براءه طفوليه

[مجنونهااااا]

قصيده اعجبتني وحبيت انقلها لكم ,,,,,,,,,,,,,,,,,,


البارحـه جـونـا مـاطـر


ومن "حولنا" النار مضويـه
باطـراف "تنهـات" خيمنـا
شلـة شبـاب ٍ عزوبـيـه
الكـل يضحـك و"متهنـي"
ماللحـزن عندهـم "نـيـه"
الا انـا اكسـر الخـاطـر
مـن سبّتـك يالشقـاويـه
يابنـت ياللـي تركتيـنـي
ماتنفـعـك هالمـزاجـيـه
المشكلـه عـارف ٍ طبعـك
لاتـدعـيـن المثـالـيـه
لاكن عـزاي الوحيـد انـي
اغليـك رغـم " الانانـيـه"
لاجيـت ابنسـاك اتـذكـر
ذيـك البـراءه الطفولـيـه
ايـام مـرت وكنـا صغـار
فينـا الطبايـع سمـاويـه
نضحـك بـلا قيـد ونغنـي
احلـى الاغانـي الشماليـه
ماكنا ندري بحجـم الذنـب!
وحنـا نـردد " يامرعيـه"
تتذكري زيـن ...ولازيـد !
تتذكري زيـن ... يابنيـه؟
بالعيد نفرح عشـان نقـول
عطونـا يانـاس عيـديـه
الله واكبـر يـاذاك الوقـت
ياحـبـنـا للفضـولـيـه
يامـا ويـامـا تهاوشـنـا
ياانتـي بالحيـل "شـريـه"
ويامـا لعبـنـا بحارتـنـا
علـى "السياكـل" ورجليـه"
تتذكري زيـن ...ولازيـد!
تتذكري زيـن .... يابنيـه؟
نلعب سـوى دوم "غميمـه"
واعـد لـك دون هالمـيـه
وادورك لـيـن ماأتـعـب
واقـول وينـك يا"فوزيـه"؟
اتذكرك تختبـي بالحـوش
بالعشه "حولـه" و"حواليـه"
والقاك صدفه !! بوسط البيت
متخـبـيـه بالـدوانـيـه
تحت "الدواشق" وذيك الفرش
كنـك مـن ايـام منسيـه
اشد "شعرك" وانـا مقهـور
واقول ..قومـي .. ياجنيـه
تقولي "يعقوب" وشبك انـت؟
مافيـك رحمـه ومـاويـه؟
حسيـت بالبـرد واتغطيـت
تعبانه بالحيل ...مـو ليـه
أثريني فجأه... "دفْيت"ونمت
وتوي دريت انـي هنيـه!!!
تتذكري زيـن... ولازيـد!
تتذكري....زيـن يابنـيـه؟
تتذكري كنت " نصـراوي"!
وانـت بميولـك "هلالـيـه
لاجاب ماجد هـدف تبكيـن
وتصير "عبْرتـك" مخفيـه !
تتذكري زيـن... ولازيـد !
تتذكـري زيـن يابنـيـه؟
بالطين يامـا بنينـا بيـوت
ونمرهـا كـل عصـريـه
وبالليل نسهر "انـا" و"يـاك"
علـى قصـص هالحراميـه
واروح لل"مدرسه" نعسـان
وانتـي ولا داريـه فيـه !!
بالفصـل ارقـد ولااهـتـم
وذي "حالتي " كل صبحيـه
بعد "التفوق" وبعد "الشكـر"
اصبحـت "مهمـل " بجديـه
كم مرة ٍ ... مرني الاستـاذ
واعطانـي "؟؟؟" علانـيـه
وكم مرة ٍ وبعدهـا ياكـم !!
بذاك " العصا " قطّع ايديـه
تتذكري زيـن ... ولازيـد!
تتذكري زيـن.... يابنيـه؟
البارحـه جـونـا مـاطـر
ومن "حولنا" النار مضويـه
باطـراف "تنهـات" خيمنـا
شلـة شبـاب ٍ عزوبـيـه
الكـل يضحـك و"متهنـي"
ماللحـزن عندهـم "نـيـه"
الا انـا اكسـر الخـاطـر
مـن سبّتـك يالشقـاويـه


التوقيع,,,,,,,,,,,,,,,,,,,,,,,,منقول ’’’’’’’’’’’’’’’’’’’’’’’’’’’’’’’’’مجنونهااااا

[زهرة التوليب]

الله الله رووعة ياااه احسن اني رجعت عشر سنين ورى ... وعشت طفولتي من جديد ... مجنونها أبيات قمة في الجمال أختيار رائع أعجبتني حيل الله يعطيك العافية زهرة التوليب

[مجنونهااااا]

يعطيك انتي الف عافيه

علي مرورك فديتك الغالي


الف شكر ,,,,,,,,,,,,,,,,,,,,,,,,,,,,,تحياتي لك

[asoolah3]

يعطيك الف عافيه على النقل الرائع
تسلم

ولك تحياتي
عسوله

[مجنونهااااا]

فديتك ,,,,,,,,,,,عسلسل ,

مشكوره علي طلتك

تحياتي لك قلبو ..................مجنونهاااااا