اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 06-11-2011, 06:22 PM
صورة غزآله مآتنصآد الرمزية
غزآله مآتنصآد غزآله مآتنصآد غير متصل
©؛°¨غرامي جديد¨°؛©
 
الافتراضي يا حبيب الروح بكتبلك وصاتي أن غديت اليوم في حبك جتيل / بقلمي


السلام عليكم ورحمة الله وبركاته


هلـآآ واللـ‘ه فيييكم .. شخبـآآركم عسساكم بخييير ..؟

آممم

يـآ حبيب الروح بكتبلكـٍ وصـآتي ان غديت اليوم في حبكـٍ جتيل اآنشدكـٍ باللـ‘ه لي طفت برفـآتي لـآ تخلي دمعـ‘ه عيونكـٍ تسيل ..

روآآيـ‘ه من كتـآبـآتي .. حبيت اسدحهـآآ لكم هووون .. وان شاء اللـ‘ه تعيبكم .. وتعطوني راايكم فيها وردوودكم الحلووه والمشجعـ‘ه .. والتقييم اذا عيبتكم .. SO LETS START

{ ياحبيب الروح بكتبلكـ وصـآتي ان غديت اليوم في حبك جتيـل} ..

ام هزاع : يالله سلامه سمعتي ابوج شو قال خلينا نرتب غرفة اخووج

سلامه : ما اصددق مستحيييل واخيرا بنشووفه يا تراا تغير شكله ؟ علني فدآآآه

ام هزاع : شرايج نروح السوق نشتريله اغراض ؟

سلامه : اووكي تماام .. كم سهيل عندنا نحن

شمسه نازله من الدري : مساء الخير

ام هزاع وسلامه : مساء النور

شمسه ملاحظه انهم فرحانين : شفيكم مرتبشين ؟

سلامه : اليوووم شي حلوو بيستووي

شمسه تحمست : شي حلوو ؟ قولي فرحيني

سلامه : اخووي سهيل بيرد

شمسه حست بارتباك فضييع : هـأأأه ؟

سلامه : شفيج انصمختي ؟ اقوولج سهييل بيرد

شمسه : اهاا تستاهلون سلامته

سلامه : بنروح نشتريله اغراض بترووحين معانا ؟

شمسه : لالا ما فيني

هزاع يدخل الصاله : السلام عليكم والرحمه

الكل : وعليكم السلام

ام هزاع : هلا ولدي هلا وين كنت ؟

هزاع : كنت فالصناعيه

سلامه : ايي لاحد يرمس انا بخبره وبخذ منه البشاره هع

هزاع اتفاجا : شوو السالفه ؟

سلامه : هههه اوول شوو بتعطيني ؟؟

هزاع : هههه مادري سررعه قوووولي

سلام : اليووووم ...اليووووم ...اليوووم

هزاع : هذي اللي يبيلها كف قوولي لا اصفعج

سلامه : انزين شفيييك معصب ؟

هزاااع : قوووووولي

سلامه : اليوم سهيل بيرجع

هزاع انصدم وع طوول لف ع شمسه وشمسه تمت تطالعه بصمت

شمسه : انا برووح فووق

سلامه تمت تطالعهم وهي سااكته ونفس الحال لام هزاع

وهزاع لحق شمسه فووق ..

راحت شمسه صووب السرير وانسدحت

هزاع تم يطالعها وعقب تردد قرر يرووح عندها : شمممسه

لفت شمسه ع هزاع : لبيه

هزاع : تحبين سهيل ؟

شمسه تحس الاكسجين خلص :شوو

هزاع : تحبين سهيييل ؟

شمسه : انت شو تقووووول ؟

هزاع : سألتج وجاااوبي

شمسه وعيونها تدمع : هزاع شوو هالسؤااال ؟

هزاع حس انه منرفز ع الاخر : مب قاادره ترمسين هاه ؟؟

طلع براا الغرفه

شمسه : اووف شو يباني اقووول .؟ يباني اقوول اني امووت فيييه ؟ ~ وتصييح

----------------

سلامه : امايه الحين الساعه خمس العصر وين ابوويه ؟ بنتأخر

ام هزاع : قالي الحين ياااي استني عليه شوويه

سلامه : عيل من بييب سهيل من المطار ؟

ام هزاع : اخووج هزاع وولد عمج

سلامه : ايوااه ومتى بيووصل ان شاء الله ؟

ام هزاع : الساعه 8 فالليل بسج عاد من كثر ما تسألين دوختيلي راسي

فجآه يسمعون هرن ..

ام هزاع : هااه هاذووا ابووج ياا خلينا نروووح

وطلعن ..

-----------

هزاع : السلام عليكم { يرمس فالفووون}

حارب : هلا وعليكم السلام

هزاع : شخبارك عسساك مرتاح ؟

حارب : الحمدلله يسرك الحال وانت ؟

هزاع : الحمدلله بخير هاااه ابو الشبااب متى تبينا نرووح المطار ؟

حارب : مادري والله بس انا اشوف لو نروح الساعه 6 احسن لان يبالنا ساعه ونص لين نوصل المطار وهو بيرجع الساعه 8

هزاع : اووكي تمام استناك الساعه 6 ان شاء الله

------------

في السوبر ماركت

سلامه : امايه شوو نشتري اغرااض حق بااجر اكييد بيون الاهل

ام هزاع : انتي روحي دوري حق اخوج اغراض وانا بشتري اغراض البيت

سلامه : اوووكي

-----------

شمسه ماسكه ولدها محمد وتحاول ترقده وهي مرتبكه للاخر وفخاطرها " اوووف شو بسوووي ؟ "
رقدت ولدها ورااحت ترقد ومسرع ما فتحت عينها الا والساعه سبع

راحت الحمام وتسبحت وعقبها البست وطلعت من غرفتها نازله للصاله وما لقت حد

شمسه : غرييبه وينهم ؟؟

سلامه نازله من فوووق : ان شاء الله امايه الحين بييييبه ..

شمسه : شوو مستوي وين رحتوووا ؟؟

سلامه : نحن فووق نعدل غرفه سهييل وابوويه راح يطلب لنا عشاا

شمسه : بس غرفة سهيل تحت مب فوووق

سلامه : لالا نحن غيرناها حطينا الغرفه اللي بين غرفتيه وغرفتكم لسهيييل

شمسه : هيييه

سلامه : يالله انا برووح

شمسه : وييين ؟

سلامه : برووح اييب الكيسه نسيتها فالسياره

شمسه : ايواه رووحي برايج

طلعت سلامه براا صوب الكراج وفجت باب السياره تدوور الكيسه وعقب لقتها نزلت من السياره والا تشووف استيشن سوودا موقفة ورا سيارتهم

سلامه : خييه منو هاا يالفششله

نزل من السياره ريال لابس كندوورة كركميه وغترته حمراا وسلامه تيبست مكانها ماعرفت شو تسوي

...... : السلام عليكم

سلامه : وعليكم السلام

...: شخباارج ؟

سلامه : الحمدلله بخير هااه اخووي من بغيت ؟

....: هزاع موجود ؟

سلامه : لا والله اقرب تقهوي لين ايي

.... : حرمه عمي موجووده ؟

سلامه : هي تفضل وبخاطرها : هاا ولد عمي ؟؟

فصخ نعاله ونظارته ودخل داخل وراح يوايه ام هزاع اما سلامه راحت فوووق : اووووف وتعق الشيله عن ويهها

ام هزاااع : هزااع تأخر واايد الساعه 7 وهو بعده ما يااا

حارب : انا برووح ارووحي اذا جيييه بنتأخر ع سهييل

ام هزاع : تسلم يالغالي

حارب : يالله انا بروح تامرين بحايه

ام هزاع : سلامة قلبك

طلع حارب من بيت عمه ووجهته للمطار

---------
سلامه : شمسه

لفت عليها شمسه : هاااه ؟؟

سلامه لاحظت ان شمسه محمره و عيونها محمراااات : شفييج ؟

شمسه : مافيني شي

سلامه : هزاع قالج شي بخصووص سهيل ؟؟

شمسه اكتفت بدمعتها اللي سالت ع خدها

سلامه : انتي ليش تزوجتي هزاع دامج تحبين سهيل ؟

شمسه : بسسسكم عااااد مصختووووها ليش ما تسالين اخووج وتقوليله ليش تزووجت شمسه دامك تعرف ان سهيل يحبها وهي تحبه بعد

طلعت شمسه فوووق

سلامه : شفيييها هااي .. الله يستر بس

---------

واخيرا وصل حارب للمطار وقعد يستنى ويستنى

وبعد فتره سمع بوصول ركاب بريطانيا قاام وتم يدوور ع سهييل وعقب جافه ~ ركض صووبه.

حارب يرص ع سهييل : هلا هلا والله نووورت البلاد بوجووودك

سهيل بابتساامه : يهلا فيك حبيبي شخبارك ؟ شخبارهم الاهل ؟ عساكم بخير ؟

حارب : كلهم بخير مشتااقينلك .. اوووب اووب سهييل شوو هااا ؟؟ تغيييرت وايد والله ما تنعرف صاااير مملوووح خخخ

سهيل : هيه هيه قص علييينا خخخ

حارب : لا والله اني ماقص عليك .. اقوول اخاف تسرق الاضواء عنا بيتخبلن عليك بنات العايله

سهيل : وانا مالي ومالهن ؟ غييير وحده فيهن ؟

حارب سكت واكتفى بالابتساام : هاات شنطتك انا باخذها

سهيل : لا والله خلها عنك انا بشلها

حارب : لا والله اتييبها هاات هااات ~ وياخذها عن سهيل .. اركبوا السيارة

فالطريق ..

حارب : بتصل بامك تلقاها تستنى مسكينه

سهيل مبتسم : علني ماخلا منها ..

-----------
رن تيلفون ام هزاع وفزت سلامه تشله متوقعه ان سهيل متصل ..

حارب : الوو السلام عليكم ..

سلامه : وعليكم السلام

حارب : عمتيه ترا سهيل وصل ونحن بالطريج ، لحظه انتي عمتيه ؟؟

سلامه عرفت انه ولد عمها ..: لحظه لحظه .. راحت تنادي ام هزاع ترمسه ..

سهيل لاحظ ع حاارب انه قافط وتم يضحك عليه ..

ام هزاع : الوو .. هلا حارب ..

حارب : هلا عمتيه .. مم .. جهزوا غرفة سهيل ترااه تعبان يباا يرقد ؟؟

سهيل لف عليه : ااه ياللوتي .. ( هني حارب ما تحمل مات من الضحك .. )

ام هزاع : وصل سهيل ؟؟

حارب : هيه .. هاذو حذالي هااج رمسيه ..

سهيل : هلاا امايه ..

ام هزاع : هلا هلاا غناتي شخبارك ؟

سهيل : تمام والله انتي شخبارج علومهم الاهل ؟ كلهم تمااام ؟

ام هزاع : كلهم تمااام .. خوزي عني .. ~> تقووول حق سلامه لانها ملصقة اذنها فالسماعه

سهيل : منو هاي سلامه ؟

حارب لف يطالع سهيل وبخاطره : يعني سلامه اللي رمستني

ام هزاع : هيييه من غيرها ؟

سهيل : عطيني اياها برمسها

ام هزاع : دووج هاااه اخوج يبا يرمسج

سلامه : لالا استحي

ام هزاع : ما طاعت اونه تستحي

سهيل : هههههه ماعليه يوم بووصل بجووف مستحاها هههههه يالله اماه انا بسكر عنج ما باجي شي الحين بنووصل

ام هزاع : يالله مع السلامه ..

---------------

انفج باب الصاله ودخل هزاع

ام هزاع : وين كنت ؟ خليت ولد عمك يروووح برووحه ؟

هزاع تم سااكت وطلع فوووق

سلامه تمت تطالعه وهي منقهره

دخل هزاع غرفته وراح وانسدح ع السرير اللي كانت شمسه وولدها نايمين عليه

----------

ابو هزاع وهو داخل : السلام عليكم

ام هزاع وسلامه : وعليكم السلام

ام هزاع : يبت العشااا ؟؟

ابو هزاع : هيه هكووا فالمطبخ

ام هزاع : زييين عييل هم الحين واصلين

ابو هزاع : حمدلله ع سلامته

.........

وصل سهيل وحارب البيت ..

حارب : العرب ما يدروون انّـا وصلنا خل اهرن لهم عشان يرتبشوون هههه

سهيل وشكله تعباان حييل : ههههههههه

------------

ام هزاع : طولووووا

سلامه : استني الحين بيوصلون ان شاء الله

فجأه سمعوا الهرن شال البقعه

ابو هزاع : هاه اوصلوا

ام هزاع وابو هرزاع وسلامه سيييده ركيض صووب الحووش

نزل سهيل من السياره وشافهم يتراكضوون وفرح من قلبه

ابو هزاع : هلا هلا الحمدلله ع السلامه

سهيل يخاشم ابوه ويحب راسه : الله يسلمك يالغالي

ام هزاع ودموعها تطيح : نوورت البقعه الحمدلله ع سلامتك

سهيل يحب راس امه : الله يسلمج يالغاليه

حارب كان واقف عدال سهيل بابتساامه

سلامه انخشت ورا امها يوم لاحظت ان حارب موجود

سهيييل : سلامه بعدج مستحيييه ؟ ههههههه

حارب تم يضحك وبعد شووي عن سهيل ووقف حذال عمه

راح سهيل صووب سلامه وخاشمها وهي محمره من الخاطر

سلامه بصووت خفيف : الحمدلله ع السلامه

سهيل : الله يسلمج ويقرب من اذنها : اوونج مستحيه مني هااه ما كنج مستحيه من حرووب

سلامه فجت عيونها وتطالع سهيييل ..


ابو هزاع : اقربوا دااخل

سهيل : عيل وين هزااااع ؟

لحظه صمت

ابو هزاع : تلقاه نايم لا تلوومه تعباان

سهيل بابتساام : سلامة قلبه

حارب : يالله انا اسرتخص منكم

ام هزاع : وين وين ؟

حارب : برووح الحين باجر برجع تدرين الاهل يبوني اييبهم عندكم هههه

ام هزاع : حياهم الله نتريااكم عااد

ابو هزاع : الله معاااك

راح حارب لبيتهم

سهيل بخاطره : يعني بااجر بقدر اشووفها

سلامه : سهيل تعال نتعشى

سهيل : لالا مافيني برووح ارقد

سلامه : بس ما كلت شي

سهيل بابتسام : لا مب يوعان

راح لغرفته وناام

--------------

فاليوم الثاني

كان سهيل راقد ع الساعه 10 صبح ويسمع اصوات ضحك وسوالف ويهال يصيحون وحاله تم يتقلب راح غطى عمره باللحاف وحط المخده ع راسه

دقت سلامه الباب ولارد عليها

جان تدخل وتمط عن سهيل اللحاف

سهيل يفج عيوونه بصعووبه : whaaat ?

سلامه نقعغت من الضحك : يحلييله يتحراا عمره فبريطانيا .. سهييييييييل

سهيل فز من نوومه : هاه روعتيني شفيييج ؟

سلامه تضحك : قووم بسك

سهيل يطالعها بنص عين : عكيفج بسني ؟ يالله عااد خليني اررقد ..

سلامه : لا تستهبل الكل يستنى تحت

سهيل : ووول من صدقج ؟

سلامه : اخررط عليك تتحراني ؟ يالله قووم .. يالله ترااهم يتريوونك فالميلس ويدي ويدتي متولهين عليك

سهيل : تولهت عليهم العافيه .. يالله باخذلي شوور وبنزل

سلامه : اوووكي لا تطووول ~> طلعت برااا

قام سهيل من السرير ودخل الحمام ياخذله شوور

---------------
تحت فالصاله الكل يالس :

سلامه ترمس بنت عمها وتوآم رووحها مووزة : قااهرتني والله فقدتهااا يارب

موزة : ههههههه خليها تووولي

سلامه : الحين عاد اونها تحب سهيل عيل قبل ما تذكرته ويا فيييسها

موزه : ماعندج سالفه صدقيني سهيل ان درى انها تزوجت بيطبها

سلامه : عااد سهيل المشكله للحين مادرى

شمسه قااعده ع الكرسي ومحطيه محمد ولدها فثبانها ومحطيه صبعها فثمها وتعض ظفرها

هند { اخت شمسه } : بلاج ليش جييه خاايفه ؟

شمسه : مب خااايفه بس شوو اقووووله اووووووف الله يستر انا وعدته اني اترياااه

هند تقرب من شمسه : انزييين هوو الحين فغرفته سيريله وخبريه بالسالفه وتحججي بابووي وهزااع

شمسه : اووف بس اخااف حد يشووفني

هند : محد بيشووفج كلهم لاهيين بسوالفهم لا تضيعين الفرصه

شمسه : انزييين هاااج حمووود

قامت شمسه تبا تطلع فووق

ام هزاع : شمسه وين راايحه ؟ قعدي ..

شمسه حسست بارتباك : هاااه ؟

هند تتدارك الوضع : اأأرااايحه تييب مرضعه حموودي

شمسه : هيه هيه

ام هزااع : هيييه رووحي براايج

سلامه تطالع هند وشمسه وتحس ان وراها شي : مواااز احس وراهن شي خليني الحقها

موزة : طبيها شوو تبيييينها ؟

سلامه : احسها بترووح عند سهيل

موزة : مستحيييييل سلامه مب مييننووونه هيه ترووح عنده الحين اهي ع ذمة رياااال

سلامه : بلحقها يعني بلحقها

راحت شمسه فووق ويت سلامه بتلحقها لكن صوت هند وقفها :سلامه وين رايحه ؟

سلامه لاحت بووزها : برووح فوق

هند : تعالي بسوولف معاج

سلامه رفعت حايبها : بعدييين بعدييين ~> وراااحت فوق

---------

طلع سهيل من الحمام ولبس كندورته وقاعد ينشف شعره من المااي

فجأه انفج الباب .. لف سهيل وارتسمت الابتساامه فويهه وبانت علامات الحب والوله والشوق اللي غامره عيونه : شممممسه ؟؟

شمسه قابلت نظراته بنظره حااده محاوله منها انها تخبي شعوورها : الحمدلله ع السلامه

سهيل : الله يسلمج شخبااارج ؟

شمسه : تمااام

سهيل لاحظ ان شكلها غيييير ومسك ايدها : بلاااج ؟

شمسه تفلت ايدها منه : مافيني شي لا تلمسني مره ثاانيه ماعدت لك

سهيل انصدم من كلامها ومافهم لنغزاتها : شمسه شوو تقصدين ؟

لفت شمسه عنه ودموعها مازره عيوونها ماتقدر تقااوم ..

سهيل مستغرب منها ومعورنه قلبه عليها مد ايده ومسح دموعها وبابتسامه : بلاج يا قلبي ؟

شمسه : انا ماعدت لك ما عدت لك ..

سلامه تناظرها من وراا الباب : تووقعتها تسووي جيييه النننذله ..

سهيل : بلاااج ؟ مافهمتلج

شمسه تمت تصييح وحطت راسها ع صدره ..

سلااااامه : آآآآه يالحيييييوااااااانه ~> وبصراااخ : طلعييييي براااااااا

سهيل تفاجأ منها ومب عارف شالسالفه وشمسه حست بخووف وع طوول طلعت برااا .. سهيل يطالع سلامه باستغراب لانها تعرف انه يحبها واهي تحبه

سلامه بعصبيه : لاتطاااالعني جيييييه هاااي الحيييين حرممه اخوووك هزاااااع ..


CUT ,,

ملاحظه المصدر : منتديات ..... والكاتبه غزاله ما تنصاد .. يعني اي حد يبي ينقلها ما عندي مانع لكن مع ذكر المصدر لو سمحتوآ اسم الكاتبه والمنتدى ^^





آخر من قام بالتعديل روح زايــــد; بتاريخ 06-11-2011 الساعة 08:39 PM. السبب: حذف اسم المنتدي
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 06-11-2011, 06:23 PM
صورة غزآله مآتنصآد الرمزية
غزآله مآتنصآد غزآله مآتنصآد غير متصل
©؛°¨غرامي جديد¨°؛©
 
الافتراضي رد: يـآ حبيب الروح بكتبلكـٍ وصـآتي ان غديت اليوم في حبكـٍ جتيل .. ~ من كتاباتي ..


part 2


تحت بالصاله

شمسه : الله يغربلج ويياه شووور

هند : ليش شو صاار ؟

شمسه : سلامه زختني مع سهيييل

هند باسف : توقعت هالشي ويا ويهها شرزها ؟

مووزة تطالعهن وودها تعرف شسالفتهن

~ ~ ~ ~ ~ ~ ~

فالميلس

ابو حارب : والله اشتقناله من 5 سنواات ما شفناااه

حارب : لو تشووف شكله تغيييير فووق ما هو مملووح زآآد حلاه بياخذ الاضووااء منا

الكل يضحك

~~~~~~~~

سلامه : يالله رووح الميلس الكل يستنى

سهيل يناظرها وهو بعده مصدووم : شقى ياخذها وهو يعرف اني احبها ؟ انا قايله اني من ارجع بخذها

سلامه تطالعه وهي مقهوورة : عنددددهم ولللد

سهيل زآآآدت صدمته : وكيف ما تخبرووني ان اخووي اتزووج

سلامه : الكل يستناك تحت اذا بتنزل انزل واذا لا اقعد وفكر فحبيبتك ~> نززلت تحت

~~


نزلت سلامه ومبين عليها انها معصبه من الخاطر وقعدت تناظر شمسه بنص عييين

موزة : سلامي بلااج ؟

سلامه : تعالي بنروح خااري فالحديقه وبخبرج ..~ طلعن براا ويلسن عالكرسي اللي تحت الشيره .. واللون الاخضر مغطي المكااان

موزة : هاااه شصاار ؟

سلامه : فقدتها ياربي ما تستحي ع ويهها والله العظيم لو ما سهيل موجود جان سطرتها بكف ع ويهها

مووزة : خييبه خييبه الظاهر السالفه جاايده .. اهي رااحت عنده ؟

سلامه : عيل شوو ؟ وقحححه قااعده تتصيح ومحطيه راسها ع صدره لعنبووها متزوجه وعندها ولد جيي تسووووي

مووزه : خيييبه شوو هااا ؟ انا شفتها يووم نازله سييده رااحت عند هند وشكلها زاايغه

قعدت سلامه تكمل لها السالفه

~~~~~~~


نزل سهيل من غرفته وكان وده تكون اخته سلامه حذااله

ام هزااع : هلا هلا صبااح الخيير

سهيل يبتسم : صبااح النوور

ويسلم ع عمااته وخالاته

ام حاارب : شفيهن عيوونك حمر ؟

سهيل : لا بس مب رااقد عددل ~ ويطاالع شمسه بنظرة احتقااار وطلع من الصاله ووجهته صووب الميلس وهوو طالع لمح سلامه قاعده مع مووزة ( هوو ما يعرف موزة ) بس حس ان سلامه صددق معصبه منهم فرااح للميلس

~~~~~~~~


موزة : صددددق وقاااحه مقووااااها بس سهيل ما يخخصه حليله لا تعصبين عليه

سلامه : مب بيدي عصصبت وخلاااص والله كنت نااويه امسكها من كشتها وانزلها تحت وافضحها جدااامهم كلهم بس سهيييل اللي بيقفط ..

موزة : ههههه خليها تووولي عنننج

سلامه : هذا ويا وييهه ما برمسه طوووووول

موزه : ههههه وهو شوو يخصه ؟

سلامه : مادري بس مقهوورة منه

~~~~~~~

دخل سهيل الميلس والكل قام يسلم علييه

هزاع : الحمدلله ع السلامه

سهيل ببرود : الله يسلمك ~> وراح يقعد حذاال يده

~~~~~


سلامه : اوووووف بمووووووت

موزة : ما علييييج منها

طلع من الميلس سعيد اخوو موزة وولد عم سلامه ورااح صوبهن

سعيد : شوو تسوووووون ؟

موزة : مااشي نسووولف

سعيد : مواااز سيري زقري امايه قوليلها بنروووووح

سلامه : بوو عسكووور طلبتك

سعيد : لبيه امري تدللي

موزة : اووف لبيه وامري وتدللي مرره وحده اختاار وحده تكفي

سلامه : بوعسكوور خل موزوه اليوم عندي والله محتاجتلها

سعيد : ممم ماادري خليها تقوول للوالده وان شاء الله خييير

سلامه : من صووب ام سعوود لا تحاتي بالمررره هههههه

سعيد : خلااص اوووكي

~~~~~~~

بعد ما رااح الكل .. الا موووزة طبعا بعد ماقدرت سلامه تقنع حرمة عمها

فغرفة سلامه

سلامه : خيييبه انتي لعييييييبه ههههه ( يلعبن ps3 )

موزة : ههههههه قوولي ما شاء الله بتدقيني بعييين

سلامه : عنلااااتج مقوواااج هههههه

ينفتح الباب ويدخل سهيييل

عفدت مووزة صووب شيلتها وتشيلت هني سهيييل قففففط لانه ما كان يدري انها موجوده

سهيل : سلامه

سلامه تمت ساكته ولا ترد عليييه

سهيل تم يطالعها : سلااااااااامه ..

موزة تدز سلامه .. وبصووت وااطي : رديييي عليييه

سلامه : نععععععععم ؟

سهيل : تعالي شووي برمسج

سلامه : موووزة مب غريييبه وكل سواالفكم تدريبها

سهيييل قففففط من الخااطر وموزة بببعد

موزة : ااانا بروووح الحمام .. سلامه ابي الحمااام

سلامه : خلي عنج ما تبين ترووحين

موزة : ابا ارووووووح الحماااام

سهيل : انا بس كنت ابا اقوولج ان مالي علم باللي صااار فماله دااعي تعصبين عليييه

سلامه : وووصل شي ثااني ؟

سهيل تنرفز منها : سلااااااامه انا ما يخصني لا تعامليني جيييييه

موزة تيبست مكانها ولا عرفت شو تسوي

~~~~~~~

cut


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 06-11-2011, 06:24 PM
صورة غزآله مآتنصآد الرمزية
غزآله مآتنصآد غزآله مآتنصآد غير متصل
©؛°¨غرامي جديد¨°؛©
 
الافتراضي رد: يـآ حبيب الروح بكتبلكـٍ وصـآتي ان غديت اليوم في حبكـٍ جتيل .. ~ من كتاباتي ..


part 3




فغرفة هزاع وشمسه :

هزااع كان مااسك ولده محمد ويلاعبه وشمممسه تطالعهم

شمسه : هزاااع

لف هزاع عليها بكل برووود

شمسه : انا شااكه اني حاامل ابيك توديني المستشفى نتأكد

هزاع ولا بين انه فررح : انزيييين

~~~~~~~


سلامه : شوو تباني اسوويلك انزييين ؟

سهيل : لا تسووين شي ارتتتااااحي ~> وطلع

موزة : سلامه يا ربييي مقسااج

سلامه : موااااز مقهووووره وربي

موزة : انتي بهالتصرف تخلينه يقترب من شمسه اكثر وتزيدين من قهرج .. تدرين اهوو تووه راجع من االسفر وما اعتقد ان هزااع وسهيل بيتواجهوون .. وعمي كله فالشركه .. وامج دوومها عند امي من له غييرج ؟ انتي يووم بتكلمييينه راح تكسبينه وتنسينه شمسسه .. تدريين للاسف شمسه قدرت تشتتكم لا انتي ولا سهيل ولا هزااع ترمسوون بعض ما يصيييير جييه

سلامه تطالع مووزة ومقتنعة بكلامها : ما شاء الله عليييج كلامج منطقي ذكيه مب شرااتي ههه

موزة : هههههه يالله خلج ذكيه وسمعي كلامي وروحيله وراضيه مهما يكوون تراه اخووج ماله غيرج وانا بستناج هني

سلامه ابتسمت لمووزه وراحت غرفة سههيل ودقت الباااب

سهيل : منوووووو

سلامة فجت البااب : سهيييل

سهيل تم سااكت ويلعب بفوونه

سلامه : انا اسفة ما كان قصدي

سهيل تم يطالعها وهو سااكت : اصلا عرفت عرفت انج بتيين مردج تراضيني ~> يضحك بخبث

سلامه : هاها مصددق عمممرك والله اصلا لو ما موزوه ما كنت ييت

سهيل باهتمام : هااي اخت حروووب ؟

سلامه : لا اخت سعووود

سهيل: ايواااه

سلامه : ليش تسأل ؟

سهيل : مجرد سؤال حرااام ؟

سلامه : لا حلاال المهم شي تباا بروووح ..

سهيل : هيه جهزي عمرج الحين بنرووح المزرعه

سلامه : لا والله ؟ ما بووودر موزوه

سهيل : تراها بترووح معانا يالخبله .. ~ الكل بيكونون هنااك توووهم متصلين فيني

سلامه : عنبووووووه ما يمدي تووهم طالعييين من عندنا

سهييل : سلامه عيييب عنلااااتج صددق

سلامه : هههههه جب جب ~ طلعت برااا

دخلت سلامه غرفتها : راااضيته

موزة : هههههه بسررعه رضى جفتي ؟ هذا لانه ماله غيييرج

سلامه : تصدقين الحين كل الاهل فمزرعتنا ؟

موزة : هههههه شو يسووون ؟

سلامه : مادري شكلهم بيباتون هنااكي ونحن بعد ياالله الحين بنرووح خلينا نتجهز

موزة : عمي ويين ؟

سلامه :ييييهااا عمج وحرمة عمج مقحصييين فالمزرررعه

موزه : ههههههههه بس منوو بيودينا ؟

سلامه : سهيل بعد منوو ؟

موزه فجت عيوونهها : لا والله ؟

سلامه : بلااااااج ؟

موزة : انا استحي مابا ارووح معااه

سلامه : تووج تقوليلي رااضيه والحين ما برووح معااه .؟

موزة : سلامه خلج ذكيييه شخص هااي بهااي انا بتتتصل بسعوود

سلامه : اوونج تستحيين ؟ حراام ياالله عااااد

موزة : سلامه فديييتج ماقدر انا استحي اركب مع حد غريب

سلامه : عنلاتج صدق ها ولد عمج اوونه غرريب

موزة : مهما يكوون مابا ~ طلعت فوونها وتصلت بسعييد

سعييد : آآلووو

موزة : سعوود حبيبي

سعيد : سعووود حبيبي ؟؟! شوو ورااااج ؟؟!

موزة : هههههههههه مالت عليييك صددق ابيك تيي عندي تاخذني

سعيد : انا فالمزرعه الحييين

موزة : ماعليه تعال شوو ورااك بعزمك باارد بعععد

سعيد : سمممع هااي مالت عليج صددق تتحراني ملقووف ع البااارد مالها

موزة : هههههه سعووود لا تحررق اعصااابي بتتيي ولا لا ؟

سعيد : انزين انزيييين بيييج

موزة : ياالله عييل باااي

سعيد : مع السلامه ..

سلامه : هاه شقااال ؟ ان شاء الله ما بييج ؟

موزه فجت عيوونها : سمممع هااي .. لالا سعوود فديته ما يردلي طلب

سلامه : مالت عليج انتي وسعوودج

رن فوون سلامه : ويييه هااا سهيييل .. آآلووو

سهيل : يالله انزلوووا اتريااكم تحت

سلامه : ويا ويهك انزين ليش ما تيي عندي فالغرفة اوونك محترم ؟

سهيل : محترررم غصبن عنج يالله خلصيني اتريااكم

سلامه : اووكي ~ سكرت فوونها : مواااز يقوولي يتريااانا

موزة : انزييين شوو اسوووي ؟ سعوود الحين بيينا

سلامه : انزين انزلي ويايه وبقوول لسهيل نتريا سعييد

موزة : اووكي

انزلن وكان سهيل قاعد فالسياره مشغل الاغاني وكاشخ بنظاارته وكندوورته وغترته اللي لافنها بطريقه جذاااابه

سلامه تفج الباب : سهيييل

سهيل يقصر ع الاغاااني : هااه ؟

سلامه : موااز تستحي منك واتصلت باخووها خلنا نستنااها

سهيل : بس سعوود بالمزرعه وبعييد عليه

سلامه : عااد هي تستحي منك شسوي ؟ ما طاعت تركب معااانا

سهيل ابتسم لسلامه ونزل من السيااره وسار صووب موزة اللي كانت واقفه بعيد عنهم وطلع فوونه : آآلوو هلا هلا بو عسكوور .. اقوولك حبيبي لا تخطف صووبنا خلاص اختك انا بييبها

موزة فجت عيوونها وشوووي وبتصيييح ..


سهيل : يالله بوعسكور ما بيخطف عليج مالج غير موتريه

موزة تمت واقفه ولا عارفه شتسوي

سلامه : سهيل عنلااتك خووفتها تعاالي تعاالي

سهيل : هههههه ياخي حسستيني وحش

فجت سلامه الباب وركبت مووزة : ماعليج منه الا سهييل ترااا

وركبت سلامه جدام وحرك سهيل الموتر وفهالوقت كانت شمسه تطالعهم من الدريشه وهي ميته غيض

هزاع طالع من الحمام : شو تشوفين ؟

شمسه تسكر الستاره : ولا شي اطالع اليهال يلعبون

هزاع : ايوواه جهزي عمرج ترا ابويه متصل يبانا نروح المزرعه

شمسه : والمستشفى ؟

هزاع : ماعليه فوقت ثاني اهلج كلهم هناك

شمسه : والله ؟ اووكي الحين بتجهز

هزاع : لبسي حمود ملابس ثجيله لان هناك برد

شمسه : اوكي لا تحاتي

.........

كان سهيل يسرع بفضاعه وموزة تروح يمين ويسار لانها ضعيفونه ..

سلامه : سهيل شوو هاا خفف سرعتك خضيت بطوننا جبدي لاعت

سهيل : وابوي عليج عقب لاحظ من المرايه ان موزة مب قادره تستقر كل ساعه يمين ويسار ضحك بخاطره وخفف سرعته

.......

فالمزرعه

ابو هزاع : شرايكم نذبح لنا هالثور يبين عليه سمين

ابو حارب : لا تكلف ع عمرك يابو هزاع

ابو سعيد : صدقه ابو حارب

ابوهزاع : اي تكلفه الله يهديكم خلاص بنذبحه هكم الشباب بيساعدوننا ما بيقصرون

الحريم كانن محطيات قهوتهن وفارشات الحصير تحت ظل الشير والجو كان جنااان والغيم مغطي ع الشمس

ام حارب : قالوا بنت محمد بتعرس

ام هزاع : هيه الله يوفجها ما شاء الله عليها والله لو ما خطبوها جان خذتها لولدي سهيل

ام سعيد : صدق ليش ما تيوزونه بسه

ام هزاع : مادري ان شاء الله بنلقاله بنت الحلال

دقايق ودخل موتر سهيل الحبيب ناسي انه مركب وياه البنات

سار بموتره صوب الشباب

سلامه : حوو حوو سهيل وين رايح نحن وين ببنزل ؟

سهيل : ههه تصدقين نسيتكم ؟

سلامه : نساك الموت ردنا يالله ردنا

سهيل : عادي نزلن مافيها شي

سلامه : عن السخافه كلهم هني

سهيل : عادي روووحن من ورا الموتر وانخشن من ورا الشير

سلامه تليح بوزها مالت عليك صدق قومي موزة ننزل

نزلن سلامه وموزة وراحن من الجهة الثانيه للموتر وسيده انخشن فالشير

موزة : اووف طالعي مكثرهم هههههه


سلامه : هههههه قووولي ما شاء الله الحين بيطيح واحد منهم ميت

موزة : ههههه بسم الله عليهم

يلسن موزة وسلامه تحت الشيره يسولفن

سلامه كانت زاخه زورة صغيره وتلعب بها فالتراب .. لفت ع موزة وشخطتها بالزورة

موزة : اااايييي الله يغربلج يعوووور .. وتمسك موزة عصا وتركض ورا سلامه

وسلامه تركض عن موزة وهي تركض كانت لافه ع موزة وما حست بعمرها الا داعمه بشي وطاحت منه

رفعت راسها والا تشوف الريال نفسه اللي يايب سهيل

موزة يوم جافته انخشت ورا الشيره وتمت تضحك ع سلامه

سلامه استواا ويهها اشاره مروور من القفطه وقامت تنفض التراب من عبايتها

حارب : سلامات ما تشووفين شر لا تركضين ولا تراج بتتعورين

سلامه : الشر ما اييك .. ان شاء الله

راح حارب عنهاا


..



آخر من قام بالتعديل روح زايــــد; بتاريخ 06-11-2011 الساعة 08:44 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 06-11-2011, 06:24 PM
صورة غزآله مآتنصآد الرمزية
غزآله مآتنصآد غزآله مآتنصآد غير متصل
©؛°¨غرامي جديد¨°؛©
 
الافتراضي رد: يـآ حبيب الروح بكتبلكـٍ وصـآتي ان غديت اليوم في حبكـٍ جتيل .. ~ من كتاباتي ..


part 4


موزة : هههههه تستاهلين حد قالج تضربين ؟

سلامه : جب جب فقدتج صدق كله منج

موزة : هههههههه رحنا رحنا

راحن موزة وسلامه صوب الحريم وثواني وصل هزاع وشمسه وحمود .. نزلت شمسه عند الحريم وعقب راح هزاع عند الرياييل

سهيل : الله يخسك يا سعووود

حارب : عااد اسممع هاللوتي سعوود يوم نبي نرووح المول نضبط لنا وحده يقوول حرام نلعب ع بنات الناس ويحسسنا بتانيب الضمير وبس نرووح عشان نتشرا ندووره ونلاقيه يرقملك بنيه

سهييل : هههههههه

هزاع شال ولده محمد : السلام عليكم

الكل : وعليكم السلام

حارب يشل محمد : حي به بوالشباب

سعيد : ههههههه اونه ابو الشباب وهو هالطوول كبر الطيطار

حارب : ههههه ايييه مارضى ع ولد اختيه

هزاع : ايه كله ولا ولديه ابو الشباب غصبن عنك ههههه

سهيل تم يطالعهم وهو سااكت

-----------

هند : شمووس وين حموود ؟

شمسه : عند ابوووه

ريم ~> اخت سلامه : شمووس صااايره حلووه شالسر ؟ ~ تحاول تغيض سلامه

سلامه : امايه عطيني موز حقي وحق موزوه

هند : موزة انتي بكبرج موزة وبعد تاكلين موز ؟

سلامه :تبين موز ؟ فيه وايد لا تخافين

موزه : هههههه الله يخسج شو تبينها طبيها

سلامه : انتي ساكته لها

ام هزاع : سلامه هاي سيارة خالج صح ؟

سلامه بفرح : هيييييه

موزة : منو هاييل سلامي ؟

سلامه : قوم خالي يا سلام خالي حمد وياهم اليوم بتصافع وياه

موزة : منو خالج حمد ؟ هذا اللي جدام ؟

سلامه : هيي مب متزووج صغير عمره 18 سنه لكنه حماار دوومه يغيضني

موزة : منو هالبنت ؟

سلامه : هاي عويشات كبرنا

موزة : اها

عايشه يايه صووبهم : السلام عليكم ~ واايهت الكل

سلامه : شحالج عوااش ؟

عايشه : بخير ربي يسلمج

سلامه : وين حرمه خالي ؟

عايشه : عند خالوه .. منو اللي عدالج ؟

سلامه : هااي موااز اللي رمستج عنها بنت عمي

عايشه : شخبارج موووزة ؟

موزة تبتسم : تمام ربي يسلمج

سهيل يااي من بعيد : السلام عليكم

الكل : وعليكم السلام

سهيل : ترانا بنييب الثوور اهنا وبنذبحه

ام هزاع : ليش ما تذبحوونه هناك ؟

سهيل : هناك رمله بيتوصخ الثووور

شمسه تمت تتأمل سهيل وتبتسم له

سهيل : شمسه

سلامه لفت ع سهيل وموزة تمت سااكته

شمسه مستغربه : آآمر ؟

سهيل : ما يامر عليج عدوو سيري شلي ولدج عن هزااع

شمسه انصدمت من بروود سهيل وانطفاء نار الغيره فيه : ان شاء الله

سلامه افرحت من قلبها

موزة : سلااامي قوومي نشرد اخاف من الثووور

سهيل سمعها وابتسم

سلامه : يالله عيل قومن بنرووح

ام هزاع : وين بترووحن ؟

عايشه : عمتي بنرووح اهني حذال اليبل مب بعييد لين ما يذبحوون عقب بنرد

ام هزاع : انزيين سيرن

طلعت سلامه وموزة وعايشه برااع المزرعه ويلسن تحت اليبل يسوولفن

سلامه : عجيييب يووم بنباات اهني بنسسووولف لين ما ننبط

عواش : ههههههههه

موزة كانت يالسه وهي ساكته تلعب بالحصا وعقب شافت زوره طايحه وتذكرت سلامه يوم ضربتها

عواش : بصوور المزرعه ~ وقاعده تصور بكيمرتها

قامت موزة وبحركه سريعه اشخطت سلامه بالعصا

سلامه : ايييي الله يغربلج

موزة : نسيتي يوم ضربتيني رديتها لج هههههههه

سلامه : ماعليج يالمعفنه ~ مسكت عصاا وركضت وراا موزة وموزة تركض بسسرعه وسلامه وراها وعايشه منبطه ضحك عليهن وتصورهن فيديو

عند الرياييل اذبحوا الثور

فجاه رن تيلفون سعيد

سعيد : اووه حرووب تعال شووي

حارب : شووو ؟

سعيد : هاا سلووم

حارب : ههه اووكي سهيل تعال ويانا

راح سهيل وحارب وسعوود عند الباب مال المزرعه يرمسوون الريال

سكروا من الفوون

سعيد : ههههههههههههههههههههه

سهيل وحارب مستغربين : شفيييك ؟

سعيد : شوفوا شوفوا ههههههه ~> ويأشر ع موزة وسلامه

حارب : ههههههههه

سهيل : هههههههههههه بلااهن ؟

-------


سلامه : ياحماره وقفي

موزة : سلامه بس خلاص مارووم اتنفس

سلامه : بس خلاص ؟ وقفي اقووولج

موزة : ما اتنفس الله يغربلج

فجأه طاحت مووزة

سلامه : موااااز الله يغربلج قووومي

موزة طاحت مغمى عليها لان فيها الربوو

عوااش ركضت صوووبهم : بلاها ؟

سلامه : ههههههه اغمى عليها هههههه

عوااش : ههههههه مواااز قوومي

سهيل وحارب وسعيد يوم شافوها طاحت اركضوا صووبهم

سعيد : شياها تووها مشغله النايترووس

سلامه : هههههه اغمى عليها

موزة تفتح عيوونها وتضحك بصعووبه وبكلام متقطع : الله يغربلج كله منج وتأشر ع سلامه

سلامه وعايشه فطسووا ضحك

سهيل : عنلاااتكن تضحكن ؟ فرحانات بععد ؟

سلامه : والله ضحكتني هههههه الله يغشج يا مواز ههههه

حارب كان يطالع سلامه يوم تضحك وتذكرها يوم طاحت

سعيد محطي راس موزة عليه : قوومي قوومي

موزة تطالع سعيد وتضحك عليه لانه خايس من دم الذبيحه

سعيد : عنلاااتها زااد تضحك .. زيدووها بحصااه ع راااسها

الكل ضحك

راحن عايشه وسلامه يشلن موزة

سلامه : الله يغربلج فضحتينا

موزة : كله منكن هههههه

عواش : ههههههه والله كان موقف ييضحك هههههه

~> رجعوا للمزرعه


كاانن شمسه وريم وهند يقطعن اللحم ويا العيايز

سلامه : امايه عطيني مفتاح باب البيت

ام هزاع : ليش ؟

سلامه : موزة تعباانه تبا ترتاااح

ام هزاع تنقز صوب موزة : ها حبيبتي شياج شو يعورج ؟

موزة تبتسم : ما فيني شي

شلت سلامه المفتاح وراحت داخل هي وموزة وعوااش

-----------

سهيل : سعوود كندورتك خايسه دم

سعيد : هي اشووفها .. شو اسويبها

سهيل : افصخها زين

سعيد : لا استحي

سهيل : انزين تعال بنغسلها

حارب : خلص الشحن من فوني حد عنده شاحن ؟

سهيل : هيه انا عندي بتلقاه فسيارتيه شله وركبه فالبيت ..

حارب : اووكي

راح سهيل وسعيد يغسلوون الكندوورة

تمت شمسه تطالع سهيل وبعد تفكير لحقته

سهيل يفرك كندورة سعود : حشاا هب دم هاا ما طايع يخووز هههه

سعيد : ههههههههه هذي علامه الجوده للذبيحه

سهيل : ههههههههه حلووه منك

شمسه واقفه بعيد : سهييييل

سهيل لف باستغراب : نعم ؟

شمسه بدلع : ممكن اكلمك شووي ؟

سهيل تنهد : سعود بروح شوي وبرجعلك

سعيد يطالع بنظره حاده قابلتها شمسه بابتسامه : اوكي روح

سهيل ينفض ايدينه من الماي ويروح عند شمسه

شمسه تتأمل سهيل وتبتسم له

سهيل تم يطالعها باستغراب وهو يتأمل نظارتها اللي تسحر الواحد

شمسه تحط عينها بعيون سهيل : انت بعدك تحبني

سهيل استغرب من كلامها ولاح ويهه ع صووب وتم يضحك ورد يطالعها بنظرات حاده : تحلمين

-----------

نزل حارب من سيارة سهيل وهو ماسك معاه الشاحن .. وهو خاطف لمح سهيل مع شمسه استغرب لكنه ما عطى للامر اهميه وتوجه للبيت

---------

سلامه تفتح الغرفه : يالله من زمان ما دخلتها

قعدت عايشه وموزة ع السرير

عايشه : سلاموه غرفتج مغبرررره

سلامه : ههه شسويلها خلها توولي عقب بنظفها

عايشه : تصدقوون اني مليت

موزة : هي والله حتى انا طفشت

سلامه : شرايكن نلعب ؟

موزة وعايشه : شو نلعب ؟

سلامه : نقلد أشخاص فالعايله ..

موزة وعايشه : اووكي

موزة : انا اول بقلد سعوود ~> تمت موزة تسوي حركات ع اساس انها تقلد سعيد ...

فطسن سلامه وعايشه من الضحك ~> حارب وهو خاطفسمع ضحكهن ووقف حذال الباب يطالعهن وهو مبتسم يشوف تقليد كل وحده منهن ..

سلامه : هيي صح عوااش نسيت اخبرج شو صااار ..

عواااش : شو صاار ؟؟

سلامه : تعالي موزة بنمثل لها عن سهيل وشمسه ..

حاارب استغرب لما قالت سهيل وشمسه وتذكرهم يوم شافهم يرمسوون

موزة وسلامه تمن يقلدن شمسه وسهيل وقلدوهم يوم سهيل ضم شمسه وهي حاطه راسها ع صدره ..

عايشه : صددق جيه استوى ؟.؟

موزة : هييه والله صدق ..

حارب تم يطالع وحس ان ضغطه ارتفع ونرفز ع الآخر .. ~> طلع من البيت بسررعه


cut

نـآآوو ما بكمل الا لما اششووف ردوود حلووه وتعليقااات تفيدني ^^


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 06-11-2011, 06:42 PM
صورة غزآله مآتنصآد الرمزية
غزآله مآتنصآد غزآله مآتنصآد غير متصل
©؛°¨غرامي جديد¨°؛©
 
الافتراضي رد: يـآ حبيب الروح بكتبلكـٍ وصـآتي ان غديت اليوم في حبكـٍ جتيل .. ~ من كتاباتي ..


انتتتتظظظر ردوودكم :(


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 06-11-2011, 07:05 PM
صورة rawan..$ الرمزية
rawan..$ rawan..$ غير متصل
©؛°¨غرامي فعال ¨°؛©
 
الافتراضي رد: يـآ حبيب الروح بكتبلكـٍ وصـآتي ان غديت اليوم في حبكـٍ جتيل .. ~ من كتاباتي ..


بدددددددددددايه حلوه حبيبتي موفقه ضيفيني من متابعاتج
ودي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 07-11-2011, 01:13 PM
صورة غزآله مآتنصآد الرمزية
غزآله مآتنصآد غزآله مآتنصآد غير متصل
©؛°¨غرامي جديد¨°؛©
 
الافتراضي رد: يا حبيب الروح بكتبلك وصاتي أن غبت اليوم في حبك جتيل / بقلمي


يسسلموو يـآإ آلبببي

^^


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 07-11-2011, 01:17 PM
صورة غزآله مآتنصآد الرمزية
غزآله مآتنصآد غزآله مآتنصآد غير متصل
©؛°¨غرامي جديد¨°؛©
 
الافتراضي رد: يا حبيب الروح بكتبلك وصاتي أن غبت اليوم في حبك جتيل / بقلمي


part 5


سهيل : ههههه انتي مب صاحيه قاعده تقوليلي هالكلام وتوهمين نفسج باني احبج .,.

شمسه : حتى لو نكرت عيونك ما تقدر تخفي مشاعرك تجاهي ..

طلع حارب ويااا صوب شمسه وسهيل وير شمسه من ايدها بقو وراح ابها بعييد عن الكل

سهيل استغرب من تصرف حارب لكنه ماهتم ابد وراح صوب سعيد

-------

حارب وقف ورا البيت

شمسه : هد ايدي عورتني بلاك ؟

حارب وهو رافع حايبه بعصبيه : عن شو كنتوا ترمسوون ؟

شمسه بارتباك : ما كنا نرمس عن شي

حارب بعصبيه اكثر : قلتلج عن شو كنتي ترمسين وياه ؟

شمسه نزلت راسها وطاحت دمعتها ما واحالها ترفع راسها الا وحارب يصفعها بكف نزل الدم من ثمها واهني بدا الصياح صدق

حارب : قسم بالله العلي العظيم ان شفتج وياه مرة ثانيه لا تلومين الا نفسج فااااهمه ؟ وسوالف الحب اللي تمثلينها وياه بطلعها من عينج .. بعد ما ناقص الا يرمسون الناس علينا ..

شمسه قعدت تصيح وركضت صوب غرفتهم بالبيت ودشت غرفتها وهي تمسح دموعها : الله يغربله بعد راح يخبر حارب والله اراويه ..

راحت تطالع من الدريشه وتشوف سهيل يضحك من خاطره ويا سعيد ..

سهييل : هههههااااي كفك حبيبي

سعيد يصفق ايده بيد سهيل

سهيل : بروح فوق ابدل ملابسي حر والله

سعيد : اوكي استناك

راح سهيل فوق ~> فجت شمسه الباب ويرت سهيل من ايده وبحركه سريعه دخلته الغرفه وسكرت الباب .. سهيل تم يطالعها ويتنفس بصعووبه وهو لاصق فاليداار ..

سهيل : شووو تبيييين ؟

شمسه تطالعه وهي محطيه يدها ع ثمها تغطي دمها : ليش خبرت حارب ؟

سهيل مستغرب : خبرته عن شو ؟

شمسه : عن اول يوم التقينا فيه انا وانت من بعد ما رجعت من السفر

سهيل : ههههه انتي مينونه اخبره ؟ اصلا انا اللي بصغر فعينه

شمسه : عيل محد غير اختك هالحيوااانه شووف حارب شوو سوى فيني

سهيل تم يطالعها بصمت

شمسه : ها كله فدووه لعيونك ~ تقترب منه شووي

سهيل : شمسسسه فجي البااااب .. برووح اشووف اذا سلامه اهي اللي علمت حارب ولا لا

شمسه : هههههههههههههه انزين شوي شوي لا يطيح قلبك ~ تفج له الباب
يطلع سهيل من الغرفه وهو حاس ان قلبه وقف .. وتوجه لغرفه سلامه ..

دق باب الغرفه وظهرتله سلامه

سهيل : سلامه ليش خبرتي حارب ؟

سلامه : خبرته عن شووو ؟

سهيل : لا تتمين تستهبلين وتخلين عمرج ما تعرفين ولا تلفين وتدورين

سلامه : هدي اعصاابك بلاك ؟ شو سويييت لك ؟

{ فهالوقت شمسه كانت ترااقب عن بعد }

سهيل : ليش تخبرينه عني وعن شمسه ؟

سلامه : اولا انا عمري ما رمست حارب عشان ارووح واخبره .. وبعدين شوو مصلحتيه عشان اروح اخبره ؟

سهيل يناظرها بشك

سلامه : لا تتم تطالعني جيه مب مصدق تعال .. تسحبه من ايده وتدخله غرفتهم

سلامه : بنات انا خبرت حارب عن سهيل وشمسه ؟

عايشه : لا اصلا نحن ما ظهرنا من الغرفه

سهيل : يا سلام وبعد مخبره شلتها الاخت .. اسمعوا ايييه محد يتدخل فخصووصياتي ساامعين ؟ والا ترا بتشوفون شي ما يسركم ~ ظهر برا

سلامه بصرااخ : والله انسااان مرييييض يباني اخبر عن سووواد ويهه اهو وياها

موزة : سلامي بس بلااج لا يسمعج

سلامه : خل يسمع ما تشووفينه شوو يسوي

--------

طلعت شمسه من البيت وهي مبتسمه بخبث وراحت عند خواتها هند وريم

شمسه تختلي بهند وريم : يحبببببني يحببببني

هند : بلاج منو يحبج ؟

شمسه : سهيييل بعده يحبني خبرته عن حرووب يوم ضربني وراح هزب البناات ههههههه يعلني فدا اييد حرووب يوم انه ضربني

ريم : انتي مب صااحيه حارب تووه ضاااربنج وبعدج ترووحين مع سهيل ؟

شمسه : طاف شو يعني اهم شي سهيل بعده يحبني

------------

مسرع ما غطت الشمس وياا وقت العشا والريااييل كانوا متيمعين خااري والحريم فارشين الحصير حذالهم

ابو سعيد : انا بروح اشتريلكم بارد وبرجعلكم

ابو هزاع : خل انا برووح عنك

ابو سعيد : لا لا انا بروووح بغير جوو بعد هههه

راح ابو سعيد برا المزرعه

----------

ام سعيد : سلامه فديت رووحج عندكم مشاكيك زيااده عشان نشوويهن ؟

سلامه : عمتي خليهن نحن بنشويهن استريحي ^.^

ام هزاع : خليهن البنات بيسون

عاايشه تشك اللحم فالمشكاك : اووووف بررررررد

موزة : هههههه يبت جاكيتين جان تبين عوييش

عااايشه : والله ؟ وين ؟

موزة : داخل غرفة سلامي ييبي جاكيتي وجاكيت سلامي وهاتيلج واحد بعد

عايشه : اووكي زخي المشكاك كمليييه

راحت عايشه داخل ودخلت الغرفه وسعيد كان خاطف فالممر

سعيد : سلااامي هاتي فووني من عند مووزه

عايشه وقفت مكانها ولا لفت ع سعيد تعرفه مغلط ..

شمسه كانت مااره : سعيييد شتسوي هني ؟

سعيد يأشر ع عاايشه " ع باله سلامه " : قااعد ارمسها شلج ؟

شمسه : يا سلام بعععد عيني عينك والله

سعيد : عكيفي اهي شرات اختي انتي شوو يخصج اوونه عيني عينك ما عيني عينك

شمسه : هه ما واحالك تتعرف عليها

سعيد يطالعها بنظظره : شوو هالمينووونه ~ وخطف عنها

لفت عايشه صوب شمسه : لا تفكرين بعيد ع باله اني سلامه

شمسه تبتسم بخبث : هييييه صح هه

طلعت عايشه ولا عبرت شمسه

نزل سعيد وانصدم ان سلامه قاعده تحت ويا موزة : خييييبه مسسسرع ما واحالج تنزلين كيف ييتي اهنا ؟

سلامه باستغراب : شو تقووول ما فهمتلك ؟

لف سعيد ورااه وشاف عايشه نازله .. ناظرته عايشه ونزلت راسها وراحت عند موزة وسلامه

سعيد بعصبيه وفخااطره : الله يغربلها الجلبه الحيوووااانه ع بالها اني صااايع مالت علييها { يقصد شمسه }

رن فون سعيد وركضت موزة تعطيه اياه

سعيد : آلوو مرحبا الوالد آمرني ؟

ابو سعيد : خلهم يزيدون العشاا التقيت بربيعي صدفه وعزمته ومعاه ولده

سعيد : ان شاء الله

رااح سعيد وخبرهم عن ربيع ابووه وقالهم يزيدون العشاا

طبعا الحريم شلن اغراضهن وراحن دااخل والريااييل قعدوا براا

وشوي ووصل ابو سعيد ومعاه ربيعه ابوو ناصر وولده ناصر { ابو ناصر مدير الشركه اللي يشتغل فيها ابو سعيد }

سلموا ع الشباب ويلسوا يسوولفوون

سعيد راح عند الحريم: ما خلصتوا العشاا ؟ بطيتوا تراا الريال يبا يرووح

ام سعيد : خلصنا تعال شله .. حطتله اللحم واالخضره والروب والبارد .. الخ

ويا سهيل يساعده

تعشوا الريااييل وخلصوا والحريم تعشوا داخل

موزة : حد يبا باارد بروح اييب من المطبخ

سلامه : ييبيلنا كلنا

موزة تكلم سلامه بعيوونها ع اساس " وشمسه ؟ "

سلامه : اذا نسيتيها عاادي ههههههه

ضحكت موزة وظهرت

-------

ناصر : ابا اغسل ايديني من وين اتغسل ؟

سهيل : هناك المغسله

راح ناصر يتغسل وهو يتغسل لمح موزة واهي داخله المطبخ

تلفت يمين ويسار وأتأكد من خلوة المكان .. راح صووب المطبخ ووقف عند الباب وموزة ما انتبهت له وقاعده تظهر البارد من الثلاجه ويوم لفت شافته وتغشت

ناصر : هه ليش تغشيتي ؟ لا تستحين عادي

موزة : لو سمحت ابي اخطف ممكن توخر عن الباب

ناصر : ع شوو مستعيله ؟ اقعدي

موزة نرفزت من طريقة كلامه وغرووره بنفسه : ووخر من الباااب قلتلك

ناصر بتحدي وبابتسامه خبيثه : هه ولو ما وخرت ؟

موزة تحاول تمسك عمرها بس مب قاادره ما حست بعمرها الا وهي صافعته كف بقووو

ناصر ماسك ع خده : تصفعيييين ؟ انا براااويييج ..

سلامه يايه تساعد موزة وشافت ناصر دزته من وراا ومسكت ايد موزة وراحت

موزة ودمعتها فعينها : الله يلعنننننه

cut


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 07-11-2011, 01:20 PM
صورة غزآله مآتنصآد الرمزية
غزآله مآتنصآد غزآله مآتنصآد غير متصل
©؛°¨غرامي جديد¨°؛©
 
الافتراضي رد: يا حبيب الروح بكتبلك وصاتي أن غبت اليوم في حبك جتيل / بقلمي


part 6

موزة ودمعتها فعينها : الله يلعنننننه

سلامه : منوو هاااا

موزة : شدراااني فيييييه الله ياخذه

سلامه ترص ع موووزة : خلاص حبيبتي طببيه ما عليج منه

راح ناصر وابوه والكل راح لغرفته ينااام

موزة فغرفتها تفكر : الله يغربله الحيييوواان زين يوم يت سلامي والا كنت برووح فيها

سمعت صووت حد طالع من البيت فجت الدريشه وقعدت تطالع تحت " غرفتها ع زااويه البيت فالطابق الثاني "

قعد سهيل ع الكرسي اللي حذال البيت تحت غرفه موزة بالضبط يتدفى بالنار

قعدت موزة تناظر سهيل وتتسائل شو مقعده بهالحزه ؟ ابتسمت موزة وشوووي وتختفي هالابتسامه يوم شافت شمسه ظاهره من البيت ورايحه صوب سهيل

شمسه : هههه شو مقعدك اهني تفكر فيني ؟

سهيل : هه مصدقه عمرج والله اقوول رووحي رووحي عند ريلج وولدج الله يخليج

شمسه : اسمعك تطري ولدي وريلي وانت معصب لهالدرجه تغاار علي ؟

سهيل يتنهد : انتي بلااج ما تفهمين ؟ شمسه بابا افهمي ترا سوالفنا كانت فالماضي صح كنت احبج بس مب بعد ما تزوجتي هزااع افهمممممي كل شي انتهى

شمسه : ولو انا مب زوجه هزاع الحين بتم تحبني صح ؟ يعني المسآله بسييطه بطلب منه الطلاق وانت تزووجني وانحلت السالفه

سهيل : اييييه انتي مينوووونه ؟ صدق مافيج عقل

مووزة نرفزت من خاااطرها مسكت دبة الماي اللي قرب سريرها وكبتها عليهم وثنينتهم طالعوا فووق وبحركه سريعه سكرت الدريشه ورد لها الاحساااس

ركضت صوب السرير وانسدحت وتلحفت وهي خايفه من اللي سووته : يا ويييلي شو سووويت ؟

شمسه تطالع فووق : هالحقييييره انا اروووويها
سهييل : شمممسه شممسه .. وقفي اقوولج ~ يلحقها وهي طالعه فووق
شمسه طالعه فوق وهي معصبه من الخااطر وودها تكفخ موزة
سهيل يمسكها من ايدها قبل لا تفج الباب : خليييهاا ..
ينفج باب غرفة شمسه ويطلع هزاع وتم واقف يطالعهم وسهيل فهاللحظه كان ماسك يد شمسه
هزاع بعصبيه :شمسه تعااالي
شمسه حست بخوووف لما شافت هزااع .. رااحت صووب غرفتهم ودخلت
تم هزاع يناظر سهيل بنظرات حاده وسكر الباب بقوو
هزاع : شمسسسه انتي شو تسوين ويااه وشو هالمااي اللي مخيس ثياابج وثيابه ؟
شمسه تبلع ريجها : انا مالي خص اهو السبب قعد يلاحقني براا وجبيت عليه الماي وبعدها جب علي الماي يوم ما طعت اروح معااه .. وتوك شايفه يلاحقني وماسك ايدي بعد .. شوو تبااني اسووي ؟
هزااع حس انه يتنفس بصعووبه والعصبيه مب شايلته فج الباااب وطلع برااا
سهيل راح غرفته بعد ما دخلوا هزاع وشمسه دقاايق والا ينفج الباب بقووو ..
هزاااع : ايييه انته شوو تتحرى عمرك ؟
سهيل : شوو فيك انت ؟
هزاااع يمسك سهيل من ثياابه : اسسسسمع قسم بالله ان ييت ناح شمسه لتشووف شي ما شفته شوو متعلم الصيااعه من الخاارج وياي تطبق اهنا ؟
سهيل نرفز من رمسة هزاااع بالقوو مسك ايدين هزاع وبطلهن من ثياابه بقوو : اي اي شوو تتحرااني انت . تتحراني شراااتك ؟ انا ما انزل مستوااي لك ولاشكااالك
هزااع وسهيييل تموا يتنااازعون وتحولت نزاعتهم لضرابه
كانت موزة وشمسه الوحيدات الواعيات فالبيت .. سمعت موزة اصواات سهيل وهزااع وارتبكت من الخاااطر
موزة : بسم الله شوو استوووى ؟
ركضت صووب غرفه سلامه وتمت تدق الباب
سلامه تفج عينها بصعووبه : مممن ؟
موزة: سلامه فجججي
سلامه زاايغه راحت صوب الباب وفجت بسرعه : هاا بلاج موااازي ؟
موزة ودمووعها فعيوونها : لحححقي اخوانج يتضااربون
سلامه : منوو يتضاارب ؟
مووزة : سهيييل وهزااااع
سلامه طلعت بسرعه وراحت صوب غرفة سهيل وفهاللحظه ركضت موزة توعي اخوها سعيد
سلامه : بلاااكم فجووا بعض يهااااال ؟
سهيل وهزااع متشاابكين من الخااطر ويتضااربوون من خااطرهم
دخل سعيد وحاارب وفججوا من بينهم ..
حارب : صلوا ع النبي بلااكم جذاا تتضاربون فانصاص اللياالي
سعيد : بلاااكم شصااار ؟ ليش جييه تسوون انتوا اخوااان
سهييل منرفز ع الاخر : والله العظيييم مارمسك طووول حياااتي
هزاع : باللعنه تشلك اذلف
حاارب : استغفر الله بلااااكم ؟
سعيييد : سهيييل لا تم تحاالف الله يهديك ها اخووك وهزاع انت بعد الله يصلحك شو هالرمسه ؟
سهيل : انا حلفت وخله يووولي ولا ارممسه
هزاع : لعنه تشلك ولا تردك ~ طلع براا
~ ~ ~ ~ ~
شمسه فغرفتها : يااارب ما يعوور سهيييل .. كله مني انا شوو قلت لهزاااع .. اففف
دخل هزااع وفزت شمسه
هزاع : ان رحتي صووبه بتشووفين شي ما شفتيه حتى حموود لا تخلييه يصكه
شمسه : ان شاء الله
~ ~ ~ ~ ~
حارب وسعيد قعدوا حذاال سهيل وسهيييل كان معصب من خااطره واكتفى بالسكووت وهو يناظر الارض
موزة تتطالع سهيل وهي معورنها قلبها عليييه وتحس انها شووي وبتصيح
سلامه : شيااكم شوو استوى سهييل ؟ شوو سويتله
سهيل لف ع سلامه : شدرااني فييييه هو يااي منااك يضااارب يتحرااني اصغر عييياله
سلامه : عنبووو انتوا اخواان شوو هاا .. ها اول يووم من رجعتك وسيييده ضرااايب ؟
حاارب يطالع سلامه ويبتسم فخااطره " هههه معصبه الاخت بعد "
سهيل تم سااكت وهويناظر الارض بكل هدوووء
سعيد :سهييل الله يرضى علييك مهما يقوول اتحمله تراا انت تدري هزااع الله يهديه سيده يعصب وما يتمالك نفسه وانت كان لازم تمسك عمرك وما كان لازم تحلف انك ما ترمسه
سهيل : انا مب ندماان ع حلفي انا ما برمممسه خله يووولي ..
سلامه : اووووف استغغفر الله .. لا تم تقوول جيييه احسكم متشتتين اممممره نحن مب شرااات الثانيين شووف عياال عمي وخالي كلهم مع بعض الا نحن " ناسيه اللي حوولها هههه "


موزة تمت سااكته طول الوقت وهي تحس بالذنب : سهيل هاا كله مني يووم جبيت عليكم المااي صح ؟
سهيل انصدم وحس بقفطه فضييييييعه وتم يضحك ويغير الساالفه : ههههه اوونه عااد مخلي عمره باتمان ياي يضااارب
سعيييد انبط ضححك وحس ان السالفه وراها ان وحارب تم سااكت وهومستغرب ومب فااهم شي
وسلامه تطاالع مووزة بنظراات تساؤل .. وموزة قفطت حست انها قفطت سهيل وياها وهو ما يبي احد يعرف بالسااالفه ..
سلامه : مووزة تعالي بنرووح نرقد
سهيل ما يبا موزة تخبر سلامه : لالا يلسي وين راايحه ؟
موزة تمت تضحك وعرفت قصد سهيييل
سلامه : انت شلك ؟ اقعد وانت سااكت ابا ارمسها
سهيل : شو تبين ترمسينها ؟
سلامه مستغربه : سهيييل بلااك تتنشد شوو برمسها ؟ برمسها ع كيفي انت شوو تبا مني ؟
سعيييد : هههههههههههههههههههه
حارب : ههههههههه سهيل شي يااه ضرب فيووزه
سهيل : والله قعدوا قعدوا ماله دااعي تظهروون بعده وقت وين رايحين ؟
سلامه :والله امبووني ابا اقعد لكن ما بقعد عواار يالسلنا وقت وقعدوا ومادري شوو لا اظاهر اخترب فيووز سهيل يوم انضرب
سعيد : ههههههههههههههه
طلعت سلامه ووياها موزة
سلامه تدخل غرفتها وساحبه موزة وياها : شالساالفه شوو استوى ؟
موزة : سلامه سمعي تراا شمسه هااي بتفرق بين اخووانج .. شمسه مب هينه والله
سلامه : انزيين رمممسي شو استوى ؟ ليش تضاربوا ؟
موزة تخبرها من البداايه من يوم شافت سهيل ظااهر ولاحقته شمسه وخبرتها يوم جبت عليهم المااي ،تكمل : وبعدين خفت وانسدحت فالسرير ع اساس اني ناايمه وقفلت الباااب ورجعت افج البااب واوايج .. كانت شمسه يايه صووبي وسهيل مسكها وقالها خليها وفهالوقت طلع هزاع وشافهم وسهيل ما كان يسوي شي والله .. راح هزاع ونادى شمسه ودخلت داخل وبعدها دخل سهيل غرفته وجان يروح هزاع صوب سهيل وهو معصب .. وعقب تضاربوا .. اكييد شمسه شي قايله ..
سلامه : الله يغربلها ان شاء الله حسسيت انها ورا هالشي كله
~ ~ ~ ~

cut


آممم يآليييت لو تكوون فردوودكم تووقعـآت او تعليق ع الشخصياات .. ع اساس تساعدووني اكثر


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 07-11-2011, 01:22 PM
صورة غزآله مآتنصآد الرمزية
غزآله مآتنصآد غزآله مآتنصآد غير متصل
©؛°¨غرامي جديد¨°؛©
 
الافتراضي رد: يا حبيب الروح بكتبلك وصاتي أن غبت اليوم في حبك جتيل / بقلمي


part 7

~ ~ ~ ~
حاارب : يالله عييل سهييل بنام معااك وخرلي شووي
سهييل :ههههه بتنام معاي فالسرير ؟
حارب : هيييه عيل شوو
سعيد : ويين تباا ؟ حرمته وانا مادري
حارب : هيه حرمته انت شو يخصك ؟ ههههه
سعيد : واابوووي حارب صاار حرمه هههههههه
حارب : تراا اقوولك حرمته انت شوو يخصك يالله برااا ابا انفرد بحبيبي ههههههه
سهيل : ههههههههههههه الله يغربلك انجلع انت ويااه ابا اناام مب فايج لسووالفكم المااصخه ههههه
سعيد : ههههههههههه لالا انا حرمته يالله انجلع انت حاارب
حارب : والله ان نحن مخبل تصدقوون تووني اكتشف
سهيل : هههههههههههههههههههههههه
سعيد : يالله سهيل نحن بنظهر جان تضاربت مره ثانيه دق علينا رنه وبنيي نفزع هههههههه
حارب : هي صدقه ههههه يالله ارقد واحلمني لا تنسى اوووكي ؟
سعيد : هيه حتى انا احلمني لا تنسى
سهيل : يااهي بلشه انا مكفني اني اشوفكم فالحقيقه بعد تبووني اشووفكم فالاحلام هههههههههه
سعيد : اسمممع هاا .. ويا ويهك صدق ما بييك فالحلم عيييل خلك براايك
سهيل :ههههههههههههه
حاارب :يالله سهيل تصبح ع خييير ولا تتضارب مره ثاانيه وجان تبون تسوون فلم الصبح سووا مب فالليل توعونا من رقاادنا هههههه
سهيل : تامر امر
سعيد : سمع هاا بعد تامر امر يبا يضارب الاخ هههههههه
حاارب : يالله تصبح ع خيير كم مره قلتها هههههه
طلع سعيد وحارب بعد ما ضحكوا سهيل وخلووه ينسى السالفه ..
~ ~ ~ ~
فاليوم الثاني :
الصبح نش سهيل حيث انه مب متعود ع الاجوااء
نزل تحت وهو يوعااان من الخاطر وراح للمطبخ وهو داخل انصدم بشمسه
شمسه بابتساامه : صبااح الخييير
سهيل رفع حاايبه وشكله تغير وسوالها طااف وراح صووب الثلااجه
شمسه : بلاااك ؟ ماترمسني ؟
سهيل تم سااكت ويدورله اكل
شمسه : انزين لا ترمسني بس هااك سندويجه افطربها شكلك يووعان
سهيل سوالها اكبر طاااف
شمسه حست انها مقهوورة : سهيييل انا مااا يخصني بللاااك قاالب علي ؟
سهيل ماقدر يتحمل : انطممممي لا ترمسسسين
شمسه انصدمت من اسلووبه وتظاهرت بالصيااح : سهيل لا تحملني مسؤوليه انا مب قدها لا تحط اخطاء هزاع ع ظهري انا هزااع يفسر الاشياء عكيفه مع اني حطيت كل شي عليه بس ما رضى يصدق .. انت تغيرت واايد يا سهييل نسييت كل لحظه عشناها مع بعض .. نسييت وعوودك لي .. وبلحظه انت ما كنت فيها موجوود وتقدم لي اخووك هزااع وانا اللي كنت مجبووره عليييه .. اصيييحك ليييلي ونهاااري .. بس انت ما تحس فيني .. حتى ما تسمع لكلامي ولا تحطلي عذر
سهيل جن حد جب مااي باارد فويهه ~ رجع لذكريااات المااضي
" في ليله الملكه الكل مشغوول ومرتبش ..
سلامه يرن فوونها : آلووو
سهيل : سلامه تعاالي براا اباج شووي
سلامه : سهيل شوو تبا ؟ الحين انا قااعده ويا البناات واساعدهم
سهيل : ما علييه سلامي عشااني تعالي ابيج ضرووري
سلامه : اففف اووكي يايتك
طلعت سلامه براا : هاا شوو تباا ؟
سهيل : ما شاء الله صاايره حلوووه يا بخت اللي بياخذج والله
سلامه فرحاانه من داخلها لمدح اخووها : شوو تباا ؟
سهيل : ههههههه فديييت سلامي انا ابي منج طلب قوولي تم ..
سلامه : ما بقووول ع حسب مقدرتي
سهيل : ابيج ترتبيلي مكان اتلاقى فيه مع شمسه
سلامه : يعلك البركه جان مطلعني عشاان شمووس وانا اقوول يتمدح فيني وحااله سييير انقققع
سهيل : سلااااامي يالله الله يخليييج ابا اشووفها كاااشخه .. يالله بسررعه تراا محد حااس بغيبتي عن الميلس يالله ارجوووج
سلامه : اوووف اووكي بس اخر مره فااهم ؟
سهيل : اووكي عااشت سلامي فديييت خشمج انااا
سلامه : انزين انجلع عقب بتصلبك وتعاال بس هاا اذا رضت شمووس
سهيل : بترضى تووني مرمسنها ^^
سلامه : عااشووو بعد مرمسنها انزين فكناا روووح

دخلت سلامه داخل وقااعده تخطط هي وشمسه عشان يدبروون مكان يقدرون يتلاقون فيه اهي وسهيل
وبالاخير ما لقوا مكان غير المطبخ .. واتصلوا بسهيل ..
دخل سهيل بتسلل من وراا البيت بعد ما فجت له سلامه الباب وساار صووب المطبخ سيييده
وهناكي التقى بشمسه وكانت سلامه براا ترااقب
سهيييل مبتسم : هلا والله بحياااتي ..
شمسه مستحيه : اهليين فييك
سهيل : متعدله اوووف يااخي لو كنت معااكم جاان اناظرج طوول الوقت
شمسه : هههههه تراك الحين تشووفني شوو تبا بعد ؟
سهيل : والله صااايره حلوووه بس لا تتعدلين جذي مره ثاانيه
شمسه مستغربه : لييش ؟
سهيل : اغاااااار عليج عن حد يخطبج يا وييييييلج
شمسه : ههههههههه خلهم يخطبوون انا مالي غيرك انت حبيبي ^^
سهيييل : فدييييييييييتج والله
سلامه : سهيييل ياا ابوووي يايب العشااا اظهر الله يغربلك ..
سهيل ارتبك ولا عرف كيف يتصرف وابو هزاع مقرب من المطبخ
ما لقى غير الدريشه اللي فالمطبخ .. عفد منها برااا ..
وبعدهاا طلع صووب الميلس
سلامه : الله يغشه هالولد خبل عااد عفد هنااكي كله شير
شمسه زعلاانه من الخاطر وتحاتي سهيل : اتصلييبه سلامه اتطمني علييه لا يكوون فيه شي "
قطعت ذكرااه صوت شمسه : لا ترمسني بس كل هذي السندويجه عشاان ما تصير يوعااان
سهيل طااب خااطره من شمسه وابتسم لها وخذ منها السندويجه وراح فووق
شمسه فرررحت من خاااطرها ..
شمسه وهي طالعه فوق شافت موزة ، موزة طالعتها بنظره وكملت طريجها وشوي وبتنزل من الدري قالت شمسه بصوت عالي : فديت اللي خذ السندويجه من ايديني .. هني وعافيه يا رب .
موزة ما عبرتها ونزلت تحت شافت سهيل قاعد ياكل سندوجه قعدت تفكر: شمسه اللي مسويه السندوجه له، مستحيل ما بيرضى ياخذها .
دشت المطبخ شوي وعقب ظهرت : سهيل وين محطين المخلل ؟؟
سهيل : مادري والله ..
موزة بشك : ليش انت ما حاط مخلل بسندويجتك .
سهيل يناظرها بدهشه وجنه لسانه انربط ما عرف شو يقول .
شمسه نازله من الدري : امبلا فيها بس انا اللي حاطتله ، سويتها له وعطيته اياها .
موزة تناظر شمسه باشمئزاز : اهاا اوك مشكوره بس عذرت مابي اكل شي احسن لي اطلع غرفتي واخلي الحبايب روحهم .
سهيل : موزة انتي فاهمه المسأله غلط تراها الا سندويجه شو يعني ما افطر ؟؟
موزة : لا افطر من قالك لا تفطر ؟ افطر وخل النااس يتفدوونك ع اساس ماخذ السندويجه من ايدينها ع العمووم هني وعاافيه
~ طلعت فووق
سهيل لف ع شمسه : شوو قلتيلها .؟
شمسه : ماقلت شي قااعده تألف شكلها غيرااانه هههه
سهيل سكت عنها ولف ع التلفزيوون
شمسه : اممم هزااع محد رااح الدوام
سهيل لف ببروود : شوو يعني شوو المطلووب مني ؟
شمسه : ولا شي اخبرك
سهيل : ما ابيج تخبريني شي رووحي عند ولدج تلقينه وعى الحين
شمسه لاحت بووزها : لهالدرجه ملاان مني ؟
سهيل : لا ملان ولا شيااته اصلا انا قاعد اطالع التلفزيوون
شمسه انقهرت من بروود اعصاب سهيل ورااحت فووق
~ ~ ~ ~
دشت موزة غرفتها وانسدحت ع السرير بضيج : اووف اكرهها والله الله يااخذها الحيوواااانه تبا تسوي اي شي تقهرني فيه
سلامه نطت من تحت السرير : منوو هي ؟
موزة زاغت : بسم الله انتي شو يايبنج هني ؟
عايشه تنط من الصوب الثاني : انزين منو هي قووولي يالله ..
موزة : بسم الله انتي شوو تسوين بعد ؟ شوو يايبنكن هني ؟ تدشن بدوون استئذاان ؟
عايشه : هااي سلامه ضيعت فوونها ويينا ندووره
سلامه : هي صح
موزة : وشو بييبه اهني ؟
سلامه : قلنا يمكن خذتيه بالغلط سبحاان الله ما تعرفيين
موزة : ويت انزين بتصل وبجووف وينه
عايشه تنااظر سلامه وودها تضحك
اتصلت موزة بالفوون ورن فمخباا سلامه
موزة : تتمصخريييين ؟
سلامه : هههههه والله ما كنت ادري انه فمخباااي من الصبح ادووره ههههه
عايشه : صدق انج خسفه ، تدقها ع رااسها : ومتعبتني ادوور ويااج مالت علييج صدق
طلعن سلامه وعاايشه ع السريييع من غرفة مووزة
موزه مستغربه : بلااهن ههههه صج مخبل ههههه
قعدت موزة ع سريرها وتنهدت بقوو ..
شووي ورن فووونــهـاا ..
رفعت فونها تشووف الرقم طلع رقم غريب ما تعرفه فرت الفوون وطبته
وتم يرن ويرن وابد ما وقف
موزة بخاطرها : اففف لا يكوون في شي مهم ارد ولا لا ؟
رفعت فونها وردت : آآلوو
... : آلوو السلام عليييكم
موزة باستغرااب : وعليييكم السلااام ..
.. آخبااارج حبيبتي ؟
موزة : من معااي ؟
.. : افا ما عرفتيني ؟ خطيييبج المستقبلي
موزة : نننعم ؟؟ من تكووون حضرتك ؟
.. : افاا والله معقووووووله ولا تعرفيني حتى من صووتي الظاهر كان صووتي ذيج المره حااد عليييج
موزة : من انت ؟؟؟
.. : انا نااااااصر اللي عطيتيه كف ومن وراا هالكف بيخليييج تصيحين ندددم
موزة : نننننعم ؟؟ والله ما عااش اللي يصيحني فااااهم ؟؟
.. : ههههههه ما عليييه يصير خييير بعد ما نتزووج اروويج من بيصييييح ..
موزة نرفزت : جببببب جبببببببببب ~ سكرت الفووون
فهاللحظه سلامه وعويش سمعوووا موزة يوم تصاارخ فجن الباااب
وموزة من الغيض والقهر فرت الفووون ع اليداااااار وطااااح
شمسه طلعت من غرفتها تشووف شوو صااير وسهيل وهو ماار لاحظهم ووقف يطاالع
شمسه : اففف منوو هااا اللي مضيجبج لهالدرجــه ؟؟ شوو سااالفته ؟
موزة تمت تطااالعهااا بحرررقه وسلامه لاحظت ان مووزة معصبه وفهالووقت ممكن تتهور وتسوي اي شي راااحت وصكت الباب فويه شمسه
شمسه تلف ع سهيييل : ججججفت اقوولك هااي اختك قلييييله ادددددب ما تستحي ع ويهها
سهيل وده يضحك بس حااابس ضحكته : والله تبين الصدق تستاهلين محد قاالج تتدخلييين فخصووصيااتها ~ قفابها ورااح غرفته ..
~ ~ ~
سلآمـه : موااازي بلااااج ؟ شوو استوووى ؟
موزة تمت سااكتـه وهي تطالع الارض وعيوونها مليانات دمووع
عايشة : مواااز حبيبي شفيييج تصيحين ؟
هني موزة غطت ع ويهها وتمت تصيييح
سلامه ترص عليييهاا : رممممسي شوو فيييج ؟ اصلا انتي من ييتي كنتي مقهوورة شو استواالج ؟ شمسه شي سووتلج ؟
عايشه : قوومي مووزة غسسلي وويهج ..
راحت موزة الحماام وغسلت ويهها
وردت وخبرتهم سالفه نااصر واتجاهلت سالفه شمسه وقربها لسهييل
سلامه : معقوووله من وييين ياااب الرررقم الله ياااخذه
عايشه : حيييوااان واااحد هاا شوو ناااوي عليييه ؟
سلامه : والله ما تهمنا نيته بنراوويه شغل الله
راحت سلامه صووب الفووون اللي فرته موزة وحاولت تركب البطااريه وتشغله ..
فصت ع الزر : ياارب يشتغل يا رب يشتغل
موزة : شوو تبييينه خليييه يوولي اصلا انا بغير رقمي وفووووني
سلاامه : اففف ماا فج ..
فجآه اشتغل الفوون
سلاامه : اشتغل الحمدلله .. والله يا مووزة مب انتي اللي بتغيرين رقمج اوووكي ؟ اهوو اللي بيوقف وما بيتصل مره ثاانيه بس اصبري شووووي
ظهرت سلامه برااا ..
مووزة : سلاااامي خلييييييه يوووولي
عويش : لا خلييه برااايه خل تأدبه .. خخ"
~ ~ ~
سلامه تدق باب غرفه سهيل اللي قااعد ع السرير يلعب بفوونه
سهييل : منوووووو ؟
سلامه : انا سلااااامي
سهيل : دخخخلي زييييين
سلامه تدخل وهي ماسكه فوون موزة و سهيل رافع حايبه باستغراااب
خبرته سلامه بكل السالفه بس ما قالتله انه ناااصر
سهيل : زيين ليش يايين تخبرووني انا خبروووا سعيييد
سلامه : طططططع وانا منتفشه بعمري قلت هذاا السند هذاا الرياال اللي بعتمد عليييه ماالت عليييك
سهيل : ههههههههههه زيين لييش معصبه ؟؟
سلامه : مااشي خلااص ..
فجآه رن الفوون
سلامه : سهييل رد رد هذاا هوووو
سهيل يشل الفون من عندها : آلووو
ناصر : الووو هلاا والله
سهيل : من ؟؟
ناصر لاحظ ان الصووت صووت رياال : آآحم من انت ؟
سهيل : يا سلام انت متصل وتسأل من انا ؟ انا اللي اسأل منوو انت ؟ شتبي حضرت جناابك ؟
نااصر : احم ولا شي اسمحلي اخووي غلطااان فالرقم
سهيل : ايي غلطاان هالمره بس المره اليااايه اذا تصلت حتى لوو غلطاان لا تلووم الانفسك مفهوووووم ؟
ناصر : مفهووووم . .
سكر الفوون عنـه ولف ع سلامه
سلامه : وييي ها اللي قدرت عليييه ؟ انا قلت بتسبه بتهزئه بتقووله يالحقيير وماادري شوو ماالت عليييك اوونه لا تتصل وماادري شوو
سهيل : ههههههه اسسسسمع هاااي اقوول يالله منااك
سلامه : والله وانا مصدقه عمري فيييك ماالت علييييييك يوم الا جييه بيرد يتصل
سهيل : والله خليييه يتصل وشوفي شوو بسويبه ان اتصل خبريني اووكي ؟
سلامه تكشخ : هههه اووكي يا سلام عليك والله الحيين عيبتني
سهيل رافع حايبه : لا والله ؟ يعني من الصبح مب ماالي عينج ..؟ اقوول طلعي براا يالله ..
سلامه : هههههههههههه ..~ طلعت براا
رااحت صووب غرفة مووزة ودخلت
سلامه : هاا دوووج ما بيرد يتصلبج مرره ثااانيه وان رد اتصل خبريني وانا بروويه السباااال .. اووووووه نسسيييت ههههههههههههههههههههه
عووويش : ياا حمااره لييش تنسييييييين ؟ روووحي خخخ
موزة تطالعهن ولا فاهمه لهن : شوو السااالفه ؟؟
عويش : قلتلها تييبلي عصيير ونست هههههه صح سلاامي ؟
سلامه تصاصر عويش : الله يغربلج ما لقيتي غير العصير مب متفيجه اييبلج الحيين
عويش : ههههه روووحي رووووحي
~ ~ ~ ~
طلعت سلامه من الغرفه ورااحت صووب سهييل
دخلت الغرفه
سلامه : سهيييييل حبيييبي
سهيل يناظرهاا :شووو ؟
سلامه : ممم تدري الييوووم عيد ميلااد مووووزة
سهيل : انزييين ؟
سلامه : شوو انزين يعني طلع بووكك ويالله رووح اشتريلنا كيكه كبيره وحلووه جيييه
سهيل : على عيني مدااام سلامووه اللي طالبه لااازم ولو ما تنفذ نروووح فيييهاا
سلامه : شوو تقصد ؟؟
سهيل : ولا شي حبيبتي ما اقصد شي انجلعي انتي الحييين وفكيني منج
سلامه : ههههه مالت عليييك والله .. يالله برووووح
ردت سلامه صووب غرفه موزة وقبل لا تفج الباب تذكرت سالفه العصير
سلامه : اووووه العصييير نسيييييته .. ما اغباااني خخ
نزلت سلامه تحت صووب المطبخ عشان تييب العصيير وتفاجأت بحاارب فالمطبخ ويرمس فالفوون
حآرب : ههههههههه والله انتي خببببله شوو هالحركه ؟ .. لالا انتي صج مينووونه .. اقوولج انا بسكر عنج الحين حبيبتي عقب بتصلبج اوووكي ؟ ~ سكر الفوون وهو قايم شااف سلامه تطالعه بشك تم يطاالعها وسلامه حست بعمرها ونزلت عينها
راحت سلامه صووب الثلااجه تطلع العصيير وحارب تم وااقف يطاالعها وهوو سااكت وحب يجووفها اذا اهي فضوووليه ولا لا
حارب : احم .. بطلب منج طلب
سلامه : آآمر ؟
حارب : اللي سمعتييه تووج مابي احد يدريبه تماام ؟
سلامه : تمااااام اصلا انا ماسمعت شششي
حاارب : اهاا .. طلع براا
شلت سلامه العصير وراحت فووق ~
~ ~ ~ ~
cut



آخر من قام بالتعديل غزآله مآتنصآد; بتاريخ 07-11-2011 الساعة 02:43 PM.
الإشارات المرجعية

يا حبيب الروح بكتبلك وصاتي أن غديت اليوم في حبك جتيل / بقلمي

الوسوم
اليوم , الروح , بكتبلكـٍ , يتيم , حبيت , حبكـٍ , عديت , وصـآتي , كتاباتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
أستفسر , أسأل , أطلب معلوماتك هنا إنڛسڪآپ ﭼـِنۈن ! سياحة و سفر 600 06-07-2014 04:04 PM
بنات الرياض / كاملة َفٍلسَِفٍة جَرٍحِ روايات كامله - يتم نقل الرواية هنا بعد اكتمالها 22 24-09-2012 02:37 PM
برد و جفا و نسمة هوى / كاملة دموع يتيمة روايات كامله - يتم نقل الرواية هنا بعد اكتمالها 89 16-03-2011 01:45 PM
تجديد / رابطة مشجعي نادي القرن الآسيوي..هنا هيووفه الهلاليه كووره عربية 1999 30-09-2010 01:00 AM
قصة رومنسية ولا أروع / كاملة رمشة العين ارشيف غرام 47 01-06-2008 06:21 PM

الساعة الآن +3: 05:47 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم