اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 381
قديم(ـة) 20-01-2012, 07:15 PM
صورة ظميانة عشقهY الرمزية
ظميانة عشقهY ظميانة عشقهY غير متصل
©؛°¨غرامي نشيط¨°؛©
 
الافتراضي رد: أنا الشموخ ومارضيت البهاذيل كسرت خشم الوقت من قو ذاتي / بقلمي


اقتباس:
المشاركة الأساسية كتبها 3ooody مشاهدة المشاركة


صباح الخير والكاديـ
والحمدلله ع سلامتك


مشكوره و يعطيك الف الف عافيه
ع البارت الجونان


جازي : مخططه ع شي كايد دام ابو فارس معها

ناصر وشهد :لا في تقدم بينهم ان شاءالله للاحسن

خالد : جدك مخطط يخطبلك الجازي والله العالم شنو تسوي جازي
لاتجيب العيد , شخصيه رائعه
ومتحسس بعد من موضوع مرضاه الله
يعينك ولا عصبيته ع نواف والي معه احسن خلهم يتأدبون


نواف و محمد هالمتنحين استحو ع وجيهكم احفظو مايقى من ماء وجيهكم
وبندر الفاهي هذا حاله بحد ذاته لاحد الحين ماصحى من غيبوبه الغرب


عزيز : شكله نوى يطلق ناديوه << ياسماجتها بس

مشعل : شنو صايرله رافض ياخذ ريم ولا ع قوله دانه يحب مع
اني ماتوقع انه يحب << بنتظار شو راح يصير



بنتظار ابداع قلمك

لكِ ودي وآحترآآآآآآمي

تقبلي مروري

♥3ŏǾŏďỳ☺




مساء الورد....
ربي يسلمك يارب....
ربي يعافيك يارب....
تسلمي ياذوق...



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 382
قديم(ـة) 20-01-2012, 07:17 PM
صورة ظميانة عشقهY الرمزية
ظميانة عشقهY ظميانة عشقهY غير متصل
©؛°¨غرامي نشيط¨°؛©
 
الافتراضي رد: أنا الشموخ ومارضيت البهاذيل كسرت خشم الوقت من قو ذاتي / بقلمي


اقتباس:
المشاركة الأساسية كتبها أحسكَ معِي مشاهدة المشاركة
السلام عليكم ..
الحمد لله على السلامه ..
ويطيكي ربي الف الف عاافيه ..
على البارتيين مررررره رووووعه ..
تسلم يدينك خيتووووو ...
وننتظر بالبارتات الجايه ..
وعليكم السلام....
وربي يسلمك...
والله يعافيك يارب....
وربي يسلم يدينك....



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 383
قديم(ـة) 20-01-2012, 07:19 PM
صورة ظميانة عشقهY الرمزية
ظميانة عشقهY ظميانة عشقهY غير متصل
©؛°¨غرامي نشيط¨°؛©
 
الافتراضي رد: أنا الشموخ ومارضيت البهاذيل كسرت خشم الوقت من قو ذاتي / بقلمي


اقتباس:
المشاركة الأساسية كتبها بلقيس() مشاهدة المشاركة
السلام عليكم
روااااااايتك '
ابدااااااااااااااااااع
والجاازي تعجبني بشكل غير طبيعي 
وريييم يرفع ضغطي ظعفها وبرودها 
وسسلطاان ياااملحه اهم شي اذا دافع عن الجاازي
وفي انتظاااار البااارت ع احرر من الجمرر
واشكررك ع الروايه الاكثرر من رووعه 

وعليكم السلام.....
تسلمي يارب...
ربي يعافيك على المرور الحلو....
تحياتي لك...



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 384
قديم(ـة) 20-01-2012, 07:20 PM
صورة ظميانة عشقهY الرمزية
ظميانة عشقهY ظميانة عشقهY غير متصل
©؛°¨غرامي نشيط¨°؛©
 
الافتراضي رد: أنا الشموخ ومارضيت البهاذيل كسرت خشم الوقت من قو ذاتي / بقلمي


اقتباس:
المشاركة الأساسية كتبها وش صااار !! مشاهدة المشاركة
الباااارت حلوووووو

بس مافيه اكشنات كثير < 

ربي يعطيك العافية
تسلمي يارب....
ان شاء بالبارتات الجايه....
الله يعافيك....



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 385
قديم(ـة) 20-01-2012, 07:23 PM
صورة ظميانة عشقهY الرمزية
ظميانة عشقهY ظميانة عشقهY غير متصل
©؛°¨غرامي نشيط¨°؛©
 
الافتراضي رد: أنا الشموخ ومارضيت البهاذيل كسرت خشم الوقت من قو ذاتي / بقلمي


اقتباس:
المشاركة الأساسية كتبها أتعبني الجرح مشاهدة المشاركة
حركات بر وتخيم عسى بس تعطستي
أحم أحم نسدح التعليقات
شيختنا {جويزي}: هههههههههههه لو تدري أن يخططون يزوجونها والله ثم والله تقلب الموازين

سلطون:يالبى الرجال بس

نايف:ابي اعرف قصتة مع صاحبه

وليد:أخييراً عقل

خويلد:حبيته شخصيته روعة

عزيزوه:شكله الدلخ يحب جويزي

نويصر و شهد:هع زين عقلتوا بس يمنت يععصب اذا عرف انها كانت تبي تنتقم منه

طلول:ياحسرت قلبي عليك وهذا انا اقول في عرسكك بجيب حامد زيد يعبر عن خفوقك أثري ياأخوك ماراح تأخذها

الجد:ماتوقعت أسلوبك كذا لاتجبرهم كذا تضيع حياتهم

دنو:الخبله تحب عزيزوه اه لوتدري ان الاخ يعشق جويزي كان تصير علوم

مشعيل:أخخخ كنت اتمناك لريم بس دامك ماتبيها براحتك

ريم:ارفضي مشعل ارفضيه تكفيييييين

ابو فارس: حاسة بشي كايد راح يسوي

مشكوره يً قلبي على البارت الروعة ولايغرك سكوتي اني ما سألتك وين البارت حبيت يً الغلا تأخذي راحتك لان كلن وله ظروفة فديتك يَ سر الابداع وه بس

هلا وغلا...
أفا عليك....
أخذته طول بعرض....
يسلم لي الذوق يارب....
وعساني كلي فداك....



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 386
قديم(ـة) 20-01-2012, 07:25 PM
صورة ظميانة عشقهY الرمزية
ظميانة عشقهY ظميانة عشقهY غير متصل
©؛°¨غرامي نشيط¨°؛©
 
الافتراضي رد: أنا الشموخ ومارضيت البهاذيل كسرت خشم الوقت من قو ذاتي / بقلمي


اقتباس:
المشاركة الأساسية كتبها بقايامعلمه مشاهدة المشاركة
مبـــــــــدعه بجد
الله يسعدك عوضتي غيابك ببارت روووووعه يسلمووووووووووووو
تسلمي يارب....
ويسعدك يارب....
ربي يسلمك....
ان شاء الله....



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 387
قديم(ـة) 20-01-2012, 07:26 PM
صورة ظميانة عشقهY الرمزية
ظميانة عشقهY ظميانة عشقهY غير متصل
©؛°¨غرامي نشيط¨°؛©
 
الافتراضي رد: أنا الشموخ ومارضيت البهاذيل كسرت خشم الوقت من قو ذاتي / بقلمي


اقتباس:
المشاركة الأساسية كتبها بششْاير عبدالعزيز =$ مشاهدة المشاركة





بآرتَ جميلَ
تدرينَ آبي آلججآزيْ ل عزيزَ بععد مآيطلقَ نآديههَ
ومشععل غصب غغَصب خلَ يآخذَ ريمْ ق1
نآصر وششْهد آلله يدومهآ ععليكمْ
خآلد لوَ شذى آصصغر مَنه ككآن ققلت يآخذهآ
بسس بمآ آنهآ آككبر منهَ يآخذ دآنه آو وححده من ششلتهآ

حضورك أجمل...
أشكر مرورك...



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 388
قديم(ـة) 20-01-2012, 07:28 PM
صورة ظميانة عشقهY الرمزية
ظميانة عشقهY ظميانة عشقهY غير متصل
©؛°¨غرامي نشيط¨°؛©
 
الافتراضي رد: أنا الشموخ ومارضيت البهاذيل كسرت خشم الوقت من قو ذاتي / بقلمي


((24))

كنت قاعده أتنافض من الغضب....وعيووني على أخواني....المتوترين وهو يسولفون يبغون يزيلون الغضب مني....بس
شيطفي ناري اللي شابه بجوفي؟....أبغى طريقه أتصرف فيها مع الانسان البليد الحس....جيته بالشده ومانفع....سفهته
وطنشته وسكت عنه....تمادى يحسبه ضعف مني....بس بعيده عنك....والله هالأسبوع باذن الله بكون بحضن
امي...خاصه عقب فعايله اللي تسود الوجه.....ناظرت نايف وعيونه الفضوليه....أدري بيسألني عن موضوعه....زفرت
بضيق...وأشرت له بعيوني... يلحقني...مابغى سلطان ونايف يسمعوني....الحمدلله جدي أبوفارس وعدني يحل
مشكلته...عسى ضميره يرتاح....ناظرت وليد وسلطان وسوالفهم التافهه.....طلعنا انا ونايف....قلت بضيق:نايف خل نطلع
نتمشى حوالين البيت شوي.... أحس نفسي مكتومه....وأقولك الموضوع....
قال بلهفه:يالله.....
نزلت أنا ونايف....ناظرت الكل بنظره...وهم يناظروني بترقب....فتحت الباب....وصرخ ناصر:أنتي هيه وين
رايحه؟....
ناظرته ببرود:لجهنم....عندك اعتراض....وباستهزاء وانا أهز يدي....والا تبغى تخاويني....حياك معنا....
صرخ وهو يناظرني بعصبيه:جهنم تسعر فيك....ياقليلة الأدب....والله لأقص لسانك....وروحه على عنادك....والله الدمام
تنسينها من بالك...... والله ماتطبينها لو تموتين....وارجعي انثبري بغرفتك......
قلت بعصبيه:أقول لاتحلف...ترى ينكسر حلفانك بعدين....وباحتقار..أجل أبدأ صوم من الحين...لأني رايحه
رايحه....وبيت خالي اللي ضفني طول عمري...وبصراخ...ضفني يوم رميتني....والله لأردله.....
قال نايف بضيق:جااااااازي خلاص....يبه هد الله يخليك....حنا بنروح نتمشى حوالين البيت شوي.....
قلت بقهر:ليه تقوله؟....وليه خلاص يانايف؟....شافني سكت له شوي...وقال خلاص بتمادى...كسرتها...لاوالله بعيده
عنه....والله بعيده عنك.......وبصراخ...تسمعني....
قام ناصر وهو يجيني بعصبيه....وسلطان ووليد اللي انزلوا....تصنموا...ونايف وريم وقفوا بوجهه....ريم برجا:يبه تكفى
خلاص....يبه تكفى....هد نفسك....
زفر ناصر بضيق....وأنا صرخت:ريم بعدي....لاتتدخلين....أقولك بعدي....
بعدتها بعنف عني....ووقفت قباله....وبصراخ:يكون بعلمك....ترا فاض فيني الكيل منك....وأقولها مرة ثانيه....
وبتهديد...ولأخير مرة.....تجنب غضبي...والا برب هالبيت....ضربت الطوف اللي بجنبي بقوة....وعيوني بعيونه
بقوة بتحدي....ليصير اللي مايصير....وبصراخ....وأمي ابغاك تمسحها من بالك....تسمعني....
صرخ بقوة:جب....وغصب عن خشمك بردها....بالأول كنت ابغى أضفكم....بس هالحين عناد لك....والله لأكسر
راسك....وماخذها ماخذها....وبتحدي....وقريب بتكون ببتي....وفيك خير تكلمي....
هنا ناظرته وأنا أحس جسمي ولع نار....قلت بصراخ:تحلم...وربي تحلم....وبحده...لا تحدني أملك لها بكره...والله
أسويها....اذا انت مجنون مرة....فانا مجنونه ملاييين......
هنا صرخ بعصبيه:سويها....وشوفي شيصير؟.....
قلت ببرود وأنا أشوفه يرجف من العصبيه:ورب الكعبه....واللي خلقني وخلقك....فكر بهالموضوع مرة ثانيه....او تجرأ
واخطب أمي....وبحده....برب هالبيت....لأزوجها من صباح ربي....وأنا وسلطان تحلم تشوف وجيهنا....ولو تموت
ماتلقانا....وناظرته بحده...واظن أنك عرفتني عدل....وبهدوء...وأنا أشوف عيونه المولعه نار.....صدقني مو مسكتني
عنك...الا أخواني اللي يجمعوني ويجمعونك....هم اللي بينا....وبحده.... هذا الشيء الوحيد اللي مانعني عنك....بس
لاتستغل هالشيء كثير....ولاتقرب لأمي أبد...لأني عندها بخرب السالفه كلها....وأقلب الدنيا فوق راسك....فلا تخلينا
سالفه للناس....وشماته لهم....وبكره يعايرون أخوي فيك.....يقولون أخته أذبحت اللي ينقاله ابوهم......
ناظرته وهو متجمد.....ناظرني باحتقار....وطلع بعصبيه من البيت...زفرت بضيق.....قالت ريم بضيق:أنتي حرام
عليك...ليه سويتي فيه كذا؟....
ناظرتها ببرود:مالك شغل....
حسيت بنظرات الكل علي....ناظرت عيون نايف اللي تلومني....وصديت....قال جدي بضيق:جازي تعالي عندي....
مشيت وسلطان...ماسك يدي بخوف...وجلست....قال جدي بضيق:ليه يايبه كذا؟....ترا ربي بيحاسبك بعدين...وبالم...مو
حرام أبوك طلع منكسر كذا......وباستغراب...ولارجع أمك...وشفيها؟....والله اني فرحت لما قالي....وهو يبغى
يجمعكم....يابنتي اذكري ربك...وخلي أبوك يرجع امك....وتجمعوا.....وتعوذي من ابليس.....بكرة أنتي نصيبك بيجي...
وريم ان شاء الله....وأمك بتظل بروحها....لاونيس ولا أحد يرد عليها الصوت.....وأبوك ندمان ومتحسف... وما طلقها
الا وهو مغصوب....بعد ماراحت امك وخالك للمحاكم.....
كنت أناظره ببرود طول ماهو يتكلم.....قلت ببرود:قلتها بنفسك يايبه...محاكم....وعقب هالمحاكم والسوالف اللي
صارت....والسنين الطويله...وكلام الناس....بسهوله عقب ماشيبوا بيرجعون....لا واللي خلقني...الا على جثتي
يمكن....وبألم...وعلى شنو ترجع له؟....شنو تذكر منه يا يبه؟... تذكر الدلال والا الاحترام منه....ماتذكر اللي الضرب
اللي معلم بجسمها للحين....ماتذكر الا أيام الوجع والشماته من الكل...وأولهم عيال عمها....اللي أبوها عافهم...وبدى
ناصر عليهم....قال انا أشري الرياجيل....وعطاها يحسبه بيصون الأمانه...ويعزها ويقدرها....وباحتقار....بس اللي صار
العكس...ذلها ووصلها للموت يايبه....وبقوة...وأنا مرضى الذل لأمي...لو من منو ماكان؟......وبحسرة وانا أضرب
صدري....وربي يايبه....أني كل ما اشوف حسرات أمي ووجعها...تمنيت أنه مو أبوي....علشان أثور فيه.....ياكود
حسرتي على امي وأخوي تخف شوي....وبألم...بس وش أسوي؟....يدي تربطت....مابغى الناس تعاير سلطان
بكره...وتقول اخته ذابحة أبوها........
الكل سكت منصدم....وأنا جالسه وأحس النار بجوفي والعه.....قال سلطان وهو يحط راسه على رجليني:جوجو
لاتعصبين.....تبغيني أضربه....
حضنته وأنا أرفع راسه بقوة...وأنا أحس جوفي ولع سعير....قلت بألم:لاحبيبي....مانيب معصبه....
قال بضيق:خلاص...بس نروح لبيتنا...نقول لخالي ويضربه شرايك؟.....وبفرح...خالي قوي مايخاف....
قلت بحب:ياليت الناس كلها نفس خالك.....أو حتى ربعه....وبألم....ياليته أبو لنا بس.....ماكان ذا حالك....وحال أختك....
قال جدي بألم:لاتقولين كذا يايبه....ولاتظلمين ابوك....
قلت باستنكار:أظلمه ياايبه....أنا أظلمه....وبحسرة....انت اللي تقول كذا....وأنت أكثر واحد تعرف
بالموضوع.....وبحده...يبه أحلفك بالله ترضاها لبنتك....يسوي فيها رجلها....مثل ماسوى ناصر
بأمي....وبعصبيه...ترضاها لي....ترضاها لأدنى بنت من الناصر...يجرى عليها مثل اللي جرى لأمي....حطيت يدي
على لثمتي ويدي ترجف.....يبه لاتقول كلام انت مو مقتنع فيه أبد...لاتوقف مع ولدك بالغلط....
سكت جدي ووجهه شحب....وأنا طنشت....قال سلطان بغباء:جوجو...
قلت بهدوء:هلا...
قال بغباء:ناصروه يعرف أمي....
الكل ثبت نظره علينا....قلت بملل:لا....بس هو يبغى يخطب أمي....ويتزوجها....لكذا أنا عصبت عليه....
قال باستنكار:لا والله على كيفه....والله أمي ماتزوج....غير أبوي الله يرحمه....وبفرح....صح جوجو؟...
الكل شهق باستنكار...وأنا ضحكت...لأن ذا كلامي سلطان يكرره.....قلت بضحكه:صح ياقلب جوجو....شطور
سلطوني...وبسته بخده....
قال جدي باستنكار:لا غلط....أنتي ماتستحين.....مستانسه على أقوال أخوك.....لعن أبو دارك موتي أبوك وهو
حي....ولف على سلطان...أبوك مو ميت أبوك عايش ياسلطان....وناصر هو ابوك....
سندت ظهري على الكنب...وأنا ابغى أشوف رد فعل سلطان....اللي متأكده منه....وفعلا ثواني وصرخ:يخسى....مو
أبوي....أنا أبوي طيب....ويحبنا....ذا مايحبنا....ذا شرير وصخ...أنا ماحبه....وبثقه...أنا أبوي ميت....من زمان...
وبألم...الله يرحمه....وبفرح....جوجو تقول يشبهني....وكان طيب...ويحبني كثير...أكثر واحد بالدنيا.....وبفخر...أكثر من
جوجو وريم كان يحبني....وياخذني المسجد والألعاب..... وبألم...بس الدنيا والفلوس الوصخات....غيروه واخذوه
مننا...وموتوه....وبرجا...جوجو قوليلي قصة أبوي وأنا....وبثقه....وقولي قصته لما دافع عني....ومات علشان أنا ما
أموت...
ابتسمت بحسره له...وناظرت جدي المنصدم بألم....وناظرت ساعتي السودا الكبيرة....قلت بمرح:حبيبي رح
فوق...والحين اجي أقولها لك....وعلشان تنام...تأخر الوقت....
صعد سلطان فوق....قال جدي بعصبيه:ليه كذا ياجازي؟؟؟......للأسف بس.....
ووصلني صوته المقزز بالنسبه لي...وكله احتقار....وعيونه تقدح شرار...:لاتتأسف على شيء يبه....ولاتتعب
روحك....تراها فاصخة الحيا....بس ولايهمك....وراسك الغالي...لأربيها من أول وجديد......
قال جدي بخوف:ناصر ياولدي...
قال بضيق:يبه واللي يعافيك ويخليك....من اليوم ما ابغاك تتدخل بينا....من اليوم بربيها من أول وجديد.....
ضحكت باستهزاء....وجا وجلس قبالي.....وبتحدي:عزيز بكره بيوصلني فاكس...من أبو منصور اللي بالدمام....نطت
عيوني...وحسيت مصيبه بتصير....والأوراق أبغاك تحرقها....أوكي...."كان يناظرني بخبث...ويضغط على كل
حرف.."
ناظرني عزيز ببرود:تآمر ياعم....
كنت أبي أسأله اوراق شنو؟....خاصه ونظرته الخبيثه اللي يناظرني فيها....حسستني بمصيبه بتصير....فجأة شهقت
بصدمه....وطرأ على بالي شيء.....قلت بتهديد وأنا افز:قسم بالله اذا اللي ببالي...والله....
قطع كلامي صوت ضحكته العاليه وهو يصفق بقوة...:هههههههههه.....ممتاز....توقعت انك بتعرفين...بس مو بالسرعه
ذي....ناظرني نظرة غريبه....أهنيك بصراحه.....على ذكائك الحاد....وباستهزاء...صدمتيني مثل كل مره....
مسكني جدي بخوف:هدي يابوك...ناصر وش مسوي؟....
قلت بصراخ:مسوي مصيبه....مو كافي دمر حياة أمي واخواني....بيدمر حياتي......وبيهدم مستقبلي.....
قال بنذاله وهو يحط رجل على رجل:كيفي...حلالي...زوجتي وعيالي....وعساني أحرقكم.....ماحد له حق يتدخل...
صرخت بقهر:لا ياماما مالك حق...حقك خسرته من زمان....مالك حق عندنا....ولا لك عندنا زوجه....وتكتفت....الا حنا
اللي لنا حق عندك....وتنازلنا عنه....حتى حقوقنا اللي عندك.....انقرفنا منها.....ولو بيدنا....كان حتى دمك اللي يسري
بعروقنا رميناه......واسمك عن قريب بنغيره ان شاء الله....وبحده...ولولا شماته الناس...كان تبرينا منك....وافتكينا....من
الفشيله....
صرخ بعصبيه:أنا فشيله....أنا...
قلت ببرود وأنا احس ماعاد فيني طاقه اتحمله أكثر:ايه بالنسبه لي أنت فشيله.....وعار..و....
ماحسيت الا بكف قوي....لف وجهي....حسيت بطعم الدم بفمي.... ناظرت جدي بقهر...والكل منصدم....قال جدي بقهر
ويده ترجف:أنتي ماتهابين احد....ماتحشمين ولاتستحين....لعنبو دارك...أنتي من وشو مخلوقه؟...حتى ماحترمتي وجودي
ولا استحيتي..... وهبتيني.....تراه ابوك ذا.... مو عدوك.....
ناظرته بضيق:لا حشى عدو....حتى العدو أرحم منه.....وبألم....تضربني أنا يا ابو حمد....ماهقيتها منك أبد.....
وبحسرة...كبيرة منك كثير....كثير.....
قال بضيق وهو يجلس جنبي....:أنتي اللي حديتيني على كذا.....كلامك ماينقال.....
صديت عنه...وهو انصدم:تصدين عني يابنت ناصر....
قلت بضيق:مانيب بنت ناصر....ولا بعمري بصير.....ولفيت وناظرته بحسره...وعيوني مليانه دموع....وأصد عنك يا
يبه....مابقاك تشوفني وانا مكسورة....وأنت اللي كاسرني.....
حضني بقوة...وانا متجمده....وبضيق:ماعاش من يكسرك ابد....
قلت بحسره:ياليته هو ضاربني....ياليته....والله حتى الوجع ماكنت بحس فيه....ولا حرك مني شعره....
وباستهزاء...ياليتها ماجات منك...ياليتها.....
قال بضيق:اطلبي اللي يرضيك....اطلبي رضاوتك....والله لألبيك...لو ثمنها قهر ولدي...والا حياتي......
قلت بضيق:مالي رضاوة يابوحمد....وأنت ذالني قدام الكل....وأنت اخبر الناس بي....بعدت عنه وقمت.....وتوجهت
لناصر ووقفت قباله بغرور....تراك مو محلل...وربي بينتقم منك ان شاء الله ويبرد نار جوفي.....وبحده...واذا على
الدراسه....طز فيها....وباحتقار...تراه مو اسلوب رجال أبد.....الكل شهق وناصر طلعت عيونه....وباستهزاء...ياحسافه
بس....توقعتك أكبر من كذا...لا توقع اني انجبرت أقعد ببيتك....لا واللي خلقني...باتصال واحد مني...وكلمة
مني....هالبيت كله اهدمه وأطيح عمدانه...وأقلبه فوق تحت....بس لخاطر أخواني بسكت...مابيهم يعتازون
الناس....وباحتقار...تدري شنو اكثر شيء قهرني؟....
ناظرني بصدمه....وكملت باستهزاء:رغم كل أفعالك الشينه.....كنت أشوفك كبير....وياويل ويله اللي يجيب سيرتك
بالشينه....ناظرت عيونه اللي تلمع....وباحتقار....بس الحين مالي لسان ينطق...لأني ماتعودت أكذب....ولأنك صغرت
بعيني كثير.....كثير ياولد الناصر....يا حسافه بس....
صرخ ناصر بانفعال:أنتي ليه تكرهيني؟...
قلت بلا مبالاة :غلطان أنا عمري ماكرهتك.....الكل انصدم...وناصر علامة استغراب ملت وجهه.....قلت
باشمئزاز...أحتقرك يمكن...أشوفك مو شيء يمكن...أشوفك صغير فأكيد....بس أكرهك...يعني لك مكان
بقلبي.....وبضحكه استهزاء...حتى الكره استخسرته فيك للأسف.....لأنك ماتستاهل مني شيء...ولاتعني لي شيء....
جرتني شذى المصدومه:جازي اصعدي فوق خلاص....
بعدتها عني...وقلت بقوة:علمن ياصلك ويتعداك...بأنثبر بالغرفه....بس تعتب من عندها....يصير اللي مايصير...ورب
البيت لأروح للمحاكم....وأخلي سيرة الناصر على كل لسان....وتتعرض خالي من قريب أو بعيد....والله لأقلب الدنيا على
راسك....وأخرب الموضوع كله....للحين أنا حاشمتك من حشيمة أبوك وأخواني وبس....بس تتعدى لخوالي من قريب أو
بعيد....وبتهديد...والله لأقلب هالدنيا فوق راسك.....
شفت الصدمه انرسمت على وجهه ناصر...كملت بخبث:وترا حركتك صدتها....والسحر انقلب على الساحر.....وهذاني
حلفت...لاتحسبني بلا ظهر...غلطان كثير ياولد الناصر....ظهري قوي والحمدلله...ولو أقولهم أرموا أرواحكم بالنار بيرمون ارواحهم وهم يضحكون....وكلمتي ماتصير عندهم ثنتين.......فلا تحدوني أسوي اللي مايتسوى.....
ومشيت بغرور....وصعدت السلم...ولفيت لهم...وبغباء:ايه صح...انتظر نص ساعه وبيوصلك الخبر
الحصري...وباستهزاء....لأن أخبارك بايته......وبخبث....وشوي شوي على أعصابك....مو تنفعل كثير...ترا كلها وصخ
دنيا....
وصعدت وسط تشتيم ناصر...واستفسار جدي....وصدمه الكل....دخلت لقيت سلطان ينتظرني بسريره...وبس شافني قعد
يتحلطم:ليه تاخرتي؟....
ابتسمت بوجهه وأنا أطلع لي بيجامه....قلت بهدوء عكس النيران اللي شابه بجوفي:سوري قلبي....غمض عيونك وعطني
ظهرك......أبغى أغير ملابسي....
لف وأنا بدلت بسرعه...وسلطان كل دقيقه "يالله تعبت...ماخلصتي..."....
قلت بضحكه:يالله افتح عيونك.....اخذت لحافي...وحذفت نفسي على السرير.....قال بفرح:بتنامين جنبي....
قلت بهدوء...وانا دافنه وجهي بالمخده...ودموعي تسيل:ايه....
قال بدلع:يالله قولي قصتي أنا وأبوي......
فركت وجهي بالمخده....أبغى دموعي تروح....ورسمت على وجهي ابتسامه....وناظرت وجهه البشوش....واندسيت
بحضنه...وبديت أقص له القصه....اللي من سنين وأنا أقصها له....قصه تضحيه ناصر لعياله....وحبه الكبير
لسلطان...وأنه مات علشان سلطان يعيش.....ورجولته وأفعاله......وسلطان مستمتع ومفتخر بكل حدث....ومنصت بفرح
كأني أول مرة أقولها له.....أبغاه ينام بسرعه......



كنت أناظرها وأنا منصدم....وأناظر ابوي اللي يستفسر مني....اليوم وصلت حدي منها...هالبنت فيها بلا.....قطعني
صوت ابوي الحاد:ناصر وش مسوي؟......
قلت بصدمه وأنا أجلس واحط راسي بين يديني...شلون عرفت؟....مستحيل ماحد يدري....كيف عرفت....رفعت راسي
بذهول....وطلعت وانا متوعد فيها اذا صدق اللي تقوله....وبس طلعت اتصلت على مساعدي....وربع ساعه ووصلني
اللي خايف منه...ويثبت كلامها.....اللي سويته وكنت بأخسر فيه فيصل...انقلب ضدي....والخسارة انا خسرتها...كنت
أبغى أفلسهم علشان لا خطبت مايتجرأون يردوني....تذكرتها وهي تهدد فيني....دخلت البيت طاير...والكل بحالة
ذهول....
صرخت:ياااااااااااااازفت...
رحت بروح اتوطى ببطنها....مسكني أبوي بقوة:وين رايح؟...
قلت بقهر وانا ارجف:يبه اتركني...بربيها....والله اليوم موتها على يدي....
وقف نايف وريم قدامي بخوف...وريم تصيح....وأبوي ماسك يدي بقوة....قلت بعصبيه وعيوني جمرن:يبه اتركني...
قال بحده:مانيب تاركك...لما تقولي شاللي صاير.....
قلت بصراخ:يبه اتركني واللي يخليك....وبتهديد وقهر...وربي ذابحها ذابحها ربي لايعيق بشر....
ارتمت ريم بحضني...وأنا متجمد وهي تصيح:يبه تكفى هد خلاص....
زفرت بقهر وأنا ابغى طريقه أعذبها قبل لا أذبحها ذبحة الكلب.......بحياتي كلها. ماحد قدر يوصلني لذي الدرجه من
العصبيه ....يارب وش مسوي أنا بليتني بهالبنت؟.....قلت من بين أسناني وبصراخ وانا ابعد ريم بعنف:بعدوا
عني.....والله أذبحها....
ووصلني صوتها الحاد:يوووووووووووووووه....خير مافيه أحد يرتاح بهالبيت...أخوي نايم أزعجتوه......
ناظرتها بقهر...وهي طاحت عيونها بعيوني.....وضحكت بمرح:يوووووووووه ذا أنت اللي تزاعق......وباستهزاء...أجل
معذور.....زاعق ياماما....وقالت بنبرة تهبل....وهي تحط يدها على صدرها.....فرغ اللي بصدرك ياناصر....لا
تكبت....وبغمزة وخباثه....ترا الكبت مو زين.....بعدين تنفجر....
صرخت عليها:يازفت وربي لأوريك...والله لأذبحك....وحاولت افك يد أبوي مني.....والحين بأنفجر عليك.....
صرخ نايف:جازي اصعدي فوق...خلاص كافي....
قالت وهي تتسند على السلم....وحطت يدها على لثمتها....ورافعه حواجبها...وعيونها تلمع بخباثه:أفا يانايف.....تبغاني
أصعد...وأنا بأعظم انتصاراتي......وحطت يدها على قلبها....وأسعد لحظات حياتي........
صرخت بقهر:والله لأقصر حياتك......الله لايخليني اذا خليتك.....
صرخ ابوي:جاااااااااااازي اقصري الهرج...وروحي لغرفتك.....
ماردت...وهي حاطه عيونها الواسعه بعيوني....وبخباثه:الا صدق ناصر...وشو شعورك لما دريت باللي صار؟.....
صرخت وأنا أحاول أفلت من أبوي: والله لأجي أدفنك......
قالت وهي تناظر ببرود:نعم نعم....لا ياماما العب على قدك يابن الناصر...وترا اللي صار ماهوب الا قرصه اذن...كنت
أقدر أسوي اللي أكبر...وأظن أنت تأكدت من ذا الشيء......وبضحكه.....وتعيش وتاكل غيرها.....وبنغزة ترد
حركتي.......بس تصدق صدمتني....توقعتك تعرف بالموضوع أسرع من كذا....هزت راسها بأسف....
للأسف.....انصدمت بذكائك...توقعتك اذكى من كذا....
صرخ أبوي بقوة:بس...
الكل انصدم وناظرته بارتباك....أبوي مايتكلم بهاللهجه ذي....الا اذا عجز يتحمل....ترك يدي بعنف...:أنتم
ماتستحون....بزران انتم....ولا بينكم عداوة.....
قلت بضيق:قولها....ماغير تغلط وتجرح....وبضيق...والله يا يبه انها نكدت حياتي......
قالت وهي تتكتف:أجل ودنا لأمي وفك نفسك.....من نكدي....وارتاح......
قلت بصراخ:بعيده عن خشمك....وربي الدمام تحلمين فيها حلم.....لو اشوفك جثه قدامي...ماتركتك تاطينها.....
صرخ أبوي:وجع....بس...انتم ماتعرفون تسكتون....قدامي للمكتب....
ناظرتها بقهر...وهي تنزل بغرور....ناظرتني بقوة...وعيونها تلمع...غمزت لي بخبث...وأنا رفعت يدي بضربها.... بس
صرخ أبوي:نــــــــــــــــاصر....
ناظرتها بقهر...وأبوي بعصبيه:جااااااااااازي بلاش حركات بزران....والا تبغين تنضربين اليوم...
قالت بضحكه:لاتخااااااف.....وباستهزاء...شكل جلدي تعود على الضرب.....وصار يحكني....
ومشت للمكتب....ناظرتها بقهر....وشفت ابوي اللي يناظر يده بقهر.....ودخلنا وجلسنا....الكل ساكت....قال أبوي:وش
السالفه؟....
بلعت ريقي....ماني متجرأ أتكلم.....شفت ابتسامتها الملتويه....وحسيت الدم تفجر بعروقي.....ناظرني ابوي
بعصبيه...وناظر الجازي....وبحده:تكلمي الجازي وش السالفه؟....
رفعت راسها...وناظرتني بنظرة غريبه....وبعدها ناظرت ابوي بنفس النظرة....وهي ملتزمه الصمت....زفر بقهر:أدري
فيك زعلانه وماتبقين تكلميني....لف علي....وبحده وجديه...ناصر تكلم؟....
قلت بارتباك...وأنا أعرف طبع أبوي:هااه...لا..ما....ناظرتها وشفت ابتسامتها الواسعه وانقهرت.....قلت بعصبيه وأنا
أبغى أضيع السالفه.:أنتي ليه تضحكين؟....مهبول قدامك.....
ناظرتني بنظرة كلها براءة....صرخ أبوي:بعذرها تضحك...وأنت كنك بزر...واول مرة ينطق....
حسيت ان مالي مفر من قول الحقيقه.....قلت لأبوي كل شيء.....الصفقه اللي كنت بأضرب فيها فهد...علشان
يفلس....كنت أناظر وجهها المبتسم وهي تلعب بأصابعها بلا مبالاة.....ونظرات ابوي الجامده.....قال أبوي
بجمود...:خلصت...
هزيت راسي بايه....وصلنا صوتها الهامس المسموع:باقي....
انصدمت من انها تكون عارفه السالفه الثانيه....وربي أبوي بيذبحني....قال أبوي بحده:كمل....
قلت وانا أبلع ريقي...وأدعي ان الله يكذب ضني....لأول مرة أخاف...وربي خفت وأنا أناظرها....وعرفت ان ربي سلط
علي آفه...ومو أي آفه....:خلصت مابقى شيء بعد أقوله....
ناظرها أبوي باستفسار.....قالت بصوتها المبحوح...وهي للحين تلعب بيدينها:لا باقي أحمد سالم....مايعني لك هالأسم
شيء.....



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 389
قديم(ـة) 20-01-2012, 07:30 PM
صورة ظميانة عشقهY الرمزية
ظميانة عشقهY ظميانة عشقهY غير متصل
©؛°¨غرامي نشيط¨°؛©
 
الافتراضي رد: أنا الشموخ ومارضيت البهاذيل كسرت خشم الوقت من قو ذاتي / بقلمي




((25))


بلعت ريقي مليون مرة....قال أبوي بجمود:جااااااااااااوب.....
نزلت راسي....وأنا احس اني صغير....صغير كثير....قدامها وقدام أبوي....هالشيء جرحني كثير....تمنيت الموت ولا
اني أوقف هالموقف......صرخ أبوي بقل صبر:تكلم....
قالت بجمود:ذا رجال يشتغل مع خالي فيصل بالبنك.....ولدك معطيه رشوة....علشان يختلس من البنك...ويدبس خالي...
بس ربي خيب رجاهم....وماكانوا يعرفون أن صاحب البنك جدي أبوفارس....مسك هالأحمد....ووراه الويل....لما
أعترف بكل شيء...وهالحين هو محذوف بالسجن.....حذفت الكلاب...عزك الله....وبألم...ترجيت جدي أبوفارس مايقول
السالفه لأحد....حتى لخالي فيصل....نزلت دموعها غزيزة....ماودي أشوفه....أحس اني صغيرة قدامه كثير....كثير....
رغم انه مو عارف شيء....بس أحس بخجل كبير.....وباستهزاء....هذا جزا المعروف ياعيال الناصر....خالي فهد زدت
سعر المناقصه من حر مالي....من ورث أمي....وهو مو عارف شيء....علشان اغلب أبوي...واربحه المناقصه اللي
كانت بتصفيه على الحديده......وبألم...هذا جزا المعروف ياعيال الناصر.... ياحسافه بس....وبحسره...من دريت من
يومين وأنا لا ليلي ليل ولانهاري نهار....
ناظرتها بألم...وأنا اشوف انكسارها الكبير....حضنتها وانا اصيح....واستسمح منها.....وهي جامده.....وماغير صوت
شهقاتها....وانا أحسها خناجر بجوفي...لا يابعد أبوك لاتصيحين....الا انتي لا تنكسرين...الا أنتي....قلت بندم:سامحيني
يابوك.....وربي كنت راح اوقف معاهم...بس كنت أبغى أرجع أمك بالأول.....
صرخت بانكسار:مو بهالطريقه....مو بهالطريقة.....كسرتني قدامهم.....احس ماقدر أواجهم بعد اليوم.......اليوم كلمت
خالي...وأحس كأني طاعنته بظهره....ليه تكسرني ليه؟.....
حسيت بأبوي اللي بعدني بعنف.....وتفل على وجهي وهو يحضنها....ناظرته بصدمه....وبحده قال:ياحسافة التربيه
فيك....لو انك باغي مرتك....ليه تسوي سواتك الشينه معها؟.....ياحيف على الرجال اللي ياما اعتزيت فيه.....ويكون
بعلمك....مها تحرم عليك من بين الحريم.....وانساها من بالك طول العمر....وعيالك من اليوم مالك صالح فيهم....تقلع
عن وجهي...لابارك الله فيك...ولا بالساعه اللي شفتك فيها....سودت وجهي حسبي الله عليك من ولد....
طلعت من المكتب...وأنا أحس الدنيا انهارت حولي....الكل فز....بس طنشتهم....وركبت سيارتي....وطرت
فيها......لأحب مكان لقلبي....أندب اكبر خساراتي....وأصيح على الأطلال......



كنت أصيح بحرقه بحضن جدي....وهو يقرأ علي ويهدي فيني....وأنا طلعت الحره كلها....وهو يمسح على
شعري....ويتوعد بناصر.....بعدها ناظرته بألم:مالي قعده بهالبيت.....بروح لأمي....
قال بألم وهو يأشر على خشمه:على هالخشم....من بكرا اذا تبغين بأوديك....بس أنتي أهدي....
رديت لحضنه وأنا أصيح....مسد ظهري بحنان:خلاص يابوك....ماتعبتي....وبمرح مصطنع...ماخبري بقلبك رهيف
كذا....خبرك بقلبك حديد...لايرحم ولا يلين....
ضحكت ضحكه مصطنعه:ههههههههههههه.....بسم الله علي....وبدلع...وحرام عليك قلبي أنا حديد....
قمت وانا أمسح عيوني بسرعه...واعدل لثمتي......وبرجا:مابغى اشوفه....أبغى أطلع الحين.....
قال بحنيه:من عيوني...الحين تروحين معاي لبيتي.....
ابتسمت بوجهه....وطلعنا...وهو ماسك يدي....الكل فز واقف....ناظرت الكل ببرود....وأنا ادوره بينهم بس ماشفته....قال
نايف بخوف:أنتي وش مسويه؟....
ابتسمت وانا العب بشعره:مافيه شيء....وسألت بحذر....وين ناصر؟.....
حسيت بضغطة يد جدي على يدي.....أدري فيه خايف عليه لكذا سألت...ناظرت عيون الكل اللي تقول شين وقوات
عين.....قال نايف وهو يعدل شعره اللي حوسته:طلع معصب...وماحد تجرأ يسأله.....
تنحنح جدي وهو يبوس راسي...وقال بانكسار:أشهدوا ياجماعه...أنا ضربت الجازي قدامكم...وأنا الحين بعت.....
حطيت يدي على فمه بسرعه:لا تقولها يايبه....وبست راسه ويده....قدرك كبير....ماعاش ولاكان ولاصار اللي بتعتذر
منه.....من ما كان؟......
حضني بقوة.....وباسني....وبفخر:تسلم يمين ربتك على الطيب....انا أشهد أن فيصل ربى وحصد......ربي يكبر قدرك
وشانك....ويكملك بعقلك.....ويستر عليك...ويرزقك بالرجال الكفو....اللي يعرف قدر جوهرة الناصر.....
ابتسمت وأنا اشوف عيون الكل المنصدمه...قال بهدوء:روحي يابوك...صحي أخوك....ونزلي أغراضكم...وانزلي
معانا....
الكل فتح فمه...وأنا صعدت فوق....صحيت سلطان...ومسكت يده ونزلت...والخدامتين ينزلن جنطتنا....قال جدي
بحده:عزيز يابوك....
فز وهو للحين منصدم:سم يبه....
قال جدي بحب لمسته كثير:سم الله عدوك.....وطلع سلسله مفاتيح فخمه....حطها بيد عزيز....روح أفتح جناحي....وخل
هالخدم يحطون هالجناط بالغرفه المقفوله بجناحي....
الكل شهق بفجعه....قالت أم خالد بصدمه:يبه.....
صرخ بحده:وحطبه....ابلعي لسانك....وناظر عزيز ....يالله يابوك رح....والحين بنتبعك أنا وعيال عمك.....
صرخ وليد:بتروحون....
هزيت راسي بألم...وانا أشوف صدمتهم اللي ماليه عيونهم.....نزل نايف راسه بألم....قربت له...وبسته بقوة...وهمست
له:لاتنزل راسك أبد...أبغاه مرفوع دايم.....وبحب....أعذرني ياخوي...لازم اطلع من هالبيت....قبل لاتصير
جريمه....لأني يا أذبحه...والا يذبحني.....وبمرح...تخيل يمه اذبح ناصر...وبصدمه مصطنعه....يمه ماأشوف
سلطان....والله أموت......
انفجر نايف بالضحك...والكل فتح فمه...قال بصوت مسموع:قسم بالله مانتي صاحيه...هذا همك سلطان....هزيت راسي
بايه....
وحضنت وليد بعده...وبهمس:لاتقطعني يالمرجوج.... بفقدك كثير....
حضني بشكل أقوى....وبهمس:وانا اكثر يا ام لسان....وبمرح...ولاتخافين ماراح اسألك وش صار...لأني متاكد...انك
ماراح تقولين!!!!....
ضحكت وانا أسلم على نوف اللي تصيح....وهمست لها:أنا بكون قريبه منك....لاتخافين.....وحتى لو بعيده.....بس
ألو منك...وتلقيني ناقزة قدامك كأني جنيه....
ضحكت نوف....وناظرت بدوري....نزلت لمستواه...وفتحت يديني....وهو طار بحضني....حضنته بقوة...وبعدته وانا
ابوسه....قال بدلع:أبي ألوح معات....
قلت وأنا أعدل شعره:يابعد قلبي....انا بروح طبيب....يضربني ابرة...تروح معاي....
نطت عيونه بخوف....وبعد عني...وهو يتخبى ورا رجلين وليد....ويحرك راسه بلا.....ضحكت بقوة....وأنا أحس اني
أجرح جوفي بضحكاتي....ورفعت عيوني....وتعلقت بعيونه الغريبه....حسيت قلبي يرجف...وأنا اشوف نظراته...كسرت
نظري بتوتر....وأنا أقول بقلبي....لا ياجازي...مستحيل....مستحيل....اللي قريته بعيونه مستحيل.....انصدمت وناظرت
بخوف...بسلطاان اللي نايم على الكنب...لايارب خيب ظني...يارب ارجاك خيبني.......مستحيل اللي بيصير لي....يارب
خيبني يارب......




طلعت من البيت....وعيال ناصر معاي...ناظرت مشيتها الواثقه وهي ماسكه يد اخوها...اللي يمشي وهو نايم....وتسولف
مع وليد ونايف...اللي أصروا انهم يوصلونها معاي....ناظرتها وأنا منصدم....ضغطت على يدي بألم.....عمري ماحسيت
اني صغير قدام بشر غيرها...ياليت يدي انقطعت ولا مديتها عليك.....كنت حاس بالعار من فعايل ناصر.....معقوله ولدي
مصدر فخري...اللي بديته على عمري وعلى اخوانه.....يسوي هالفعايل اللي توطي الراس....ياحيف ياناصر....لهذي
الدرجه تبغى تصلح الماضي....ابتسمت وأنا اسمع ضحكاتها العاليه على نايف....ياقوة باسك يابنت ناصر....وياكبر
خسارة أبوك.....والناصر كلهم ....ناظرت لعزيز اللي واقف عند الباب...ويناظرها بغموض....وعقدت حواجبي...وانا
أقول بنفسي....كل شيء قريب.....حضنوها أخوانها بقوة....كانها بتسافر....ولا كانها كم خطوة وبيقابلونها....وسلطان
عصب يبغى النوم....دخلنا جناحي...وناظرت غرفتي وغرفة المرحومه....اللي تسكرت من توفت....ابتسمت
بألم....انفتحت يالغاليه.....لشبيهتك.....شفتها وهي تدخلها....وتناظرها بتدقيق....سلطان رمى نفسه على السرير...وبس
انتبهت له....صاحت وهي تتحلطم:لا سلطان لحظه....
نزعت جزمته برقه...وغصب قومته ودخلته داخل اللحاف....وحنا نناظرها...قال بصوت دايخ:نامي
عندي...لاتروحين.....
قالت بابتسامه وهي تمسح على راسه:لاتخاااااف....عمري مابخليك....وجلست جنبه...وهي ناسيتنا....قفلت
الباب....وراحوا وليد ونايف....ناظرت عزيز والفضول يشع من عيونه....أشرت له يتبعني للمكتب....
وتبعني وسكرنا الباااب.....وبديت اتكلم وهو متجمد.....والصدمة مرسومه على وجهه......


نومت سلطان وطلعت برا....وسمعت اصوات...ورجعت بسرعه.....نززعت عباتي....واندسيت بالسرير الواسع...
ودموعي تسيل بالظلام....ناظرت بالغرفه الفخمه....وابتسمت بألم....مثل ماوصفتها أمي....غرفة الجوهرة جدتي
....زوجه كبير الناصر وشيخهم....واللي كلمتها ماتطيح عنده....تذكرت كلام الكل عنها....وعن قوتها وشدة باسها
وذكائها....كانت مو حلوة....بس كبير الناصر كان مايشوف بالنسوان غيرها....الكل كان منصدم من حب بدر الناصر
للجوهره بنت خالد.... ماكان فيها زود جمال ولا حلا زايد...بس كانت قويه ولها حيله وشديده وذكيه....أخذها بدر الناصر
غصب عن الكل.... وحتى غصب عن أهله....كانت أكبر منه بكثير....بس هو عشقها لرجاحة عقلها....وأخلاقها......
وذكاها.....كان مايشوف بالنسوان غيرها....وحلف مايآخذ من النسوان غيرها.....تزوجوا أخوانه اللي أصغر منه....وهو
معند يحتريها....وأخذاها...وغصب عن أمه وابوه....بعد ماعجزوا منه....الكل قال فترة وبيمل وبعدها بيحذفها.....بزر
وقصت عليه....وأخذاها وهو طاير....وسنه تتبعها السنه والسنتين....وحب الجوهره بقلب بدر كل ماله ويزيد....كان يآخذ
رايها وشورها بكل شيء....وهي بذكائها أكسبت أمه وأبوه.....والكل بصفها....وصارت قصتهم مضرب مثل
للكل....دايما يقولون عمر الزين مافاد....هذي الجوهره بنت خالد....رغم شينها الا ان قدرها عند بدر الناصر....ماحد
يساويه....ومالتفت للمزايين اللي محاوطاته...وسحب عليهن....وبدى عليهن الجوهره......وفعلا جدتي الله يرحمها الكل
كان يمدح فيها وبطيبها.... وطيب معدنها....وأنها مره عن مليون رجال....وأن جدي حزن عليها يووم وفاتها
كثير......وجدي متعلق بناصر لأنه قريب كثير من طبايع الجوهره....ولأنها كانت تغليه أكثر واحد....لأنه قعدتها
بالعيال......وشوي شوي حسيت عيوني تقفل......



كنت قاعده افتر بغرفتي....أووووف ياربي....بخاطري أروح أسولف مع الجازي.....بس اخاف من جدي.....طلعت
وتوجهت لغرفة خلود ونجد....فتحت الباب وفزن بخوف.....صرخت خلود:وجع ان شاء الله...طيحتي قلبي...حسبتك
عزيز....
ضحكت وانا أرمي نفسي....على سريرهن الكبير......وقلت بضيق:بنات ودي أروح لجازي أشوفها صاحيه والا لا....بس
خايفه من جدي....
قالت خلود وهي ترمي ورقة الأونو....وتلعب بحواجبها لنجد:اسحبي ...اسبحي ياماما اربع...ووالله لأعلمك اللعب...ولفت
علي....انتي خبله والا خبله.....ناويه جدي يذبحك....ويعلقك على بوابة جناحه....اهجدي بس.....
ضحكت نجد بجنون:ههههههههههههههه...حلوة يعلقها على بوابة جناحه....
قالت بغرور:أفا عليك...أعجبك انا....وصرخت بعصبيه...ياحماره ياغشاشه...والله لأربيك.....وهجمت عليها....لما
صادتها تغش...
ناظرتهن باستهزاء....وتحمدت ربي على نعمة العقل....وطلعت من غرفتهن....ودخلت غرفتي...ورميت نفسي على
السرير....أوووووف...وربي ملل....والله حرام...جازي ببيتنا وما اقعد معاها....تذكرت اللي صار اليوم....منظر عمي
ناصر....قوتها هي....أموت واعرف وش مسويه؟....أنا بصراحه أخاف منها....أحسها قويه كثير....أبتسمت
بألم.؟..تذكرني بجدتي كثير....الله يرحمها ...لكذا ارتاح معاها...تذكرت جدتي أطيب قلب بالدنيا... حنيتها....
قوتها...تذكرت حب جدي الكبير لها....تذكرت حزن جدي عليها.....سالت دموعي...وأنا أتذكر يوم وفاتها.....عماني
والعيال نزعوا عقلهم....الكل جاء يعزي....الرجال يصيحون على موتها...الكل انكسر بعد موتها....تذكرت حبها لعمي
ناصر الكبير...دفاعها الدائم عنه.....تذكرت سوالفها لجدي....وابتسامة جدي اللي ماتفارقه من يشوفها....تذكرت دلعها
لي...حبها الكبير لعزيز....تذكرت الحين لومها لعمي ناصر لما يضرب مرته.....تذكرت ترجيها الدائم لعمي يجيب
عياله.....أنهرت بالصياح....وأنا أتذكر جميع المواقف اللي جمعتني معها....وأنا أتذكر حنانها الكبير.......


كنت أناظرها وهي نايمه بحضني.....ناظرت ملامحها البريئه....وابتسمت وانا أحس قلبي بيطير من الفرح...هاليومين
أحلى يومين مرن علي بحياتي.....حسيت بحبها الكبير....تفانيها لأرضائي....مشاعرها الملتهبه....باختصار...كل شيء
غير....كانها وحده مبدلينها....تذكرت فرحتها...وأنا ابلغها بأننا بنسافر باكر....وفرحتها وهي تحضني بعفويه....
وتبوسني....وبعدها خجلها اللي ذوبني.....بستها بقوة...وأنا احس بشيء جديد....توني اكتشف اني أحب هالمخلوقه كل
هالحب....عمري ماتخيلت اني راح أحبها هالكثر.....أحس اني منجرف لها كثير......ناظرتها وهي متملله
مني....وضحكت....بعدتها عني....ورحت لبندر...ناظرته وهو نايم....ابتسمت وبسته بخفه....وقعدت اناظره
بتامل....ووصلني صوتها الهامس:ليه قمت؟.....
لفيت لها وأنا أناظرها واقفه جنب الباب....بقميصها الأحمر القصير....وشعرها القصير المتبعثر حوالين وجهها
الطفولي.....حسيت قلبي بيوقف....قربت لها...وبست رقبتها بقوة...ضحكت وهي تدفني بقوة:علامك....
قلت بهيام وانا أمشيها قدامي.:ولهان....
ضحكت بغنج:بسم الله مايمدي......
وسكتت بعد ماسكرت الباب وجريتها لأحضاني....أحس اني بأعوض أيام الشقا اللي طافت....ومابغى أعطيها مجال
ترد...لذيك الانسانه البليده اللي حطمتني....أبغاها كذا...كذا وبس.......



بعد ماطلعت من جدي....ناظرت باب غرفتها المقفول....جريت خطواتي....وأنا أتوجه لجناح مكتبي....أحس
بصدمه....صدمه مخرستني.....جدي وكلامه صدمني وأرعبني.....معقوله كل ذا صار.....وأنا ما أعرف....لازم
اتصرف....خلاص وقت الجد بدأ....رحت لغرفتي....ناظرت ناديه اللي فزت بابتسامه...وجت بتقرب...صرخت
بحده:ابعدي عني هالساعه....أحسن لك....
سالت دموعها بسرعه....وهي واقفه منصدمه....غيرت ثوبي....وأخذت مفتاح الهمر...وتوجهت للاستراحه.....وانا
ناوي أنهي كل شيء....وأتصرف بالموضوع كله.....وكلام جدي صداه يتردد بأذني...تذكرت استفزازها
لعمي....برودها....صدمتي منها....معقوله ماخافت....ماتعرف منو ناصر؟....تعمل معاه هالسوايا....أي قوة عندك يابنت
عمي...ان أشهد انك عقاب لعمي....عمي اللي عمر ماحد قدر له....جت اللي من صلبه...ومايقدر ينطق قدامها
بحرف....وصلت للاستراحه....ودخلتها...ومثل ماتوقعت....مشعل بثوبه المعفوس....وعيونه الذبلانه...وريحة الدخان
ماليه المكان...ناظرني بألم:عزيز...الحمدلله أنك جيت....
ناظرته بقهر....من طبعه....مشعل عيبه الوحيد يأخذ الأمور التافهه بحساسيه....قلت بضيق:خير وش عندك هاج من
البيت....ومغلق جوالك....وأمك وابوك انهبلوا....يحاتونك....
قال بألم:يحاتوني...وهم يبغون يهدمون حياتي....وبضيق...تخيل يبغون يخطبون لي ريم...ريم...
حسيتا ني تنرفزت منه...صرخت بحده:ليه وش فيها ريم ياولد عمي؟....لايكون شايف عليها شيء....وحنا ماندري....
ناظرني بصدمه....وبحده:لاتفهمني غلط ياعزيز....ريم بنت عمي...وقص بلسان اللي يجيب سيرتها بالشينه....
ابتسمت بداخلي بخبث...ووصلنا لمربط الخيل.....قلت بحده مصطنعه:أجل وش تفسر كلامك؟....
قال بضيق وهو يجر شعره:عزيز أحس اني خلاص انكتمت....عزيز أنا رجال مو مره انغصب على الزواج....وبحالميته
المعروفه....أنا طول عمري أحلم اني بأتزوج عن قصة حب...مو زواج تقليدي....
قلت باستنكار:أي حب يابابا....ترانا بالسعوديه...مو امريكا.....
قال بألم:أدري....أنا مو قصدي الحب الحب....قصدي على الاقل يكون فيه تجاذب....قبول...أكون أعرف عنها...مو
انسانه طلعت بحياتي قبل شهرين....ما أعرف عنها الا انها بنت عمي.....
تنهدت وانا أناظر الضيق المرسوم بوجهه....بس مابيدي حل...هالبنات لازم يتزوجن....لازم.....قلت
بضيق:عادي...اسأل أختك عنها....وبالملكه بتتعرف عليها.....
قال بعصبيه وعناد بعيدين عن شخصية مشعل:مستحيل أتزوجها....مو عمي يغلط...وأنا أصلح أغلاطه...علشان بنته تظل
قريبه منه.....
ناظرته باستهزاء:لا والله....أصلا لعلمك...ريم ماتروح لخوالها كثير....وباحتقار...قول الصدق ولا تخاف....
قال بصدمه وأستغراب:وش قصدك؟....
ابتسمت بخبث بداخلي....قلت ببرود وأنا أوقف:قصدي يا ولد عمي...انت ماتبغى ريم تحديدا...ولا ماتبي العرس...
قال بضيق:الاثنين....
ناظرته بنظره....وباستهزاء:ليه؟....لا يكون ما أنت....
نطت عيونه....وأنا قطعت كلامي عنادا فيه...ماحد يعرف طبع مشعل المتشكك كثري....وببرود:والا أقول...تصبح على
خير....
مشيت وماحسيت الا بخطواته السريعه....وبحده وهو ماسك يدي بقوة:شقصدك ياتبن؟....
قلت بحده وأنا افك يدي من يده بقوة:قصدي اللي فهمته.....وما التبن الا أنت....
وركبت سيارتي...وهو يصارخ:طيب يازفت....الأسبوع ذا ملكتي....والشهر الجاي زواجي....وتشوف بعيك ياجزمه...
فرحت بداخلي....بس مسكت ابتسامتي....وقلت بنص عين:نشوف....
وشخطت بسيارتي...وأنا أسمع شتايمه العاليه....اتصلت على جدي وبشرته وفرح.....وهذي عقده وانحلت....اتصلت على
عمي ناصر....جهازه مغلق....زفرت بضيق....وأنا اتوجه لبيتنا.....ومصمم أحل كل العقد اللي طلعت بحياتنا......

انتهى البارت...
قراءة ممتعه......



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 390
قديم(ـة) 20-01-2012, 07:33 PM
صورة غياهيب الليل الرمزية
غياهيب الليل غياهيب الليل غير متصل
©؛°¨غرامي مبدع¨°؛©
 
الافتراضي رد: أنا الشموخ ومارضيت البهاذيل كسرت خشم الوقت من قو ذاتي / بقلمي


ي لبيه ..
يعطيك ألف عافيه ي الغلآ ..
لي عوده بعد القرأه ..
لآ هنتي ..
^^


الرد باقتباس
إضافة رد
الإشارات المرجعية

أنا الشموخ ومارضيت البهاذيل كسرت خشم الناس من قو ذاتي / بقلمي ، كاملة

الوسوم
..كسرتَ , آلبهآذيلَ , آلوقتَ , الشموُخَ , ذآتيَ , خشمّ , ومآرضيتَ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
حنيتك راحت لوين وشفيك ما تشتاق لي / بقلمي ، كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1719 11-11-2014 04:08 AM
ضمني على صدرك و أبعدني عن الناس / بقلمي ، كاملة الين اليوم روايات كامله - يتم نقل الرواية هنا بعد اكتمالها 31 25-06-2011 11:27 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
ثلاثون وقفه في فن الدعوة HasooOOoon مواضيع إسلامية - فقه - عقيدة 10 15-09-2008 09:51 PM

الساعة الآن +3: 11:43 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم