رواية رضيت احبك وبس مافيه عقب الروح روح / بقلمي

[تايهة بزمانها]

مســــآء الخيـــــر ..

المشاركة الأساسية كتبها ملكة كوريا

بارت جميللللللللللللللللللللللللللل
توليين ورامي
اى تحبه تموت عليه
لميس وعبد لله
بطلقها تزوج فيصل
رامي وتولين
كيوت مرره حبيت شخصة رامي
متي بارت

مروركـ الأجمل وربي ..
مشكــوره على التوقعــآت ..
ههههه ماألومكـ والله هم من جهت كيوت كيوت ويخققون
بس يحزنون بعد
أسعدتنـــي متابعتكـ ..
منــــــــــــوره ..




والبـــــآرت أن شاءالله مثل ماتعودنا ..
راح ينزل عصر الجمعه أن شاءالله .. حــآولت أنزل بــآرت بس ماقدرت الى الحين
أكمله .. فراح ينزل مره وحده .. " رومنسيه " حبيبتي آســفه لأني ماراح أقدر أنزل
البارت قبل موعده ..

تحيــــــــــ ـــــــــآتي

[ملكة كوريا]

المشاركة الأساسية كتبها تايهة بزمانها

مســــآء الخيـــــر ..





مروركـ الأجمل وربي ..
مشكــوره على التوقعــآت ..
ههههه ماألومكـ والله هم من جهت كيوت كيوت ويخققون
بس يحزنون بعد
أسعدتنـــي متابعتكـ ..
منــــــــــــوره ..




والبـــــآرت أن شاءالله مثل ماتعودنا ..
راح ينزل عصر الجمعه أن شاءالله .. حــآولت أنزل بــآرت بس ماقدرت الى الحين
أكمله .. فراح ينزل مره وحده .. " رومنسيه " حبيبتي آســفه لأني ماراح أقدر أنزل
البارت قبل موعده ..

تحيــــــــــ ـــــــــآتي

لا عادي حبيتي ع راحتك مهم راحتك

[الرومنسية الغامضة]

لا عادي حبيتي موفقه

[تايهة بزمانها]

روايـــــة ..

رضيـــــــــ أحبـــكـ وبس مافيــه عقــب الروح روح ــــــــــــــــت

بقلمـــــ تايهـــة بزمانهـــآ ــــــــــي ..



يــــريــدون !!

أن يخرجوا مايجول بقــلبي وخـاطري،
مآذا أفعل لهــم ؟؟ مآذا أقول ؟؟ أنا
العآشقة المجنونة ~> أحبـــكـ !!
ولكــن تركتــكـ ’ لأني أوقن أن سعادتكـ
مع غيــري ، لآأريدهم أن يغضبو مني لأني
لآ أجيــب على أسألتهم المتكرره تــلك .. لــيس خوفآ
ولآ تهربآ !! ولــكن أريــد أن أحتفظ بكـ في قلبــي
فقط فما زآل لدي بعضآ من الذكريآت |

# بقلمــــــــــــي ..

_____(( 37 ))_____________________


وصبـــــــــــــآح جديد طلع على أبطالنا ..

عندها .. فتحت عيونها .. ناظرت المكان من حولها ..

لميس : أيــــه صح هذا بيت عبود أفف ياكرهه !!
ناظرت ملابسها اللي ماغيرتها أخذها النوم وهي تبكي ..
طلعت لها بيجامه شورت بنفسجي وتيشيرت رمادي والحواف بنفسجي ..
فتحت سحآب الفستان وخلته يطيح على الارض واخذت روبها ودخلت دورة المياه " يكرم القارئ " ..
ناظرت وجهها بالمرايه وأنفجعت لأنو مكياجها كان خربان والكحل سآيل .. ووجهها حالته حاله .. بس فجأة بدت تضحكـ ..
لميس : ههههههه لو عمــر يشوف وجهي الحين كان ماافتكـ من تعلقاته ..
أخذت مناديل ومسحته وفتحت الدش على المويه الدافيه ودخلت تحته !!

تذكـــرت .. ياترى أمس بعد ماطلعت أيش قعدو يسون ..
أكيـــد سهرو كل العاده وفلوها .. من دوني أفف ياربي أبي أرجع بيتنا .. الله ياخذكـ ياعبود ..


أما بالصاله قــآم رقبته شآده حط يده عليها .. وقعدت يمرخها شوي .. ناظر الطاوله ولاه قدامه علبه زجاج ويسكي وجمبها كاس زجاج ..
عبدالله : شكلي أمس شربت من غير حيلي .. أقوم أغسل وأشوف كيف أراضي ذا الانسانه اللي داخل ..

مشى للغرفه وفتحها بس الباب ماينفتح مقفول
عبدالله : لميــــس لميــــــــــــــــــــــــس فتحي الباب
مافي أحـــد يرد
عبدالله : ترى والله أذا مافتحيه لأكسره على راسك ..
مـــآفي رد
عبدالله : بعطيـــكـ عشر دقايق إذا مافتحتيه لتشوفين شي عمرك ماشفتيه ..
مشى وقعد على الكنب بالصاله ..

أنتهت لميــس من الشاور الدافي اللي أخذته ولبست الروب حقها وحطت المنشفه على راسها ولفتها على فوق .. وطلعت ..
قعدت على كرسي التسريحه .. وأخذت كريم ودهنت جسمها منه ..
وفكت المنشفه من راسها ومشطت شعرها ..
وقامت تبي تفك الروب عشان بتلبس .. بس أندق الباب بقوه

عبدالله معصـــب : أعطيـتكـ أكثر من عشر دقايق وشكلكـ معنده وراسكـ يابس ..
لميس : يالله صبآح خير لــيش قاعد تصرخ .. صجيت راسي
عبدالله :لآآ ياشيخه .. كآن مارديتي
لميس : أيـــش فيكـ كنت قاعده أتحمم .. ماتفهم أنت
عبدالله : على أساس أنتي تفهمين .. يالله أفتحي الباب بتروش أنا ماني فاضي لك ..
لميس : أنتظر بلبس
عبدالله صرخ : أفتحـــــــــــــــــــــــي
لميس : طيب طيب لاتنفخ ..
توجهت للباب .. ومسكت المفتاح وحبت تلعب بأعصابه شوي ..
ومسكت المفتاح وصارت تدوره يمين ويسار يمين وريسار
عبدالله نفذ صبره : لميـــــــــــس لاتجننيني
لميس وهي ميته ضحكـ : أيـــش طيب ماينفتح
عبدالله : على أساس أنكـ بزر وأول مره يمسك مفتاح يالله أفتحي
لميس فتحته وهي مبتسمه على جمب ~> أبتسامة النذاله ..
عبدالله أول ماشافها خـــــــــق : أحـــم
لميس اللي أنعفس وجهها
عبدالله : وش فيه وجهكـ كذا ؟؟
لميس : رووووح تحمم يقرفكـ شوف كيف ريحتكـ خيــآس
عبدالله : ضفي وجهــكـ
لميس عصبت : يعني بستهبل أنا والله
عبدالله : طيــــب هذاني بدخل ..
لميس : روح تحمم برا
عبدالله : بس هذا حمامي
لميس : لا ياماما هذا من اليوم صار حمامي
عبدالله : وراه ماتكرمينا بسكاتك الحيـــن
لميس : وراه ماتضف نفسك وملابسك وريحتكـ الخايسه وتنقلعون برا غرفتي
عبدالله : أففف
أخذ ملابسه ومالقاها وجه ودخل الحمام " يكرم القارئ "
لميس طارت عيونها : هيـــــــــن أنا أوريتــك ياعبيد قليـــل أدب .. أنت وريحـكـ الخايسه ..
لبست بسرعه خوف من أنه يطلع ويشوفها كذا .. وطلعت من الغرفه .. مشت من السيب ودخلت المطبخ .. وشافت الساعه تشير للــــ 10 .. سوت لها توست محمص وعليــه مربى فراولة .. وكوب نسكافه , وطلعت للصاله .. بــــس
أنصــــــــــــدمــــــــــــت .. وطاحو الكوب والصحن من يدها وتكسرو بالأرض ..
وبقلبها : أنا متزوجه واحد يهرب الخمر لهنا .. لا ويشرب بعــد يعني ريحتو قبل شوي ريحــه هذا ..
طاحت دمعه على خدها ..
بعد دقايق طلع عبدالله من الغرفه ولميس للحين متجمده على وضعيتها واقفه منصدمه والزجاج متكسر عند رجلها ..
ناظر عبدالله المكان اللي تناظره .. وضرب راسه ..
وبقلبه : يالله كيـــف نسيت أشيله ..
عبدالله : خليني أفهمكـ
لميس لفت عليـــه ومشت خطوه بس دخل برجلها زجاج ..
كانت بتطيح على ركبها بس حركه لاشعوريه يدينها مسكت معصميــن عبدالله ..
وعبدالله حاوطها مع خصرها ..
لميس وهي رافعه رجلها اللي دخل فيها الزجاج .. ومنزله الرجل الثانيه ..
لميس : أححححححح حيــــل تعور
عبدالله أبتسم بنذاله : وش رايكـ أتركك ..
لميس دفته : أتركـ أصلا أنا ما
عبدالله قاطعها وحط اصبعه على فمها : اشششش
حط يد تحت ركبها واليد الثانيه آخر ظهرها .. ورفعها عن الارض بالأصح " شالها " ووداها لكنب الصاله ورفع رجلها على الطاوله .. وجاب الاسعافات الاوليه ..
وطلع الزجاج .. " وسط آهآتها " .. ولف فيه شاش ..
رفع راسه وهو مبتسم : يمكن كذا أحسن
هي ناظرته وهي منصدمه من تعامله الغريــب اللي اول مره تشوفه وطيبته .. بس لمحت بعينها الويسكي اللي كان على طرف الطاوله .. وصدت عنه ..
عبدالله قعد جمبها : لـــيه طيب تصدين ؟؟
لميس بعدت عنه شوي : لاتلصق فيني .. أنا انصدمت يوم شفتكـ مهرب هذا الشي هنآ للرياض
عبدالله : أيـــــــه مهربه عندكـ مانع .. ولايهمني أنكـ ترضين ولا لا .. سآمعه أهم شي أنا أرضى ويالله الحين قومي شيلي الزجاج اللي على الارض وأنتبهي لايدخل برجلك مره ثانيه لأني ماراح اساعدكـ
لميس لفت عليه بحقد : أصلا غلطآنه يوم فكرت أضبط علاقتنا سوا .. كنت بتقبلكـ بس تحــــلم
قامت بس سحبها من ذراعها .. وخلاها تجلس .. وهي تألمت
عبدالله : من شرط تتقبليني .. بس حطي ببآلكـ اليوم باخذ منكـ هذاك الشي يعني باخذه
لميس دفته من صدره : أنـــــــت واحد عديم أحساس ..
عبدالله : قومـــــــــي عن وجهي
قامت لميس وهي تجر رجلها اللي تألمها ألين ماصلت للمطبخ تكت على باب المطبخ ماكانت بتسمح لدموعها بالنزول .. بس نزلو غصــب ..
نزلو دموع " قهـــر وذل .. هي ماعمره أحد كلمها كذا أو تأمر عليها بهذي الطريقه، بس شكله من يوم مادخلت بيت عبدالله راح تلقى تعآمل غيـــــــــــــــــــــر " ..




_______________________

[تايهة بزمانها]

بشقـــــــــــة أبو بدر

بدر : أقول بس وش رايكم نروح للميــس
أبو بدر : الحين وراه ماتعقل أنت وش نروح لها توها متزوجه
ضحكت نادين بستهزاء خلت عيــون الكل تتوجه لها
عمـر : لـيه ضحكتي كذا ؟؟ مخبيه عننا شي ؟؟
نادين أنفجعت وعدلت جلستها : لآآآ طبعا .. بس يعني ضحكت على رد جدي على بدر
بدر ناظرها بنص عين : نسأل العافيه والسلام
نادين : آميـــــــــــــن ..
ابو بدر : خلونا الحين من هذي .. وش المشكله اللي أمس صارت عندكم ليه كذا صار
عمر ضحك : يعني وصلك الحكي !
أحمد : ضف وجهك بس
عمر : أيـــه شسوي فيكم يعني ماتعرفون تمسكون ألسنتكم ؟
أبو بدر : لــيه ماتبي تتكلم ؟؟
عمر : أسمع ياطويل العمر القصه هي .........................
.................................................. .................................................. .................................................. ........................................ وبس هذي هي
الكل منصـــدم !
أحمد : يعني كان يشك انو منك ؟
عمر : يب يب .. لأنو مثل ماقتلكم شافها معي .. بس هي كانت تطلب مساعدتي لاأكثر ولا أقل
نادين : وربي خسيـــــس
عمر : لاتقولين كذا يعني أنا لو مكانه كان فكرت زيه .. بس رحمته يوم عرفت أنو يشتغل كاشير .. طبعا ماحد يدري بس انا كنت طالع للسوبر ماركت وشفته .. شغلت واسطاتي وقدرت أرفعه مشرف على المحاسبين
بدر ضرب يدينه ببعض : هذا ماينرحم .. كان خليته ينرزع أحسن مكانه
عمر بهمس مسموع : صح شك فيني بس عمري ماراح أنسى انه ولد عمي ..
لورا : عليـــــكـ قلــب ياعمر ..
عمر : شكلي بمشي
أبو بدر : ويـــن ؟
عمر : الشركه !
أبو بدر : بس اليوم خميس ..
عمر : حتى خميس .. أشتغل أنا مو داخل مع عمي شرآكه بشغله ! فمخلي كل الشغل علي وأمس مااششتغلت ..
أبو بدر : أجل الله يحفظكـ ..
طلع عمــر من عندهم .. وطلع من الفندق كله
أخذ شهيـــق قوي : الله يسامحني على كذبتي .. بس محتآج أقعد لحآلي ..
توجه للمـــكآن المعتاد .. وكل العادة لقى فيصل قــآعد فيه .. ومعه سيجاره بيده .. واليد الثانيه ماسكـ فيها ريـد بول ..
مشى وقعد جمبه ..
عمر وهو يسحب من يده الريد بول : سلآم
فيصل : وعليــكم السلام .. غريبه على بالي كنت عند جدك؟
عمر وهو يشرب من الريد بول : كنت .. وطلعت
فيصل : أهآآآ ..
عمر : كم سيجاره للحيـــن أخذت ..
فيصل : يآآآآآآهـــــــــــو سكر الموضوع
عمر : ماراح اسكره .. خلاص البنت تزوجت خلها بحالها مو تدمر حالك كذا .. خلاص ماكتب ربكـ نصيب ..
فيصل : عمـــر ضف وجهكـ ياخي أزعجتني تراكـ كيفي بدخن وبقتل نفسي عشانها شي راجع لي مو لك
عمر بكل هدوء : لعلمــكـ بس أنا أعرف مين هي
فيصل فتح عيونه على أقوى شي ولف عليه : من جــــدك؟؟
عمر : بستهبل معك يعني ؟
فيصل بلع ريقه : طيب وبعدين وعرفت أيش اسوي لك
عمر : اللي أبيك تعرفه انو انا كلمت لميس كذا مره .. بس هي ماتبيــك أفهم مو تقتل نفسك عشانها
فيصل : بس انا ابيها
عمر : أصلا مافي حب يكتمل مافي .. شوف روميو وجوليت قيس وليلى قيس ولبنى .. كلهــــــــــم أكتملت قصص الحب حقهم ؟ لآ ماأكتملت ..
فيصل : بس بالمقابل فيه
عمر : مين فيه .. أه صح نسيت اذكر لك كيلوباترا ومارك أوو لحظه لحظه فيه أورفيوس وايرودايس صح هذول كلهم انتهو نهايات حزينه كلهم .. مافي حب يكمل حط عقلك براسك .. مافي شي أسمه حب مافي ..
فيصل : فيه .. مو لازم انذكرو بالتاريخ ومو لازم نروح بعيد بعد .. الحين أمك وابوك .. مو ابوك قاطع أبوه سنتين عشان امك مو اسمه حب تكلم
عمر سكت شوي : الزبده .. يعني تبي لميس تتطلق عشان تتزوجك؟
فيصل ساكت ..
عمر : تبي سيرت أختي على كل لسان يعني ؟
فيصل : أعوذ بالله وش بلاك انت
عمر : أنت اللي وش بلاك أعقل يافيصل اصحى صحي مخك هذا يكفي حـــــــب يكفي عـــــــــــذاب يكفي !
قام وترك فيصل يفكر بكلامه ..




_______________________

صحت وهي تفركـ عيونها .. ناظرت الساعه ولاها تشير
للــــ 1:24 م..

تولين : يؤؤؤ شكلي طولت بالنوم ..
أخذت روبها ودخلت دورة الميــآه .. { يكرم القارئ }
أخذت شاور على السريع وطلعت .. وصلت الظهر ..

سفطت سجادتها .. وأخذت من دولابها بنطلون أسود وتيشيرت أسود وعليه رسم بالاخضر والابيض والاحمر ..

وكالعادة رفعت شعرها فوق ذيل حصان .. وحطت قلوس ..
حطت جوالها بجيبها .. وطلعت من غرفتها ..
وصادفت عمر ..
تولين أبتسمت: يسعدلي مسآآآكـ خيوو
عمر رفع راسه وببتسامه تعب : ومسآكـ حياتي ..
تولين أختفت أبتسامتها : عمورتي وش فيــــك؟
عمر فتح باب غرفته ودخل وخلى الباب مفتوح معناه أدخلي وسكري الباب وراكـ ..
وتولين دخلت وسكرت الباب ..
عمر رمى نفسه على كرسي أســـود مبين أنه مريــــح ..
عمر : آآآآآه ياتولين أخوكـ تعبان
تولين : سلآمتكـ من الآه ياليتها فيني ولا فيــــكـ
عمر ألتفت عليها : على أسآس أنتي ماتنطقيها كل يوم وكل ساعه وكل دقيقه وثانيه بعد
تولين هزت راسها بالنفي : لا أنا أرضى بالقضاءوالقدر
عمر نزل راسه : مااشتقتي لريان ياتولين
تولين : أيش دخل ريان الحين
عمر رفع راسه : حطي عينيك بعيني
تولين رفعت عيونها فوق
عمر قام ومشى لمها ومسكها مع فكها : حطي عينكـ بعيني
تولين حطت عينها بعيون عمر
عمر : أنتي أمس كنتي رايحه للمطار عند رامي صح
تولين ســـآكته ..
عمر : تحبينه ؟؟
تولين دفته : بعـــــــــد هذا الناقص أحب هذا الانسان ..
عمر : لاتكذبين وقولي الصدق ..
تولين : أنا ماعمري كذبت
عمر : قصدي لاتتكلمين بالالغاز حقتكـ
تولين : أنا مااحب رامي .. هاه هذاني عطيتك أياه على بلاطه !
عمر رمى نفسه على الكرسي : بس أنا اشتقت لرعد .. محتاجه هو اللي كان يفهمني
تولين : وفيصـــل ؟
عمر : أشبه فيصل ؟
تولين : ماحل محل رعد
عمر : لآآ عمره ماراح احد يحل محل رعد ..
تولين : شوف عمر .. كــلنا ماشين على طريق الموت ..
يعني إذا مامت اليوم راح تموت بكره أو بعد يعني جايك جايك مافي مفر منه .. ومااكذب عليك أروحنا تشتاق لأرواحهم والحنين يكبر ويكثر .. بس مالنا الا الذكريات .. لاتقولي يجيك ولد وتسميه على أسمه عشان يصير مثيل له .. لا اللي راحو مالهم مثيل وكل واحد له صفاته وشخصيته .. تقولي بتسمي ولدك عشان تظل تتذكره اوكي .. بس عشان ياخذ صفاته وشخصيته لا ماعمر أحد اخذ صفات أحد .. يعني أنا اقدر بيوم أكون أنت أوانت تكون أنا ؟؟
عمر : لآآآ
تولين : خلاص يااخوي .. أنت كذا قاعد تعذب نفسك على الفاضي ..
مشت ناحيه الباب .. بتطلع !
عمر : تولين فيه بالحياة شي أسمه حــب ؟!
تولين بلعت ريقها : فيـــه بس مو كل من قال أحب يعني يحب .. الحب مو سهل ياعمر .. مو لازم تسهر بالليل عشان تكون تحب مو لازم تصير نفسيه عشان تكون تحب ومو لازم بعد تعطل مشاغلكـ عشانكـ تحب ! الحــب شي حلو حتى العــذاب حقه حلو .. وأحلا قصة حب شفتها اللي بين ماما وبابا .. أحس حبهم قاعد يتجدد كل يوم ويزود كل سنه أكثر من اللي قبلها ..
عمر : بــس زيي يقدر يحب ؟
تولين : لــيه أنت وش فيكـ عشان ماتحب وش ناقصكـ عن غيرك ناقصكـ يد ولارجل ولاعين ولا حتى ماتتكلم الحمدلله كل هذول فيكـ ولا تقولي السكر مو سبب .. السكر مرض إذا اتسلمتله بيقضي عليكـ أما إذا حاربته صدقني ماراح يقوى عليـــك !
عمر : بس تصدقين أحلا قصة حب شفتها ومرت علي .. هي اللي بينكـ وبين ريــآن ..
تولين : ريان راح ولازم أرضى بالقضاءوالقدر
عمر : بس هذا كلام تتكلمينه مو من قلبكـ ؟؟
تولين : لازم أرضي نفسي فيه .. لاني لو ظليت أبكي راح يرجع ريان لو ظليت أسهر أو أكتب فيه راح يرجع ؟؟ ماراح يرجع .. خلاص كل شي أنتهى ..
عمر : يعني راح تقدرين تعيشين مع واحد غيره بالمستقبل !؟
تولين : الحيـــن ماافكر بالزواج نهائيا ! وبعدين كــل شي بوقته حــلو .. تامر على شي ؟
عمر :ويـــــن ..
تولين : بنزل تحت
عمر : أها لا سلامتك بس طفي الليت معكـ
تولين : من عيوني
عمر : تسلم عيونكـ ..








طلعت من غرفة عمـــر وهي تنزل الدرج ..
تقول بقلبها : لـــيه كذبت عليـــه .. ليـــه أبي أرضيه بكلام أنا مو مقتنعه فيـــه أنا أشتقت لريــآن .. وأبيه يرجع بس ماراح يرجع كلامي له صحيح بس أنا مو مقتنعه فيـــه ؟؟ خلني أنزل ألهي نفسي بشي لاأموت من التفكــيــر !!

____________________

[تايهة بزمانها]

أمــآ عند مشآري & ملاكـ ..

قـــآم من النوم ولقآها قاعده على الارض ومكوره على نفسها وتبكي ...

قام مشاري من السرير وقعد جمبها .. رفعها لصدره وضمها ..
مشآري :حـــآس بالعذاب اللي تتعذبينه .. والله ولو بيدي أعطيك سعادتي عطيتك .. اليوم بنروح مع عماني عشان تسوين تحيليل ثاني
ملاك دفنت راسها بصدره أكثر : تعبت منهم يعني تولين بتكذب عليهم خلاص يصدقونها يونتهون من الموضوع لازم يكبرونه يعني !
مشاري : بينتهي كل شي اليوم .. وبترجعين ملاك الشريفه صدقيني
ملاك : لا ومو بس كذا أمس وأنا ماشيه مع تولين كانو فيه ثنتين تخيل يتكلمون فيني يقولون أنها زنت مع ولد عمها عشان كذا زوجوهم كذا بسرعه
مشاري تنهد : ماعليك منهم
ملاك رفعت راسها وأبتسمت: بس تولين وقفتهم عند حدهم .. وردتهم بعد من الزواج
مشاري أبتسم : حــــــــلو ... { وبقلبه } والله ماادري بأيش أجازيك يابنت عمي ..غطتني أفضالك علي وعلى ملاك وأحرجتني
ملاك ناظرت بوجه مشاري اللي باين وصل بعيـــد : مشــآري
مشاري ناظرها : عيـــونه !
ملاك : ويـــن وصلت
مشاري : أبــــد عنــدكـ يابعدي
سكتــو شوي
مشاري : تدريـــن
ملاك : أيــش
مشاري : أحبـــكـ
ملاك : وحتى أنت تدري
مشاري : أيــش
ملاك : أمــــوت فيـــــكـ
أنرسمت البسمه على وجه مشاري وبدون شعور ضم ملاك على صدره بقـــوه : أحبـــــــــــــــــــــــك أحبك يابهجة دنياي أنتي
ملاك أبتسمت على حركته ولفت يدها حول ظهره ..
مشاري حس أن الدنيا بدت تبتسم بوجهه شوي شوي ..



__________________________

أبـــو العنود : على بركة الله
خالد أبتسم
أبو خالد : أجل زي ماتفقنا بعد شهر .. راح يكون الزواج
خالد : لآآ خلو الشبكه والملكه بعد شهر من الحين .. أما الزواج بعد شهر ونص من الحين
أبو العنود : يعني مابين الملكه والزواج إلا أسبوعين ؟؟
أبو خالد : أيـــــه أحســـن شي
أبو العنود : أجل تـــم أن شاءالله .. اليوم نطلع للمستشفى زي ماتفقنا
أب خالد : أن شاءالله أمرك المغرب نطلع سوا ومشاري ومرته يلحقونا
أبو العنود : أن شاءالله ..

_____________________

العنود اللي صحت مفزوعه .. من الحلم
العنود : بسم الله الرحمن الرحيم ..
قامت صبت لها مويه بكاس وشربته ..
ورجعت قعدت على السرير ..
العنود : يالله وش ذا الكابوس .. يـــآرب كابوس مو رؤيا !!

العنود كانت شايفه .. أنها تمشي بمكــآن مظــلم ..
وجاء لها رجال ومسك يدها المحروقه .. ويوم شاف الحرق تقــرف .. وترك يدها ومشى قـــدآم تاركها وراه تكمل طريقها والحزن مغطيها !!

________________________

[تايهة بزمانها]

أما عنـــد خويا اللي بالطياره .. ههههههه أستهبل صح ..
أقصد " رامي "

قاعد جمب الشباك ويناظر لبرى ..
رامي بقلبه : لـــيه سويت فيها كذا .. ليـــه يمكن كانت محتاجه لك وأنت تركتها تعرف تولين ماتحب تعترف .. يــــآآآآليـــل ..أنا مشيت بنفس اليوم عشان ميصير بيننا إلتقاء ! وأنتي لحقتيني ليــه ياروح رامي ليــه تسوين فيني كذا شوفي أنا مانسيتكـ أنا كل يوم أتعذب كان نفسي أركض لمكـ وأضمكـ لصدري واحشتني واحشتني .. بس رايـــآن مالك قلبكـ أنتي ريان سبقني بحبكـ .. وأخذكـ !!

______________________

[تايهة بزمانها]

غلا صرخـــــت : آآآآآآآآآآآآآآآآآآآآآآآآآ ...
كانت تبغى تمسكـ بالمغسله بس طاحت على بطنها وضربت بالبانيو ..
وخلال دقايق .. كان دمها معبي المكـــآن ..




__________________

عمــــآر : ردي ردي ياغلا ردي .. ويــــنكـ .. لاتشغليني عليــــكـ
أففففففففففف ..
رمى جواله ورجع يكمل شغله .. كان الدوام بالشركه على موظفين وموظفين لازم يداومون !

___________________

ببيـــــــت أبو عادل ..
وبالتحديـــد بالمكــتب ..


زيــآد : يبـــه ..
أبو عادل : هلا يبه
زياد : يبه أنا أحـــم
أبو عادل رفع راسه وكان عليه النظارات : بغيـــت شي يبه ؟
زياد : أيـــه يبه أبغى أكلمك بموضوع
أبو عادل فصخ نظاراته : تعال يبه أجلس وعملني وش تبي
زياد جلس : يبه أنا قررت أتزوج
أبو عادل أبتسم : والله أنها فرحتن ماتقدر بثمن أني بشوفكـ تتزوج .. بس يايبه أنت شايف مشاكل العايله خلها تخف ومالك الا اللي يرضيك .. بس حاط وحده بعقلكـ ؟
زياد : أييه يبه أمل بنت عمي
أبو عادل : والله هذي الساعه المباركه يايبه .. بس مثل ماقتلك خل تهدى الاوضاع شوي
زياد : بــــــس يبه أخاف تروح علي .. يعني لو بس تكلم عمي يعني
أبو عادل : يصير خيــر يابه اللي كاتبه ربكـ بيصير وكل شي بوقته حلوو ..
زياد وقف : طيب أنا أستئذنكـ يبه بطلع أنام مهدووود حيلي
أبو عادل : أذنكـ معك ..
طــلع زياد .. وهو حس أن نص الحمل اللي عليه طاح .. وحمد ربه أن جواب أبوه كان كذا .. عشان بعد هو ياخذ وقت أطول يفكــر فيه ..

قــآبل بطريقه وهو بيطلع فوق فيصل
زياد وهو عاقد حواجبه : فيـــــــصل
فيصل : آمــر
زياد : ياخي خف على نفسك شوي شوف ريحة دخانكـ وين واصله
فيصل : تكـــفى أذا على هذا الموضوع بتتكلم لاتتكلم فيه
زياد : ليـــه
فيصل : بسسس
زياد : أهآآآ أوك على راحتك أصلا أنا ماابي إلا مصلحتك
فيصل رفع راسه : وانت وراكـ مبسوط كذا ؟؟
زياد : ليــه تكره الفرح لي
فيصل : لآآآآآ ياخي لاتفهم غلط بس قولي عشان أنبسط معك
زياد : أهآآآآ لا ياحبيبي كل شي بوقته حلــــو
فيصل : طيـــــب على راحتك ..

ومشى كل واحد لغرفته !!

أما بغرفة ريم ..

اللي كأنه غطى الشيطان على عيونها وصارت تكره بنات عمانها من لاسبب ..
ريم : أفففف يعني أول كنت اتحجج بلميس أروح لبيتهم وأشوف عمر الحين مالي إلا تولين وتولين تجيــب المرض أستغفرالله ..

__________________

سعود : أسمع بقولك شي ..
محمد : هلا أيــش ؟؟
سعود : قررت أسوي شي بتولين
محمد : خل المخلقه بحالها ياخي ماسوت لك شي
سعود : لآآآ بس أنا أبي أظمن أنها لي ماابيها تروح لواحد ثاني وبوي شي أظمــــن فيه هذا الشي
محمد : ووشو ان شاءالله هذا الشي ؟؟
سعود : أسمــــــــع أنا باخذها بأي طريقه لشقه .. باخذ منها شرفها .. وبعدين بتركها ياخي كذا أظمن أنها لي
محمد شهق : يؤؤؤؤؤؤؤؤؤؤ لآآآ أنت صدق مو صاحي ! بنت عمك هذي ياخسيس كذا بتسوي فيها !! لآآ أنت سكتنا لكـ كثيـــر وأنا بقول لعمي أبو عادل عنك !
سعود : هههههههههههههههههههههههههههههههههههههههههه
هههههههههههههههههههه تصدق ماستغربت ردت فعلكـ فعشان أظمن أنكـ ماراح تتكلم أو تفتح فمك بحرف .. أنت ياحبيبي الحين تحت رجلي ادوسك متى ماابي .. { يكـــر القـــآرئ }
محمد عصب ومسك سعود من التي شيرت حقه : مجنون أنت أنا تقولي هالكلام
سعود دف محمد عنه : وأنت مجنون تمسكني كذا .. ههههههه شفت الكفي اللي تطلبها مني مو راضي أعلمك من وين أجيبها
محمد : أيــه أيش فيها
سعود ضرب يده على كتف محمد : أبشرك أنت صرت مدمن ياحبيبي
محمد : مدمن أيش
سعود قرب من أذنه وهمس : مخدرآآت ههههههههههههههههههه
محمد أنصـــــــــــدم وطاح على ركبه : لا أنت جد مو صاحي كيف جت بيدك
سعود دخل يده بجيبه ولقى محمد ظهره ومسك كوب الشاي بيكمله : الحين أقدر أتكلم وأنا مطمن .. وتعرف بعد أن عايلتنا مناسبه .. تاجر مخدرات وحشيش وخمور واللي تبي بعد
محمد اللي للحين طايح على ركبه : ميـــن ؟؟
سعود لف عليه : عبـــــــــدالله .. أنا أخذت هذي منه ههههههههههههههههههههههههههههههه
محمد رفع راسه : تصدق أنت أخس أنسان شفته
سعود : يب يب أعــــرف هذا الشي يابعدي ..
محمد نزلت دمعه على خده : وتعرف أنكـ ***** ووآطي .. وسافل .. وزبـــآله مآأعرف كيف طلعت ولد عمي أبو عادل .. { يكـــرم القارئ عن اللالفاظ هذي }
سعود حط كوب الشاي : ههههههههههههههههههههههههه
هههههههههههههههههههههههههههههههههههههههههه تكفى حمود يكفي ضحكتني وأنا ماودي أضحك
مشى من جنب محمد و ربدت على كتف محمد : والله أعزيــــك بالخبر اللي توك تكتشفه هههه .. وأنا ماشي يالله سلام ..
طلع من غرفة محمد
وكان على طلعت أمل من غرفتها شهقت ورجعت دخلت : يعني على الاقل تحمحم عشان نعرف
سعود : هههههههههه ماعليش بنت عموو أصلا حافظ شكلك ..جت على هذي المره ههههههههه
أمل : قليـــــــــل أدب ..

وطلع سعود من بيت أبو عمار ..



_________________________

[تايهة بزمانها]

وشو يعني ماأنشغل بآلكم على غلاوي ؟؟
نرجع لعنـــد عمـــآر ..

طلع من الشركه .. ودق على غلا .. وماردت عصــــب
عمار : ويــــنها هذي من اليوم أتصل عليها وماترد ؟؟

مشى بالسياره ومن العصبيه ضغط على البنزين .. أكثـــر ..
وصل للشقه .. ودخل ..
سكر الباب بقوووه ..
عمـــآر : غلآآآآآآآآآآآآآآآآآآآآآآآآآ غلآآآآآآآآآآآآآآآآآآآآآ
مشى للمطبخ وشاف القدر على النار .. انعفس وجهه من ريحه الطبخه اللي شكلها أنحرقت .. طفى على النار ..
وبدى الشيطان يلعب بعقله ..
مشى للغرفه
عمار : غلآآآآآ غلآآآآآ
مشى للحمام { يكرم القارئ } فتح الباب لآكنه مقفول
عمار دق الباب : غلآآآآآ غلآآآآ أنتي داخل
سكت شوي بس مافي رد
عمار : غلآآآآآ أفتحي لاتخوفيني عليك غلآآآآ

تعوذ من أبليس ورجع على ورا ... وضرب الباب بقوه ..
وبحكم جسم عمار مو كبير بس معضل وقوي { لاتخقون ^_^ }

أنصـــــــــدم يوم شاف المكان كله دم .. وغلا بوسط الدم ..
حتى ماعليها ملابس شكلها كانت تتروش !!!
عمار : غلآآآآآآآآآآآآآآآآآآآآآآآآآآآآآ
من الربكه حط عليها الروب .. وشالها ..
وطلع يركض .. وغترته طاحت .. وباب الشقه نساه مفتوح !!
وحطها ورا .. بالسياره وركب .. قدآم ..
ومشى بســـرعه لأقرب مستشفى وراح الطوارئ.. وصل ومدري كيف وقف سيارته وصرخ عليهم يجيبون النقاله !!

جو وشالوها .. ودخلها .. رمى المفتاح على سكيورتي
عمار : وقفها بأي داهيه وخل المفتاح معك ..

ودخل يركض وراهم ..
دخلوها غرفه .. وسكر الباب ..
عمار رفس الباب برجله : يآآآآآآآآآآآآآرب .. يآآرب تطلع سالمه

بعد نص ساعه ..
طلعت الممرضه
عمار : كيـــف أيش صار عليها
الممرضه : هذا بيبي مووووت
عمار : ضفـــي وجهك وجيبي الدكتوره
الممرضه : أنا مافي ضفي وجهي أنا
عمار صرخ : أنقلعـــــــــــي
قعد على الكرسي وحط راسه بين يدينه ..
وطاحت منه دمعه : يآآآآآآآرب طلعها سالمه .. أنت كريم يآآرب لاتردني ..

____________________

كآنو داخلين المستشفى ..
أبو العنود وأبو خالد ومشاري وملاك ..
ومشارين بطريقهم ..
بـــــــس
ملاك شهقت : هذا مو عمـــآر ؟؟؟
لفو كلهم وشافوه حالهم حاله كان توه رافع راسه من بين يدينه .. وواقف وثوبه مليان دم ..

مشاري ركض له : عمــــــــآر
عمار ألتفت له : مشاري ؟؟
وشاف عمانه وملاك واقفين
جو لمه ..
أبو العنود : وش صاير ؟؟
عمار بلع ريقه : رجعت البيت ولقيت غلا طايحه وحولها دممم وجبتها
ملاك شهقت : يآآآويلي أختــــــــــــــــي ..
وبدت دموعها تنزل
عمــآر غمض عيونه : ملاك أسكتي ماني ناقص ..
ملاك مامسمعت له وظلت تبكي
عمار صرخ فيها : أسكــــــــــــــــــتي لاعادت عليك يكفي أنا متوتر تجين توتريني أنتي أكثر !!
مشاري ضمها : خلاص ياقلبي أن شاءالله مو صاير إلا الخير ياروحي

أبو خالد .. كلم أبو عمار .. وأبو عادل .. وعبدالعزيز .. وأنشر الخبر بالعايله ..

عمار : ليش قلتو لهم
أبو خالد : نعــــم ماسمعت كيف تكلمني ؟؟
عمار : ليــش نشرت الخبر ماكان لازم ؟؟
مشاري : خلاص هدووو

بعـــد ساعتين بالضبط .. طلعت الدكتور ..
الدكتوره : وين زوجها ؟؟
عمار : أنــــآ
الدكتوره : أن شاءالله تتعوض خيـــر
عمار طآآآآح قلبـــــه
الدكتوره : الجنين ماقدرنا ننقذه ..
عمار : غلا غلا كيفها ؟؟
الدكتوره : فقدت الكثير من الدم .. والحين وضعها أن شاءالله أستقر وأحسن من أول .. بس بتقعد يمكن يوم أو يومين ماراح تفيق
نزل سجد عمار .. وبعدها رفع راسه
عمار : الحمدلله الحمدلله لك يارب الحمدلله ..
مشاري ربت على كتف عمار : الحمدلله على سلامتها
عمار : الله يسلمك ..
أبو خالد : يالله أجل تطمنا على غلا .. خلنا نروح نشوف اللي كنا جايين نسويه
أبو العنود : يالله مشينا
عمار : أنت أي قلب عندك بنتكـ توها حالتها ماستقرت بتروح عنها
أبو العنود : تششببب هذا الناقص على أخر عمري واحد عشريني يجي يعلمني وش أسوي
مشاري : صلــــو على النبي ياجماعه ..
الكل : اللهم صلي عليه ..
مشاري همس لعمار : بس ننتهي بجيكـ أوك
عمار أبتسم : أوك
ومشو بطريـــقهم ..

وطلعو غلا لغــرفة .. ودخل عمار عندها .. وظل بناظرها وهو يشكر الله انه سلمها .. ويدعي ربه يرزقهم ولد غير اللي فقدوه ..




________________________

[تايهة بزمانها]

ومشــــت اليومين اللي مرت على أبطالنا بشوي شوي ..
روتيـــــــــــــن ممل ..

لميـــس & عبدالله .. حياتهم كلها هواش وعبدالله بس يسكر يحاول يقرب للميس بأي طريقه بس هي تصده وكم جتها من الضربات منه .. ويتوعدها لو ماخلته يقرب منها راح يحرمها من أهلها !!
ولميـــس حالتها حاله كارهته ومو طايقه ماتبيه ماتبي تشوفه قدامها .. كرهت عيشتها كم مره تحاول تتصالح معه أو تتقبله بس كل ماشافته يشرب تزيد كره وحقد له !!

أما تولين للحين تشتغل من تحت لتحت وتحل مشاكل العايله ..
قاعده تسوي لهم أفضـــآل كثيـــــر بس هم مو مقدرينها !!

مشآري & ملاكـ .. طلع تحليل ملاك سليم .. وأنتشر الخبر بالعايله ورجع مشاري لمكانه ووضعه بالشركه .. وخالد حاول يعتذر من مشاري بس بطريقه مو مباشره .. بس هيهات وهيهات ياخالد اللي أنكسر صعب يتصلح ..
ملاك الفرحه مو واسعتها ..

أما أبو بدر قال وشوله نقعد بس عمــر أقنعه يطولون بالقعده مو لازم يرجعون بدر !!

عرفت العنود بموضوع ملكتها وزواجها وحزنت أنو حددوه عنها وهي مالها شغل .. يعني زواجها ويحددون كل شي عنها !!

_______________________

لميس : مشتــآآقه لأهلي أبي أشوفهم
عبدالله : عطيني اللي أبي
لميس : مــــــــــآبي
عبدالله : أجل مافي شوفه لأهلكـ بتظلين كذا أليـــــــــــــن ماتعطيني وبعدين أنا قلت لأهلك أنو حنا سافرنا ..
لميس : ههههههه وين سافرنا وأنا فاتحه جوالي وقاعده أتواصل مع بنات عمي ؟؟
عبدالله : ههههههههه على بالك غبي .. قتلهم شهر العسل بالامارات
لميس : أهآآآ ..
مشت ودخلت غرفتها ..



______________________

أمــآ بالمستشفى .. عمار كان قاعد بالغرفه جمب غلا ينتظرها تصحى أشتاق لها (لضحكها/حركاتها/ صراخها/وحتى خجلها ) ..

أنطق الباب وصحاه من السرحان ..
توجه لم الباب وفتحه .. وأستغرب وجود تولين اللي كانت حامله باقت ورد أبيض وأصفر ..
عمار بستغراب : تولين ؟؟؟
تولين أبتسمت : أيـــه متفاجئ!!
عمار : أيـــه اللي أعرفه أنك مالك علاقه بغلا كبيره ..
تولين : بس تظل بنت عمي .. الحمدلله على سلامتها
عمار : الله يسلمك
دخلت وحطت باقة الورد على الطاوله .. وعلبه فاخره داخلها شوكلاه ..
تولين : كيفك ياعمار ؟؟
عمار : الحمدلله تمام أنتي كيفك ؟؟
تولين : نشكرالله على كل حال
عمار هز راسه .. وهو يناظر غلا
تولين وهي تناظر غلا بعد : ماصحت أبـــد
عمار هز راسه بالنفي ..

قطبت غلا حواجبها .. وحركت يدها على الخفيف ..
وحركت شفايفها تبي تتكلم .. بس حلقها كان مررره ناشف تبي مويه !!

عمار : تحـــركت ..
تولين : تحاول تقول شي
قرب لها عمار : غلاوي حياتي أيش تبين
كآنت تحرك شفايفها بدون صوت
تولين فهمت أيش تبي توجهت لقوارير المويه وأخذت وتوجهت لها وفتحت القاروره .. رفعت راسها شوي .. وشربتها ..
تولين بأمر : عمار روح نادي الدكتوره المشرفه على حالتها لازم تشوفها
عمار : ليــه فيها شي
تولين : لا بس لازم تعرف انها صحت وتشوفها إذا هي محتاجه شي !!
عمار : طيب ..
طلع من الغرفه يدور الدكتوره ..

غلا حطت يدها على بطنها وبهمس : ولدي ولدي
تولين مسكت يد غلا ماتبي تتكلم تخاف تسوي لها صدمه !!

جاء عمار مع الدكتور ..
غلا ودموعها بعينها : عمار وين ولدي وينه ؟؟
عمار سكـــت ..
غلا لفت على الدكتوره : دكتوره بليييز تكلمي وين ولدي ؟؟
الدكتوره حطت يدها على كتف غلا : ياحبيبتي أنتي راضيه بالقضاء والقدر صح
غلا هزت راسها
الدكتوره : أن شاءالله ربك بيعوضكـ خيـــر بداله .. الجنين اللي كان ببطنك طاح ..
غلا فتحت عيونها بقوه : كذآآآبه .. أنتي تكذبين هذا لدي ماراح ييطيح تكذبيــــــــن
وبدت تصيح وتعيد بكلمة " تكذبين رجعيلي ولدي "

عمار ضمها : خلاص ياروحي .. أن شاءالله معوضين خير أرضي بالقضاء والقدر ..
الدكتوره جابت أبرة المخدر وضربتها فيها .. وشوي شوي بدت تهدى ألين مانامت ..