اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 91
قديم(ـة) 13-09-2012, 10:49 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رد: رواية هايم في بحـر الشوق و لذة هيامك / الكاتبة : ضحية حبيبي


انا : يعني اقولك ف خاطري

سيف : انتي ما بتسكتين لين ابند فويهج صح . .

>

<

>

وليد : ايييييييه . .

انا : هاااااا نقزتني . .

وليد : طوفتي الكليه يا الغبيه . .

انا اطالعته : ها . .

وليد : ها لاه ؟ هاا . . لفيييييي هالللفه لفيييييييي لا تسيرين . .

ضربني ع خفيف ع راسي . . : انتي بقره .؟ بكريه ؟ امباع ؟

انا ابتسمت : انزين شووووووو . . .

وليد : اتاخرت ع الدووووووووام انا . . طوفتي اللفه الثانية حتى . . خذي الدوار يالله خلصينا وردي . .

ابتسمت وسقت . .

وليد : اونها تستوي ام البرستيج يوم تسوق . . انا الي ما اكلم حد ومركزه يعني . .

انا : هههههههه جب حيوان . .

وليد يبتسم : هاا . . شفتي تسوقين مثل البخت . .

انا : بس بعده فيني خوف . .

وليد : خلي عنج . . ماشي خوف ولا شياته . . المهم من تخلصين دقيلي بمرج . . وسالفه الدريول شيليها من راسج . . انا بوديج وبردج لين .. . .

انا بدون ما اطالعه : لين شو . .

وليد : توافقين " يبتسم " وعقب انا اخذلج سياره . .

وجان اسسسسسسسسسسسدحه بررررريييييييييييييييييييييييييك . .

وليد : حسسسسسسسسسسسسسسسبيي الله عليها من بنت . .

انا ع طول جفت لو شي سياره ورايه بس الحمدلله ماشي ولا جان خبطتني . .

وليد : مش منج . . من الحيوان الي مخلنج تسوقين . . انزلي يلا انزلي . .

انا : هههههههه عقب ما وصلنا . .

وليد : تعرفين تبركنين . .

انا : لا خلنا جي احسن . .

وليد : يالله خلي تعليم الباركن وقت ثاني لاني متاخر . .

نزل من السياره ونزلت وسرت مكاني مره ثانية عشان اشل اكياس المحطه والكوفي . . وهو ركب . .

ولما كنت قاعده اشل اتلعوزت الشيله تفججت شوي . .

وليد : اركبي . .

انا اطالعه . .

وليد يطالعني عاقد حياته : اركبي . .

انا ركبت . : شو . .

حرك السياره شوي جدام وخلاها ع طرف لان سياايير ورانا . .

وليد : شوي شوي ليش مستعيله . . بالهداوه شلي قشارج . . وعدلي شيلتج ما بتنزلين جي . .

انا نزلت الجامه الجدامية وتحجبت عدل وطلعت من الشنطه روج وعدلت روجي وزدت البلاشر شوي وعقب ركزت ان وليد مركز وياي . .

انا اطالعه : لا تقول لي انك كنت تطالعني طول الوقت . .

وليد مبتسم : انا متاخر متاخر . . انتي باقلج 3 دقايق وبيبدا كلاسج . .

شفت ساعتي : اوووووووبسسسسسسسس . .

وشليت الاغراض وكل شي ونزلت وقبل لا اسكر الباب وخيت : مشكور . .

وليد يأشرلي بأيده بآآي . .

وسكرت الباب وسرت عنه . . !! كنت احس بشعور حلو . . من صليت استخاره من اسبوع وانا كل ما اقعد مع وليد احس بالراحه وكل ما اشوف سيف قلبي ينقبض واكتشف كيف كنت غبيه ! لكن ميره بس ف بالي . . ماقدر اوافق عليه وميره تفكر فيه .. لازم ميره ترد علي . . للحين ماردت من عقب ما كلمتها . .

ميره : انا ما حبيت مايد لا تتحريني حبيته !! ابد ما حس اني حبيته انا بس كنت اتسلى وياه وتعودت عليه ع اساس انه مها لا غييير . . ماشفت انه ريال ولا تكلمت وياه ع اساس انه يكون ريال . .

انا : بس هو حبج . .

ميره تطالعني : تبين تقنعيني فيه عشان

اقاطعها : لا عشان وليد ولا شياته . .ميره انا اقدر افرج ف يدار وماسويلج سالفه واوافق ع وليد . . الي ياني منج ومن صوب اهلج وايد لكن انا مش نذله ولا اني ناكره معروف . . وليد ياني ودق باب البيت ورمس يدي ورمس كل اعمامي و ابوه رمس ابوج حتى وابوج قاله بصريح العباره خذها وفكنا منها . . ابوج اصلا ما يداني وليد ولا يحب يشوفه!!! انا اكلمج الحين ع اساس ع ااسسسسااس على اساسس وركزي على كلمه على اساسسسس اني كنت في يوم من الايام صديقه واخت وقريبه لج . . لاني كنت بقولج نفس الكلام . .

ميره تطالعني وتتنهد : اعرف . . والله العظيم اعرف . . انا مادري ليش صايره حقيره . .

انا اطالعها : ما تكسرين خاطري خلاص . .

ميره تحط راسها ع ريلها : جب . . اعرف انج تحبيني لو شو ما سويت . .

انا اطالعها : انطبي . .

ميره تطالعني : مهور . . انا مالي غيرج تحملي لعانتي . .قبل ماكنتي تتحرطمين . .

انا : لاني صابره وماشوف زين . .

ميره : صح انزين ادري . . عشان سيفوه . . " تمسك ايدي " العبي بشعري شرات اول . .

وحطيت ايدي ع شعرها وتميت اكششه . .

ميره : اااااااااي يالسخيييييييفه . .

قعدت وجابلتني : شوفي . . عطيني وقت بسيط . . وبرد عليج خبر . .

انا : ميروه لا تتغيرين علي . . بكرهج عقب شرات ماناوية اكره اخوج ..

ميره : تخسين . . ماترومين . .

تميت اطالعها . .

ميره : انزين خلج من كل ها . . خبريني ميود سألج عني . .

انا عاقده حياتي : هااا ميرووووه اختيييييييه . . تغيرت سوالفج اشوف . .

مروان + مايد : هووووود هود . .

انا كنت حاجه اوردي الشيله عراسي . . ميره تحجبت بسرعه . .

مروان : السلام عليكم . .

انا : وعليكم السلام . .

ميره تطالع مايد بنص عين : عليكم السلام . .

مروان : انتي شو تسوين اهني . . عفريت ؟ توه جفتج فالبيت متى يييتي . .

ميره طنشته . .

مروان يطالعني : شحالج بنت عمي . .

انا :يسرك الحال . . شخبارك انت . .

مروان يبتسم : الحمدلله . . عيل وينها حرمتي . .؟

انا مبتسمه : تترياك . .

مروان : نشي وصليني . .

حسيت انه يبا يقولي شي لانه يدل الميلس واوردي يبا يكون ويا شما رواحهم ؟

انا : يالله . .

ميره تطالعني وفاجه عينها وترمس شوي شوي : وبتخليني وياه . .

مايد يطالع ميره بجمود . .

ابتسمت : برد . .

ونشيت سرت ويا مروان . .اول ماوصلني الميلس قبل لا ندخل قال لي . .

مروان : سمعي بنت عمي . . ترا الي صارلج ويا سيف و ويا امايا ويا امايتج و غير اذى ابويه انا انسان مالي شغل فيه . . يا ليت ف قلبج ما ينشال علي ذره . . واباج تعتبريني شرات اول . . اخو . . ترا عمج المرحوم كان غالي علينا و وصا الكل عليج . . وانا من استوت سالفتج ويا سيف وانا مارقد الليل واتم افكر واقول يمكن انتي شايله علينا

انا مبتسمه :طول عمرك اصييييل ولد عمي . . ماعليك قصيره والله . .

مروان يطالعني بجدية . . : مثل ما قلتلج . . الي بينج وبين اهلي ب صوب . . انا مالي خص ابد . . اعتبريني واحد غريب عنهم ولا يكون ف قلبج علي شعره . .

ابتسمت : من دون ما تقول يا مروان . .

ابتسملي . .

انا : يالله ادخل ادخل ابا اجوف ردة فعلك . .

وبطلت الباب وصد مروان يطالع . . : شماني تترياني؟

وسكت مره وحده .!!!!!!

كان مصصصصصصصصصدوووووم لدرجه انه تم صصصصصنم . . لا يتكلم ولا يتحرك ! واظن ما يتنفس بعد !! بس يجوووف . .

البنت الخجوله الي تستحي الي ماكانت تحط عينها بعينه خربناها اليوم . . خليناها تلبس له قصير . . مش قصير وايد !!! يعني لبس قصير لين تحت الركب بشوي مع هيلاهوب شفاف وكعب ومكياج فل . . لان اليوم كان ميلاد مروان !! وما يصير يروح اليوم بدون منكر بين زوجين !!!

انا اضحك : ههههههههههههههه ما بتدخل شو . .

طبعا انا لما شفت شماني ترجففففففففف وتطالع الارض وماتتحرك قلت لازم ادخل . .

مروان يطالعني : مهور . .

انا اطالعه . . : بلاك

مروان : دخيلج لا تخلينا رواحنا اليوم . .

انا : هههههههههههههههههههههههههههههههههههههههه

مروان بذهول : قسم بالله ارمس جد . . لو ماتبون البنت تروح من ايدكم ! لا تخلينا رواحنا . .

سكرت الليتات لان شماني الهبله قلنا لها يوم بتجوفين مروان دش سكري الليتات وهاتي الكيكه . . من سكرت الليتات توجهت عيون مروان ل الشموع وتقرب صوبها . .

انا : شموه غني انزين هابي بيرث دي . .

شماني طااااااااااف . .

مروان يغني حق عمره : هابي بيرث دي تو مي . .هابي بيرث دي تو ميييييييي . .

ونفخخخخ ع الشموع . .

وسرت صوب الليتات وشغلتها وعقب طلعت من عندهم !! تكمله الموقف خبرتني اياه شموه انا وميروه عقب ما روح عنها مروان . .

مروان يبتسم : شو هالزين . . شو هالحلا . .

شما ترجف . . : كللل . . ككككل عام . . وانتتت بخيير

مروان : ماشي بوسة ؟

شما ما تتحرك . .

مروان تقرب منها وحبها ع خدها اليمين وخدها اليسار . .

شما تبلع ريجها . .

مروان : كل عام وانتي عروستي . . " يبوس راسها " حبيبتي . . وام عيالي ان شاء الله

شما : ان شاء الله . .

مروان : عشان جي قلتي لي تعال بجوفك اليوم ضروري واباك ف موضوع

شما تهز راسها ب هيه . .

مروان : تسمحين لي ابوسج مره ثانية ؟

شما ماتتكلم . .

مروان يبتسم . . ويهسملها : ابوس ؟

شما بحيا: مممروان عاد . .

مروان يبتسم : خلاص خلاص . .

وعقب مارضت تخبرنا ش ـصآر !!! مع ان الفضول ذبحني وحنيت عليها لكن ما قالت . . ! من عقب ماروحت من عندهم سرت صوب ميره ومايد الا كانو داشين ف نزاع حاد . .

مايد : يوم انج انتي مش قد الوعد حق توعدين الناس ؟ وعدتيني والوعد بيتم ف رقبتج يعل رقبتج القص

ميره : يعل رقبتك انت القص تدعي علي حق شووووووووو

مايد : انتي حسبالج وليد بيسويلج سالفه ؟ والله ولا داري عن هواج . . انتي عاقه عمرج شرات هالهبله " ياشر علي " ما كاانت عاقه عمرها ع اخوج . . سبحان الله انتو ربع يعني نفس الطبع

انا ااشهق : خسي هاي نفس طبعي . . ياليتها ماخذه طبع واحد زين

مايد : لا ابششششرج . . ماخذه هالطبع . . عاقه عمرها ع واحد مايشوفها ولا يفتكر فيها . .

انا اطالع ميره وبصوت خافت : ع الاقل مبين لها هالشي . . مش غاشنها . .

مايد : ياللله عاد . . قوم يود سالي الحزينه . .

انا ابتسم : حقير . .

مايد : يلااااااا خلصصيييني . .

ميره : قللللللللتلك لاااااااا يعني لاااااااااا

مايد : انزييييييين ليش . . ياخي ردي اعتبريني مها راضي انا

ميره : مااااااااااابا ارمسسسسسك مابا

مايد : ما قلتلج رمسيني ياحيوانه . . مسجات بس مسجات . . ياخي ملان انا روحي

ميره : لا والله . . ملان تتسلى فيني

انا : مايد ترا ماعليك منها من وراك تتخبر عنك . . واصلا هي ضايعه بدونك . . ولو مش ضايعه بدونك ماكانت بتيني هالحزه . .

مايد يبتسم : حلووووووو . . يعني متعادلين . . ياخي حق شو مصعبه المسأله . .

ميره : انا مابا ارممممسسسسك افهمممممم . .

مايد : وانا ما بخليج تروحين لين تقوليلي انج بترمسيني . .

ميره : عادي

مايد : لازم عادي لانج تبيني اجبرج اتمين معاي . .

ميره تصارخ : اييييييه . .

انا اصارخ : انتو بس لوعتي جبدي صراخ صراخ . .

ميره : عيل ماتشوفينه

مايد : انزين بخخخخخخطبج . .

ميره تطالعه ..

مايد : والله بخططططططبج . . خل امي ورقوي وابوي يردون بقولهم يخطبونج . .

ميره تطالعني : طاعي هذا

انا رفعت ايدي : مالي خص فيكم . .

يرن تلفون البيت وسرت صوبه . . : الوو . .

عبدالله : مهره ؟

انا : هيه . .

عبدالله : عنود يتكم . . ؟

انا : لا . . !!!

عبدالله : استغغغغغغغغفر الله

باب البيت ينفتح . .

انا : بلى هكي يت . .

عبدالله : ووووووووالله ؟ يالله الحين ياي . .

دشت عنود وصقوري كان وياها ومتيبس صياح متربصصصص ف ريولها وهي تمشي ف طاح . .

انا سرت صوبه وشليته : عنوود بلااااااااااج عليه شوي شوي . .

ما كان يباني كان يرافس يبا امه . .

عنود تصيح وتطالعه بعصبيه : خلاص اصصصصصصص . .

انا غطيت ويهه عنها : عنود والله اني بضربج قسم بالله لاضربج . . انتي حقيره شو .. شو تبين فيه الياهل . .

تميت احظنه واسكته . . سارت عنود غرفتها وانا سرت صوب مايد وميره

انا : بدال الصراخ والضرابه والحشره سكتووووووووووووووووه . .

عطيت ميره الولد وسرت صوب عنود . .

مايد : انتي مجرمه حتى ياهل ماتعرفين له ؟ كيف بتستوين ام في يوم من الايام ؟

ميره : ياخي انت شعليك منننننننننني . . ليش مقهورررر . . بكون ام عياااااااالك وايد تحاتي

مايد : هي بعد شووووووو . . ليش لا ؟؟ ياخي انتي حبيييتيني . .

ميره : ترا انت ذليتني بهالكلمه

صقر يصيح زياده . . جان اصد . .

انا بعصبيه : ميروووووووووووووووووه ..

ميره : بس فدييييييييييتك صقوري بس حبيبيييييييييي . .

مايد بزيغه : صقر نسير سياااااااره ؟

صقر بدا يسكت : سياااااااالاااااااه

مايد : هاتيه . . يالله نسير . .

وشلاه . .

مايد : شفففففتي جي يسكتووون . .

ميره : لانك غويته بس لو ما غويته والله ما بيسكت لك وبيصيح زياده

صقر رد صاح جان ارد اصدلهم مره ثانية . .

مايد : خلاص خلاص . . يالله سايرين السياره . .

وطلع مايد . .

انا : بلاج . .

عنود حاطه ايدها ع راسها : امي وين . .

ومشت عني سارت حجرة امي وحظنت امي . .

اميه : بلااااااج اميه عنود . .

عنود تصيح : امايا خلاص ماباه . . خل يطلللقني . .

اميه : لييييييش . .

انا : شوه مستوي بعد ليش . .

عنود تصيح : يا اميه عمي مش راحممممممني هلكني . . والله سود عيشتي . . انا حرمه وقلبي رهيف كم بتحمل اسمع كلام جارح . . من شاف عبدالله تغير وصار زين وياي وهو بس يسبه جدامي ويقوله ها ولد حرمتك . . ها استويت خاااتم . . ها قصصصت عليك هالسحليه . . ويتم يقولي انتي الي من النوع الي يتسكنون لين يتمكنون ومكاره واتسوين عمرج طيبه " تصيح " وانتي داهيه . . انزين حق شو كله ها انا شو مسويه فيه شووو . . هلكني يا امايا هلكني . . هذا هم مش عم والله انه عدوووو . .

انا : بس عاد امايا الشي زاد عن حدددددددددددددده . . مصصصصصصصخها لين متى بيتم يسوي فيني جذي لين متى . . شلي عمي شالنه علينا . . شو الي كان بينه وبين ابوييييي . .

عبدالله يدق باب حجرة امي . . : ادخل ؟؟

اميه : ادخل ابويه ادخل . .

عبدالله : عـنود !

عنود تصيح : عبدالله دخيلك مول مابا ارمس . .

عبدالله : يا ام صقر اذكري الله . .

اميه : عبدالله شو يخصه يا اميه

عنود : يخصصصصصه انه ولد عمي . . عمي الي يكرهنا ومسود عيشتنا . . امايا انا ما اقولكم لكن يوم عبدالله محد عمي يششششششششغلني خدامه . . وانا حتى ما طريت ولا قلت شي قلت ماعليه عمي وبستوي خدامه عند ريوله .. بفرك ريله ليل نهار ولا بمل . . لكنه يهيييني . . يشغلني عنده ويهيييييييييييييييني . . يذليني يا ااماايا والله يذلني . . يوقفني ع ريولي المطبخ اسوي غدا ويوم ايييب له الي سويته يفر نعمه الله ف ويهي .. يشتمني ويسب ابوي المرجوم ويسبج ويسب تربيتنا . . ليش احنا شو مسوين . . سود عيشت اختي وسودت عيشتي شو ناوي اكثر امايا انا ما اتحمل . .

عبدالله يسير صوب عنود ويبوس راسها : سامحيني . . " يمسك ايدها " امسحيها ف ويهي . . والله ما اخليه يقولج حرف واحد . .

عنود تطالعه : انا تحملت عشانك وعشان صقر " تنزل دموعها " لكن خلاص انا حرمه وبديت اكبر عيب اتعامل بهالطريقه والله عيب . .

عبدالله : ماعاش الا يهينج يا ام صقر وانا حي . . قدرج ع الراس والعين . . " يبوس راسها ويبوس ايدها " سامحيني . .

سار صوب امايا وباس راسها : سامحيني سااامحيني . .

امايا : ادريبك فديتك ما يخصك ف شي . .

عبدالله : قومي معاي . .

عنود : مابرووووووووح . .

عبدالله : ما بنسير البيت . . قومي بنتمشى شوي " يطالعني "

انا مبتسمه : لاتحاتي صقر في عيوني . .

عبدالله يبتسم : وين بيحصل خاله تحبه شراتج . .

انا : ما بيحصل . .

عنود تمسح دموعها . . .

عبدالله : يالله عاد . .

عنود تطالع امايا وتطالعني .

انا : سيري شو تطالعين بعد . .

ومسك ايدها وظهرو سوى . .

امايا : الله يسخر قلبك لـ قلب بنتي ولا يغير قلبك عليها يارب

انا : امين . .

>

<

>



رن تلفوني ونقزت . .

انا : الوه . .

وليد : دخلتي كلاسج . .

انا : هاه

وليد : شو هاه . . دخلتي كلاسج ولا . .

انا : لا . .

وليد : ليش ؟

انا : امشي الحين بروح . .

وليد : في شو كنتي تفكرين ؟

انا مبتسمه : ماشي . .

وليد : خل عنج قولي . .

انا : جب شو يخصك انته . .

وليد : جب ف عينج . .

انا اسلم ع وحده : هلا والله حيااااااااااااااتي . . " ويلست ابوسها واسولف شوي "

انا : الوه . .

وليد : خليتي شي . . حياتي حبيبتي عيوني . . قومي احجزي لها غرفه ف الفندق بعد

انا شهقت : اييييييه

وليد : عيل ؟ ماخليتي شي ما قلتيه . . عيب شو ها . . شو خليتي حقنا يوم بنعرس

انا : انت وايد واثق

وليد : يعني بتقولين لي انج ما بتترين رد من ميره ."؟

انا انصدمت و وقفت مكاني : شوو . .

وليد : ميره ردت خبر ترى . . وردت علي انا . .

انا : عن المصخره انزين

وليد : برايج . . بااي

انا : اييييييييه ..

وليد : ها . .

انا : بلا استهبال

وليد : شوو . .

انا : ليش تستهبل . .

وليد : ماستهبل . .

انا : انزين خلاص خلاص برايك . .

وليد : ميره تباج توافقين . . وتباج تكملين حياتج وياي . . وتحس اني بعوضج عن كل شي عانيتيه من اخوها ومنها ومن ابوها ف يوم . . تحس اني انا وهي قصه مش مكتوبة ومش لبعض من البدايه وهي متعلقه ف وهم كاذب والسالفه بكبرها اعجاب وفضاوة . . ميره تبانا لبعض . . وتعطيج تبريكتها بع ـد .!

انا سكت ولا علقت ولا قلت حرف واحد . .

وليد : ترا ها كلامها بالحرف . . لا زورته ولا شي . . وهي شكلها حلمانه وناشه ع طول دقتلي وخبرتني انها قالتلج بتفكر وبدال ما تتصل فيج اتصلت فيني تقولي عشان ابلغج . . واذا مش مصدقه شوفي المسج . . قالتلي بطرشلج مسج . . وهو يتكلم جان اجيك ع المسج كان نفس الكلام الي قاله وليد مكتوب . . حسيت بشعور ثاني . . بشعور مادري شو والله ماعرف اوصفه لكن . . .تجربه يديده ؟ قصه مش متوقعه بين اثنين ما كانو فالحسبان ييصير لبعض ؟ هذا الي شكله بيصير بيني وبين وليد !!!!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 92
قديم(ـة) 13-09-2012, 11:31 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رد: رواية هايم في بحـر الشوق و لذة هيامك / الكاتبة : ضحية حبيبي


السلام عليكم ورحمه الله وبركآته . .

اعذروني ع التآإخيير . . بس جد كنت تعبآنه وميهوده شوي من تغير الجو . .
ممم حسيت ان صعبه اداوم الخميس وارد اكتبلكم بآرت على طول . .
ف ريحت وجيه وعقب كتبت على رآحتي وبروآق . .

ممممم بالنسبه للباآرت يا ليت ما اسمع جمله " البارت قصير " او " طولي البارت "
كذا مره وضحت لكم ان الي اكتبه عباره عن 25 صفحه وياخذ مني فوق الـ 3 ساعات للكتابة . .
يعني راعوني فيهآ = ) وخلكم طيييييبين ويآإي وخافو على ايد ومخ كآتبتكم . . . . !!


بغيت اقولكم ان من الاسبوع الياي ما راح يكو البارت اكيد الخميس !
راح يكون يا الخميس او الجمعه . .
يعني مابا اكتب غصب الخميس ويطلع البارت مش حلو . .
ابي اكتبه على رواق وعلى راحتي علشان تستمتعون فيه شرآت بآرت اليوم . .
يعني لو يوم الخميس مر وما جفتوني نزلت شي تاكدو اني راح انزل الجمعه . .

المهم راح يكون ويكند يعني . . ويوم ما راح انزل اكيد اني بقولكم . . .
والحآآظر يعلم الغآآيب . . والي مآينسسسى يذكر إلي بينسى لان ادري بتنسون اني قلت هالكلام لؤول . .
اترقب ارائكم وتعليفاتكم وتوقعآتكم باحر من الجمر . !

متآإبع ـه بصصصمت . . !
تحيآتي . .
ضح ـيه

كلامــ الكاتبه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 93
قديم(ـة) 14-09-2012, 07:50 AM
صورة العمر رحله الرمزية
العمر رحله العمر رحله غير متصل
©؛°¨غرامي مشارك¨°؛©
 
الافتراضي رد: رواية هايم في بحـر الشوق و لذة هيامك / الكاتبة : ضحية حبيبي


تسلميين جد جد رووعــــــه
يقـهررر هالسيف خاطري اضربه
يعطييك الف عافيه على النقل
ومشكووووريـــن كثــير


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 94
قديم(ـة) 14-09-2012, 10:02 AM
صورة مـآ يهزنـي ريـح الرمزية
مـآ يهزنـي ريـح مـآ يهزنـي ريـح غير متصل
©؛°¨غرامي متألق ¨°؛©
 
الافتراضي رد: رواية هايم في بحـر الشوق و لذة هيامك / الكاتبة : ضحية حبيبي


ro3a .. :3


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 95
قديم(ـة) 14-09-2012, 01:32 PM
صورة shesho_m الرمزية
shesho_m shesho_m غير متصل
©؛°¨غرامي مشارك¨°؛©
 
الافتراضي رد: رواية هايم في بحـر الشوق و لذة هيامك / الكاتبة : ضحية حبيبي


تسلمين الغالية ع البارت
الصراحة ما عليه كلام
وفي انتظار البارت القادم ••• *_^



آخر من قام بالتعديل shesho_m; بتاريخ 14-09-2012 الساعة 01:35 PM. السبب: خطا املائي
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 96
قديم(ـة) 20-09-2012, 10:22 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رد: رواية هايم في بحـر الشوق و لذة هيامك / الكاتبة : ضحية حبيبي


يآيتنكم ب بارت يصدمكم . .
اصبرو شوي وبرد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 97
قديم(ـة) 20-09-2012, 10:26 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رد: رواية هايم في بحـر الشوق و لذة هيامك / الكاتبة : ضحية حبيبي


البارت الـ 16



: لو سمحتي ؟

صديت : اهلآ . .!

لاحظت ان الريال تم يطالعني باندماج وبابتسامة باهتة . . حسيت بشعور غريب . . ملامح اعرفها لكن ما اعرفها . . شكل مار علي بس . . مادري ماعرف اوصف . . مع اني اول مره اشوفه بس ملامحه مألوفه

مدالي ايده وعيني يت ف ايده . .

: بطاقتج طاحت منج وانتي تمشين . .

سحبت البطاقة وبعدني اطالعه . . : شكرا . .

ابتسملي . . ومشا بيروح . .

مادري شو الي خلاني ألحقه : لو سمحت . .

صدلي . .

انا باستغراب : انت تعرفني . .

ملامحه بدت تتغير . . والله العظيم نظرة هالعيون مألوفه لي بس ماعرف وين . . العين الي تريح بس فيها سرر مخبآي . . هالعين دوم ألاحظها واقول شو ورى هالحزن ف العين . .

: لا ماعرفج . . " ابتسلمي " عن اذنج . .

وفجججأه طلع صوت انذار الحريجة .!! البنات اششششتلن . . صرااااااااخ وركضضضضضض وصياااح . . فجاه اشوف الكل يظرررررررررب جتفي بقوة لاني كنت واقفه صوب الممر ويركضض وانا بعدني منصدمه ماعرف شسالفه . . طلعت وراهم وين ما يمشون امششششي . . كلهم طلعو من المبنى وسايرين صوب السيييياييير . . وصراااخ كل بنت تطلع تقول بصوت عالي ( حريييييييييجه حريييييييجه . . الكانتين احتررررررررررق ) تميت واقفه برع وانا ماعرف شسوي . . .احس بزياااااغ .. شصار فجاه ليش البنات يصارخون وين الحريجه بالضبط . . ما شفت الا والريال نفسه جدام عيني طلع . .

: شصاااار ؟؟

تميت اطالعه بتمعن . .

: شوو مسستوي

انا : ماعرف . . سمعت جرس الحرايق وطلعت مثل ما طلعو البنات . .

كنت ارجف وانا ما حاسه بعمري لكن والله ماقدرت اوخر عيني عنه . . احاول اذذذذذكره واذكر شو الي جمعننننننا . . انا متاكده ان هالريال اعرفه . .

: بتتصلين في حد يمرج ؟

انا تميت اطالعه . .

: مهررررره .. !!!

عقدت حياتي : انت تعرفني .. ؟

تم يطالعني . .

انا : انت امنوووووو . .

تنهد : اركبي بوديج البيت . .

انا اطالعه . . : بصفتك ؟

تم يطالعني . . : شهاب . .

انا اطالعه وفاجه عيني ع وسعهن . .

شهاب : شهاب ولد عمج سعيد . .

بلعت ريجي وغمضت عيني . .

بطل لي الباب وتم يطالعني : اركبي . .

يتني وحده من البنات تصيح : مهوووووووور . . وصليني دخيلج . . بيتنا اهني جريب . .

شهاب يطالعها : اركبي . .

البنت تمسح دموعها وتركب ورى . .

اما انا ركبت جدام وانا منصدمه . . ماقدر اتكلم . .9 سنوات ورى . . 9 او 10 سنوات ما اذكر بالضبط . . غمضت عيني ومابي اذكر . . سررررر . . سررر عمي سعيد . . شهاب هو سر عمي سعيد الي كان مخبنه وانا كشفته . .للحين اذكر ان ابوي ضرررررربني لانه حسباله انا كنت اتصنت . . شهاب الي كان ريال بلحييييته يصيييييح ويقول انا شذذذذذذنبي . . وين ارووح . . لعن روحه وحلف ما يرجع ولا يدخل هالبيت . . شـ هالصصصدفه . . 10 سنييييييييين . . يالله كيف مرت الايام . .

البنت : مشكورة مهور . . مشكور اخوي بس وقف اهني . . اهني بيتنا . .

انا حتى مادري منو هاي الي ركبت من كثر ما انا منصدمه . .

شهاب : شصار ف كليتكم ؟ توه اول الصبح اي حريجه هاي الي صارت . .

انا : مادري . .

شهاب : انا ماجفت اصلا دخان ولا جفت شي بس البنات يروعن وهن يصارخن وشالات البقعه ويركضن برع

انا اطالعه بعيون ضيجه وبعدني مش مستوعبه . .

شهاب تم ساكت ما اتكلم . . مع اني ادري انه هو كان يدري اني اطالعه وسرحانه فيه لكن ما علق ولا قال شي . .

عقب فترة بسيطه تكلم . .

شهاب : بيتكم نفسه ما تغير . .

انا : لا . . ما تغير . .

شهاب : يدي بخير . .

تميت اطالعه : بخير . .

شهاب يبتسم : ويدوه . .

انا : بخير . .

شهاب : مع اني ما عشت معاهم بس وايد احبهم . .

انا : . .

شهاب : و . . .

انا اطالعه بتمعن . .

شهاب : و وليد بخير . .

رن تلفوني والمتصل وليد . . وانصدمت . . عمره طويل . . سبحان الله توه نطريه . .

شهاب يطالعني . . : لو حد من الاهل لا تردين لين اوصلج . .

مارديت عليه وتم وليد يتصل ويتصل ويتصل . . حولت فوني سايلنت وبعده يتصل لين لاحظ شهاب . .

شهاب يطالعني : امج . .

انا : وليد . .

حسيت فيه وف الغصه الي ف قلبه .. قسم بالله مفضوح . . كل شي فيه مفضوح . .

انا : الو . .

وليد : انتي ليش ماتردين !!!!!!!!!!!! شيخوه اتصلت فيني قالتلي مستوية حريجه والبنات شاردات من الكليه كلهم ظاهرييييين . . سسسسرت الكليه ماشفت حد مووول انتي ويييييييين

انا : راده البيت . .

وليد : راده البيت ؟

انا : هيه . .

وليد باستغراب : مع ؟

انا اطالع شهاب . . : ربيعتي . .

وليد : ليش مرتبكه . .

انا : ماقدر ارمس الحين . .

وليد : مهور شفيج . . انتي ويا منو راده تكلمي . .

انا بندت فويهه . . وتنهدددددت . .

وقفتنا الاشاره و صد صوبي شهاب وانتبه ل تلفوني انه يرن . .

شهاب يتنهد : مايعرف . .

انا اطالعه : محد يعرف . . السر اندفن مع موت ابوي وعمي سعيد ما طلعه ابد . .

شهاب يبتسم : حتى انتي المفروض ماكنتي تعرفين . .

انا اطالعه بتركيز : الحمدلله اني عرفت . .

شهاب يطالعني بنظرة حزن ويبتسم . . .

انا: ليش . . ليش ماحاولت ترجع . .

شهاب عاقد حياته : اررررررجعععع !! انتي مينونه .. ارجع وانا الي طردني وعافني ابوي . .

انا : عمي من ذاك الوقت شال حزن ف عينه لين نسيت انا الموضوع ونسيت شو سبب حزنه . .

شهاب يبتسم باستهزاء : جان دورني . .

انا : اكيد دورك . .

شهاب يبتسم : خليها على الله . . انا ريال بدش الـ 31 . . كبرت ع الشره والزعل . .

انا ماعرفت شو ارد عليه . .

شهاب : ماريد اي حد يعرف عن شوفتج لي . . اعتبري نفسج ما جفتيني . .

اول ما دخلنا فريجنا لاحظت ف عينه العذاب . . كان يتصدد يطالع بيوت عمي وبيوتنا وبيت يدي . .

شهاب يمسح دمعته قبل لا تنزل . . قطع قلبي والله قطع قلبي . . ماعرفت شو اقول ولا كيف اهون عليه . . كل السبل الي اعرفها لتخفيف العذاب وللمواساة نسيتها مره وحده .. كل شي تبخر . .

شهاب : ها بيت ابوي ..

انا اطالعه : هيه . .

شهاب يبتسم . . : اليوم لازم اكفر . . حلفت هالمكان وهالفريج ما ادخله . .

انا : مايصير ولد عمي . . الي فات مات . . الي صار ماضي

شهاب يطالعني وعاقد حياته : ماضي ؟؟ انزين وين الي غلط ولازم يصلح الغلطه ؟ ليش ما يا ؟ ليش مافكر يرجعننني . . ليش ما سال عني . . هو يدري عقب ما ماتت امي انا ماعندي حد . . 30 سننننننننننه . .30 سنه ما اعترف فيني اني ولدددددددده . . 30 سنه . . !!!!!! 30 سنننننه ما يدرررررري عني ولا شاااااااااااااااافني .!!! شااااااافننني مره . . بسسس مره قبل 10 سنين يوم جفتيييني . . ووووووو طول هالعشششششششر سنين ما سأل ولا يعرف انا كيف كنت اعيش . . كيف اللقمه ادبرها واحطها ف حلججججججي . . كيف المكان الخايس الي كنت عاااااااااااايش فيه . . كيف عانيت وانهتتتتتت لاني ماكمللللللت دراسسسسه . . كيف كنت اذل روحي لـ إلي يسوا وإلي ما يسوى . . " تنزل دموعه " انا ريال انهـنت . . جرحت كبريائي ألف مره قبل لا اوصل االي انا وصلته الحينه . . الشغل . . السياره . . البيت . . الرفاهية الي انا فيها ما يت بسهولة . . عانيت دمممممم . . دخلت ويهي عند فلان وعلان . . ناس رزوني وكبروني ولا انا كنتتتتتت ما اسوى بيزززززه بدون لا اهل ولا دراسه ولا شهادة تنفعني . . باعني انا وامي ولا فكر يسأل عنا ولا يمد ايده ب فلسسسس . . والحين عقب عمري الي ضاع تقولين لي الي فات مات . . شـ عشت انا اصلا معاه . . شـ عشت . . خلص عمري يا بنت عمي وانا ماعشت ..

انا بلعت حرقتي . . بغيت اصييييييح . .والله العظيم بغيت اصييييح . . مادري ليش احس ب احساس اكبر عن انه ولد عمي . . احس ب شي ثاني ماعرف اوصفه والله . . احس بعد في سر انا ماعرفه . . ماعرف ماعرف شقول . . خاااانتني العبره بس وانطبيت ولا اتكلمت ولا قلت حرف لين اندقت الدريشششه بقوة صوب شهاب الي انصصصصدم . .

شهاب يطالعني : منو . .

انا اطالعه بصدمه . .

شوي ويا وليد صوبي وبطل الباب علي بعصبيه وسحب ايدي ونزلني من السيارة . .

نزل شهاب من السيارة ودزني وليد عسب ادش البيت وسار صوب شهاب وعلى طول رفع ايده بيعطيه بكسسسسسسس . . جان اركضضضضض وحاميت عنه . .

وليد مصدوم : يا قوات عينج . .

انا اطالعه : وليد انت فااااااااااهم غغغغغغغغلللللللللط . .

وليد بغيض يطالعني : وخري . . قسم بالله ما اابا امد ايدي عليييييج " يصارخ " وخرررررري . .

شهاب : وخري . . خلييييييه . .

وليد يصارخ : لكككك ويه يا حيوااااااااااااااااااااااااااان " ويعطيه بكسسسسسسس "

انا اشهق . . : شهااااااب . .

وليد فاج عينه ويطالعني بصدمه . .

انا اصارخ : ها اخووووووووووك . . اخوووووووووووووووك . .

وليد بردت ملامحه . . كان ماد ايده بيرد يضربه بس تشللت ايده !!!!! اعصابه تيبست وملامحه اختتتتتتفت . .

وليد : انتي شو تخربطين . .

شهاب : مهره دخييييييييلج . .

انا اطالع شهاب : لا . . والله ما بسمح لك تبتعد خلاص . . المخباي لازم يطلع حتى لو اتحمل المسؤوليه طول عمري . . لو انضرب من عمي سعيد . . لو انجتل ع ايد الكل انا مابعرف انك موجود واسكت . . كفايا خلاص . .

وليد حطا ايدينه الهنتين ع جتفي وخلاني اجابله : كلميني انا . . . فهميني

شهاب كان ياي يركب السياره بيروح بس وليد مسكه من جتفه وتم يطالعه . . بلع ريجه وتم يشوف ملامحه . . اكيد وليد حس ب الي انا حسيته . . الشبه الي بينهم فظييييع . . الي يدقق يعرف انهم اخواااااااااااااااان . . اثنينهم نفس ملامح العين . . يشبهون عمي سعيد من فوق .. عينهم تتميز عدل . . نفس الحده . . نفس الحواجب مرسومة رسم . . . في ملامح متشابهة حتى وليد انصدم ونزل ايده . .

وليد : انت . . .انت كييف . . .. كييف . .

شهاب : انا لازم اروح قبل لا يي ابوك . .

وليد يمسك جتفه مره ثانية : ما بتروح مكان لين اعرف انت شو تكون . .

شهاب يخوز ايد وليد . . : لو تبا تعرف هاك بنت عمي . .

انا : ولد عمي دخيلك . . دخيييلك . . لاتروح . .

شهاب يطالعني . .

انا : دخيلك . .خل وليد يسمع منك ويعرف . . ع الاقل بدال الابو يكون عندك اخو . . اخو يعرف بوجودك . .

وليد يطالعه بتركيز . .

انا : محد ف بيتنا . . خل ندخل . .

ركب شهاب وسكر سيارته ورد نزل . . وكلهم لحقوني . .

تاكدت ان الميلس خالي ودخلنا كلنا . . قبل لا نبدا الحوار دخلت امي . .

امي : في حد اهني . .

شهاب نزل راسه . .

امي دشت . . : وليد ؟ مهره انتي مارحتي الكليييه . . و منو . . " تمت تطالع وفجاه شهقت "

شهاب تم منزل راسه . .

امي تجربت وتجربت وتجربت وعينها كانت تمتلي دموع . .

شهاب بلع ريجه ورفع راسه . .

امي : شهاب . .

شهاب انصدم ان امي تعرفه . . رفع عينه يطالعها و وقف . .

امي تنزل دموعها : ولدي . . حبيبي . . " حظنتتتتتتتتته بقوه "

انا و وليد انصصصصصصصصصصصصصصصصصصصصصصصصصصصدمنا اخررررررررررررر صدمه . .

اي شعور . . اي كلام . . اي واي واي اي . .!!

كل شي كل شي تبببببببببببببببببخخخخخخخخخخخخخخخخخخخر . .

وووووووووولدي ؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!

اميه شـ تقوووووووووووووووووووووووووووووول .. .

شهاب ما يتكلم . .

امي تطالعه وتمسح دموعها : انت . . انت كيف غبت .. وين رحتتتتتت . .

شهاب : ولدج ؟ انا . . . ولدج . .

امي تصيح وتيلس ويلس حذالها شهاب وكانت ماسكه ايده بقوة جنها تخاف يروح منها . .

وليد : الله يخليج تكلمي . . " يطالعني " كيف انتي امه . . كيف اذا انتي امه انا . . انا شو . . انا . .

تلعثثثثثثثثم وهو يطالعني ماقدر يكمل . .

امي : انت مش اخوها . . شهاب اخوها . . انا رضعته 5 شهووور . . 5 شهور كبر على ايدي . .

شهاب مصدوم . .

امي : امك ما رضعتك انا الي رضعتك وربيتك 5 شهور . . " تبتسم بعذاب " انا الي سميتك . .

وليد يطالع امي وانا اطالع امي نترياها تكمل . .

امي تطالعني عين ب عين : قبل لا احمل ف عنود حملت ف اخوج محمد الي توفى عقب اسبوع من ولادته . . " تصيح بعذاب " عقبها ياب ابوج ولد عمج سعيد وحطاه بين ايدي . . قالي ربيه بالسر بدون محد يدري . . اقفلي ع روحج الباب ولا تدخلين حد طول ما الولد موجود . . ماكنت ادري " يطالع شهاب " ان شلوك من حظن امك اول ما ولدت ويابوك عندي . . والله ماكنت ادري . . 5 شهور وانت راااابي ف حظني . . ما تفارقني لا صبح ولا ليل . . قطعت الكل . . " تدمع وتطالع وليد " حتى امك ماكانت تعرف . . تيني لين البيت وعشان شهاب يرضع ماكنت اطلع لها وتزعل مني . . " تطالعني " حتى حريم عمومج كلهم كرهوني والسبب اني حاكره روحي بس فالغرفه عشان خاطر شهاب . . محد كان يعرف السبب الا ابوج " تطالع شهاب و وليد " وابوكم . . وتحملت لاني حبيتك . . كيف ما احبك وانت ماتفارق حظني وعوضتني عن حزني . .نسيت حزني من خليتك ف حظني . .

شهاب يغمض عينه وتنزل دموعه . .

سحبته اميه وحظنته . .

وليد : بعدين .. شصار . .

وليد كان متأثر وعيونه تلمع من الدموع المحكوره ومانزلت . .

اميه : ف الشهر السادس . . عرفت امه انه كان عندي ويتني لين البيت وقالتلي انهم خطفو شهاب من حظنها . . صاحت جدامي . . وشوي وبتبوس رييييييلي عشان تشوفه بس . .

شهاب يغمض عينه بعذاب : واستغفلتج وخذتني . .

اميه تنزل دموعها : بس سرت المطبخ يوم رديت ما جفتها . . ما تنلام . . " تصيح بعذاب " ولدها مهما كان . . حققها . .

وليد : وبعدين . ." تنزل دمعته "

اميه : عرف بو مهره المرحوم وعرف سعيد . . ودور شهاب دواره ف كل مكان بس ما حصله . . انهار وتعب

شهاب يقاطعها : ابوي ليش طلق امي . .

اميه تطالعه : لانها ماكانت من دمنا وفصيلتنا . .

شهاب يطالع اميه بعذاب . .

وليد يغمض عينه : قسم بالله حرام . .

اميه : سعيد غلط لانه تزوج بالسر . . و يدتكم يوم عرفت حلفت تتبرا منه وماكانت تعرف انها حامل . . لو عرفت انها حامل جان ما قالتله يطلق . . و سعيد حاله حال اي ابو ما يبا ينحرم من ضناه ولا يبا عصيان امه . . شل شهاب من حظنها عشان هو يربيه . . وما لقى غير ابوج الله يرحمه الي وقف معاه ويابوه عندي لين ردت شلته امه . .

شهاب : بس انا رديت ييتكم . . " يطالع اميه " يييتكم وانا بأسوء حاله . .

اميه تطالعه توقف وتصارخ : انا لو كنت اعرف حززتها كنت بخليك تطططططططططلع ؟والله ماكنت بخليك تغيب عن عيني لحظة . . انا ماعرفت انهم طرررررردوك لين ما انت رحتتتتتتت خبرني المرحوم . .

انا : ابوي ليش ما مننننننع عممممي

وليد : فهميني " قام وسار عند امي وقعد ع الارض ورفع راسه يطالعها " بعدني مش فاهم . . ابوي ليش طرد اخويه . . " بغيض يقولها " ليش طرد واحد من لحمي ودمي ليش . .

اميه تطالعه وماقدرت ترمس . .

وليد فاتح عينه ع وسعهن : لا تقولين . .

اميه تنزل راسها . .

وليد يطالع شهاب الي عينه ممتليه دموع . .

شهاب يبتسم بحسرة . .

وليد عاقد حياته : امي . . امي السبب

اميه تتنهد : امك حال اي حرمه تغار . . وكانت بعدها ماتفكر تفكير عقال . .

وليد يغمض عينه بقوة : حسبي الله ونعم الوكيل . .

شهاب يطالع وليد وتنزل دموعه : توفت امي وعقب ما دفنتها ب ايدي يييتهم . . ييتهم البيت الي اميه دلتني عليه قبل ما تموت عشان اروح له واتساند فيه . . البيت الي المفروض يلممممني . . يشيلني . . البيت الي الاهل الي فيه يوقفون وياي وقفففففففه عزززا ويداروني ويراعوني . . يييتهم وانا حزني ف عيني وثيابي مبلله ومتخيسه ب دفان امي . . انطردت ياخوي . . انطردت طردة جلاب . . انطردت وانا ف عز حزني وهمي . . انطردت وانهجرت . . ماكان كفايا علي عايش 20 سنه مع ام بدون عايله . . عشت عقبها بعد 10 سنوات وحيد . . 30 سنه ضاعت وانا وحيد . . " بصوت يقطع القلب " 30 . .

عقبها بح صوته من الصياح . . .

اميه تصيح و وليد يصيح . . وانا ماسكه عمري ما قادره . . ماعرف كيف اتقبل ان اخوي و وليد عمي عاش بهالطريقه وكيف انهان وعاش حياه صعببببه . .

اميه : المرحوم ما عدا عليه يوم ما دورك فيه . . ما عدا عليه يوم وما ذكرك فيه . . كل يوم يوصيني لو مات اتم ادورك وما ايئس . . لكن مثل ما تشوف . . كبرت . . ماعاد بايدي شي . . ماكنت اقدر غير ادعي انك ترجع . .

وليد يطالع اميه وعقبها صد اطالعني . .

كانت عيني ب عين اخويه . . انا . . انااا . .انا صار عندي اخووو . . صار عندي اخوو . .

سرت صوبه وخطواتي صصصصصصصعبه . . احس اني ادوس مسامير وانا امشي لين وصلت عنده ومن شافني قام وحظني وحظنته بقوووووووه . . كنت اربت ع جتفه وع ظهره . . احاول اشيل من الي فيه لو شوووي . . مسحت ع ظهره وانا بس اقوله " ماعليه . . كل شي يتعوض ياخوي . . ماعليه . . اهم شي انت بينا الحين . . ماعليه . . ما بسمحلك عقب اليوم تبعد دقيقه . . ما بسمحلك . . ماعليه . . ماعليه ياخوي "

اميه : ولييييييييييد . . تعااااااااال . .

شهاب يطالعه : وليييييد . .

خزت عنه وركض شهاب ورااه ويحلف انه ما يطلع . .

وليد : خوووووووووووززززززززززززززززززززززز . .

شهاب يمسك ويه وليد بايده الهنتين : شووووووفني . . شوووووووووفني قاعد اكلمك . .

وليد يطالعه . .

شهاب : هاي امك .. جنتك ونارك . . الي سوته فيني ما يخصك انت فيه . .

وليد يصارخ : كيف ما يخصصصصصصصصصني وهي السسسببببب . . كيييييييييف

شهاب يصارخ : لا تصارخ ف ويه اخوك العود . .

وليد يصارخ : ف يوم و فلحظة عقب ما كنت وحييد تقول لي اخوووووووووك " يصارخ اكثر " اي عقل يصصصصصصصصصدق . .

شهاب كان ياي يصارخ بس انا مسكت شهاب من جتفه عشان يسكت . . وتم وليد يطالعني . .

انا اطالع وليد : اهدى . .

وليد يبلع ريجه . .

اعرف انه ما يقدر يصارخ علي وبيسكت وبيبلع الي فيه بس عشان ما يطلع الي فيه فيني . .

طلع وليد وكان شهاب بيلحقه . .

انا : شهاب خلك مع امي . .

صد صوب امي شافها تصيح . .

انا ابتسمت : اكيد انت محتاجلها اكثر . . كفايا انها امك . . رووح اقعد معاها شوي وخل وليد علي . .

شهاب يتنهد : كل ها من تحت راسج . .

انا : كيف كنت تباني اخليك . . احساس الاخوه يمكن هو الي خلاني امنعك . . كننت حاسه ان في شي مش طبيعي والله العظيم . .

شهاب يطالعني . . احسه حتى هو مش متعود علي . . ولا انا متعوده عليه اصلا لكن احس فيه . . احس بشعوري تجاهه . . ماعرف اوصف بس والله في احساسس فيني . .

سار صوبي امي وانا طلعت لحقت وليد كان واقف وانا مستغربه من وقوفه !! ليش واقف وما يتحرك عند باب بيتنا الي برع وبس ماسك الباب ومنزل راسه . . عقب عرفت انه يصيح . . من جتوفه الي تتحرك عرفت انه يصيح . . بدال ما يطلع برع رد بيدش وجابلني شافني اني واقفه اشوفه . . مسح دموعه ودش داخل ورديت ألحقه . .

وليد : ع فكرة " يطالع شهاب الي كان ماسك ايد امي " ليكون كنت تحسدني ؟ لاني عايش بين ام حرمتك من امك وبين ابو خلاك ؟ يمكن عشان جي الله صرف قلبي عنهم . . انا من انولدت ماكنت اتم عندهم . .عايش عند يدتي . . طول الوقت عند يدتي بدون سبب . . مع ان امي موجوده وابوي موجود بس كنت تام عندهم ماحب اتم ف بيتنا . . حتى يوم كبرت كنت احس بشعور غريب تجاهم . . لا تتحراني ابالغ والله ما خذت منهم حنان ولا حب ولا خذت منهم شي . . يمكن احساسهم بتأنيب الضمير تام معاهم طول ما انا كبرت لدرجه انهم اهملوني . . العيشه الي عشتها بروحك بدون اهل اهون من عيشه بين اهلك وانت متغرررب . .

شهاب يبتسم بحسره : كان عندك بيت وليد ؟ عندك اكل ؟ عندك مصرف ؟ عندك ناس تربت ع جتفك لو ف يوم . . كنت معزز . . مكرم. . ترفع راسك ماتخاف ولا تهاب شي . . لكن " يبتسم باستهزاء " انا انذليت وعانيت لين قلت بس . .

اميه تصيح : سامحني ياوليدي . . سامحني . .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 98
قديم(ـة) 20-09-2012, 10:28 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رد: رواية هايم في بحـر الشوق و لذة هيامك / الكاتبة : ضحية حبيبي


شهاب يبوس راس اميه : مالج ذنب . .لا تصيحين . .

وليد يبلغ غصته . .

شهاب قام وجابل وليد : ما بتسلم ع اخوك . .

وليد تام بس يطالعه وعقب بلع ريجه وحظنه . .

شهاب يدق ع ظهره بقوة : خلك رياااال . . خل الدموع حق مهره ام المشاكل . .

انا ابتسمت . .

شهاب : يالله بس بس " يربت ع ظهر وليد الي كان يدمع وهو حاظننه "

وليد يجابله : اسمحلي . . ضربتك بكس مع انك

شهاب يقاطعه ويعطي وليد بكسس خفيف . .

شهاب : وهذا الثاني

عطاه بكس شوي اقوى . .

وليد يطالعه . .

شهاب : لاني اخوك العود . . . لازم دبل تعويض . . " يبتسم "

وليد يبتسم . .

شهاب يتنهد : يالله عيل . . انا بترخص . .

اميه تقوم : والله ما تطلع من هالبيت والله . .

شهاب يطالع اميه . .

اميه : تترك بيت امك وتسير تعيش ف شقه . . والله ما تطللللع . .

انا عاقده حياتي : شهاب ما بتطلع من اهني ..

وليد : انت تتحرا دخول الحمام زي خروقو . . ؟ " يضربه ع جتفه " تونا نقول بسم الله . .

شهاب يطالعهم : مش مستعد حق اي شي . .

وليد : اترياني اهني . . " يطالع اميه " راقبيه . . بكلم الدوام وبرجع " يطالعني " وانتي تعالي شوي اباج

لحقته لين الصالة وسرت يبتلي ماي حسيت ريجي ناشف لين يخلص من المكالمة ويوم رديت الصاله ماجفته لمحته من الدريشه انه واقف برا بعده يرمس فون . . بطلت الباب وطلعت . .

وليد : تمام . . خلااص تمام . . ما تقصصر حبيبي . . مع السلامه . . " يطالعني " الله وياك . .

انا اطالعه : ليش زاقرني . . " سحب عني كوب الماي وشربه مره وحده وعقب رد عطاني الكوب "

انا اطالعه . .

وليد يطالعني : شلللي . .

شليت الكوب عنه . .

وليد يتنهد : ممكن نتكلم . .

انا اطالعه : تكلم . .

وليد : ممككن اعرف كيف اتلاقيتي معاه بالتفصيل ؟

انا : ليش . .

وليد عاقد حياته : ارمسي . .

انا خبرته الموقف ب حذافيره . .

وليد : ايوا . . يعني اعتمدتي ع احساسج الخاررررررق ماشاء الله وركبتي وياه السياره . .

انا : هييييه واحساسي طلع ف محله . .

وليد يطالعني بعين جدية : لاه ؟

انا ابتسمت : هيه بعد شووو . .

وليد تقرب مني وانا تميت ارجع ورى وهو يمشي يتقرب وانا ارجع . .

انا : اييييه شفيك . .

كنت شوي وبتخرطف جان يمسكني من جتفي ويعكس اتجاهي . .

انا تميت بعد ارجع ورى . . وهو يتجدم . .

انا : بسسسسسسس شوه فيك عن السخااافه . .

لين دق راسي ب اليدار وماشي مجال ارجع اكثر . .

وليد يطالعني بعين صارمه . .

انا : ايه عن الاستهبال وخررررر . .

يايه ادزه ع صدره عسب يخوز لكنه مسك اذني بقوة ويقرصني . .

وليد : خللللل نفرضضضض . . مثلاااااااا مثلاااااا يعني . .

انا ماسكه ايده الي فوق اذني : آآآآي . .

وليد بايده الثانية مسك ايدي الي ماسكه ايده فيها ونزلها ومسكها بقوة . .

وليد : خل نفررررض انه واحد جذاب . . يشبببهني ويششششبه ابووو" كان بيقول ابوي لكن ما قالها " ويشبه عمج سعييييد مثل ما قلتي ويشبهني . . من عيونه ماشاء الله انتي عرفتي طبعا . .

انا مبتسمه وفيني ضحكه . .

وليد : لو طلع واحد ولد حرام ويقص علييج وخرط عليج . .

انا : انزين يخرط علي كيف بيعرف عمي سعيد . .

جان يرص ع اذني اكثر . .

وليد : تتحرين هاي معلومه وايد صععععععبه . .

انا : انزييييييين هدني بقولك شي والله . .

وليد يرص : جااااااااوبي

انا : انزين هد بجااااااوب

وليد : جااااااااااوبي بهددددددد . .

انا : ترا اول ما قالي انه ولد عمي سعيد انا ذكررررررته . . .

وليد يطالعني ونزل ايده : ذكرتيه . . ؟

انا : هيه . . جفته عقب ما توفت امه . . يانا البيت

وليد يطالعني بصدمه . .

انا : ملامحه نفس ما هي ماتغيرت . . مع ان مرت 10 سنوات بس والله من شفت شكله وانا اقول انه مالوف علي . . مانسيت ملامح الريال الي كان اول ريال ف حياتي اشوفه يصيح بانهيار وكان شكله يعور القلب وملابسه رمل مثل ما وصفها . . ومن قال ان ولد عمي ذكرت انه ولد عمي صدق . .

وليد : يعني كنتي تعرفين . . !!!!!!!

انا : لا . . بس حزتها عقب ما ظربني ابوي لاني كنت واقفه وسمعت وشفت الموقف سرت اصيح عند امي وخبرتها الي صار . . انا لو ما قلت حق امي جان ماعرفت ان شهاب يا . . عقبها ركضت وسارت عند ابوي وعمي تدور شهاب بس قالولها راح . . وتمت نفسيتها تعبانه ومنهاره وقالتلي بس انه ولد عمج سعيد وحلفتني ما اخبر اي حد . . وانا بروحي كنت مافتكر ونسيت مع الايام السالفه بكبرها . .

وليد يطالعني . . : صدق . .

انا عاقده حياتي : هيه تتحراني اجذب عليك ولا خايفه منك ..

وليد ياي يرفع ايده بيقرص اذني . .

انا : اسولف اسولف . ." ابتسمت "

نزل ايده وابتسم . . : انزين . . ما بعاتبج اكثر عيل دام جي . .

انا تميت اطالعه ومبتسمه . .

وليد : مينونه ؟

انا : هههههههه حرام يعني الواحد يبتسم . . عاافان الله تحب تشوفني اصيح . .

وليد يبتسم : طبعا لا . . جيه وايد احلى . .

انا اتلومت واستحيت شوي بس ما قلت شي . .

وليد : انزين بعد في شي ثاني ابا اكلمج فيه . .

انا اطالعه : شو . .

وليد : سامحيني . .

انا متعقده من هالكلمه . . احس يوم اسمعها قلبي ينقبض . . احس بسمع عقبها شي مش زين . . كل يي في بالي سيف يوم يقولي سامحيني ماقدرت احبج . . ف اكره عمري واكره هالكلمه . .

وليد يكمل : لاني سحبتج بقوه من السياره . . ولاني هزبتج وقلتلج كم كلمه . . ماكنت فاهم الموضوع . . . بس الله شاهد ف داخلي اعرف انج مش مسويه شي غلط لكن مستغرب . .

ابتسمت لا شعوريا . . توقعت اسمع شي ثاني لكن سمعت شي ماكنت متوقعتنه ابد . . مع انه ما دزني بقوه ولا سحبني بقوة .. وعاذرته ع الموقف ولا شليت ف قلبي ذره لان لو حد ف مكانه بيسوي اكثر عن الي سواه ب مليون مره .!!! وايد كبر بعيني . .حبيت اعترافه و وضوحه بالشي . . حبيت انه تأسف لي من سبب صغير وتافه مثل هذا . . مادري ليش حسيت اني وايد اعني له وانه وايد صدق يحبني . . اكتفيت ب ابتسامه عريضه . .

حسيت انه ياي يمسك خدي ويقرصني بس شهاب طلع . .

شهاب : انت شو تسوي ف اختي . . " عاقد حياته " هااا . . " يطالعني " وانتي شو تسوين طالعه وياه برع . .

وليد ابتسم : انت شعندك . . هاي بتستوي حرمتي فديتك . .

شهاب : انزين ادري توا لما طلعت وقلتلها الحقيني خبرتني امي " ابتسم " بس امثل دور الاخو للطرفين . . يعني احين لو اضاربتو انحاز صوب امنوه ؟

انا اطالعه : طبعا انا .!! انا اخت مالي حد غيرك . . وانت اخوي الوحيد . .

وليد يتبسم : حتى انا ! مالي اخو غيرك وانت راس مالي . . يااا مخرب الملذات . .

شهاب يبتسم . . : ان شاء الله ما تضاربون عشان انا الي ما اتوهق . . " تتغير ملامحه اونه معصب " وبعدين انت قلت بتكون حرمتك . . ما صارت . . يوم بتصير تعال اهني وياها . . " يعلي صوته اونه معصب " سسسسسسمعت . . ؟

وليد ياشر ع عينه الهنتين : انت تامر . .

شهاب ابتسم . .

وليد : المهم . . " يطالعني ثواني عقب يرد يصد صوب شهاب " اخر شي بقوله عطنا فجججه . .

شهاب عاقد حياته : اخلص قول الي عندك . .

وليد : حسبالك بسويلك سالفه . . روح روح . .

انا قفطت ويييت بشرد بس وليد جابلني : تعالي انتي ع وين ان شاء الله وانا ماخلصت كلامي . .

طنشته ومشيت . .

وليد : ماعليه يالصخامة . .

انا مسكت جتف شهاب : طاع شو يقول عني . . صخامه . . ترضى ؟

وليد فاج عينه : يالعياره الي فيج . .

شهاب : شوف . .

وليد يبتسم : لااااا والله . . " بصوت رجولي وخشن " اقووووووووولك انت شووووووف . .

شهاب يطالعني : ها بصبع واحد بعفصه انا . .

انا : ههههههههههههههههههههههههههههههههههه

وليد يبتسم : ماعليه . . " يحط ايده ف جيب البنطلون "

شهاب عاقد حياته : وبعدين انت ساير الدوام لابس بدله ؟

وليد : هيه حسبالك اخاف . .

شهاب عاقد حياته . .

وليد : المهم انتي سيري داخل انا وشهاب عندنا شغل وايد اليوم . .

شهاب يطالعه . .

وليد : يالله سرينا . ..

انا ماسكه جتف شهاب : وين بتاخذ اخوي . .

وليد عاقد حياته . . : ذلتنا . جنه اول مره يكون عندها اخو . . .

انا اطالعه وعاقده حياتي : هيه انزين اول مره . . وما صدقققققت . .ميته متشققه فيه . . ابا اتعود عليه بسرعه واعرف سوالفه . .

شهاب يبتسم : بتعرفيني ان شاء الله . .

وليد : يعني انا الي اعرفه وحافظ سوالفه . .

شهاب : ترا بروح والله . .

وليد : هاي لسان عليها ما تسكت . . دشي داخل فكينا . .

انا عاقده حياتي : ايه لا تتأممر علي مش ع كيفك . . بدش متى ما ابا . .

وليد : هاي الي تبا تنضرب اليوم . .

شهاب : ارمس عدل . .

انا اسويله حره : مووووووت غصصصه . .

شهاب يطالعني مبتسم : يالله دشي . .

انا : انزين واقفه ف الحوي انا . .

وليد : بروحج صخاااام شو تبين تستوين

انا : صخام ف عينك والله اني ابيضضضض عنك . .

وليد : ههههههه انزين اوكي يلا دشي فكينا . .

انا : انزين شو تباااااابي انته . . روووووووووح

وليد يتقرب مني بسرعه جنه بيضربني جان اركض بسرعه ودشيت داخل . .

جان اسمعه يقول : يلاااااا . . اتحرررا بعد . .

وراح . . !

حييييييوان طفسس قهرني . . لكني احس بشعور ما ينوصف . . شعور راااااااااااااااااااااااااااااااحه فظيععععععععععععععععععععععععععه . . احس اني بطير بطير بطير من الوناسسسسسه . . انا اناااااا صار عندي اخووووووووووووووووووووو . . ها اخووووووووووووي . . وفديييييييييته والله وفدييييته . . . متتى يرجع والله اشتققققققققت له ابا اكلمه واسولف معاه واضربه . . ااااااااه. . سبحان الله كيف كل شي بلحظه يصير . . .

سرت صوب اميه بشوفها ولقيتها طايحه ع الارض .. انصب الدم كله ف ويههي . .

انا ادق عليها : اميييييييه . . اميييييييه . . " اصارخ " اميه شصااارلج . .

ما تتحرك . . ماعرفت شسووووووي اتخخخخخخخخبلت . . . اتخبلت اتخخخخخبلت . .

طلعت من البيت اركضض على امل ان وليد و شهاب ما راحو لكنهم راحو . . ركضت بيت يدي اشوف لو عميمه موجوده . . بس الشغاله قالتلي ان عميمه شاله يدي ويدوه وطالعين من الصبح ماتعرف وين . . ماعرفت شو اتصرف ولا شششسوي . . الشي الوحيد الي يا ف بالي اني ادور سويج السياره المخلايه ف بيت يدي . . وعلى طول سرت غرفة يدتي وتميت انبش ف السدات لين حصلت . . كنت مرتبكه واحس اني بسوي حادث وبموت . . ومجرد ما افكر ف امي اتخبل واتمنى اني اموت ولا اني انا اعيش بدونها . . ساعدتني الشغاله وركبناها السيارة . . تميت مرتبكه ماقدرت اسوق . . دقيت ع الاسعاف وكملو 5 دقايق ما يو . . بتتتتتتتتخبل . . يمكن الحق على امي . . يمكن لو سسقت بيسعفونها بسرعه وبتقووووووم . . يمكن دقيقه وحده تخلي شي شييييييييييييين يصيرلها . . ماقدر حتى اتخيل ماقدرررررررررررررررررررررررر . . . حركت السياره وسسقت وانا استغفر طول الوقت وادعي الله اني اوصل بالسلامه . .


ياااااااااارب . . ابا اوصل امي بس والله ابا اوصل امي عشان تقوم بالسلامه . .

دموعي تنزل وتنزل وتنزلللللللللل كنت اسوق عدل لكن بسبت دموعي ماشوف عدل لييييييين مااااااااااااااااااااااااادري شششششششششششششصصصصصصصار والسياره قامت تاخذ يميييييين وفقدت السيطرة عليهاااااااااااااااا وماحسيت ب اي شي عقب ولا اذكر اي شي بعدهآآآ !

.

.

.



فتحت عيني بصعوبه . . لقيت الكل حوالي ويتكلم مجرد ما فتحت عيني وانا ع لساني بس . .

انا : امي . . امي . .

ميره تصيح : امج بخيييييييير مهور بخير .

عميمه تمسح ع راسي : الحمدلله ع السلامه حبيبتي . . . خوفتينا عليج والله . .

انا بصعوبه اتكلم : اممممي . . وين . . امممي

عميمه : امج بخير مهاري . . اباج ترتاحين . . بس نباج ترتاحين الحين . .

اطالع الي حوالي . . ادور شما . . شما مول ما تجذب بتخبرني الصدق لكنها محد . . ما شفتها . . .

حاولت اقوم : وخرو بشوف امي . .

عنود : مهووور حبيبتي . . امي بخيير " تمسح دموعها " والله العظيم بخير قاعده احلف لج !! ارتاحي

انا اطالع عنود : وديني عند امي الله يخليج . . ابوس ايدج . ." اغمض عيني وارد افتحها "

ميره طلعت وعقبها بشوي دخل وليد . . عيونه كانت متشفقه علي موت . . تقرب حوالي بدون حاسية ومسك ايدي : انتي بخير . .

انا اطالعه : امي . . وليد امي وين . . " عيني مركزه عليه " قول لي الصدق الله يخليك ..

مسكت قميصه : خبرني الصدق . .

وليد : تبين تشوفينها . .

عنود : وليد . !!!

عميمه : وليد بروحها ماتروم تقووم . .

وليد بعصبيه : يعني ماتشوفون حالتها ؟ ماتروم تهدا ولا بتهدا لين تشوف امها خلوها تشوفها بترتاح

انا اطالعه : هيه . .بهدا والله بهدا . . وددددني . .

وليد يابلي الكرسي المتحرك وساعدوني البنات ويلسوني وسحب المغذي وياي وحركني موديني عند امي . . انا صديت له ورى . .

وليد : ارتاحي والله بوديج . .

انا : امي بخير صح . .

وليد يبتسم : لو مش بخير بتشوفيني بوديج عندها ؟ جان جذبت عليج . .

انا رديت اعتدلت ف اليلسه وسكت . .

سحبني ف الكرسي و وداني لين غرفه جريبه مني ودخلتها . . امي اول ما شافتني شهقت . .

اميه : شو شو فيها . .

وليد سار صوب اميه الي كانت بتقوم عشان تيني . . : ارتااااااحي . . لو نشيتي ترا بردها . .

انا قمت بشويش وعقبها يا وليد عندي ومسكني من جتفي وساعدني اوصل لين امي . .

اانا : امايا انتي بخير . . بخيير صح " تنزل دموعي " انا شو سويت فيج . .

وليد : تبين تعرفين شو سويتي فيها ؟

انا اطالعه : شو . .

وليد يأشر ع يبهت اميه : بس هذا . . بس قرمشه خفيفه . .

انا اطالعه :احلللللف . .

اميه : والله يا اميه مافيني شي . .

انا : انزين هي كان مغمي عليها . . شو كان فيها . .

وليد : هبوط ف السكر بسس . . ماكانت ماكله عدل وعقبها توترت وتمت تفكر وتفكر وطاحت . .

انا : احلللف وليد . .احللف . .

شهاب يدخل . . : انت ليش مطلعنها . .

وليد : تمت تحن الا تشوف امها

شهاب : لو تحن لين باجر ما اطلعهههها . .

شلني شهاب من عند امي ورد قعدني ع الكرسي . .


انا : لحظه اصبر خلني اشوفها الله يخليك . .

وليد : اصبر شهاب . . توه يايبنها . .

شهاب يطالعني عاقد حياته : انتي تعرفين ان يومين انتي مغمضه ومافتحتي عيونج الا الحين . . تعرفين ولا لاءءء . .

انا منصدمه : امي يومين تامه ف المستشفى ليش عيل . . . ؟

وليد : انا ماخليتها تطلع الا تسوي فحوصات شامله . . ولانج منومه تتعب علينا اكثر وتتم تطيح علينا

انا اطالع شهاب : بتحلف ان امي مافيها شي . .

اميه : يا اميه والله مافيني شي هم يبالغون ذبحوني ابره ورا مغذي ورا تحليل . .

انا : انزين اكيد فيج شي ولا ما بيسوون لج كل ها . .

شهاب يطالع وليد : هي دومها جي . .

وليد يبتسم : دوم . .

شهاب : خبريني بتصدقين منو لو ماتثقين ف حد فينا وتصدقين . .

انا اطالع شهاب : ودني عند الدكتور خل اكلمه واطمن . .

شهاب : لا إله إلا الله . . .

اميه : يا مهره خلاص خلاص . . والله مافيني شي يا اميه . .

وليد : انزين يالله انا بوديج عند الدكتور

شهاب : خلج انتي بنردج غرفتج وبنخلي الدكتور ييييج لين عندج . .

انا : لالا . . اكيد بتسير تتفق معاه وتقوله يقص علي . .

وليد : شهالوسواس الخايس الي فيج . .

اميه تبتسم : مهره اميه هاتي ايدج . .

انا تجدمت بالكرسي ومسكت ايد اميه . .

اميه : تشوفين فيني شي . .

انا : لا بس بعد ما بطمن لازم اسمع من الدكتور لازم . . " اطالعت وليد " ودني . .الله يخليك . .

وليد : بوديج من دون ماتترجيني . .

شهاب : والله انت الي امبزيها . . البنت بروحها تعبانه يا ريال

وليد يبتسم . . وحرك الكرسي و وداني لين الدكتور وسمعت باذني ان امي بخير وكل المشكله بسبت السكري والضغط والتوتر الي كان فيها . . اول ما طمني الدكتتور وعرفت الي قاله رد اغمى علي . . ولا حسيت بالدنيا . .

فتحت عيني بتعب ورديت سكرتها . . ماكنت اروم افتح بس كنت اسمع . .

اميه : ما بخلي بنتي

وليد : عنود يالله انتي وعموه بتردون الحين . .

عنود : يالله امايا نشي . . مهور بتم راقده ما بتنش الا الصبح والصبح بنيها . .

اميه : قلبي ما يطاوعني اخلي بنتي بروحها " تصيح "

وليد : انا وياها واقف عند الباب . . وبعدين الدكاتره الريايييل وايد كل شوي يدخلون عيب يشوفونكم تامين اهني وراقدين . . انا وشهاب تامين عندها ترى . . ماعليها خوف . .

شهاب : يالله امايا لا تناقشين انتي بروحج تعبانه يبالج ترتاحين . . عنود ارقدي عندها اليوم . .

عنود : اكيييييد برقد عندها ولا بودرها دقيقه . .

شهاب : يالله بوصلكم . .

كان خاطري اسأل شصار . . كيف عرفو بعض . . كيف صار اللقاء بين عنود لما عرفت ان عندها اخو . . الكل كيف تقبل شهاب . . لككن ماكنت قادرة ابد . . تميت بس مغمضة مابي اتكلم عشان امي ماتعاند وتقول ما بتروح . . بغيتها تروح تريح . . تميت ساكته ومغمضه لين سمعت السكوت حل . .كنت بفتح عيني لكن الي خلاني اغمض صوت صياح . . صوت شخص يصيح . .

وليد : يآآرب . . لاتحرمني منها . . يآآآرب عافها وشافها لي . . يآرب انت تعرف اني اباها بالحلال ولا فكرت فيها الا بنظرة الحلال . . . ياااارب البنت اغلى شي ف دنيتي مابي افقدها . . لا تحرمني منها ولا تخليني اشوف فيها شي يصيحني . . يآآآرب . .

فتحت عيني بشويش وشفته يمسح دموعه . . بلعت ريجي ورديت اغمض . . مابا افتح عيني مابا . . اندق الباب . .

وليد : لحظه . .

يا صوبي ودخل خصلات شعري الي طالعه ع الاطراف ودخلها فالشيله الي ملبسيني اياها ماعرف منو ! . .

دخل الدكتور وقعد يشوف الاوراق اظني الي جدام طاولتي . .

الدكتور : ما تخافش . . حـ تبئى كويسه . .

وطلع وطلع وراه وليد . . وعقبها غمضت ورديت اغط ف نومه جني ف غيبوبه ! احسني اختفي فجاه عن العالم ولا احس ب اي شي . .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 99
قديم(ـة) 20-09-2012, 10:29 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رد: رواية هايم في بحـر الشوق و لذة هيامك / الكاتبة : ضحية حبيبي


.

البآرت اكثر عن 20 صفح ـه بششّوي . .
اتمنى انه يعيبكم واهم شي يكون غير متوقع . .
اترقب بفضول توقعاتكم ورآيكم !!!

وللعلم ترا ها البارت وايد طولت فيه !
اول مره ف حياتي اقعد اكتب لمدة 9 ساعات . .
البارت خذا مني وقت طويل ماعرف ليش . .

يمكن كـ تنسيق افكار وغيره . ..

ان شاء الله يستحق هالوقت كله . . = )


لنا لقاء الخميس او الجمع ـه اليايه بإذن الله . .
تحيآإتي . .

كلامــ الكاتبه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 100
قديم(ـة) 21-09-2012, 12:20 AM
صورة العمر رحله الرمزية
العمر رحله العمر رحله غير متصل
©؛°¨غرامي مشارك¨°؛©
 
الافتراضي رد: رواية هايم في بحـر الشوق و لذة هيامك / الكاتبة : ضحية حبيبي


تسلم لي اناملك والله مبدعهه ماشاء الله
مشكورره حبيبتي على النقل
جد جد جد بارت مجهد فيه ومبدع فيه
تسلمين مررا شكرا


الرد باقتباس
إضافة رد
الإشارات المرجعية

رواية هايم في بحر الشوق و لذة هيامك / الكاتبة : ضحية حبيبي،كاملة

الوسوم
آلشّوق , ببحـر , رّوآيه , إلىـآ , هيآمك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
إنت الذي علمتني حبك / بقلمي VERCACE أرشيف الروايات المغلقة - لعدم إكتمالها 93 16-12-2010 10:42 AM
جميع روايات غرام المكتمله للتحميل بصيغه txt للجوال سيدة زمانهاا ارشيف غرام 1 15-08-2009 05:11 AM

الساعة الآن +3: 04:55 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم