حدرت سلامه بيت عمتها وهي تصيح .. وما شافت حد غير الشغاله .. وسالتها عن عمتها وقالت لها : انها في حجرتها فوق ......صعدت سلامه فوق .. ودقت الباب على حجرة عمتها ..
العمه : منوو ؟ موزه .. دشي ....
سلامه : ( وهي بعدها خاري ) لا عمتيه انا سلامه ..
العمه : ( وهي تفج الباب روحها ) سلامه مرحبا تعالي فديتج .... بلاج اتصيحين ؟
سلامه : ( وهي اطيح في حضن عمتها وتصيح بحرقه ) ابويه .. ابويه يا عمتيه ..
العمه : بسم الله عليج ...
سلامه : وهي مب رايمه تاخذ نفسها من قوة الصياح وتناهي ) ابويه .. يا عمت يه .. يبا .. اي وز ني ..
العمه : انزين فديتج لا تصيحين جيه .....
ودشت عليهن حصه …وهي تسمع صوت الصياح ..
حصه : منو يصيح ؟
العمه : هاي سلامه بنت خالج … خالج يبا ايوزها …
يلست حصه عدال سلامه ومسكت يدها )..
حصه :ومنو هذا اللي يبا ايوزج اياه ؟
العمه : مب رايمه ترمس من الصياح ….قومي نشي وسيري اغسلي ويهج في حجرة حصه .. ولحقني تحت وبنعرف السالفه ونحن نتريق… وانا بتصرف ويا ابوج .. ما سده اللي سواه فيج هاذيج المره ….
نشت سلامه ويا حصه وسارت حجرة حصه ..
حصه : بلاه خالي؟ ما عنده شغله غيرج …الله يهيده
سلامه : ما ادري به ..( ودشت الحمام اتغسل ويها ) غسلت ويها وعدلت جحالها وسحت شعرها وحولت تحت …. يوم شافتها العمه وهي محوله :
العمه : تعالي عندي الغاليه .. تعالي عند عمتج …
حصه : شو تبين اصب لج ؟ نسكافيه والا شاهي حليب؟
سلامه : شاهي حليب..
العمه : الحين فهميني شو السالفه …
سلامه : (وهي تعتدل في يلستها ) البارحه كانو عندنا قوم خالي ياينا من ( قطر ) وطبعا يايات وياهم بناتهم لطيفه ومريم ومها .. وولد خالي العود .. عبدالله .. وولده الثاني ثاني …
العمه : انزين
سلامه: عمتيه انا من زمان الاحظ نظرات عبدالله لي..وخواته دوم يمدحني ويلمحن لي انب بيي عندهم قطر يوم بياخذني عبدالله …وانا عبدالله هذا عمتيه ما ادانيه عمتيه ..ما اعرف ليش..
حصه : اشله ما ادانينه … مع انه دارس وشكله اوكي وزين ومادب .. انتي روحج قلتي لنا جيه ..
سلامه : ولين الحينه اقول عنه جيه .. لكني ماباه … ما استلطفه .. احس انه دمه ثقيل …مع انه اخواني كلهم يضحكون يوم ينكت الا انا من اشوفه جاني شايفه ابليس … عمتيه فاهمتني ؟
العمه : فاهمتنج يا حبيبة عمتج … كملي..
سلامه : البارحه المغرب قبل لا يردون دبي .. تراهم ياين من مطار دبي .. رمس خالي ابويه .. وقاله نبا سلامه لعبدالله … وامايه وابويه ما صدقو …
العمه : ابوج ما يتوب ….
حصه : عبنوه من ست اشهر فاجين خطبتج من على ولد ربيعه .. وبعده الحينه بيرد وبيكرر نفس السالفه ..
سلامه : حصه شو خطبته ؟ الا ملجه … يعني مطلقه لو ما دخل بي.. قبل كان بيوزني انسان شخصيته ضعيفه مهزوزه .. مريض نفسيا انسان كل دقيقه له راي لو مب خواني وقفو ويايه مادري شو سويت … والحينه يبا ايوزني عبدالله .. والمشكله انه ما فيه عيب برفضه عسبه …
العمه : سلامه …. متاكده انه ما فيه سبب هو اللي امخلنج ترفضين عبدالله …؟ غير انه مب داخل قلبج ؟
حصه : امايه والله فيه سبب انا اعرف ..
سلامه : (وهي تنغز حصه ) شو اتعرفين ويا ويهج ؟
حصه : امايه سلامه في حد في حياتها …..
سلامه : (وهي اتوعد لحصه بنظراتها ) عمتيه لا تصدقينها … العمه : ما بصدق الا اللي انتي بتقولينه ….
سلامه : (وعمتها اترياه ترمس ) عمتيه صدقيني … ( وصاح تلفون البيت وشلته العمه …
العمه : هلا مرحبا مبارك ( مبارك ابو سلامه ) …….الحمدلله يسرك الحال .. اشحالك انته ؟ …. يا مرحبا الساع بابو منصور … هيه اخويه سلامي عندي ..وين تباها اتسير غير عند عمتها ؟ لا ما خبرتني عن شي… هيييييه .. ياينها خطيب…. مبارك لازم تاخذ شور البنيه ( وسلامه وحصه يتسمعن ) اسمع يا مبارك ..سلامه من عمر مهره بنتي يعني عوده هب صغيره .. يوم ياخا الخطيب ..ولو مثل ما تقول ولد خالها خذ رايها قبل ..مبارك لا تفرض رايك عليها ……..هاي بنتك وسو اللي تباه انا ما يحصني …. مبارك تبا تسوي فيها شرا المره اللي طافت ؟……لا برايها خلها اتغدا عندنا ….بنشوفك في بيت ابويه اليوم …برايك يالله فداعة الله …. وبندت …
العمه : ابوج يمدح عبدالله ولد خالج ..وقالي قلت الها اتفكر ما قلت لها تعالي وخذيه …
سلامه :وانا مابا افكر ماباه مابااااه .. عمتيه فديتج ماباه ..
حصه : (وهي مالج عليها منصور اخو سلامه ) بخلي منصور يرمسه …
سلامه : حصه .. منصور وعلى وهزاع خواتي… يحبون قوم خالي وايد … وحت بنات خالي كانن حاطات عينهن على قوم منصور .. وانصدمن يوم درن انه منصور وعلي ملجو على حصه ومهره ..
حصه : (وهي تضحك ) خلينا لهم هزاع …
سلامه : انزين هو يميل لمها .. لكنها ما معبرتنه … والعوده ( مريم ) اشوفها حاطه عينها عليه ..
العمه : بنات خالج غاويات ماشاء الله … انا شايفتنهن
سلامه : كلهن غاويات ماشاء الله الا مريم .. ما جنها ختهن … قبل من زمان كانت معجبه بمنصور ومنصور ما معبرنها .. بدلت وتمت تمدح لي علي اخويه .. وشافتها نفس الشي .. والحينه حاطه املها في هزاع … وهزاع عاد موووول ما تعيبه ..
حصه : سلامه خلي عنج مريم .. اشله ما تفكرين بعقل وتوافقين على ولد خالج دام انه زين ..واذا على شعورج صدقيني بيتغير…. وخلي عنج الاوهام اللي في راسج …
العمه : شووو عنه ترمسن ؟
غمزت سلامه لحصه تسكت وما تقول لعمتها ..
حصه : ماشي امايه .. اسولف وياها ..
سلامه : (وهي تبا تغير الموضوع ) وين مهره عيل عمتيه ؟
العمه : تعبانه وراشد مودنها المستشفى .. اكيد يايين الحين ….
ودشو راشد ومهره الصاله .. وسارت مهره ( الدلوعه ) على طول وطاحت في حضن امها …
العمه : ما سلمتي على بنت خالج …
سلامه : ما تشوفين شر يا مهره ….
وكان توه راشد ينتبه لسلامه : يدوه عندنا …. شحالج يدوه ؟
حصه : راشد تدري بها ما اداني حد يسميها يدوه ..
العمه : (وهي تضحك ) تراها تشابه حياة امايه وعلى اسمها بعد ..
سلامه : عمتيه عادي عندي كل حد يقولي يدوه الا هوووووه …
فر عليها المخده وسار فوق وهو يضحك ..
العمه : (وهي ترمس مهره بنتها ) يالله شقايل محمومه ….
مهره : (وهي ترمس سلامه ) خلي علي اييني .. قولي له مهره بتموت عنك ….( بدلع معروف عنها )
سلامه : (وهي تضحك وتظهر موبايلها من الشنطه ) بسم الله عليج …..ودقت سلامه لاخوها : مرحبا علي شحالك؟ علي مهره تعبانه وتباك اتيي …
حصه : (وهي تير الموبايل عن سلامه ) علي مهره بتموت وتباك تي تبا اتقولك الوصيه ( وهي قاصده تظنز عليها ) وقالهم علي ياي ….
العمه : ( وهي ترمس مهره ) بتمين اتسوين في ولد خالج جيه بعد عقب العرس
مهره : ( بدلع ) اااااه بموت … امايه هب حاسين باللي فيه ؟
حصه : الله يعين و لد خالي عليج …
حصه : ( بدلع ) يبولي الاسعاف ….
ام راشد : توج يايه من الدختر .. أخ عليج يا مهره … خمس دقايق وكان علي عندهم .. سلم علي على عمته .. وترخصن سلامه وحصه وسارن فوق .. ويلس علي عدالها على القنفه ) وسارت ام راشد المطبخ
مهره : (وهي تدلع ) علي خلاص الاطباء قالو اني بموت ….
علي : بانفعال وبصوت عالي : شووووووووو
حصه : (وهي تبتسم وتمسك ايده ) اسولف وياك …..
نش علي يبا يسير على الروعه اللي روعته اياها وهو ساير صوب الباب ..
مهره : (وهي تزقره ) علي والله لو ما ييت ما ما برمسك …
علي: (وهو يرد لها وييلس عدالها ) هاي سوالف….
مهره : ابا حد يدلعني ويبزيني …
حط علي يده على يبهتها ايشوف اذا فيها حمى …
علي: فيج حمى
مهره : تحبني علي؟؟؟
علي: لا ..
مهره : (وهر تزاعج ) شفت … امااااااااايه ….
حط يده على ثمها … وهو يطالعها ويشوف خدودها شقايل حمر من تاثير الحمى
علي: انا ما احبج انا اموت فيج ….
undefinedundefined
سلامه قصة عذاب 
