اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-01-2007, 12:50 AM
صورة ®!الـمـسـافـر!® الرمزية
®!الـمـسـافـر!® ®!الـمـسـافـر!® غير متصل
©؛°¨غرامي مجتهد¨°؛©
 
لكل عشاق الشعر اجمل الابيات


هلا فيكم والله يحيكم ..

لما نقرأ قصيده تستوقفنا ابيات معينه نحس بتميزها وتأثيرها الخاص
والمختلف عن بقية الابيات ..
وبما اني الجميع يعشق الشعر فهذه باقة من اجمل ماقيل في الشعر



واللي خلق ظلما الليالي في العيون الهاجعه
اني من الحرمــان اتســائل وحرماني جواب
يــوم الوداع تخيـلي مــالي حبيـب اوادعــه
محروم انا وتخيلي محروم حتى من العذاب

طلال الرشيد





اذكريني لانتهت للشمس رحله مع نهار ا
ذكريني لاصحا للصبـح ورد الـيـاسمين
اذكريـني لالـمحتي لليــــل بــرد ونــار
واذكريني لاسمعتي للمطر صوت حزين

فهد المساعد





كانك على قولك تمنى لي الخير
ساعــدني انسى حبـك اللي خذاني
خلي حيــاتي تـنـقلب كلـها غـير
وانسى الحبايب والزمن والمكاني

سعود بن بندر





شي طبيــعي نـختــلف ونتــفـارق
اللي غريــب انـا بيــــوم اجتــمعنا
تطيح شمس وغصن الايـام وارق
وتموت كلمة شوق وتعـيش معنى
ماتسعف الغرقان صيحات غارق
عاجز .. وعاجز كيف بس اجتمعنا؟!

سعد آل سعود





آه لو انك ترمي الدنـيــا وراك
وارمي الدنيا وراظهري واجيك
كان تدري ان الغلا كله غلاك
وكـان تدري وشكثر قلبي يبيـك

فهد عبدالله





لاتقول الليــــالي فرقـتنا
لاتقول ظروفنا عيت علينا
الليالي يوم ودك جمعتنا
يـوم ودك كل شي في يدينا

خالد الفيصل





في عز ماكنت اهوجس فيك وافتح لك
ابواب قلبي خذتني رجلي لبـابك
وجيتك وانا ماذكر اني كنت رايح لك
بس اذكر اني كذا لاطول غيابك

فهد المساعد





مرت على قلبي وهي عايشه فيه
تـقول بـعد الحــب لاتنتظرني
مرت على جرح الليالي تصحيه
نسى شقاها كل درب وذكرني
من حب ماينسى ولو حب ناسيه
هذا الذي لـيلة جـفـاهـا قهرني

سعد آل سعود





شفتك مع اللي صار عقبي حبيبك
واحتـارت الدمـعه بعيني وصديت
مدري الـصــدفه لدربي تــجيـبك
مدري انا اللي في دروبك تحريت

عبد الله العليوي





لاجيــت انـا باسامــحــك
تبكي الجــــراح مـاودهــا
مشتــاق ودي اصــافحك
وعيـــت يــــدي لامــدهــا

بدر بن عبد المحسن




كـان قلـبي بحبـل الصبر متشدد
لين سقت الاقدام في مدرج صباها
وذاب شوق ووله ولساني يردد
يــــوم الاطلال نــادت له ولبــاهـا
جمــــلـة ردهـا للـحيـرة يـبــدد
يامرابـع صبــاها وين دنيــاهــا ؟!





قول احبك يبتسم عالم خيالي
واحلم اني مالك الدنيا لحالي
واشتري كل النجوم من السما
وما اخلي ورده تشعر بالضما
قول احبك ..

فيصل بن تركي





يا اقرب من نظر عيني لعيني
يا ابعد من حنانك عن حنيني
امانه كيف تنسيني
وانا من ليلة التوديع إلين اللحين
اشم ايديك بإيديني ..

طلال الرشيد





طيفك ملا كل الليالي
وافي مثل جرحي .. اغفي معه واصحي
غير صور كل البراويز .. شال الصور حط العزيز
اقفل علي الباب .. وحدي بلا احباب
يرفع ظلام ستارتي .. ويدخل بلا اسباب
طيفك غريب .. طيفك قريب
طيفك ابد ما يشبهك
وافي وحبيب

طلال الرشيد





انا حزن الشمس لحظات المغيب
ينطفي نور العمر لما تغيب
وانطوي مثل الحنين بقلب عاشق
يمكن اهون لو اموت .. وماتفارق
يامعلمني احبك .. حيل احبك
اغلى من روحي احبك





احك لي الصدق
ان الامل من قبل اعرفك كذب
والتضحيه اوهام
واني انا من قبل اعرفك .. كنت اعرف انام
كان السهر مو هالسهر
لعب واغاني واختصار
صار السهر تفكير .. صار انتظار .. صار احتضار
صار السهر .. تنهيدتين ونار

طلال الرشيد


لا تقابلني حبيبي بهالبرود..
تو حبك مشتعلني ما انطفى
يوم أنا ضحيت ما أقصد جحود..
للأسف كان السبب زود الوفا
جيتني بالغدر وأنا جيتك عهود..
صادق الإحساس وشلون اختفى؟!
كيف ما قدّرت وضعي والقيود؟!..
انشغلت بدنيتك عني أفا

..!! أسير الشوق !!..





سألتها: يا أغلى الأنام
كيف الغرام؟
قالت لي: انك ماتنام.. وأوهام
مشوار مايعرف وصول
ولحظة بها كل الفصول
وقلب واحد يحترق
وخل عن خل يفترق.
وفي الأخير..
في الأخير في كل النهايات الفراق..
مافي فرص
وفي الأخير..
في الأخير ما في نهايات بلقى الا في خيالات القصص !!

..!! عبد الرحمن بن مساعد !!..





يـامـشغل القلب بين تحبني ويعني"
"شـفـني عليك احترق ياسيدي حيره
مرات اقول اتركك ؟ لا شك iiيمنعني"
"شـي يـقـول اعذره واقبل i-iمعاذيره
قلت احتفظ فيك وادري منت i-iنافعني"
"يـمكن مع الوقت اقول محبتك i-iخيره

..!! حمد السعيد !!..





كان قلبـي قبـل عرفي لك عنيــد
مـا يـحـن ولا رمـى غـيـرك لأحــــد
ليـن طـوّعـتـه بحبــك يا وحيـــد
والمـحـب يطيـع محبوبـه وحــــد
يا حبيبـي غير شوفك لا ما أريــد
دوك طـرفـي طايـر فيـه السّـهــــد
يا حبيبـي فيـك يا حلو القصيــد
لو كتبـت الشعـر فـي غيرك شــرد
أتـغـنّى فيـك بأشــواقي نشيــد
بأصدق اللي قيل مـن بنـت لولــد

..!! الشاعرة: غيوض !!..





ياللي برمح الغلا تسطي و تطعني
و أنا معك خافقي محبوس غاياتـــه
تبي الحقيقة عظيم الشوق ما أوهني
اليوم ساون حسان الحب سياته
أببتعد عنك قدر اليوم ما أمكني
ما هو بعيب ٍ يعاف القلب مشهاتــه

..!! السامر !!..





ياغايب عن عيوني خاطري يطريك
في كل لحظة عيونك كيف بانساها
لو غبت ماغاب طيفك عني وطاريك
كنك معي في خفايا الروح واقصاها

..!! الشاعرة: مطلع الشمس !!
..
__________________



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-01-2007, 01:53 AM
صورة زهرة التوليب الرمزية
زهرة التوليب زهرة التوليب متصل الآن
نْفُوس نَحَبهَآ لِيْه آوجَعَتْنَآ ..
مستشــ¸.·* غرام *·.¸ـــاري
 
الافتراضي


ابيات رائعة

اختيار موفق ..

ذوق رفيع

تحيتي



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-01-2007, 01:56 AM
صورة ضياع الرمزية
ضياع ضياع غير متصل
©؛°¨غرامي ذهبي¨°؛©
 
الافتراضي


يسلموااااااا
المسافر
ذوقك مره رهيب
خصوصا
طلال الرشيد


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-01-2007, 04:51 AM
صورة ®§إحساس جدة §® الرمزية
®§إحساس جدة §® ®§إحساس جدة §® غير متصل
عضو موقوف من الإداره
 
الافتراضي


المسافر

كنا مع روعة الذوق والاختيار
رائع اختيارك
تسلم حبيبي وننتظر المزيد
كل التقدير لحضرتك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-01-2007, 07:45 PM
صورة ..ღ Yaadein ღ.. الرمزية
..ღ Yaadein ღ.. ..ღ Yaadein ღ.. غير متصل
¤* LΦvẼĺỷ Ặйgέĺ *¤
 
الافتراضي


المسافر

اختيار يدل على ذوقك الحلو
يسلموووو الايادي
وننتظر جديدك


دمت بكل الود
فراشة النت


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 11-02-2007, 02:41 AM
صورة نادر منصور الرمزية
نادر منصور نادر منصور غير متصل
عضو موقوف من الإداره
 
الافتراضي


سلمت يداك على ذوقك وكلماتك
*
*
وعلى الاختيار الرائع للمعاني
*
*
لك مني كل الاحترام


Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم