يابعد عمري يانوير << ممنوع الدخول لصغار ال

[! الزين يفرض نفسه !]

السلام عليكم<< وعليكم السلام
تسيف حالكم حلفت كل واحد في مكانه
<<< بسرد لكم رسالتي لحبيبتي نويروووه<< اموت على الدلع:040104_emI2_prv:

هذي رساله لحبيبتي نوير واقول لها اين انتي ايتها السبهه

لو تعملين كم أحبك حب ماحبة قيس لليلاءُ .. ولا عنترة لعبلة


مداخله(والله لولا الحياء وأخشاء وأخاف الملامة .. لأمشي وراك وأتبعك وازرع في قلبي ابتسامة <<<:14bnbvmb2:


آهـ يا نوير تذكرين يومنا على جال الغدير ومغطسة رجلينتس وتطلع شهبا عقب الطين .. تذكرين يوم كنا في بيت عماني الشعبي وكنتي لابسة قميص اصفر محبب من كثر الغسيل <<<< :D
وجيتيني وقلتي يالزين قلت لك يالبية احسبك تبين تقولين لي كلمة حلوه في هالقايلة اخرتها صرتي تبيني احك ضهرتس :هع:



تذكرين يانوير يوم تنشبين لي في حوش بيتنا وتقولين خلني اركب السيكل واقولك مايصير عيب البنت تركب سياكل العيال .. قلتي ماعلي ابي العب يوم جلستي خمس ساعات على المرتبة.. ونزلتي الى المرتبة منعفطة



تذكرين ايام ماكنت اجي وأطق عليكم الباب وردت علي امك وانحشت من الخوف .. لانها دايم تطردني من بيتكم
تراني كنت اجي علشانتس مهوب عشان أخوانتس هالشيون اللي مايدرون وينها معه

تذكرين يوم كنا نلعب بالسطح بوبي وانقعد نتخمخم وانتي تحسبينها برائة اطفال .. لا تراني وقح وانتي سبهه ماتدرين وش السالفه


تذكرين يوم تلقيني منبطح(ن) بالحوش وقاعد احارش النمل .. وتقولين لعبني امزاكي وش عشاكي مريقيقة ولا كبدة حاشي :rolleyes:

يوم شقلتس وطقت عروقي وجاني مشع بظهري من سبتس .. تراني الحين امشي على جنبك كله من امزاكي ذاك اليوم


تذكرين يانوير يوم كنا نجمع قفول الطبلون حقت العمارة اللي جنبنا ونقعد نلعب فيها كانها كاميرا .. وانتي تدفدفينن تقولين لا لا تطلع وجهي


تذكرين يوم أكشخ قدامك ذاك اليوم وأحط السحلي داخل افمي<< الله يقرفك:002:

يقالك فتوة ويعض لساني وتطقني اللتغه عقبها ليومك صرت انظق الراء هاء


تذكرين يانوير يوم كنا نرن جرس بيتكم وننحاش نتوزا بالمستودع حق بيتنا بغيت اقولك بس وش هالدلاخه ندخل البيت ونصك الباب وأنتهت المشكلة وشوله المستودع نوير تذكرين يومنا في المستودع كنت دايم اطيح طاقيتي وأنتي تدنقين تجيبينها ياعمري وانتي سبهه ماتدرين


تذكرين يوم ترسلينن للبقالة عقب ماكبرتي وصرتي تلبسينن برقع وتقولين جبلي بسكوت ديمه وعصير طمام الساعه 4 الفجر يوم رجعت للبيت ويترفش في بطنتي اخوي :fair:


أيام حلوة مرينا فيها يانوير ماتنسي .. نوير اه مازلت الى هذا اليوم وأنا مغرم بك وبمفاتنك .. صدقيني لو بغيتي اشرطة عيسى الاحسائي كلها مستعد اعطيتس اياها .. بس ارجعي من العليا وتعالي لمرتعتس الأساسي



مازال في مخليتي لك ياعزيزتي طعوس من الذكريات .. لايسعها لا ورقة ولا مرسم
ومازلت امتلك من الذكريات ذالك المنديل اللذي تبقى منه كثبانتس اليابسه . وسعابيلتس المالحه
نوير
تذكرين يوم نروح لملاهي الربوه ويودينا أخوتس على الدتسن اللي ما لها حوض وناطلنا بآخر المرتبه ومع طول الطريق من المعذر الين حي الورود نمت ونسيتوني ورا وأنتي نزلتي وخليتيني لحالي يالزلابة والعرق يصبصب ماقمت الا يوم الجمعه :001:



تذكرين يوم يجون بنات خالتك من الديرة وتتنيفشين عندهم يقالك انك بنت الرياض اللي مابعدها احد اللي في وقتنا الحالي طاقة اللثام والكحل ماخذ لفة كاملة على راسها
والشدو مختلط مع نص عينها . ويسئلونتس وين تدرسين فيه قلتي لهم ادرس بالشيراتون . ماتدرين أن الشيراتون مدرسة عيال اصلا :هع:



كم تمنيت اني اصير زي رشدي اباظه ولا عبدالحليم حافظ واعيش زيهم لاكن لاحياة لمن تنادي ..:103fhdhdg:


اه اه يانوير اين انتي الان اني ابحث عنتس في كل زباله وحوض ددسن وكل سطح يمكن اشوفتس مع الحمام متربيه اه اه يانوير


وآنا يانوير مازلت على وعدي لك بالزواج العرفي مكتوب على مقفى كرتون منديل الملحق ... وشهر العسل اسبوع في جيان ..

رحلتي ... ورحل كل الحب معتس ورحل
ذالك الحب العذري الطفولي القذر :icecream:




اني لازلت ابحث عنتس ايتها السبهه:040104_emI2_prv:


الفواد من الموضوع

1- كل الحتسي اللي فوق ترا تسذب في تسذب:002:
2- كثيراللي مر عليهم مثل الخيال <<< يوصيكم لا تهورون
3- كالعاده لرسم البهجه علا خششكم :f55:
4- ذي النقطه هديه لاول واحد يرد


تحياتي
محبكمـ
الزين يفرض نفسه

[ღ همسات دافئه ღ]

داريييين انه تسذب في تسذب
بس بصراحه حبك لنوير حب ولا قصص الحب
اقول وراء ما تالفها قصص وتنشرها
بتنافس بنات الريااااااض
هههههههههههههه
يسلمووووو على هالرساله بس فضحت البنت
نازل فيها سب

سلم لم

[! الزين يفرض نفسه !]

المشاركة الأصلية كتبت بواسطة همسات دافئه

داريييين انه تسذب في تسذب
بس بصراحه حبك لنوير حب ولا قصص الحب
اقول وراء ما تالفها قصص وتنشرها
بتنافس بنات الريااااااض
هههههههههههههه
يسلمووووو على هالرساله بس فضحت البنت
نازل فيها سب

سلم لم

ههههههههههههههههههههههههههههههههههه
ههههههههههههههههههههههههههههههههههههه
<<< من سؤ حضه هموووسه اللي افتتحت الموضوع بردها
<<< ترا فاطس ضحك بس ما يبي يبين انه يضحك


باختصر الرد


يسلمو121451 مليون على المرور
تحياتي
محبكمـ
الزين يفرض نفسه

[!i! رزين العقل !i!]

تذكرين يانوير يوم تنشبين لي في حوش بيتنا وتقولين خلني اركب السيكل واقولك مايصير عيب البنت تركب سياكل العيال .. قلتي ماعلي ابي العب يوم جلستي خمس ساعات على المرتبة.. ونزلتي الى المرتبة منعفطة


هههههههههههههههههههههههههههههههههههههههه


وربي حلووووووووووووووة

الله يرجك ياشييييييييييخ

[♪ غَالِي الأَثْـoـَان ♪]

ابشر اذا لقيت نوير ابعلمك بس وشلون اعلمك خخخخخخخخخخخخخخخخخخ
انا اعجبني اللي في بداية القصة العاطفية <<< بالحيل

مداخله(والله لولا الحياء وأخشاء وأخاف الملامة .. لأمشي وراك وأتبعك وازرع في قلبي ابتسامة

<< كيف نخفي حبنا والشوق فاضح

تحياتي