اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 20-10-2006, 02:58 AM
صورة dlo3ah__co0ol الرمزية
dlo3ah__co0ol dlo3ah__co0ol غير متصل
©؛°¨غرامي فعال ¨°؛©
 
الافتراضي صاحب الظل الطويل / كاملة


السلام عليكم ورحمة الله وبركاته
هذي رواية قمة في الروعة للكاتبة المبدعة إيميلياأمل وان شالله تنال إعجابكم وتابعوني أول بول
ولاتحرموني من ردودكم

كلمة للكاتبة:
جلست على المنضدة .... لاكتب لكم قصه جميله.. فلم اجد ...

قلمي جثة هامدة ... و قهوتي باتت باردة ...

كانت الكلمات في بالي ... منذ قليل لاحت في خيالي ... فما لها تلتحد ....

ااواريها التراب .... و اقبل عوضا عن الحمام الغراب... فمالي لا أتقدت ...

صرت كاوراق الخريف ... اسقط باللمس الخفيف .... و للنار اتجدد ....

خطرت ببالي فكرة ... ليست فكرة ... بل مرت علي لحظه ...

من الم الوقت ... تخيلت للحظة .......

انها قد تعجبكم.. او تعجب بـ اراكم...

ذاكرة مليئة بخوف المجهول

وحيدة ترتجف كالأوراق بفصل الشتاء

لغة تراقصت بلا خجل بين السطور

من بعــثرة الأيام ...ومن بين رمــاد الآلام

بصوتـ مبحوح ... ألم وجــروح


صراع داخلي ...يكاد ان ينفجر

الألـم مبعثــره...

...ســواد وألـم...غيــوم سوداء وندم

أحساس بالاشتعال ... رائحة جسدي يحترق... تحول لرماد

رغبه في النهـوض...قيـد محكم...

احترق الجسد ...وماتت المشاعر ....

اعادة اعترافات.....

الانهزام التام على يدي المحبوب... والتحطم تحت أسواره

أفكار مشوشة... يأس والألم أكثر من ذي قبل...

بكاء مرير ورعشه غاضبه تسري في العروق تكاد تفجر شرايين جسد منهك..
..إتقان لغة المشاعر والتوهان داخلها..

..برود عاطفي..


..خوف من الحب..
..عدم الرضوخ..
..ثم التوغل داخل أسوار تلك المدينة المحظورة....

..مشاعر خفيه..
..انسان مجرد من المشاعر..


..مشاعر تائيه..
..رد للجميل..
..السعي ورى الخير..
الشر القاتل..
سيفونيه مختلفه
سيفونيه مضطربه
..قسوه..
جبروت امراءه..
حرمان..
وحده..
خوف..
انهيارات.
صلابه..
حب..
اهـــــــــــــــــــــــــداء


يعزف على أوتار
قلبي صدى صوتك البعيد......
لينتشلني من كومة اليأس والتفكير...
لتحيا عباراتي ....وينبض القلب من جديد
.......صداك ....يفعل بي كل هذا؟!!
فكيف إذا لامست يداك
..ونظرت لعيناك...
وبكيت على صدرك...
يامن أهواك..
يغيب العالم بغيابك ...
ويصمت حداداً لفرقاك...
فأنا معك يا عمري
في كل مكان وفي
كل الأوقات...
.في سكناتي
وعباراتي ....
في حلمي
ومنامي ......
يا أغلى الناس....
~|~الجــــــــزء الأول~|~
اولى رسائلي إليكِ
نقشتها بدم قلبي...
الذي طالما احتضنتكِ...
حبيبتي...
إن كان حبكِ قدري..
فهو أجمل قدر...
عشته وسأظل أعيشه
طول العمر...
وإن كان حبكِ غلطة
فسأمضي فيها...
حتى لو لامني كل البشر...
رسالتي الأولى إليكِ...
احبكِ..
أعشقكِ..
يا امراءة لم تعلم يوما...
كيف احبها..
أو كيف أعشقها..
ربما إكون رجلاً أحمقاً يوما..
لو قلبي مال لغيركِ..
او أحب امراءة سوالكِ..
سأظل أكتب وأكتب..
إليكِ..
مادام فيني عرقٌ ينبض...
واليود الذي لم تصلكِ رسائلي إليكِ..
فـ اعلمي أنه كان أخر يوما..
في عمري...
عندها فقط..
لاتنتظريني...
عندها فقط...
سوف تكون...
اخر رسائلي إليكِ...


في الخدمة المدنية.. في مكتب إضافة وإلغاء الأسماء..
وقف شاب في التاسع عشر من عمره يقبل راس رجلاً في الأربعينيات من عمره
أحمد: هلا يبه تو ما نور المكتب
أبو احمد: منورٍ باهله
جلس أحمد خلف مكتبه وجلس والده أمام مكتب ابنه
ابو احمد: يالله سجل الحين الاسم قدام عيوني
احمد: أفا الوالد لهدرجه ما تثق فيني
أبو أحمد وهو يخرج ورقه مطوية من محفظته: الحين سجل هالشكل في دفتر العايلة
..أبو أحمد أمي.. لذلك طلب من احد بناته أن تكتب الاسم الذي يريد اضافته.. لانه يعرف بانه أحمد سيضع الاسم الذي يريده.. ليس عصيانا في والده ولكن عشقا لهذا.. والده يعلم تماما مدى تمسك احمد في هذا الاسم.. لذلك قدم بنفسه..
أحمد: يبه الله يخليك سمها ـــــــ
ضحك أبو أحمد ضحكة مقاطعا ابنه وتحمل الكثير من معاني الحب والاعتذار والتقدير لشخصية ابنه.. فقد علم ما تحمله خفايا روح ابنه الوحيد: ههههه والله انت ربيبي لو اني ما جيت وكتبت الي انا اخترته كان طردتك من البيت.. لاني اعرف انك بتعصيني يوم
أحمد وهو يوقف ويبوس راس ابوه: يبه والي يسلم عمرك سمها
تلكم ابو احمد مقاطعا ابنه ..مقاطعا ترجياته وتوسلاته: يالله يا وليدي سجل مريم وفكني وراي شغل لي شوشت راسي
سجل احمد اسم مريم وهي اخته الصغرى..
للعلم عندنا في السعوديه تضاف الاسماء بعد ان ينتهي من كلا التطعيمات ويخرج له شهادة ميلاد ويبلغ الطفل عمره عاماً كاملا..
خرج ابو احمد تاركا ابنه خلفه.. عابساً... يحمل بين طيات قلبه بقايا الاسم الذي افتنه كثيراً..
دخل رجل يحمل الكثير من الجمال في وجهه.. ولكن الحزن هو ما يشع من ذلك الوجه.. تلك العينان كانت تحكري الما.. وذالك الثغر.. وكان الحنظل هو طعامه اليومي.. لم ارى في حياتي رجلاً بهذا الم.. عيناه تنزف الماً قبل أن ارى دمعه
مسح عواض عيناه بقوه وكانه يريد عصرها بل يريد اقتلاعها وكانه لا يريد مشاهدة فواتن هذا الدنيا..
اخيراً تحدث هذا الرجل الذي لن انساه ما حيت كم اشعر بانه سيحمل لي جميلا لا انسه.. حدسي يخبرني ذالك..
عواض: اخوي ابا اضيف اسمين واحذف اسم
دارة بي الدنيا.. هذه من غرائب هذه المهنه ربما لابد لها ان تدون في تاريخ هذه المهنه.. لم اكن اعلم مالذي ساؤدونه وما الذي ساحذف ولكن الصوره التي اتى بها هذا الغريب.. كانت تدل بانه فقد شخصا ويريد حذفه.. حدسي اخبرني بانها زوجته وربما يحمل لها الكثير من الحب
احمد:ان شاء الله
واخذت الاوراق ولكن صدمت وجدت انه له زوجتان وابنه واحده
احمد: تباني اخذف من
تحدث ذالك الرجل وهو لا يريد التحدث.. ولكن هناك ما منعه اخيرا عن الحديث واشار الي الاسم الذي يريد حذفه كان الثاني في هذا الدفتر
حدفت الزوجه الثانيه بعد ان اراني صك الوفاة.. تفاجئة كثيرا.. لا اطن ان هذا الحزن وهذه الدموع من اجل زوجته الثانيه.. لانه مر سنة كامله على وفاتها..
احمد: اخوي من الكبيره فيهين لاجل اكتب اسمها الاول
عواض: جود الكبيرة
مسكت شهادة الميلاد.. وسجلت الاسم واليوم والشهر والعام الذي ولدت فيه.. هذه ثاني مفاجئه لي مع هذا الرجل.. موعد مولد هذه الفتاة في نفس يوم مولد اختي.. انتهيت من الفتاة الأول.. حملت شهادت الميلاد الثانية.. وكانت الضربه القويه لي من هذا الرجل.. ولهذه الفتاة.. كانت موعد مولدها هو بالوقت والتاريخ يطابق موعد مولد اختي.. ولكن الصفعة القويه هو اسم هذه الفتاة خرق جمجمتي لــِ يدخل ويترك اثرا واضحا وبليغ في ذاكرتي..
احمد: اخوي انت متاكد من الاسم
تكلم بعواض بغضب: ايه يالله سجل عندك
احمد: انزين ممكن تنطقه لي لاجل اتاكد
عواض: دام انك ما تعرف تقراء ليش موظفينك ولا لانهم محتاجين موظفين قاموا يوظفون كل من هب ودب.. ولا شكلك توك متعلم القراءة والكتابه قالوا خلينا نحطه بدل الاجانب الي مالين البلد
احمد: انزين انت اقراءه اعتربني جاهل واقراءه علي
عواض: اسمها زريبه ياجاهل
احمد: وهذا انا الي قرائته
عواض: اجل ليش تنشد دام انك تعرف تقراء
احمد: ممكن سوال
عواض ومن غير نفس:تفضل
احمد: ليش تبي تسميها زريبه
عواض: لانها قبيحه واسوى ما طاحت عيني عليه
تكلم احمد بمكر: اجل اش رايك تسمها جودي
عواض بتعجب: ليش
احمد: انت بتسمها زريبه وانا اقول لو تسمها جودي وهذا الكلمة هي بالانقليزي ومعناتها الخنزيرة الصغيرة..
ضحك عواض رغم المه: انزين وشهادة الميلاد
احمد: انا اعرف واحد شغال في نفس المستشفى وبتقدم انت خطاب وهو بيغيرون الاسم
عواض: لا مافيني على الروحه والجاية
احمد: انا اوديك إلهُ الحين واردك.. وما يخذ من وقت
عواض: دام انت الي بتوديني بروح وانا ما عندي سيارة.. ولو عندك اسم اقبح من كذا خبرني عليه وبسميها
ضحك احمد ضحك مريحه وهو راضي تماما على الي بيسويه: انت شايف في شي اقبح من الخنزير
عواض: والله انك صادق
استاذن احمد من العمل وراح المستشفى.. ودخل على ولد عمه وخبره باالموضوع.. وطبعا ولد عمه عارف مشكلة احمد مع ابوه لاجل الاسم.. وساعده تعاطفا من زريبه اولا وجميلة لأحمد ثانياً
رجعوا المكتب وسجل اسم جودي بدلا من زريبه
وخرج عواض
وابتسم احمد ابتسامت نصر وخرج روايه كان يقراء فيها وكانت بعنوان عنتر بن شداد
فتحت الصفحة الاولى وكتب على طرف اسمها
زيدني عشقاً.. يا اقبح امراءة في نظراتي ابـــِكِ
زيدني عشقاً.. يامن خططة لأجلكـِ احلى ايام سنيـــِني
.. يامن زرعتي ألغام الحب بلا رحمة
.. يا من حاربت العالم لأجلكِ بلا عقلٍ
احترتُ في وصفكِ سيدتي..
يكفي قوّلِي معذبتــــــــــي.. لا لا لا بل معذبةُ قلوب الرجالِ..
....ما ادري مواثره فيني هالاغنيه ومعضم الي اكتبه الحنها عليها واضل اغنيها لين نسيت كلمات الاغنيه الحقيقيه وانتوا بعد لحنوها باغنية كاظم الساهر...مداخله من الكاتبة إيميلياأمل..
انتهى الدوام وخرج احمد وهو راضي على نفسه وعلى الي عمله كل الرضى وهو يدعوا لجودي كل الدعوات الصالحه والامنيات السعيده واتجه لمكان لا يعلم لا اين ولكن اخر شي وقف السيارة في منطقة نائة.. خالية من السكان.. وقف امام البحر تنفس نسيم البحر بهدوء وسرور...وطار شماغه وصار يجري وراه يجري وراه بس ما لحقه وركب سيارة ومو مهتم بها اذا راح تغرز ولا لا ومشي وراى الشماغ هدى الجو وطاح الشماغ على الارض معلناً الاستسلام ونزل واخذ الشماغ وهو يضحك على الي جالس يسويه وتقريبا ابتعد مسافة ثالث كيلو متر عن البحر..
أنا مجمع كم ريال وأعتقد انها تكفي اني اشتري هالارض راح ابنيها ولو عيش لوحدي فيها..
بالفعل الشترى احمد الأرض.. وتركها وغادر البلاد لأنه جاته البعثه وسافر لبريطانية يكمل دراسة البكالوريس..
انتهى عام 1411هـــــــ بسلام انتهت وطوت صفحاتها
معلنة الرحيل.. وابتداء طريق جديد.. طريق مجهول..
ـــــــــــــــــــــــــــــــــ
دارت الدنيا.. وانطفت انوار واشتعلت اضواء.. إلي يشوف جده.. من تسعطعش سنه... ما يقول انه هذا هي جده..
الشوارع زحمة... العمران فيها شي عجيب..
الاشاره فيها.. الواحد ينطق عندها.. يعني تاخذ ربع ساعة واحيان نص ساعة.. حسب المواسم..الواحد لو بيروح عمله لازم يخرج من بدري ولا بيتاخر...
صباح ياهــــــــــــــــــــلا
..قال الصباح ياهـــــــــــــــلا في جدة وغلى..
...وصبحكــــــــــــــــــــم حب وغلا...
في احدى السيارات الي يركبها احد الشباب.. متجها إلى عمله.. كان يسمع اغنية عبدالعزيز المنصور

اشتقتِ للاحباب *** يا عساهم ما نسونا
اشتقت للاحباب *** عساهم يذكرونا
***
لو هانت ايامي عليهم ما ظنتي قلبي نسيهم
يا وردة الأشواق حني علينا
وأرسلي مرسول منا إلهم
طمني المشتاق عنهم عن هواهم وعن وطنهم
اش قد انا مشتاق لنسمت هواهم
احلى سنين العمر كانت معاهم
يا عسى الايام ترجع
نلتقي والحب يجمع
ـــــــــــــــــــــــــــــــــ
في احدى الحواري الشعبية.. وبالتحديد داخل احدى المدارس..
جود: ول شوفي شلون تضربها تقولي اندري العملاق
جودي: سكتي الله يخليك لا تسمعك وتورينا شغلنا
جيهان: هذه ما أدري ليش جايه المدرسه
جود: المشكلة يكتبونها محاضر لليلا وترد ثاني على المشاكل.. ول اهب.. شوفي شلون جلست فوقها وتضربها
جودي: شكلنا بناخذ من الحب نصيب اذا ضلينا نناظرها
جيهان: يا ليت الابلة تدخل
جودي: عادي بتجلس تناظر مثلنا ولا يجلها من الحب نصيب
جود: ما أدري شو تاكل هالعله
دخلت المديرة ومعها الفرشات عشان يفارعون ومن يوم شافت فتو المديره... وقفت على حيلها وهي تبكي بقوه
... طبعاً فتو عبده وضخمه.. وشكلها يروع بلد ..الله لا يبلانا..
فتو: شوف يا ابله هي الي بدت وانا ما اقدر قلبي ما يعطيني فلازم اخذ حقي بيدي
المديرة: قدامي على الادارة
فتو: ليش ما سويت شي
وخرجوا بعد مناحله
دخلت ابلة الكيمياء
ابلة فاتن: السلام عليكم ورحمة الله وبركاته
الطالبات: وعليكم السلام ورحمة الله وبركاته
ابله فاتن: مو هذه ثالث ادبي اش جابها هنا
<ملحوظه: بتلاحظون اختلاف في اللهجات حسب القبائل وحسب اذا كانت سعودية الاصل ولا من العوائل المتجنسة>
لا رد
ابله فاتن: جباناااااااااات هي مو موجدوه عادي ما راح افتن
جود وهي تكلم جودي: خلينا الشجاعة لك.. بدليل مادخلتي لين خرجت فتو
ابله فاتن: جود عندك هرجه قوليها سمعينا معاك
جود: لا ابله كنت اسالها الحصة الثانية شو علينا
ابله فاتن وهي وما ركبت عليها الكذبة: خلينا نبداء في الاولى وبعدين فكري في الثانية... وشمقت عليها ومسكت القلم وبدت تخط في السبوره
في الفسحه..
جود: جودي بجد أنا خايفه عليكِ
جودي: ليش حبيتي
جود: ترى فتو معجبه فيك
جودي: لا حرام عليك لا تخوفيني
جود: والله بجد أنا اشوف نظراتها لكِ من فوق لتحت بجد أنا اخجل من نظراتها توقولين ولد
جودي بخوف: لا حرام عليكِ ترى الي عندي عندها..وانتفض جسمها خوف وردت قالت.. حرام عليكِ دخلتي الرعب في قلبي موكفاية الي تسويه امكِ فيني يكفي الي يجني منها
جود: شوفي هذه اخر مره اقولك انا امي هي امك وهي الي ماتت ولا هذه انا ما ارد عليها بس لاجل عيونك حبيبتي وانت تعرفين انه لمن ادافع عنك والا اتدخل تزيد في ضربك.. يعني لو تقاسمنا الضرب عادي بس كله تحطه عليك
جودي: اسفه حُبي.. قالتها بغنج ودلال لاجل تخرج جود من قهرها.. بس انا لمن اشكيلكِ حالي احس اننا جالسين نتقسم العذاب
جود:هههههههههههههههه هيييييي أنا جود مو زوجك تغريني
جودي: هههههههههههههههههه إلى جد جود بيجي اليوم إلى اتزوج فيه
جود: إن شاء الله وانت ما شاء الله عليك جمليه وإن شاءالله قريب جداً.. ورجعت لألمها .تصدقين أنا دائما اشرد لمن تبداء هوشته بس البارحه شفت امي تطقك بصراحه كرهت عمري
جودي: بس سكتي جيهان جايه
جيهان: انا ابا اعرف لي ليش تفطرون يوم ويوم لا
جود: لانه يوم نفطر في البيت ويوم نفطر في المدرسه
..وطبعا هذه كذبه من كذب جود.. ولكن الحقيقة في انه غيداء تعطي كل وحده ريالين بس امها تدخلت وصارت تااخذ منها المكافئة وتعطي جود ريالين وبس.. فـ جود صارت تجمع فلوسها لليوم الثاني لمن يصير اربع ريالات ويصير هي تاخذ ريالين وجودي ريالين واليوم الي مايفطرون فيه يقولون انهن فطرن في البيت.. وحقيقةً انه جود هي الي تفطر وتجلس لين اخر شي وتشيل الكل بسرعة لاجل ترفع سندوتشه لجودي..بس اغلب الاحيان امها تدخل معاها المطبخ وطبعا الام هي الي ترجع الاغراض
جيهان: حتى أنا افطر في البيت وارد افطر في المدرسة
جودك يا اختي حنا نخاف على اعمارنا ولانصير درامة مثلك
جيهان: لا حرام عليك الحين انا دراما
جودي: لا بالعكس حلو وجناااااااان وعلييييييييك طلب
جود: وين عليها طلب انت الثانيه
جودي: ليش انت ما سمعتي حنان وهي تقول انه زوجها طفشها من كثر ما يقلها اسمنس جسمك مو عاجبني هذا وهي جسمها حلو مثل جيهان.. والله الرياجيل لو يشوفون جسمنا انا وانت يحسبونا بزارين حتى معالم تثبت اننا اناث ماعندنا
جود: اوب اوب اوب الاخت صارت تتكلم يوه يوه يوه وين انا عنك لمن اتعرفتي على هالاشياء بصراحه خيانه الحين انت تتعلمين وتبين تسمنين وانا بتخليني مسطره
جودي:ههههه لازم لاجل اتزوج قبلك
جود: افا يالخاينه
جودي وجيهان:ههههههه.. وانطفت كل الضحكات لمن شافوا فتو جايه عليهم
فتو: جودي تعالي اباك شوي
جودي: اتفضلي هنا ما في احد غريب
نزلت مسكت يدها وسحبتها لين وقفتها على طولها.. اوه نسيت اخبركم انه فتو لها تبع ولزم يرافقونها على طول.. ولزمها مسكو جود وثبتوها على الكرسي
جودي وهي تصارخ: جود الله يخليك ساعديني
فتو: يا بت اسكتي لا يجيلك كف يلف وجهك لف.. وسكتت وهي تمشي ورى فتو وعيونها على الارض.. هي عارفه شو مصيرها.. فجلست تدعي ربها انه ما تتسافه معاها كثير..
..طبعا فتو دائما تعمل فديوا كلب وسط الساحه وتتمصخر البنات على الضحيه.. وهذه شخصيه حقيقيه...للاسف موجوده بين بناتنا.. حسبي الله ونعم الوكيل..
وصلت وسط الساحه..طبعا الساحه المغطيه لاجل الابلات ما يشوفو التجمع.. وينزلوا بسرعه..
بدت فرقت العبيد تغني وهي ترقص
والمشكله كانت اغنية كاظم الساهر البنيه
وبدت ترقص وجودي تسايرها لانها بالفعل خايفه ويحق لها الخوف امام وحده كلمة جثة قليله عليها.. لكن الي صدم جودي بوسه على الخد.. وهي اتقززت بس ما مسحة خدها خوفا من فتو.. ولفت راسها بعيد عن فتو.. بس الاخيره مسكتها وباستها على شفايفها.. كردة فعل صارت جودي تبعد نفسها عن فتو واخر شي سحبت شعرها بقوه لاجل تبعدها عنها.. واتفتح شعرها وشعرها هي سلك نحاس.. وصار كانه عش يعشش عليه سرب حمام.. طبعا فتو كله الي شعرها.. رمت جودي على الارض ورمت نفسها عليها وصارت تضربها بقوه.. على صوت جود وجيهان وجوي بالاصل كانت ميت صراخ وبكه
وحده من الخالات طلعت تعلم المديره والمديره جات جري هي والوكيلة والفرشات وفتو مصره هذه المره في الضرب لانه انجرح كبريائها انه في وحده قدرة تمس شعرها..
وبالقوه لين فارعوا بينهم وخذوهم على الادارة
واتصلوا على اهل كل وحده فيهم
وجات ام جود..وفهموا السالفه وخبروها انها ما تسكت عن الي صار وانه لازم يرفعون خطاب للرائسه التعليم لاجل يجي فصل نهائي لهذه البنت وانه الفصل المؤقت ما صار ياثر في هذه البنت.. كل سنه فصل مؤقت وترجع والبنت ذكيه عارفه النظام فصل واحد مؤقت لكل سنه لاجل ما تنفصل نهائي..
ـــــــــــــــــــــــــــــــــ
دخلت منيره البيت ووراها زوجها وسحب توصيلت الكهرباء وصار يلف فيها خلها ثلاث اسلاك وجودي من شافت ابوها
راحت لرجوله تبوسها بس هو جالس يصلح السلك ولا يسمعها.. راحت رمت رنفسها عند رجول منيره وصارت تبوسها بس لا حياة لمن تنادي
انتهى عواض من تعديل السلك وطاح فيها ضرب...
ما بقى مكان في جسدها إلى واستلذ السلك بجسم هذه الفتنه..
طبعاً منيره فهمته السالفه خطاء وقالت انه بنته هي الي متحرشه في وحده من زميلاتها ولاجل كذا البنت ضربتها..
ـــــــــــــــــــــــــــــــــ
رجعوا البنات البيت من دوامتهم وجدو سيده طلعت لاختها جودي لانها تعرف انه امها ما راح تعتني فيها..
وصلت وهي تدعي ربها انه ما صابها شي كايد..


هذا باختصار شكل بيتهم.. الدائره هي غرفة نوم ابوهم وامهم.. الرعد مجلس الحريم وبتعرفون ليش اخترت هالشي.. المثلث المطبخ.. والقوس دورة المياة.. والشكل البيضاوي مجلس الرياجيل.. وطبعا في حوش والاسهم الحمراء عباره عن الشبابيك والاسهم السوده طبيعيا هي الابواب
واخيرا الوجه الضاحك هي حجرة البنات..
البيت خالي من الاثاث..
كله عباره عن طواويل..كل البيت
ماعدا حجرة ابوهم الي فيها دولاب الملابس وطبعا كل العايله تحط ملابسها فيها عدا جودي الي تحط ملابسها في كيس في حجرتهم..
ـــــــــــــــــــــــــــــــــ
شافتها نايمه بمريول المدرسه وعبايتها.. فسخت عباتها وجلست لاجل تفسخ عباية جودي.. بس شافت وجهها شلون قايل.. خدها اليمن مقلم ثلاث خطوط وملتهب بشكل ضيع وشفايفها مورمه وعليها دم متخثر.. فسخت عباتها وبهدوء وخفها وهي تسمع اهات وهذيان حبيبتها وروحها.. كل آه وكل شهقه تعذبها تحرق قلبها تكوي جوفها..
انسدحت جنب اختها على بطنها وصارت واتكت علىمرفقه الايسر وصارت تمسح على راس جودي بحنان.. تتمنى اننها تصح لاجل تعرف السلفه بس وقفت بسرعة وراحت المطبخ..
جود: يمه لحقي جودي بالمرة تعبانه خلينا نوديها المستوصف
منيره: وانت انا ما ادري من هي امك هي ولا انا
غيداء: ليش شبلاها جودي
جود اشرت لي غيداء بانه بعدين بتخبرها..
فتحت جود الثلاجه وشافت صحن فيه فواكه مشكله.. اخذته واخت تيلنور وماي..
منيره: على وين
جود: بروح اعطيه جودي
منيره: لا والله انا اشتغل عندها خليه هذا انا مسويته
جود طنشت وراحت لاختها
ـــــــــــــــــــــــــــــــــ
غسلت وجهها بالماي البارد وجودي شهقت
جود: حبيبتي قومي خذي التيلنور لاجل تخف الحرارة.. فتحت عيونها ودخلت جود الحبه في فمها وشربتها الماي ورجعت اعطتها الثانيه وشربتها الماي..
جود: انزين كلي شوي حبيبي
جودي: لا ما اريد
جود وهي تبوس راس جودي ويدها: لا حبي ما يصير لاجل خاطري جودي لاجلي صدقيني لو صارلك شي بنتحر تبين ادخل النار...
فتحت جودي فمها ولقمتها القمه الاولى...وتلتها لقمات تنعد على الاصابع
جودي: حبيبتي كافي
جود: يالخبله كليه كله امي هي الي مسويته
جودي وهي تتالم: تبين تجيبن خبري انت
جود: جودي والي يرحم امك لاجل خاطري كليه ارجوكي
جلست جود تاكل جودي وتبتسملها وتدلع عليها كل هذا تمثيل لاجل تفتح نفس جودي
جود: يا حظه بو عيالي والله افتح النفس
جودي وهي تبتسم بإعياء: خلي الابو يجي اول وبعدين فكري في العيال
جودي: كافي
جود: والله حبي تاكلينه كله
جودي: لا حرام عليك اكلت كثير
جود: ترى حبي بخليك تنام في الشارع اذا ما سمعت كلامي
جودي وهي تضحك بصوت منخفض لاجل محد يسمعها ويجي يكمل عليها..وطبعا هي محرم عليها الضحك:هههه وسكتت وهي تتالم وتضحك..لاعبه الدور تمام.. انزين بعد ما تخلصين اباك تهمزين جسمي كله وتطقين اصابع رجولي
جود وهي تسوي عمرها زعلانه: دلعناك وطلعت فوق روسنا
واكلت جودي كل طبق سلطة الفواكه
جود وهي تبوس راس جودي وخدها وخشمها ويدها وجلست تبوسها وهي تبكي: سامحيني ان اعرف انه هذا مو من ضرب فتو هذه اكيد امي حسبي الله ونعم الوكيل فيها..
جودي: لا هذا ابوي هو الي طقني
جود: حسبي الله عليه الظالم
جودي: تصدقين ساعات افكر بالانتحار بس اقول في خاطري خسرت الدنيا والاخره.. بس ارد استغفر الله واذكر الجنه ونعيمها واذكر النار وعذابها...واقول ذل الدنيا افضلي دام انها زايله..بس تصدقين احب الدنيا لانك فيها
جود من سمعت اختها بكت: سامحين والله ما استاهل اكون اختك.. ولا في اخت تنضرب اختها وهي ما تقدر تسوي شي كرهت حياتي كرهت نفسي ليتنا ناخذ الضرب بالتساوي
جودي وهي تضم اختها لصدرها رغم الآمها بس هي محتاجه هالحب وهالحنان هي محتاجه حد يطبطب على ظهرها حد يمسح على شعرها حد يعطيها الدفء والامان
دخلت غيداء وشافت جودي مسدوحه على ظهرها وضامه جود الي تحاول تبعد عن جودي لاجل ما تعورها..قفلت الباب خلفها وجلست جنبهم تشاركهم البكاء..وسحبت جود عن جودي وشافت وجه جودي شي مو معقول الوجه جدا متورم الشفايف كبرة بشكل مو طبيعي
غيداء بخوف: شو الي صار
جودي: تضاربنا في المدرسة
غيداء: هو انت ناقصه ضرب مو كافي الي تاخذيه هنا
جودي: عادي تعودنا
جود: لا هذا ابوي حسبي الله ونعم الوكيل فيه
جودي: لا تدعين على ابوي
جود: لا بقول حس

وابشوف ردودكم وعلى اساسها اكمل ولا لأ وعلى فكرة القصة منقوووووووووووووووووووووولة يعني ملطوشة
:040104_emI2_prv: :040104_emI2_prv:


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 20-10-2006, 04:18 AM
صورة dlo3ah__co0ol الرمزية
dlo3ah__co0ol dlo3ah__co0ol غير متصل
©؛°¨غرامي فعال ¨°؛©
 
الافتراضي


افاااا 7 شافوها ولا ردوووو
ماهقيتها منكم يا جماعة الخير
ردو بكم كلمة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 20-10-2006, 02:05 PM
walidswat walidswat غير متصل
©؛°¨غرامي جديد¨°؛©
 
الافتراضي


يعطيك العافيه اخوي بس بليز اذا جاء الجزء الثاني من القصه نزله طلبتك
تقبل مروري
ابوخالد........................................... .............swat


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 20-10-2006, 07:25 PM
صورة dlo3ah__co0ol الرمزية
dlo3ah__co0ol dlo3ah__co0ol غير متصل
©؛°¨غرامي فعال ¨°؛©
 
الافتراضي


مشكور اخوي ابو خالد على الرد تسلم
وتابع معي القصه
وسمعوا صوت منيره تنديهم
غيداء: جود تعالي نتغدى ونرجع لها
جود: لا ما اشتهي
غيداء: انت خبلها تبينهم يزدونها
خرجوا البنات
السفره محطوطه في الصاله الي قدام حجرة البنات
جود: تصدقين مالي نفس للاكل
غيداء: لا عيون اجبري حالك ولا جود الي بتدفع الثمن
جود: الحين حِنا الي نعارض هي شو ذنبها تنضرب
غيداء: سكتي شكلك تبين تجيبن اجلها اليوم
منيره: شو تساسرون
غيداء: لايمه سلامتك
وكملو اكل وخلصوا شغل ودخلوا حجرتهم.. وهي الحجرة تقريبا مترين في مترين وربع.. ونطت جنب جودي تبي تنام تجلس جنبها..لانه جودي كانت مسدوحه جنب الجدار..
غيداء: بطليها حركات البزرنه هذه
جود طنشتها وحطت يدها على راس جودي: حرام والله انها تعبانه
غيداء: اقول قومي خلينا نروح نجيب ماي وثلج وقطن
جود: بس امي في الصاله
غيداء انا بروح المطبخ واعبي كيس في ماي وثلج وانت اشغلي امي
جود: شلون هي ما تطيق تسمعني
غيداء: وبتشك من تدخلين المطبخ
جود وهي تذكر: خلاص لقيتها تعالي بسرعه
غيداء: شلون
جود:انت تعالي وبس
خرجت جود وراحت جلست على يسار امها بحيث اذا خرجت غيداء ماتشوفها امها
جود: يمه ليش ما رحتوا بلغتوا الشرطه
منيره: ليش نبلغ الشرطه لاجل ننفضح
جود: يمه انت تعرفين ليش ما تدخلت في المضاربه
منيره وهي توها تتذكر: ايه صدق ليش
جود: يمه لانهم متوعدين لنا انا وثقوني ثلاث وهي الضعيفه مسكتها هذه العبده الدبه
منيره:تستاهل
جود: يمه احتمال بكره يجي الدور علي يمه انا اخاف من الضرب يمه ارجوك روح بلغوا عليها الشرطه
منيره: بعلم ابوك وارد عليك
جود وهي تشوف غيداء دخله حجرتهم: يمه اجل بكره ما راح اداوم
منيره: لا داومي البنت عطوها فصل اسبوع
جود: انزين بعد الاسبوع
منيره: يصير خير
جود: يا يمه انت ما جربت ضربها لاجل كذا منتي بشايله هم
منيره وهي معصبه: قومي انقلعي عن وجهي تبين انضرب ايه اعرفك انت تكرهيني.. قومي لا بارك الله في ابليسك قومي انقلعي قومي الله ياخذك انت والحيوانه الي جوه قبلك
وقفت جود ودخلت الحجرة وقفلت الباب..وابتسمت ابتسامت رضى وغيداء بادلتها نفس الابتسامه.. جلست جنب غيداء... طبعا الحجره فيها ثلاث طوالات.. ولحافين مطبقه على جنب وكيس على طرف وهو الي فيه ملابس جودي..وشنطهم حقت المدرسه جنبها.. شهقت جودي لمن غيداء حطت المويه البارده على وجهها..
جود: حرام عليك انت ما تشوفينها تعبانه
غيداء: اقول جود انطمي انا الي فيني كافيني من قادره استحمل اشوفها كذا فرجاءً لو سمحتي ابلعي لسانك.. وسكتو شوي ولمن حست غيداء انه في تحسن شوي من الماي البارد
غيداء: اقول جود لمي الاغراض على جنب بنحممها هنا
جود: والماي وين يروح
غيداء: عنه ما راح المهم اختنا تطيب
وبالفعل لموا الطواويل على جنب وغيداء بالقوه وقفت جودي على حيلها وجود سحبت المكت لاجل يحبسون الماي على جنب وما تغرقهم.. بس تفاجوا انه في فتحه صغيره على الركن وتذكروا لمن كانت حجرتهم و الصال مفتحه على بعض ووكانت مكشوفه كانوا من هنا يخرجون الماي ايام المطر.. وخرجت جود ودخلت سكين بين ملابسها وردت بسرعه وفتحوا المكان وجلسوا جودي على الطرف وسارت غيداء هي الي تصب الماي علي جودي وجود بيدها تدف الماي لاجل تظهره للشارع...لين غرقوها بالماي لانه جسمها كله يبيلها كماد فهذه احسن طريقه.. ردو كل شي مكانه لاجل محد يكتشف.. وخللعوا مريول جودي عنها ولبسوها روب خفيف.. وسدحوها على طوالتها.. وضلوا يومهم كله وحده تشتغل ووحده تعتني بجودي وبالتبادل.. لين جاء الليل ونفس الشيء كل ساعتين وحده تنام وحده وتصحى وحده.. لين خلصوا ليلهم
ـــــــــــــــــــــــــــــــــ
... في صباح اليوم الثاني على الساعة 6 صباحاً
..
صباح ياهــــــــــــــــــــلا
..قال الصباح ياهـــــــــــــــلا في جدة وغلى..
...وصبحكــــــــــــــــــــم حب وغلا...
..تذكرون السيارة الي كنا وراها بس من الزحمه ضاعت ورجعنا للحي الشعبي.. على العموم اليوم أنا راكبه معاه بس لابسه طاقية الاخفاء..
في سيارة كبيرة.. ماخذينها الشباب موضه.. حقيقة انا اول المعترضات عليها لاجاء احد يشتريها.. اكيد عرفتوها...همر لونها اسود.. تذكريني بسيارة العصابات..
رجع فتح نفس الاغنيه لي عبدالعزيز المنصور


اشتقتِ للاحباب *** يا عساهم ما نسونا
اشتقت للاحباب *** عساهم يذكرونا
***
لو هانت ايامي عليهم ما ظنتي قلبي نسيهم
يا وردة الأشواق حني علينا
وأرسلي مرسول منا إلهم
اش قد انا مشتاق لنسمت هواهم
احلى سنين العمر كانت معاهم
يا عسى الايام ترجع
نلتقي والحب يجمع
...هو يحب يسمع هالاغنياء خطيبته مسافره مع اهلها...ابوها صارله حادث وخذ بنته وزوجته معه..كان وده يملك عليها ويزوجها..بس هي رفضت تبى تروح مع اهلها وهي وحيدتهم.. وبيردون بعد شهرين من الحين..وهي توجيهي..بس امها هي الي تكفلت وبتدرسها..وامها دكتوره في الجامعة وهي صديقة امه..ولاجل كذا قلبت انتساب هذا الترم وبتنتظم من الترم الثاني..
وصل امام مقر عمله وحمل الشنطه الي جنبه.. كان لابس بنطلون جنز لونه بيج قاتن.. وبلوزه فستقيه.. وبصراحه شكله جنااااان.. وشعره ناعم.. وهو قاص الفرنسية.. وبالنسبه للحيته كان مسويه خطل من شفايفه لذقنه ومسوي الخنجر عند السوالف.. وشواربه محففه..
نزل ودخل المستشفى والكل يسلم عليه.. مشي لين وصل لمكتبه وحط الشنطه..ولبس الروب الابيض وخرج لمدير المستشفى..
جهاد: السلام عليكم ورحمة الله وبركاته
المدير: وعليكم السلام ورحمة الله وبركاته
راح جهاد باس راس ابوه: شلونك يبه
ابو جهاد: بخير ربي يسلمك
جهاد: ماشاءالله عليك يبه متى مداوم
ابو جهاد: من ربع ساعة
جهاد: بس باقي وقت على الدوام
ابو جهاد: لا عندي حالة طاره.. وانت مداوم بدري اليوم
جهاد: نمت مبكر وصحيت وقلت اخذ كتاب واقراءه في المستشفى لين يبداء الدوام
ابو جهاد: قبل لاتمسك الكتاب اقراء قرآن
جهاد: الحمدلله يبه انت من علمتني وانا صغير اقراء جزئي بعد صلاة الفجر مباشرةً
ابو جهاد: الله يوفقك ياوليدي دنيا واخره
جهاد وهو يوقف: استاذن انا يبه الحين توصي بشيء
منصور: لا سلامتك
ومشيء جهاد لين وصل عند الباب وتذكر منصور شي ونادى
ابو جهاد: البراء ممكن لوتسمح
جهاد وهو يرجع لابوه: تفضل الوالد
ابو جهاد: والله يا وليد بغيتك في مشوار مهم
جهاد: تفضل الوالد
ابو جهاد: في واحد مريض ونفسه عزيزه وهو صديق قديم لي..اباك تروح له البيت وتكشف عليه وتعطيه فلوس واذا رفض تقول هذه سلف ولين الله يرزقك يرجع لك المبلغ
جهاد: إن شاءالله الغالي بس هو وين ساكن
وصف ابو جهاد البيت لي جهاد وخرج من المكتب وراح لمكتبه وخلع روبه واخذ الشنطه وخرج من المستشفى
..هذه المستشفى خاصه وهي ملك لابو البراء واخوه وكلهم دكاتره عفوا برفسوارت.. و جهاد لساته طبيب وتوه جاي من السفر وبيرجع ثاني لاجل يرجع بالاستشاريه.. وولد عمه مدير قسم الهندسه الطبيه ودكتور في جامعة الملك عبدالعزيز.. يعني عائلة ماشاء الله عليها كلها اطباء..وبالفعل عندنا في السعوديه عوائل زي كذا.. اكيد طلبت الجامعة بيلاحظن هالشي..اوه نسيت ليش ذكرة هالمعلومه.. لانه ابو البراء وعمه استاذ دكتور في جامعة الملك عبدالعزيز
ـــــــــــــــــــــــــــــــــ
جودي: ابا اروح المدرسه
جود: لا والله
جودي: الله يخليك ساعديني تعرفين اني ما اقدر اجلس مع امك بروحي
غيداء: انا بجلس وياك
جود: لا انا بجلس وانت روحي لجامعتك
غيداء: لو انت أي بتجليسين بتنضرب اختك.. وانا اصلا ما عندي دوام
جودي: ايه الله يخليك لاتجيبي طار الغياب
جود: والله حاله.. وبعدين امي ماراح تصدقك انه ماعليك شي اليوم
غيداء: اشفيك انا من الاسبوع الي طاف وانا اقول انه الدكتور بيغيب اليوم
جود وهي تذكر: ايه والله ذكرتيني الله يذكرك بالشهاده والسامهين اجمعين
الكل:آمـــــــــــــــــــــــــين
ولبست جود مريولها.. طبعا البنات مسوين ستاره على طرف لاجل الوحده فيهن تلبس خلفه وماتحتاج انها تروح دورة المياة او تطرد احد من الحجرة..
خرجت جود..
ابو غيداء: وين غيداء
جود: نايمه
منيره\ليش ما عندها دوام
جود: لا يمه انت ماسمعتيها الاسبوع الي طاف وهي تقول انه دكتورهم اعتذر
منيره:مممممممم ايه
وفطرت جود وراحت للمدرسه
خرج عواض من البيت ووقفه واحد شكله اجنبي
الرجال:لوسمحت تعرف بيت حمد بن علي الــ
عواض والخبث في عينه: يالرفيق تعال لازم اول اشي اضيفك وبعدين بخبرك
الرجال: لا نا مستعجل
عوض ما خلاه يتكلم اويعتذر مسكه من يده ودخله البيت: والله الي حلفت بس اشرب قهوتك وبخبرك بعدين
دخله من باب البيت ودخله من باب مجلس الرياجيل وخرج من الباب الي على الصاله وقفل الباب وراه
ترك الرجال في ذهول وخرج مسرع لمنيره: جهزي القهوه يامره
منيره: ليش
طنشها ودخل حجرة البنات.. كانت غيداء جالسه جنب جودي ويسولفون مع بعض.. واتفاجئوا من دخلت ابوهم لهم وهذه اول مره يسويها..هم خافوا وافرحوا..بس الحجرة صغيرة ولسه ما لحقوا حتى في عقولهم انهم يفكروا سبب دخلت ابوهم الي بعواض يمسك جودي من شعرها ويوقفها
غيداء وهي تمسك يد ابوها: يبه والي يسلم عمرك فكها
عواض: كلمة ثانيه بقطع هالعقال على راسها
وسكتت غيداء وسحب عواض جودي من شعرها..ورفع وجهها وشافها وهذه اول مره يشوفها فيه بهدا القرب.. وهي دوم لمن يمر من عندها ترخي راسها وشعرها على طول ينزل على وجهها...هذه هي قصتها من هي صغيره لاجل تخفي وجهها عن ابوها لانه لو شافها بيذبحها من الضرب لانها تشبها المرحومه امها وهو يعتقد انها السبب في موتها ولانه يموت فيها كره بنتها..وقصتها مو مكلف فيها..غيداء هي الي تقص لها هو كل ما يطول شوي لاجل يساعدها على اخفاء وجهها.. مجرد انها تساوي لها من قدام ووراى بس من كثر ما تقص لها تعلمت شلون تقص الكاريه وصارت هذه قصتها..وطول شعرها من قدام وورى لين وسط رقبتها..للعلم رقبتها طويله..
تفل على وجهها وخرجها من الحجرة وهو يسحبها من شعرها وغيداء وراهم
منيره: على وين تاخذها
عواض مارد عليها
عواض وهو يكلم جودي: شوفي داخل في رجال اباك تدخلين وتحضنيه
منيره: انت اشفيك شارب الحين
جودي: يبه الله يخليك ارحمني اقتلني اضربني بس لاترميني كذا
منيره:انت تباء تفضحنا بناتك محد راح يتزوجهن اذا انعرف بالسالفه..
عواض:ابا ازوجها وافتك منها مو انت تبين الفكه منها
منيره:شلون
عواض: بعدين تعرفين..ورد كلم جودي..يالله سوي الي قلتلك عليه
بس جودي ما صدقت ابوها..تعرف انه بيبع عرضها لاجل المال ولانه محتاج هاليومين ما لقى غيرها
غيداء تمسكت في يد ابوها: يبه الله يخليك
عواض: صوتكن لا يعلى ترى والله لاذبحها واعشيكم من لحمها
سكتت غيداء وسكتت جودي وانقادت لمصيرها..وخلى منيره تاخذ جودي
:050103nbh_prv: :050103nbh_prv:
وين الردود


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 21-10-2006, 03:13 AM
صورة ღ همسات دافئه ღ الرمزية
ღ همسات دافئه ღ ღ همسات دافئه ღ غير متصل
©؛°¨غرامي ذهبي¨°؛©
 
الافتراضي


يعطيك العافيه القصه ممتعه
ننتظر التكمله.............لا تطول
تحياتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 26-10-2006, 10:47 PM
صورة dlo3ah__co0ol الرمزية
dlo3ah__co0ol dlo3ah__co0ol غير متصل
©؛°¨غرامي فعال ¨°؛©
 
الافتراضي


همسات دافئة مشكورة
وأتمنى إنكم تتابعوا معايا القصة إلى نهايتها
وهذا البارت لجل عيونكم
^^^^^^^^^^^^^^^^^^^^^^^^
خرجت منيره من الباب الرئيسي وفتحت باب مجلس الرياجيل الي من بره ودفت جودي على الرجال..في هذه الاثناء دخل عواض ومعها القهوه.. واساسا هو سحب الثلاجه والفناجيل وهي فاضيه لانه القهوه ما مدها تستوي..
ـــــــــــــــــــــــــــــــــ
الرجال مصدوم من الي جالس يصير بس يعرف البدو ماشاء الله اهل كرم..بس عاد مو كذا مغثه.. واتفاجئت بالباب ينفتح وترتمي علي وحده على ساقي..شكلها كانت مسرعه وما تدري اني موجود واتعنقلت وطاحت علي بس حسبي الله عليها عورتني.. انا كنت جالس على الارض.. بس اتفاجئة بالبنت..جلست حضنتني وتبوسني على وجه
جودي: الله يخليك لا تسوي فيني شي الله يخلك ترضها على اهلك
ماكنت شايف وجهها لانه لاصقته في خدي..بس حسيت بحرارة دموعها..ضعيفه على بالها بغتصبها موداريه اني جالس هنا وانا مقروف وهي اكثر شي قارفتني لبسها كان مره قديم ومقطع وحالتها حاله..
دخل الرجال علي وطاح التبسي من يده..وعرفت اني في موقع شبه.. الله يقلعك انت الحين الي تغلطين وانا الي راح اتورط
وقفت بسرعه ابا اشرح الوضع..بس هو كان اسرع وفسخ عقاله وطاح فيها ضرب..وانا احاول امنعه وافهمه السالفه بس هو ما يسمع شي.. يحقله ولا واحد عنده غيره ويشوف بنته في حضن رجال غريب..
عواض: اه يالكلبه انت من وين تعرفينه
الرجال: يالاخو تراك فاهم السالفه غلط
عواض ووده يذبح الرجال: انت اسكت واحمد ربك اني مخليك حي لين الحين..
جودي وهي تحضن رجول الرجال: الله يخليك لاتسيبني معاه بيذبحني..قالت كلمتها لانها عرفت نواي ابوها وخافت لا الرجال يتكرها ويزيدها ابوها او ممكن يعرضها على اصحابه..فقالت لنفسها اعيش مع هالهندي بسلام ولا اني اعيش بذل
عواض الي عجبه تدخلها: ايه والحين تملك عليها
الرجال: شلون بس انا ما اعرفها
عواض:شوف انا انت ماراح اسويلك شي بس هالكلبه انا راح اذبحها وخرج بسرعه وجاء ومعاه سكين..انصدم الرجال من هالابو
الرجال: انتظر بكلم ..وضل ياشر على صدره يقصد انه بيكلم ابوه بس هو مو قادر يتكلم من شاف السكين..
عواض:بتكلم من
الرجال وهو يتكلم بتلكلكه: هذا اش اسمه ايه بابا
عواض:يالله كلمه بسرعه ما ابا اشوف الملعونه هذه في بيتي
جلس الرجال على الارض لانه بالفعل مصدوم من الي قاعد يصير له..وعواض من شافه جلس ظل يرفز في بنته لين هي زحفت تبى تحتمي بالرجال وبالفعل وصلت له وحاولت انها تدخل خلفه بس المكان ضيق بالقوه لين دخلت صدرها خلفه..لان أكثر الأماكن تعورها وأكثر الأماكن اتعرضت للضرب هو ظهرها وصدرها وبطنها وتبي تحمي روحها.. وصار الوضع انه ظهرها على الجدر وصدرها على ظهر الرجال ورجولها على يسار الرجال
..الرجال:يبه تعال ان متورط
ابو جهاد بخوف: شلون
جهاد: ما ادري بس تعال انت وعمي وعياله
ابو جهاد: انت وين
وصف له البيت وقفل عنه
عواض ما سمع شي من المكالمه..لانه كان ينظر لبنته وينظر شلون هي تفتنه وانه منيره هي الي دوم تمنعه عنها..طالعها ونزلت دمعه..لانه بالفعل حس انه بيفقد صالحه زوجته الي حبها زوجته الي تفتنه زوجته الي عرف معنى الجمال من خلالها..وفي زحمة افكاره.. نسي انها بنته توجه لها على اساس انها صالحه وحول يسحبها بس جودي بسرعه حضنت جهاد..و جهاد مو عارف شو يسوي.
عواض:وقفي اقولك
واخيرا طاحت عينه على جهاد جن جنونه هذه شوتسوي مع هالرجال ورفع العقال لاعلى مستوي وشحط شحطها ارتفع لها صوتين جهاد وجودي الي ما وقفت بكاء ولا اهات الالم
...وقفجهاد ودف عواض على وره وطاح الاخير على الارض ولقى السكين الي جابه طايح ومسكه وراح لجودي بس جهاد شافه وراح مسك يده واتجرح في يده اليمين.. وبدخلت ابوجهاد وخوه ومتعب وعناد..وبسرعه خذو السكين رغم مقاومات عواض..بس قدرو عليه..
جودي كانت جالسه على ركن وثانيه رجولها جنبها.. وعواض ماسكينه متعب وعناد وابو جهاد واخوه واقفين على جنب وجهاد هو اقرب واحد لجودي وواقف قدامها..والحجرة اصلا شوي وتنفجر لانها مره صغيره يعين 3امتار في 3تقريبا..
ابو جهاد: شو السالفه
..للعلم كل الرجال كانوا لابسي بدل ماعدى ابو جهاد واخوه سعد...ولانهم جاين من المستشفى فهذا لبسهم..
خبر جهاد السالفه لاهله حسب وجهت نظره هو..وقالهم انه يباه يملك عليها
ابو جهاد: شوف يالحبيب ولدي مايكذب بس هي هالسالفه
عواض..مايسمع احد كل الي يدور في راسه انه زوجته ردة له..
عواض:يكذب ولا مايكذب انقلعوا من بيتي..
طبعا الرياجيل: على بالهم انتهت السالفه وانه بيترك جهاد وتركوه وبيخرجون من المجلس بس جهاد تكلم: لحظه
نظروا له..ابو جهاد:خير في شي
وماكمل كلمته الي شافوا عواض ماسك بنته وموقفها من شعرها
..ورحو له بسرعه لمن شافوه لاصق في بنته بشكل موطبيعي ويخنق فيها..وصاروا يسحبون فيه..وقدرو انهم يبعدوه عنها وهي دخلت في حضن جهاد تدور الامن وتبى تفهم بهذه الطريقه انه مالها امان اذا تركها عند ابوها..كان جهاد ظهره على الجدر.. وجودي ظهرها عليهم وهي تكح
هالمنظر طير كل الابراج الي في راس عواض وصار يصرخ بجنون: ابعدي عنه يالملعونه ابعد عنه يالفــ
ولانهم ماسكينه فما يقدر يروح لها..فرفع رجوله وضربها الضربه الي قسمت عمرها وصرخت صرخه واغمى عليها وهي في حضن جهاد.. و جهاد حس بالم في ظهره لانه هو اصلا لاصق في الجدر وقرب عواض منهم هو الي زاد من قوت الضربه على جودي..
جهاد:انتوا على بالكم انه كان بيذبحني انا لا هو كان بيذبح بنته وانا الي منعته..ابعدوه عنها
وبالفعل بعدوه بحيث ما يوصل لها..
دخلت غيداء وهي تبكي:حرام عليكم ذبحها وانتوا السبب
عناد من شافها خاف لاينتبه لها ابوها ويسويلها مثل اختها..وبسرعه دخلها من الباب وظل هو واقف قريب من الباب الي من الداخل:روحي هاتي عابتها
غيداء:إن شاء الله بس الله يخليك لاتخليه يضربها
عناد بعصبيه..لانه على باله انه ابوهم مسوي كذا من غيرته على بناته وهو من شاف غيداء قال انه بيذبحها سيده لانه غيداء جميله:انت روحي بالاول
وراحت وناولته عباتها من خلف الباب
عناد:لاتدخلين فاهم يكفي وحده ..وابتعد عن الباب واعطاه جهاد الي كان يفحص في جودي بحكم مهنته..والاخير رمى العبايه عليه وشالها..
جهاد:يبه البنت تنزف من فمها احتمال يكون عندها نزف داخل
ابو جهاد وهو في قمت عصبيته على ولده: انت شلون تشيلها..يمكن يكون كسر في الظهر
جهاد: خلاص شلتها يالله واحد يروح يفتح الباب ويرتب المقعده
عواض وهو يبي يرجع بنته له:وين ماخذينها هاللملعونه
ابو جهاد:خلاص مثل ما تبي بيملك ولدي عليها
عواض: ومن قال اني موافق
منيره كانت من البدايه سامعه كل الي يصير واخيرا دخلت وهي متحجبه ومسكت زوجها: خليهم ياخذونها فضحتنا الله يفضحها..انصاغ لها
وبالفعل اول من خرج جهاد وخلفه ابوه وعمه لاجل يرتبون المقعده لها وبعدهم خرجوا خالد وانس وعناد ومحمد
ـــــــــــــــــــــــــــــــــ
الدكتوره انصاف هي المسؤله عن حالت جودي...دخلت على الدكتور منصور هي وزوجها الدكتور فتحي: بصراحه يادكتر لازم تخبرو الشرطه دا ابوها مخلاش فيها مكان الي وضربها فيه..واكيد بنته بتكسب الاضيه وبيشلو عنه الرعايه
منصور: خليها تقوم وبنستشيرها لانها ممكن تقول شي غير الحقيقة ولاتنسي هذا ابوها وانا علمتك بالسلفة يعني بتحط له عذر
الدكتورة: دي مش غيره دا مرض
الدكتور منصور: على العموم مثل ما خبرتكم ما ابا احد يعرف السالفه..وهي الحين خطيبت ولدي بس انتظر لين تخف شوي باخذها لابوها لاجل الملكه
الدكتور فتحي: وانا اخذت منها عينه من الدم ورسلته لمستشفى حكومي لاجل الكشف الطبي واخذت من جهاد نفس الشي لاجل ما ناخر الوقت زي منت عاوز
الدكتوره انصاف: وخطيبته الاول رح توافئ
الدكتور فتحي: عنها موفئتش
الدكتور منصور:هههههههه والله لو دري عنك جهاد بيغير رائيه
الدكتوره انصاف: كم مره اولتك سبها في حالها مش عوزين نضارب مع جهاد للمره المليون
..الدكتوره انصاف وزوجها من اصدقاء قدماء للدكتور منصور واخوه الدكتور سعد..
الدكتور منصور(ابوجهاد): شلون حالتها
الدكتوره انصاف: رضوض اويه في جميع انحاء جسدها والدم الى كان ينزف من فمها هو بسبب عضت الاسنان على اللسان..ونتج عنه شق قوي واضطرينا نعمل لها خياطه..على العموم انا عطيتها مهدئ وكتبت لها بروفين لاجل تخفيف الالم بس حتخده يومين
الدكتوره انصاف: بس يادكتر هي تعرضت للضرب ابل اليوم وفي كدمات يعني تقريبا من 16 _17 ساعة ده معناته انها باستمرار تتعرض للضرب المبرح وفي جرح قديم بليغ في فخذها الايمن اعتقد حرق بالسيجارة..
اتفاجئ الدكتور منصور بهالمعلومات:انزين ممكن انك ما تخبرين جهاد بهالشي
الدكتوره انصاف:زي متحب
ـــــــــــــــــــــــــــــــــ
وصلت جود البيت وسيده على حجرتهم وشافت غيداء تبكي وهي حاضنه ملابس جودي
جود: غيداء وين جودي
غيداء وهي تبكي اشرت لها تجلس جنبها
بس جود: وين جودي لايكون ماتت لاااا الله يخليك قولي غير كذا
غيداء من بين دموعها:لا ما ماتت
جود: اجل وين ووقفت راحت تدور عليها في ارجاء البيت وثواني وهي راده ...وين جودي تحكي وينها..
خبرتها غيداء بالي صار بالحرف الواحد..
جود: تقولين زوجها واحد اجنبي يالله إن شاءالله انه يقدرها ويراعيها
غيداء وهي تضحك: بس تصدقين انا اعتقد انه سعودي وابوي وامي من الغلبه مالحظو هالشي ولا ازيدك من الشعر بيت باين عليه النعمه
جود:ههههههههههههههههههههه والله لو تعرف امي راح تموت في وقتاها
الكل:ههههههههههههههههههه
دخلت منيره:انت وهي شله تضحكون
جود: على الطريقه الي تزوجون بناتكم فيها
خرجت منيره مافيها على لسان جود
غيداء: تصدقين خفت لاتخبريها بالسالفه
جود: ليش بروح اخبرها بس هي ما اعطتني فرصه
غيداء: يالخبله هي لين الحين ما ملكت
جود: شلون ما ملكت وانت
غيداء: هي اخذوها اعتقد بيودونها المستشفى واكيد بيرجعون لابوي وهو ولي امرها ولازم موافقت ولي الامر
جود: اوف تصدقين خلينا نقلبها عليهم
غيداء: شلون
جود: ما ادري بس بنخلي امي تكره جودي أكثر وتتمنى لاجل ما تعترض على الملكة اذا اكتشفت انهم اغنياء
غيداء:فكره بس لو
جود: والي يسلم عمرك لاتتبسبسينلي الحين
جود وهي تفكر: طيب المدرسة
غيداء: ما ادري
جود: ياااااليت يخليها تكمل اوف قهر
ـــــــــــــــــــــــــــــــــ
تحركت جودي على الساعة ست العصر وهي ميته من التعب فتحت عيونها بشويش واتثاوبت وحطت يدها على فمها وشافت واحد جالس على كرسي ويقراء في ملف..حطت يدها على راسها واتاكدت انه ما عليها شي وبسرعة سحبت الشرشف وغطت وجهها..هي مو عارفه هي وين بس حاسه انها في مكان نظيف..
الدكتور منصور..انتبه لها وابتسم لحركتها الي نابعه عن معدنها وحرصها على روحها..
جودي: انا وين
الدكتور منصور: في المستشفى وانا الدكتور منصور
...
الدكتور منصور: ممكن تخليني اكشف الحين
..ما عرفت اش ترد..
وقف الدكتور وسحب الشرشف وشافها مغمضه عيونها..ابتسم لها
الدكتور منصور: شو اسمك
جودي: جودي بنت عوض بن...وحست بالم في لسانه
الدكتور منصور: والنعم بكِ
شافها تضغط على حواجبها وعرف انها تتالم
الدكتور منصور: شوالي يالمك
اشرت على فمها وهو مقفل
عرف الدكتور بانه لسانه هو الي يالمها
الدكتور منصور: على العموم حنا اضطرينا انه نعملك خياطه فيه وراح يتعبك شوي في الكلام بس يباله يعني يومين ثلاثه لين يخف الالم..على العموم انتبهي لصحتك زين.. بس قبل انت باستمرار تتعرضين للضرب
فتحت عيونه وهي اصلا مو مذكره شكل الدكتور منصور لمن كان في بيتهم..
..عرف انها ما راح تتكلم..بس هو يبى الاجابه ويبيها الحين ما يعرف هالبنت دخلت قلبه من شافها ويبهيا زوجه لولده ومو مهتم في الفوارق المادري والاجتماعيه..يبي ينقذها من عذاب اهلها لها..باي طريقه ومافي الي انه يجبر جهاد في هذه الزيجه وعادي بعدين ياخذ خطيبته الاول
ابو جهاد:افهم من كلامك انك تتعرضين للضرب باستمرار
جودي:لارد
ابو جهاد: شو اسباب الضرب
جودي:لارد
ابو جهاد:ظلم الاهالي لعيالهم صح
جودي: لارد
ابو جهاد: على العموم انا اعرف انه هالظاهره موجوده في العوائيل الفقيره عندنا واباك تقولين ايه لانك ممكن تساعدين غيرك الحين متضرر مثل ما كنت انت تعاني
اخيرا حركت جودي راسها بايه
الدكتور منصور: كم عمرك جودي
كانت تبي تتكلم.. بس ردت غمضت عيونها من الالم
راح واخذ ورقه وعطاها ايها: اكتبي معلوماتك الشخصيه
خذت الورقه وهي منحرجها ووجها اصلا ما يبين اذا كانت منحرجه ولا لا من الكدمات الي عليها
الدكتور منصور: اكتبي وانت مسدوحها وانا على باله اقراء في الفايل تبعك
سمعته يقولها: اسمك وعمرك والمرحله التعليميه..افراد اسرتك
..كتبت..اسمي جودي وافراد استري هم اب وام..واخت اسمها غيداء تحطها على الجرح يبراء وعمرها 20 والثانيه عمرها 17 وهي اكبر مني بثلاث ساعات.. واسمها جود احب هالدينا لانها فيها.. وحطت الورقه على الطاوله الي جنبها وردت نامت مرة ثانيه
...طبعا هي كتبت هالشي لانها تبي تحس بالامان تبي تحس بقرب اخواتها لها..كتبته بلاحس
..حس انها تاخرت عليه رفع راسه وشافها نايمه..وقف وراح لها..ومسح على راسها..هو مو من حقه انه يسوي كذا بس بيجبر البراء عليها..شاف الورق والقلم مسك الورقه وقراءها عرف انها تعني الكثير بهالكلمات القليله..اخذها وراح لـ متعب زوج بنته دخل عليه المكتب
وقف متعب مرحبا بعمه وابو زوجته..
متعب: هلا عمي شلونك
ناوله الورق..وقاله:اقراءها واعطيني صور على صاحب هذه الشخصيه
..الدكتور متعب..هو رائيس قسم الهندسه الطبيه بس له خلفيه كبيره في علم النفس لانه دارسه ويهتم به..يعتبره هوايه له..
متعب: والله اعلم بانها تعاني من والدينها بدليل انها كتبت اب وام.. واعتقد انه الاب هو ابوها لكن الام هي مرت ابوها..لانها كتبت اب وام..وعادة الانسان في محنه يذكر امه وان كان مايحبه.. فالحنين دوما للام رغم انه ابناء يموتون ابهاتهم بس تظل الام هي الام وفي المحن هي المرجع الاول..واعتقد انها تعاني من سوء المعامله داخل المنزل والشاهد خواتها..الاولى غيداء ومثل ما وصفتها بانها تنحط على الجرح يبراء والثانية..اكيد انها تميل للثانيه اكثر لانها تحب هالدنيا لانها فيها..والواضح انها راودتها فكرة الانتحار كثير لاجل تنتهي من هالمشاكل بس حب ومكانت اختها هو الي يمسح لها كل العذاب...وبشوفتها كانها ما تعذبت قبل.. رفع راسه من الورقه...عمي هذ البنت الي دخلنها اليوم المستشفى..شلونها الحين
ابو جهاد: نايمه
خرج ابو جهاد وهو مستاء نفسيا...يالله شولن عانت هالبنت وهي صغيره
عناد:ههههههههه والله ياخي انت عجيب بصراحة بديت احسدك
جهاد وهو معصب: بتسكتون ولا شلون
عِناد: ياخي في واحد البنات يترامون عليه رمي وحده اربع وعشرين ساعه ردار من الشباك والثانيه طرزان
الكل:ههههههه
جهاد الي اخذ روحه وطلع وهم يضحكون عليه
متعب: حرام عليك اتركه في حاله
عناد: والله انه غبي لو ضيعها من يده
متعب: اش رايك تاخذها انت
عناد: عادي عند بس انا ابا اختها آآآآآآآآآه طيحت قلبي
متعب:أي اخت
عناد: الي دخلت علينا
متعب:متى
عناد: احسن ما شفتها
متعب:هههههههه
ـــــــــــــــــــــــــــــــــــــ
صحى من النوم وسحب يده من على كتف زوجته..وباسها على خدها..ووقف وراح غسل وجهه وفرش اسنانه ومر على بنته في سريرها..وباسها على خدها..ورجع لزوجته.. وشاف شعرها على وجهها جلس جنبها ويبعد الشعر عن وجهها..وحط يده على بطنها يتحسس ولده ولا بنته الي في الطريق هل صحي ولا بعده نائم..وحط اذنه..لاجل يسمع حركات الجنين
العنود:ههههههههههه انت شو تسوي
متعب رد انسدح جنبها:ههههههه امس ماتطمنت عليكم فصحيت اليوم من بدري اتطمن على افراد عائلتي الحبيبه
العنود:ههههههه الي شو الشغل الي معذبكم كذا ومرجعكم في وقت متاخر
متعب وهو يتنهد:آه سالفه طويله عويصه
العنود:شلون
متعب: وحده شاغله بالنا كلنا
العنود وهي معصبه: شنو
متعب: جودي إنسانه احسه تعبت وعانت كثير في هذه الدنيا..ياترى هل بيستمر عذابها ولا من امس انتهت رحلة العذاب..بس شلون راح تعيش مع واحد كل فكره وعقله وحبه معطيه وحده غيرها.. اعتقد انها خذت تذكره جديدة وبتغير جهة المرسى الي بتروحلها..
العنود وهي واصله حده: من هي جودي
متعب:هههههههههههههه وحده شغلت بالي وبال ابوي وعمي..وأنس وخالد وعناد..بس واحد لا والمفروض هو الي يفكر فيها بس ما اقول الي الله يصبرها..
العنود وهي معصبه وخلاص بتنفجر: بتتكلم عدل ولا شلون
متعب:هههههه حبي اشفيك معصبه حياتي موزين عليك العصبيه
العنود: وبعدين وياك
متعب: اول شي بوسيني ..وقرب لها خده..وبعدين بقولك..
العنود: وبعدين
متعب: اول شيء اخذ جرعتي
باسته وردت انسدحت..:ها شو الموضوع
خبرها متعب بالسالفه..وخبرها بحالات البنيه النفسيه.. حزنت العنود عليها وجلست تمسح دموعها
شافها متعب: وه قلبي وه وه تبكين وحضنها...وهو يمسح علي راسها وظهرها...ويقول: بس حبيبي بس ياحبيبة بابا بس من وين اجيب امك لاجل ترضعك
العنود:هههههههه بايخه
متعب: حبيبي انا اعرف انك اهمل استاذه على وجه الارض
العنود وهي تدفه عنها:باااايخ والله روح اسال طالباتي
متعب:ههههههههه وهذا الي مجنني امي تقول انهم يموتون فيك انا ابعرف هم مو عارفين انك ماقد غطيتي ساعاتك والمحاضره ساعة من اصل سعتين..ابا اعرف شلون تغطي المنهج ترى بديت اشك انك تعطيهم ربع المنهج بس
العنود:هههههههه لا والله حرام عليك وبعدين ربي يباركلي في الوقت وانا اختصر الدرس واعطيهم اهم النقاط واوضحه في مثال وبعدين في السكاشن احل لهم التمارين.. وبعدين لا تنسى امي وخالتي نفس تخصصي وهم يشلون عني ساعات..
متعب:آآآآآآآه يالواسطه
العنود:ههههههه انت ليش تكرهلي الخير
متعب: ههههههه حبيبتي انا احب هالبلد واشوف اكبر غلطه استمرارك في الوظيفه
العنود: ههههههه حرام عليك والله اني اعرف اشرح وبعدين في ناس ياعيوني انا اشك انهم شارين الشهايد
متعب: لا هو اكيد في ناس كذا..بس انت مو وجه وظيفة انت افضل شي ترعين بيتك وزوجك وبنتك و
العنود: ليش انا مقصره معاك في شي
متعب:ههههههههه اشفيك قلبتيها جد
العنود عصبت وجلست..ومتعب يمسكها من يدها
متعب:ههههه حبيبتي انا لو حسيت انك مقصره معاي ما استنى رائك.. بس حبيبي احس انك تتعبين وانت حامل فـ لاجل خاطري خذي اجازه بدون مرتب لين تولدين
العنود: لا حبيبي انا ما احب اجلس في البيت واجازه مارح يعطوني
متعب:وين وسطتك
العنود:هههههههههههههه حرام عليك انا الاول على دفعتي وبمجهودي وقبله توفيق رب العالمين
متعب:هههههه تصدقين عنودتي احس انه البراء متورط
العنود: ههههه صح النوم بس صدق انا احس انه هالانسانه غير حتى اسمها غير
متعب: تصدقين انه غريب بس جد لو كنت في مكانه كان مداني ابكي ليلي نهار...وشاف العنود وهي ابتسمت..تعرفين ليش..حركت راسها بالنفي.. ضحك....ههههه لانك في قلبي وعمري لانك من طفولتك وانا اشوفك غير احلامي كلها انتي فيها..وانت الخبله اول ماطلبتك رفضتيني لولا الله ثم اصراري ولا كان ما غصبوك..ومسك يدها وعضها
العنود:هههههه..تراك حاقد
متعب: من قلب
العنود: وانا شو دراني عنك.. بس بجد انت كنت تقهر حتى ضحك ما تعرف تضحك..تصدق يوم فرحنا طلعت انت كل البسمات والضحكات الحلوى الي كنت حابسها.. ولا اول ليلة لنا جلست انت تضحك بدون سبب وانا اضحك لضحك بس بجد انت ليش كنت تضحك..
متعب:ههههههه لاني كنت مستحي منك
العنود:ههههههههههههههه
دق المنبه وضغط عليه متعب:الا حبيبتي انت اليوم Off راح امور عليك لاجل تشوفين جودي..بس حبيبتي هي مصابه كثير واذا ما يمدك على المنظر فمن الحين لاتروحين
العنود: لا عيوني انا ما اقدر اصبر اكثر من كذا لازم اشوف زوجة اخوي
متعب:ههههههه لايسمعك
ـــــــــــــــــــــــــــــــــ
ــــــــــــــــــــــ
صباح ياهــــــــــــــــــــلا
..قال الصباح ياهـــــــــــــــلا في جدة وغلى..
...وصبحكــــــــــــــــــــم حب وغلا...
جود:اف اشلون أروح المدرسة بدونها
غيداء: قومي البسي مافينا على المشاكل
جود: عادي عندي بغيب ماهي موجوده لاجل يضربونها
غيداء:قومي يالخبله لانها ممكن تكمل وتحتاج انك تشرحين لها
جود وهي تقوم بسرعة: قولي والله..من قالك
غيداء:ههههههه اقول يمكن
جود وانطفى عنده الحماسكاف
غيداء: قومي لاتتأففين كثير
ـــــــــــــــــــــــــــــــــ
صحت جودي على الساعة سبع..شافت لون الشرشف شمت رائحته.. شعور بالراحه.. سمت الله ووقفت جلست استغربت المكان بس تذكرت كل شي... دارة بعوينها على الي حوليها.. كانت حجرة جميله وقفت على حيلها وحست ببروده ارعشتها نظرت للارض السيراميك بارد ولفت يمن ويسار شافت شبشب ابيض من قماش لبسته وهي تلم ملابسها على جسمها..كانت لابسه لباس المستشفى ولونه زهري فاتح.. وهو مفتح مثل ما انتوا عارفين.. كان طوله لين تحت الركب شوي.. وكمه طويل عليها.. شافت بابين وحد كبير ووحد صغير بس على زاويه..راحت للصغير وفتحته..شهقت.. دخلت وهي ترسم احلى ابتسامه.. حست بروحها انها انسانه مهمه..ولا شلون تنام في مكان كلمة جميل قليلة عليه..ولا حمام اكبر من حجرتها هي واخواتها.. شافت المراياه..راحت لها ورفعت راسها.. شافت اثر السلك الي على وجهها وحست بالورم خف...شافت فرشت اسنان جديده ومعجون صغير..ضحكت..هههه..هذا اكيد نسيها لمن كان متنوم مكاني..كانت تقصد المريض الي قبلها.. مادرت انه يحطوه لك مريض..غسلت وجهها وتوضت ..وشافت ستاره حلو لونها حمراء عليها نجوم ذهبيه.. فتحت الستاره...يااااااااااه عجيب ستاره في الحمام.. ودخلت البانيوه وهي متعجبه منه.. ولعبت بالصنبور الي تحت تبا تجرب الماي الي فيه يمكن يكون بقوة الدفع الي بـ بزبوز المغسلة..بس لانه غريب عليها كان المؤشر على الدش وفتحته لاخر شي بسرعه..واندفع الماي بقوه وألمها في جسمها...وصرخت..وسكرته وهي خلاص غرقانه ماي.. وتضحك على عمرها.. خرجت من البانيو
وخرجت من الحمام..
وحست بالبرد بس ماشافت مكيفات اجل شلون الحجرة بارده..
الله يعز الحكومه..
دخلت عليها الممرضه
النيرس: ههههه
ابتسمت جودي بخجل..
النيرس: اش سويتي
راحت النيرس وجابت لها غيار ثاني..خذته ودخلت الحمام وبدلت ملابسها وخرجت..
جودي: ابا اصلي..بس ما اعرف انا في أي وقت
الممرضه وهي تناظر ساعة معصمها:الساعة ياعمري الحين سبعة
خرجت الممرضه من الدرج سجاده..وراحت تجيب لها شرشف صلاه
.. وشوي داخلين حقين النظاف..ونظفوا ومسحوا الارض وانحرجت لمن دخلت وحده الحمام وخرجت روبها..
انتهوا وقامت قضت صلواتها السابقه وخرجت من مكان ماخرجوا بس تفاجئة انها في صاله وشافت كنبات وعجبها المنظر..وما صدقت عيونها وراحت وجلست على الكنبه..تتاكد انها جالسها على كنبه..واكثر شي لمن غاصت في الكنب.. وقفت ورمت نفسها عليه..وضحكة على عمرها.ههههه... وشافت مجموعة زهور طبيعيه على الطاولة الي في النص وعدلت من جلستها بحيث جلست على طرف الكنبه لاجل تلمس الورد..لكن اغرها شكله وكانه يناديها..ما يبي الي يكون على شعرها..واخذته وجري على الحمام..هي ما تحس بالمها..تخيلوا معاي وحده كانت في حي شعبي. في بيت شعبي في بيت كله على بعضه قد حجرة النوم الصاله ولا الحمام اكبر من حجرتهم بكثير...ولا يمكن هالجناح اكبر من بيتهم...وصلت وحطت الورده بس هي شعرها ناعم وما عندها بنسه..خرجت وهي زعلانه لانها ما حققة امنيت وردتها بانها تضل ملامسه شعرها.. ردت للصاله..وشافت مجالة..خذتها وجلست تقراء في هالاثناء دخلت حقت الاغذيه وهي ارتبكت بس حقت الاغذيه حطت دخلت حجرة النوم وخرجت ومعاها طاولة الطعام..نزلته لين مستوى جودي..وحطت لها الاكل وخرجت..
شافت ملعقه وشوكه وسكين..مسكت الشوكه لانه كان ودها هي وجود انهم ياكلون مثل مايشوفون في المسلسلات بالشوكه والسكين بس هم ما عندهم شوكه واليوم من بعدت عن البيت التعيس اول احلامها تحققت..مو مهم انها تملك الشوكه.. المهم انها مسكته وراح تاكل به.. وفتحت الغطاء عن الاكل..بس شافت جبن مقطع مربعات بطريقه حلوه وخيار وطماطم يع حد ياكل طماطم لوحده..بس تذكرت شلون يرصون الطماطم على السلطه.. وشافت زيتون وفول.وخبز.. ما عرفت شلون تاكل بالشوكه..زعلت لانها بالفعل شو تاكل بالشوكه..بس شافت علبتين صغار فرحت.. شافت الاولى..وكانت عبوة عسل جاها احباط وردتها وخذت الثانيه وفتحتها لانها ماعرفت شو داخل..بجد اتنرفزت لانه طلع طحينيه.. خذت عبوة العسل وتبى تخبيها لاجل تعطيها جود هديها وخذت الورده وراحت للسرير وخباته تحت المخده.. وردت تفطر وردة مسكت الشوكة.. مو مهم شو ياكلون بالشوكة المهم انها تحقق امنيتها.. صارت تاكل الخيار بالشوكه لين خلص الخيار..وهي لسه ما شبعت صار لها يوم كامل مااكلت شي وهي طول يومها نايمه..وكل الي تذكرته انها لم صحت لمن كان الدكتور كان في محلول..وما تدري متى شالوه عنها
...اكلت قطعه من الجبن بالشوكه واخذت بيدها اليسرى الخبز لاجل تاكل.. بس خذت التوست ودهنت عليه الجبن ومسكت السكين وقطعته لقطع وصار الحين يمديها تستخدم الشوكه..وصارت تاكل وهي سعيده واذكرت جود: نفسي اعيش مثل هالعيشه
جودي: أي والله حتى انا خاطري انه ما ناكل الي بالشوكه والسكين ويكون عندنا طاولت طعام..نزلت الشوكه والسكين على الطبق واختفت كل معالم السعادة.. ورخت راسها..كان هناك شاهد شافها وهي تاكل بسعاده بس الخطوط مشوه وجهها بس رغم ذالك مازالت تحمل جمال مو طبيعي..بس الغريب ليش الحزن رجع لها.. دخلت وهي حامله باقت ورد
:السلام عليكم ورحمةالله وبركاته
لا رد..رفعت راسها بهدوء وتوها تحس بالم جسمها تحس بضرب ابوها تحس بكره ابوها لها تحس ببعدها عن خواتها: وعليكم السلام ورحمة الله وبركاته
وشافت العنود وهي داخله بالورد..ردت لها الابتسامه..
العنود ردت لها الابسامه..وتقربت من جودي ومدت لها تبي تصافحها..وقفت جودي لها وصافحت العنود..والعنود سلمت عليها بالخدود..
العنود: شلونك الحين ان شاءالله بخير
استحت جودي من العنود ورخت راسها وشعرها غطاء وجها..طبعا هي مو محتاجه انها ترخي مره بس من تخلي راسها على المستوى العادي يطيح شعرها على وجهها..لانه اخجلتها العنود بنظراتها..
جودي: الحمدلله
العنود:تفضلي ..وعطتها الورد..وخذته جودي وهي بطير من السعادة هذه اول مره حد يعطيها ورد وضحكة على الورده الي دستها تحت المخده
العنود:تفضلي جلسي
جلست جودي وجلست العنود على الكنبه المقابله لاجل تشوفها عدل..وهي ظنت انه جودي خجلانه لانه وجهها مورم وهي تبى تخبي عن الناس
شافت العنود اصابع جودي وهي تداعب تيجان الورد باناملها الناعمه.. حست بانه صغيره على الهم هي بعمر غزل وغزيل ..
العنود: ما ادري انك تعشقين الورد لهدرجه..
جودي: بشكل ماتتصوريه..
رفعت جودي راسها ورفعت يدها اليسرى لاجل ترفع شعرها:شكرا
العنود: العفو
ونزلت يدها ونزل شعرها
فتحت العنود شنطتها وخرجت شباصه وراحت مسكت شعر جودي رفعته
هالحركة خلت جودي تتفاجئ
العنود: شو رايك في الخدمه في هذه المستشفى..
جودي: شي عجيب ماشاءالله..الله يعز حكومتنا مو مقصره في شي..
العنود: ايه والله الله يخلي الملك عبدالله
العنود: إلا من جاكي لغاية الحين
جودي: المنظفات والممرضه وموزعت الورد..
العنود باستغراب: من
جودي: المنظفات والنيرس وموزعت الورد(قالتها وهي تاشير على الباقه الي في يده)
ابتسمت العنود اخر زمن صرت موزعة الورد..بس شكلها مو عارفه انا مين وخليني اسحب منها كلام..بس هي شكلها ما تحكي الا بالقطاره
العنود: شو حبيبتي سبب دخولك
جودي ماعرفت شو ترد: حادث
اتفاجئة العنود من ردها:شلون صار
جودي: طحت
العنود:مممم.. بس انا عندي معلومات غير كذا..المعلومات الي عندي تقول انه اثر ضرب وجابك
جودي بقهر: ايه ضرب وزوجني ابوي لواحد اجنبي.. بس انا الغلطانه لاني دخلت وانا ما ادري انه في احد في المجلس..
العنود ابتسمت ..يعني الحين هي ما تعرف من هو زوجها..ولا طلعت ياجهاد اجنبي وانا موزعة ورد:الي زوجك شو يرجع
جودي...كانت تجاوب تحسب انها اجرائت تابعه للمستشفى: يمكن لبناني سوري هندي بصراحه انا ما ادري
العنود: ماشفتي شكله
جودي: لا بس شفت شعره كان ناعم وعلى وجهه واعتقد انه هندي لانه اسود وبشرته يمكن بيضاء...ما اعرف
العنود: وانت شدراك انه اجنبي
جودي: ابوي قاللي
العنود ابتسمت يعني لا هي موامره ولاهي مخططات مثل ما يقول البراء: مازارك زوجك
جودي: لا ما زارني وبعدين هو لسه ماصار يعني راماني في المستشفى وكثر الله خيره واعتقد انه شرد ابوي الي هو ابوي مايبيني تبين واحد مايعرفني يهتم فيني..

وابغى اشوف الردود ولاتبخلوا عليا فيها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 26-10-2006, 10:50 PM
صورة dlo3ah__co0ol الرمزية
dlo3ah__co0ol dlo3ah__co0ol غير متصل
©؛°¨غرامي فعال ¨°؛©
 
الافتراضي


وهذي تابع القصه
علشان تنسجمون معها اكثر
وهي تبكي:الله يخليك دوريلي وظيفه هنا في المستشفى يعني ابا اكون مثلك اوزع ورد للمرضى أي شي الله يخليك مالي بيت ارد له بعد ما اخرج من هنا
كسرت خاطر العنود: إن شاءالله
وقفت العنود: توصين بشي
جودي: لا شكرا
..خرجت العنود وراحت لمكتب زوجها...
دخلت وشافت ابوها وعمها وجهاد ينتظرونها
العنود راحت باست راس ابوها وعمها: صباح الحب على الحلوين
الكل:صباح الخير
جلست جنب زوجها
منصور: ها بشري شلون البنيه
العنود: لا ماشاءالله عليه وبصراحه انا كنت خايفه تكون مشوها مثل ماخبرتوني بس بصراحه شكلها حلوى وهذا مبين رغم الكدمات الا انها جميله
متعب: هـا جهاد انا اثق في ذوق زوجتي
جهاد: والله تثق فيها خذها
العنود بعصبيه: لالالا حبيبي لاتقرب من زوجي ترى اذبحك اذبحه وهي فوقكم
منصور وسعد ضحكو عليها
متعب: انا شو ذنبي هو الي تكلم
العنود: تعوبا شيل هالفكره من راسك
متعب: والله مافي راسي ولافكره انت بس اخوك لعب في راسك
منصور: يالله يابنيتي كملي
العنود: ما راح اكمل وهذا هنا..وهي تاشير على متعب
متعب وابوه:هههههههه
ابو متعب: عنودتي حياتي لو فكر بس فكر مجرد فكره بذبحه لك لاتخافين والله مايخذ غيرك دام راسي يشم الهواء
متعب:اوب اوب لا اقوم احسلي قبل ما اموت
جهاد: لا لو قمت بقوم وياك وانت بتسولفين سولفي والا لاتتشرطين
العنود عرفت انه البراء معصب وهي تزوده: دخلت وكانت تاكل وقدمت لها الورد ومسكينه على بالها اني موزعة ورد..وطلبت مني اني اتوسط لها واشغلها هنا.. بس صدق حزنتني لمن قالت انها لمن تطيب ماراح يكون لها مكان تروح له
منصور: ماخبرتيها عن جهاد
العنود خبرتهم كل الي صار بالحرف الواحد بس تجنبت وصفها امام متعب..لانها شديدة الغيره عليه..وهي ماشاءالله حلوه وشعرها ناعم..بس الغيره تذبحها..ومتعب راضي بهالغيره...
متعب:ههههههههههههههههههههه تقولين هندي
جهاد: شفتو تبون تزجوني وحده متخلفة الله يقلعها
منصور وهو يخفي ابتسامته لاجل ماينرفز ولده: يعني ترجعها بيت اهلها
جهاد: وليش انا الي ارجعها
منصور:انت الي شلتها وجبتها لهنا
جهاد:يبه انا خاطب اعطيها عناد
منصور: بس انت ترضى تاخذ وحده شفتها بين احضان ولد عمك
سكت جهاد
سعد: شوف ياوليد تبي ترجعها رجعها وماعليك من ابوك..بس قلبك يطاوعك انك توديها لمقصلته.. انت شفت ابوها شلون ضربها لمن شافها معاك ثواني.. فمابالك وهي بايته يوم وليله خارج البيت وخرجت من بيت ابوها بصحبت سبع رياجيل..انت اختك بتستقبلها
جهاد:بس انا اعرف اذا كانت البنت متعمده ولا لا يعين لو دخلت غلط على صاحبي عادي بهزيئه وبس مو اضربها كذا
سعد: هذه عقليت ابوها
جهاد: انزين شو رايكم نروح له ونفهمه السالفه
سعد: انت على بالك فاتتنا هذه بس تخيل ابوها رضي امامنا..ولمن يستفرد فيها يقتلها
جهاد: لا ماراح يقتلها
سعد: بدليل انه ظن انك هندي وزوجها لك وانت تعرف عندنا لو انه الاجنبي يملك ملاين مايبعون بناتهم..فمابالك وهو مايعرف حتى مستواك المادي
جهاد: خله يقتلها وانا مالي شغل فيها
الكل سكت وهذه حياته وهم اقنعوه
منصور: على راحتك
..ووقفوا كل من بيروح لشغله والعنود بتروح تفحص وبعدين ترد البيت..
جهاد: وين رايحن وتاركيني بحيرتي
منصور: هذه حياتك وانت المسؤل عن قرارتك واي قرار تتخذه محد راح يلومك فيه
رمى راسه على الكنبه ورفع يده يمسح على شعره على ورى: خلاص بتزوجها
الكل سعد بهالخبر
منصور: الله يوفقك وخرج
سعد: صدقني ماراح تندم وبيجي اليوم الي راح تقولي ليش ياعمي خيرتوني ليش ماجبرتوني
وخرج
متعب: ما راح ازيد عليهم بس البنت اتعذبت كثير ولاتزيدها
وخرج
جلست العنود يمه ومسحت على راسه: صدقني لاشفتها بتتخبل عليها من جمالها وانا مواصفتها الي قليل بس روح زورها واحكم بنفسك
ـــــــــــــــــــــــــــــــــ
يوم الاربعاء
بعد اسبوع من الاحداث
..اليوم هو موعد خروج جودي..
هذه ثاني زيارة للعنود
دخلت الجناح وما حصلتها..دخلت حجرة النوم.. شافتها جالسه على سريرها وراسها على ركبها وضامه سيقانها بيدينها.. راحت لها وجلست جنبها
العنود: السلام عليكم
ماردت جودي لانها كانت تبكي هي مو عارفه شو وضعها محد يسولفلها حتى الممرضات بس يشوفون اذا محتاجه شي ولا لا طفشت ودها ترد لـِ جود وغيداء بس وين وشلون.. عرفت في هالاسبوع ورغم الراحه الي هي فيه.. انه لا الفلوس ولا الراحه ولاكل شي في الدنيا يعوضونها الناس الي تحبهم.. يالله ما اصعب الوحده والغربة..
جودي: لا رد
العنود وهي تمسح على شعر جودي: شلونك جودي
وسمعت بكاها.. ردت رفعت شعرها ورد طاح.. عجبها الحال..بس اخر شي
العنود: وبعدين من شعرك هذا طفشني
ومسكته بيدها اليمين وصارت تجمع بقيت الشعر بيدها اليسار وتلمه لين اتمسك كله وتركته ورد طاح..
جودي من بين دموعها: وين اختفيتي
ورفعت راسها. بس وجهها مغطى بشعرها
العنود..ردت بسرعة مسكت شعرها على ورى لاجل مايطيح
جودي:ههههههههههههههههههههههههه
العنود..سكتت ماعرفت شو تقول وهي تشوف هالجمال هالآيه الي امامها..في حياتها ماتخيلت تشوف وحده مثلها..وجهاد مسميها لعنه.. تذكرت قصه قرائتها تكلمت عن وحده ايه في الجمال بس كانت لعنه يعني ج ن ي ه..
..الظروف الي تزوج فيها اخوها غريبه.. واسم البنيه غريب.. وجمالها غريب.. البنيه..مو من عائله غنيه يعني هي الي تشتغل وقاست انواع من العذاب مثل ماخبرها متعب.. بس شلون تكون بهالنعومه وهالجمال..سبحان ربي العظيم
جودي حطت يدها على وجهها: اعرف اني اخرع بسبب الخطوط إلي على وجهي بس تحمليني
العنود..الله يرحم حال البراء...عز الله ضاع مستقبله..دام هاللعنه عنده..مثل مايقول...
العنود: لاحياتي بالعكس انت حلوه ولا ماتشوفين وجهك في المرايا
جودي: امبلى بس شوفي شلون الخطوط الرزقه في وجهي..
العنود: مجرد تجمع دم وبيروح مع الوقت..وانتِ كنتي ووين صرتي
جودي: الحمدلله إلى وين اختفيتي حتى اسمك ما اعطيتيني اياه لاجل اسال عنكِ
انا اسمي العنود..ويالله خذي هالكيس وفيه ملابسك لاجل تخرجين اليوم من المستشفى
جودي: وين اروح
العنود: زوجك بياخذك
جودي: أي زوج
العنود: الرجال الي جابك هنا
جودي: بس انا ماقد شفته وبعدين شلون اروح معاه وهو ماملك علي
العنود: لاتخافين بروح معاك لاهلك لاجل يوقع ابوك
جودي بفرحه وهي تضم العنود وتبوسها:ياااااااي شكرا حبيبتي شكرا جزاك الله خير
العنود:هههههه جودي ولدي بتموتينه
ابتعدت جودي:اوه اسفه بس والله من فرحتي..الي ابا اسالك هو طلع هندي مو مهم المهم يعرف يهرج عربي
العنود:هههههههههه لا يمكن ما ادري
جودي: اوب شلون اتفاهم وياه
العنود:عاادي بالاشاره لين يتعلم هو او انت تتعلمين
جودي: مو مهم نتفاهم اهم شي انه يكون طيب ومايمد يده على..بس عندي مشكله انا ما احب الفلفل يالله لاجل عينه افطر فلفل واتغدى فلفل واتعشى فلفل
العنود: هههههههههههههههههههه حرام عليك بطني
جودي بخوف: اناديلك الطبيب
العنود: هههههه لا بس لاتضحكيني
جودي: اوكي
العنود: انا بخرج الحين وانت البسي ملابسك وناديني من تنتهين
جودي: اوكي
خرجت الاغراض..ودخلت اغراضها لاجل تاخذها معاها
لبست ملابسها دخلت تشوف عمرها في الحمام..
اتفاجئة من عمرها شافت شلون الملابس تحلي الواحد وظلت تتامل نفسها..او قصدي تتامل ملابسها..كان التيور ارضيته بيضاء ومشجر بالورد ولونه وردي ومن تحت عليه شريط عريض لونه وردي مايل للعنابي..وهذا التيور موجود في مانجو وهو حلو بالفعل..والبدي لونه عنابي ومن تحت الصدر عليه كلفه بيضاء محدد الصدر بالكلفه والجاكيت ابيض ولين تحت الصدر واكمامه طويله..جلست تتامل الملابس ونست العنود ونست الدنيا وهي تتامل هالملابس الي عليها..وما ودها تصحى من هالحلم..
العنود.انتظرت وانتظرت بس في الاخير دقت الباب بس ماسمعت رد..فتحت الباب بشوي لاجل ماتنحط في موقف بايخ..ماشافتها..وشافت باب الحمام مفتوح
العنود: جودي.جودي جوديـــــــ
بس لارد .دخلت وراحت بسرعه للحمام.. وشافت جودي متصنمه على المراياه
العنود: جودي
جودي: ها هلا
العنود: كلا هاتلبسين ملابس
جودي: تصدقين احس اني وحده من الابلات
العنود وهي تاشر لها بانها تخرج:شلون
جودي: يعيني من اللبس شوفي والله بجد ما عرفت نفسي
العنود:ههههههههههههههههههههه لبسي عباتكِ ودي اشوف وجه زوج المستقبل وهو يشوفك
جودي:هههههههه تصدقين احسن طلع هندي
العنود:ليش
جودي: جيراننا هنود وزوج الحرمه يموت عليها وولمن تجينا نفطس ضحك انا وجود وغيداء
العنود: ليش
جودي: ها ولاشي
العنود:فهمت لها وضحكت:ههههههههههههه لا مو صحيح هاالمعلومه حتي السعودييني يحبون زوجاتهم
جودي: اشك
العنود: ههههههه انا سعوديه وزوجي سعودي..وغمزة لها غمزه..
جودي انحرجت:ههههههههههههههههههه لاانت فهمتيني غلط
العنود: لبسي عباتك
لبست جودي عباتها وظهرت مع العنود
ـــــــــــــــــــــــــــــــــ
جهاد:هذه شو تحسب عمرها عروس تتاخر كذا
عناد: الاخو مستعجل
جهاد: ياخي اسكت والي يرحم والدينك..قال مستعجل..إلى بروح يمكن ابوها يحن عليها ويكفيني شرها
متعب: الله يهديك
عناد: ياخي احس انك محظوظ وحده رادر ووحده طرزان
وعناد ومتعب:ههههههههههههههههههههه
جهاد عصب وراح عنهم بيدخل المستشفى بس شاف ثنتين خارجات من المستشفى فعرف العنود وراح لسيارته وهي اقرب للعنود منه
العنود: هاي عروسك
جودي وهي تتمسك فيها: مااروح معاه بروحي
العنود: اوكي بروح معاك لاتخافين وفتحت الباب الخلفي لاجل تركب جودي..بس طاحت عين جهاد
على رجولها وشافها لابسه شبشب المستشفى..
جهاد بعصبيه: شوفي هالخبله شو لابس في رجولها..استحت العنود من اخوها وهي متاكده انه جودي سمعته
جودي: اوه نسيت الّبس الصندل وراحت بسرعة
والعنود ميته ضحك على الموقف
رجعت جودي وهي شايله الصندل بيدها
عصب جهاد: والله ما تركب معاي شوفي شلون شايله صندلها عساها الموت
منصور وسعد كانوا شايفين المشهد وضحكوا ومنصور راح لولده.: خلاص بتركب معاي وانت خذ عمك وياك..
ركبت العنود جنب ابوها ووراها ركبت جودي وهي ميته خجل..وسيارة منصور كدلك..
من الموقف الي صار لـِ جودي خلاها ماترفع راسها ولاتشوف شكل السيارات ولا شي كانت الدموع هي الي تتحكي عنها.. يوم ملكتها تتهزء من الي بيزوجها.. هي صح الظروف مختلفه..بس هي حطت امل في انه بيعامله غير والمشكله انه هندي بنقالي اجل لو سعودي بيخليها عبده عنده..
وقفت سيارة منصور وخرج منها يبي يشاور ولده لانه بالفعل خايف لا يظلم هالانسانه مع ولده..هو شافها وعرف شلون هي رقيقه ويكفي الي جاها
وقفت سيارة جهاد والي كان يسوقها متعب
وخرجوا يشوفون شو الموضوع
منصور:ياوليدي اذا كنت بتاخذ البنت وبتهزئها قدامنا وماتراعي مشاعرها بلاها هالزواجه وهي بنعيشها عندنا لين يجيها نصيبها
جهاد فرح من قلب: لا يبه راح احترم مشاعرها
..ما يعرف هو ليش قال كذا...
جودي:ممكن اسال سوال
العنود:تفضلي
ودخل منصور وسكتت جودي
العنود: خير يبه صار شي
منصور: الخير بوجهك ..وسكت..
عرفت العنود انه ابوها ماراح يتكلم
العنود: ايه جودي شوكنت بتسالين
استحت جودي..بس في الاخير اتكلمت: هذا التلفزيون وين اريله..وكان قصدها الشاشه الي خلف المقعده الاماميه
العنود ومنصور:هههههههههههههههههههه
ووقف منصور على جمب واخذ منديل ورفع النظاره على جبينه ومسح عيونه
وقفوا خلفه.. وراحوله وشافوه يمسح عيونه..فتح متعب الباب:خير شو صار
العنود:ههههههههههههههههههههههههه
الكل اتفاجئ وودهم يعرفون السالفه
راح جهاد ناحيت العنود وفتح الباب: شو صار ليش هالضحك
العنود:هههههههههههههه حرام عليكم والله بطني صار يألمني من الضحك
جهاد: انزين لاتضحكين يالخبله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 27-10-2006, 02:31 PM
Rainy sky Rainy sky غير متصل
©؛°¨غرامي جديد¨°؛©
 
الافتراضي


يعطيك العافيه
بانتظار التكمله لاتطولين علينا بليييييييييييييييييييز

ودمتم سالمين:)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 28-10-2006, 03:22 AM
الحب حلو الحب حلو غير متصل
©؛°¨غرامي جديد¨°؛©
 
الافتراضي


وااااااااااااااااااو شو هالقصة الروعة وربي ابداع بليز كمليها بسرعة ابي اعرف شيصير تسلم ايديك على النقل
بااااااااااااااي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 28-10-2006, 11:39 PM
صورة nandetto الرمزية
nandetto nandetto غير متصل
©؛°¨غرامي متألق ¨°؛©
 
الافتراضي


القصه جداً في قمة الروعه

الله يخليكي لا تتاخري علينا
تحيات

نانديتو


الرد باقتباس
إضافة رد
الإشارات المرجعية

صاحب الظل الطويل / كاملة

الوسوم
سبحان الله .. والحمد لله .. ولاأله الا الله ... والله أكبر " (أستغفر الله العظيم )
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية بعد الغياب / بقلمي ، كاملة #أنفاس-قطر# روايات كامله - يتم نقل الرواية هنا بعد اكتمالها 2272 08-04-2014 02:01 AM
قصة البحث عن الحب / الكاتبة : طرماء و ثرثارة ، كاملة اثير الجنوب روايات كامله - يتم نقل الرواية هنا بعد اكتمالها 48 27-11-2013 04:11 PM
في طريق الحياة الطويل { حياة ديوانية الاعضاء - متنفس للجميع 34 04-10-2009 07:32 PM
فن العنايه بالشعر الطويل!! زهرة القمر تسريحات - مشاكل شعر - قصات 9 10-04-2005 01:24 PM

الساعة الآن +3: 09:57 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم