اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 29-08-2011, 08:19 AM
صورة نـوف الـراشد~ الرمزية
نـوف الـراشد~ نـوف الـراشد~ غير متصل
©؛°¨غرامي مجتهد¨°؛©
 
الافتراضي روايتي الأولى : أسحر كل العيون بنظرة من عيوني إلا عيونها هي اللي سحرتني


اسحر كل العيون بنظره من عيوني .. الا عيونها هي الي سحرتني ..


,,,,,,,,,,,,,,,,,


دلال / يبه ابي فلووس..

ام ساره / وانشاء الله كم تبين 50 ولا الف دينار؟؟؟


دلال/ رجاءّ انا طلبت من ابوي ما طلبت منج ..

بعدين انا عندي فلوس بس محتاجه 10 دنانير

بو دلال/ طيب مسكي ذوول 15 دينار

دلال/ مشكوور يبه انا ورفيجتي نوف بنروح مجمع ...

وانشاء الله ماراح نتاخر عن اذنك يبه..

بو دلال/ اذنج معاج..

ام ساره/ بصراحه انت مدلع بنتك واايد ومعطيها الحريه في كلشي..

بو دلال/ لا ماني مدلعهاا وايد بس لانها يتيمه امها متوفيه بعدين هي كبيره وتعرف تصرف

ام ساره/ ايه..

,,,,,,,,,,,,,,,,,,,,,,,

دلال/ ياربي زوجة ابوي باطه كبدددي مره تسوي روحها طيبه ومره الحمدالله والشكر ااف اكرهاا

نوف/ ماعليه يا قلبي تحمليهاا لانها اكبر منك بواايد ومثل امك..

دلال بعصبيه / اكبر مني على عيني وراسي بس مثل امي ..لا

هاذي ماتسوى ظفر واحد من امي..

نوف/ طيب طيب لاتعصبين..

دلال/ ماني معصبه..

,,,,,,,,,,,,,,

في القهوه في طاولة اربع شباب..

ناصر/ اقول عزوز بما اني منوور الكويت بوجودي وشرايك تعزمني على شي؟؟

عبد العزيز/ اعزمك على شنو؟؟

ناصر بمسخره/ على حلاق .. بعد على شنو اكيد على مجمع من اكبر مجمعات الكويت..

عبدالعزيز/ وشلون اعزمك مافهمت..

ناصر/ يعني توصلي اكبر مجمع بسيارتك طبعا لاني انا ومجود جاين بتكسي وتدفع عني كلشي اشتريه بس..

عبدالعزيز بسخريه/ ايه يالغالي وطلب رخيص ..

ماجد/ ههههههه اصلا هو يبي يروح المجمع بس حق لمغازل..

ناصر ببتسامه/ كاشفني ولد عمي..

صقر/ اصلا انت ماجيت الكويت الا عشان لمغازل .. اصلا انت اكبر مغازلجي بالعالم..

ناصر / اي صح السانك ..ههه..

عبدالعزيز / وتعترف بعد!!

ناصر/ وبكل فخر ههههههاااااي..

,,,,,,,,,,,,,

عند دلال ونوف في اكبر مجمع بالكويت..

دلال/ هااه نونو اشرايج اي احلى الزرقا ولا الصفرا ولا الحمرا ..

نوف/ والله مادري شوفي الي يناسبج اكثر..

دلال/ امممم.. والله محتاره الصفرا حلووه بس هم الحمرا حلوووه..



>>>> انتي احلى يا قلبي >>>>>


دلال/ نــــــعـــم!!!!!!


الاول/ ايه انتي احلى يأم العيوون السووود..

الثاني/ اااااه ماهقيت ان البراقع يفتنني..

دلال/ لاااا انتوو صدق ما تستحوون على ويهكم..

نوف/ تعالي تعاالي ما عليك منهم .. خلينا نمشي بس..

الاول/ انزين ممكن الرقم بس..

دلال بسخريه وهي تطلع الموبايل/ ايييه ولا يهمك بس انت عطني رقمك وانا ادق عليك احين..

نوف بستغراب/ منجدك؟؟؟

دلال/ وشفييك بسرعه هاات الرقم ..

الاول مصدق عمره/ ايه ايه 50 .........

دلال/ ايه انطر اشوي بس .>>>> وتدق الرقم ..

الوووه الشرطه لو سمحتوا ..

الثاني/ قطع قطع من زينج لحتى نغازلج ياماا تحت البراقع شواااذي ..

دلال/ ايه مجمع..

الثاني/ تعااال يالغبي وسحب رفيجه وشردوا من المجمع..

نوف/ هههههههااي احين فهمت بعدين انتي منصجج اتصلتي على الشرطه؟؟

دلال/ لاطبعااا ههههههه..


وكل هذا صار جدام .. ناصر + ماجد + عبد العزيز + صقر..

عبد العزيز / مشاء الله عليهاا قووويه وتصرفهاا عجبنييي..

ناصر/ ههه بس ماراح تصعب علي بنظره وحده راح اجيبهااا ..

ماجد/ ليش اشناوي عليييه؟؟؟


ناصر/ ولاشي بس الي اقصده ان اشكالهاا ماتصعب علي..


عبدالعزيز/ الله يهديدك بس..


,,,,,,,,,,,,,,,,

انتهى البارت الاول..

وانا بنتظار ردودكم وتشجيعكم بردود على روايتي الاولى

واهم شي توقعاتكم..


اختكم / شووق القمر*




آخر من قام بالتعديل نـوف الـراشد~; بتاريخ 29-08-2011 الساعة 08:25 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 29-08-2011, 08:49 AM
صورة نـوف الـراشد~ الرمزية
نـوف الـراشد~ نـوف الـراشد~ غير متصل
©؛°¨غرامي مجتهد¨°؛©
 
الافتراضي رد: روايتي الاولى/ اسحر كل العيون بنظره من عيوني .. الا عيونها هي الي سحرتني .. >>> بقلمي*


احم احم

طبعا هذه اول روايه لي ..

وانا احب الروايات وامووت فيهااا من الابتدائي وانا اقرا قصص وروايات

وكان حلم عمري اني اكتب روايه تعجبني وتعجب جميع الاعضاء <<<< بالاحلام طبعاا هههه


وتحققت امنيتي اني اكتب روايه وانشاء الله تعجبكم وانا بنتظار ردودكم وتشجيعكم

اختكم/ شووق القمر*


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 29-08-2011, 08:53 AM
صورة lekaa الرمزية
lekaa lekaa غير متصل
©؛°¨غرامي جديد¨°؛©
 
الافتراضي رد: روايتي الاولى/ اسحر كل العيون بنظره من عيوني .. الا عيونها هي الي سحرتني .. >>> بقلمي*


البارت روعهههههههههههه ننتظر البارت الجاى وانتى حتنزلى البارت يوم ايه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 29-08-2011, 08:55 AM
صورة نـوف الـراشد~ الرمزية
نـوف الـراشد~ نـوف الـراشد~ غير متصل
©؛°¨غرامي مجتهد¨°؛©
 
الافتراضي رد: روايتي الاولى/ اسحر كل العيون بنظره من عيوني .. الا عيونها هي الي سحرتني .. >>> بقلمي*


تسلمين خيتوو..

انتي ارووع بطلتك هذه

بصراحه مافيه وقت محدد

ومنووره الروايه بطلتك*


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 29-08-2011, 04:35 PM
صورة raghad2012 الرمزية
raghad2012 raghad2012 غير متصل
©؛°¨غرامي فعال ¨°؛©
 
الافتراضي رد: روايتي الاولى/ اسحر كل العيون بنظره من عيوني .. الا عيونها هي الي سحرتني .. >>> بقلمي*


سلام
الروايه بدايتها تجنن وتسلمي يا قلبي
على الروايه الروعه
ننتظرك قلبو
تحياتي:سعودية ومحد قدي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 29-08-2011, 05:09 PM
صورة نـوف الـراشد~ الرمزية
نـوف الـراشد~ نـوف الـراشد~ غير متصل
©؛°¨غرامي مجتهد¨°؛©
 
الافتراضي رد: روايتي الاولى/ اسحر كل العيون بنظره من عيوني .. الا عيونها هي الي سحرتني .. >>> بقلمي*


وعليكم السلام

فديتك انتي ارووع بطلتك هذه ..

وانا احين عشانك بنزل الجزء الثاني..

واتمنى اشووف ردود وتشجيع*



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 29-08-2011, 05:16 PM
صورة نـوف الـراشد~ الرمزية
نـوف الـراشد~ نـوف الـراشد~ غير متصل
©؛°¨غرامي مجتهد¨°؛©
 
B6 رد: روايتي الاولى/ اسحر كل العيون بنظره من عيوني .. الا عيونها هي الي سحرتني .. >>> بقلمي*


البارت الثاني..
,,,,,,,,,,,,,,,,,
نوف/ اااه بس تعبت من التسووق خلاص خل نرجع بيوتناا والله ..
دلال/ خلاص لاتحنيين وانا بعد خلصت بس ابي ارووح ذااك المحل الي اسمه الاهدايا للاطفال..
نوف/ طيب بس لييش؟؟
دلال/ ابي اشتري شي حق دنووونه ..
نوف/ والله انك عجيبه تحبين اختك دانه وتكرهين امهاا واختهاا صج انج غريبه..
دلال/ رجاءّ ماله داعي اكرر كلامي اكثر من مره .. دانه اختي حبيبتي لانهاا تهبل وطفله بريئه مو مثل اختهاا المراهقه
الدلووعه الكريهه هي وامهاا
نووف/ ااف طيب خلاص سكتي فهمت..

,,,,,,,,,,,,,,,,,,,,,,
ناصر/ خلاص شباب انا تعبتكم معااي واحين بس ابي اروح ذاك المحل ابي اشتري هديه حلووه لبنت اختي الدانه..
عبد العزيز/ وشدعووه وش هالكلام لا تعبتنا ولاشي بعدين انا وصقر ولدخالي وانت وماجد ولد عمك ربع من لما كان عمرنا 18 سنه تقريبا يعني مثل الاخوان ونموون على بعض..
صقر/ كلامه صح بعدين تعبكم رااحه..
ناصر/ احم مشكوورين..
عبد العزيز/ العفوو.. بس انت رووح المحل واحنا بنطرك في السياره..
ناصر/ طيب .. وراح المحل ..

وفي السياره..
عبدالعزيز/ مجوود وشفيك ساكت؟؟
ماجد/ هااه.. لا بس تعبان وفيني نووم.. لان وصلنا الكويت اساعه سبع المغرب وفطرنا ودورنا فندق حلوو
وبعدهاا على طوول جيناكم القهوووه ومن القهووه الى المجع وفرره اففف والله تعبت ابي اناام ..
صقر/ والله حتى انا جوعاان..
ماجد/ بس انا ابي اناام..
صقر/ وانا جوعااااان,,
عبدالعزيز/ ههههههه والله انكم حاااله..

في محل الاطفال للهداياا..

كاان نااصر يركض بعد ما حاسب الدبدووب..
الي شراااه .. فجأأأءه .... صقع في بنت مبرقعه..وعيونهاا سووود..
وقاال بكل هدووء وهو مسرح بعيونهاا/ اسف..
البنت بصرااخ/ وعمى ما تشووووف؟؟؟؟
ناصر وهو مركز بعيونها السود / قلت اسف..
البنت/ و وين اصرف اسفك هذا؟؟
<<<< دلوول تعالي شفت فستاان يجنن >>>>

دلال وهي تناافخ/ طيب كاني جاايه ..
وجلست تناظر ناصر من فووق لتحت <<<< والعكــس..
بعدين مشت وتركته..

ناصر بخاطره/ فقع عليهاا عيوون ولو بعد اسمهاا دلال بس مغروره وشايفه نفسهاا
وانا شكلي حطيتهاا في بااالي..
,,,,,,,,,,,,,,,,,,,,,

ناصر/ احم عزوووز ادري بتعبك بـ...

عبدالعزيز بصراخ/ استح على ويهك ياخي كل اشوي بتعبك وبتعبك ياخي احنا ربع واخوان
واسحب كلمتك قبل لا افقعععععك..

ناصر/ ههههه تسلم والله خرعتني .. اقولك احم ابيك توديني بيت اختي منور لاني بتسحر هنااك وبنام عندهااا..
ماجد/ وانا.... بناام بالفندق برووحي؟؟
ناصر/ ايووه بس اليووم لاني مشتاق لاختي وعيالهااا من 3 شهوور مو شايفهااا..
ماجد/ طيب ع راحتك..

صقر/ احم ممكن بس اعرف يا نويصر ليش اختك تسكن بالندن وانت بفريقياا؟؟

ناصر/ ههههه الله يرجك بس ..
طيب اسمع السالفه مع اني قد مره قلتها بس يمكن انت نسييت ..
عبدالعزيز/ طيب قوول على مانوصل بيت اختك..
ناصر/ طيب اسمع باصقوور السالفه..

الله يسلمك قبل 20 سنه انا واختي وامي وابوي كنااا جااين الكويت زياره..
وصاار حادث .. واابوي وامي توفوا وانا اختي في المستشفى ...... الي في الكويت.
انا كان عمري 6 سنوات تقريبا مدري خمس سنوات واختي كان عمرها 21 سنه ..
وكاان يعالجهاا الدكتوور مشاري بن حمد..
ومن كثر ما يشوفهاا اعجبت فيه لانه مشاء الله وسيم ودكتوور ماال وجماال..
وهو لاحظ نظراتهاا له انهاا لما تشووفه دايما تبتسم..
عشان كذا خطبهاا من عمي بو ماجد لما رجعناا الشرقيه وعشان تربي بنته الي عمرها كان سنتين تقريبا
الي امهاا توفت بعد ما ولدتهاا بسنه كامله..

عبد العزيز/ يعني الدكتور مشاري بن حمد احين عنده 3 بنات بنت من زوجته الاولى المتوفيه وبنتين من زوجته الثانيه الي هي اختك صح؟؟

ناصر/ ايه صح وبعد ما تزووج اختي انا رحت اسكن في بيت عمي بو ماجد الي كان طوول عمره يعتبرني مثل مجود ولده بس طبعا انا يحبني اكثر..

ماجد وهو مغمض عيونه/ مالت بس مالت اقول كمل بس..

عزوز+ صقر=ههههههههه..

ناصر/ احم عاد لما صار عمري 20 سنه تقريبا رحت عشت في بيتنا بروحي بس بعض الاياام يجي مجود يناام عندي
وعمي مو مقصر علي ولا زوجة عمي وانا احين الحمدالله عمري 25 سنه وصرت دكتور يعني اعتمد على نفسي..

صقر/ ايه الحمدالله بس لو تترك عنك حركات لمغازل وتزووج..

ناصر/ سمعوا من يتكلم عااد مو كأن انت الي معلمني على حركات لمغازل لما جينا انا ومجود لكا كان عمرنا 18 سنه ..

ماجد/ اصلا احنا تعرفنا على بعض وصرنا ربع في المجمع..

عبدالعزيز/ ههه ايه والله ..
نااصر/ بسسس وقف هنااا وانا ادري اني تعبتك معاي انا و..
عبدالعزيز/ اقوول استح على ويهك وانزل من السياره قبل لا اسدحك هنااا..
ناصر/ ههههه طيب لاتنسى توصل ماجد فندق.....
عبدالعزيز/ ماني ناسي وبكره بعد الفطور ابي اشوفك في الاستراحه حقتناا
ناصر/ طيب انتبه ع نفسك وانت تسوووق..

ــــــــــــــــــــــــــــــــــــــــــــــــــ ــــــــــــ

ناصر/شاب سعودي يسكن في الشرقيه عمره 25 سنه يشتغل دكتوور
نص حياته هو مجود في الكويت درسوا المرحله الثنويه والجامعه بالكويت
مغازلجي من لما كان عمره 18 سنه بس حبووب وطيب وراح تتعرفون عليه في احداث الروايه..
امه وابوه متوفين وماعنده الا اخته منيره وعمه بوماجد بعد الله سبحانه..
ــــــــــــــــــــــــــــــــــ
ماجد/ ولد عم ناصر شاب وسيم بس حسااس وبسرعه يزعل وقيبله مره طيب
وهو ناصر مثل الاخوان عمره 25 سنه يشتغل دكتور
وراح تتعرفون عليه بحداث الروايه..
ــــــــــــــــــــــــــ
عبدالعزيز/ شاب كويتي عمره 25 سنه تعرف على ماجد وناصر في المرحله الثانويه وصاروا ربع بقووه
ولازم بكل شهر يزروون بعض ابووه متوفي وترك شركته لاخو زوجته بو صقر واحين عبدالعزيز يشتغل في الشركه مع خاله وفي احداث الروايه راح تتعرفون عليهم انشاء الله...
ــــــــــــــــــــــــــــ
صقر/ ولد خال عبد العزيز شاب مرح يحب الضحك و الوناسه ومغازلجي بس وقت الجد جد
وهو ناصر يحبوون الفزعه عمره 25 سنه يشتغل في الشركه بس يووم يروح ويومين ما يرووح
هههه راح تتعرفون عليه بحداث الروايه..

ــــــــــــــــــــــــــــــــــــــــــــــــــ ـــ
انتهى البارت الثاني ..
واتمنى اشووف ردودكم عشان انزل البارت الثالث..



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 29-08-2011, 05:39 PM
صورة raghad2012 الرمزية
raghad2012 raghad2012 غير متصل
©؛°¨غرامي فعال ¨°؛©
 
الافتراضي رد: روايتي الاولى/ اسحر كل العيون بنظره من عيوني .. الا عيونها هي الي سحرتني .. >>> بقلمي*


يا سلام اول وحده ارد
البارت روعه
يسلمو دياتك
وأنتظرك في البارت الياي
تحياتي: سعودية ومحد قدي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 29-08-2011, 05:48 PM
صورة نـوف الـراشد~ الرمزية
نـوف الـراشد~ نـوف الـراشد~ غير متصل
©؛°¨غرامي مجتهد¨°؛©
 
الافتراضي رد: روايتي الاولى/ اسحر كل العيون بنظره من عيوني .. الا عيونها هي الي سحرتني .. >>> بقلمي*


مشكووره انتي اروووع

والله يسلمك

بس في الاجزاء الجايه ابقى اشووف توقاعتك..



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 30-08-2011, 01:06 AM
صورة lekaa الرمزية
lekaa lekaa غير متصل
©؛°¨غرامي جديد¨°؛©
 
الافتراضي رد: روايتي الأولي : أسحر كل العيون بنظرة من عيوني إلا عيونها هي اللي سحرتني


البارت روعههههههههه وسورى مش هعرف اكتب توقعات لانى لسه فى البداية


الإشارات المرجعية

روايتي الأولى : أسحر كل العيون بنظرة من عيوني إلا عيونها هي اللي سحرتني

الوسوم
العيون السود , اسحرتني , بقلمي , روووعه...
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6668 28-08-2014 08:37 PM
روايتي الثانية : يا خاطفي وين ألقى عزتي في زمان المذلة ! / كاملة على شاطئ النسيان روايات كامله - يتم نقل الرواية هنا بعد اكتمالها 5376 21-08-2014 04:11 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
لغة العيون خٍذْنٍـيِ لٍدنيًـٍـآگـ مواضيع عامة - غرام 22 08-11-2010 12:04 PM
ملاك و عيونها هلاك رعشه الشوق وحنينه ارشيف غرام 2 15-03-2010 01:03 AM

الساعة الآن +3: 12:19 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم