اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-06-2012, 03:56 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رواية هايم في بحر الشوق و لذة هيامك / الكاتبة : ضحية حبيبي،كاملة


انا اليوم حبيت اني انزل روايه يديده للكاتبه المبدعه
كاتبه الامرات الاولى «ضَحِيًة حِبُيًبُيً ..}●
ولي الشرف اني انقل روايتها

انا بنقل الروايه من المنتدى الاساسي للمنتدى هني واتمنى منكم الدعم
الروايه مش كامله يعني البارتات كل ما تنزل انا ان شاء الله بنزلها اول بأول

روايه ((هايم في بحر الشوق ولذة هيامك ))



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-06-2012, 03:58 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رد: رّوآيه " هآيـم فيّ بحـر آلشّوق وُ لذة هيآمك "


.
.

السلام عليكم ورحمه الله وبركآته . .

بعد تردد كبييير قررت انزل روآيه يديده . . بآسلوب مختلف ويديد علي وآشوفه صعب . .
بعدني للحين متردده انزله ولآ لآء لكن عشآن تشجيع الاعضاء قررت انزل . .
مآوعدكم بروآيه خيآليه وروآيه رآئعه . . لكن آوعدكم بروآيه آحط فيهآ كل آحسآسي ومشآعري . .


الكتآبه جزء من حيآتي . .
مع آني قررت اعتزل الكتآبه لكن حسيت بالنقص . .
فـ رجعت اكتب بآسلوب يديد . .

آبي منكم وقفتكم نفس كل مره . . تشجيعكم . . انتقآدكم الصآدق . .
آبي منكم مرآعآتي في حآل التآخيير . . للحين الروآيه مش جآهزه وماكنت نآويه اعرضهآ إلا لما تكون جاهزه لكن بطلب من كثير من الاعضاء قررت انزل . .

اتمنى الروآيه تنآل آعجآبكم واتمنى الروآيه تنآل آوسمه وشهره شرآت مآ حصلت روايه " وطت رجلي على دربه " . .

كونو معآإي بروآيتي اليديده = ) . . .!


ضحيه . . .



كلام الكاتبه ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-06-2012, 03:59 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رد: رّوآيه " هآيـم فيّ بحـر آلشّوق وُ لذة هيآمك "



هايم في بحر الشوق ولذة هيامك

للكآإتبه :: ضَحِيًة حِبُيًبُيً
" يرجى عند النقل عدم مسح المصدر ، لآ آحلل النآقل بدؤن ذكر المصدر إلي يوم الدين = ) "



البارت الاول

انا اصارخ : جب جب جب خلاص طفرررت منك طفرررت . . انت مامنك فايده اصلا . . تقص علي وتقص علي وتقص علي وانا بسسس ساكته ومصدقتنك . .


سيف يصارخ : والله ماقص عليج في شي . . ياحيوانه ليش تصارخين

انا : لا تتحراني اسولف والله ماسولف . .

سيف : مهرررررره والله انا ماسولف بعد . .

انا : اسسسسسسسكت عني يالـ *****

سيف يبتسم . .

انا بعصبيه : بقولك كلمه وحده .. عندك اسبوع واحد . . لو ما يييت تقدمت لي . . اي واحد يييييني راح اوافق عليه بعدها . .

وسكرت التلفون فويهه واانا افور . . يتحراني اسولف وامزح شررات كل مره بس جد . . خلاص وصلت حدي وتعبت من الانتظار . . احبه من انولدت . . من انولدت ويقولون لي مهره لسيف وسيف لمهره . . مالج الا ولد عمج وراح تاخذينه . . زرعو فيني وفيه الحب . . 21 سنه وانا احبه . . ووومن عمري 17 اترياه علشان يتقدم لي . . بسسس تعبت وانا اتريا تعببببت تعبت . . .

مسكت التلفون وشفته يتصل فيني وعلى طول جلبت التلفون وفريته على السرير . . من بعدها دخلت علي اختي الي اكبر عني بـ سنتين . . الي متزوجه اخو سيف بعد بسبت اهلنا لكن مع الاسف ! ما انولد الحب فيها لا قبل الزواج ولا بعده . .

عنود : مهوور ؟

انا اطالعها : شووه . .

عنود : بلاااااج انتي كله وارمه . .

انا : عنود مول مش متفيجتلج . .

عنود تطالعني بنظرة : افا . . وانا الي يايه اقولج خبر ما قلته لحد . .

قلتلها : شوه فيج اتكلمي ؟

عنود : انا حامل . .

فجيت عيني على وسعهن مش مصدعه الي تقوله : شو تقولين .

عنود تبتسم : والله .

قلتلها باندفاع : مبروووووووووووووك حبيبتي . . .

عنود مبوزه : مافرحت ذاك الزود

قلتلها : ليش

يدخل ولدها . . حبيب قلبي ونظر عيني صقر . .

شليته بسرعه قبل لا تكمل كلامها وحطيته ع صدري وتميت ادور فيه وادور فيه وهو يضحك . . هالولد من انولد وانا اموت فيييه بشكل ما ينوصف . . اقرب انسان لي . . مع ان عمره سنه ونص . . لكن فديته يعرف كل اسرار خالته !!

عنود تطالعني : حرام عليج توه ماككل بيرجع

بسته على خده وعلى خشمه وعلى عيونه وهو مستانس فيني وقعدته فحظني ورديت لاختي وجابلتها . . : كممملي

عنود : شو اكمل . . هذا السبب . . مسكين توه ياهل وبعد احمل . .

قلتلها : انزين عادي شو يعنننني . . فديته خلييييييه عندي وأنسيه

عنود : ماستغني عنه

قلتلها وانا عاقده حياتي : لا والله . . عيل خلاص احملي وانتي ساكته . .

عنود مبوزه . .

قلتلها : خلي عنج بعد في شي ثاني ما تبين تقولينه . .

عنود : مش بس انا الي مابا . . حتى عبدالله

انا : ليش ما يبا ان شاء الله

عنود : لنفس السبب . . يحس توا الناس على ياهل يدديد علشان جيه ماخبرته حتى . .

انا : والله هاي حكمه الله لا بايدج ولا بايده خل يحمد ربه ويبوس ايده وريله بعد انج تحملين . . غيرج مش قادر

عنود : بلاج ترمسين عنه بهالنبره

انا : قاهريني كل عايلتهم افففففففف

صقوري اتضايق وتملل وتم يرافسني عشان ينزل من حظني . . قمت يبت له حلاوه ورديت يلسته عندي . . ويلس عندي عقبها بدون حشره . .

عنود تبتسم . . : علشان سوسو

انا عاقده حياتي : سوسو في عينج . .

عنود : ههههههههههه

تنهدت بضيج وبست حبيبي على راسه ونزلته . .

عنود : تكلمي طلعي الي فيج . . شوه بلاج

ابتسمتلها ابتسامه باهته : مافيني شي . .

قمت : يالله خلينا نروح نيلس عند امي مسكينه اظن متملله . .

عنود : محد اميه طلعت ويالدريول راحت السوق . . قالت باجر اليمعه وبتروح تشتري ماي وعصاير وبتوزعه على الفريج صدقه عن روح ابويه رحمه الله عليه . . ولان باجر اللقا في بيتنا ( كل جمعه كل العايله تجتمع في بيت حد )

ابتسمت : الله يرحمه . .

شليت الولد ورحت عنها وعقب تذكرت ان تلفوني فالحجره وعنود في حجرتي . !! جان ارد اركض الحجره واشل تلفوني ! خفت انها تهبش فوني وتشوف اني اكلم سيف . . لان محد يعرف اني اكلمه . .!! ما خليتها تشك بشي . . شليت مبايلي وخشيته في السده بين الاوراق وطلعت الحوش العب ويا الولد ! انا احب اسميه الولد اكثر ما ازقره باسمه . . ! ماعرف ليش . .

قعدت بين الزراعه وانا لابسه الشيله طبعا لان بيتنا مجابل بيت عمي . . ودوم الصغاريه يون يلعبون بحوشنا لانه اكبر . . ومسوين فيه ملعب وياخذون راحتهم اكثر بما انه في بيتنا محد يقولهم لا تسوون حششره . . وفجاه يطبون عيال عمي يشلون يهالهم . . يعني حوشنا ما يخلى ماشاء الله . . على يمينا بيت يدي . . يدوه اذا يت بعد الحوش وشافتني بدون شيله بتهزبني وبتسفل فيني ! لو بايدها تخليني ارقد بشيله بعد بتسويها ّ!!

بصوت عالي : صقققققوور حبيبي تعااال عندي . .

ركض فديته وانخش باحظاني وتميت ابوسه واقرقطه ومستانسه بضحكاته . . لين مسك ويهي بايدينه الصغيره . .

قلتله : حاس ان فيني شي صح . ؟ حاس بخالتك الفقيره . . شوه اسوي انت قول لي شو اسوي ؟ لين متى بتم اكلمه يعني تعبت . .

صقوري : آدددديييه

قلتله : يديه ؟

صقوري : اديييه " مستانس "

قلتله وانا اشله : يالله نروح عند يديه . .

ابتسمت ودشيت داخل الصاله وزاعقت . . : عنووود

عنود تبدل فالقنوات : هاااه . .

قلتلها : بروح انا والولد عند يدي . .

عنود : اوكيه " قامت " عيل انا بروح البيت ويوم بتردين هاتي صقييير البيت . .

قلتلها : انزييين . .

نزلته ع الارض وخليته يمشي وييايه وايديني بايدينه واسولف معاه . .وطلعنا من البيت ونمشي بنروح بيت يدي ..

اول ماوصلنا ركض صقير صوب الكلب . . عمتي المطلقه شاريه كلب صغيرون حق عيالها يلعبون وياه . . وصقور يحب يلعب وياه ويتونس علشان جي يحب ييي بيت يدي . . سكرت الباب علشان ما يطلع ودشيت داخل عند يدي . .

يدوه : مهررره ؟

ابتسمت : كيف عرفتيني . .

يدوه : محد يي فجاه وغير الوقت غيرج . .

يدي : خليها تي اي وقت تباه . .

يدوه : انزين ما قلت شي بلاك كلتني بقشوري

طبعا هالمواال كل يوم . .

تقربت من يدوه وبست راسها . . وسرت عند يدي وحظنته . .

قلتله : ها يديييه . . مغير العطر اليوم . .

ابتسم يدي : معلووووم . .

حطيت راسي ع جتفه وتميت مغضمه . . سندي هاليد الله لا يرحمني منه . .

يدوه : هيييه انتي كله لاصقه عند يدج ما تحبين يدتج

يدي يهمس : تغار . .

يدوه : ماغار ولا شي اغار من شيبه ما يفور دله . .

قلتلها : امااايا حرام عليج . . الا يدي " ابتسمت " لا تقولين له شي . .

يدوه : مالت عليج . .

يدي : يييتي بروحج ؟

قلتله : لا انا والولد . .

يدوه : ازقريه باسمه . . قابضتله الولد والولد . .

يدي : بلاج تصارخين على البنت من يت . .

يدوه مبوزه وصاده الصوب الثاني وتطول على التلفزيون عناد .


يدي : خليها خليها . .

ابتسمت : ههههههه . . حبيبتي امايا . .

شفت يدي يمد ايده يبا ييب الماي على الطاوله . . قمت بسرعه ويبتله الماي وبطلت له الدبه . .

يدي : انا اشووف اشووف

ابتسمت له وانا ادري انه ما يشوف .. يدي عمي من 10 سنين . . الكبر خلاه اعمى . . لكن عمره ما بغا يحسسنا بهالشي . . ولا حتى يحسس نفسه . . وعلى فكره تراه كاتم اسررار العايله كلها ! علشان جيه يدتيه تغار شويه .. اقصد وايد ! لانه اليوم يتذكر كل شي وبالباجر ينسى كل شي . . وينسى كل الحوارات الي دارت بينه وبينا . . يعطي نصيحه فالصميم ويريح بكلامه علشان جيه الكل يلجأ له بكل وقت ! خاصه انه ينسى باليوم الثاني . . هالشي نعرفه واحنا صغاار . .يدي وايد نساي ! وينسى كل الشي باليوم الثاني . . ربينا وهالشي في بالنا . . !



سمعت صوت طقطقه وهود هود وقلبي انششل من مكانه اول ما دخل وهو شال الولد . .

يدوه : امففف عليك . . اتريا خل الواحد يقولك هدااا عقب احدرر . . ماتشوف في بنات اهني . .

سيف : بنت عمي مش غريبه . .

يدوه : الا غريبه ونص . . لا محلله لك ولا شي اظهررر يالله

يدي : خليييه شو تبينه . . ولد عمها . . بلاج منحاستنهم انتي اليوم

صقر : ادووووه . . كاكااااممم . .

ابا ارمس يدوه واقولها لا تعطينه كاكاو لاني اكلته فالبيت . . لكن لساني انربط من حطيت عينه في عينه وشفت نظراته الشرسه !!

يدي يبتسم : سيف ليش واقف ابويه ايلس . .

يدوه بصوت واطي ما يسمعه الا انا وسيف : بروحك عمي ماتشوف شي شدراك واقف ولا يالس

يدي : واقف ادريبه حتى لو عمي فيني قلب احس

يدوه : عيل تسوي روحك ما تسمع والحين اشوفك تسمع

يدي : اناا اسمع ليش ما سمع

يدوه : ماتسمع شي الا اذا تحرطمت . . هاااته عنك انته بعد " وشلت الولد عنه "

نزلت عيني عنهم وتميت لاصقه بجتف يدي وارجف . . من رجفتي اقبض ايد يدي اقوى واقوى !

تقرب سيف قرب فظيع علشان يبوس راس يدي . . باس راسه وبايده الثانيه قرص اذني فوق الشيله بقوووووووووه لكني رصيت على روحي وماصرخت !!! بس فجيت عيني ع وسعهن واطالعه باحتقار . .

يدي : حبيت مكه ان شاء الله . .

قعد سيف قريب من يدي وهو يطالعني وياشرلي بشفايفه " وين تلفونج يالحقيره ؟ "

تجاهلته عمدا مع اني خايفه منه !!! وبست جتف يدي ..

يدي : عيب . .

سيف يطالعه : شو العيب يديه

يدي : تلعوزها

طبعا ملامح سيف تغيرت وابتسمت انا على طول . .

سيف : ما العوزها ابويه . .

اطالعت يدي وانا اتنهد : تعبت يديه . . تعبت وانا اترياه . .

سيف : يديه ما تقدرني . . تتحراني اتعمممد اني اتاخر عليها . .

انا : يديه صبرت واايد . . كل مره اطلع له عذر . . كل مره يقول بسدد قرض ابوي . . ابوي يبا محل يديد . . ابوي يباني ادفع اجار المحلات . . . ابوي يبا مني قرض ثاني .. ماعندي حق زواج . . انا شذنبي يلعقني . .

سيف : يديه انته تعرف ابويه كيف . . ما يشتغل وما يكلف على حد الا انا لاني مش متزوج . . مخليني اخذ قرض ورا قرض . . شسوي فيه ابويه ماقدر اقوله لا . .

يديه : لا تقوله لا . . اسمع كلام ابوك لين ما تموت . . ومهره بتتريا

وخرت ايدي عن يدي : يديييه . .

يدي من دون ما يطالعني ولا يحرك راسه بس يطالع جدام : تبينه يقول لا حق ابوه ؟؟

قلتله : لا ما يقول لا حق ابوه . . بس يسوي اي شي . . يتحرررررررك . . يكلم عمي ويقوله ابا اتزوج

سيف : والله اقوله . . يدي انا دوم ارمسه ويقولي لاحق لاحق لاحق . . انا اصرف ع بيت عايله . . اخواني وعيالهم كلهم في بيتنا . . وانته تعرف المصاريف يدي كيف تكون . . هيه ماتفهم ولا تبا تفهم . . بس تعيد وتزيد انت ما تباني وانت تقص علي . . ماتوقف معاي حتى

انا : انا ماوقف معاك ؟؟ عقب كل شي بينا تقول لي انا ماوقف معاك . .

يدي : خلاص . . حد ياي . .

دشت عمتي وعيالها الـ 4 . . : السلام عليكم . .

قام سيف وسلم على عمتي وعقبها قمت اانا وسلمت عليها . .

عموه عليا : شخباركم ؟

سيف بضيج واضح : بخير . . من وين يايه عموه ؟

عموه : موديه اليهال يلعبون . . ضاجو من البيت

سيف : منو مودنج . .

عموه : بروحي !!!

سيف : عميمممه كم مره قلتلج لا تسوقين ولا تطلعيييين بروحج . . تبين شي ازقريني انا بوديج لاخر الدنيا بعد . .

يدي : سيف انا بعدني عايش وهيه عايشه عندي والي انا اقوله يمشي مش انت

سيف : على عيني وراسي يدي ما قلت شي . .

عموه عليا : كل واحد لاهي بحياته سيف . . وانا ادري كيف تنشغل انت ويادوب ترتاح فالويكند . . وقلت اليوم الخميس بخليك ترتاح من كرف ابوك شويه . . ولا ادريبك الغالي ما بتقصر

سيف يبتسم : عميمه بعدج حلوه اغار عليج والله . . ادريبهم يغازلونج ويلاحقونج . .

ابتسمت عموه وصدت صوبي شافتني سرحانه . . اطالعت سيف : بلاها ؟

سيف : نفس كل مره . .

لاحظت ان سيف سحب عميمه لبعيد وقعدو يرمسون بس اختفى الصوت وماقمت اسمع شي !

يدي : مهره ؟

مسكت جتف يدي : ها يديه . .

يدي : سيري دوريلي دوا لونه اخضر ملفوف بقرطاس . .

قلتله : وين يدي حاطنه

يدي : مادري يدتج وين حاطتنه بس اكيد صوب الصندوق العود

سرت صوب الصندوق العود وتميت ادور ! والصوت صار واضح لسوالف عميمه وسيف ! فديتك يا يدي . .

سيف : ماتحسسس ماتحسس . . قسم بالله مافيها احساس . . تتحراني اقدر وقايل لا

عموه عليا : انزين بنت ما تنلام . . . لين متى بتم تترياك . .

سيف : تخيلي تهددني . . تقول لي لو ما يييتني هالاسبوع باخذ غيرك . .

عموه عليا : ههههههه ما تسويها . .ماتقدر

سيف : ماتعرفينها يوم بتعاند بتسوي كل شي

عموه عليا : ماتسويها . . البنت تعشق عيونك وين تروم تاخذ غيرك

انقهرت من عموووووه انقهرت وايد ماكنت اباها تقول جيه علشان ما يصدق روحه وايد ويكبر راسه علي ويتاخر اكثر واكثر . . كنت اباها تعصب وتقول صدقها وبتسويها علشان يخاف ويتصرررف . .

اتضايقت وعرفت ان اصلا ماشي دوا اخضر ويدي بس بغاني اسمع ورجعت عند يدي وانا منقهره . .

يدي : حصلتيه ؟

قلتله بنبره ضيج : لا . .

يدي يبتسم : الصبر زييين . .

اتنهدت بضيج : انا بروح يديه . .

يدي : توكلي على الله . .

سرت ادور يدوه عشان اشل الولد عنها . .

كانت تصلي العصر والولد يلعب بمزهريه فيها بطاريات وخراخيش . .

تحجبت عدل وشليته وهو يرافسني . .

اانا : صصقوووور بضربك . .

تم يضربني ويمط ويهي . .

ماسويت له سالفه وتحركت وحسو فيني عميمه وسيف اني طالعه . .

عموه عليا : وين رايحه ..

قلتلها بدون ما اطالعها : البيت

يدي يزاعق : سيف . .

سيف يزاعق : ها يديه

يدي : وصلها البيت عن يتغافلها صقر ويروح الشارع

سيف : ان شاء الله . .

عميمه تطالعني : مهور

اطالعتها : هاه . .

عميمه تبتسم : تعالي عقب بسولف وياج

قلتلها : بجوف . .

لاحظت ان سيف يلحقني وانا امشي صديت له بسرعه بدون نفس : لا تلحقني . . ادل الدرب

سيف يطالعني بنظره جاده : امشي . .

قلتله بحاجب مرفوع : قلتلك ادل الدرب . .

ومشيت عنه والولد يضربني ع ويهي مضايج مني ما يبا يرجع . . تجاهلته وتم يضربني ويضربني لين .!!!

انا : اااااااااااااااااااااااااه . . " نزلته من ايدي "

سيف تقرب : شفييييييج

تميت اتلوى من الالم وانا حاطه ايدي على عيني

سيف بغا يمسك ايدي ويوخرها عن عيني لكنه تراجع .

سيف : نشي لبسي عباتج بوديج المستشفى . .

قلتله : ما يحتاي . .

سيف شل الولد عني : يالله بسرعه ادخلي داخل لبسي عباتج وانا بنزل صقور وبسير ازقر عميمه وبقرب السياره وبوديج . .

قلتله وانا بعدني حاطه اييدي على عيني : قلتلك مابروح مكان . .

سيف بهدوء يذبح : اسمعي الرمسه لاتخليني اعصب عليج . .

وصلنا البيت ودخلت داحل . .

اميه كانت توها يايه من السوق وتفصخ عباتها ولمحتني : بلاج شو فيها عيييينج حمرا . .

انا : صقور ضربني بقوه عليها وظفره طويل قرمشني داخل العين . . سيف برع . . طرشي الخدامه تشل الولد عنه . . بيشلني المستشفى ويا عميمه عليا

امي : يالله بسرعه بسرعه سيري

ورحت عنها لبست عباتي وتميت اشوف عيني . . جد تعورني وشكلها احمر بشكل مش طبيعي ! وحتى مش قادره ابطل عيني من الحرق والالم . .

طلعت بدون نفس . .

امي : يوم بتوصلين دقيلي على طول خبريني شو بيستوي سمعتي

قلتلها : ان شاء الله

.

.



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 30-06-2012, 04:04 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رد: رّوآيه " هآيـم فيّ بحـر آلشّوق وُ لذة هيآمك "


البارت الثاني . .

.

.

.

طلعت من البيت وشفت سياره سيف صافه عند باب بيتنا . . كنت بركب وراه . .لكن غيرت رايي وركبت ورى عميمه علشان ما يطالعني من الجامه بعد . .

عميمه : من عصبيتج واستعيالج شوفي شو صارلج . .

سيف يصد يطالعني : تعورج؟

قلتله بدون ما اطالعه : لا . .

لاحظت ان عميمه تضحك وتهمس وانقهرت . . وتميت صاده صوب الجامه ومتجاهلتنهم على الاخر . .

سيف كان يحاول يفتح باب حوار وباب رمسه لكن ادريبه متوتر وخايف علي ومش عارف شو يسوي

سيف يصد : بخبر الدكتور يعطيج اجازه علشان ترتاحين من الكليه كم يوم . .

عميمه : باجر اليمعه سيف

سيف يرد يصد يطالعني : بسويلج واسطه برتبها لج

قلتله بنظرة جاده : شوف الدرب بتدعم

سيف يرجع يصد ويبتسم : لو قاعده ورايه جان ما صديت

عميمه : اصطلبو . .

انا : قوليله ينطب ويسكت ومايرمسني

سيف : قوليلها ما بسكت

عميمه : قلتلكم اصطلبو بس عاد . . مخليني طوفه عبيطه . . جب يلا بلا مصاخه

ابتسمت على تعليقها وابتسم سيف بعد . . وحزتها وصلنا المستشفى . .

عميمه : استغفر الله

سيف يطالعها : بلاج . .

عميمه : ييايه بزنوبة . .

ضحكت لا ارادي وسيف ابتسم : لا تفكرين تنزلين ولا بتبرا منج . .

عميمه : مابببببببببنزل . . يالله نزلو خلصو بسرعه

سيف صد : يالله . .

نزلت وكنت متوتره . . اول مره احس بهالتوتر من قربي له . . حسيت بشعور ما ينوصف . . لاحظت ان هو مرتبك من ايدينه . . كان يلعب باصابعه بطريقه تبين التوتر . .

صدلي بنظرة عصبيه خفيفه : دخلي شعرج . .

دخلت شعري من دون ما اصد له . .

مشينا لين قسم العيون . .

سيف : عطيني بطاقتج

طلعت له بطاقتي وعطيته من دون لا المس ايدينه . .

سيف : اقعدي اهني لين ما ارجع . . لاتروحين مكان . .

قلتله : انزين

مشى شوي و رد رجع : ياويلج لو تحركتي من اهني . .

قلتله وانا عاقده حياتي : قلتلك انزين َ!!

سيف : ترى ما تخوفني الا الانزين . . قولي ان شاء الله ولا ماتعرفين؟

صدت حرمه اطالعت سيف بنظرة خلته يقفط . . ابتسمت حزتها ورحت اقعد وهو مشى عني . .

سرحت بافكاري بعيد ونسيت عوقي . . متى يا سيف بمرض وبتيبني المستشفى وانت ماسك ايديني؟ وانت تمسك ويهي وتحط ايدك على عيني وتدعيلي اني اصير زينه . . متى تصير حلالي ؟ ليش كل بنت تحب لازم تنتظر . . مايصير البنت تحب وحبيبها يكون جاهز لها ! ليش قانون الحياه جذي . .

قطع افكاري صوته : في شو تفكرين . .

حطيت عيني ف عينه وانا جد مرتبكه . .

سيف خلا بينا كرسي وقعد فالانتظار معاي . . مع انه انتظار للحريم بس !! لكنه طنش

سيف : قبلج 4 . . انتظري شويه

مارديت عليه . .

سيف : زعلانه مني ؟

اطالعته : شرايك !

سيف : انزين انا شو ذنبي . . شو بايدي شو اقدر اسوي خبريني بسوي

اطالعته : املج علي ع الاقل . .

سيف : منو بيوافق على ملجه طويله خبريني وانا مستعد

صديت عنه

سيف : شفتي . . بروحج تعرفين

تمينا ساكتين فتره . .

قلتله : لا تتصل بي . .

سيف يطالعني . .

قلتله : انا مابا اغلللط . . واكبر غلط سويناه ان كلمنا بعض

سيف : وكيف بطمن عليج

اطالعته وشفت نظرة الحزن فيه . . اعرف انه مش بايده بس انا بعد ماقدر اترياه اكثر واتم ساكته بدون لا اعاتبه . .

قلتله : كل جمعه نتشاوف ترانا بتعرف اخباري . . وكل صبح وانا اروح الكليه تشوفني . . كافيه

سيف يصد الصوب الثاني : تمام . . .

انقهرت . .حتى ما قال لي لا . . ماعارضني . .

سيف : انا بعد مابا اغلط علشان ربي يوفقنا . .

ارتحت يوم قال جي . .

سيف : تاكدي . . وحطي ف بالج عدل . . انج انتي مكتوبه لي . . وما راح اسمح لاي حد ياخذج عني ما دامني حي واتنفس . . حتى بعد موتي بكتب لج وصيه انج ماتاخذين حد . . كفايا ساكت انج تحبين غيري

اطالعته بصدمه

سيف : ماتشوفين كيف لاصقه فالصقر كل ما تشوفينه . . عينج بطير من شوفتج له

حاولت اقبض ابتسامتي عسبت ماتخرب برستيجي والزعل . .

سيف ابتسم . .

قلتله : عيني صارت زينه ماحس بألم الحين

سيف : يمكن لانج كحلتي عينج فيني؟

قلتله : سخيف

ابتسم : ماعليه حتى لو صارت زينه انا ما بطمن لين اسمع الدكتور شو بيقول

صديت الصوب الثاني علشان ما يشوف ابتسامتي والفرح ف عيني . .

سيف : ماترومين تصبرين دقيقه بدون لا تصدين . . مافيج جرأه تطالعيني حتى

قلتله : نعم

سيف يبتسم : جبانه

انا : مش لازم اذكرك منو الجبان فيني

سيف : لسانج الطويل يباله قص

انا : يوم بتصرين ولي امري عقب فكر تقصه

سيف : لا ترادديني عشان ما اصفعج جدام الناس

انا : اخر شي تروم تسويه انك تلمسني

سيف اطالعني وسكت . .

وانا بلعت ريجي وانا بموت . . مادري كيف طلعت مني . . كرهت عمري وتمنيت الارض تبلعني حزتها . . انا اعرف سيف على كثر حبه لي وعشقه عمره ما مسك ايدي ولا حاول يمسك ظفري حتى . . حبه طااهر حييل . .

سيف : يوم بتصيرين حرمتي راح احاسبج على هالكلام . .

ماقدرت ارد عليه . . تميت متشلله وساكته

سيف : ع فكره . .

تميت اسمع من دون ما اشوفه

سيف : لو كررتي جمله " يوم بتصير ولي امري " لا تلومين الا نفسج . . لاني ولي غصبن عليج وغصبن على الي خلفوج . .

وقام عني بضيج وانا غمضت عيني على طول . . ردلي العوق حتى . . ندمت اني قلت ماعرف كيف طلعت مني . . فتحت عيني على صوت واحد يرقمني . .

تم هالواحد يبتسم فويهي وانا اطالعه بصدمه وبعدها نزلت عيني تجاهلته . .

تقرب مني الوقح وجابلني : سلامت عيونج . . " نزل على ركبه علشان يساويني بالطول وتم يطالعني " حرام هالعيون تتألم وتحمر . . الي عنده هالعين لازم يحفظهن بمتحف 5 نجوم عسب محد يقدر يطالع حتى من قريب

يا سيف مره ثانيه وشاف هالغبي واطي على ريله ويتكلم وياي وانا صاده الصوب الثاني . .

على طول سيف مرررغه ب بكككككككككس . .

اطالعني بعصبيه : عايبنج ؟ عايبنج علشان جيه ساكته وماتتحركين . .

اطالعته بصدمه : حاسب ع كلامك

سيف يرص ع شفاته بقوه : امشي اركبي السياره بسرعه . .

قلتله وانا الغيض بيطلع من عيني : ليش ترمسني بهالنبره وجني انا الغلطانه

سيف بغيض اكثر ويحاول يكتم اعصابه : قلتلج اركبي السياره وتجدميني . .

طنشته ومشيت بسرعه . . اخر شي سمعته " وانت يا حيوان " شكله سيف ما بيودر الريال في حاله . .

ركبت السياره بسرعه وانا متجنبه الدمعه تنزل من عيني . .

عميمه : شو صار . .بلاج . .

تميت ساكته وقابضه عمري مستحيل اصيح جدام حد . .

ركب السياره عقبها بشوي

عميمه : بلااااها شووووه مستوي . .

حرك سيف السياره بعصبيه بدون ما يرمس . . تم يسوق باستهتار . .

سيف يصارخ : عيبج يالحيوانه ؟ دش مزاجج ؟ اعرف انج مستعيله على الزواج لكن خلاص ما صار عندج ادددددددددددددددددددددب ؟؟؟

وهو يسوق بطلت باب السياره بكل غيض وعلى طول سيف ضرب برييييك بالقوو وانخبطت السياره الي ورى فينا . .

كنت بنزل لكن من صارت الدعمه خفت . . تميت اطالع سيف والخوف مازر عيني وعميمه منصدمه ماشفت رده فعلها بس سمعت شهقتها . . تم سيف يطالعني بنظرات تخوف . . كل الي سويته بلعت ريجي وسكرت باب السياره . . وقطع ها كله صاحب السياره الي ورانا وهو يدق الجامه على سيف ويصارخ ومعصب . . نزل سيف وقعدت اشوفهم يتفاهمون . .

عميمه : حركاتج طفوليه وايد . . ماتوقعتج ياهل

اتضايجت وبلعتها ما قلت شي . . ابقى غلطانه على الحركه الي سويتها . . كرهت سيف وكرهت عميمه وكرهت كل شي . . وبعدني قابضه دموعي مابصيح الا جدام امي واختي عنود ويدي . . هم الوحيدين الي حلال يشوفون دموعي . . ركب سيف السياره وانا صاده صوب الجامه متجاهله نظراته

عميمه : شو قالك

سيف : ما تعورت سيارته بس تم يتفلسف " صد ورا يطالعني "

عميمه : يالله سيف اليهال عند امي وابوي بيخبلون فيهم . . رد البيت . .

سيف : ان شاء الله . .

وحرك السياره والجو مكهررب حيل . . رن تلفوني وكانت اميه المتصله وما بغيت ارد علشان ما يسمع صوتي ويلاحظ ان فيني غبنه . .

سيف : ليش ماتردين . . منو يتصل بج

مارديت عليه

سيف : اكلمج انا . .

قلتله : مابي ارد . .

سيف عاقد حياته : منو الي يتصل؟

عميمه : خلاص سيف دخيلك ريحنا من الصدعه

سكت سيف ووصل عميمه البيت . . انا كنت يايه انزل عقبها لكن . .

سيف : انتي تمي . .

عرفت انه يبا يوصلني لين باب البيت . . سكرت باب السياره . .

حرك سيف لكن ما سار صوب طريج البيت .! غير المسار . .

قلتله : ردني البيت وين مودني . .

سيف : المستشفى . . عينج بعدها حمرا وورمت . .

تم الجو هادي بينا . . هو ساكت وانا ساكته . . وقف صوب الشيشه عبى بترول وعقبها نزل المحطه . .

اول ما خلص ياني وبطل لي الباب الوراني . .

سيف : انزلي

تميت اطالعه . .

سيف : اركبي جدام . .

بلعت ريجي ومارديت عليه

سيف : يالله . .

نزلت من السياره وبطل لي الباب الجدامي وركبت وسكر لي الباب . . عقبها ركب ومدالي كوفي . .

سيف : كابتشينو الي تحبينه . . مافيه سكر وايد

شليت عنه من دون لا اقوله حتى شكرا !

اول ماشربت سحب تلفوني على طول . .

سيف : منو الي كان يتصل بج ..

انصصصصصصب الدم كله بويهي . . وهو بالمثل .!!!

انا حاطه صورتي خلفيه كنت لابسه فستان ساحر اسود مع كريستال على الخصر وفاله شعري الطويل على طرف مع مكياج خفيف وروج احمر . . الصوره صورتني اياها عنود في عرس وحده من ربعنا . . احس اني اتشللت مارمت انطق بولا حرف . ! اول مره سيف يجوفني ب هالششكل . . كنت اشوف ملامحه لكن ماقدرت افهم شي . . ماعرفت انطق ولا عرفت اقول اي شي غير اني سحبت تلفوني منه بكل قوه وتلامس ظفري على صبعه مما خلاه على طول يبطل باب السياره وينزل المحطه مره ثانية

اانا : ليش ليش جااااااااااااااااااافني جيه .. واااااااااااااااااااي مسسسسسسسسسسسسسسسسسسسسسسسسسسسسستحيل مستحيل . . " حطيت ايدي ع ويهي " شو بيقول عني الحين . . شو بيحط في باله . . شو بيفكر . . كيف كانت نظرته لي شو دار بينه وبين نفسسسسسسسسه . . ليش نزل من السياره بهالموقف المحرررررررررررررج . . يوم بيرد شو بيقول انا شو بقول . .شو بسوي شو بتصرف . . انا ليش رضيت عميمه تنزل ليش مانزلت وراها على طول . . يارب سامحننننننننننني والله ماقصدت انه يشوف صورتي . . ماتوقعت يسويها وتيه الجراه يشل فوني بدون اذني . .

فتحت عيني وشفته عاطني الظهر وواقف ف مكان الاجباس ! مادري كيف نظرته حتى . . تمينا على هالحال 5 دقايق وعقبها رجع لي مره ثانيه وهو شال دبه ماي بارده في ايده . .

ركب السياره وحرك من غير ما اسمع منه حرف . . !!!

خفف السرعه وخذا شارع اليمين . . وصدلي ..

سيف بنبرة هاديه تعذبني : ليش تتصورين فالفون .؟ ما قايلج لا تتصورين فيه

بلعت ريجي ماعرفت ارد عليه . .

سيف : جاوبي . .

كان يطالع الشارع شوي وشوي يركز فييني . .

قعدت العب بالبي بي علشان اتجاهل هالارتباك ورد سحب فوني وحطاه ف حظنه من غيير ما يشوفه . .

سيف : ودريه عنج . . ردي عليَه

تميت ساكته

سيف : مش ذاك اليوم تحنين علي تبين كام . . خذيتلج الكام بس عشان ماتتصورين فالفون . . لو ضاع عنج ؟ لو انسرق ؟

قلتله : فيه باسورد

سيف : الميموري كارد ينشل حتى لو شي باسورد . .

قلتله : منو بيسرقه . . دومه فايدي

سيف : لو حد سوا نفس الحركه الي انا سويتها . .

بلعت ريجي ما رديت

سيف : لو لا سمح الله بعيد الشر عنج سويتي حادث وطاح تلفونج وشلاه ولد حرام؟

انا : . .

سيف : تمسحين الصور اول ماتردين البيت ولا انقليهم اي مكان آمن فالبيت . .

انا : ان شاء الله . .

ابتسم سيف . .

بعد هدوء بسيط . .

سيف يطالعني : ذبحتني الصوره . .

ذبت مكاني . .

سيف : ماقادر اشيلها من بالي . . كل شي فيها انرسم في مخي رسم . . " ابتسم " عذبتيني تراج

ماقدرت ارد عليه ولاقدرت اقول اي شي . . تميت اكح بفشله على قفطه على ماعرف شو . .

سيف : مهور . .

انا : هاه . .

سيف : ياويلج لو فكرتي تاخذين غيري . .

قلتله بعناد : باااخذ

سيف : بذبحج قسم بالله بذبحج بايديني . . والله ماخليه يلمسج الا وهم يدفنونج


قلتله بصدمه : بل عليييييك

سيف : عيل تاخذين غيري ؟ قسم بالله بايدي انهي حياتج

قلتله : ماتروم

سيف : انتي تعرفين اني اروم

انا : ماتسويها

سيف : وتعرفين اني اسويها

انا : ما بهون

سيف : يوم بتاخذين غيري بتهونين ونص

انا : قلبك ما بيطاوعك

سيف : بيطاوعني ونص يوم انج بتخونين حبي لج وما بتصونين الي بينا وبتكونين خاينه عشره

انا : انا قلتلك اسبوع بس بترياك

سيف : جربي وشوفي شو بيصير . . انتي تعرفين انه تهديداتي مش كلام

انا : وانت تعرف انه عنادي بيخليني اسوي اي شي حتى لو نهايته جحيم . .

سيف : وانا ما قلتلج شي . . قلتلج جربي . .

انا : مابترومين تذبحني

سيف : مقتنعه ؟

سكت

سيف : لانج تعرفين اني متهور واسويها ماخاف

انا : حتى انا تروم تذبحني . .

سيف : رديت عليج . .

انا : سخيف

سيف : وانتي سخيفه يوم تقولين الي تقولينه

انا : بعدني ع كلامي . .

سيف : وانا كلامي مثل ما هو . .

انا : بخبر عليك كل حد ما بتروم تسويلي شي

سيف عاقد حياته : منو فراسج ؟ منو تترييين؟

اانا : انت تعرف شكثر طولت علي وشكثر عيال عمي كانو يوني . .

سيف : وانتي حاطه عينج على حد ؟ منو فيهم دش مزاجج ؟

انا بغيض : كلهم شيوخ والزين عندهم . . والف من يتمناهم . .

سيف يصارخ : انتي وحده خررررررررررررررررررررررررررررررررررررررررررررررررا . . قلييييييييله ادب ومروه وذوق . .

سكت عقبها لاني ماحبه يوم يزاعق علي بهالطريقه وصديت الصوب الثاني . .

سيف بغيض يطالعني : ليش تبيني اعصب عليج ؟ ترتاحين يوم اصارخ عليج . . ترتاااحين يعني انتي ؟ يعيبج . . يعيبج توصليني لهالحاله . . كلميني طالعيني يوم ارمسسسج . .

انا : خلاص مافي شي

سيف : منو الي لازم يزعل الحين . . يرضيج اروح اقولج بنات عمي كل وحده احلى عن الثانية وهاي ذبحني طولها وهاي نظرة عينها تموت . . هاي اتمناها والف واحد يتمناها

اطالعته بكل غيض . . .اشتعلت الغيره فيني وحسيت اني بصفعه طراق لولا اني مسكت ايدي بقوه . .

سيف : هاا شو الي تحسينه ؟ شعور حلوو ؟؟؟

ماقلت شي وسكت عنه وتميت اطالع الشارع . .

سيف : غبيه والله

سكت عنه ومارديت . .

صدلي بحنان وبنبره حنونه : عينج تعورج . .

انا : لا

سيف : عيل ليش محمره ووارمه . .

انا : مادرري

سيف : صدق ماتعورج ولا ماتبين تقوليلي . .

انا : ماتعورني . .

تم الهدوء عام بينا . . ماوداني المستشفى هالمره . . وداني عياده خاصه وماكانت العياده مزحومه على طول دخلوني . .

الدكتور : لا مافيش حاقه الحمدلله

سيف : عيل ليش شكلها جيه دكتور

الدكتور يبتسم : دي عينيها حساسه اوي . . " يطالعني " حـ ديلك أطرات . . حوطيها 3 مرات فاليوم . . لمده يومين وان شاء الله حـ تبئى عينيك زي الفل . .

سيف يطالع الدكتور بجديه لانه شاق الحلج ومبتسم يطالعني . . اطالعني بنظرة علشان اقوم . . وقمت وسرت صوبه . .

من بعدها مد ايده الدكتور علشان يعطيني الوصفه لكن سيف خذها . .

سيف : مشكور ما قصرت ..

الدكتور يبتسملي : ماعملناش حاقه . .

سيف بصوت واطي : ولد اللذين . .

طلعنا : بلاااك . .

سيف : ماتشوفينه كيف يطالعحج يعل عيينه

قاطعته : لااا تدعي تنجلب عليك الدعوه . .

سيف يطالعني بعصبيه : ليش كاشخه . .

فجيت عيني ع وسعهن : انا كاشخه ؟ انا حتى جحال مش حاطه فعيني . .

سيف : امشي امشي يالله . .

وطلعنا . . نزل بعدها الصيدليه خذالي القطرات ورررد . .

سيف : لاتتسين تاخذينه 3 مرات لمده يومين . .

انا : انزين . .

تلفوني يرن . .

سيف صدلي : منو . .

قلتله : اميه . . الوو . .

امايا : انتي وييينج هالكثر

قلتلها : استوت لنا سالفه امايا بخبرج يوم برجع . . الحين راجعه انا . .

امايا : شو قالولج عن عينج

قلتلها : مافيها شي الحمدلله . . امايا تلفوني مافيه جرج بيبند فويهج . . انا الحين برجع لا تحاتيني

اامايا : يالل يالله زين اترياج مع السلامه

قلتلها : مع السلامه . .

وبند تلفوني . .

تميت اشوف سيف يسوق 40 !!!

قلتله : متى بتردني على هالسواقه

صدلي بنظرة جاده : ماتبين اتمين معايه حتى . .

ابتسمت باستهزاء : انا تقولي هالرمسه . . مادري منو الي يتهرب دوم . .

سكت سيف . .

عقب هدوء . .

سيف : قررتي انج ماترمسني . . فـ اليوم ما بسمع صوتج وباجر اكيد بتلتهين ويالبنات ومابشوفج . . مادري متى بحصل فرصه مثل هاي . .

قلتله : بخلي صقور يجرح عيني الثانيه

ابتسملي بحنان . . ورديت له الابتسامه وسرحنا بافكارنا وكل واحد فينا عايش جو وساكت . .

سيف : ماودي اردج البيت . .

كان ودي اقوله واصارخ لا تردني لاني مابا ارد . . ابا اتم معاك . . لكن في شي منعني وخلاني اسكت . . اكتفيت بالسكوت . .

يوم وصلنا قريب البيت . .

سيف : ماكنت ادري انه شعرج طويل . .

بلعت ريجي وانا ميته حيا . .

سيف يبتسم ويصدلي : ياويلج لو فكرتي تصبغينه او تقصينه . .

ما قلت شي . . تميت ساكته قافطه !!!

وصلنا البيت . .

سيف يصدلي : عينج تعورج . .

قلتله بدون ما اطالعه : لا . .

سيف : اكيد

قلتله : هيه

سيف : تحملي ع روحج . .

صديت له : انت بعد . .

سيف يبتسم . .

قبل لا انزل زقرني . .

سيف : مهور

اطالعته بدون ما اقول شي . .

سيف : ممم ماشي . . نتلاقى باجر . .

ابتسمت ونزلت من السياره ونزل الجامه على طول . .

سيف : يالله دشي داخل . .

مشيت عنه وقلبي معاه . . غمضت عيني خانقتني العبره . . خاطري اسمعها منك . . خاطري اقولها لك . . خااطري اودعك بطريقه ثانيه غير هاي . . لكن .! الله كريم

دخلت الصاله وشفت امايا فويههي . .

امايا : طولتي . .

قلتلها وانا حاطه اييدي ع راسي : صداع . .

امايا : شو قالولج . .

قلتلها : ماشي امايا لا تحاتين قالولي مافيها شي . .

امايا : سيف وينه بتشكره تعنى وداج . .

قلتلها : راح

امايا : وعمتج . .

قلتلها وانا بالعه ريجي : في بيت يدي . .

امايا : ذكريتي باجر اتششكرها . .

قلتلها : ان شاء الله . . يت عنود ؟ شلت الولد ؟

امايا : لا انا طرشته ما يت . .

قلتلها : انزين امايا انا بسير احط راسي برقد . .

امايا : تعالي تعشي . .

قلتلها : ما اشتهي اكل . .

امايا : وانا كل يوم بتعشى روووحي . .

قلتلها : دلوعه بعد ام مهره . . " ابتسمت بتعب " يالله خل تحطي العشا لين ما ابدل واصلي بنزل باكل معاج . .

امايا تبتسم : يالله اترياج . .

وصعدت فوق تنهدت بضيج وخذتلي بندول احس راسي صدع بالقو فجاه . . صليت بعدها وبدلت ونزلت اتعشيت ويا امايا وتميت قاعده معاها لحد ما سطلت وراحت عني . . قفلت البيبان ورحت غرفتي وطيت راسي وعلى طول من غمضت نمت . .

بـ صباح يوم الجمعه . . نشيت على صوت القرآن . . امايا مطوله على اذاعه القرآن وقاعده تهزب البشاكير . . شفت الساعه تشير للـ 12 انصدمت ! بسرعه قمت ورحت سبحت وقريت لي سوره الكهف وبعدها صليت الفرض والسنه وقعدت اصلي على النبي واستغفر . . بعدها نشيت طلعت لي لبس فخم . . بما انه يوم الجمعه ف هو يوم الاستعراض عند البنات . . كل جمعه البنات يتفشخرن باللبس والتعديل . . طلعت لي اللبس الي شرته لي عنود واتفقنا نلبسه هالجمعه . . عباره عن قطعتين من فوق سوده حرير وعلى الرقبه ربطه فيونكه والكم طويل ومن الخصر حزام وبعدها قطعه بيج يايه على البني الفااتح شيفون منفوش بطريقه خفيفه وراقيه . . تمكيجت مكياج سمممبل وكثرت من المسكرا ونزلت الجحال تحت عيني وحطيت قلوس بني وبلاشر . . اكتفيت بنعال مسطح يلمع وتعطرت وحطيت الدهن العود ورحت صوب امايا عسب اشل عنها المبخر واتبخر . . ودشت فويهي على طول بنت عمي . .

ميره : مهووووووووووور يالسوده تعرفين من متى نترياج " تطالعني من فوق لين تحت " اوب اوب مرررت اخيييي خفي علينا . .

ابتسمت على مرت اخي . . احب ميروه لانها دوم اتقولي مرت اخي . .

انا : الواحد ما يتكشخ يعني . .

ميره تمد لي المبخر : اندوج امج طرشتني . .

ردينا دخلنا الغرفه وحطيت لي من العود الزين وتبخرنا انا وهيه . .

انا : لا تتعبثين . . شو تسسسسوين باغراضي

ميروه تلعب بالمكياج وبفرشاه البلاشر : اتتعدل بعد . .

تصدلي . . : بخبرج سالفه . .

ابتسمت : خبريني . .

ميره : امسس . .

دشت عنود : السلام عليكم . .

ابتسمت : وعليكم السلام " حطيت ايدي ع خصري " وين الي قالت بتطقم وياي . .

عنود تطالعني واحس عينها تلف يمين ويسار . .

قلتلها : عنود بلاج . .

طاحت علينا عنود غشيانه . .

ميره تصارخ : عنوووووووووووووود . .

رحت صوبها : عنود بلاج حبيبتي شو ياج . . " ارمس ميره " هاتي العطر وهاتي الماي

نشت ميروه ورجعت : اندوج

رشيت على ويهها ماي ومن بعدها رشيت العطر وبدت تقوم وتفتح عينها . .

انا : بسم الله عليج شوه ياج . .

عنود تبتسم بتعب : مافيني شي . .

انا : كيف مافيج شي

ميره : بسير اتصل ف عبدالله

عنود : لا . . لا تتصلين فيه . . انا بخير

انا : ماعليج منها اتصلي فيه . .

ميره تطالع عنود : اخبره ؟

عنود : ميروه ما كفاج الي صار اليوم . .

انا : ليش شوه صار . .

عنود تبلع ريجها . . : طيحيني على السرير

ساعدناها وخلينااها تطيح على السرير . .

انا : شوه صار خبروني . .

ميره تطالعني : شوه اقولج يامهور . .

عنود تنزل دمعتها . .

>

<

عنود : يعني كيف تباني اطيح الياهل عبدالله . . هذا كلام تقوله ؟

عبدالله : انا مش مستعد حق ياهل ثاني . . ولدج بروحه شيطان وما يقعد وانتي ماترومين عليه وين بترومين على ياهل ثاني . .

عنود : صح انا ماروم على ياهل ثاني . . لكن الحين انا حامل كيف اعق الياهل

عبدالله يتنهد بضيج : عنود انا مابا يهال . . تصرفي سوي اي شي . .

ميره بعصبيه تدخل : شو يعني ما تبي يهال . . خلاص الحرمه حملت مش بايدها

عبدالله يصارخ : انتي ليش داشه عرض . . كم مره قايل لج لا تدخلين . .

ميره تحط ايدها ع خصرها : لا والله اشوف بنت عمي تنهزب واسكت . . روح روح استقوى على حد ثاني . . الحرمه حامل لا تقعد تكدر خاطرها . .

عبدالله يطالع عنود : عنود لاتخليني اسوي الي ابوي يقول عليه . . تراج مصختيها ومول ما قمتي تسمعين الي انا اقوله . .

ميره : انت اتخبلت . . شوه فيك مستوي خايس

عبدالله يصارخ : اطلعي برع لا تدخلين . .

عنود : تبا تحط على راسي حرمه .

عبدالله : انتي سمعتي ابوي جدامج شقال . . قال بنت خالي يتزوجها يا سيف يا انا . . وانا سكت ما قلت شي

>


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 30-06-2012, 04:05 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رد: رّوآيه " هآيـم فيّ بحـر آلشّوق وُ لذة هيآمك "


<

قطعت عليها الرمسه وانا اشهق : شوووووووووووووو . . شو تقوووولون انتو شو تقولون . .

ميره تمسك ايدي : هدي اعصابج . .

انا : هدي اعصابج ؟؟؟ وهاي تم فيها اعصاااب . . ابوج اتخبل ولا ماتم فيه عقل . .

عمي حمد يدخل : ابوها عمج يلي مش مستنعه . .

انجلطت ووقف قلبي . .

عمي حمد : ماتستاهلين اني ياي لين عنددج وابا اخذ بشورج واقنعج

انا : عمي مسامحه . .

عمي : جبب ولا كلمه . .

انا نزلت راسي بخوف وارتباك . .

عمي حمد : ماتستحين ولا فيج ادب . .ابوج مات ولا حد قدر يربيج عدل

ميره ركضت طلعت برع وتزاعق باسم سيف تزقره . .

رفعت راسي واانا ااطالعه وميوده دموعي مستحيل اصيح جدام حد . . بلعت ريجي وانا اطالعه ومش عارفه شو يصير . .

عمي حمد : عيل اسمعي الرمسه مني الحين . . انا كنت بشاورج وبقنعج ان سيف ياخذها ويستر عليها ماتم لها حد . . وكنت مستعد اترجاج وابوس ريلج بعد لكن يالهرمه يلي مافيج ادب . . ما باخذ بشورج الحين . . عيبج ما عيبج . . سيف بياخذ بنت خاله يعني بياخذها . .

انا بصدمه : عمي حرام عليك . . واناااااا

عمي حمد: بنت خاله بياخذها الحين . . رضيتي ولا مارضييتي . .

بلعت ريجي وقويت اعصابي وبقهر : ماتقدر تغصبه . .

عمي يصارخ وتقرب بيضربني بس سيف جابله على طول : ابوووويه . .

عمي حمد يصارخ : خوز عن ويهي خل اذذذذذذبحها هالخايسه الي محد رام يادبها . .

صدلي سيف وشافني وعلى طول نزل راسه : تستري . .

ماحسيت بروحي . . شليت لي شيله صلاه وتغطيت فيها بسرعه . .

عمي حمد : اختفوووووووووووو . . هذا ويهي لو خليته ياخذج . .

انا اصارخ : كفايا مخلني انتظره وبعد تقولي ما بتخليه ياخذني . . انت مافيك قلب . .انت مش عم انت عدو . .

تقرب عمي بكل عنف وناوي يذذذبحني من الضرب بس سيف كان مجابلنه ويهديه ومش مخلنه . .

صدلي سيف بكل عصبيه وهو يصارخ : بسسس انطبي لا تفجين حلجج بحرف . .

انا : انطب ؟؟؟ ولو انطبيت شو بيصييررر خبرني شو بيصير . .انت بتسسسكت ما بتفج حلجك بحرف وانا شو مصيري . . ؟؟؟ تبيني اخذ غيرك؟؟؟؟؟؟؟؟؟

سيف بعصبيه جابلني : اقص لسانج لو عدتي هالكلمه

عمي حمد يصارخ : خلها . . خلها تعرس تفكنا هاي متخبله على العرس مافيها صبر

انا : اناااا ؟؟ انا إلي انت كنت تقولي اتريي واتريي سيف ولا تاخذين غيره ومحد بياخذه غيرج وانا الي بجمعكم الحين صرت مافيني صبر ومستعيله على العرس

عمي حمد يصارخ : لا ترادديني . .

عنود : مهور دخيلج خلاص خلاص اسكتي .

ميره : مهووور . .

سيف : ماتفهمين اسكتي خلاصصص . .

شفتهم كلهم ضدي . . خنقتني العبره وماتحملت وطلعت من الغرفه على طول . . زاد قهري ان سيف كان بيلحقني بس عمي صارخ

عمي حمد : خلها . . خخخخخخخخخخخخخخخلها تولي لا تلحقها الخايسه

صديت تحريته ورايه لكن مع الاسف محد . . طلعت وتميت امشي طالعه من البيت سايره بيت يدي . . يدي دايما ييي متاخر ف عرفت انه ماوصل بيتنا بعده . . دشيت على طول عنده وحطيت راسي على ريوله وتميت اصيح واصيح من غير ما اتكلم . .

يدي يمسح ع راسي وما يتكلم . .

انا : تعبت قسم بالله تعبت من هالعيشه . . هاي يزاتي . .ادافع عنه . . ادافع عن حبنا . . الحقير الخاين . . مايحبني ييدي ما يحبني . .ما يحبني كثر ما احبه . . مش مستعد يحارب الكل عشاني . . جبان خواف مافيه شجاااعه . .

عميمه دشت : مهور بلاج . .

مسحت دموعي بسرعه وما صديت لها ولا خليتها تلمحني . . خشيت ويهي بين احظان يدي من غير ما اخليها تشوفني . .

عميمه : كلميني شو صاير . .

يدتي ترمس عميمه : شوه مستوي . .

يدي : اسبقينا شلي امج قبل ماتي داخل وو رووحوووولهم يلاااا . . وقولي لهم اني ماقدر ايي وتغديت وراقد . . يالله سيري قبل لا تي امج . .

عميمه : ان شاء الله . .

وشلت اليهال وراحت . .

يدي : مسحي دموعج ..

مسحت دموعي الي ماحس فيها كل شوي تنزل . .

انا : احس بقهر محد يحسه . . احس بنار تاكل قلبي . . الكل يعايرني مافيج ادب ابوج مارباج . .

يدي : ياكلون تبن . . ابوج رباج احسن تربيه ومحد ينكر . .

انا : ليش يدي يصير فيني كل ها ليش . .

يدي : . .

انا : بس ماعدت اتحمل . . والله العظيم ماعدت اتحمل . . يدي سيف بياخذ غيري . . بياااااخذ غيري وهو ساكت ما يتكلم ولا يدافع عن حبنا ولا يدافع عني . . حارمني من الزواج وماخلاني اخذ غيره والحين بياخذ غيري . .

سيف : مهره . .

مسحت دموعي وماصديت ولا رفعت راسي من حظن يدي . .

سيف : انتي لي ومحد راح ياخذج غيري . .

انا بقهر اصارخ : وبنت خالك المصون الي يبونك تاخذها . .

سيف :بتكونين انتي حرمتي وشريكه حياتي وكل شي انتتتتي . . هيه مجرد زوجه عالورق

انصدمت من كلامه ورفعت راسي اطالعه : نعم ؟

سيف ما يطالع عيوني ..

وقفتله وانا اطالعه بصدمه : شـ قلت قبل شوي . .

سيف : مهره ابوي ما بيخليني فحالي

انا اصارخ : ابوي ابوي ابوي . . كل ما صار شي قلت ابووووووووووي . . " مسكت كندورته من جتفه وصوتي مبحوح من الصراخ " وانا شووو . . انا شو بالنسبه لك . .

سيف : هذا ابوي ماقدر اقوله لا . .

انا : لا تقوله لااااااااااااااا . .بس قووول لي انا لاااااااااااااا . . حطمممممممممممني انا . .

سيف : ماعاش الي يحطمج

انا اضربه بقوه على صدره : لا تقول لي ما عاش . . عاااش وكاهو جداممي . . انتتت حطمتني وابوك حطمني وكلكم تحطموووووووووووني . .

سيف يحاول يمسك جتفي بس تراجع ونزل ايده : دخيلج اهدي . .

انا وخرت عنه ويايه اطلع ..

سيف : ووووووووووين رايحه تعالي . .

يدي يزاعق : مهره تمي . . سيف اطلع برا . .

سيف : يدي بس . .

يدي بعصبيه : اطلع برع . .

سيف يطالعني : افهميني . .

انا اطالعه بكل غيض لكن اكلمه بنار وبصوت هادي : يعني انت كنت عارف ان ابوك بيغصبك بس ما قلتلي . . ولا بينت لي ولا طريت اي ششششششششي . .

سيف : كنت ناوي اخبرج والله

انا : كنت ناوي .!!!!!!!!!!!!!!!!!!!!!!!!!!!!! متى كنت ناوي ؟؟ يوم تملج ؟ يوم تاااخذذها

سيف : والله كنت ناوي اسالج واتخبرج . . انا كنت يايينج اليوم واقولج اختاري

اطالعته باستغراب : اختار

سيف : اختاري تكون حرمتي الاولى ولا الثانيه . .

انصعقت . . انصب الدم كله بويههي . .

سيف : لكنج اليوم خربتي كل شي مع ابوي . . كان ناوي يساعدني اخذج الاولى واخذها الثانيه . . كان ناوي يسوي كل شي لكن الحين حريمه .. ماراح يسوي اي شي وراح يتعبني بالقروض اكثر واكثر عشان تصعب علي الامور وما اخذج . . راح يتكفل بزواج بنت خالي وراح يعاند ومايخليني اخذج ..

يدي : سيف اطلع برع ..

انا تميت اطالعه بكل صدمه . . احس الي قاعده اشوفه مش سيف الي انا حبيته . . مش سيف الي رسمت فيه كل حلم . . مش سيف الي قعدنا سنين نخطط كيف راح نجتمع وكيف راح يكون عرسنا وكيف راح نحقق كل احلامنا سوى . .

ميره : مهره . . سيف . . انتو اهني ..

يدي : شلي اخوج وطلعيه برع . .

ميره : سيف تعال . . " تطالعني وتمسك ايده " شو سويت في بنت عمي حرام عليك . .

سيف يوخر ايدها : هديني انا مش طالع ولا رايح مكان . .

يدي : لا تسوي عمرك ريال جدامها . . اطلع برع الحين

لاحظت ان سيف مات من كلام يدي لكن ماعطيته اي اعتبار ولا اي اهتمام . .


سيف : يدي

يدي : اتحريتك ريال . . بس انت عمرك ما كنت ريال . .

بلع ريجه وطلع على طول وطلعت وراه ميره . . وانا على طول حطيت راسي ع ريل يدي مره ثانيه وانهرت . . قعدت اصيح واصيح واصيح ماحسيت بعمري الا وانا هلكانه من الصياح ومافيني حيل لـ أي شي حتى للصياح مافيني حيل . . مرت ساعتين على هالحال . . لين حسيت ان ايد يدي ترجف وترجف

انا : يدي . .

يدي : ها ابوي . .

انا : ليش ترجف شفيك . .

يدي : ممممافيني شي . .

انا تذكرت على طول ان يدي فيه السكر . .وصارت الساعه 4 وللحين يدي ما اكل ولا لقمه . .

انا : يدي يوعان . . اكيد ياك هبوط . . انا اسسفه . . " مسحت دموعي " نسيت والله نسيت

يدي بعدها ايده ترجف . . ركضت رحت المطبخ بس ما لقيت اكل جاهز وانا ماقدرت اسوي شي احس اني مرتبكه وارجف . . رجعت شفت يدي مغمي عليه . . تخبلت . . استخفيت . .

ماعرفت اتصرف لاني خفت انه ماكل ويكون الضغط مرتفع وشكيت انه مش ماكل ويكون عنده هبوط . . طلعت من بيت يدي ورحت اركككككككككض لـ بيتنا وشفت ولد عمي سعيد ( وليد ) . .

انا : وليييييييييييد . .

وليد صدلي : هاه . .

تروع يوم شافني اركض بخوف وارجف . .

وليد : شوه . .

انا ارجف : ألحقني يدي طاااااااح . .

وليد : شوووووووووووو . .

انا : بلبس عباتي وبيييك ركبه السياره بنوديه المستشفى . .

ركض وليد وانا ركضت البيت لكن من الباب الي ورى علشان محد يملحني . . زقرت الشغاله وخليتها تركض تيب عباتي وشيلتي من غير محد يحس . . تميت انتظر لين يت الشغاله وسيف معاها . .

سيف : وين رايحه . .

انا بكل كره : ارتحت ؟؟؟ يدي طااااح . . يدي اغمي عليه وانا السبب لاني كنت اتشكى له منك لين تعب وطاااح . .

سيف بصدمه : شو تقولين ..

لبست عباتي وانخشيت ف زاويه عشان ما يشوفني سيف وفصخت شيله الصلاه ولبست شيلتي . . من بعد ما تحجبت يا سيف . .

سيف : وانتي وين بتروحين

انا : المستشفى . .

سيف جابلني : مع منو رايحه . . بروح اوديه

انا : وخررررررررر عني . .

سيف : مع منو رايحه قاعد اكلمج

انا اطالعه عين بعين : مع وليد . .

سيف بعين نار : انتي تبيني اكفر فيج . .

انا : وخررررررررر عني يدي تعبان مش وقتك . .

طنشته ومشيت بسرعه ورد لحقني . .

سيف : قاعد ارمسج ياحيوانه ..

مارديت عليه وتم يلحقني . .

سيف : قسم بالله لو رحتي معاه ..

وقفت على طول . . اترياه يكمل كلامه . . ويوم شفته ما كمل صديت . .

انا : شو رايج يصير لو رحت معاه ؟

سيف بعصبيه : ما راح يصير الا الي ما تبينه ..

انا بابتسامه استهزاء : حصلت لك انسب وقت وانسب مناسبه تنتقم فيها مني باسلوبك الخاص . .

سيف : قد اعذر من انذر

انا : الي ما اطوله بايدك واصله بريولك . .

سيف : والله يا مهره لاخذها ان ركبتي ويا وليد . .

صديت له وعلى ويهي ابتسامه : شرات ما قلتلك . .يبتها فوقتها .. كنت ادور لي اي شي علشان تركبني الغلط . " ابتسمت " ماتفرق معايه . . سو الي تباه ..

ورحت عنه وانا اركض السياره . . لكن شفت الباب مسكر . . رجعت بيت يدي وشفت يدي صحى . .

ربعت صوبه : يديييييييييييه ..

وليد : انتي غبيه . . شربيه ماي وشكر على طول ولا عطيه اي حلاو . . مافيج عقل

انا : شدراني خفت انه ماكل

وليد : يدي ما ياكل قبل الغدا

انا :ادري بس قلت يمكن اليوم كلى وخفت ..

يدي : مافيني شي ابويه لا تخافين . .

انا مسكت ايده وبستها : سامحني انا اخرتك على غداك . .

وليد : دومج ام المشاكل . .

يدي : وليد . .

انا : صح انا الي سويتلك جي . .

وليد يبتسم : سخيفه . .

انا : جب . .

مسكت التلفون واتصلت حق الشغاله قلتلها تيب الغدا لين بيت يدي . .

وليد : قوليلها تزيد باكل وياكم اهني ..

ماسويتله سالفه ماقلتلها . . شوي ويو الخدامتين يايبين صينيه ..

رتبت الصينيه وياهم وزهبتها على الارض . . وخليت لـ يدي على الطاوله . . لان يقعد على كرسي متحرك ومايقدر يقعد ع الارض . . وبما انه عمي . .قعدت اقصص له السمج

يدي : لا تقصينه اعرف اقص

انا : ادري انك تعرفني لكن ادلعك . . مش كل يوم حد يدلعك . .

يدي : يدتج كل يوم ادلعني لا تقصينه . .

انا مديت له الصحن : خلاص قصيت وخلصت . .

قربت له السلطات .

انا : يالله يدي سم بالرحمن . .

وليد يمد لي صحنه : وانا الفقير . .

انا عاقده حياتي : تعرف ادق راسك فاليدار ؟

وليد : لا كيف . . علميني "يبتسم ابتسامه هبله "

انا : حط راسك ودققققه ما يباله تعليم

وليد : احط راسي بالطول ولا بالعرض ؟

انا : وليدو اسكت خلنا ناكل . .

وليد : وليدوو " فاج عينه " وليدوووو . .

انا : اوهو علينا . .

وليد : انتي تعرفين اخر وحده قالتلي وليدو شصار فيها . .

انا : شصار فيها ياحظي . .

وليد : اهلها لين الحين يدورونها . .

يدي ابتسم . .

وليد : شو يدي تتحراني اتمصخر . .

يدي :كل وانت ساكت ابويه . .

انا ابتسمت . . : تحب تتقفط . .

وليد : انزين مهروه يالحولا . .

انا : حولا الي بتاخذك وبتبتلش فيك . .

وليد : حرام عليكم والله . . مسكينه هالحرمه مش مترقعه . . من كل صوب يندعى عليها . .

يدي : من قراده حظها . .

وليد : انت بعد يديه .. !!! والله لو يدوه اهني ما خلتكم تقولون لي حرف . .

انا ابتسمت : معلوم . . يدوه ما تشوف حد فالدنيا غير وليد . .

وليد مبتسم وخاق : فديتها عيوزتي . .

انا : مادري حق شو عاشقتنك . .

وليد : بيني وبينج . .زاخ عليها شي .

غصيت من كلامه . .

وليد : بسم الله عليج بنت عمي . . "يبتسم " فالعدو فالعدو . . شرق العدو ان شاء الله

اناا اطالعه : والله انك زفت . .

وليد مبتسم وبصوت واطي : صدق شو تتحرين . . مره زاخنها ترمس واحد شيبه . . ومن بعدها حطيتها فالمخبا . . خسي تقولي حرف . .

انا : وليدوه فكني من سوالفك . .

وليد : وبعدين انتي ليش محتره . .

انا : كيف ماتباني احتر وهيه من تشوفني تلعن اسلاف اسلافي وماتخلي فيني عيب ما اطلعه . . وتقعد تنقد فيني طول ما انا قاعده وتنقد تنقد تنقد ما تخلي فيني شي زين . .

وليد : ترا انتي مافيج شي زين لازم بتخبرج الصدق ما بتجاملج . .

انا شليت الدقوس بفره عليه . .

وليد : افا بنت عمي . . خلج بنيه ما اتفقنا . .

نزلته : خايس . .

وليد مبتسم : عيل انا عكسج سبحان الله . . من اقعد تقعد تحظني وتبوسني وتعطيني من الغزل الزين . . وتطبخلي وانا بس حاط ريل على ريل . .

يدي : وليد ماتتعرف تاكل وانت بالع لسانك . .

وليد : قفعه .. عصب الشيبه . .

اانا : لا تقول حق يدي شيبه . .

وليد : كلي وانتي ساكته حشرتينا . .

ابتسمت وكلت . .

وليد : انتي شحقه كنتي ويا يدي مش وياهم . .

يدي : كنت ارمسها فمووضوع . .

وليد ابتسم : موضووووع . . هييييييييييييه .. مول ماعرفت الموضوع انا " يبتسم ويغني " سييييييييييييييييييييييييييييييف توررررد . .وخششمن امهننند . .

انا : هههههههههههه والله حيوان . .

وليد : انتي بعدج تتريينه ؟ والله ماعندج سالفه . .

اتلاشت ابتسامتي وقعدت اكل . .

وليد : خذيني انا . .شحلاتي . . كااامل والكامل الله . . يتعافدن البنات علي . . شو تبين بعد . . وحيد فالبيت وامايا وابويه مطيحين فالعزبه . . فله دورين بكبرها حقج . .

انا اطالعه : ليش الفله تحل كل شي يعني

وليد : لا . بس هذا شي من الاشياء

يدي : وباقي الاشياء شو

وليد : ممم .. باقي الاشياء . .الله يسلمك انا ريال وقادر ولله الحمد . . عندي 3 سيارات . . وبما انه هاي الخسفه تسوق بعدها اكجر سياره عندي . . اداوم وراتبي زيين مابقصر عليها . .ولو بغت تداوم ولا تدرس برايها ما بمنعها من شي . . وبعدين كفايا اني جميل ووسيم وخلوق ومؤدب وطموح ومدين وملتزم واعرف ربي وادل كل المسايد فالدوله . .

انا حاطه ايدي ع راسي : واااي ماخلى شي زين فيني

وليد : والله يدوه كل يوم تقول لي هالرمسه . . تقول حق كل بنيه تخطبها لي . . انا حفظت الموال

انا : وليش يرفضونك عيل يا حسره

وليد : عينهم مغطايه بنت عمي ما يشوفون . .

انا ابتسمت : انزين . .

وليد : شو انزين . . شراايج . . خلاص تم ؟

انا : وليد ماخليتني اكل مثل الناس

وليد : افا عليج تبيني اوكل بنت عمي ..

انا عاقده حياتي . .

وليد : نتعود لاه . . حق العرس وهالخرابيط

انا : ههههههههههه يوز عني والله مش متفيجتلك . .

يدي ابتسم . . : شرايك فـ ميره وليد؟

وليد حاس بوزه : ميروه . . زينه

انا : وبلاك تحيس بوزك . . والله ميروه شيخه . .

وليد : شيخه حق عمرها . .

انا : انت جي تكرهها جيه . .

وليد : لانها حيوانه . .

انا اطالعه . .

وليد : والله حيوانهه .. وكلبه بعد .. تحبني وتموت فيني . .

انا فاجه عيني

وليد : هيه لا تتحريني ماعرف . . ادريبها عاشقتني . . لكنها كلبه خطبتها مرتين ورفضت . .انزين دامج تحبيني جيه ترفضين . .

يدي : اخطبها المره 3 وبتوافق

وليد : حريمتها . . خلاص حطيت عيني على مهور . .

انا : ايه لاتحط عينك علي بلا استهبال . . انا محيرررّه . .

وليد : محيره ؟ من 100 سنه اسمع هالرمسه . . خلاص يابوج عيزتي . . ضريساتج طاحن . . خذيني صدقيني ما بتندمين . .

انا ابتسمت : ودرني فحالي و صصصّخ . .

وليد : كيفج انتي الخسرانه . .

انا : برايه خل اخسر . . الحمدلله " قمت "

وليد : ويييين توا الناس . .

انا : بغسل ايييدي

يدي : انت خليتها تاكل مثل الناس

انا : هيه والله صدقك يديه . .

قمت بغسل اييدي بس ماشفت صابون فـ طلعت من الحمام وسمعت شي كان المفروض ما اسمعه

وليد : يديه . .

يدي : ها

وليد : انت باجر بتنسى الكلام الي بقولك اياه صح . .

يدي : شو تبا تقول بعد . . كلامك اكثر كلامك اتمنى انساه

وليد يبتسم : احبها . .

يدي : حبك برص ان شاء الله

وليد : يدي قسم بالله احبها . . وسيفوه ما يدانيني لانه يعرف انه خاطري فيها . .

يدي : مالك نصيب فيها . . شيلها من بالك . . البنت تبا سيف وسيف يباها

وليد : سيف لو يباها جان حارب من زمان وشلها . . لكنه بارد . . البنت بتكبر يديه

يدي : بيشلها قريب ان شاء الله

وليد : انت بروحك تعرف ان مش قريب . .

يدي : البنت فخاطرها سيف بس . .

وليد : وهي فخاطري بس . .

يدي : بتعرس بتنساها

وليد : عشان جي اقولكم زوجوني انزين محد راضي يزوجني ياخي ..

يدي : محد يقبل فيك . .

وليد : مع اني جميل والله . .

يدي : هههههه الله يهديك . .

قام وليد بيغسل ايده وانا ما تلاحقت الموقف لانه دخل نفس الغرفه الي قبل الحمام وانصدم فيني . .

وليد : بلاج مبققه عينج . . كنتي تتجسسين هاه . .

انا بارتباك : لا . .

وليد : صدقتي صح هههههههههههههههههههههههههههه . . شفتج قلت بعيشج الجو

انا شفت علبه كلينكس جدامي وشليتها وضربته ع جتفه لين قلت بس . .

وليد : هههههههههههههههههههههههههههههههههههههههههههههه شو كان شعورج . . فرحتي صح . . ههههههههههههههههههههههههههههه

انا : سخيييييييييييييييييييييييييييييييييييييييييييييييي ييييييييف اكرهكككككككككككككككك

وليد بنظره ساحره : انا اموت فيج

انا ضربته مره ثانيه بعلبه الكلينكس : خايس جبببببببببببببب . .

ضحك علي لين قال بس وعقب راح عني . . !


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 30-06-2012, 04:19 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رد: رّوآيه " هآيـم فيّ بحـر آلشّوق وُ لذة هيآمك "


هذي البارتات واتمنى تنال الروايه اعجابكم ولا تنسوني من التقييمات والتعليقات
واي انتقاد او اي شي تبوني اقوله للكاتبه عن الروايه مب مشكله انا ممكن اوصل الي بخاطركم كله
والسموحه ع القصور ^^



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 30-06-2012, 04:20 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رد: رّوآيه " هآيـم فيّ بحـر آلشّوق وُ لذة هيآمك "


اي شي بخاطركم كلموني ع رسايل الزوار او الردود هني مب مشكله ^^



آخر من قام بالتعديل احبه ويخونني; بتاريخ 30-06-2012 الساعة 04:25 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 30-06-2012, 07:52 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رد: رّوآيه " هآيـم فيّ بحـر آلشّوق وُ لذة هيآمك "


ان شاء الله اذا حددت موعد للبارتات بحطي لكم خبر^^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 30-06-2012, 08:33 PM
صورة احبه ويخونني الرمزية
احبه ويخونني احبه ويخونني غير متصل
©؛°¨غرامي فعال ¨°؛©
 
الافتراضي رد: رّوآيه " هآيـم فيّ بحـر آلشّوق وُ لذة هيآمك "


.
.
.

السلام عليكم ورحمه الله وبركآته

الله . . اعضائي وقرآئي . . حتى اسمائكم رسخت ف بآلي . .

استانست وتشققت بردودكم وربي = ) . .

شرات ما قلتو انا والكتآبه على علاقه وثيقه هههههههه . .

بالنسبه حق اسماء الشخصيات اعذروني صعبه اغيرها . .

بالنسبه لي في اسماء معينه شرات الالهام لي علشان جي ألجأ لها دوم . .

بتنسون الروآيه وشخصياتهم اليديده مع شخصياتهم الييديده

وبالنسبه لي تحدي اني اخليكم على نفس الاسم لكن اغير نظرتكم للشخصيه نفسها

ووو بالنسببه لمواعيد الروآيه لحد الان ماعرف والله . . لاني بعدني توني باديه ما تعمقت فيهآ . .

فـ حتى لو كتبت ما راح انزل على طول محتاجه اكتب كميه عقب انزلها علشان مثل ما قلتلكم اسلوب يديد علي ومابي اخربها بتهور . . وهالاسلوب بما انه شخصيه تتكلم بس عن كل الي فالروايه فـ صعبه علي لكن ان شاء الله بكون قدها وما بخليكم تنطرون وآيد . . كل إلي ابيه تششجيعكم = ) . .


كلام الكاتبه ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 30-06-2012, 08:54 PM
صورة Broken. angel الرمزية
Broken. angel Broken. angel غير متصل
©؛°¨غرامي مشارك¨°؛©
 
الافتراضي رد: رّوآيه " هآيـم فيّ بحـر آلشّوق وُ لذة هيآمك "


بدايه موفققه ...~

احببت الرواايه وبنتظاار التكمله

احببت الشخصياات واعجبني السسرد


اعتذر ع الرد السييط لكن "العقل مششفر ع الاخر " فعذرا p=
اتمنى لج التوفيييج الغلا


الرد باقتباس
إضافة رد
الإشارات المرجعية

رواية هايم في بحر الشوق و لذة هيامك / الكاتبة : ضحية حبيبي،كاملة

الوسوم
آلشّوق , ببحـر , رّوآيه , إلىـآ , هيآمك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
إنت الذي علمتني حبك / بقلمي VERCACE أرشيف الروايات المغلقة - لعدم إكتمالها 93 16-12-2010 10:42 AM
جميع روايات غرام المكتمله للتحميل بصيغه txt للجوال سيدة زمانهاا ارشيف غرام 1 15-08-2009 05:11 AM

الساعة الآن +3: 03:55 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم