اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-08-2011, 08:51 AM
nadoo smile nadoo smile غير متصل
©؛°¨غرامي جديد¨°؛©
 
Upload004d4df318 أنا أحبك يالسخرية القدر \ بقلمي


بسم الله الرحمن الرحيم
عشت في عالم مليئ بالمشاكل.. والاحداث
ولمن اكن المتصرفه في طريقه سيرها\..ّ
كانت تحدث من حولي ولا استطيع ان امنع أي مشكله ملحقه بي
فخطرن في بالي فكره بان امسك قلمي
وابدع في عالمي الخاص عالمي وحدي
وخيالي واحدااثي
هادي اول روايه ليا وانشاء الله تعجب جميع الاذواق
وتنول رضى الجميع
هيا روايه من خيالي
وحبيت انكم تقرؤوها
الكاتبه
nado smile
اعرفكم بالشخصيات الي حتكون في الروايه
مرفت:
العمر: 18 سنه
السكن: جده
الشكل:قصيرا,نحيفه,شعرها طويل يوصل لنهايه ضهرها وغزير وحلو لونو بني فاااتح وناعم جدا,,مشكلتها انها حلوا بس ما تهتم في نفسها كتير
عايشه مع اهلها
شخصيتها:متهوره جريئه دمها خفيف طيبه جدا عندها حس بالمسؤوليه بس مشكلتها تتخذ قرارتها بسرعه من دون تفكير في النتايج..^ ^
عندها اخوان(احمد 21سنه و محمد 19 سنه)
ّ..الشخصيه التانيه..ّّّّّ
رانيا:
العمر: 18 سنه
السكن: مدينه جده
الشكل:طويله جسمها حلو اتخن من مرفت بشويه وتتسمى نحيفه شعرها قصير فكتوريا لونوا شقر بشرتها بيضا تلبس نضارات عيونها لونها ازرق بحري وطاالعه مرا حلوا عليها
شخصيتها""
مرا حبوبه وطيوبه وعلى نيااتها مرا كانها طفله
مهتمه في دراستها وعايشه لحالها مع ابوها
طبعا دايمن محاطه بنظرات الناس لانها شكلها اجنبي مو سعودي
هيا سعوديه لاكن امها اسبانيه واخدت منها الشكل
واتوفت امها وكان عمرها سنتين ونص

ّ..الشخصيه التالته..ّ
رغد:عمرها 18
السكن :جده
شكلها:طويله ,جسمها مليان بشرتها سمرا شعرها قصير مرا بوي
ومرا حلو ستايلها خدودها مليانه شويا
شخصيتها: عربجيه,عصبيه,دمها جدا خفيف,حقاانيه
قلبها جامد اهم شي عندها صحباتها
ساكنه مع اختها وجوزها امها وابوها في النمسا عايشين
وعندها اخو واحد عزابي عايش في شقه لحالوا أسمو براء
شايف نافسو رافع خشمو مرا متكبر مو عاجبو احد اهم شي عندو مستقبلو الحب مالو أي مكان في حياتي
جدي مرا مافي مجال للعب معاه عمره 24سنه
ّ..الشخصيه الرابعه..ّ
حنين:العمر 18سنه
السكن:جده
شكلها:طولها وسط ,نحيفه,بشرتها بيضا فاتحه,شعرها طويل مرا لونو اسود جسمها جذاب ومهتمه فيه
شخصيتها:مرحه ,مدلعه,كتومه,طيبه مرا,شخصيتها ضعيفه ما تقدر تتحمل مسؤوليه كبيره خوافه بالعربي حالتها حاله خخ
مستواها المادي ابوها متقاعد قاعد على راتب التقاعد
وامها تشتغل اعمال يدويه وتبيعها
حنين عندها اخوات(حنان15 سنه و حياه 9سنين)
نقول بسم الله ونبدا في الروايه
أنا أحبك ..يا لسخرية القدر
وصلنا لنهايه العام الدراسي وبدات اجازه نهايه العام
(في بيت مرفت)
الساعه 8 العشاء الكل في بيت مرفت بيتجهز للسفر
ماعدا مرفت كانت معترضه وبشده للسفر مع اهلها لمصر
لسببين الاول انها ما تحب مصر والتاني انها ما تبا تبعد عن صحباتها
فا قررو اهلها يتركوها عند جدتها الين يرجعوا
((كانت مرفت في غرفتها وبترتب ملابسها عشان تروح عند جدتها وكانت لابسه قميص قصير لونو بينك وعليه صوره ميكي في الوسط ورافعه شعرها كوكينه ولابسه شبشب البيت وهيا منهمكه في الترتيب الا لفت انتباها صوت بعيد صوت نغمه جوالها
قعدت تدور عليه الين ما لقتو تحت كووومه ملابسها
طالعت في الاسم واعتلت ابتساامه طالعه من صميم قلبها
مرفت:الوو
رغد: ((بصوتها الخشن )هااااي
مرفت:اهلن اهلن وسهلا
رغد: اهلين بيكي يختي.. كيفك يا بنت؟
مرفت: (( في نفسها:وربي كاني بكلم ولد ))تمااااامو الحمدالله .. يو؟
رغد: كويس الحمدالله
مرفت:كوييس في عينك كويسه
رغد((بلا مبالاه)) يااا اوومي الي هوااا ما فرقت معلينا دحين اعترفي بسرعه ايش كونتي بتسوي ما رديتي بسرعه؟
مرفت:هههه ابدن بس بارتب ملابسي في الشنطه
رغد:اووما لي؟
مرفت: مو اهلي مسافرين وانا رايحه اقعد عند ستي
رغد:باللهي عليكي ياربي كنت ناوي اقصد ناويه نتجمع عندك اليوم>>اهم شي السقه<<بس شكلو مافيش نصيب يلا مو مشكله
مرفت: ((سكتت شويا تفكر وبعدين قالت))مممم تدري تعالولي اليوم واسهرو عندي وانا بكرا اروح عند ستي شو رايك؟
رغد:مممم فكره مش بطااله ...دحين اهلك كلهم مسافرين؟
مرفت:يب يب
رغد: كلهم كلهم؟
مرفت ايوا وه
رغد :طيب كويس عشان ناخد راحتنا اكتر بدل من سخافه اخوكي احمد
مرفت : هههههه كلبا لا تقولي كدا على احمد
رغد:غبي .. اسمعي دحينا دقي على حنين ورانيا قوليلهم انو عندك الجمعه اليوم
مرفت:اوك دحينا
رغد: (بتحذير ) ورديلي بعدين طيييب
مرفت:طيب يا امي خلاص لا تعصبي
رغد:ايوا باقلك انا
مرفت:(يا ماما) تيب
رغد((قفلت في وشها السماعه من دون ما تقول شي))
مرفت:تطاالع في الجوال :مقبوله منك يا رغد
((على طول مرفت سارت تدور على رقم رانيا))
(في بيت رانيا)
في مكان مظلم مافيلو أي فتحته نور وصمت شديد هدوووء وبااارد مررا
في مخلوقه نايمه نومة اهل الكهف في سريرها مغطيه نفسها بالكامل
رانيا كانت في سابع نومه
رانيا:zZzZzZz
((فجاه يدق جوالها على نغمه (انا ليه ساكته عليه _رندا)
رانيا من دون ما تفتح عيونها رفعت يدها على الجوال وضغطت مشغول وكملت نوم
((عند مرفت))
مرفت: ((عندت)) لا يا امك بزي ها انا اوريكي
((رجعت تدق مرا تانيه))
(عند رانيا)
رجع الجوال يدق مرا تانيه
رانيا :zZzZz
مرفت:واللهي محا اسيبك الا لمن تردي ركبت في دمااغي عاد
((رجعت تدق))
(رانيا استسلمت ورفعت يدها وردت على مرفت)
رانيا:( صوتها كلو نوم)هااا
مرفت:صبااااااح الخييير .. اقصد مسااء الخير
رانيا: (وهيا تمسح وجهها بيدها)اهلن
مرفت:يلا صحصحي
رانيا: صاحيه صاحيه
مرفت:اكييييييد ؟
رانيا:(تتثاوب )ايوا
مرفت:طيب اسمعي
رانيا:هاا ((واتسدخت على السرير وغمضت عيونها ))
مرفت:اليوم الجمعه عندي
رانيا: (فتحت عيونها)اما كدا مو اهلك مسافرين؟
مرفت:يب يب بس حقعد اليوم في البيت معاكم لحالي وبكرا اروح عند ستي اصلن انا ما قلتلها اني حاجي عندها يعني عادي ما فرقت
رانيا:اها طيب اشوف ايش عندي واردلك
مرفت:اوكي خودي راحتك بس حتى لو عندك شي حتجي
((سارت رانيا تفكر في ابوها الي مو ساأل فيها ولا داري هيا في البيت دحينا ولا لا فا ما راح تفرق معاه))
رانيا: هههه طيب خلاص اصلن ما عندي شي
مرفت: اوك خلاص استنااكم
رانيا:خلاص بازن الله
مرفت :باااااااي خليني اكلم حنين قبل لا تموت
رانيا:هههههه طيب باااي
((قفلو الخط))
قامت رانيا ودخلت الحمام(الله يكرمكم) تاخدلها شوور
وعند مرفت
دقت على حنين واتفقت معاها انها تجي وخلاص كل شي تمام
قفلت من عند مرفت وراحت عند ملابسها وخرجتلها جينز سكيني اسود وتيشيرد سمااوي
بدات تغير ملابسها الا دخلت امها
مريم:يلا يا ماما احنا دحين ماشيين قومي معانا نوصلك عند ستك
مرفت:هااه..اااه ((بتوتر))لا انا حاروح مع علاء عشان لسه.... شوفي شوفي الكركبه لسه ما.. احم لسه ما غلقت ترتيب نفسي ((ملاحظه..علاء السواق حقهم ))
مريم:يا ربي منك طيب سوي الي تبغيه (وجات تبا تروح))
مرفت:استني انزل معاكي
((نزلت مرفت مع امها عشان تودع ابوها واخوانها قبل ما يسافرو))
عمر: ((ابوها)) مرفووته حبيبتي انتبهي على نفسك يا ماما
ولا تتعبيلي امي الله يرضالي عليكي يا بنتي
مرفت::من عيوووني يا احلى فااازر في الدونيا ((قربت منو وحضنتو بعدين باست راصو ويدو))
راحت عند اخوها احمد وسلمت عليه
مرفت:انتبي على نفسك ميدو وطلبتك طلب لا تروودني
احمد: ((اتحمس)) اتفضلي اطلبي
مرفت:باللهي عليك سيب بنات مصر في حالهم كفايه صحباتي مجننهم هههههههههههههه
احمد(( رفع حواجبو ويطالع فيها باستخفاف )) لا يا شيخه ايش شايفتني حضرتك
مرفت: خخخخ يعني بزكرك بس
وراحت لي محمد وبرضو سلمت عليه
مرفت:وانتا كمانا حبيبي انتبي على نفسك وانبسط هااه انا عارفه انك محا تنبسط بدوني بس يلا سوي الي تقدر عليه
محمد: ههههههههههههههههه تعجبني سقتك ..... اوكي وانتي كمانا دقي عليا كل شويا طمنيني عنك
مرفت : من عنوني
وقعدو يهرجوا وودعتهم ووصلتهم الين الباب وخرجو ا من البيت
دقت على علاء ورسلتو السوبر ماركت عشان يجبلها اغراض عشان صحباتها
وطلعت على طول على غرفتها ولبست ملابسها
((في السياره))
احمد: ((يغني)) مصر هيا امي نيلها هوا دمي شمسها في سماااري حتى لوو..((قطع عليه صوت جوالو)).. احمد :يا هلااااااااا والله باابو الشباب فيينك يا واد غااطس ما نشووفك
ايمن: هه والله موجود بس عارف مشاغل الدونيا الي ما تخلص
احمد :لالا عاازرك والله ايوا قولي كيفك ايش اخبارك؟
ايمن: والله الحمدالله بخير انتا ايش مسوي؟
احمد: والله انا باغني خخخ
ايمن:عادي هههههه ما علينا الا فينك انتا دحين خلينا تقابل
احمد :والله يا صااحبي كان نفسي بس مسافر دحين مع الاهل مصر
ايمن((غمز لصاحبو مؤيد))ماشاء الله ومتى راجع؟
احمد:واللهي تقريبا بعد اسبوع كدا
ايمن :يلاا تروح وترجع بالسلامه انتا واهلك
احمد :الله يسلمك حبيبي
ايمن :يلا توصي شي حبيت اطمن عليك
احمد لا سلااااامتك تطمن عليك العافيه يارب
ايمن :مع السلامه
احمد:يا هلا مع السلامه
ملاحظه.... ايمن صاحب احمد من ايام السنوي بنفس عمرو وراحو سوا الجامعه
شخصيه احمد :مرح .دمو خفيف حياتو كلها فله
شكلو: طوووويل جسمو ريااضي حلو بشرتو بيضا
وملامح وجهو جميله ما نقول حلو مررررا ولا وحش لا عادي جميل مقبول
((نرجع للروايه))
ايمن ((بخبث)) مااااشي يا معلم الغبي دا مسافر هوا واهلو يعني يا معلم كل شي تماااااااااام
مؤيد ((بتوتر)) اكيد كل شي تمام
ايمن :افا عليييييك بس ورينا شطاارتك يا بطل
((مؤيد عمرو 22 سنه عاطل عن العمل عندو مرض نفسي حتكتشوفه قريب مستواه المادي ممتاااااااز
بسبب ابوه طبعا
ومصاحب ايمن وطبعا ايمن مستغل مرضو النفسي لمصلحتو مو حبا فيه ))
ايمن :قوم قوم معايا بسرعه وجهز نفسك نروح
مؤيد: طيب بس شوووف انا ماني مستعد لأي غلطه سمعتي وسمعه ابويا اهم شي
انا متعود على كدا بس شي بسيييط مو لدي الدرجه فاهم
ايمن:يا ابويا لا تخااااااف على ضمااانتي
((عند مرفت))
الساعه 10 الليل
اتجمعو كل البنات في البيت وفي غرفه مرفت تحديدا
مرفت : انا ما احب الانوار الكتيره ديي استنو اقفل الانوار واجي
كلهم:طيب
((نزلت مرفت قفلت انوار البيت كلها سار البيت من برا باين انو مافي احد ابببدن وكان عند الباب في سياره السواق بس ماهو موجود حاليا فا قدام البيت فااضي ورجعت مرفت للبنات))
ايمن :هداكا هوا البيت شوف كيف فاااااضي لا سيارات قدامو ولا انوار مفتوحه ولا ابن امو في الشارع هنا
مؤيد :خلاص تمام
ايمن :الله معاك حبيبي بيض وجهي ها
مؤيد ((طالع فيه بتكبر)) اقول اسكت بس كانك منتا عارفني يعني ما امسك حاجه الا وانا جايب خبرها
ايمن:هههه صح علييييييك كدا تعجبني انطلق
((خرج مؤيد من السياره وكان لابس اسود في اسود وغطا وجهو بقنااع خافي ملامحو مو باين غير عيوني وفمو
قرب من البيت واتسلق السور ونط على البيت
مااشي بكل سقه وهدووء وصل لعند الباب الخلفي باب المطبخ
طلع المفك من جيبو وقربو من عند الباب الا الباب انفتح من دون شي
ابتسم مؤيد بثقه ودخل البيت
((عند البنات في الغرفه))
رغد :حنين شوفي الرقم داا ويمين الله جبلي القرف بس يدقدق عليا من الصباااااح
حنين:رديتي عليه؟
رغد:لا
حنين:طيب هاتي ارد عليه انا
رغد:((بجلافه))لا حبيبتي دحين يسمع صوتك ناعم ومغنج وحالتو حااله يقول دي موزا ويلصقلي
حنين: هههههههههه يختي عليا اهو بتعترفي انو صوتي حلو هع
رغد ))اتنرفزت وسارت تطااااااااااالع فيهااااا))
حنين ((خافت)) احم ..رغد جوالك يدق
رانيا:طيب رغدوو ردي عليه انتي حيسمع صوتك جلف وخشن وحق عياااااال كدا حيشخ على نفسو ولا يدق مرا تانيه
مرفت :هههههههههههههههه لا تقولو كدا على رغوودتيي كلااااااب اسمعي رغد ردي عليه انتي وصرخي علييه كدا
وهواحيبطل يدق تاني
رجع يدق جوال رغد مرا تانيه
رغد :اهو الكلب بيدق مرا تانيه
كلهم : ردي
((ردت رغد على الجوال واخدت نفس عشان تهزييييئ بقوه عشان يخاف ومتحمسه ))
رغد : ((بعصبيه ))الوووو
......: الو هلا
رغد: ((انقلبت 180 درجه وسااااار وجهها احمر ومنحرجه))
البنات كلهم استغربو من شكلها
رغد : اه .. اهل..ين
اماني: رغد حبيبتي كيفك؟
رغد: الحمدالله وانتي ؟
((البنات انفلتو ضححححححححك على رغد انها طلعت صحبتها مو ولد ولا شي ))
قعدت تهرج رغد شويا مع صحبتها وقفلت وجاتهم
وهيا ميته ضحك على الي سار
نروح لمؤيد
دخل البيت وسار يمشي بشويييش لانو ظلاااااام جدا مو شايف شي قدامو راح لعند الجدار وقعد يتحسس يبغا يوصل للفيش حق النور وسار يتحسس ويمشي شويا شويا الين خبط في طاوله فوقها فااازه كبييره قداامو وطااحت الفازه انكسرت وطلعت صوووووت عاااالي وصل لعند البنات فووق
مؤيد قعد في الارض رجلو توجعو لانو صقع الطاوله بقوه برجولو
عند البنات
عم الهدووء فجاه ونبضات قلبهم كل وحده اسرع من التانيه وسارو يتلفتو يمين شماالي مفرصعين عيونهم اخر شي
قامو كلهم جري اتلمو جمب بعض وسارو ماسكين في بعض خاايفيين
رانيا:بنااااات
((محد رد))
رانيا: بناااااااااااااااااات
كلهم : هاااااااااه
رانيا : انا خااااايفه
مرفت :وانا كماااااااان ..يا ماماااا
رغد:طيب خلونا نقوم نشوف ايش في امكن تطلع بسه ولا فاار ما ادري
حنين :يا سلام بتطمنينا انتي دحييين ..كل واااحد فيهم يخوف اكتر من التاني
رغد :طيييب خلونا نشووف على الاقل نرتااح شويا ... هيا قومو
((قامت رغد ومشيت وطالعت على ورا لقتهم زي ما همااا ما اتحركو ))
رغد :هيييييييييي هيا قومو معااااياااا
مرفت :لالا انا خايفه
رغد((معصبه وخايفه في نفس الوقت ))ولا كلمه قومو بسرعه نقطه انتها الكلام كلكم معايا ((توضيح تقصد بالنقطه النقط هالي تنحط في اخر الكلام وتدل على نهايه الموضوع )
حنين : يووووووه طيب هيا
((وقامو كلهم وماسكيين في بعض خايفين خرجوا من الغرفه وماشيين بشووويييييش حبه حبه
رغد (( عصبت )) خيييييير يا ماما انتي وهييا امشوو عدل
مرفت: رغد راعي ضروفنا نحنا خايفين
رغد :هههههه طيب بس امشو بسرعه شويا
((مشيو الين ما قربو لعند الدرج وسارو ينزلو حبه حبه رغد في المقدمه وراها مرفت وورا مرفت حنين ماسكه فيها ورانيا ماسكه في حنين اخر شي
رانيا :بناااات اناا حشرااانه
مرفت: يووووووووووووووه مو وقتك مرررررررررا
رانيا : الله يستر لا يطلع شي يخوف وما اقدر امسك نفسي واشخ
مرفت: لااااااااه يرضااالي عليكي امسكي نفسك
رغد (بتخوفهم)بنات اتخيلو يكون حرامي
مرفت :((بخوووووف))لالالالا رغد لا تقولي كدا حرامي في عينك ناقصها هيا
رغد : مجرد تخمييين
حنين :رغد نقطينا بسكااتك
رغد :هههههههههه طيب امشو
((نزلو على الصاله فتحت مرفت النور ))
البنات اتلفتو يمين شمال ماافي شي
((مؤيد حس انو في البيت في احد قام بسرعه ودخل على الغرفه الي جمبو وراح ورا الكنبات ))
رغد :شفتو مافيش شي بس خفت.... ((ما كملت كلمتها الا سمعو صوت في الغرفه الي فيها مؤيد ))
مرفت : (( بخوووووووووووف)) اهئ اهئ هناااااااكاااااااا (تاشر بيدها على الغرفه )
مؤيد : ((بصوت وااطي )) لااااااا شكلهم انتبهو علياااااا
رغد : طيب امشو نروح الغرفه
حنين ((مصدومه )) اييييييييييييييييش لا حبيبتي روحي لوحدك مننا مستغنيين عن روحنا نحنا
((مؤيد في نفسو :باين انهم بنااات بس ((بخبث)) ههه محلووووووله
رغد : الله يصلحك يا مرفت ايش فيلو بيتكم دا هاااا
مرفت(بنكد) ايش دراااااني انا
رغد :طيب امشو نشوف ايش في دحييينا وحنين ولا كلمه
((كلهم سلمو للامر الواقع واتأهبو نفسيا للي حيكون في الغرفه وكانو ميتين خوف وماسكين بعض بقوه وبيمشو حبه حبه ))
رغد:خللللللللللصونا يا هووووووووووو ايش هوا داا
كلهم : طيييييييب
رغد :هههههههههههههه والله لو كان فار لا يشوف نفسسسو على مناظركم هههههه
((ما اعطوها وجهه))
كملو مشي الين وصلو عند الباب
رغد مدت يدها للباااب .................)
(....**نهايه الفصل الاول** ....)



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 11-08-2011, 09:04 AM
صورة SHASHBONH الرمزية
SHASHBONH SHASHBONH غير متصل
©؛°¨غرامي مشارك¨°؛©
 
الافتراضي رد: أنا أحبك..يا لسخرية القدر \ **بقلمي**


كملي بدايه موفقه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-08-2011, 09:37 AM
qamarhanna qamarhanna غير متصل
©؛°¨غرامي جديد¨°؛©
 
الافتراضي رد: أنا أحبك..يا لسخرية القدر \ **بقلمي**


كملي متاااااااااااااااااااااااااابعه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 12-08-2011, 12:41 AM
nadoo smile nadoo smile غير متصل
©؛°¨غرامي جديد¨°؛©
 
الافتراضي رد: أنا أحبك..يا لسخرية القدر \ **بقلمي**


اقتباس:
المشاركة الأساسية كتبها shashbonh مشاهدة المشاركة
كملي بدايه موفقه
انشاء الله راح اكملها
والله يوفق الجميع
شكرا لمرورك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 12-08-2011, 12:42 AM
nadoo smile nadoo smile غير متصل
©؛°¨غرامي جديد¨°؛©
 
الافتراضي رد: أنا أحبك..يا لسخرية القدر \ **بقلمي**


اقتباس:
المشاركة الأساسية كتبها qamarhanna مشاهدة المشاركة
كملي متاااااااااااااااااااااااااابعه
من عيوني راح اكمل باذن الله
شكرا لمرورك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 12-08-2011, 10:08 AM
nadoo smile nadoo smile غير متصل
©؛°¨غرامي جديد¨°؛©
 
الافتراضي رد: أنا أحبك..يا لسخرية القدر \ **بقلمي**


انشاء الله اليوم بالعشااء
راح انزل الفصل الثاااني


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 13-08-2011, 06:10 AM
nadoo smile nadoo smile غير متصل
©؛°¨غرامي جديد¨°؛©
 
الافتراضي رد: أنا أحبك..يا لسخرية القدر \ **بقلمي**


(..الجزء الثاني ..)
مدت يدها رغد عشان تفتح الباب....
تررررررررررررررررررن
مرفت((شهقت)) بسم الله
رغد:روحي ردي
مرفت: ((خايفه)) طي .. طيب محا ندخل الغرفه نشوف ايش في
رغد:انتي روحي ردي ونشوف
مرفت: لالالا اخاف روحي ردي انتي
رغد : (عصبت )مرفت بييتكم
مرفت :اعرف بيتنا بس انتي ردي انا سامحتلك
رغد :اففففف طيب تعالو معايا
مؤيد : ((ارتاح)) اوووووه ((في نفسو )) طيب دحينا لازم اخرج بأي طريقه وما ينتبهوولي
كلهم :يلا
((راحو لعند التلفون رفعت رغد السماعه ونبضات قلبهم كل مالها تسرع اكتر ))
رانيا: ((تنزل على تحت وتلم رجلينها ))ااااااه انا حشرااااااانه ((وراحت عنهم للحمام الله يكرمكم
رغد :الو ....الووو ((عصبت )) الووووووووو
((قفلت السماعه بقوه ))
مرفت :مين؟
حنين ((بخوف))لالا في شي اليووووم في حااجه مرييبه
مؤيد((حس انو الوضع يسمحلو انو يخرج قرب وحط ادنو عند الباب وسار يسمع بتركييز ما سمع شي فتح الباب
رانيا : وااااااااااااااااااااااااااااااااااااااااااااااااا ااااااااااااااااااه
رغد ((شهقت ))رااانيا
((راحو جري لعند رانيا ووقفوا كلهم فجأه مصدوومين من المنظر الي شايفينو))
رانيا : ((عيونها غرقت دمووع ودرجه حراره جسمها ارتفعت وجها سار احمرر ))...... اهئ ...
((مؤيد اتفاجئ برانيا قدامو ما عرف ايش يسوي نزل عينو للارض في الفازه المكسوره اخد قطعه منها وبسرعه حط يدو على فمها والقزازه تحت رقبتها))
مؤيد:ولااااا كلمه أي حركه كدا ولا كدا منكم يمين الله لا تلاقو دمها في الارض
((البنات انعقدت السنتهم وكوومه من الاحاسيس السيئه مرت عليهم ))
مؤيد ((بانفعال ))امشوا قدامي بسرعه ...((صررخ))..بسرررعه
((انفجعو من صوتو كلهم وراحوا جرري عند كنبه وجلسو كلهم جمب بعض وماسكين في بعض خايفين ))
مؤيد: ((بنظره خباثه ))ما ابغا اسمع نفس انتي وياها فاهمين
((قرب لعندهم ورمالهم رانيا))
رانيا ::ااااااه ....اهئ اهئ
رغد ((انقهرت منو )) ايش هوا داا أي الي ترميها كدا فين قاعدين احنا ازا انتا مفكر اننا خايفين من.....
مؤيد ((صرخ ))انخرسي ..كلمه تانيه منك راح تندمي
((وجهه نظرو لمرفت وانصدم منها اتقلبت كل ملامح وجهو من مجرم لي انسااان طيب
حس بضعف فظيييع من نظره مرفت حس انها دخلت قلبو من نظره بس
بدات نبضات قلبو تدق اكتر واكتر كل ما يركز في شكل جسمها المرسوم رسم فجاه انتبه لنفسو ولنظراتهم لو حسو بضعفو وحس انو في خطر سار رايح جي مو عارف ايش يسوي وهما يطالعوا فيه ))
رغد ((عصبت)) وبعدين يعني لمتى حنفضل كدا حرامي عجيب بصراحه !
مؤيد : ششششششششش
رغد : ابو حاااالتنا ياخي ترا نحنا في السعوديه وانتا داخلنا حضرتك وبتطالع فينا واحنا بملابسنا دي
مؤيد : ههههه معا انو خايفه احد يطالع فيكي بمنظرك دا
رغد : ((اتنرفزت )) ومييين انتا عشان اخفي عيوبي قدامك تراك حراااامي تعرف يعني اييه حراامي
مؤيد ((حس انو نيران بتشتعل في قلبو من كلمتها نفسو يمسكها ويدبحها بس هيا ما قالت شي غلط صح هوا حرامي حراامي))
مؤيد: صح انا حرامي بس على الاقل مني بنت واسوي ولد
((رغد لفت على مرفت ))
رغد:شوفتي بيتكم المنحووس مو لو كنا خرجنا مكان تاني وانتي انقلعتي بيت ستك مو كان احسن
مرفت((اتنرفزت)) لا يا شيييخه ومين الي قلي (تقلد صوت رغد)خصاره كان نفسي نتجمع عندك اليوم
مؤيد (في نفسو) يا عمري انتي
مؤيد : هييي هييي انتي وهيا اعطيتكم وجه ((سار يتكلم بخبث)) لا تحسبو انو هديت شويا
واني باسمع لاهاانتك يااا ((يطالع في رغد ))
رغد: ما اتشرف اقلك اسمي
مؤيد ماشاء الله هادا كلو اسمك ما علينا
(قرب من رغد )ترا انا (يقلد صوتها) حراامي.. واتوقعي مني أي شي
ادبحك
انحرك
اتفنن في تقطييعك وصله وصله
رانيا : ((حشرانه)) يا ويلي اهئ اهئ
رغد ((بكل بروود رفعتلو صباعها الوسطى ))
حنين :اهئ اهئ طيب انا ايش دخلني مالي شغل انا واللهي (بنياح )يااااربييييييي اييش هوا داا انا ايش ذنبي
رانيا: (خايفه) طيب اسمع ن..نت..نتفااهم واللهي العضيم عندي 500 ريال دوووبها جدييده حتى لسه ريحتها فيها نضيفه تلمع (ببراءه) تاخدها؟
(مؤيد طالع فيها ووجهو حمر يبغا يضحك قام لف على الجهه التانيه عشان ما يبان عليه)
((مرفت ساكته قاعده تفكر بعمق في طريقه تخرجها من الموقف الي هما فيه وخااايفه من نظراتو لها ))
حنين:اففففففففففف اهئ اهئ (تصرخ)انا مالي شغل خلاص سيبنا في حالنا وربي مرا عيب اهئ اهئ انا طفشت الله يخليك..خد رانيا خليها احسن احد قلها تروح الحمام يلا خودها وسيبنا في حالنا
مؤيد:خلاااااااااااااص انتي بزاااااااات تسكتي
حنين:طيب اسم....(قطعها)
مؤيد:ولا كلمه
حنين:اهئ اهئ طيب انا ايش سويتلك الله يخليك سيبنا في حالنا واللهي حرام عليك
مؤيد :كلمه تانيه منك انا مني مسؤول عن الي حيحصلك ((فرصع عيونو قرب منها))(صرخ) اسكتييييييييي
((حنين خافت وسكتت))
رغد: ترا بدات اعصب انا من جد
رانيا:طيب في كمان عندي جوالي ايفون 4 جي مررا خطير قريب مشتريتو مررا جديد (بترجي) تاخدو؟
رغد: يا ابويا مو انتا حرامي يلا حبيبي البيت قدامك خد الي تبغا عشان انا فاض بيا خلاص
مرفت: احلفييييي بس بيتك هوااا
رغد: انتي اسكتي
مرفت :رغد وربي انتي مرا كلبه
رغد:مرفت ترا عصبببت بعدي عني الساعه دي
مرفت:( ( مقهوره )) طيب ويعني عصبتي ؟
رغد: مررررررررررفت
مؤيد : ((في نفسسو :يا حياتي واسمك مرفت))الله ياخد الساعه الي اتطسيييييت في نظري وفكرت اخش البيت دا وربي السجن اهون لي من مقابلتكم
حنين:طيب خلاص انا تعبت واللهي
رانيا:انا حشرانه
((لفو عليا البنات وهما معصبين))
كلهم:مو الشخااااااانه دي هيا الي ورطتنا في الهم الي احنا فيه
رغد:خلييكيي حشراانه شخي على نفسك انا انااا محا اخليكي تقومي
رانيا:ينااااااات حرام عليكم ترا وربي اشخلكم هنا ترا
مرفت :دحين سؤال يسدح نفسو ويرررمي نفسو انتا رايح جاي كدا ولابس الشي دا مغطي وجهك صدعتنا بتفكر في ايش
((مؤيد طالع فيها وسار يركز بصممممممت ويقرب منها شويا شويا وهيا ترجع على ورا وتمسك يد حنين وهوا قعد يقرب يقرب منها غمضت عيونها وسارت حااسه بنفسو قرريب مرا منها فتحت عيونها لقتو في وشهااا
قعد يركززز في عيونها وبعدين نزل نظرو لي صدرها))
((اضايقت مرفت مررا من نظراتو وخايفه مرا))
مؤيد: عارفه لو ما سكتوا ايش الي حيسير؟
رانيا((بلهفه)) اييش؟؟
مؤيد:محا تخرجوا من الغرفه دي بنات ((وابتسم ابتسامه خبااااااااثه))
رانيا : ((شهقت)) يعني حتقتلنا ؟؟؟؟
((مؤيد طالع في عيون رانيا وشايف فيها نظره البراااءه ونوعا ما الغباء))
حنين:ط..ط......طيب..ممك...
((فجأه يدق جوال مرفت في غرفتها فوق ))
مرفت((شهقت وتتكلم بلهفه)) جوااالي جواالي بيدق فووق والله بيدق
مؤييد :انخررسي ولا كلمه منتي رااده
مرفت((بترجي))الله يرضى عليك الله يخليك خليني اطلع اجيبو الله يخليك
مؤيد ((بلا مبالاه)) لا
مرفت((اتجمعت الدموع في عيونها وجهها سار احمر من القهر))
مؤيد ((قلبو بيتقطع عليها بس خايف على نفسو اكتر.. خايف لو طلعت لجوالها تدق على الشرطه ولا احد يجي للبيت))
مؤيد : طيب حتاخدي جوالك بس مو انتي الي تطلعي تجيبيه
مرفت : ميييين؟
مؤيد : (اشر على رانيا) انتي اطلعي جيبيه (عشان باين انها هبله وبرييئه متاكد انها محا تسوي شي)بس لو سويتي حركه كدا ولا كدا صدقيينيي حتكون حياة صحباتك التمن
رانيا: (خافت) ط..طيب
مرفت: ((حطت يدها على وجهها وسارت تبكي بقهر ))
طلعت رانيا تجيب الجوال
مرفت: ((قربت من رغد وتتكلم بهمس ))ياااااااااارب تشوفلنا حل يااارب
رغد : ((باستهزاااء )) ههه ما لقيتي غير رانيا حتسمع كلامو وتجيب الجوال زي ما قلها وخصوصا بعد الي قلها هوا ابن الكلب
مؤيد : شششششش
رغد ((رفعلتو صباعها الوسطى ولفت وجهها ))
عند رانيا
طلعت الدرجه بسرعه وراحت جري لعند غرفه مرفت عشان تلحق على الجوال
دورت عليه لقتو فوق الكومدينه
اتجهتلو جري
مسكت الجوال لقت مكتوب ((علاء))
رانيا ((ردت)) الوو
علاء: معليش يا انسه مرفت بس حضرتك قلتيلي هتلي عصير بس ما قلتليش نوع العصير الي عيزااه ايه ؟
رانيا : علاء علاء
علاء: ايوا يا انسه
رانيا : اسمعني مزبوووط طيب
علاء: لا مؤاخزه يا انسه بس الموباايل عمااال بيقطع مش فاهمك كويس
رانيا : في حرامي في البيت
علاء: اييه؟
رانيا ((قفلت في وشو )) (عصبت) اقلب وجهك غبي غبي
((فكرت انها تدق على الشرطه عشان يساعدوهم بس حست بخوووووف شديد على صحباتها
وكمان عشان حست انها اتاخرت وراح يحس هوا كمان))
مؤيد كان متوتر اكتر شي وبدا العرق يتصبصب من جبينو
انفلتت اعصابو وقرر انو يطلع لي رانيا اتجهه للباب الا لقا رانيا جايه
((سحب منها الجوال بجلافه ))
وقفلو وحطو في جيبو
مرفت : ((انصدمت)) اييييه ايي دا اديني جوالي
مؤيد : شششششش
مرفت ((عصبت )) لا مو ششششش فهمممني لييه
رغد : (باستحقار)مو حرامي عادي
((انحرق دمو مؤيد وانفلتت اعصابو قرب من عند رغد ورفع يدو عليها))
حنين : واااااااااااه مرررفت
((مرفت غابت عن الوعي وطاحت في الارض ))
مؤيد سار يطالع فيها مصدووم وصحباتها اتلمو عليها ويحاولو يقوموها وساروا يبكوا ويصرخوا
ومؤيد لساعو مصدووم ويطاالع في مرفت ويرجع على ورا
واعطاهم ضهرو وشرد برا البيت
عند البنات
رانيا : ((حاطه يدها على وجهه مرفت )) مرفت حبيبتي مررفت اهئ اهئ قومي الله يخليكي مرفت
رغد : ((قامت تجري لفوق تجيب عطر ))
حنين : اهئ اهئئئئ مرررررفت يا ويييليي اييش حنسوويي مرررفت
مرفت : هههههههههههههههههههههههههههههههههه كيف بس ما اعرف امثل
((حنين وانيا سارو يضربها ))حيوانه حيواااااااانه خوفتينا عليييكيييييي
حنين : شوفي يدي كيف تررجف
مرفت: ههههههههههههه يا حبيييبتي انا اسفه بس شوفي انقذتكم منو الحقير
رانيا : يا ليتك من اول سويتي زي كدا
((رغد نزلت تجري عشان تلحق على صحبتها وخايفه عليها مرا ومعاها عطر وصلت للغرفه دخلت ووقفت مصدومه))
مرفت : هههههههههههههههههههههههه
رغد ((عصبت ورمت العطر على الكنبه وسارت تطااااالع في مرفت بحقد شويا شويا شويا انقلبت نظره الحقد لي نظره محبه وابتسمت ابتسامه ارتيااااح ودمعت عيونها))
مرفت: افاااااااااااااا وراحت جري لعند رغد وحضنتها بقووووووه
ورغد بدورها هيا كمان حضنتها وغطت عيونها في كتف مرفت وسارت تبكي وتقولها:مرررفت خوفتيني عليكي مو بس لو يقتلني ابن الكلب بس انتي ما يسرلك شي
جو رانيا وحنين وحضنوهم هما كماااناا وسارو يبكو كلهم
((عند مؤيد))
خرج من البيت يجري وحااااسس بحرارتو مرتفعه وخايف على مرفت
ومتوتر وحاسس انو هوا انساان حقييير مرييييض ما يسوى شي
بعد عن البيت مرا كتير
وتعب وسار ينهج جلس على اقرب رصيف
خرج القناع الي في وجهو ورجع على ورا واخد نفس وقعد يفكر
مؤيد : لييش كدا ليييييييييييييه ياااا ربيييييييي ارحمنييييييييييييييي
ليش انا كدااا
والله مو بيدي
عندي فلوووس مغرقه الدونيا واحسن سمعه
واحسن عيله
طيييب ليييييييييييييه ليش اسررق انا مني محتااااااااااج
مرفت مرررفت ليش حاسس تجاهها كدا
لالالالالالالا مو حب مو حب
طيب ايش سرلها دحيين
يا ربيييييييييييه الله ياخدني الله ياخدنييي
(صرخ) الله ياااااااااخدنييييييييييييييييييييييييييي
وحط يدو على وجهو
فكر يدق على ايمن عشان يجي ياخدو
بس حس انو هوا مو فايق يتكلم مع احد يبغا يقعد شويا لحالو وقعد في مكانو يفكر
((عند البنات))
انتهو من فلم الحب الي كانوا فيه
مرفت:وربي مخنووقه حااسه ريحتو في كل محل مني قادره اقعد
رانيا: امشو نخرج
رغد:شوفي الساعه كم قال نخرج
رانيا: عااادي يعني هيا اول مررا كتير خرجنا دا الوقت
حنين:ايوالله خلونا نخرج من جد هنا مررا ضيقه نفس
رغد: اوكي براحتكم
مرفت: يووووووه جوالي عندو الحقير
رغد: الله ييحرقو يا شيخه محل ما ودا وجهو .. خدي جوالي
((اخدت مرفت جوال رغد ودقت على علاء طلبت منو يجي ))
رانيا : دا الغبي علاء لمن دق جوالك كان هوا ورديت عليه اقلو في حرامي في البيت يقولي اييييه
مرفت: هههههههههههههههه احلااااااااا تصدقي اتوقعناكي ما تسوي شي
رانيا: ايييش دراكم انتو عني انا خطيره
رغد : اقول بس لا تشوفيلنا نفسك دحيين
رانيا: لالالا بتعاملوني وحش
حنين: هههههههههههههه مشي حالك حبيبتي
قعدو يهرجو ويضحكوا الين وصل علاء
خرجوا برا البيت قربوا لعند السياره
((فتحت رغد الباب))
رغد: يلا اندفسو
حنين : اسمها اتفضلو مو اندفسسوو
رغد: اقول اندفسي وانتي ساكته
حنين : ((اتغلبت على امرها)) طيب
دخلت حنين اول وحده ورا وجمبها مرفت وجمب مرفت رغد ورانيا دخلت اخر شي
رغد: رانيا اقفلي الباب
رانيا: طيب
رغد: هيييياااا
((رانيا كانت بتدخل عبايتها مزبوط عشان ما تخرج على برا))
رانيا: لالا شوفوا شوفوا كيف بتعاملني وحش
رغد: ههههههه اقفلي الباب وخلصينا
((قفلت رانيا الباب ومشيت السيااره شويا شويا لفت من عند البيت ))
مرفت : ههههههههههههه وربيي انها تضحك مرررا
رانيا: ((مصدومه)) وااا بنات شوفوا شوفوا الحقوا بسرعه
(................................................. ..............................................)
(**نهاااااااايه الفصل الثاااااني **)



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 13-08-2011, 08:31 AM
nadoo smile nadoo smile غير متصل
©؛°¨غرامي جديد¨°؛©
 
الافتراضي رد: أنا أحبك..يا لسخرية القدر \ **بقلمي**


ابغا اشووووووووووووووف التفاااااعل عشاان اتحممس للفصل الجااااااااااااي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-08-2011, 07:58 PM
nadoo smile nadoo smile غير متصل
©؛°¨غرامي جديد¨°؛©
 
الافتراضي رد: أنا أحبك..يا لسخرية القدر \ **بقلمي**



(..الفصل الثاااالت..)
رانيا:وااااااا بنات شوفوا شوفوا الحقو بسرعه
حنين((شهقت))هادا هوا؟؟
مرفت: استنو استنو (وبتطااالع في الولد الي قاعد في الرصيف وباين عليه التعب والارهااق)
رغد: نفس الملابس.. ..الا .. الا.. هوا اكييد بس وجهو مو باااين مزبووط
رانيا:الا انا شايفتو مزبوووط
مرفت: ولا انا مني شايفتو مزبووط
حنين: سيبونا منوو دحيين خليه ينقلع الله لا يعطيه عافيه يارب
رانيا: (بطيبه) حرااااااااااام
مرفت : حرمت عليه عيشتو الله ياخدو شيبلي شعري
رانيا: ( حزنانه عليه ) طيب امكن فقيير
مرفت : رانيا خلاص سيرتو توتر خلاص اسكتي
((كملو طريقهم وراحو لعند البحر قضوا اخر ساعتنين من الليل مع اتصالات ام حنين
وازعاجات اخت رغد كان مع كل اتصاال رانيا يوجعها قلبها اكتر
تتمنى ابوها يتصل عليها كل شويه
ويتطمن عليها
ويصرخ عليها لو اتاخرت
ويستناها في الصاله الين ترجع
ويحاسبها فين راحت وفين جااات بس للاسف ابوها لاهي في حياتو وماهو درااي عنها
لمن بدات الشمس تطلع رتبو اغراضهم ورجعت كل وحده على بيتها
ومرفت راحت عند جدتها
والنوم كان مجاافيهم من احداث الليله المااضيه
وسااارو مترقبييين أي حركه أي صووت
((يحقلهم الي مروا فيه مو شويه خخخخ))
صباح اليوم الثااني
صباح الخير ..

صباح القلب الصافي .. والحب الصادق .. صباح الطير حين يغرد ..

صباح الفل والياسمين .. صباح زاكي بذكر الله .
((وعند رغد مافي أي علامه تدل انو صبااح
نايمه في غرفه مضلمه ومقفله الشبابيك بتجليده سوده عشان تمنع دخول الشمس الي في نظرها انها
مزعجه فجأه ينقطع عليها سكونها المظلم وتدخل عليها اختها))
رهف: رغد رغد رغد رغد رغد
رغد : (فتحت عيونها بالغصيييبه مع اخلاااااااق معدوومه ونفسيه كريهه)
هااااااااااااا
رهف: هيا قووومي طفشت برا لحااالي
رغد: اوووووفت فين الطين زوجك؟
رهف: لااااااا لا تقولي طيييين حبيبي فدييتو راح عند اهلو
رغد: طيب اخرجي ابا انام
رهف: لالا هيا قومي معايا اختي على الفااضي يلا قومي
رغد: يووووه يا رهف يرحم امك يرحم ابووكي يرحم ساااابع جدك سيبيني انام
رهف: لاااااااااا ( بترجي مع تصنع الدلع) هيييييا بليييييييييز قومي معايا
رغد: (قامت رغد من سريرها بكل صعوبه وعيونها مقفله وشبه مفتوحه
وعلامات النوم على وجهها
مع تكشيره في عند الحواجب والفم
والشعر الله لا يورييكم ليييفه
ومنكووووش كمان
رهف( يا ساتر ) يا لطيييييف ايش هادا حاسه اني بصحي عمي عصماااان البواب
رغد: ها ها ها دمك خفيف
رهف: ههههههههههه
(( رغد قامت من سريرها وراحت على الحمام الله يكرمكم تغسل وجهها وتتوضا عشان تصلي الفجرالي مرت عليه سااعاات وهيا نايمه))
رهف: ((واقفه عند باب الحمام )) استنااااكي ولا مطوله
رغد: ((في نفسها ايش اللصقه دي يا ربي
ياربي انا ايش سويت في حيااتي عشان تبلاني بأخت زي كدا ما اقول غير حسبنا الله ونعم الوكيل)) لاااااااا.... تستنيني ليييه.؟ خلاص روحي وانا لمن اغلق اجيكي
رهف: لالا استناكي
رغد((عصبت)) انقلعيييييييييي
رهف: هههههههههههههه (تحب تعصبها) طيب طيب خلاص حاروح
((خرجت رغد من الحمام الله يكرمكم ولبست شرشف الصلاه الي تتمنى اكتر انها ولد عشان ما تلبسو وعلى طول كبرت وبدات تصلي))
رهف (رجعت مرا تانيه لي غرفه رغد ولقتها تصلي))
رهف: يا عيني يا عييني على الايماااان امووت انا
رغد((صلاااااااه))
اركعي زي الناااااس انزلي اكتر
رغد((تحاول انها تنزل اكتر))
رهف: استغفر الله العضيييم كدا الناس تسجد اسجدي عدل لا حول ولا قوه الا بالله
ورغد: ((انشغلت في صلاتها وسارت تفكر انها تنتهي بسرعه عشاان تحط حرتها في رهف))
رهف(( شافتها تسلم قامت تجري عارفه انها ناويه عليها ))
رغد((تصرخ )) تعاااااااللي( وراحت تجري وراها ))
رهف: واااااااااااه خلااااااااص اسفه والله اسفه (وتجري)
رغد تجري وراها: اسفه بعد ايييش بعد ما شغلتيني في الصلاه استغفر الله من وجهك
رهف: هههههههههههه ايش اسويلك انتي تصلي غلط
((عصبت وسارت تجري اسرع)) غلط هاااه غللللط
فجاه يدق الجرس
رهف: ستووووووووب الجرس الجرس الجرس
رغد : ((تحمدي ربك فكك من يدي )) طيب يختي روحي شوفي لا يكون زووجك بعدين يغثني
( راحت رهف تفتح الباب)
رهف: اهلااااااااااااااااااااااان فيييينك يا واااد ايش الغييبه الطوييله دييي
براء(ينزل راصو يسلم على اختو لانوا طول منها بكثير))
براااء : والله يا هوفتي عاارفه الدوواام ومشااغلو...بس ما قلتيلي كيف حالك انتي
وكيف حال يوسف زوجك
((دخلتو على الصاله وقعد))
رهف: والله كلنا بخييير حبيبي ناقصتنا شووفتك
براااء :انشااء الله دايمن .. الا فين ... ((ما كمل كلمتو))
رغد : ((دخلت بهمجيه )) يا كلب يا ابن الكلب ولا كانو عندك اخت تانيه تسال عنها ولا حاجه يا لطيييف
خلاص انا اصلن اتبريت منكم .. بييئه بيئئه
براء: هههههه يا رب سترك ايش دا يا ما ما مو انتي تخطفي الكبابه من فم القدر لو استنيتي كماان ثاانيه كان سمعتي اسمك
رغد: اااااه قلتلي ما علينا كيفك ايش مسوي
براء: والله بخير الحمدالله
وقعدوا يهرجوا مع بعض اليييييين
رغد: اسمع براااز حبيبي اليوم جاييه انا وصحباتي لعندك في المحل طللبتك اختك انها هاا اتوصا فينا
براء : اولن برااااز في عينك تانيا فلووس ابويا هيا عشان اتوصا فيكم
رغد: مالي شغل اتصرف
براء: يسير خيير
براء: يلا انا استاذن ورايا دواام وابا الحق عليه
رهف: خصااره لسه ما شبعت منك
براء: الجايات اكتر حبيبتي .. يلا مع السلامه
رغد,رهف: مع السلامه
((راحت رهف توصلو لعند الباب ))
قامت رغد تكلم صحباتها
حنين: ما اعرف والله يا رغدو امس عشان اتاخرنا ماما سوتلي فلم امكن ما ترضالي اخرج اليوم
رغد: هاتيها انا اكلمها
حنين: طيب
((ام حنين تحترم رغد مررا تشوفها عاقله ورااكزه صح شكلها ما يسااعد بس هيا تهتم بالانسان ما داخلو اكتر من مظهرو ))
رغد: السلام عليكم
ام حنين: هلا حبيبتي وعليكم السلام
رغد: كيف حالك يا خاله ...؟!
ام حنين: والله انا بخير حبيبتي .. انتي كيفك كيف حال اختك؟
رغد: والله كلنا كويسين الحمدالله..... خالتلي طلبتك لا تروديني
ام حنين: جااكي يا بنتي اتفضلي
رغد: رايحين السوق اليوم انا والبنات وما تكمل فرحتنا الا بوجود حنين
ام حنين: يا حبيبتي انتي خلاص ماشي بس لا تتاخرو زي ا مس تقلقوني عليكم
رغد: ((انتي لو تدري ايش سار امس خخ)) انشاء الله يا خاليتي من عيوني
ام حنين: يلا خدي حنين
حنين: هااااه ايش قالت؟
رغد : تبي تفهميني انك ما كنتي جمبها دحين هاااه
حنين: هههه يقطع شرك لا ما كنت جمبها قولي ايش قالت
رغد: اااه قولتيلي .. ايش حتقول يعني اكيد حترضى
جنين: وااااااه طيب كويس
رغد: يلا انقلعي خليني اكلم مرفت ورانيا
حنين: ( يا ساتر) طيب يلا باي
رغد ((قفلت في وشها من دون أي كلمه))
حنين: (تطالع في الجوال )حسبنا الله ونعم الوكيل
رغد كملت رغد مسيرتها اليوميه ودقت على مرفت ورانيا واكدتلهم على الخرجه اليوم
وكل شي تمام
( في العصر الساعه 5:00)
ركبت مرفت سياره السواق ومرت على صحباتها رانيا بعدين رغد بعدين حنين
واتوجهوا لي مول العرب الي بجده
((دخلوا للمول ولفوا بكذا محل واشتروا كم حاجه ))
حنين : بنات ابغا عطر ابا اروح داكا المحل اشوف امكن في شي جديد(وتاشر على محل عطور قدامهم)
رغد ما شافت المحل الي اشرت عليه ( كانت مشغوله بالمس عالي متعبها)
رغد: انا ابغا ارح الحمام اصلح الزفت المسفع الي مطفش اهلي .. ااااه يا امي يا ليتك جبتيني ولد
مرفت: وانا كمانا
رانيا: خودوني معاكم
حنين : طيب خلاص انتو روحوا الحمام وانا الحقكم بعدين
كلهم : طيب
اتوجهت حنين لمحل العطور الي قدامها
حنين: السلام عليكم
......: وعليكم السلام
حنين: لو سمحت ابغا اشوف العطور الجديده الي نازله
.....: اكيد ثواني
((نزلها كم نوع عطر طلعلها الورقه الصغيره وبخلها من العطور واعطاها تشم))
حنين: ممممم دا مررا حلو (مسكت العلبه وحطتها على الطاوله)طيب وريني هادا (وبتاشر على عطر تاني)
.... : انشاء الله ((نزلها العطر الي اشرت عليه))
حنين( مدت يدها تاخد العطر الا بحركه سريعه صقعت يدها بالعطر الي حطتو على الطاوله وطاح وانكسر)
: (شهقت) وااااااه
براء: (عصب ولا شعوريا) انتي غبييييييييييه
حنين(تبا تبكي ) انا . انا اسفه والله ما كان قصدي
براء: اسفه أيش استفيد منها اسفه دي انا هاااااااااه
حنين: طيب انا راح اعطيك حقو مو مشكله
براء: ما ابغا شي انقلعي
حنين: (تبكي ومعصبه من كلاموو) الا رااح اعطيك حقو ولا تكلمني كدا فاااهم
براء: ((طالع فيها والحقد كلو في عيونو)) اقلك اطلعي برا لا ويمين بالله ارتكب فيكي جريمه
حنين((خافت وسارت تبكي اكتر.. وخرجت برا المحل جري))
(عند مرفت ورغد ورانيا )
رغد: ههههه اقفلي المويا هههه اقلك اقفلي المويا
مرفت: هااااتي شنطتي اول
رانيا: ههههههههههههههههههه ااااه يا بطني
رغد: هههه خلاص حعطيكي بس اقفلي المويا
مرفت: يلا هاتي بسرعه ترا والله اررشك بالمويا
رغد: هههههه لالا خلاص خودي خودي
مرفت: هاتي( اخدت شنطتها من عندها)
فجاه يدق جوال رغد
رغد: الوو
رهف: رغد فينك؟
رغد: في العرب لييه؟
رهف: تعالي بسرعه
رغد: ايش فييه؟
رهف اقلك تعالي دحينا مافي وقت بسرعه طيب
رغد: طيب طيب دحيم جايا باي
(وقفلت من عند رهف وسارت تبا تخرج بسرعه)
مرفت: ايش في
رغد: ما اعرف بس لازم اروح بسرعه
رانيا: طيب ايش الهرجه؟
رغد : (مشيت بسرعه وراحت عنهم)
:::نروح لحنين :::
حنين : (تكلم نفسها) والله لا اوريك وربي وربي تصرخ عليا كدا طييييب تشووووف
(شافت ولد صغير بيعدي قدامها وجاتها فكره )
حنين: استنا استنا حبيبي تعال
الولد: (وقف مستغرب )
حنين: تعال حبيبي
الولد: (قرب لعندها ) نعم؟
حنين: اكلت حاجه
الولد: لا
حنين: طيب اسمع انا راح اعطيك فلوس تشتري فيها اكل وكل الي تبغا كمان بس ابغاك تسوي حاجه صغييييره
الولد: (انبسط ) بالله كم حتعطيني ..؟
حنين: ااااااه (طالعت في شنطتها )200 ريال
الولد: واااااااااال قوليلي بسرعه ايش تبغي وانا حااضر
((الولد تقريبا بعمر ال 8,7 سنين))
قربت حنين لعند ادنو وقالتلو على الفكره
الولد : هههههه حلوه
حنين: يلا روح وتعال بسرعه وانتبي لا يجي وراك ماشي
الولد: من عيوني 200 ريال دي مي قليله
حنين : هههه يلا بسرعه
((راح الولد لمحل مشروبات غازيه اشترى عصير شعير واتوجه لمحل العطور الي يملكو براء))
(براء كان في الارض قدام باب المحل بيكنس القزاز ويمسح وطبعا ريحة العطر انتشرت في المحل كلو )
(قرب الولد من عند المحل لقااه قاعد يمسح: هههههههه احسن شي
دخل المحل
الولد: عمو
براء : ( بنفس ضييقه) نعم
الولد( مد له العصير ) ممكن تفتحلي
برااء: يعني ما لقيت في الموول كلوا لا انا افتحلك العصييير رووح يا بابا محل تاني انا مني فااضي
الولد: لالا الله يخليك انتا افتحلي
براء: يا ابني اسمع الكلااام انا مني فااضي
الولد : اوووووووفت ( فتح العصير وكبو على براء ) عشان ما تفتحلي هوا
(وعلى طوول خرج يجري)
براء : ( ثاااااااابت في محلو ما اتحرك وحاسس براكييين بتفووور جواتو اتغير لونو من البيض الثلجي الا احمر نااااااقي من العصبيه وعروقو برزت من العصبيه)فجأه
براء: اعوذ بالله من الشيطان الرجيم اعوذ بالله من الشيطان الرجيم
(استهدى بالله وقام من محلو اخد منشفه ومسح وجهو وشويا من ملابسو)
براء: ايييييييييف ريحتي زي الزفت استغفر الله من الشعييير دا
( راح الولد لعند حنين وقلها ايش الي سار وسارت تضحك واعطتو ال200 زي ما وعدتو ورااحت بسرعه قامت هيا تبا تكمل فكره الانتقام وقربت من عند المحل)
حنين: هههههههههههههههههههههههههههههههههههه ه
... أي مسااعده؟
براء: (( سامع صوووووت جديد صوت حلو صوت يمووون عليه بس الكلاااام مو كلام يريح ولا يهدي الخااطر بالعكس يزيد هيجااااان
طاااالع في حنين لقا فيها كل صفات الجمال الي يتمناها أي وااااحد بس كرامتو وكبرياائو ما يسمحولو انو يتماادى اكتر في احسااااسو تجاهها او تجاه أي بنت عجبتو قبلها ما ركز فيها اول ما دخلت المحل عشان كانت مغطيه وجهها وكانت تتدلع بصوتها وما كانت بطبيعتها .. اخيرن طالع فيها وابتسم)
براء: لو سمحتي تبغي شي..؟
حنين: ((في نفسها: حمااااااار غبي نفسي اشد شعرك الطشك كف ابكسك اطلع حررررررتي)) لا بس شوفتك في حاااله مزريه قلت اعرض خدماتتي
براء: شكرا ليكي
حنين العفو (( ومشيت من قدام المحل))
براء (( في نفسو:: والله عااارف انو انتي الي ورا الولد والعصير بس فييييين وربي ما تروحلك)
حنين((ماشيه وبكل ثقه ودقت على صحباتها وشافت هما فين وراحتلهم))
حنين: فين رغد ؟
مرفت : راحت الكلبه
حنين : اييييش لييييش طيب وكييف ..؟
رانيا: دقت عليها اختها مدري ايش قالتلها وخرجت رغد على طول سالناها ايش في ما ردت راحت بسرعه
حنين: وه بسم الله انشاء الله خير
كلهم: انشاء الله
حنين: (( بلهفه)) فاااااااااتكم ايش سار معايا قبل شويا
كلهم : اتحمسوا.... ايش..؟!
(( وحكتهم حنين الي سار بالتفصيل وكانت خاافيه عليها النظرااات الي بتراقبها من بعييد وطلعت مو بس حنين الي بتتراقب كمان مررفت))
مرفت: ههههههههههه يا شيخه وربي انك خطيييره خليه احسن يستااهل اخرتو عطر ليش يصرخ كدا
حنين: هههههه من جد بس وربي ضحكت من قلبي لمن شوفت شكلو
رانيا: ( حزنت عليه) حراااااااااااااام
مرفت : يوووووووووه تبدا رانيا بالمسلسل الحزين حقها حرام وحرام
حنين: ههههه رانيا حبيبتي احسن خليه يستاهل
(( براء من بعيد)) فييين حتروحي من يدي جاااااايبك جااايبك وحا اردلك هيا
((مؤيد من بعيد)) يااااا عمري انتي حمدالله اطمنت انك بخير بس ابغا اكلمها (خاف) لالا اخاف تعرفني يوووه اوووووفت مني قادر اصبر
لازم اروح اكلمها..... ولا الاحسن لمن تكون لحالها ...احاول اني اكلمها في وقت ما يكنونوا صحباتها معاها
مرفت: قرب يادن المغرب
حنين: يب يب خلينا نرجع البيت يلا
رانيا : طيب يلا
واتوجهو لبوابه المول الي دخلو منها ودوروا بعيونهم على سياره علاء الين لقوها
وراحو ركبو السياره وكانت النظرات ملاحقتهم برضو
خرجت براء بسرعه معاهم وركب سيارتو واستناهم يتحركو وحرك وراهم
وسار يمشي وراهم في كل محل
حنين: تعالو عندي البيت
مرفت: لا يا شيخه جدتي قاعدتلي على الوحده.. خليها مرا تانيه
رانيا: خخ انا عن نفسي ما ورايا شي
حنين: مرفت بلا بيااخه تعالي بدل الطفش اليوم ايش نقعد نسوي لسه الوقت بدري
مرفت: ماا اعر....(قطعتها)
حنين: هيا هيا هيا هيااااااا
مرفت: ههههه طيب خلاص عشان خاطرك
حنين: يسعد قلبك.... علاااااء على بيتي
علاء: من عنييييه يا انسه
واتوجه بالسياره لبيت حنين وفي الطريق دقت مرفت على رغد وقالتلها انهم رايحين بيت حنين
وسياره برااء ورااهم
.................................................. ..................
(..نهاااااايه الفصل الثااااالث..)



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 18-08-2011, 02:18 AM
صورة akws shosho الرمزية
akws shosho akws shosho غير متصل
©؛°¨غرامي جديد¨°؛©
 
الافتراضي رد: أنا أحبك..يا لسخرية القدر \ **بقلمي**


مــــــــــرآآ خطـــــــــــــيرآآ واللهي
اتحمسسست اكتررر شي
وعليكي اسلووب حلوو مشالله ..
واستمــــــري ياندوو ياقلبي وليكي مستقبل حلو انشالله
وانا متابعتك للنهايهـ ..
ونستنآآ البآرت الجي



الإشارات المرجعية

أنا أحبك يالسخرية القدر \ بقلمي

الوسوم
**بقلمي** , أحبك..يا , مصيرية , القدر
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6254 الأمس 06:17 AM

الساعة الآن +3: 02:01 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم