اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-09-2011, 12:42 AM
صورة دموع كبريائي الرمزية
دموع كبريائي دموع كبريائي غير متصل
لا انعكاس في مرآتي فأنا خلقت لأكون واحده لا ثاني
 
Upload1120a2f436 صرخات هادئة / بقلمي , كاملة


السلام عليكم

كيفكم ياحلوووووووووين

حبيت أنزل أول روايه لي في أحلى منتدى لأحلى أعضاء




أتمنى أن ينااااااااال أعجابكم

وراح يكون ان شاءالله تنزيله أذا لقيت ردود وتفاعل راح يكون ثلاث أيام في الأسبوع
الخميس والأحد والثلاثاء الساعه 9.30 بالليل وأن شاءالله ماراح يكون في أي تأخير في الوقت وأن حصل يكون تأخير دقايق فقط
و أذا حصل لي ظروف راح أقولكم

لا تحرموني ردودكم وتقيماتكم وتفاعلكم علشان أعطي أكثر

وهذه الروايه بقلمي

"لا احلل نقل روايتي الى اي منتدى اخر سواء كان بأسمي دموع كبريائي او اي اسم اخر"



قراءه ممتعه

صـــــــرخـــــات هــــــادئــــه





البارت الاول



الساعة 8 الصبح
في احد شوارع الرياض كانت مع سواق صديقتها متوجهين للبنك إلي متوظفين فيها من سنه
غرور:الله في زواج ونااااسه بس تصدقين مادري وش ألبس
حنان :البسي اي شئ حلو ياكثر ملابسك
غرور بتفكير:بلبس الاحمر ...لا لا لا بلبس سكيني الكحلي ...لا بعد ماعجبني
حنان بملل: اذا رحتي البيت افتحي دولابك وشوفي ملابسك
غرور:طيب انت وش بتلبسين
حنان:انا بلبس الاخضر الي لبسته في زواج خالي عرفتيه
غرور وهي تطالع قدام: أيه عرفته حلوووو.. وبتفكير..امممم انا بلبس ......
وصرخت بأعلى صوتها لااااااااااااااااااااااااااااااااااااااااااااااا
غرور بنت حلوه عمرها 23 شعرها اسود حلو وناعم وكثير يوصل عند كتفها عيونها رماديه وساع ومكحله على جدتها انفها سلة سيف وشفايفها حمر وصغيره وممتلئة بيضه جسمها حلو و ريانه طولها حلو وطيبه الي يشوفها يقول عنها مغروره

اما حنان كانت مملوحه شعرها طويل وعيونها سود صغار وشفايفها حلوه حنطيه جسمها حلو بنفس عمر غرور هي وغرور صديقات الروح بالروح
*
*
وفي نفس الوقت كان توه واصل من الامارات ورايح للفندق عشان يرتاح شاف الحادث الي صار نزل بسرعة عشان يساعدهم

&&&&&&&&&&&&&&&&&
في الجامعه
:اففففففففففف اخيراً طلعنا من المحاظره
رهف: والله صدقتي عاد الدكتورة غثيثه بس هههههههههههه شكلك يضحك وانت نايمه ههههه وصوت شخيرك واصل لاخر القاعة هههههههههههههههههههه
غيوض:هههههههههههههه والله من التعب مانمت امس عدل
رهف: وليييييه ان شاءالله
غيوض:قاعده افكر بتركي عذبنيييييييي متى يحس فيني ويتحرك شوي احياناً من القهر افكر اني ماخذه
رهف:ههههه والله انك تضحكين خليه يجي بالاول بعدين فكري ترفضينه هذا اذا قدرتي
غيوض سكتت منها وشافت ساعتها :يوووووووه نسيت السواق اكيد ينتظر من الاول الحين يسويلي سالفه مع امي يللا بااااااااااااااي


غيوض اخت غرور عمرها 21 حلوه مثل غرور بس شعرها طويل لنص ظهرها لونه كستنائي ابوهم متوفي وهم صغار ربتهم امهم وعندهم اخو واحد سعود متزوج وعايش في بيت ثاني

بعد نص ساعه دخلت غيوض البيت وشافت امها في المطبخ :هاااااااااااااااااااي للحلوين
امها سيوف بابتسامه:وعليكم السلام
غيوض:هههههه السلام عليكم ,الله وش هالريحه الحلوه جوعااااانه باموووووووووووت
ام سعود:خلي عنك الكلام الفاضي وروحي غيري ملابسك وانتظري اختك الحين تجي
طلعت غيوض لغرفتها اخذت لها شور سريع وجلست على النت تشوف الرسايل الي وصلت لها على الاميل
&&&&&&&&&&&&&&&&&&
قبل 3ساعات
وقف راشد ونزل من السياره عشان يساعد الي في السيارة فتح السيارة وحاول يشوف نبضهم ويطلعهم باسرع وقت
غرور وهي تحس بيد شخص وبهمس :حنان..حنان
راشد بصوته الرجولي:حنان بخير لاتخافين بس انت لا تتحركين كثير
غرور وبصوت مو مسموع ومتقطع:سا....عد ح..حنان ساعد... واغمى عليها
صرخ راشد على الي حوله :احد يجي يساعدني نطَّلع البنات
قرب وليد الي تسبب في الحادث وكان شاب صغير عمره 19سنه.... وقف وهو خايف من الي راح يشوفه
شافه راشد واقف مكانه ماتحرك :انت وش قاعد تناظر حرك خلنا نطلعهم ونوديهم المستشفى
صرخ رجال من بعيد:انتظروا الاسعاف الحين جايه في الطريق
وليد بخوف:أيه صح كلامه خلنا ننتظر الاسعاف
عصب راشد منهم:ماتشوف انت وياه شلون الطريق زحمه ماتوصل الاسعاف الا ماتوا

بعد ربع ساعة قدروا يودونهم المستشفى

الساعة 2 الظهر في المستشفى

كانت نايمه وفي راسها شاش ويدها اليسار مربوطة وايدها الثانيه فيها مغذي فتحت عينها على الخفيف شافت قرب الباب شخص معطيها ظهره لابس ثوب وشماغ و يكلم تلفون
راشد:ايه وصلت الحمدالله .....لا الى الان مارحت لهم .....لا اليوم تعبان بكره ان شاءالله اروح لهم
حاولت غرور تقوم بس ماقدرت من الالم :اااااااااااه
سمعها راشد لف عليها:خلاص يمه اكلمك بعدين مع سلامه
راشد بثبات:خليك مكانك لا تتحركين .. حمدالله على السلامه
غرور بهمس: انا وين
راشد: انت في المستشفى والحين انادي لك الدكتور
غرور:ليه وش صار؟؟؟؟ وانت مين؟؟
سكت راشد وطلع بسرعة ينادي الدكتور
*
*
بعد دقايق دخل راشد ومعه الدكتور :السلام عليكم
غرور وهي تتذكر الحادث..حنان.. فتحت عيونها بقوة:اااااه وبخوف: حنان صديقتي وينها وش صار عليها
الدكتور بأبتسامه:حنان بخير بس انت كيفك الحين
غرور:انا بخير ابي اشوف حنان
الدكتور:طيب بتشوفينها بس قولي لي بالاول وش اسمك
غرور بتعب:اسمي غرور ...غرور بدر الفارس
راشد رفع راسه عن الجوال بقوة و ناظر غرور وهو مو مصدق انه هذه غرور قعد يناظر عينها الوساع وانفها وشفايفها الحمر
راشد في داخله وباعجاب (ياالله والله وحلويتي يا غرور ) وفجاءة تحول نظرة الاعجاب الي كانت بعيونه الى نظرة كلها حقد وكره
(الله جابك يا غرور ان ماكسرت خشمك ماكون راشد الناصر )
كشف عليها الدكتور واثناء الكشف تذكرت غرور انها كاشفه تلفتت يمين يسار تدور شيلتها:شيلتي وين
الدكتور :الحين انادي لك الممرضه تجيبها لك ...وطلع بعد ماطمنهم
راشد باستهزاء:وش هالاستقبال الحلو يا بنت خالتي
غرور فتحت فمها من الصدمه :؟؟؟؟؟؟؟؟؟؟؟!!!!!!!!!!

&&&&&&&&&&&&&&&&&&
في مكان ثاني في المستشفى ... في احد الغرف
وليد بهدوء:صديقتك في غرفه ثانيه وهي بخير
حنان بسكوت تناظر رجلها المجبسه
حنان وبالم:انت مين ؟؟؟؟؟
وبعد صمت طويل .....
وليد بأرتباك: أأ,,انت وش اسمك
وفجاءة دخلت عليهم الممرضة وهي تكلم وليد:استاز في راجل عايزك بره >>>>>>>> (الدكتوره مصريه )
وليد:ان شاءالله ..
طلع وليد وشاف شخص واقف :آمر اخوي
لف عليه وبكل هدوء مد ايده:معك الضابط تركي نايف الفارس

&&&&&&&&&&&&&&&&&&
غيوض وهي نازله من الدرج:يمممممه
ام سعود بخرعه: وصمه ان شاءالله خير وش ذا الصراخ
غيوض بدلع:جوعاااااااانه ابي غداء
ام سعود :بس اختك الى الان ماوصلت
غيوض تناظر ساعتها :بس الساعة 2.30 شلون ماوصلت المفروض تكون من الساعة 1 وهي في البيت
ام سعود بخوف :ياويلي على بنتي
غيوض ببرود: خلاص يمه حطي لي غداء اكيد عندهم اجتماع هي ما قالت لك
ام سعود بعصبيه:أي غدا انت وأي اجتماع في هالوقت دقي على جوالها
غيوض بطفش:طيب ..ودقت على جوالها :مغلق
وفي هذه اللحظة رن تلفون البيت ......
ركضت غيوض علشان ترد :هذه اكيد غرور
غيوض :الوووو ...هلا والله خالتي
ام خالد:هلا فيك يابنتي ..شلونك
غيوض: الحمدالله .شلونك انت
ام خالد:انا بخير تسلمين .. امك موجوده
غيوض :ايه لحظة...يمه خالتي ام خالد تبيك
ام سعود اخذت السماعه منها بسرعه:هلا والله بام خالد

&&&&&&&&&&&&&&&&&&
في المستشفى
غرور وهي مو مستوعبه كلامه:مين انت ؟!!!
راشد:انا راشد ولد.........
قاطعته غرور وهي مستغربه:راشد!! راشد مين ؟؟
راشد بسخريه:ليه كم راشد تعرفين؟؟؟الظاهر الضربه ماثره عليك
غروربعصبيه:انت واحد قليل ادب و.......
ضحك راشد بصوت عالي:هههههههههههههههههههه الحين رجعتي لطبيعتك, هذه غرور الي اعرفها
انا ياانسه غرور راشد الناصر ولد خالتك موضي ... لا يكون ماتعرفينها بعد
غرور بصراخ:اطلع برررررررره
راشد وهو يقرب منها وبهدوء :لا تصارخين ماني باصغر عيالك ...بعدين مو انا الي انطرد من أي مكان
غرور باستهزاء: ليه ملك واحنا ماندري
راشد بغرور:تقدرين تقولين كذا ....وقعد يناظرها تعرفين انك محلووووه
غروروهي منحرجه وتدور على شيلتهاوبارتباك:ممكن تطلع بره
راشدوهوماسك شيلتها بطرف اصابعه:تدورين على هذه ؟؟

راشد ولد خالة غرور عايش هو واهله في الامارات اهله في ابو ظبي وهو عايش لوحده في دبي لانه ماسك احد الشركات عمره32 رجل اعمال معروف في الامارات وسيم عيونه بني له نظره حاده انفه حلو حاط سكسوكه طالعه عليه خيال

&&&&&&&&&&&&&&&&&
في مكان ثاني في احد الفلل
خالد:شلون ماوصلت الى الان
امه بخوف :مادري الساعة الحين 3 روح دور عليها
خالد: وين ادور عليها يمه الله يهديك الرياض وش كبرها ..بعدين انت دقيتي على جوالها
ام خالد: ايه دقيت بس مسكر
خالد:طيب دقيتي على جوال غرور
ام خالد:ايه بعد مقفل ودقيت على امها تقول الى الان ماوصلت وهم خايفين عليها بعد
خالد وهو يحاول يهدي امه :طيب يمكن الى الان في الشركة دقيتوا عليهم
ام خالد بعصبيه وبكى:انت اشفيك احر ماعندي ابرد ماعندك.... دقيتي ودقيتي
خالد:طيب يمه وش تبيني اسوي
ام خالد بعصبيه: لا تسوي شئ اقعد هنا وقول دقيتوا ..وبصراخ:قم دور عليهم
خالد بهدوء :طيب هذا انا طالع ادور عليهم بس انت هدي نفسك شوي
طلع خالد وكلم البنك ......
خالد :الو السلام عليكم
الطرف الثاني موظفه لبنانيه :اهلين كيف فيني اخدمك استاز
خالد:حبيت اسال عن غرور الفارس وحنان الناهي هم طلعوا متى
الموظفه:استاز بس غرور وحنان ما أجوا اليوم
خالد بقلق :انت متأكده
الموظفه:يس استاز متأكده
خالد :مشكوره اختي وماأعطاها مجال ترد سكر بسرعة وركب سيارته
*
خالد اخو حنان عايشين عند امهم لان ابوهم مطلق امهم وعايش في الشرقيه وهو الولد الوحيد في العايله وسيم عمره 28 يشتغل في الشركه حبوب وطيب ويصيرون اخوان غرور من الرضاعه يعني ام خالد هي الي رضعت غرور

&&&&&&&&&&&&&&&&&
في المستشفى
غرور وبأمر وهي تمد ايدها :هاتها
راشد :لا تأمريني ماني خدامك ...قولي لو سمحت اعطيك ياها
غرور بسخريه :هه شكلك تحلم كثير ...بعدين شلون تبيني استاذن على شئ لي.. بتعطيني غصب عنك
راشد بتحدي :واذا ماأعطيتك وش بتسوين ؟؟؟
غرور بتحدي اكثر:بأخذها منك بالقوة
راشد بابتسامة استهزاء:اتحداك ..وريني شطارتك ياحلوه
غرور تحاول تقوم وهي متنرفزه بس ما قدرت لان حست الغرفه تدور فيها قعدت مكانها
راشد ضحك بصوت عالي:ههههههههههههههههههههههههههههه
غرور بقهر:سخيييييييف ..ونزلت راسها بأستسلام
وفجاءه رفعت راسها وعلى شفايفها ابتسامة خبيثه من الفكره المجنونه الي تدور في راسها ...
مدت ايدها بسرعة وسحبت الشماغ منه لانه كان قريب منها وتحجبت فيه
راشد وهومصدوم من حركتها : انت ايش سويتي
غرور بانتصار:ليييه خربت برستيجك .. وباستهزاء:اوووووه مسكين بس تحمل شكلك كذا
وبقوة تحدي قالت: انت جبته لنفسك
راشد وهوضاغط على اسنانه:جيبيه احسن لك
غرور بخوف بس مابينت هذا الشئ: عطني شيلتي اعطيك الشماغ
راشد:ماني معطيك الشيله .. وبعدين وش هالحشمه الي نزل عليك فجاءه
غرور :انا محتشمه قبل ماشوف شكلك وعناداً فيك ماني معطيتك ...وضغطت الزر علشان تنادي الممرضه
راشد بعدم مباله: احتفظي فيه ماني محتاجه
غرور بثقه :ومين الي ضحك عليك وقال لك اني بعطيك
راشد تنرفز منها وتوجه للباب علشان يهدا...
غرور بأبتسامة استهزاء:اه استاذ راشد لا تنسى تتغطى بشيلتي
قرب راشد منها بعصبيه ومسك فكها بقوة:لسانك يبيله قص
غرور تجمعت الدموع بعينها وبصوت يرتجف : فكني انت قاعد تعورني
راشد :اعتذري اول
غرور وشوي تصيح :غرور ما تعتذر لواحد مثلك
راشد وزاد ضغطه على فك غرور:بتعتذرين يعني بتعتذرين
دخلت في هاللحظة الممرضه منقذه الموقف :في حاجه
راشد ترك غرور بقسوة :لاااااااااااا
اما غرور فرحت من قلبها بدخول الممرضه وقعدت تحك فكها من الالم
الممرضه وشاكه في الوضع:آمري ياأنسه عايزه حاجه
غرور وهي تأخذ نفّس علشان تبين طبيعيه:مشكوره بس حبيت اسأل عن رقم غرفة حنان الناهي
الممرضه: بس انت ممنوعه تروحي لها دلؤتي
غرور:ايه بس انا ابي التحويله علشان اكلمها
الممرضه:ان كان كدا مافيش مشكله التحويله 115 عايزه حاجه تانيه
غرور وهي تناظر راشد:ايه معليش ابيك تطلعين هذا ابي ارتاح
راشد انصدم ما توقع تطلب هذا الطلب
الممرضه:حاضر ..وهي تكلم راشد ممكن لو سمحت
راشد بهدوء عكس الي داخله :ان شاءالله
وقرب عند غرور وقالها بصوت ماتسمعه الممرضه:وين بتروحين مني راجع لك
وطلع وهو مقهور ووده يتوطى في بطنها
غرور براحه :افففففف الحمدالله
الممرضه:أولتي حاجه
غرور بأبتسامه :لا وبنفس لهجتها متشكره اوووووي
*
*
غرور بعد ما طلعت من عندها الممرضه خافت من راشد يجي وينفذ تهديده
وبالفعل مثل ما توقعت غرور دخل راشد وعينه يتطاير منها الشرر...

نهاية البارت الاول


أتمنى أن ينال أعجابكم
توقعاتكم؟

أحلى الشخصيات

أنطباعاتكم لشخصية كل شخص في الروايه




آخر من قام بالتعديل روح زايــــد; بتاريخ 27-11-2011 الساعة 08:15 PM. السبب: ان شاء الله
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-09-2011, 01:35 AM
صورة ~ همسات ~ الرمزية
~ همسات ~ ~ همسات ~ غير متصل
©؛°¨غرامي مبدع¨°؛©
 
الافتراضي رد: روايتي الأولى:صرخات هادئه/بقلمي


بداية موفقه وحلوة وان شاء الله الاجزاء الجاية احلى واحلى ,,

بخصوص الشخصيات راشد ماعجبيني بس ايش سره وليش يكره غرور !!!!

الله يعطيك العافيه والى الامام ^_^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-09-2011, 01:41 AM
صورة رَآء..] الرمزية
رَآء..] رَآء..] غير متصل
إبِتسآمَة غَمْوضَ .!
 
الافتراضي رد: روايتي الأولى:صرخات هادئه/بقلمي



ابدااااااااااااااااااااااااااع
وربـــي باااااااارت عجيب
استمري
لكــن باللهي لا تسوي زي كل الروايات البطل حلو يتزوج البطله الحلوه ويظلمها
جيبي لنا افكار حلوهـ ^_*
بدايه تجججنننن
انصحك تستمري
واكتر شخصية دخلت مخي
(تركــي) ههههههههـ
فديتك
يسسلـمو ع البـآرت
^_^





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-09-2011, 01:42 AM
صورة دموع كبريائي الرمزية
دموع كبريائي دموع كبريائي غير متصل
لا انعكاس في مرآتي فأنا خلقت لأكون واحده لا ثاني
 
الافتراضي رد: روايتي الأولى:صرخات هادئه/بقلمي


اقتباس:
المشاركة الأساسية كتبها ~ همسات ~ مشاهدة المشاركة
بداية موفقه وحلوة وان شاء الله الاجزاء الجاية احلى واحلى ,,

بخصوص الشخصيات راشد ماعجبيني بس ايش سره وليش يكره غرور !!!!

الله يعطيك العافيه والى الامام ^_^

راح تكتشفين سر راشد في البارتات الجاااااااايه

وتسلمين ياعمري أول رد لي منك

وفرحت أنه عجبك



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-09-2011, 01:48 AM
صورة دموع كبريائي الرمزية
دموع كبريائي دموع كبريائي غير متصل
لا انعكاس في مرآتي فأنا خلقت لأكون واحده لا ثاني
 
الافتراضي رد: روايتي الأولى:صرخات هادئه/بقلمي


اقتباس:
المشاركة الأساسية كتبها $رعشة شوق$ مشاهدة المشاركة
ابدااااااااااااااااااااااااااع
وربـــي باااااااارت عجيب
استمري
لكــن باللهي لا تسوي زي كل الروايات البطل حلو يتزوج البطله الحلوه ويظلمها
جيبي لنا افكار حلوهـ ^_*
بدايه تجججنننن
انصحك تستمري
واكتر شخصية دخلت مخي
(تركــي) ههههههههـ
فديتك
يسسلـمو ع البـآرت
^_^


يااااااااااااااااي مرررررررررررررررررره أنبسطت بردك

والله أنك حاطه عينك على تركي بزوجك ياه أنت واختي

أختي تمووووووووووووووت على تركي

ترى جميع أبطالي حلوين تفصيل خاص

وتسلمين على الرد الحلو ياعسل

والله أنكم حمستوني



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 16-09-2011, 01:58 AM
صورة امراءه من جليد الرمزية
امراءه من جليد امراءه من جليد غير متصل
©؛°¨غرامي متألق ¨°؛©
 
الافتراضي رد: روايتي الأولى:صرخات هادئه/بقلمي


روايه جميله ..اتمنى لك التوفيق ..والى الامام ...

توقعاتي // غرور بتميل لراشد ..هو مايل لها اصلا ومن حبه لها ولشخصيتها

حب يتقرب لها اكثر ..وبتكبر في عينه بعد مااخذت شماغه ووتحجبت به ..

باقي ابطال الروايه اقول تعليقي بعد ما تكملينها ان شاء الله ..

تقبلي تحياتي ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 16-09-2011, 02:05 AM
صورة دموع كبريائي الرمزية
دموع كبريائي دموع كبريائي غير متصل
لا انعكاس في مرآتي فأنا خلقت لأكون واحده لا ثاني
 
الافتراضي رد: روايتي الأولى:صرخات هادئه/بقلمي


اقتباس:
المشاركة الأساسية كتبها امراءه من جليد مشاهدة المشاركة
روايه جميله ..اتمنى لك التوفيق ..والى الامام ...

توقعاتي // غرور بتميل لراشد ..هو مايل لها اصلا ومن حبه لها ولشخصيتها

حب يتقرب لها اكثر ..وبتكبر في عينه بعد مااخذت شماغه ووتحجبت به ..

باقي ابطال الروايه اقول تعليقي بعد ما تكملينها ان شاء الله ..

تقبلي تحياتي ..

أن شاءالله توقعاتك تكون صح مابي أخرب الروايه

ومرره فرحت بوجودك وردك

وأتمنى أشوف دوماً ردودك

تسلمين يالغلا



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-09-2011, 02:45 AM
منحآشه من شهآر منحآشه من شهآر غير متصل
©؛°¨غرامي نشيط¨°؛©
 
الافتراضي رد: روايتي الأولى:صرخات هادئه/بقلمي


رووووعه دموع بدايه موفقه الله يعطيك الف عااافيه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-09-2011, 10:08 AM
صورة لُـجين الرمزية
لُـجين لُـجين غير متصل
©؛°¨غرامي مجتهد¨°؛©
 
الافتراضي رد: روايتي الأولى : صرخات هادئة


.....





بداية موفقة وان شاء الله تكون رواية ناجحة

اتمنى لك التوفيق فيها ان شاء الله

والشكراً كثير على الدعوة الحلوة


وان شاء الله بكون من متابعات الرواية اذا ربنا قدرني


تسلم ايدك على البداية الحلوة










......


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 16-09-2011, 02:15 PM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: روايتي الأولى : صرخات هادئة


وعليكم السلام

حبوبه ( إن شاء الله ) تكتب بهذه الطريقة مو ( إنشاء الله ) انتبهي في البارتات القادمه


موفقه ان شاء الله

القوانين ، تحديث جديد ؛



الرد باقتباس
إضافة رد
الإشارات المرجعية

صرخات هادئة / بقلمي , كاملة

الوسوم
10ص16و11ص17و12ص19 , 13ص20و14ص21و15ص22 , 16ص23و17ص25و18ص26 , 19ص27و20ص28و21ص29 , 22ص30و23ص31 , 5ص9و6ص11و7و8ص13و9ص15 , البارتات:2ص3و3ص6و4ص7
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
بعض العيون حقدها في نظرها / بقلمي ، كاملة ضمني بين الاهداب روايات كامله - يتم نقل الرواية هنا بعد اكتمالها 2442 اليوم 09:50 AM
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6681 21-10-2014 05:27 PM
رواية ضحية زمن / بقلمي ، كاملة شاربه فليت و مضيعه البيت روايات كامله - يتم نقل الرواية هنا بعد اكتمالها 95 23-04-2013 08:56 PM
لا تحسب إني لا أبتسمت بوجهك أغليك بعض الوجيه أهينها بإبتسامة / بقلمي × || NahoOosh 1994 || × أرشيف الروايات المغلقة - لعدم إكتمالها 2367 26-09-2012 06:11 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 11:26 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم