في احدى اليالي الصيف .... كنت منسدحه امام التلفزيون ومنسجمه مع ايقاعات الموسيقى ( خاشه جو )
وبينما انا منسدحه مادريت الا كعب الشغاله بخشتي <<< اوخص شغالتهم تلبس كعب
واقوم اوقف ابي اشوف وش جاب كعب الشغاله بخشتي
اثرها الوالده الله يطول بعمرها حذفته علي تعرفون ام تداعب بنتها وتقول: انتي من عرفتس وانتي مقابلتن هالبليه ( بالشده على الياء تقصد التلفزيون )
ام شوشه : يمه وش تبغيني أسوي بالله
الوالدة الله يحفظها : روحي لبنات خالتس ولا خليهم يجونتس
ام شوشه : يمه والله انتس صادزه البيت زهق وملل وطفش بس بعد برى البيت حر والشوارع زحمه تنبت براسي نخله وانا ماوصلت مشواري وبعدين اتا ماحب بنات خالي احب بنات عمي <<< تبي تقهر امها عشان الكعب
الوالده الله يخليها لنا انشالله :: عمت عينتس بلا بكيفتس
واخيرا قررت اروح مملكه المرأه ( مملكه المراه عشان اهلنا يعيون علينا نروح لحالنا لمكان مختلط ) انا وبنات خالي ودقيت عليهم وكلهم قالو قدام الا وحدتن منهم علتن مستعله دايم تقول مقدر اجي مع السواق لحالي تبغاني امرها كالعاده
ويوم فكرت شوي قلت كيف اروح مع السواق اخاف اروح لانه كان يوم مدري وش هو بس زززززززززحمه
وقلت يام شوشه مالك الا اخوك ابو عابد ... وتذكرت انه تزووووج.. وتخنقني العبره وتبدأ عيوني تغورق من هالدموع على فرقى اخوي فلذه تسبدي .. مع انه مكفخني ليل نهار كل ابو دايم انا وياه طقاق .. بس ياحبيله
قلت اييييييه يالله يابنت الحلال مالك إلا تركي الخكري أبو الخلاقين ( هذا بعد اخوي لبسه كله مقوصر والعياذ بالله الله لايبلانا )
وبعد جهد جهيد احاول اقنع فيه بالاخير قال يالله اخلصي علينا انا بمشي بعد الصلاه دغري وترى معي خويي فهد
فففههههددد ويتغير لون وجهي من ابيض الى رمادي مائل للزرقه يااااااا ربييييييييييييييه شلون بركب معه ذا والله استحييييييي حسبي الله عليك ياتروك المشكلة إني واعدت البنات تلقينهم الحين راحو
المهم واركب السياره ونمشي ومرينا فهد ( صديق اخوي تركي) وبعدين بنت خالي ... وطوول الوقت ساكتين ماغير اخوي تركي يتكلم ...
حتى جوالي يدق وما أرد وجوال صديقه يدق وما يرد .... يعني هدوووووء كننا في بيت فاضي منقطع عنه الكرهب
انا بصراحه ماستحي بس هو مدري وش فيه <<< تحاول ترقع
قعدنا ساعتين ثلاث وذلفنا ( طلعنا).. من المملكه ..
تجيكم السالفه <<< كل ذي مو سالفه
ويوم جينا بنرجع وركبنا السيارة.... كيف .... أنا أقولكم كيف... اخوي يسوق,,, وصديقه جنبه,,,وأنا ورى صديقه,,, وبنت خالي ورى اخوي
وصديق اخوي يسمع بنت خالي تقنعني انزل معها ويوم نزلت بيتهم حسبني نزلت معها
مامرت ثواني من نزول بنت خالي الا قعد يلعن خير اخوي لانه كان كل شوي يحرجه <<< مزح تماسيح
وتركي اخوي يبي يقوله بس مو قادر من الضحك لانه عارف انه ماكان يدري عني
وصديقه واثق اني نزلت
وش سوى
وش تتوقعون
كان قدامي وينزل المرتبه علي من سؤ حظي اني كنت وراه
واااااااااااو
مادريت الا راسه فوق رجولي
وش صار....
وش السالفة ....
مدري
جا اخوي قال اسمي بأقوى ماعنده ( ترى أم شوشه موجودة )
العرض العادي
