ياروح ماجد هلابك يانظر عيني

[ماجد الشمري]

السلام عليكم

ويسعد مساكم مع صباحكم بالمسرات

ابيات بسيطه بمناسبة اول مولووود لي ولله الحمد عسى الله يحفظه ويخليه ..


ياروح ماجـــد هلابك يانظـــر عينـي

يازبـده الكــون من اول الى تالــــي

نسيت مــع جيتك مـتـاعب سنيني

ونسيت مع جيتك همــي وغربالي

غيــرت ياروح ماجـــد كل مافـيـنـي

وخليت مـر الشقا في دنيتي حالي

بدلت نظــرة عـيـوني بالمـحـبـيـني

دامك ملكت الغلا والحــب يالغــالي

انشهد ان البشــر ما عـاد تعنيني

والله ماغير شــوفك صــار يحــلالي

يابـعــد كــل الاوادم والمــلاينــي

يفداك كل البشـر ربعـي وعـذالـي

ياهو شعـورن خيالي وانت بيديني

تغمــرني افراح ما كانت على بالي

وشلون ابنثر شعـوري في دواويـنـي

يالي جعلت المشــاعر مالـهـا والـي

صـوتك يزيل التعب صـوتك يسليني

وريحك يخلي مــزاج الراس بالعـالي

لاتبكي الدمــع مـن عينك يبكيـنـي

يفداك حــالي ومـالي يابعـد حالــي

نواف والله غـلاتك هـسـتـرت فيني

لو راح يومـن بدونك شانت احـوالي

ماغـيـرك احـدن غلاته في شـرايـنـي

وما غيرك احدن يخلي خاطري سالي

ياشـيـن يومـي اذا ماشـافـتـك عيني

ويازين يومــي الا مـن شـفـتـك قبالي

الله يخـلـيـك لــي والله يـخــلــيــنــي

والله يمــدك عمــر وتـعـيـش يالغـالي


وسلامتكم


بقلم / ماجد الشمري

ابو نواف

[شاعرأحزانه العجمي]

الله عليك يابونواف وصح الله لسانك والله يحفظه لكم ويتربي بعزكم ويصلحه

يستاهل نواف وعقبال ماتفرح فيه وفي عياله الله يعطيك العافيه ولايهينك أخوك ناصر

[أسيره لعيونك..]

الف الف مبروك ويتربى بعزك والله يخليه لك يارب
يعطيك ربي الف عافيه يالغلا

[وصايف جده]

مبرووووك يابو نواف
الله يخليه لك ويتربي في عزك
ويستاهل والله نواف
تقبل ودي : (79):

[رومنســـية اللــــيل]

اولا اقووول لك

الف الف مبروووووووووووك يا الغالي وعساه صالح ويتربى بعزك يا رب



وثانيا


تراتيل ابعثها

من حروف

جمعتها لتكتب

سطرا

يثني رقي الحبر

ورقي الحضور

وبساطة الكلام

كلمات رآآئعة

و نغمات متناسقة عزفها قلمك

من صفحات الذكريات

أحيانا.. نعيش الحاضر الجميل

دون العلم بما تخبؤه لنا الأقدار

رقيق كل حرف في هذه الخاطرة

وكانت من اجمل ماكتبت

سلمت اناملك على النص الراقي الجميل والمميز والمثير



















تحياتي

[» بــدور]

ألف مبروك المولود الجديد
الله يديم أفراحك ياماجد
صح نبضك
ويعطيك ألف عافية
,
إحترامي وتقديري

[,،آلـزُمَردّ آلمِـكنُونّ،]

ابونواف
بارك الله لك به وجعله من مؤاليد السعاده وحماه الله لك
الاطفال يسعدون القلوب اللهم اتم فرحت اخي وشاعرنا المحبوب
ماجد الشمري
صح لسانك وصح نبض قلبك
لك ارق واجمل الورود
كانت
تنثر عبق عطرها هنا
زمرده

[ترَاتِيلْ فرَحْ]

حفظه الله لك وأمدّ في عمركْ يا أبو نوافْ
كان حرفك يضحك بهجة وسعادة ,
وكان حنان الأبوة و حبك يفيضانِ من بين السطورْ .

أدام الله عليكم أفراحه
تحيتي لك .

[مِيم بِنتُ حَآءْ.]

،

ياهو شعـورن خيالي وانت بيديني

تغمــرني افراح ما كانت على بالي

وشلون ابنثر شعـوري في دواويـنـي

يالي جعلت المشــاعر مالـهـا والـي

*

أبيــآتَ خُرآفيه بَ آلتع ـــبير

أطال الله في عُمرك وعُمر مَولودكَ ~

دُمتَ بَ حفظ آلله

\

[غلآ آلروووح]

الف مبروووك ‏
ان شاءالله يتربى بعزك الله يحفظه لك ‏
صح لسسانك اخووي ابونواف