات كانن يايبات دفاترهن وياهن المدرسه ومقطعاتنهن قطع صغاار... وهن ف الطابق الثاني ... وكل وحده ف جهه ...
مريم:بنات سمعن ... يووم بصفر كل وحده تفر الورق إللي عندها ... أوووك؟؟
البنات:آآآآوووك ...
مــريم شافت معلمات وايدات يمشن ف الساحه ... تكشخت وصفرت حق البنات .... فرن البنات الورق ويصاارخن وحولن المدرسه مصخره ... والمعلمات يطالعن فوق والورق يطيح عليهن جنه مطر ... وبنات المدرسه يصقفن وصارخن ومحتشرااات أأأأخر حشره ... وطبعاا المعلمااات مايعرفن من إللي فر عليهن الورق لان البنات نخشن ... المهم ... خلااااص ... كل بنات المدرسه راحن الساحه الخلفيه للمدرسه يترين الباصات ... إمااا الشله يلسن ف كلاسهن ...
طــاهره تطالع الساعه إللي معلقينها ف كلاسهم:ياااخي ناااويه عليها هالساعه ... حراااام البنات إللي بيون كلاسنا السنه اليايه ياخذونها ... وإلا مو جي بنات؟؟؟
صفيه:الله عليييج يبتيهاا ... صدقج والله ...
شيخه كانت يايبه جنطه صغيره وياها ... قامت حنان وخذت جنطه شيخه ... وركبت ع كرسي ...
حنان تنزل الساعه من مكانها:بناات مسكن بسررعه ...
شيخه تمسك الساعه:وإنتي شعنه خذيتي جنطتي؟؟؟
حنان تعلق جنطه شيخه مكان السااعه وتقوول:عشاااان تصيييير تحـــفه ههههههههه ...
البنات يضحكن ع شكل جنطه شيخه:ههههههههههههه

مسكن السااعه وفرنهااا ع الارض بس نكسرت شووي مااوايد ... وردن يفرنها مره ثانيه وثالثه أليين نكسرت ... وراحن حق الخلفيه مال الكلاس ... وطبعااا يايبات سكروب وياهن ... والخلفييه من خشب وثجيييله ... خوزن المسامير من الخلفييه ... وأونهن بيشلن الخلفييه ...>>يتحرن عمارهن رجاال مصارعه خخخخ
ماقدرن يشلنهااا وطااحت وسوت صووت قوووووي .... وصرخن البنات معاها مع ضحك ومصخره ... ظهرن من الكلاسهن ... ويدخل كلاس كلاس يكسرن الطاولات والكراسي ويقطعن الستاير ويشردن من الكلاس ... راحن عند غرفه المعلماات ... وثلثمن ودقن البااب وشردن ... المعلمات ع بالهن الحارس يبا شي .... ظهرن مالقن حد وردن الغرفه ... راحن البنات ودقن عليهن الباب مره ثانيه ... والمعلمات يظهرن ومايلقن حد ... وبعد شوي البنات راحن صوب شباك غرفه المعلمات ويلسن يسون أصوات ويستهبل والمعلمات خايفات ... وبعدها كل معلمه تتصل حق ريلها إيي يشلها ... وراحن المعلمات ... ومحد بقى غير البنات ف المدرسه ... ظهرن من المدرسه وطبعااا الشباااب كل واحد ف صوب وهن يمشن ولا جنه شي مستوي ... طاف أخو مريم ... وهزبهن ليش ردن يمشن وما إتصلن لهم ... ركبن كلهن ف السياره بحشرتهن لان السياره ماوسعتهن خخخ ....


أووول يـــوم ف المدرسه ...
المعلمااات محتشرااات ...
والبنات يايات مفتحات عين ومغمضات عين ومالهن باررض أبدااا ...
المهم عاااد ليييش المعلمات محتشراات؟؟؟؟
ع إللي مسوياتنه البنات أخر يووم ... قامت بنت وقالت ...
البنت:أستااذه أنا أعرف منو إللي مسوي جي؟؟؟
المعلمه بعصبيه:منووو؟؟؟قوولي بسرعه ...
البنت تأشر ع الشله:هايلااا البنات ...
الشله فجن عيوونهن ...
والمعلمه أحتشررت ...
وفصلتهن فصل نهاائي ... وردوهن بيوتهن ...
والاهل سفروهن الامارات عشان يلحقن يكملن الدارسه ف الامارات ...
وطعبااا نشرن شرهن ف مداارس الامارات .. والاهل طفروا منهن ...
وسفروهن برع يمكن مايفهن حق رمستهم ومايسون مشاكل ... المهم سفروهن برع ...
والاهل مستانسين ع درجات بناتهم إللي رتفعن واايد ... وعقلن مايسوون مشاااكل أبدااا ...
لكــــــــــــــــن ..... خلـــــص الكـــورس .... وصـــاااارت ردت البنـــات عنـــد أهلــــهن ... البنــــــــــــــااااات ردن عنــــد أهلــــهن
و و و و و و و و و



كـــــل وحــــده معـــااااهـــاااا ,,,,,,,,,,,,,,,,,,,,,,,,,




ريلــــــــــــــــــــــــلهــــــــاااااا !!!!!!!!!!!!!!!!!!!!!!! ....

يعنى هالهدوووووءه كله كاااااان ((((هـــــدوووء مـــااااقبـــــل العـــــااااصفـــــه ))))

.... ومااااكملن دااارسه .... خلااااااص .... البــنـات عــرسن ,,, خخخخ ...
قبــــل النهـــــــاااااايه مــــاااااأقــــوووول غــــــــــير ...

]]]]]] الـــــله يعـــــــيـــن عـــيـــااااالـــهـــم [[[[[[[...



النـــــــــــهاااااااااااااااايه .................................................. ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 01-08-2011, 05:54 AM
صورة Sooty aziz الرمزية
Sooty aziz Sooty aziz غير متصل
©؛°¨غرامي مشارك¨°؛©
 
الافتراضي رد: عصابة المافيا بنات / بقلمي


هههههههههـ عجبووني

بدآيه بطله :d

كل عآم وآنتي بخيير :*

.
.
~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 04-08-2011, 02:02 PM
مغرورة وصعب حبي مغرورة وصعب حبي غير متصل
©؛°¨غرامي جديد¨°؛©
 
الافتراضي رد: عصابة المافيا بنات / بقلمي


يسلموآآآ ع مرورج الطيييب .... وآلرد علي قصتي ...

تقبلي فآآآق إحترامي ......

وإنتـــي بخيييير .....


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 17-11-2011, 01:42 PM
مغرورة وصعب حبي مغرورة وصعب حبي غير متصل
©؛°¨غرامي جديد¨°؛©
 
الافتراضي رد: عصابة المافيا بنات / بقلمي


ووييين الردود ؟؟؟


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-06-2012, 12:34 AM
صورة همسات وردة الرمزية
همسات وردة همسات وردة غير متصل
©؛°¨غرامي فضي¨°؛©
 
الافتراضي رد: عصابة المافيا بنات / بقلمي


اقتباس:
3 / يتم إغلاق الروايه في حال طلبـ ..الكاتبــ \ ــة...إغلاق الـرواية..أو...لـتأخرها...أهمالها ..أو..لـتجاوزات في الردود
او في حال تأخر الكاتبة لـ أكثر من عشرة أيامـ وتفتح حين جاهزية الأجزاء..

تغلق الروايه



الإشارات المرجعية

عصابة المافيا بنات / بقلمي

الوسوم
قصص قصيره
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
حنيتك راحت لوين وشفيك ما تشتاق لي / بقلمي ، كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1719 11-11-2014 04:08 AM
رواية كل ما قرب مني أنا بعدت و كل ما قربت منه هو بعد ما أدري هي رعشة خوف و إلا جنون الشوق / بقلمي ||~ فخآمة كبريآء ~|| أرشيف الروايات المغلقة - لعدم إكتمالها 22 16-03-2013 02:44 AM
ضمني لين أحس بضلوعي تداخلت / بقلمي ، كاملة Queen malak روايات كامله - يتم نقل الرواية هنا بعد اكتمالها 41 27-11-2010 03:51 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
سقوط عصابة تتسول (بصك) قاتل وهمي أنا مين أخبار عامة - جرائم - اثارة 7 20-10-2004 02:21 AM

الساعة الآن +3: 10:01 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم