اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 08-10-2011, 03:11 AM
صورة 9i0o' الرمزية
9i0o' 9i0o' غير متصل
©؛°¨غرامي نشيط¨°؛©
 
الافتراضي نصائح مهمه قبل الزواج (شوفه + ملكه + شبكه )










ماشفت في المنتدى شي عن مرحلة ما قبل الزواج حصلت موضوع رائع يتناول الموضوع بعمق مو بسطحيه وحبيت انقله للاستفاده




السلام عليكم ورحمة الله وبركاته ..







نقطة مهمة : أنا اكره نصائح الزواج ومستحيل اكون عنصر إضافي في نصائح الزواج ..أغلب اجوبتي تتعلق بفتح المجال لك أكثر بس ادلك على الطريقة اللي انتي تستخرجين فيها الاجابة وتساعدك في سهولة استخراجها ..لكن فكرة اني اعطيكي رأيي الصريح في شغلة او كيف انا او غيري سواها ما أأيد هالكلام لأنه انتي غير وانتي مميزة وانتي أنثى بكل حواسك مختلفة عن البقية..ولو كان في نصائح فهي بديهية واللكل حيكون متفق عليها..

في موضوع كل ما دخلته ضااااق صدري .. ( .. ) .. وما ادري ليش اعذب نفسي وادخله من فترة لفترة ..


لأكثر من سبب..


البنات ماخذين سالفة الزواج بشكل مضخم ..يعني انو اجي اسأل وشو العطر اللي استخدمه في الملكة وايش العطر اللي ينفع في الزواج وايش العطر اللي …. الخ


بناااااااااات العطر اللي يعجبك ريحته خذيه ..


ولا مثلا أسئلة .. وش ألبس صباحية الزواج ؟!! تكفون ساعدوني والله احترت ..


واللي تقول فستان والثانية تقول ما ينفع لون كذا وشكل كذا وهذاك انعم ..


إلبسي اللي يعجبببببببك ..انتي حرة وانتي أدرى في زوجك .,


اسئلة ثانية ..انا شريت عدد معين من الفساتين والخرابيط وعدد ثاني من تنانير قصيرة .. تكفي ؟؟


انتي وش ناقصك؟ وش تحسين دولابك لازم يتعبى منه؟ جيبيه وكفاية انتي تعرفين نفسك ايش حتلبسين وايش ما رح تلبسين ..


اللي ينفع مع بنت ما رح ينفعك معاكي ! اقدر اشتري كلللللل تنانير العالم بس ما رح ألبس الا اللي انا ابغاه ..!!




طيب نبدأ بالقصة من أولها ..







اضغط على الصورة لرؤيتها بحجمها الطبيعي


الشــوفة الشرعية ..



وش ألبس؟ كيف امسك العصير واقدم لمين وفين اجلس وايش اتكلم ..وش اسوي؟


إلبسي شيء أنيق عندك .. تخيلي نفسك بتروحين عزيمة وتبين تطلعين حلوة وخلاص بناء عليها إلبسي وتضبطي..

فكرة انك تروحين المشغل عشان تصلحين عمرك انتي حرة بس لا تكونين أوفر ..
ابد كأنك طالعة عزيمة .. تطلعين اللبس اللي تبين و تضبطين شعرك وميك اب خفيف ..
تمسكين صينية العصير وتدخلين زي المؤدبة ههههه تقدمين العصير للكبير في المجلس ثم الصغير .. وتحطينه ع الطاولة
وتجلسين في مكان يمديك تقزين فيه كويس .. ونصيحتي مهما كنتي جريئة بتجيكي ربشة وربكة ولا رح يمديكي تشوفين مرة
حتى لو انتي حاطة عينك في عينه تحسين زي الحلم مغبشة الصورة هههههه .. اذا عندكم شباك لا تقصرون طلي وتفرجي وخذي راحتك وبعدين ادخلي ..
وعادي الوضع بعدها يصير باقي الكلام، ما أدري عن عوايد البعض .. اكيد هو حيسألك ويخليكي شوية تتكلمين لأنه الجنتل مان هو اللي حيتكلم عشان يزيل الإحراج شوي .. احيانا الراحة ما تجي بس مع الشكل ..د. طارق الحبيب يقول في بنات ينحبون عشان ابتسامتها او طريقة كلامها او حركة معينة منها ..ونفس الشيء للرجل .. لازم يحكي ويبتسم شوي عشان تروح رهبة الموقف..
لكن شوفة طرشان هذي ابدا اللي ما أأيدها اكيد ما حيرتاحون لبعض شيء طبيعي انا لو جلست مع وحدة وبس تناظر فيني وما تبي تتكلم شيء طبيعي ما ارتاح لها …
فركزي ع موضوع الابتسامة وخليكي لطيفة .. لا تعبسين ولا تنزلين كثير وجهك في الأرض .. لو تلبسين إسوارة تلتهين فيها شوي عشان الاحراج .. الأسئلة النقاشية والقوية خليها لأهلك اللي فيها امور ضرورية إعتمدي عليهم يتناقشون فيها مع الخطيب، إنتي اذا جيتي دخلتي وحبيت تتكلمين يكون تعارف من باب انك تشوفين كيف يتكلم وكيف صوته وكيف طريقته .. يمكن يسألك اشياء عميقة تتعلق بعلاقتكم مو مشكلة جاوبي وخليكي صريحة لا تضغطين على نفسك وتقولين شيء انتي مو مقتنعة فيه او ما رح تسوينه..





طيب انا استخرت و ما ارتحت ولا ابي! وش اسوي؟

سؤال مين قال اصلا انه الاستخارة تعطيكي شعور إلهي بالراحة او غير الراحة مين اللي زرع فينا هذه الفكرة من اساسه! أولا الاستخارة هو انك تلجئين لربي بكل مافيكي مسلمة امرك لربي .. و خلاص تتركين الموضوع بين يدين ربي ..لو فيه خير لك حتتسهل كل الأمور قدامك وتنفتح الأبواب قدامك ..ولو مافيه خير سبحان الله حتشوفينه هوا راح من نفسه او تتقفل الامور وتصير مواضيع تعطل هالشيء و مو بس كذا !! ربي يعوضك بعدها باذن الله بشيء فيه خير اكثر !! هذه هي الاستخارة مو مشاعر أنثوية تتعرض للمد والجزر !

انا فكرتي اول عن الزواج انه زواج عمياني وانه ما ابغى واكشط واربح ولا ابي كذا !! واكيد مع كلام الناس والمجتمع وافكارك الشخصية يصير عندك ردة فعل طبيعية بعد الشوفة تقولين ما ابي ..! ابي اجلس في غرفتي و بين اغراضي وما ابي اعيش مع شخص شفته للمرة الأولى ..مين هوا اصلا عشان اغامر بنفسي واعيش معه تحت سقف واحد !!

بس دقيقة قبل زحمة كل هالأفكار!




انتي اللي تختارين يكون عمياني واكشط واربح..!
إياكي تمثلين انك متزمته في الدين وانتي عادية ! اياكي تمثلين انه عادي عندك اشياء كثيرة وحاطة في بالك انك تغيرينه !! مثلا ما تتقبلين الدخان بس توافقين على مضض عشان قلك حتغيرينه!! ليه الكذب والتمثيل؟؟ وبعدين ترجعين تقولين ايش الحياة الزفت هذي اللي انا عايشتها انا ما ابغى كذا !! .. لو استمريتي على تمثيل المثالية لابد حيجيكي وقت تطفشين وتدركين انك ضغطتي على نفسك وانه في حاجات انتي ما تتقبلينها ولا تقدرين تتعايشين معها! وتكونين انتي ولا الرجال مو من ثوب بعض وكله عشان قصة المثالية او إدعاء شخصية ثانية عشان يتقبلك او عشانك خايفة ..! لا حبيبتي انتي تختارين حياتك وخليكي طبيعية الا اذا كنتي مستحية من الشخص الي انتي عليه اليوم هذا كلام ثاني ..! اذا انتي فيكي عيوب وتبغين تغيرينها وفيكي ارادة واصرار تبين تغيرينها خلاص مو معناتها تروحين تقولين له انا عيوبي كذا وكذا وابغاك تتقبلني !! لا طبعا .. !
الشيء اللي تعتبرينه عيوب وتبغين تغيرينها في نفسك ..خليها بداخلك و إشتغلي عليها واجتهدي في تخطيها ..
أما الاشياء اللي من وجهة نظرك ماهي عيوب وانتي حاطتها اساسيات في حياتك اذن لا تساومين فيها وتتوقعين انك حتكسبين ..

زي مثلا لو حيسكنك في بيت اهله وانتي ما تبغين ..بس سكتتي عشان لما تكونين معه في نفس البيت تغيرين افكاره وتقنعينه !!

برأيي هالكلام عباطة !! اذا ما تبين تسكنين في بيت اهله تكلمي وقولي من الأول! مو تلعبين ألعاب نفسية وتدورين وتلفين وتتوقعين بتغيرين افكاره وبعدين يصدمك بعكس توقعاتك وتعيشين دراما انتي سببها وانتي اللي خلقتيها ..واذا انتي راضية وما عندك مشاكل ويجي احد يقول لك لااا تسوين ولا تروحين ولا تحطين .. بالاول وبالاخير ارجعي لصوت ضميرك وصوت قلبك ..

ارجع اقول مرة ثانية .. المسلمين على شروطهم ! قولي ايش تبغين وهو يقول ايش يبغى ويا تتفقون يا بلاش ! ومحد يخسر نفسه ولا يخسر افكاره على المستويات الاجتماعية والدينية والفكرية !! هذه الثلاث مستويات مهمة لازم تكون متقاربة ..

.. بالنسبة لموضوع الاستخارة لما تقولين ما ارتحتي فكري في قرارة نفسك، ليه انا مو مرتاحة ! بتقولين مدري كذا احس مو مرتاحة !! طيب فكري فكري .. مو تجيكم اوقات تحزنون وتتضايقون ولما احد يسألكم ايش فيكم تقولين مدري كذا متضايقة !!
فكري … انا ليه ما ابغى اتزوج ..وانا ايش ابغى من الزواج .. وانا ايش اللي ما ابغاه في الزواج .. هل الشخص هذا رح يحقق هالمتطلبات ..هل انا رح احقق متطلباته هو .. هوا ايش يبغى من الزواج .. وايش ما يبغى من الزواج .. هل انا قد هالكلام ولا رح اظلمه معي ..

هي دائرة ان اكتملت وكانت متكاملة يصير حلوو برضو يبيلها شوية منطق وتفكير وتحليل … لكن شغلة ” احس مو مرتاحة” .. اقدر اقول انها تخضع لأحاسيس متلخبطة وهرمونات حايسة و ضيقة صدر و عوارض ما قبل الدورة و مخاوف من الزواج و خوف من تغير الحياة ..


تستخيرين يعني تسلمين امرك لله وتمشين في الموضوع وانتي موكلة ربي … ان كان فيه خير حتنفتح لك الابواب وان كان فيه شر حتتقفل كل الابواب وتنفتح ابواب افضل منها باذن الله ..









المـــــــلكة

وشو فحص الزواج وكيف يسوونه ؟ وكم مدته ؟؟ لازم نسويه انا وياه في مستشفى واحد؟؟ بيجي معي؟؟؟؟


الفحص الطبي هذا قبل توقيع العقد (الملكة) .. ولازم منه عشان يشوفون توافقكم مع بعض ..يفحصون الامراض الوراثية و تأثيرها على ذريتكم و الأمراض المعدية .. وبناء عليها وعلى مقارنة الفحصين مع بعض يقولون مناسبين او لأ ..

طبعا مو لازم تسوونها في نفس المستشفى بس مثلا انتي سويتيه في مستشفى لازم تاخذين نتيجة اختبارك مع بطاقة العيلة او بطاقتك المدنية وتعطينها خطيبك يروح فيها للمستشفى تبعه او الأفضل تسوونه في نفس المستشفى او ابوكي ياخذ نتيجته ويطابقها في المستشفى تبعك ويختمون النتيجة وكللويششش ..


ياربي مرة خايفة كيف بوقع العقد !! هل بينادوني ولا شلون ماني فاهمة؟!

رح يجيب خطيبك واهله المملك او انتم تجيبونه ع حسب الاتفاق بينكم .. و يجي وتكونين انتي قريبة يكون الباب شوي مفتوح بحيث انتي تكونين وراه وتسمعين الهرج لييييييين تجي اللحظة الحاسمة وانا انصح وبشدة تصورين من يوم دخلتك الشرعية والوقت اللي توقعين فيه العقد .. لازم صور قبل الزواج وبعد الزواج ههههههههه .. المهم بيجيبون لك الكتاب و توقعين وتبصمين عليه ويقول لك انتي موافقة تقولين ايوا يا شيخ موافقة .. في ناس عاد ما تخاف الله مايهمهم البنت تكون موجودة خلاص اهلها وافقوا انتهينا .. وصح نسيت اهم نقطة شرووووووطك في العقد موجودة مو تجين تفاجئينهم فيها وتخلينهم يوافقون في ظرف ثواني!! لازم تكونين متكلمة قبل على سالفة الشروط اللي في العقد ويكون عندهم خبر .. وتأكدي بعينك انه الشروط موجودة ووقعي وابصمي .. وتشك خذي صورة .. وصورة كمان لإصبعك وهو فيه الحبر لووول ..




طيب بيشوفوني بعد العقد ولا كيف؟؟؟ اتجهز ولا لأ ؟!!

ايوا تجهزي ما تدرين كيف يفكر ممكن يقول ابي اشوف ” زوجتي” لوول .. وممكن يكون عندكم حفلة بكرة ويقول في نفسه اشوفها بكرة ..

واذا قال يبي يشوفك نو بروبلم لا تتضايقين تقولين ابي يشوفني مثلا بالحفلة بأحلى شكل ! عادي يا شيخة حلاة الأشياء بمناسبتها ووقتها يعني هذي بعد لها ذكرى حلوة ..شوفيه لوقت قصير وبعدها استأذني ..




تلبيس الشبكة شلون بيلبسني؟ طيب مرة انحرج وهل ألبس مجوهرات قبلها او لأ ..؟


ايوا حيلبسك الشبكة بنفسه والدبلة و احلى شيء لو طقطقتي صور كمان، يمكن هوا كمان ينحرج ويخلي امه تلبسك .. اهم شيء انبسطي وفليها واذا تنحرجين مو مشكلة حلاة الشيء وقت الحياء و الاحساس ودقات قلبك اللي تسرع وسبحان الله تعدي كأنها حلم ..! هل تلبسين مجوهرات قبل او لأ ..انتي حرة تحبين تلبسين ويفكونها عنك وبعدين يرجعون يلبسونك اياها او تحبين ما يكون في زحمة يلبسونك اياها وخلاص شيء يرجع لك .. ما عليكي من احد سوي اللي يريحك وانتي عاجبك .. هذي ليلتكم ..!








وبعدين ؟



خلاص تبدين قصتك وصحيح اجناسنا مختلفة ذكر وانثى لكن بالاخير كلنا لنا قلب وكلنا مختلفين مافي بنات زي بعض ولا في رجال زي بعض اللكل يختلف على حسب التربية وعلى حسب الافكار وتاثيرات الحياة عليهم وخوفهم من الله .. تجربة صديقتك مو شرط تنطبق عليكي و عيلة فلان مو شرط كلهم زي بعض و الرجال طبعهم مو واحد زي ما يقولون .. وخافي الله في شريك حياتك و في نفسك وصدقيني ربي حيوفقك .. و اهله عامليهم زي ما تحبين تعاملين اهلك بطيبة واخلاق و احسان اللي ما ترضينه على امك ما ترضينه على امه وهكذا .. و نقطة اخيرة مافي حياة كلها سعادة ولا حياة كلها حزن .. الحياة لحظات وحنا نختار مدى تاثير اللحظة الحزينة علينا و مدى تاثير اللحظة السعيدة .. نحاول دايم اللحظة السعيدة تكون طويلة الاجل معنا والحزن نعديه و لازم تعدين اشياء كثيرة و لا تشيلين بقلبك كثير ما رح تعيشين حياتك بسعادة كذا .. عدي ومشي الحياة تحتاج كذا .. ابتسمي للحياة وانبسطي واحسني النية في الناس مهما كانت الظروف اللي قدامك توحي بغير كذا تذكري انه ربي كريم و رح يجازيكي على قد حسن نيتك و صفاوة قلبك ورضى اهلك عليكي –
اهداء لكم




رد اعجبني




اقتباس:
موضوع جميل، و اعتذر على المداخلة الذكورية، لكن أود أن أعلق من باب حربة التعبير..
اقتباس:

1- “تطلعين اللبس اللي تبين و تضبطين شعرك وميك اب خفيف”

شخصياً أشوف أن الميك أب ابداً ماله داعي. تزينين شعرك، اوكي. غيرها الرجل يبغى يشوف البنت على طبيعتها، ملابس انيقة، شعر كويس، خلاص! نو ميك اب، نو روج.
-
2-”لكن شوفة طرشان هذي ابدا اللي ما أأيدها اكيد”
ههههه فعلا فيه بنات مايتكلمون (الرجال يتكلمون..عادة!).. الكلام كويس. اعتقد المشكلة تصير اذا البنت جلست دقيقتين ورجعت، اجلسي اكثر. منها نشوف اكثر ^^ ومنها تعطين فرصة للكلام.
-
3-اوافقك تماماً على موضوع الاستخارة و موضوع الصراحة في الشروط الرئيسية. ولاتكون الشروط من باب المزاج، هي تكون للأمور اللي مستحيل تعيشين بها او بدونها. الاشياء اللي بحد ذاتها حاسمة في قرار الزواج من عدمه.
-
4- “على المستويات الاجتماعية والدينية والفكرية !! هذه الثلاث مستويات مهمة لازم تكون متقاربة ..”
* المستوى الديني، مهم. لأن اللي يكونون مختلفين “جداً” .. ماهو شوي.. فعادة ينفصلون عند تربية الأولاد.
* المستوى الاجتماعي، يعتمد على طبيعة الرجل والمرأة. مثلاً الرجل على قده و البنت عندها طباخة و خدامة و بتاعة مساج.. فإذا البنت تعرف ايش بيصير بعد الزواج من “تغير” اجتماعي وقابلة به، فعادي. ونفس الشي الرجل. برأيي وجود التواضع في الطرفين يشيل هذا العائق.
* المستوى الفكري.. هذا صعب تحديده.. ممكن بالسؤال والجواب، لكن الحكم به صعب، والتمثيل سهل في هذا المجال! …مع ان الصدق أهم شي لأن اللي يحاول يمثل فهو يلعب على نفسه، لأنه هذي بتكون حياته، لكن يوجد الحمقى في كل مكان. لذلك، اذا في بال الأخت حنان حلول لمعرفة المستوى الفكري نكون شاكرين.
-
5- ” ما تدرين كيف يفكر ممكن يقول ابي اشوف ” زوجتي””
هو صح صار “زوج” لكن ما له وجه يصر ههههه لذلك عادي اذا قال باشوفها نقول له تعال بكره، او اي وقت مناسب. لأنه بيكون وقتها قابل للتصريف بسهولة، ماهو مثل بعدين اذا صار لزقة.
-
6-” يمكن هوا كمان ينحرج ويخلي امه تلبسك”
اعرف زوج متحسف انه استحى وما لبسها.. عادي انحرجو وتفشلو وكل شي، لأنها ايام بعدين تصير ذكريات كويسة انكم تفشلتو.. لاتتهربون من الاحراجات.
-
7-” الحياة لحظات وحنا نختار مدى تاثير اللحظة الحزينة علينا و مدى تاثير اللحظة السعيدة”
كلام كبير… وفعلاً أحب لأخيك ماتحب لنفسك، وهذا ينطبق على تعاملك مع الثاني ومع اهله. مثلاً، تبغينه يكون وسيع صدر معك و فلة؟ خلك نفس الشي معه. و احفظ الله يحفظك. احفظ حق الله يحفظ لك حقك مع الناس.
-
8- اضافة: ترى مو عيب ان تسوون مع الخاطب مقابلة شخصية، تسألونه اسئلة صريحة. الشركات تطلب سيرة ذاتية + مراجع تسألهم + مقابلة. في الزواج ناخذ السيرة الذاتية شفوياً، والمراجع هم زملاءه و معارفه، لكن مانسوي مقابلة. البعض يقول يمكن يكذب او يمثل.. الأهبل بيكذب، لكن ممكن قبل المقابلة نوضح له ان هذا من صالح الطرفين، “لأنك ماراح ترضى تتزوج أحد مايناسبك”.
-
مع تمنياتنا لكم بزواج سعيد، و ع البركة الدخول لقسم العوائل مقدماً… والا صح انتم بنات من اول تدخلون!




اتمنى تثبيت الموضوع ليستفيد منه اكبر عدد








آخر من قام بالتعديل بيـاضَ *; بتاريخ 03-02-2012 الساعة 07:19 PM. السبب: اضافة الوسام والشكر ع الموضوع الرائع
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 08-10-2011, 03:20 AM
صورة 9i0o' الرمزية
9i0o' 9i0o' غير متصل
©؛°¨غرامي نشيط¨°؛©
 
الافتراضي رد: نصائح مهمه قبل الزواج (شوفه + ملكه + شبكه )




نسيت اقول شي مهم


اذا اعجبكم الموضوع تقييم
اوكلمه حلوه تشجعني
او دعوه


انتظر تعليقاتكم بـ + او بـ -






الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 08-10-2011, 06:59 AM
صورة بيـاضَ * الرمزية
بيـاضَ * بيـاضَ * غير متصل
©؛°¨غرامي متألق ¨°؛©
 
الافتراضي رد: نصائح مهمه قبل الزواج (شوفه + ملكه + شبكه )


أهلين حبيبتي نورتي القسم
معلومات جدا رئععععععه
وموضوع مميز وفريد من نوووعه



آخر من قام بالتعديل انثى الحور النرجسيه; بتاريخ 08-10-2011 الساعة 04:52 PM. السبب: عدم ذكر اسماء منتديات اخرى
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 08-10-2011, 07:20 AM
صورة 9i0o' الرمزية
9i0o' 9i0o' غير متصل
©؛°¨غرامي نشيط¨°؛©
 
الافتراضي رد: نصائح مهمه قبل الزواج (شوفه + ملكه + شبكه )




منوره قلبو
اول مره احصل موضوع يتناول مراحل ماقبل الزواج من هذا الجانب

اغلب المواضيع سطحيه وشكليه ايش تلبسي وايش تهدي وكيف التسريحه وكيف الميك اب والكوشه .....

ما اقول ان الساابق ذكره ماله داعي لا له داعي لكن مو كل شي ومو جوهري هو شكلي في الزواج






بس زعلانه 63 مشاهده ولا تقييم واحد ؟!






آخر من قام بالتعديل انثى الحور النرجسيه; بتاريخ 08-10-2011 الساعة 04:54 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 08-10-2011, 04:55 PM
صورة انثى الحور النرجسيه الرمزية
انثى الحور النرجسيه انثى الحور النرجسيه غير متصل
عزه وشموخ ✿
 
الافتراضي رد: نصائح مهمه قبل الزواج (شوفه + ملكه + شبكه )


طرح جميل جدا وشامل

ربي يعطيكِ العافيهـ
وتسلم الايادي

ننتظر جديدك

تحيـــتـــــي

؛



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 08-10-2011, 06:03 PM
صورة حيــــــــاتــيے ورد الرمزية
حيــــــــاتــيے ورد حيــــــــاتــيے ورد غير متصل
©؛°¨غرامي فعال ¨°؛©
 
الافتراضي رد: نصائح مهمه قبل الزواج (شوفه + ملكه + شبكه )


رووووووووووووووووووووووووووعه طرحك .. انا عني استفدت منه كثييير ..
كلماتك تمثل الصراحه والبساآآآطه..

سلمت يداآآآآتك ..
وتقبلي مروووووري ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 08-10-2011, 08:16 PM
صورة غلاك مالكني الرمزية
غلاك مالكني غلاك مالكني غير متصل
©؛°¨غرامي ذهبي¨°؛©
 
الافتراضي رد: نصائح مهمه قبل الزواج (شوفه + ملكه + شبكه )


طرح رائع

مشكورة يالغلا ويعطيك العافية


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 08-10-2011, 11:36 PM
صورة غزل.. الرمزية
غزل.. غزل.. غير متصل
©؛°¨غرامي فعال ¨°؛©
 
الافتراضي رد: نصائح مهمه قبل الزواج (شوفه + ملكه + شبكه )


طرح في منتهى الروعه راق لي
نحتري جديدك غاليتي
دائما مبدعه ..
تقبلي مروري ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 09-10-2011, 03:58 PM
ام ع بدالعزيز ام ع بدالعزيز غير متصل
©؛°¨غرامي مجتهد¨°؛©
 
الافتراضي رد: نصائح مهمه قبل الزواج (شوفه + ملكه + شبكه )


مشكوووووووووووره حيل
والموضوووع جد يستاااهل التثبيت



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 09-10-2011, 05:08 PM
صورة MOOGAH الرمزية
MOOGAH MOOGAH غير متصل
©؛°¨غرامي متألق ¨°؛©
 
الافتراضي رد: نصائح مهمه قبل الزواج (شوفه + ملكه + شبكه )


مشكوره على الطرح الرائع


الرد باقتباس
إضافة رد
الإشارات المرجعية

نصائح مهمه قبل الزواج (شوفه + ملكه + شبكه )

الوسوم
(شوفه , ملكه , مهمه , الزواج , شبكه , نصائح
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
الغرب يسرق الاسلام justwhy نقاش و حوار - غرام 62 29-04-2010 12:36 PM
العلاقة الجنسية قبل الزواج <1> لولو2009 ارشيف غرام 7 13-07-2009 07:31 PM
قنوات الزواج و الاستنزاف المادي و العاطفي و الشرعي مناير شمس نقاش و حوار - غرام 2 11-05-2008 07:15 PM
لعلاقة الجنسية قبل الزواج Sexual relationships before marriage عاشق بجنون الحياة الزوجية - الحمل - مشاكل الزواج - خاص بالمتزوجين 5 04-05-2006 04:47 AM

الساعة الآن +3: 10:05 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم