اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 501
قديم(ـة) 29-06-2012, 08:43 PM
صورة لجل الوع د الرمزية
لجل الوع د لجل الوع د غير متصل
©؛°¨غرامي فعال ¨°؛©
 
الافتراضي رد: بيت العنكبوت / بقلمي


توي اوصصصصصل واخيرااا
الصراحهه طريقة طرحك لـ الروايهه
متسلسل جداا حلو
و يعجبني مخرج كل بارت تحطينهه
فكرة الروايه مره اعجبتني
و ماعمممري قريت فككره لروايه زيكك
يعني وصلتي قمة التميز
اممم بعلق بعد ماتنزلين بارت
استمري الا الامام حبيبتي :$


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 502
قديم(ـة) 29-06-2012, 09:34 PM
صورة شبابيه للابد الرمزية
شبابيه للابد شبابيه للابد غير متصل
©؛°¨غرامي فعال ¨°؛©
 
الافتراضي رد: بيت العنكبوت / بقلمي


يسلمووو حياتي
البارت روعه
واتوقع:
غلاب يطلق مشاعل غصب عنه
وشجون راح تجيب ولد
وسلطاااان بيفرح ان مشاعل تطلقت
وبنتظاااااااااااركـــــــــــــــ
ودي لكـــــــــــــ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 503
قديم(ـة) 30-06-2012, 04:40 PM
صورة اميرة جزر السعادة الرمزية
اميرة جزر السعادة اميرة جزر السعادة غير متصل
©؛°¨غرامي جديد¨°؛©
 
الافتراضي رد: بيت العنكبوت / بقلمي


مطول البارت؟


يعني ما بدنا نتعبك بس والله متشوقين


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 504
قديم(ـة) 30-06-2012, 05:06 PM
صورة أمي روحي الرمزية
أمي روحي أمي روحي غير متصل
©؛°¨غرامي فعال ¨°؛©
 
الافتراضي رد: بيت العنكبوت / بقلمي


حبيتي امورتي كنت اضبطه والله من الساعه 11 ونصف الحين ياروحي انزله فديتك وفديت حماسك الي يحمسني


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 505
قديم(ـة) 30-06-2012, 05:10 PM
صورة أمي روحي الرمزية
أمي روحي أمي روحي غير متصل
©؛°¨غرامي فعال ¨°؛©
 
11302798202 رد: بيت العنكبوت / بقلمي


مسائكم خير ’’’ مسائكم نور ’’’ مسائكم حب كحبي لكم ’’’
اعجبتني ردودكم وطلبكم مني ان لا اختم روايتي بالسرعة هذي
انا بعد ماشبعت منكم
والروايه اعتبرها جسر توصلني لإناس احببتهم من خلف الشاشه
وتواصلت معهم
اناس كانو درر بتعاملهم ورقيهم وذوقهم
كانت ردوكم كالعادة تبرد عطشي
وترويني بعد تعبي
احب حماسكم واهتماكم
حتى الي توهم يردون علي فرحت بقدومهم
والي يتابعوني خلف الكواليس يفرحني تواجدهم
مررت معاكم اكثر من شهر بالروايه
ومرت علي كأنها اسبوع فقط
يمكن تكون نهايتها اليوم ويمكن استمر
سوف اجعلكم تقررون في نهاية آخر سطر بالجزا الثلاااااااااثون
اترككم مع الجزأ الجديد
واتمنى لكم قرآءة ممتعه



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 506
قديم(ـة) 30-06-2012, 05:20 PM
صورة أمي روحي الرمزية
أمي روحي أمي روحي غير متصل
©؛°¨غرامي فعال ¨°؛©
 
Upload004d4df318 رد: بيت العنكبوت / بقلمي


الـــــــ ج ـــــــــزأ الــثــــــــلاثـــــــــون
في بيت ابو مشاري
مشاري: يعضد لمشاعل حتى دخلت البيت وأمها معاها
سحر: كانت مجهزة لها غرفى تحت ترتاح فيها
مشاعل: اهلها ساعدوها تنام على السرير
مشاري: جلس على طرف السرير وباسها مع جبينها توم انور بيتنا ميشو
مشاعل: ابتسمت بحزن منور فيكم
ام فارس: ترتاحين يابنتي طول المستشفى وانتي ماتنامي زين طلعو وخلوها
مشاري: يوم سكر الباب وطلعت ام فارس وسبقتهم للصاله مسك يد سحورته وباس باطن كفها اشتقت لك حبيتي
سحر: ودرت خدودها وابتسمت بنعومة وقالت بشوق وانا اكثر
مشاعل: يوم سكرو الباب نزلت دموعها مجروحه مطعونه لو كابرت قدام الكل صعب انك تفقد ضناك لو كان صغير صعب تنهان عند أهلك من رجال المفروض يصونها ويكرمها صعب تحمل اسم مطلقه اول يوم لها تحمل اسم مطلقه لأن أهلها راحو للمحكمه وقدمو شهادة طبيه انه ضاربها وفسخوها منه مشتاقه لخالتها ام غلاب ياترى راح يكون حالتها ايش مع عديم الانسانيه خايفه عليها منه حيل ربك يعينك عليه ياخاله اشتقت لك ومو سهل علي فقدك ابد
=============
في بريطانيا
مجتمعين في الصاله مع دكتورهم يعلمهم عن نتائج بحثهم اعلى درجة كانت فريق ياسر الشباب الي معاه والبنات صرخو من الفرحه الا ياسر وهيفاء ابتسمو بس ياسر يوم شاف موقفهم وهبالهم ضاق وتركهم
عادل: ايش رايكم نسوي حفله الليله
ريما: رررررررائع
عادل: راج تكون من حسابي كلكم معزومين وراح نقول للدكتور ياسر
هيفاء: اسمحو لي
ريما: او فوفو بلا دلع تعالي راح تكون وناسه
هيفاء:آسفه بس ماحب اسهر برا البيت
ريما: لازم عدولي المعقد يجي معانا صدقني راح تخرب السهرهـ
عادل: جميله على روسنا تعرفي ثلاثة ارباع البحث بعد ربي من جهده وخبرته شفتي كيف بحثنا كان مميز كله من ربي ثم منه
ايمن: اعزمه وماعليك من ريموه
ريما: حطت يدها على خصرها ياشيخ
عادل: عن اذنكم اخاف طلع من الجامعه ركض وراه يالله لحقه ياسر ياسر
ياسر: لف هليه سم عادل
عادل: عدوك السم وهو فحمانه ممكن تشرفنا اليوم ببيتي مسويه حفلة بالمناسبه هذي
ياسر: شباب بس
عادل: لا كل فريقنا تعرف الفرحه والنجاح لنا كلنا
ياسر: من جدك بنات وعيال بنفس الشقه
عادل: ايش فيها صداقه مابينا خمر ولاشي الحمد لله ارجوك لاتفشلني واحضر
ياسر: ابتسم ان شاءالله هات لي رقم الشقه
عادل: فرح مرة وكتب له العنوان
ياسر: عن اذنك ابرجع لشقتي
عادل: اذنك معاك يالغالي رجع مبسوط لربعه ونقز بينهم يااااااهوه
ريما: ههههههههههههههه ايش فيك يالمجنون
عادل: وهو يرقص رقصه خفيفه وافق وافق
هيفاء: طلعت عيونها من جدك
عادل: ايوه حتى سالني عن عنوان شقتي وتعرفي ياسر مواعيده ثابته قايل لكم راح يوافق
ايمن: كل ماشوفه وتعصمه عن السهرات والبنات اقول راح يلين آخر شي مساحيل بالدولة هذي تعصم نفسك من الفله والوناسه
هيفاء: ضاقت كثير وخنقتها العبره هذا ياسر مثلها الأعلى عن اذنكم
عادل: وانتي تعالي شوفيه راح يجي
هيفاء: بعصبيه مالي دخل فيه يجي مايجي كيفه وطلعت من الجامعه مع ابوها ونفسيتها زفت
ابوها: تبين تتغدين يابوك
هيفاء: مالي نفس يبه راحت لغرفتها متعودة ان بلكونتها توضح صوت شقة ياسر مع عزاه بالعادة تنبسط اذا سمعت سواليفهم وضحكم المره يوم سمعته مبسوط ويضحك تقرفت منه وسكرت شباكها
في الليل
عادل: مجهز ليله حلوة كيكه وحلويات بس ماجاب خمر بس استريو وأغاني شباب ترام اراح نفتحها حتى نشوف عن خاطر ياسر
ايمن: وتقيدنا علشانه كيفه
عادل: لا استحي منه
ريما: جت تبي تعارض الا يطق الباب ياسر
عادل: اووص شكلخ جاء راح يفتح له هلا وغلا توم انور البيت
ياسر: دخل وتنهد بضيق يوم شاف الاختلاط جلس دقايق معاهم ويدعي ربه انه يخلص مهمته ويطلع
عادل: قام وصب له قهوة وعطاه حلا وصارو يسولفون عادي
ياسر: ماسك قهوته ونزل راسه كأنه يفكر بشي قام وحط قهوته على الطاوله ولف جهة العيال حفلنا الليله علشان أخدنا درجات عاليه ببحثنا صح
كلهم: ايوه الحمد لله
ياسر: هذاكم قلتوها الحمد لله يعني واجب علينا نحمد ربي على نعمه واجب علينا نشكر ربي ونطيعه حلو اني اسافر اكمل تعليمي واخدم ديني بس ترا ربنا موجود هنا وبالسعوديه ليه انضبط بدولتي ولا انضبط هنا ليه علشان الهيئه أخاف منها واراقبها وربي ماراقبه الهيئه تراقبني احيانا واحيانا ماتعرف عني شي بس ربي يرابقني بكل دقيقه مانستحي من رب الكون الي حط ملكين على اكتافنا يكتبون كل شي نسويه ....... سكت شوي تراني احبكم وخايف عليكم حلو نفرح حلو نمرح بس بحدود مايغضب ربنا متى ربنا حلل لنا نختلط بنات وشباب ماخفتو يكون واحد منكم هذي آخر ليله لكم؟؟؟
ايمن: بعصبيه فال الله ولا فالك جاي تتفاول علينا بشر
ياسر: بحنان هذاك خفت من الموت ياأيمن صديقني الانسان مايضمن عمره وكل يوم اتوقع آخر يوم بحياتي هذا التوقع يخليني اخاف اعصي ربي صدقيني ابسألكم الي ماتو فجاه عارفين او متوقعين واحد بالميه موتهم لو توقعو ماشفتو واحد يعصي ربه ناظرهم وحس انه ثقل عليهم وضايقهم مشكور اخوي عادل على هالدعوة الحلوة وعارف اني خربت سهرتكم بس وربي لو ماحبكم ماخفت عليكم
عادل: سحبه وضمه احنا الي نشكرك وتكفينا جيتك وماقصرت يادكتورنا ياسر
ياسر: طلع وخلاهم حس براحه يوم طلع سبحان الله جو الشقه مخنوووق
كملو السهره عادي الا عادل كلام ياسر يرن بذهنه رفض يشغل أغاني وانقلب مزاجه خايف ان ذنبهم كلهم عليه ماصدق تخلص سهرتهم ويتفرقون لشققهم
من بكرة
هيفاء: بحزن كيف سهرتكم البارح
ريما: أي سهرة الله يرحم والديك هالغثيث المعقد خرب علينا جونا
هيفاء: كيف؟؟؟
ريما: جانا وسو علينا شيخ وجلس ينصح وطلع وبعدها عادل تغير تحسينا جالسين على قلبه
هيفاء: ابتسمت براحه
ريما: تشوف ابتسامتها ايه عجبك اعرفك نفس افكاره
=============
في غرفة مشاري
سحر: كانت توها طالعه متحممه
مشاري: كان جالس يقرا كتاب ويشرب قهوته
سحر: راحت لتسريحتها تبي تمشط شعرها بس حست بدوخة
مشاري: حس فيها وركض لها بسم الله عليك حبيتي ايش فيك
سحر: مادري حبيبي حسيت بدوخه فجاه
مشاري: شالها وحطها فوق السرير ريحي ابنزل اجيب لك فطور
سحر: مسكت يده ابد مو مشتهيه حياتي
مشاري: البارح ماتعشيتي أكيد جوع وهزل ياقلبي
سحر: بس مالي أي شهيه
مشاري: وان قلت حبيتي راح تاكل علشان خاطري
سحر: اطلب عيوني اقول تفداك
مشاري: قرب وباسها بين عيونها فديت عيونك نزل وجاب لها فطور
ام فارس: خل عنك ياوليدي ان اجهزه لك
مشاري: ابي حليب دافي لسحر لاهنتي ياخاله
ام فارس: بسم الله عليها لايكون تعبانه وجهها ماعجبني له اسبوع
مشاري: ايه والله تعبانه شوي ابروح اشربها حليب واروح فيها للمستشفى يطموني عنها
ام فارس: ابطلع معاك اتطمن عليها
مشاري: حياك شال الصحن وراحو فوق
ام فارس: باستها مع راسها بسم الله عليك سحورة ايش فيك
سحر: استحت تعب بسيط بس مشاري فديته كبرها
مشاري: جلس جنبها وحضنها كيف بسيط ووجهك اصفر قرب لها الحليب
سحر: قربته لفمها بس بسرعه رحعته لمشاري وراحت للحمام
مشاري: ضاق حيل يوم شافها ترجع الحليب ابد حالها موعاجبني
ام فارس: بسم الله عليها لازم تاخذها للدكتور
مشاري: قام وجهز عباتها وساعد سحر تركب معاه للسيارة
ام فارس: نزلت تحت سرحانة
مشاعل: توها تقوم ونزلت عند أمها تفطر ايش فيك يمه
ام فارس: زوجة اخوك مرة تعبانة
مشاعل: بسم الله عليها سحورة ايش فيها
ام فارس: والله لو مو زوجها فارس قلت اعراضها اعراض حمل
مشاعل: ياليت يمه يالله مو بعيده عن ربي
==============================
في المستشفى
مشاري: خايف على سحر وينتظر التحاليل وجالس جنبها وهي عليها المغذي
سحر: آي مشاري تألم
مشاري: يبوسها مع راسها حبيتي شويات وتخلص ونرجع للبيت حبيتي بس قبل نطمن عليك قبل مانطلع
سحر: طفشت ياحبيبي
مشاري: ياعيون حبيبك لازم نتطمن عليك
الدكتورة: تناظر المغذي
سحر: خلاص دكتورة طفشت ابطلع
الدكتورة : بسم الله عليك ياستي مايصحش تطفشي وتعبي النونو
سحر: مو مستوعبه تناظر مشاري باستغراب نونو
الدكتورة: ايوه راح تكوني من اليوم ورايح مسؤلة عن نفسك وعن نونو الي ببطنك
سحر: مشاري انا احلم او ايش
مشاري: ابتسم لها بحنان مبروك ياقلبي
سحر: مشاري مو فاهمه شي
الدكتورة: جلست جنبها يعني 8 شهور راح تكوني أم ان شاءالله
سحر: ضمت مشاري وبكت من الفرحه معقولة ابصير ام يامشاري ابد مو مصدقه الحمد لله
مشاري: وانا مو مصدق ان سحورتي راح تكون ام ولدي
سحر: بسرعه فكي المغذي ابرجع للبيت
الدكتورة: دقايق ويخلص بس لازم اكتب لك فيتامينات ومقويات علشان النونو
=======================
في بيت ابو مشاري
ابو مشاري: يوم بشروه مشاري سجد سجود الشكر الحمد لله يارب الحمد لله
مشاعل: حضنت اخوها وسحر احمدك يارب نعمه من ربي ماصدق راح اصير عمه
فارس: دخل عليهم
سحر :راحت فوق لغرفتها ومشاعل راحت معاها مو متقبله ابد اخوها
ام فارس: بارك لاخوك
فارس: على ايش ؟؟؟
ام فارس: زوجته حامل
فارس: مو معقووووووله مبروووووووووووووووووووووووووك ياخوي الف مبروك قام وحضنه بقووة
مشاري: ابتسم الله يبارك بعمرك
ام فارس: عقبالك يارب
فارس: ان شاءالله لي الحين ست شهور مع دلال بس مارزقنا ربي شي اخاف راح يكون عندي عقم مؤقت زيك يامشاري
ابو مشاري: ناظر مشاري وسكت
مشاري: طالع بابوه ومارد
ابو مشاري: وجعه قلبه لكلام فارس وهو يحس ان ولده خايف انه عنده ضعف بس مايقدر يتكلم لو تعرف انه هالشهر راح يجيك مولد ايش راح تكون ردت فعلك ومن وين من اكره بنت عندك
ام فارس: ربي يجيب خير لسه ست شهور قليله ياوليدي
=======================
في بيت عمة شجون
شجون: تدور في البيت وكل شوي يزيد التعب
عمتها: ياروحي يابنتي ابدق على عمك اقوله
شجون: ساكته وتقرا سورة ياسين يوم راحت عنها عمتها وكل مايزيد الألم تتمنى ان جبها ابو لودها يخاف عليها يفرح ان ولده قرب يجي تتمنى عندها ام واخت قريبن منها دمعت عينها يوم زاد الطلق فيها رفعت عيونها لو الكل راحو عني انت قريب يارب ماراح تخليني
ابو مشاري: طيب الحين اجي
ام فارس: بسم الله ايش فيك وجهك تغير فجاه
ابو مشاري: مافيني شي بس عامل من عمالنا تعبان وابروح اشوفه
فارس: اروح معك يبه
ابو مشاري: لا خلك مع السلامة
ابو مشاري: طلع وراء ابوه يبه شجون فيها شي
ابوه: ايه شكل ولادتها قربت عمتها تبيني اجي علشان المستشفى واجراءته
مشاري: اجل ابحي معكم يمكن تبي دم او شي
ابوه: لا يابوك روح لسحر ولاتتركها وهي بقمة فرحها
مشاري: طيب طمنا اول ماربي يفرجها عليها
ابوه: دعواتك لها

=====================
في المستشفى
ابو مشاري: قلقان حيل على شجون يروح ويجي وهو يدعي ربه
عمتها: الله يفرجها لها يارب
الدكتور: وين زوجها
ابو مشاري: انا ابوه ايش بغيتو
الدكتور: وقع هنا
ابو مشاري: بخوف ليش؟؟؟؟؟؟؟؟
الدكتور: لازم عمليه قصيريه
ابو مشاري: ليه ؟؟؟
الدكتور: الجنين ضعيف ومايدفع وقلبه كل شوي يضعف لازم عمليه يمكن نقدر ننقذه
ابو مشاري: ضاق حيل وتوكل على ربه ووقع يصفق يد بيد الله يستر الله يستر
عمتها: بكت يارب تخليها ولاتفجعنا فيها يارب
ابو مشاري: متوتر مرة مسؤليتها كبيرة وحيدة بدنيتها خايف عليها يجيها شي يلوم نفسه كل شوي يتذمر فارس تمناه جنبه تمناه هو الي خايف عليها الله يسامحك يافارس الله يسامحك
في غرفة العمليات
شجون: خايفه من العمليه بس متوكله على ربها الدكتور ياشر لها نبضات قلبه الي تنخفض ناظرت الدكتور سوا أي شي فيني بس لايموت حطو لها بنج وكانت تدور بعيونها في غرفة العمليات وكل ذكرياتها الحزين هجت ببالها
الدكتور: يطالعها ينتظرها تنام شوي هالا نعست ونامت
شجون: كانت خايفه يوم تبنجت شافت كوابيس مفعول البنج يخليها بدوامة كانها خايفه مرة وتبكي وواحد جاها من بعيد يطمنها ويهديها رفعت عيونها تشوفه ماميزته مسح على راسها بحنان ظلام ماتشوفه بس حاسه بالأمان تحاول تركز تعرف هالشخص ماقدرت بصوت هادي قالها شجون لاتخافي ربي راح ينقذك لاتخافي الصوت تعرفه صوت غريب بس مو وجه ولاجسم غريب كانها تشوف شخصين بشخص غريب وواحد ثاني ماتعرفه
======================
في بيت ابو سلطان
ابو سلطان: ماشاءالله تو بشرني فارس بشارة
ام سلطان: ايش هي ؟
ابو سلطان: يغلف ضيقه بفرحته لولد اخوه مشاري زوجته حامل
ام سلطان: تفاجات كيف؟؟؟؟
ابو سلطان: الله يسعده الولد طيب ويستاهل كل خير
ام سلطان: ياويل حالك ياحصه اجل العيب مو منه صار العيب من بنتي !!!
ابو سلطان: اوووص لاتسمع العنود
العنود: بحزن سمعت يبه الله يسعده لفت على أمها ايوه يمه كان العيب مني مو من مشاري
ابو سلطان: ليه تخدعينا وتنفصلين منه وانتي عارفه ان العيب منك
العنود: ماعرفت الا يوم تزوجت صلاح وكنت شفقانه احمل منه رحت كشفت قالو لي عقيمه استغربت رحت لدكتورتي الي كنت اراجعها مع مشاري قالت ايوه انتي عقيمه قلت لها لي ماعلمتيني وكنتي تقولي العيب من زوجك قالت لي سكتت شوي
ام سلطان: ايش قالت لك ؟؟؟
العنود: بحزن ان مشاري طالب منها تخبي عني وتنسب الضعف لي علشان ماتضايق
ام سلطان: ضاقت حيل
ابو سلطان: ايه هذا مشاري مافيه منه اثنين بس سبحان الله مانعرف قيمة الشي حتى نفقده
ام سلطان: محمد ماله فايده هالكلام الحين
ابو سلطان: وهويناظر العنود الي وجهها كله حزن وندامه ايه على قولتك ماله فايده بس ابي بنتي تعرف شي واحد اني ماجبرته عليه الا لأني ابوها واعرف مصلحتها وين
العنود: ابتسمت بألم وانا غبيه فرطت بكنز كان بين يديني
ام سلطان: خلاص يامحمد وانتي يالعنود ربي راح يرزقك زوج يسعدك
العنود: مابي اتزوج يمه كرهت الزواج كله وقامت وخلتهم
ام سلطان: كذا ضيقت صدرها ارتحت الحين
ابو سلطان: والله ماتحسي بالجمرة الي بقلبي بس الشكوى لله
=========================
في جناح مشاري
سحر: نايمه بحضن مشاري
مشاري: حاضنها ويلعب بشعرها
سحر: ماتتخيل قد ايش مبسوطه اممم حبيبي ان ربي جابه ابسوي الغرفه الي جنبي له ان كان ولد ابدهنها سماوي وبنتوه ابدهنا وردي ووو
مشاري: وهـ فديت حبيتي الي تخطط ولسه عمر النونو شهر
سحر: بدلع فرحانه حيل فيه حبيبي
مشاري: قرب وباسها تحت إذنها عساها دوم الفرحه قلبي
سحر: لفت تناظره بس حبيبي مستغربه من شي
مشاري: ايش قلبي ؟
سحر: بعدت عن حضنه اممم جلست مع غيري ( تغار تقول العنود ) اربع سنوات مارزقكم ربي وانا بس شهر ورزقنا ربي
مشاري: ارتبك مايبي يتكلم بالعنود او يفضح فيها قدرة ربك سبحانه قادر على كل شي حب يصرف الموضع بس انتي ياروحي ماسافرتي شهر عسل ولاشي بعد زواجنا صارت مصيبة مشاعل والحين حملتي
سحر: مسكت يده وباستها راح تعوضني مع النونو ان شاءالله
مشاري: فديت حبيتي ياعالم اوعدك راح اعوضك احلى سفره
سحر: حبيبي
مشاري: ياعيون حبيبك
سحر: حتى ماشوفك تفاجأت كأنك مو مستبعد الحمل
مشاري: حياتي لأني ماستبعد شي عن ربي
سحر: نزلت راسها وتلعب باصابعها مو غبيه علشان تخدعني لفت تناظره بحزن العنود جلست فتره مع زوجها ماحملت وانا بشهر حملت وانت ماتفاجأت انت كنت عارف ان العيب مو منك بس مخبي عن الكل صح
مشاري: مايقدر يكذب الله يسعدها ويوفقها ويعوضها
سحر: تناظره بعتاب وعيونها امتلت دموع الى هالدرجة تحبها تضحي بنفسك لعيونها والحين تكذب على زوجتك لعيونها بعد وبكت
مشاري: ضاق يوم بكت قرب منها وحضنها حبيتي وعمري ماكذبت عليك ولا بكلمه صدقيني
سحر: بعدت عنه بعصبيه تذكر كلامك لي بالكفي تقولي انا عقيم تبي تبعدني عنك والعنود تضحي علشانها
مشاري: بهدوء وحنان حبيتي يوم اقولك عقيم لاني الانسان مايضمن يجيه عيال او لا خفت اتزوجك واتعلق فيك وتصدميني يوم اخبي عن العنود كنت راحمها قسم وربي موحب والحين من حقها استر عليها علشان كذا ماقلت لك مافيه شي يضرك لو ماتكلمت لو يضرك واحد بالميه كان قلت مسك وجهها الي كله دموع غيره طالعها بحنان انا حلفت لك اني ماحبيتها ومافيه بنت دخلت قلبي زيك وتعرفين مشاري مايحلف وهو يكذب حلفت لك اني بس احترمها كزوجه وبنت عم بس والي خلقني ماحسيت بالسعادة والحب الا معاك بس يانبض القلب
سحر: رمت نفسها بحضنها وغمضت عيونها وحضنته بقوة ايش اسوي أغار عليك حبيبي غيرتي تذبحني وهي تشاهق مجرد تفكيري احد بيوم شاركني فيك امووت والله اموت
مشاري: ابتسم وحضنها بسم الله عليك من الموت رفع راسها احمد ربي انه عوضني بوحده تحبني وتغار علي زي ماحبها وفوق هذا كله راح تصير ام لولدي او بنتي وقرب لها وباسها بكل حنان وهي بعد كانها ماشافته من سنين يوم بعد عنها حس براحه وهو يشوف سحر رجع لوجهها السعادة
سرح شوي بشجون وطالع ساعته غريبه تأخر ابوي حيل قام
سحر: وين قلبي
مشاري: شويات وراجع لك قلبي نزل لسيارته ودق على ابوه
ابو مشاري: هلا مشاري
مشاري: هاه بشرني يبه قلقة عليكم حيل
ابو مشاري: بحزن ابشرك ولد بس عملية
مشاري: ضاق علشانها عمليه طمني عن الولد وأمه
ابو مشاري: الدكتور يقول صحتهم مستقرة الحمدلله
مشاري: تنهد بضيق تمنيت فارس يكون جنبك مهما كان يبه هذا ولده
ابو مشاري: لو فارس عاقل قلت له بس شجون مرة خايفه منه مابي لها مشاكل يوم كانت حامل تضر بجنينها والحين ابيها فترة الحضانة تتفرغ له وتغذيه زين لأن الولد على قولة الدكتور تعبان شوي ويحتاج عنايه اكبر واخوك ماتستبعد أي مصيبه يسويها يكفي ماجاها شجون خلها تريح هي ولدها شوي
مشاري: مادري يبه اخاف فارس مايسامحنا
ابو مشاري: هو اضطرنا نسوي كذا
=======================
في المستشفى
شجون: فتحت عيونها بتعب وينه ولدي
الممرضة: بالحضانة
شجون: بتعب هو بخير اولا
عمتها: دخلت عليها ان شاءالله بخير بس انتي ارتاحي
شجون: بتعب عمه لاتخبي عني جد هو بخير او لا ابي اشوفه ابي اتطمن عليه
ابو مشاري: سكر السماعه ودخل عندها وباسها مع راسها مبروك يابنتي
شجون: وهي تعبانه مرة وريقها ناشف عم ابي ولدي
ابو مشاري: اول ماطلع رحت شفته والحمد لله كويس بس راح يجلس شوي بالحضانة
شجون: بخوف ليه
ابو مشاري: تعبان شوي
شجون: عم ايش فيه لاتخبي عني
ابو مشاري: قلبه تعبان شوي بس
شجون: تحجرت دموعها بعيونها
ابو مشاري: الدكتور مطمني يقول ان اعتنيتو فيه كويس راح يطيب ان شاءالله
عمتها: وانتي يابنتي لازم تتغذين علشان تغذينه تراك مرة هزيله الحمل والصدامات الي جتك تعبتك مرررة
=================
بعد مرور اسبوعين
شجون: راحت تاخذ ولدها من لحضانة تو الدكتور يسمح لهم يطلعونه طالعه بفرح ماعمرها حست بفرح قد هالمرة
ابو مشاري: حس بحنان له كبيرررر
عمتها: بسم الله عليه يعطي من امه
شجون: مو مرة
عمتها: تراك يوم اول ماجبتك امك كنتي عندي وتعطين منه
ابو مشاري: آخذ شبه من ابوه
الصغير: فتح عيونه وسكرها
شجون: تحس ان الدنيا مو واسعتها وهي تشوف عيونه
عمتها: العيون نفس لون عيون امه
ابو مشاري: ابتسم صادقه هاتيه شجون
شجون: مدته لعمها بحنان
ابو مشاري: بسم الله عليه الله يحفظه ايش قررتي تسمينه
شجون: انت جده وانت سمه
ابو مشاري: انتي الي تعبتي فيه
عمتها: ايش لقب ابوه
ابو مشاري: ملقب نفسه ابو بندر
عمتها: اجل اسمه ابو بندر طخته السعاده ان طلع مثلك
======================



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 507
قديم(ـة) 30-06-2012, 05:26 PM
صورة أمي روحي الرمزية
أمي روحي أمي روحي غير متصل
©؛°¨غرامي فعال ¨°؛©
 
Upload004d4df318 رد: بيت العنكبوت / بقلمي



في بيت غلاب
غلاب: جلس يتغداء عقد حواجبه ليه الرز مالح
ام غلاب: تذوق الرز مو مالح ياروحي هذا طعمه دايم
غلاب: رمى الملعقه يعني اكذب
ام غلاب: حطت دها على يده حاشاك ياوليدي يمكن كثر الملح بدون مادري
غلاب: شرب كاس مويه وقام
ام غلاب: بحزن ليه ماكملت
غلاب: أكمل ملح وراح وخلاها
ام غلاب: يوم راح مو مالح ولاشي بس انت ياقلبي متضايق علشان مشاعل
غلاب: دخل الغرفه يكرهها بعد مشاعل بحزن كل اركان الغرفه ماسك ريحة عطرها فتح دولابها حتى ملابسها ماخذت شي كرهت كل شي بعدي جلس على طرف السرير ليه قسيتي علي يامشاعل ليه تعرفيني مريض وابيك تساعديني بعدك ذبحني ليتني ماتزوجتك ليتني ماعرفتك ابنتقم من اخوك فيك انتقمت من نفسي وزدت عذابي عذاب ماح سالا بيد حنونة على كتفه ضاق يوم جت
ام غلاب: جلست جنبه تراني حاسه بعذابك
غلاب: مارد
ام غلاب: تراني اتعذب واموت الف مرة كل ماشوفك تتعذب ياضناي قدامي
غلاب: وهو لاف عنها انتي سبب عذابي الكل حاقرني بسبك من يومي صغير ماعرفت طعم السعادة لقب ولد الهنديه لازمني كله منك 00 متضايق علشان مشاعل وفرغ حرته بأمه
ام غلاب: كانت تبيه يفضفض لها كان عندها أمل يرمي نفسه بحضنها ويبكي على صدرها تتمنى تحس بإحساس الامومه تحس بطعم السعادة الي تحس فيها أي ام ولدها يتشكي لها ويبكي بحضنها عيونها امتلت دموع وهي تشوف صدود ولدها عنها انسحبت بهدوء وسكرت الباب جلست بالصالة تمسح دمعه وراء دمعه تنتظره ينزل يمكن يجيها يمكن يحتاج لها يوم طول فقدت الأمل وعرفت انه نام جت تبي تدخل الا يدق جوالها هلا وغلا بالغالي
رشاد: هلا بأختي اخبارك
ام غلاب: تخي حزنها بخير ماعلي انت اخبارك واخبار محمودة وسميتي
رشاد: محمودة تسلم عليك وبنتي الي هي سميتك تخردت من الثانوي مسوين لها حفلة نجاح نبيك تحضرين
ام غلاب: توترت عارفه غلاب مايطيقهم ان شاءالله
رشاد: بعصبيه ليه توترتي راح تظلين تنتظرين موافقته انا اجي آخذك وارجعك مانبي شي منه
ام غلاب: لا ياخوي مايقصر بس تعرف توه منفصل عن زوجته ومتضايق فديت قلبه والا مايرفض لي طلب
رشاد: عارف ان اخته تزين صورة ولدها قدامه مايلومهامهما كان ولدها طيب ياختي ننتظرك العصر لأن الحلفة تبيت بدا المغرب
ام غلاب: ان شاءالله بس اعذريني ياخوي لو ماقدرت اجي
رشاد: ياختي تراني لي ست سنوات ماشفتك مو معقول نظل على هالحال علشان ولد عاق وقاطع للرحم ان شفتك شفتك سرقه عند الباب وماسرع ماروح كل هذا تخافين على شعوره وبيتي ماتجينه ابد مو حاله هي ابد
ام غلاب: ماتتحمل تسمع سب لولدها خلاص ان شاءالله اجي سكرت السماعه تتنمى ان غلاب يوديها مشتاقه لاخوها حيل وتبي تجلس معاهم طارت نومة الظهر عن عيونها تنتظر ولدها يقوم
غلاب: قام وراسه مصدع لأنه كان متضايق حيل صلى العصر بالبيت حتى ماصلاها بالمسجد ونزل ولقى امه تنتظره بالصاله

ام غلاب: بخوف غلاب ياوليدي ممكن تويدني لخالك
غلاب: أي خال قطعة هندي يشتغل بورشة تسمينه خال
ام غلاب: بحزن استعرت منا او ماستعرت انا أمك وهذا خالك وهذولاك الي بالهندأهلي ياما تمنيت ولدي يكبر ويسافر فيني لهم الي ماشفتهم من يومي صغيرة بس للاسف كبر ولدي وصار ضدي تمنيته يكبر يحامي عني من اخوانه الي طول عمرهم حاقريني وحاقرينه واقول اصبري يايسبكه بكره يكبر ويدافع عنك ( اول مرة تشد عليه بالكلام)
غلاب: اثر كلامه فيها بس سكت مارد
ام غلاب: طلبتك ياضناي بنت اخوي مسويه هالحفلة ابحضرها تراه مسميها علي
غلاب: اوووووووووووووووف خلاص البسي اوديك بس ساعه ابروح لربعي وارجع لك سامعه
ام غلاب: ماصدقت سم ياوليدي سم ركضت ولبست عباتها مقلوب من الفرحه
غلاب: وهو يسوق يسرع اصلا ماله خلق يوديها وندم يوم وافق مو متخيل يروح للمنفوحه ويدخل شوارعها الضيقه علشان عامل ورشه يسمى خاله
مشاري: كان مودي مشاعل للسوق تشتري ملابس بدال ملابسها الي عند غلاب طالع مو هدي سيارة غلاب
مشاعل: وجعها قلبها لطاريه شافت السيارة الي مشت قدامهم مادري يمكن
مشاري: مجنون يمشي بسرعه جنونيه
مشاعل: بحقد تلقاها معصب زي عادته اذا عصب يسرع
مشاري:شكل امه معاها
مشاعل: وجعها قلبها ياعمري هي وربي مشتاقه لها
مشاري: مو مركز بكلام مشاعل صار يأشر لغلاب فليشر علشان يهدي غبي الدنيا زحمه وهو مستعجل كذا
مشاعل: خافت الله يستر
غلاب: مانتبه لمشاري كان متضايق وواصل حده وكل شوي يسرع
ام غلاب: تشوف سرعته هدي ياقلبي
غلاب: اووووف خلاص خليني اركز
ام غلاب: سم سم وسكتت يؤؤؤ غلاب شوف ا لشاحنه ابعد عنها
غلاب: سوقي بدالي احسن
ام غلاب: اخاف يجيك شي والله قلبي مايتحمل
غلاب: ضحك بتريقه ان جانا حادث جانا كلنا ترانا بسيارة وحده
ام غلاب: انا عادي بس ماتحمل يجيك شي انت ضناي ونور عيني لو يجيك شي تظلم دنياي علي و...ماكملت كلامها الا بالسيارة تلف كم لفه
مشاري: بصوت عالي لاحول ولاقووووووة الا بالله
مشاعل: تشوف سيارتهم تتقلب صررررخت
غلاب: حاول يسيطر على الوضع ويبعد عن الشاحنة مو قادر صارت السيارة تلف وهو يحاول يثبتها ماحس بنفسه الا السيارة تنقلب فيهم مازل حي وماجاه الا كسر بيده لان الضربه من جهة أمه لف يتطمن على امه مالقاها عرف انها طايحه لان بابها مفتوح حاس بدوخه بس خوفه على أمه نساه طلع من السيارة بمساعدة رجال جو صوبه بعد عنهم ويسمعهم يقولون ارتاح احنا داقين على الاسعاف مو يمهم يدور أمه نسى أي ألم لقاها طايحه بالشارع والناس مجتمعين حولها بعدهم وقرب لها شاف تحت راسها كله دم قرب منه بخوف يمه تسمعيني
ام غلاب: مدت يدها له الي كلها دم لاتخاف حبيبي انا بخير واغمي عليها
غلاب: صرخ يممممممممممه
====================
في المستشفى
بيت ابو مشاري سمعو الخبر وجو ركض للمستشفى حتى فارس جاء
غلاب: يروح ويجي خايف ان جاها شي ماراح اسامح نفسي كله مني انا السبب
مشاري: قرب منه هدي ياخوك ربي ارحم بها
غلاب: كيف اهدي كانت توصيني ماسرع كانت خايفه علي اكثر من نفسها
مشاعل: بكت وامها ضمتها
غلاب: يوم سمعها تبكي سكت
الدكتور: طلع ووجهه مايبشر بالخير
غلاب: بخوف هاه طمني دكتور
الدكتور: أمك مصممه تبيك ادخل شوفها
غلاب: دخل بسرعه ولقى راسها ملفوف ويالله ترفع عيونها له والأجهزة كلها حولها وصوت جهاز نبضات القلب واضح دخل بهدوء وقرب لها
ام غلاب: يوم شافته ابتسمت وغمضت عيونها
غلاب: قرب لها
ام غلاب: حست بقربه وسمعت بكاه حطت يدها على خده وبهمس اوعدني ماتضيق
غلاب: بخوف اوعدك يمه انا
ام غلاب: ابتسمت بهودء ونزلت يدها
غلاب: ارتمى بحضنها يمه سامحيني والله غلطت بحقك كثير يمه والله لاعوضك كل الي فات اوعدك يمه ماراح اعصيك ماراح استعار منك ابفتخر فيك عند العالم كله ان ربي رزقني احن أم بالعالم مسك يدها يبوسها ابسافر فيك للهند تشوفي أهلك كل سنة راح اسافر فيك وابحج فيك وابصير ابر ولد بأمه طالع بيدها حسها ثقيله رفع عيونه لعيونها نمتي يمه صح يمه ماراح تخليني لحالي صح يمه ردي علي قولي سامحتك ياوليدي ضميني محتاج لحنانك يمه لاتخليني لحالي اروووووووجك يمه من لي بادنياي يممممممممممممممممممممممممه لاتخليني يممممممممممممممه
مشاري واهله يوم سمعه صوته دخلو بسرعه
الدكتور: دخل يناظرها هز راسه وغطاها
مشاعل: ركضت لها تبكي بحضنها لاااااااااااااا ياخالة ردي علينا
غلاب: مو مصدق لاتقولي امي مااااااااااااااتت لا ماماتت امي تحبني وتخاف علي مستحيل تتركني مستحيل
ابو مشاري: ضمه يحاول يهديه ويطلعه
غلاب: ابعد عنه وركض لأمه ابعد الي حولها وجلس يبوس رجولها يدينها راسها يمه الله يخليك كلميني ردي علي قولي سامحتك ياوليدي ارجووووووك يمه
مشاعل: ضمها مشاري وطلعها
غلاب: مسكوه الممرضين وطلعوه وعطوه ابرة مهدي
=====================
ايام العزاء
بيت ابو مشاري وقفو مع غلاب
غلاب: ثلاثة ايام ماتكلم بس دموعه تسيل من عيونه
ابو مشاري: يوم طلعو الناس حط يده على فخذ غلاب خلك اقوى من كذا ياوليدي قوي قلبك كلنا مصيرنا مصيرها
غلاب: وهو يطالع قدامه كنت حقير كنت عاق ماشافت السعاده مني كانت تتمنى اشياء وانا حطمتها ماعمري عبرتها بكلمة حلوة كل ماتتقرب مني ابعدها
مشاري: حاس بوجع بقلبه كيف انسان ربي رزقه أم وكذا يسوي فيها ياما تمنى مشاري أم يبر فيها وهذا مسوي كذا بأمه
غلاب: كانت أحن أم تخاف علي أكثر من نفسها مع عقوقي لها ماعمرها قست علي مع ذلك ماحنيت ولا لنت لف يناظرهم عارف انكم تستحقروني مالومكم ولد عاق من راح يتقبله ايه انا عاق وحقير
مشاري: لاتسب نفسك
غلاب: انا ماستاهل احترام ولا كرامه من أحد لأني ماحترمت اعز مخلوق على وجه الارض
فارس: هونها تهون
غلاب: بعصبيه انت آخر من يتكلم انت واخواني وغيركم الي احتقر أمي قدامي من صغري خلوني اكرهها واستعار منها
فارس: لو إنك رجال ماستعرت من امك وكان افتخرت فيها قدامنا
ابو مشاري: ارجع للبيت فارس
فارس: قام وطالع فيه بنظرة استحقار اكره الي يلصق الغلاطه بغيره خل عندك جرأة واعترف بغلطتك مو ترمي عقوقك علينا
مشاري: مسك فارس خلاص ارجع للبيت
فارس: طلع وركب سيارته ماحد سلم مني الكل يكرهني ويحقد علي جت بباله صورة شجون تذكر نظرات الالم والحزن بعيونها آآآآآآهـ اجل كيف شجون مادام غلاب كارهني كل الكره اجل كيف شجون الي ماقصرت معاها كل شي قلت لها وحطمتها عليه دخل لبيته متضايق
دلال: استقبلته ايش فيك فارس وجهك موعاجبني ابد
فارس: حكى لها كلام غلاب
دلال:حبيبي لاتضيق هو مايستحي وقفت معاه كل هالوقفه واخرتها يرمي عليك هالكلام
فارس: سند راسه على الكنبه وبحزن تتوقعي شجون تكرهني زيه
دلال: عصبت ايش دخلنا فيها لايكون ناوي ترجعها
فارس: استغفرالله ماصدقت اطلقها تبيني ارجعها بس مابيها تكرهني اتمناها تسامحني
دلال: اول مرة حبيبي اشوفه يتمنى احد يسامحه خابرتك ماتبالي بأحد ابد
فارس:تنهد بضيق جرحت شعاع وبعدها مشاعل شوفيها ماتطيق حتى تناظرني وغلاب الي حاقد علي ووووو شجووون الي آخر نظرة لي كانت كلها عتاب وألم
دلال: تلقاها الحين تزوجت ومبسوطه
فارس: اتمنى من قلبي انها تزوجت واحد زيها ويناسبها صدقيني اتمنى لها كل الخير
دلال: فرحت بكلامه بس مازتلت خايفه لانها تعرف ان شجون حامل بس فرحت ان فارس انه ابد ماحن لشجون قربت منه فديت حبيبي ياعالم وفديت حنانه
==============
في سيارة غلاب
غلاب: كل هموم الدنيا فوق راسه اتجه لبيت المفروض قبل ست سنين رايح له دخل حي قديم وطلع لشقه بالدور الثاني وطق بابهم
سبيكه: مين
غلاب: انا غلاب
سبيكه: استغربت راحت لابوها يبه غلاب ولد عمتي عند الباب
ابوها: ايش يبي (( طبعا ساكنين بالسعوديه من عشرين سنه وتعودو على لغتنا ))
غلاب: كان ينتظر عند الباب
خاله: فتح الباب طالع فيه بدون ترحيب خير بغيت شي
غلاب: قرب يبي يبوسه مع راسه
خاله: ابعد الي بيني وبينك المرحومه كنت اتمنى اشوفها حرمتني منها والحين جايني مابي اشوف وجهك فاهم او لا سكر الباب بوجهه ودخل
غلاب: ضاق اكثر وبكاء بقووة وجاء يبي يرجع لسيارته
زوجة خاله: لبست عباتها وفتحت الباب ادخل ياولدي
غلاب: بحزن خالي مايبني
زوجة خاله: ادخل نتفاهم بس خالك معصب
غلاب: دخل بخجل ووقف قدام خاله الي موطايق يشوفه
خاله: طالعه بحزم ترا محمودة قالت احشمه علشان روح الغاليه بس والا أنت مالك مقدار عندي بس عارف ان أختي كنت انت كل شي بالنسبه لها
غلاب: نزل يبي يبوس رجلينه وهي يبكي سامحني ياخال والله الدنيا ضايقه فيني
خاله: رحمه بس مابين بعده عن رجوله استغفر ربك
غلاب: مستعد اسوي أي شي علشان ترضى عني عقيت أمي بحياتها اببرها بوفاتها ابسافر لأهلها هناك واباخذكم معي على حسابي
خاله: مانبي صدقات أحد عندي الي مكفيني
غلاب: طلبتك ياخال لاتتعبرها صدقه اببرد حرة بقلبي طلبتك وجلس يبكي
محمودة: رحمته خلاص يابني هونها تهون
غلاب: كيف اهونها وانا عاااااق ياخالة عاق الله ياخذني وارتاح من العذاب الي انا فيه ليتني مت بدال أمي ويبكي بقوة
خاله: حن عليه استغفر ربك وخلنا ننسى الي فات
غلاب: طاح على راسه مشكور ياخال مشكور
==================
بعد مرور ايام على موووت أم غلاب
في الطيارة
غلاب: شاف شاب عمره تقريبا عشرين ومعاه أمه عجوز يمسك يدها ووجلسها بالكرسي الي جنب الشباك وصاربينها وبين غلاب
الشاب: جلس يسولف مع امه حتى غفت عينها وكل شوي يتفقدها بعدين لف يسولف مع غلاب لأن الطريق طويل
غلاب: ماله نفس يسولف مع أحد بس معجب بالشاب وبره لأمه حسده على الي يسويه في أمه سأله انت رايح سياحه مع الوالدة
الشاب: بكل فخر لا زيارة لخوالي أمي الله يحفظها كل سنة تزور أهلها وانا اوديها
غلاب: اعجب من ثقة الشاب كان هو يستعار يقول خوالي هنود وهالولد بكل فخر يقولي زيارة لخوالي
الشاب: وانت وين أكيد سياحه
غلاب: بحزن لا زيارة لخوالي
الشاب: أمك عندهم يعني ( توقع الشاب ان ابوه مطلق امه )
غلاب: خنقته العبره وحاول يخفيها لا توفيت الله يرحمها قبل اسابيع
الشاب: تأثر وحزن حيل وندم على سؤاله آسف اخوي ضايقتك بأسألتي
غلاب: لاعادي بس لاوصيك بأمك هذي جنتك ونارك
الشاب: أمي بعيوني وماتخيل حياتي بدونها
غلاب: كأن الشاب بطعنه بسكاكين قال بقلبه ليتني كنت زيك
===============
في الهند
اهله : رحبو فيه كثير ولاحسسوه بالغربه
غلاب: طلع يتمشى برا وراح يزور بيت أهل أمه يوم كانت أمه صغيره قبل ماتجي تخدم عند ابوه ماملك دموعه وهو يتذكر فرحتها كطلفة وهي تلعب هنا وهناك
خاله الكبي اسمه رشوان: بحزن كانت كل ماتزعل تجلس عند الشجره البعيده هناك تبكي وتجي ماكانت سبيكه تحب تشتكي كانت دايم تتصبر وماتظهر حزنها لأحد يوم مرض ابوي قررت تسافر للسعوديه تشتغل خدامة كلنا رفضنا بس هي صمتت تروح علشان ابوي محتاج لتبرع بكليه
غلاب: يسمع لكلام خاله وهو بقمة حزنه
رشوان: تنهد بضيق كانت تراسلنا احسها متعذبه هناك وتعاني بس ماتظهر كل ماكلمها احس بصوتها ألم وتعب وشوق لنا بس ماكانت تظهر قالت لنا انها تشتغل عند رجال كبير عياله مشغولين عنه وعنده عامل خاص يهتم بشؤؤنه بس هالعامل سافر وابوهم رفض جلسوها لانها مو محرم له طلبو منها تتزوجه خاله بقهر يعني شغاله وزوجه بنفس الوقت انا رفضت وبشده وقلت لها ارجعي هي صمممت لانها اغروها بفلوس تجيب كليه لابوي خلال اسبوعين بس وفعلا كانت حالة ابوي من اسؤ لاسؤ ومضطرين نشتري له كليه
غلاب: وجدي وافق
خاله: بحزن ماقلنا له تعرف سبيكه كانت وحيدته ماعنده غيرها وانا واخوي رشاد بس
غلاب: طيب ماخفتو يزعل
خاله: قلت لها قالت اهم شي هو يخف ويطيب اهم شي يعيش وفعلا تزوجته وراسلت لنا فلوس العمليه وزيادة
غلاب: يوم عرف جدي زعل
خاله: جلس على طرف حجر اوووه ياغلاب مانسى ذاك اليوم ماكلمني بعدها شهر ولا حتى هي كانت تدق تبكي تترجانا نخليه يرد عليها بس كان رافض بس تعرف الابو وحنانه رد عليها بعد شهر بس ماكن يتكلم كان يبكي وهي تبكي بعدين علمتنا انها حامل وان عياله مرررة معصبين من سالفة حملها بس كان ابوك الله يرحمه عايش ماحد يقدر يقول لها شي وعدها اول ماتولد راح يجيبها تزورنا كانت تنتظر تولد علشان تزورنا تعرف اربع سنين غربه عن أهلها موبسيط
غلاب: متحمس يكمل خاله وبعدين
خاله: تنهد بضيق توفي زوجها وهي بالشهر السابع وبعدها هددوها عياله فيك ان سافرت راح ياخذونك منها متحججين بخوفهم عليك يخافون انها تسافر ولاترجع فيك
غلاب: بقهر من حبهم لي يعني
خاله: قلتها مو حب ولاخوف بس يبغون سيبكه ترجع لاهلها باي وسيله هم عارفين قد ايش متعلقه فينا قالو مستحيل راح تتحمل اكيد راح ترجع كل هذا علشان ورث ابوهم الي انت وسبيكه شاركتوهم فيه
غلاب: كان ماسك حجر وصار يعصر فيه بدون مايحس
خاله: ابوي وانا جمعنا الي ورانا والي قدامنا علشان نرسل اخوي رشاد يشتغل بالسعوديه ويكون قريب منها صدقني نسافر واحنا جلسنا نسدد بدين سفرته هي مسكينه كانت حيل مشتاقه لابوي ولنا بس تصبر نفسها بكره ولدي يكبر واسافر لاهلي براحتي بس
غلاب: بحزن وعيونه تدمع بس كبر ولدها وخيب املها بس كبر ولدها صار نذل ومايستاهل تضحيتها بأهلها علشانها مات ابوها وهي ماشافته لعيون ولد عاق وحقير مايستاهل جلس على الارض وصار يبكي بقوووة
خاله: حضنه يهديه
غلاب: بعد عنه انا ماستاهل حنانك ولا اهتمامك ياخال خلك مثل خالي رشاد كارهني وحاقرني لاني استاهل حرمت امي من اهلها زدت عذابها والمفروض اريحها من عذاب وحرمان سنين ماعمري سمعت شكواها ولا المها حتى البنت الي تزوجتها حبتها حرمتها منها انا حقيرر ياخال انا ماستاهل تقدير من أحد ابد بدال ماترفع راسها فيني انا وطيت راسها وهنتها اااااااااهـ ماراح اسامح نفسي ابد
خاله: خلاص ياغلاب تقدر تعوض الي فات بدعواتك لها وصدقاتك عنها حج لها هالسنه تراها كانت تتمنى تحج تصدق عنها وعن ابوها وأمها عقيتها بحياتها برها بموتها
===================
بعد مرور اسبوع على وجود غلاب عند خواله جلس بمجلسهم خال
رشوان: هلا غلاب
غلاب: وهو متردد تراني قررت اشتري لكم بيت مع مزرعة هنا
رشوان: لا غلاب مشكور وحالنا مستور الحمدلله
غلاب: بحزن تكفى ياخال لاتردني اعتبرها هدية من أمي الله يرحمها ومابي ارجع للسعوديى حتى اتطمن على حال المزرعة وندور لها عمال
رشوان: بشرط تكون شريك فيها معنا والا نعتبرها صدقه
غلاب: موافق ونصيبي ابيه صدقة للفقراء الي عندكم ناويه لأمي الله يرحمها
خاله: ابتسم زين ماسويت ياوليدي توها سبيكة تجني ثمرة صبرها
غلاب: تنهد بحزن الله يرحمها
===============
في الاستراحه
أحمد : خلاص عزمت تسافر لكندا يا فارس
فارس: بكل فخر خلاص بكرة رحلتي
غريب: وزوجتك الاولى ماتدري عنها
فارس: لا الله يسعدها راحت لبيت عمتها وان شاءالله انها بخير
غريب: تغير وجهه وسكت
أحمد: كأنك راحمها
غريب: تبون الجد حالها ينرحم لا اب ولا أم ولا حتى أهل
فارس: بدون مبالاة عي تعودت خلاص
غريب: بعصبيه بلاكم ماتحسون بالي تحس فيه أنا احس بالي تحس فيه اليتم علقم عساكم ماتشربونه وطلع وخلاهم ركب سيارته وهو معصب يكره أي حدث يذكره بيتمه يحاول ينسي يتمه ويكابر بس موقادر
أحمد: وش بلاه عصب
فارس: تعرف غريب وتقلب مزاجه ولاتنسى انه يتيم ومازال يتاثر من هالسالفه
أحمد: سبحان الله تزوج وجاب ولد ولسه يحس انه يتيم
فارس: قالك عساكم ماتشربون من العلقم الي شربت منه
أحمد: المهم ماعلينا لاتنسانا هناك ياخوك
فارس: انت اخو وصديق ماراح انساك وكلها سنة وراجع ان شاءالله
====================
غلاب : رجع للسعودية وحاول يرجع مشاعل بس مشاعل رافضة تماما قال ابصبر لها حتى تنسى مصمم ارجعها لازم اغير من كل تصرفاتي علشان ان رجعتها ماعذبها مصمم اعوضها عن الي فات صار يتردد على عيادات نفسيه علشان تروح كل العقد الي فيه


====================
في جناح مشاري
سحر: جالسه تنظف الجناح
مشاري: دخل : يوووه حبيتي تشتغل لا لا اخذ الفوطة الي تمسح فيها
سحر: بدلع حبيبي ماراح يضرني
مشاري: مسك يدها ياروح حبيبك راح يضرك الشغل انتي او الببي وكلكم تسون عيوني يأشر على عينه اليمين انتي هذي واليسار هو
سحر: رفعت نفسها وباست كل عين لحالها فديت هالعيون وصاحبها
مشاري: سعيد بحياته ويشكر ربه كل شوي انه عوضه بسحر وينتظر ولادتها على أحر من الجمر
===================
صلاح : حاول بكل طرق يرجع العنود بس العنود رافضه نهائي ترجع له
وماحاول يدور على ولده يحسه اصلا ماكان ولده كرهه هو طليقته رولا
===============
هيفاء : تنتظر تخلص من دراستها وترجع للسعوديه اشتاقت لها وشاليه هم فقد ياسر بس فاقده الامل يعبرها
ياسر: مركز على دراسته ويتمنى يرجع استاشاري للسعوديه بأقرب وقت
================
في كندا
استاجرو شقة فخمة على حساب الشركة
فارس: يدور بالشقه لحاله ايه هذي العيشه ولا بلاش ماحد قدك يافارس

دلال: دخلت عليه هاه عجبتك
فارس: تجنن
دلال: الحين نبي نعيش حياتنا وننسى الماضي
فارس: كل الماضي رميته وراء ظهري يدور بالشقه ويطل من البلكونه ايه كذا مقامي انا فارس ولد بندر استاهل كل هذا والماضي نسيته خلاااااص
دلال: ابتسمت بنصر
====================



في غرفة شجون
شجون: حاضنه ولدها وكل شوي تبوسه مع راسه فرحانه فيه صح تعبان وحاله مو بسيطه بس ترجي ربها انه يشفيه وينك يافرح تشوفي ولدي وانتي يمه تناظر عيونه بدوري احبك ياضناي بكره تكبر وتكون سلوتي بدنياي خربت فرحتها يوم تذكرت فارس حضنت ولدها بس ياخوفي ان عرف ابوك فيك ياخذك مني
^
^
^



روايتنا انتهى فصلها هنا
انتهى حزن ابطالنا
وانتهى فرحهم
عشنا معاهم فترات عمرهم
مرينا بفصول كثيره كانو ابطالنا يفرحونا مرة ويحزنونا مرات
الى هنا انتهت فصول روايتي
نسدل الستار عليهم

^
^
^
^
ولكن تفتح الستار بعد مرور سنة على ابطالنا
راح نعرف ايش صار بعد مرور سنة عليهم

&&&&&&&&&&&&&&


انتظروني بالجزا الواحد والثلاثين يوم السبت القادم بعون الله تعالى
لازم آخذ اجازة راحة بين الفصلين
انتظرررروني
وانا راح انتظر ردوكم على أخر بارت من الفصل الأول
لاتتاخرون علي فيها

وابيها مميزة كتميزكم
&&&&&&&&&

فائدة:

قال الحسن البصري


يا ابن آدم
إنك ناظر إلى عملك غدا
يوزن خيره وشره
فلا تحقرن من الخير شيئا و إن صغر
فإنك إذا رأيته سرك مكانه.
ولا تحقرن من الشر شيئا
فإنك إذا رأيته ساءك مكانه.
فإياك و محقرات الذنوب



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 508
قديم(ـة) 30-06-2012, 06:01 PM
غلاي روحي غلاي روحي غير متصل
©؛°¨غرامي جديد¨°؛©
 
الافتراضي رد: بيت العنكبوت / بقلمي


السلآم عليكم ورحمة الله وباركآته
كيفك خيتو ان شاء الله تمام
بصرآحه اهنيك ع روآيتك الاكثر من رآئعه
أبدآع أبدآع للغآآآآيه طريقة عرضك وسردك حلوه حيييل
بصرآحه مقدر اقول لك غييير وآصلي إبدآعكك
جيت هنا عشان أصفق لك بحرآره ع هالابدآع وأرفع قبعتي المتواضعه احترام وتقدير لسموك
انا اليوم وصلت هالبارت وطبعا دام في تكمله رآح اعلق ع كل بارت
وشرف لي صرآاحه اني اتابع روايه مثل روآيتك
تحييييآآآآتي

غلآي روحي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 509
قديم(ـة) 30-06-2012, 06:48 PM
صورة أمي روحي الرمزية
أمي روحي أمي روحي غير متصل
©؛°¨غرامي فعال ¨°؛©
 
الافتراضي رد: بيت العنكبوت / بقلمي


فديتكـ غلاااااااي روحي
منوووورة حياتي
ونشترك انا وياكـ بآخر النكـ
يافديت قلبكـ وروحكــ
اول رد جاني
واحلى رد
حبيتي انا لي الشرف انكـ تكوني من متابعيني
واكلامك اسعدني
ومروركـ عطر روايتي
ودي واحترامي لك،



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 510
قديم(ـة) 30-06-2012, 07:07 PM
صورة ** تفاحة خضراء ** الرمزية
** تفاحة خضراء ** ** تفاحة خضراء ** غير متصل
©؛°¨غرامي فعال ¨°؛©
 
الافتراضي رد: بيت العنكبوت / بقلمي


تسلمي ياقلبي البارت الجميل واتوقع غلاب يتزوج بنت خالة ومشاعل تتزوج سلطان وفارس راح يطلق دلال لانها ماتجيب اولاد ومشاري وسحر بتجيب ولد وغريب هيعرف منهي شجون ويطلب يدها لزواج وترفض لانه متزوج والعنود ماراح ترجع لصلاح واتمنى متستعجلي بنهاية ياهموسة


الرد باقتباس
إضافة رد
الإشارات المرجعية

بيت العنكبوت / بقلمي ، كاملة

الوسوم
الفـ , بــيــب , ــنــكــبــوت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6672 12-09-2014 06:13 AM
وكان أسمها صبح / بقلمي , كاملة مغرومه بلا حد روايات كامله - يتم نقل الرواية هنا بعد اكتمالها 23 23-03-2014 06:42 PM
سلاسل من خيوط العنكبوت / الكاتبة : أريج الحب ، كاملة نونة الوردة روايات كامله - يتم نقل الرواية هنا بعد اكتمالها 559 06-03-2014 03:42 AM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 12:48 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم