اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 23-07-2012, 12:46 AM
صورة عنيــده واللي براسي اسويه الرمزية
عنيــده واللي براسي اسويه عنيــده واللي براسي اسويه غير متصل
©؛°¨غرامي جديد¨°؛©
 
Uploadfef5c031fd رواية عيال منصور / بقلمي


Weg $رواية عيال منصور $ ash


بسم الله الرحمن الرحيم

البارت الاول

صوت ضحكات تملئ القصر وعيون حادة تدل على الخبث

والطغيان كالعادة يكون حنون في أول أيام الزواج وما أن يتم

شهر حتى يرميها إلى منزل والدها هذه الزوجة العاشرة بين

عدد زوجاته المسيار وهي تبتسم لفارس أحلامها وكما

تمنت شاب وسيم وغني يدللها ويذيقها أجمل أنواع السعادة

في نصف حديثهم رن جواله شاف الرقم وقام متأفف

نادته حبيبي منصور عسى ما شر أش فيك منصور...لا يا قلبي ما في شي هذا واحد من الموظفين عندي

يبيني أشيل الخصم من راتبه دقايق وأجي طلع للحديقة

الكبيرة داخل قصره الواسع نعم خير وش تبغين تراك أزعجتني

جاء صوتها الناعم... منصور الله يخليك رجعني أنا حامل ايش

ذنب الطفل الله يخليك ما أبغى شي منك بس رجعني أنا بأول شهر

منصور بصرخة...اففففففففففففففف رجعه ماني مرجعك

وولدي مصروفه يوصله لا عاد تدقين مره ثانيه فاهمه

وبعدين هاذي ألجازي جابت بنت ولا أزعجتني يلا فارقي

وان اتصلتي مره ثانيه ولدك ما أنتي شايفته

سكر متململ من كثرة اتصالات زوجاته ابتسم وهو يتذكر عروسته الجديدة

وما مر شهريين حتى طلق سارة وبعدها بعد شهر عادة

موال ألجازي ونور سارة وبعض زوجاته وهي تترجاه

يرجعها لأنها حامل

8
8
8
8
8
8
8
8
8
8
8
8
8
بعد مرور 17سنه على آخر خبر يحمل أن سارة جابت بنت

وبعدها قرر انه يكمل مشاريعه ويهتم بشركاته ومع مرور

السنوات زادة شهرة منصور بشكل كبير جدا رجع إلى

قصره الكبير بعد غياب ثلاث أشهر واللي يملاه الطباخين

والشغالات وغيرهم من الخدم دخل غرفته وتمدد على

السرير تذكر كل أحداث السنوات الماضية الحين راح يتخذ

قرار مهم بحياته وقد يغير حياته بشكل كبير دق على

سكرتيره اللي يثق فيه ثقة كبيره

منصور ... الو خالد

خالد ... سم طال عمرك

منصور ...تعال بسرعة أبيك موضوع مهم

خالد... ابشر طال عمرك بس وين ألقاك

نتعرف على خالد أكثر

خالد 31الشاب المخلص للعم منصور ويحترم العم منصور ويتمنى يفداه بروحه ولو يقوله اقتل نفسك

قتل نفسه والسبب أن له معروف كبير ومستحيل ينساه ايش المعروف راح نعرفه في البارات القادمة

منصور... أنا بالبيت

خالد ...ابشر طال عمرك مسافة الطريق بس سكر الجوال وهو

مستغرب بالعادة ما يناديه للبيت إلا بشي كايد الله يستر وش عندك

يا عم منصور وصل ا لقصر واستقبلته مدبرة القصر وقالت له أن

العم منصور ينتظره في مكتبه راح متجه للمكتب طق الباب وجاه

صوت منصور ادخل

خالد... السلام عليكم الحمد لله على السلامة طال عمرك

منصور... وعليكم السلام الله يسلمك اجلس يا خالد أبيك في

موضوع ما حد يعرفه إلا الله ثم أنا بما أني أثق فيك راح أخبرك

بس أبيك تنفذ المهمة اللي راح أكلمك فيها

خالد ...ابشر طال عمرك وأنا أتشرف بثقتك فيني و انشاء الله أكون قد

الثقة
منصور ... اجل اسمع اللي بقولك ولا تقول شي حتى انهي كلامي

قاله قصته من أولها إلى أخرها وخالد تفاجئ من القصة الغريبة

وللي توقع أنها ما تجي إلا بالخيال وكان ابد مو متوقع أن مثل

هذي القصص بتكون حقيقية

وهاذي كل قصتي عشان كذا أبيك تجيبهم لي كله العشرة وراح

يكون معك تركي ولد اخوي لأنه القريب لي بعدك

خالد... ابشر طال عمرك

مر يومين على آخر لقاء بين خالد والعم منصور في القصر جمعوا

خالد وتركي كل المعلومات عن عيال منصور العشرة واليوم

بروح خالد وتركي إلى اكبر ولد للعم منصور وهو فيصل اللي

يسكن في الرياض

كان خالد يسوق ويمينه تركي

تركي ... أبدا ما توقعت أن عمي منصور متزوج و أنا اللي أقول

ليش ما تزوج وهو ما شاء الله كل المواصفات الزينة فيه ههههه

آثريه اخذ عشر وأنا اللي كاسر خاطري

خالد...ههههههههههههههههه العم منصور حطم الرقم القياسي

عشر مره وحده


تركي ابتسم ...أظن قربنا نوصل

نتعرف على تركي أكثر

تركي 25 ولد اخو العم منصور يعني ولد عم أبطالنا أمه وأبوه توفوا بحادث وعمره 22والعم منصور
طلب منه انه يسكن معه في البيت لكن رفض وأصر انه يبقى في بيت لحاله

راح يكون له دور كبير في الرواية يعمل دكتور

جراحه وله مستشفى خاص يعني مدير للمستشفى

ودكتور فيه


خالد...أيه هو الحين بالجامعة أكيد اللي سمعته انه دكتور بالجامعة

وهاذي أول سنه له

وصلوا الجامعة ودخل خالد و تركي ورآهم البدي قارد ناد تركي

واحد من الواقفين وجاه

الطالب ...هلا

تركي ...تعرف مكتب الدكتور فيصل

الطالب ... أكيد هو بالدور الثالث

خالد... معليه اخوي بس يا ليت تدلنا

الطالب ...اوكيه تعالوا معي

مشوا ورآه وتركي يترقب انه يشوف ولد عمه الكبير وهو ألي

تمنى يكون عنده عيال عم مثل ربعه اللي كانوا دايم يتكلمون عن

عيال عمهم وكل واحد يتكلم عن ولد عمه اللي يقول انه اقرب

شخص له واللي يقول انه مستودع أسراري واللي يتكلم انه يفهمه

بدون ما يقول شي

أخيرا وصلو مكتب الدكتور فيصل

الطالب...هذا مكتبه

خالد... مشكور ما تقصر راح الطالب وناظر تركي يا الله هذا

ولد عمك الأول ادخل أنت

تركي ... اوكيه طق الباب بعد ثواني جاهم صوت فيصل الخشن

يدلهم على الأذن بالدخول

تركي وخالد ... السلام عليكم

بحركته التلقائية عدل نظارته وعليكم السلام حياكم تفضلوا

أعرفكم على فيصل أكثر

فيصل 30 دكتور بالجامعة قسم علم النفس ويخطط

يكون له عيادة خاصة فيه لكن يحتاج للمال وحالته

المادية لا تسمح له شخص رزين و هادى جدا يفرض

احترامه مع الكل كل من حوله يحبوه وكتوم جدا

جلس تركي ومقابله خالد

فيصل... هلا فيكم ايش اقدر أخدمكم

تركي... بصراحة يا دكتور فيصل تخدمنا لو تتفضل معنا

فيصل... أتفضل معكم ؟!!

ابتسم خالد ...لا تخاف أحنا مو من الشرطة ولا المباحث أحنا جايين هنا لان فيه شخص نفسه يشوفك
وطلبنا نجيبك

فيصل .. :::::::::::::::::::::::::::::::::::::::::::::::::: :اوكي بس ممكن اعرف من

الشخص

تركي لا آسفين هو رافض نخليك تعرف بس صدقني الشخص هذا يعزك و يغليك

فيصل ... اوكيه بس استأذن وجي
خالد... خذ راحتك

طلع فيصل وبعد خمس دقايق جاء خلاص نقدر نمشي الحين

طلعوا من المكتب كانوا يمشون بهدوء فجئه صرخ خالد لحظظظظظه

تركي وفيصل !!!!!!!!!!!!!!

ابتسم خالد إحراج ...هههه آسف شكلي خوفتكم دكتور فيصل تعرف شخص هنا اسمه ياسر منصور

ابتسم فيصل ...فيه هنا كثير اسم ياسر بس اقدر أساعدك إذا تحب تقابله
تركي ...أيه يا ليت

فيصل... اوكي مشى فيصل ورآه تركي وخالد

تركي... وش اللي ذكرك أنا ولا خطر على بالي

خالد ... ما ادري أنا تذكرت أن فيه واحد من عيال العم

منصور في الجامعة حاولت أتذكر اسمه والحمد الله أهم شي الحين نلقاه

تركي ...وأنت الصادق يا رب على الأقل نجمعهم بسرعة دخلوا غرفه فيها أجهزه حاسب

فيصل... السلام أستاذ كريم آهلين دكتور فيصل أزيك عامل
إيه
ابتسم فيصل... الحمد الله تمام أنت كيفك

كريم... أنا سيدي عال العال والحمد الله

فيصل... أستاذ كريم يا ليت تساعدني أبغى اسم طالب اسمه

قطع عليهم صوت جوال فيصل

ناظر الجوال وابتسم ... عن أذنكم أستاذ كريم الأستاذ تركي وخالد يبغون اسم طالب هنا يا ليت

تساعدهم بمكان قاعته

طلع فيصل وتنهد خالد وتركي بصوت عالي ثم طالعوا بعض وضحكوا

الأستاذ كريم؟؟؟؟؟؟؟؟؟؟؟؟ هو فيه إيه

ابتسم خالد ... ما فيش حاقه بس بليز ساعدنا بسرعة طلع

طالب اسمه ياسر منصور ال..............
تركي... بسرعة

الأستاذ كريم... حاضر حاضر قعد على الكرسي وبدا يبحث
عن اسم ياسر وتركي وخالد في حالة التوتر وكل شوي
يناظرون ورى يخافون يجي فيصل ويعرف أن ياسر أخوه وأنهم جايين من طرف أبوه ويرفض الذهاب معهم

ايووووه أهووو دا ياسر منصور ال............ في مبنى قسم
الهندسة رقم ألقاعه 345 في الطابق الثالث

تركي ... مشكور

فيصل... هاه لقيتوه ناظروا تركي وخالد باتجاه فيصل وفي

أقلوبهم يشكرون الله ألف مره انه جاء في الوقت المناسب

تركي ... أيه لقيناه في قسم الهندسة

فيصل ... يا لله امشوا أدلكم عليه

مشى تركي وخالد مع فيصل

فيصل ...وصلنا بس كم رقم القاعة

خالد ...رقمها 345الطابق الثالث

مشوا في الممرات وبعد نصف دقيقه كانوا قدام القاعة

ناظر تركي خالد بنظرات فهمها خالد

خالد ...دكتور فيصل تقدر تدلني على حمام قريب

ابتسم فيصل... قال اوكيه امش معي

ضحك خالد بإحراج ... اعذرني بس اليوم شربت سوائل كثيره

ابتسم فيصل... عادي يا رجال أنت منت باعدني أنا الوالدة الله يخليها لي ما اطلع من البيت إلا شارب

اربع أكواب حليب







تركــــــــــــــــي ...

الحمد الله فهمني خالد

طق الباب ثم سمع صوت الدكتور تفضل

تركي ... السلام عليكم

الدكتور... وعليكم السلام

تركي... لو سمحت دكتور بغيت طالب هنا اسمه ياسر منصور ال.............

الدكتور... ياسر منصور موجود

طالب... دكتور ياسر يتحلم الحين موفاضي

عصب الدكتور... ايش نايم ليه القاعة صارت غرفة نوم

راح الدكتور معصب للأخر وضرب طاولة ياسر لكن لا حياة

لمن تنادي الأخ نايم ولا كان صاير شي

صرخ الدكتور... وضرب ياسر بالكتاب اللي معه

صرخ ياسر.... وججججججججججججججججججججع يا تبن

صارت القاعة هدووووووووووووووء ثم انفجروا ضحك

صرخ الدكتور... توجججججججججعك قلة أدب وين عايش أنت

ياسر... افففففففففففف أسف دكتور عبالي انك عبود الدب

الدكتور... أكيد منت عارف أنت منت معانا

تركي... دكتور لو سمحت أنا مستعجل

الدكتور... اطلع مع الأستاذ تركي وبعدين نتفاهم

ناظر ياسر تركي... اوكيه

طلع ياسر ووقف جنب تركي

تركي ... بعد أذنك أستاذ أبطلع أنا وياسر برى الجامعة

ياسر... ناظر تركي ورفع حاجب بغرور واضح وكأنه يقول من أنت حتى تأخذني معك

الدكتور ... يكون أحسن بعد

ابتسم تركي... عن إذنك

ياسر.... اقدر اعرف ايش تبغى أنا ما شفتك قبل المرة ذي

خلونا نتعرف على ياسر

ياسر 23اخر سنه بالجامعة تخصص هندسه شخصيته

شخص مغازلجي بس البنات يرقمونه

وهو يستقبل في غرور وكبرياء بس بقلبه يرقص السامري من الفرحه

وعايش بعز من صغره لأن والدته لها منصب

و خواله من الطبقة المخملية


تركي ...أنت امش وراي وأنت راح تعرف

تركي ... وينكم تأخرتوا كل هذا حمام

فيصل ...ههههههههههه خويك الله يهديه لزق بالحمام وما طلع

خالد ... ناظر ساعته وقال أقول خلوكم عني وامشوا ما معي وقت

تركي هههه يا الله خالد معه حق

ياسر بانفعال... الحين أبعرف وين موديني وليه الدكتور فيصل معنا

خالد ... أهدى ياسر راح تعرف بطريق

وقف تركي... تفضلوا معانا

فيصل ...لا أنا بروح بسيارتي

ياسر... وأنا بعد سيارتي موجودة

خالد ... اوكيه على راحتكم

كل واحد ركب سيارته والبدي قار دوراهم بسيارة وصلوا قصر

العم منصور ودخلوا في حديقة القصر مشوا ورآهم سيارات

فيصل وياسر داروا حول النافورة حتى وصلوا قدام باب القصر كل

واحد نزل وسلم المفتاح للحرس ياسر كان الأمر عنده عادي جدا

لكن فيصل كان فاتح فمه للأخر مستغرب هذا بيت ولا مجمع

تجاري ولا عمره حلم انه يدخل قصر مثل هذا كان القصر تحفه

فنيه كان يشبه القصر هذا


تركي... حياكم تفضلوا دخلوا وكان القصر أفخم من برى

بأضعاف والخدم كانوا باستقبالهم

تركي ...الخدم راح يخدموكم والبيت بيتكم أنا وخالد بنروح

لمشوار وراجعين وإذا تبغوا ترتاحوا الخدم راح يدلوكم على

غرف ترتاحون فيها

فيصل... احنا جايين عشان نشوف صاحبكم موننام هنا

ياسر... يا ليت تستعجلونه أنا موفاضي لكم

خالد ...اوكي دقايق بناديه تركي تعال شوي

طلعوا تركي وخالد برى من الباب الثاني بينما فيصل وياسر

ينتظرون

تركي... الحين وش نقولهم

خالد ...أنا بقول للحرس يمنعونهم من الخروج وأنا بحاول اجمع

باقي العيال بسرعة و باخذ معي ثنين من البدي قارد

وأنت اجمع البنات بما أنهم بنات عمك وخذ وحده اوثنتين من

الخدم لأنك إذا اخذ ت بدي قارد رجال راح يخافون ويمكن يصير لهم شي

تركي... اوكيه بسرعة ما معنى وقت انطلقوا الاثنين بسياراتهم وكلن متجه بطريق

عند خالــــــــــــــــــــــــد

وقف قدام استراحة ونزل طق الباب لكن ما فيه رد صار له

ربع ساعة ينتظر لكن بدون فايده لف بيرجع لسيارته لكن

سمع صوت ورى الباب

... طيب طيب جاي

طلع شاب اسمر و شفايفه منتفخه لونها بني و خشمه أفطس

وشعر خشن وقف خالد وقال معقولة هذا ولد العم منصور

متزوج قبل وحده سمرى

الشاب ...نعم اخوي جاي الصباح والناس نايمه تطقطق بيبان
الناس

خالد في نفسه... بل هذا وشلون بآخذه معي وهو بغى يا كلني

عشاني طقيت الباب بس الله يستر آسف اخوي بس بغيت

وليد منصور مادري إذا هو موجود أو أنا غلطان بالعنوان

الشاب :::::::::::::::::::::::::::::: ايوه موجود بس من
أقولوه

بصراحة هو ما يعرفني شخصيا لكن يعرف اللي مرسلني

وقفت سيارة كآمري قديمه ونزل شاب شعره طويل تقريبا

تحت رقبته ببنطلون جنز ازرق و تيشيرت ابيض

عليه خطوط بالون رصاصي كان وسيم جدا

الشاب تعال وليد فيه واحد يبغاك

وقف شوي ثم تقدم هلا مد يده وصافح خالد هلا اخوي

خالد هلا فيك يا ليت تجي معي فيه شخص أرسلني لك
ويتمنى انك تجي

نتعرف على وليد

وليد 26 ممرض بقسم العظام وسيم كسووول
منتهي على

الآخر مغازلجي درجه أولى ما فيه بنت في المستشفى

ما شبكها وأحسن ما فيه ما يتعدى الخطوط الحمراء فقط

يتسلى بهى ثم يعطيها كاش انه ما يبغاها شخصيته تشبه شخصية ياسر


وليد بسبب كثرة مشاكله شك أن خالد من ضمن اللي تهاوش معهم

أو من اللي رقم بناتهم فرفض انه يروح مع خالد

اضطر خالد يستخدم القوه لأنه ما يقدر يقوله عن أبوه لأن العم

منصور محذره انه ما يخبر احد من عياله عنه


***التــــــــــــــــــــــــــــــــــــوقعات***

1ـ فيصل وياسر بيقعدون بالقصر وإلا بيطلعون ويروح تعب
تركي وخالد
2ـ وتركي بيقدر يجمع بنات العم منصور أو لا

3ـ وليد بيروح مع خالد وإلا بيهرب خوف من أنها مصيدة من اللي
تهاوش معهم


نهاية البارت الاول


انتظر ردودكم


اختكم عنيده واعترف


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 23-07-2012, 01:07 AM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الاولى(عيال منصور)


أهلين وسهلين ..
موفقة بروايتك .
بس ياليت لو تكبري الخط وتحطي فواصل بين الكلمات .

مثل كذا
تركي :.......

ننتظر البارت القادم ..
ومني كل باقات الياسمين لـ روحك النقية..



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 23-07-2012, 01:40 AM
صورة ليل الغرباء الرمزية
ليل الغرباء ليل الغرباء غير متصل
©؛°¨غرامي مبدع¨°؛©
 
الافتراضي رد: روايتي الاولى(عيال منصور)



السلام عليكم

أعجبتني البداية...و أتوقع رواية غامضة مشوقه
و ملاحظة(عطني الأمان)‏ صحيحه عشان نعرف مين اللي يتكلم

اتمنى اطلاعك على القوانين

قوانين قسم الروايات


وعلى هذا الموضوع،لتجنب اخطاء قد وقع بها غيرك من الكتاب،اقرائي آراء القراء و نقاشات الكتاب


قضايا


موفقه في الطرح





  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 23-07-2012, 01:50 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روايتي الاولى(عيال منصور)


صباح الخير .....ياهلا فيك عز يزتي بغرام ....موفقة بطرحك .....بداية جميلة وفكرة غير دارجة ومكررة اهنيك عليها اتمنى انك تسلطي الضؤ على امثال منصور الي يتهاون ببنات الناس يتزوجهم فترة ويرميهم هم وعيالهم ....والحين جاي بكل وقاحة بكل سهولة يبغي رضاهم وتواجدهم ....اتمنى فعلا مايلقى تقبلهم له بسهولة هو ماكلف عمره يربيهم او يعطيهم شي من وقته والحين يوم كبر جاي يطلبهم .....وهو مايدري كيف عاشو حياتهم اعتقد في من البنات الي حياتهم موجعة وهو ولا درى عنها


موفقة


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 23-07-2012, 02:27 AM
صورة Fikvdfjvcdf الرمزية
Fikvdfjvcdf Fikvdfjvcdf غير متصل
©؛°¨غرامي فعال ¨°؛©
 
الافتراضي رد: رواية: عيال منصور / بقلمي


اهلين فيكي اختي وروايتك رووووووعه قمه في الابداااااااااع وخطيييييره وحماااااس بس بسألك سؤال في يوم محدد للبارت او ساعه محدده وانتظرك احر واحر من الجمر


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 23-07-2012, 02:58 AM
صورة عنيــده واللي براسي اسويه الرمزية
عنيــده واللي براسي اسويه عنيــده واللي براسي اسويه غير متصل
©؛°¨غرامي جديد¨°؛©
 
الافتراضي رد: رواية: عيال منصور / بقلمي


مشكورين على الردود وعلى الملااحظات

وصدقوني كل ماشفت الردود وعدد قراء روايتي ازيد حماسه

واتمنى ان تكون بالصوره اللي تناسب ذوقكم الرفيع

وانشاء الله راح اكبر الخط واضع الفواصل

وبالنسبه للوقت مثل اليوم هذا الساعه وحده

ومشكورين مره ثانيه على الردود

اختكم عنيده واعترف


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 24-07-2012, 03:16 AM
صورة Mesho$ الرمزية
Mesho$ Mesho$ غير متصل
©؛°¨غرامي مشارك¨°؛©
 
الافتراضي رد: رواية: عيال منصور / بقلمي


وااااااااااااااااااااااو رواية مرة جنان استمري كمليها


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 26-07-2012, 07:45 PM
صورة فـتـنـه الكــــون الرمزية
فـتـنـه الكــــون فـتـنـه الكــــون غير متصل
©؛°¨غرامي مبدع¨°؛©
 
الافتراضي رد: رواية: عيال منصور / بقلمي


بداية رائعة ومشوقة
وفكرة الرواية جديدة ومو متكررة.و هذا أحلا شيء :)
بانتظار البارت القادم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 29-07-2012, 02:22 AM
صورة عنيــده واللي براسي اسويه الرمزية
عنيــده واللي براسي اسويه عنيــده واللي براسي اسويه غير متصل
©؛°¨غرامي جديد¨°؛©
 
الافتراضي رد: رواية عيال منصور / بقلمي


& weg رواية عيال منصور & ash

البارت الثاني


صديق وليد// تعال وليد فيه واحد

يبغاك

وقف وليد شوي ثم تقدم

وليد مد يده وصافح خالد // هلا
اخوي

خالد// هلا فيك انت وليد منصور
ال.........
وليد// ايه وصلت انا وليد
خالد// يا ليت تجي معي ضروري

وليد بسبب كثرة مشاكله شك أن

خالد من ضمن اللي تهاوش معهم

أو من اللي رقم بناتهم فرفض انه

يروح مع خالد

اضطر خالد يستخدم القوه لأنه ما

يقدر يقوله عن أبوه لان العم

منصور محذره انه ما يخبره
نادى خالد البدي قارد وبعد حرب

عشر دقايق كان وليد مقيد تماما

ركبوه بسيارة خالد ورى

كان واحد من البدي قارد ماسك

صديق خالد بقوه حتى ما يساعد وليد

قرب خالد منه ومسك كتفه

خالد// لا تخاف صديقك نخاف عليه

أكثر من خوفك أنت عليه

واللي مرسلني أبوه

أمر خالد البدي قارد يترك صديق وليد

ورجع لسيارته

وليد يصارخ// يا حيوان أنت وش

تبي فكني أقولك فكني ما تفهم

خالد كان معطيه الطناش

وليد// هيييه قلي ليش اخذني أ1ا انا متهاوش معك متى

تهاوشت معك ياخي ذكرني على

الأقل من انت وش سويت فيك

خالد// ................................
وليد// افففففففففففف

وقف خالد قدام مركز الشرطة

وليد خلاص انتهى وقف قلبه أكيد إذا

دخل السجن مستحيل

يطلع إلا بعد ثمان أو عشر سنين
من كثر البلاوي اللي مسويها

نزل خالد من السيارة
وخلى البدي قارد يحرسون وليد حتى ما يهرب


استغرب وليد ان خالد

ما نزله معه للمركز وبعد نص ساعة طلع

خالد ومعه شرطي
هنا بصم وليد مليون % انه ودع

شمس الرياض وودع أيام الوناسه

بعد ربع ساعة طلع خالد

وكانوا واقفين يتكلمووون وخالد

كأنه يترجى الشرطي وبعد ثواني

توجهوا لسيارة

وليد// ياويلي شكلي رحت وطي

خالد ركب مكان السايق والشرطي
جنبه

وليد.......................(ساكت)

طلع خالد برى الرياض

بدر (الضابط)// أخ خالد وين رايح

أحنا خرجنا عن الرياض أنت ما قلت

إنا مسافرين

................................

نتعرف على بدر

(بدر 28ضابط بالشرطة إنسان عصبي بحكم عمله
واغلب كلامه هي إلقاء الأوامر دائما يكون موقعه القائد
والمتحكم سواء بعمله أو مع أصدقائه)

خالد// في قرية هنا في شخص


بآخذه وبعدها بنروح

للمكان اللي قلتلك عليه وصلوا القرية

شاف مجموعه من الرجال

جالسين قدام البيت وفيه أطفال
يلعبون

وحريم القرية طالعات يمشن

وبعضهن متوجهات

للغنم واللي متوجه لبيت جيرانها

واللي واقفات قدام

باب البيت و يسولفن

وقفت سيارة خالد و ورآه سيارة

البدي قارد نزل خالد

الأطفال أول ما شافوا بدر في

السيارة كل واحد لزق بأبوة خوفا منه

بحكم لبسه فالشرطي عندهم شي

مرعب عكس أطفال المدينة

أكيد تتسألون وين وليد

وليد بعد صراعات مع عقله ولأنه

كان مواصل نااااام بعد ما تطمن انه

ما بيدخل السجن

خالد// السلام عليكم

وقف الكل وبدوا يرحبون بكلمات

متفرقة يا مرحبا .... أسفرت و

أنورت .... حياك يا النشمي

اقلط....... الخ

خالد بصوت عالي// مشكورين وزاد

فضلكم

واحد من كبار السن// اقلط يا رجال

واشرب القهوة

خالد// قهوتك مشروبه يا عم أنا

مستعجل بس جاي اسأل عن واحد

اسمه عناد منصور

....... عناد تلقاه عند حلاله

خالد// وين مكان حلاله

يشر بيده........ شف ذيك المزرعة

تلقاه ورآها ابل وغنم هو عندهن

خالد// مشكورين وما قصرتم

ركب خالد سيارته وتوجه لعناد

وصل بعد خمس دقايق نزل خالد

ولف شماغه على وجهه قبل

يختنق من ريحة الإبل شاف شاب

جالس على فرشه صغيره وقدامه

قهوة وتمر ويقصد من قصايد

البدو(شيلات)


يا لله في ليل تكاشف به ابــــــــروق

نون نشى فالصبح والليل بـــــــال

ويرخي جنابة ربنا اليوم من فــــوق

إلينا إرتكا سيلة من الجــال للجـــــــال

ويفضي على جون تفليبه النــــــوق

قبلة من المثلوث في رجـــــم بـــــذال

في خايعن قفرن وأنا اتوق له تــوق

قفرن خلا ماجــــــاه طرقي ونـــــزال





أول ما شاف خالد

قام من مكانه // أرحبوا بالطيبين

خالد// السلام عليكم

عناد// يا هلا وعليكم السلام

خالد// ماشاء الله شكلك عشيق ابل

عناد// الله الله أموت بمواطي

رجليهن بس إذا أنت جاي تشتري

فانا ما بيع من حلالي شي

خالد// لا يا ابن ا لحلال أنا أبيك أنت ماا بي حلالك

عناد// أعقب يا ولد وش ذا الكلام

وأنا ولد أبوي من اللي يبيعني أنا

مانباع أنا رجال حر حالي حالك

خالد تنهد تنهيده كبيره وشال هم

عناد اللي صعب الواحد يتفاهم معه

بس جت بباله فكره

خالد// لا أعوذ بالله وين عايشين يوم

جاي أشتريك أنا واحد مرسلني يغليك

وعنده 100 راس من الإبل و يبي

يهديها لك ونفسه يقابلك لأنك راعي

خير وكريم وشهم

تشقق عناد من

الوناسه ورفع خشمه// الله الله كل

اللي قلته صحيح أنا من يوم كنت

صغير وأنا أكرم الصغير والكبير و

يا لله توكلنا على الله مشينا أبجيب

ونيتي وألحقك

خالد// لا يرحم والديك أنا اوديك خل

سيارتك واركب معي

عناد أول ما شاف بدر حلف انه ما

يركب معه والسبب كرهه للشرطة

وركب مع البدي قارد



....................................
نتعرف أكثر على عناد

(عناد 29 شخص عملي جدا يعشق شي اسمه البر
والقنص ويمووووت بلحم الغنم ومتيم بحليب الإبل لم
يخرج ابدا من الرياض واغلب الوقت في البر)





تـــــــــــــــــــــــــــــــــــركي

تركي// يا بنت الحلال هدي والله

مراح اسويلك شي في واحد يبغى

يقابلك وهو يقربلك

جودي// طيب بنتي أبيها معي

تركي// بنتك ؟!

جودي// أيه أنا بنتي الحين بالشقة

عند الخدامة لحالها

تنهد تركي // اوكي الله يهديك كان

قلتيلي من الأول

جودي.........................

تركي// لا تنزلي أنا بجيب بنتك

والخدامة وأجي

راح تركي وبقت جودي في السيارة

تبكي خايفه من المجهول وهي

توقعت انه طليقها اللي مرسل الرجال

الغريب لها

بعد دقايق جاء تركي ومعه بنت

جودي شايلها ويلعبها وهي

تضحك و ورآه الخدامة ركب تركي
ومعه بنت جودي

و وراه جودي والخدامة

جودي// لو سمحت خلني اركب

مع السواق والخدم بالسيارة الثانية

تركي// ما حب يطولها ووافق هو

بس يبي يوصلها للعم منصور

..................................
نتعرف على جودي

(جودي 26 مطلقه ولها بنت عمرها

ثلاث سنوات اسمها

ريتاج شخصيه غامضة أهم شي

عندها عزة النفس إلى

الآن تعشق طليقها وطليقها يموت

عليها راح نعرف

السبب في البارتات الجايه وطليقها

اسمه فهد لكن

ما تناديه إلا فهيدي)


اتجه لمدرسه الثانوية للبنات نزل

تركي// السلام عليكم

الحارس // وعليكم السلام آمر يا
الطيب

تركي// بغيت طالبتين أسمائهم حلا

و أسيل منصور ال...............

الحارس// ابشر دقايق اكلم المديرة

بعد ثواني جاء الحارس

الحارس// تقول المديرة فيه طالبه

اسمها حلا
منصور ال.............. بس أسيل

ما فيه
تركي// ما فيه ؟؟؟؟ غريبة

تركي ناظر الحارس وابتسم // ثواني

بس وأجي

الحارس// خذ راحتك يا ولدي

دق تركي على العم منصور

تركي// سلام عمي

منصور// وعليكم السلام هلا تركي

تركي // عمي أنا رحت للمدرسة

اللي قلتلي عليها ولقيت بنتك حلا بس

أسيل ما فيه عندهم بالاسم هذا

منصور// ...................طيب

انتظر بعد ربع ساعة بدق عليك

تركي// ابشر

بعد نص ساعة دق جوال تركي

تركي // هلا عمي

منصور// هلا تركي البنت مزورين

اسمها بزوج طليقتي

وتلقى اسمها أسيل فايز ال................

تركي// بس يا عمي المديرة

مستحيل تطلعها وبنتك منسوبه لغيرك

منصور// طيب عطني رقم مكتب
المديره

تركي// ابشر

اخذ تركي رقم مكتب المديرة من

الحارس وأعطاه العم منصور

وبعد عشر دقايق طلعن أسيل وحلا

أسيل // غريبة وين أبوي ما جى و

المديرة قالت انه جاي

حلا // تتوقعين المديرة تكذب

أسيل// ليه تكذب وش بتستفيد إذا كذبت

حلا// وش بتستفييييد ؟!

(تعد بأصابعها)

1ـ الهدوء في المدرسة

2ـ الضغط والسكر راح يعتدلن عندها

3ـ ولأهم........

قاطعتها أسيل// بس بس خلاص

خلينا نشوف يمكن المديرة غلطانة

حلا// هي وش قالتلك بالضبط

أسيل// قالت أبوك ينتظرك برى

وطلعي حلا معك

حلا// أسول شوفي المزيون جاي

لجهتنا

أسيل// يلعن بليسه شكله بطران

غريبة ايش يبغى جاي هنا


نتعرف على أسيل وحلا


(أسيل 17 إنسانه عربجيه آخر همها المدرسة والدراسة
شعرها بوي شخصيته قويه جدا ما تخاف من احد
كلمتها تمشي ويا ويل اللي يعترض طريقها كتووومه
جدا ماتقول أسرارها ألا لعز صديقاتها صديقة الطفولة
لبسها بناطيل سبورات تكره أمها وأبوها واللي مربيها
زوج أمها الأول وأمها تركتها عنده وتزوجت غيره من بلدها تركيا
وتعشقه ودائما تناديه يبه و مميزه بعيونها الزرقاء
وشعرها شوكولاته(طبيعي) )


(حلا 17 هي بالأساس هاديه بس نقلبت لإنسانه
عربجيه شعرها بوي شخصيتها

تشبه كثير شخصية

أسيل هي في البداية كانت شخصيتها

ضعيفة بس بعد
ما تعرفت على أسيل صارت تقلدها بكل شي أمها متوفيه دماغيا واللي مربيها خالها اخو أمها
كل لبسها بناطيل وجزم (وانتم بكرامه) سبورات )


تركي قرب لهن الأخوات أسيل وحلا

حلا// لا العمات أسيل وحلا

أسيل // هههههههههه حلوه حلاوي بس لا تعيدينها

تركي // أظن سؤالي واضح

أسيل// نعم أحنا أسيل وحلا ايش بغيت

حلا // أسيل يمكن أبوك مرسله

تركي ؟؟؟؟؟؟؟؟؟؟؟؟ في نفسه بسم

الله وش دراها ذي

أسيل // ما أظن هذا واضح ولد

نعمه وبعدين بابا

ما عمره أرسل احد يخذني من

المدرسة

حلا// وأنتي الصادقة ما ظن أبوك يرسل

هالبطران عشان يخذنا

أسيل// نعم أخوي اخلص علينا وش
تبي

تركي قرر يقلبها لصالحه لأنه
متأكد أن البنات اللي

قدامه صعب أقناعهن

تركي// كلام الأخت حلا

صحيح أبوك مرسلني وحاب يسويها

مفاجئه
أسيل// ...............................(تفكر)

والله مادري عنك بس اوكي أهم شي

نطلع من المدرسة الخايسه

حلا // وااااااااااااااااااااااااو أحب

المفاجئات

تركي// ممكن تتفضلوا معي

أسيل// رفعت انفها بغرور

مصطنع احم اوكي يله

حلا// اقول بس لا يكثر

تركي بصوت واطي// أفف الحمد لله

بقي ابرار ومي الله يعيني لا يطلعون زي الملسونات اللي وراي










& weg رواية عيال منصور & ash

البارت الثالث



الساعة واحد ظهرا


تركي وقف سيارته بعد ما جمع كل

بنات العم منصور الخمسه

وقف سيارته قدام باب القصر

بنات يا لله انزلوا وصلنا

البنات..................................

تركي// بنات تقدروا تنزلوا الحين

البنات// .............................

تركي // اففففففففففففففففففففففففففففف

طالع ورى بناااا...... ابتسم على

أشكالهن كانت كل وحده حاطه راسها

على كتف الثانيه

تركي // خلوني اتركهم شوي

وأروح لجودي وأبرار

نزل من سيارته وتوجه لسيارة الخدم

واللي فيها جودي وأبرار

تركي طق دريشة جودي

جودي تطالعه ؟؟؟؟؟

تركي// بنات وصلنا تقدروا تنزلوا
الحين

نزلت جودي وكانت معها ريتاج

(بنتها) ووراها أبرار

تركي // استغرب هدوءهن عكس

المجانين اللي معه بالسيارة

تركي // ههههه غريبة هاديات

عكس اللي معي

أبرار// اللي مرسلك لنا بابا صح

تركي// !!!!!......................

أبرار// عادي أحنا بعد كان نفسنا

نشوفه وبعدين بالسيارة عرفت أن

جودي أختي من بابا

تركي // بصراحة أيه وداخل

أخوانكن موجودين اعتقد خالد

جمعهم قبلي

جودي// ومن خالد وأنت ايش

علاقتك فينا

تركي // ابتسم خالد سكرتير الوالد

وأنا ولد عمكن

جودي وأبرار// ولد عمنا ؟؟؟؟!!!!

تركي// لا تستعجلن راح تعرفن كل شي داخل

مشى تركي و وراه أبرار وجودي

نتعرف على أبرار

(أبرار 22 إنسانه رزينة عقلها كبير رغم صغر سنها
حكيمة من يسمع نصيحتها ما يندم أي احد يشتكي لها تسمعه ما تمل ابدا تعطي نصايحها وهي مبتسمة
يلقبونها صديقاتها (البلسم ) )




فتحوا الخدم الباب

تركي وقف قدام الباب // تفضلوا

البيت بيتكم

دخلت جودي ورآها أبرار وكانت

الصالة وسيعه وفيها جلسات كثيره

لكن كان فيه

جلسه كبيره وفيها مجموعه من

الشباب

وليد وفيصل وياسر وعناد وبدر

وقفوا


تركي ناظر خالد

وخالد فهم أن تركي يسأله هو قالهم

عن خواتهم أولا

خالد حرك رأسه بمعنى نعم

تركي// السلام عليكم

الكل // وعليكم السلام

تركي// أظن ما يحتاج أفهمكم أكثر

أتوقع خالد قالكم كل شي

عناد // أقول ورى ما تنكتم أنت

وخويك التسذوب (الكذاب) و تودوني

لحلالي

تركي عاقد حواجبه يناظر

خالد؟؟؟؟؟؟؟؟؟؟؟

خالد كاتم ضحكته وتوجه لتركي

خالد// معليك منه هذا بغى يمغطني بعقاله بس

الحمد لله البدي قارد أنقذوني

تركي// وأنت وجهك خايف منه ليه ما عطيته طراق على وجهه


خالد// يا بن الحلال هو هذا أسلوبه وأنا جبته من قرية وعند ابل وغنم


تركي// ابتسم تدري حتى هيئته توضح انه قروي أصيل

خالد// خلك منه الحين وقلي وين باقي بنات العم منصور

تركي ضرب جبهته // يووووووووووووووه تصدق نسيتهن بالسيارة نايمات


خالد// طيب طيب روح نادهن وأنا بعرفهم على بعض

تركي// اوك

تركي توجه لسيارته

خالد// تفضلوا بنات

أبرار وجودي يمشن وكانن خايفات

ابتسم فيصل واتجه لجودي وأبرار

فيصل مد يده لجودي وهو مبتسم


جودي ارتاحت له بسبب ابتسامته

فيصل// أنا فيصل أخوك الكبير

جودي// أنا جودي وهذي بنتي ريتاج

فيصل// ابتسم ماشاء الله وين زوجك ماجا

جودي أبلعت غصتها وابتسمت بصعوبة أنا مطلقه

فيصل// آسف ماكان قصدي ااا.......

قاطعته وهي تمسح دمعه نزلت على ذكرى

زوجها أو طليقها الغالي واللي فرقتهم الدنيا غصب

جودي // لاعاااادي لا تشيل هم

فيصل حمل ريتاج ومد يده لبرار

ابتسمت أبرار// أنا أبرار

فيصل// هلا أبرار شكلك .......قطع الحوار صوت صراخ

أسيل // يا حيوووووووووووووان وتقول انو بابا

مرسلك وموديني لبيت مليان شباب

حلا... هييييييييييه أنـــــــــت إحنا موو من البنات اللي

تعرفهم
مي... وااااااااااااااااااااااا(تبكي) أبغى ماما رجعني للبيت الله يخليك الله يستر على خواتك لا تسوي بي شي

هييييييييييئ أنا أنأو.......

قاطعتها أسيل // هييييييه أنتي ازعجتينا وأنت تاشر على تركي يله الحين رجعنا مثل ما جبتنا

تركي مسك راسه وطالع لخالد // تكفى فهمهن

مي // والله والله والله لعلم عليكم الشرطة

أسيل // رفعة حاجب وطالعت مي لا يا شيخه بتعلمين الشرطة (ورفعت صوتها) الحين اطلعي من هنا يا لهبله وبعدين


علمي الشرطة

(أعرفكم على مي)

(مي 19 جميله لدرجه خرافية شعرها الكستنائي
الطويل تقريبا طولها 178يعني طويلة وبشرتها
برونزية لكنها مغرورة وعندها الناس ولاشي دائما
لبسها شورتات وفساتين فوق الركبة تتبع دائما أخر

الموضات وهي نفس أخوها وليد بنت عز يعني أخوالها
من الطبقة المخملية)

خالد // بسسسسسس


طالع بأسيل وكانت لابسه عباه كتف حاطه الطرحة

على

رقبتها وشعرها مسويته سبايكي وشعرها بوي

ونقل نظره لحلا مسويه نفس شعر اسيل سبايكي بس

الفرق انو أسيل شعرها لونه بني ولون عيونها ازرق

بس يمكن تكون عدسات ومسويه ونفس طريقة عبايه أسيل

ونقل نظره لمي وكانت حاطه طرحتها على رقبتها

وجمالها كان صارخ شعرها يوصل لتحت ظهرها لونها

كستنائي كيرلي وكانت أطول خواتها

ونقل نظره لجودي و أبرار بس مو طالع منهن شي كانن

بعباياتهن ومتغطيات واضح انهن محترمات

قطعت تفكيره اسيل

أنت هيييييييييييييييييه منو قالك تجيبنا تكلم يا####

.......// انــــــــــــــــــــــا قلتله

طالعت أسيل أعلى الدرج كان فيه رجل على كبر سنه

لا ان وسامته ما أخفاها العمر كان شعره مغطيه الشيب


وجسمه رياضي ووقفته كانت مستقيمة عكس اللي بعمره

وكان لابس ثوب و شماغ وواضح شعره من ورى شماغه

كان قمة بالوسامة و الذوق

تقدمت أسيل حتى وصلت بداية الدرج وحلا ومي كانن

ورآها ورآهم ياسر ووليد وعناد وبدر وبعيد شوي عنهم

كانوا أبرار وجودي وفيصل اللي حامل ريتاج على كتفه

انسحب تركي وخالد ونادوا كل الحرس داخل القصر

وما خلوا ألا الخدمات حتى البنات يأخذن راحتهن

أسيل // من أنت أن شاء الله

العم منصور // أنا أبوكم منصور ال.........

الكل.............................................


نزل العم منصور من أعلى الدرج وهو مبتسم ما تبغوا

تسلموا على أبوكم


أسيل ابتعدت عن الدرج ووقفت بجنب تحفه كبيره

وكتفت أيديها على صدرها

وصل منصور لنهاية الدرج وفتح يدينه

ثانيه

ثانيتين

ثلاث ثواني

جت جودي وارتمت بحضن ابوها وهي تبكي

جودي// اشتقتلك والله اشتقتلك ليه ترمينا زي كذا

دمعت عين منصور//.سامحيني يالغاليه انا ادري اني

كنت غلطان وانا والله اني اشتقتلكم ونادم اني تركتكم زي كذا

رفعت جودي راسها من حضن ابوها وابتسمت // الله لا يحرمني منك يا الغالي

منصور// و لا منك

ابتعدت جودي شوي حتى تترك مجال لباقي اخوانها وخواتها

تقدمت ابرار لحضن ابوها ونفس الشي بكت وعبرت

لبوها عن فقدها له

وبعده تقدم فيصل // انا فيصل يبه

منصور مستحيل اوصف لكم شعوره كان فرحان من

اعماق قلبه وهو يشوف بكره قدامه رجال

منصور// هلا هلا ببكري هلا بسندي

وتقدم بدر و عناد و حلا و مي ووليد

8
8
8
8
8
8
8 بقى أسيل وياسر (اعند عيال منصور )

طالع منصور أسيل وياسر // منتو مسلمين علي ؟؟؟

أسيل كانت واقفة على طرف الكنب و ياسر كان واقف

قريب شوي منها

أسيل// ومن أنت حتى نسلم عليك

منصور// أنا أبوكم

ياسر// (بنبرة استهزاء )لاااااااااا أبونا


من أبونا اللي ربانا

وإحنا صغار وإلا اللي أذا مرضنا نص الليل يقوم

حتى يودينا (وبصوت أعلى ) وإلا اللي يمسح دمعتنا اذا

بكينا و إلا اللي والا اللي بالعيد يــــــــ...

فيصل // بسسسس ياسر عيب هذا ابوك لا ترفع صوتك عليه

قاطعته اسيل // لاااااا خله يقول اللي بقلبه خله يعلمه انه غلطان خله يفهم إنا إحنا و أمهاتنا مو دمى يشتريهن

بفلوسه واذا شبع رمانا بأقرب زباله (وانتم بكرامه)

جودي // بنت عيب جايه تحاسبين ابوك

ياسربضحكة سخريه// ليه تسكتينها خليها تحاسبه يمكن يحس انه غلطان

منصور// بنسبه للغلط فعلن انا غلطان بس غلطي بسبب مو بدون سبب

حلا// بسبب؟؟!!

بدر// طيب ايش السبب

منصور // سبب وبس

ياسر// شفت تهربت يعني مافيه سبب يخليك تتزوج

عشر حريم وكل ما حملت وحده طلقتها

اسيل// هههههه يله قل السبب عشان نصدقك

منصور// ناظر ياسر نظرات عتاب بس للاسف اسيل

وياسر مافهموها

منصور // مستحيل تفهمون على العموم قولوا

للخدم يدلوكم على غرفكم

وصعد فوق بقي بس اولاده وبناته

عناد// يييييييييييييييييييييييييييه يا البلوى والله البلشه شكل ماهو تاركنا نرجع لبيوتنا وحلالنا

وليد جلس على الكنب // ياخي انت طفشتنا حلالي وحلالي

فيصل جلس جنب وليد// طيب استاذ عناد ممكن تعلمنا وش حلالك

عناد جلس بالأرض قدام طاوله صغير وعليها ورود

اخذ الورد وحطها جنبه على الارض وتشقق من الوناسه ان واحد سأل عن حلاله // طال عمرك عندي من

الحلال خمسين راس من الابل وميتين راس من الغنم

جودي جلست وجلست جنبها ابرار ومي وقدامهم

جالسين بدر وياسر واسيل كانت واقفه وتغلي من القهر

.ابتسمت جودي // ذكرتي بعمي ابو زوجي كان

عنده مجموعه من الغنم ورتوج كانت تموت فيهن وكانت

تمسك وحده من غنم عمي وتبوسها وكملت بضحكه وانا كنت اصارخ على

فهيدي ابغاه يبعدها عنها

عناد // ههههههههههه كفو والله هذي البنت السنعه

وينه رجلك وعمك الحين وحلالهم وين مكانه كود اتعرف عليهم

ابتسمت جودي بألم وناظرت بنتها النايمه في حضنها

ودمعت عيونها بصوت متقطع واضح عليه

البكاء // عمي توفى الله يرحمه قبل ثلاث شهور

الكل // الله يرحمه

بدر// وزوجك وينه

جودي شهقت وقالت طلقني قبل شهرين

وليد// والله ما يستاهلك الكلب الله يا.....

قاطعته جودي// لاااا لتدعي عليه الله يخليك

ياسر // هو باعك وأنتي لازم تبيعيه ولازم تنسيه

أبرار// ياسر هد بدال متقول يمكن يرجعلك ويتأسفلك

ويمكن بيوم....

جودي // هو حاول يرجعني بس مستحيل أني ارجع له بالوقت الحالي

حلا // ليه إذا أنتي تحبينه فرصه يرجعلك اذا كان هو يحبك طبعا

جودي // هو فعلا يحبني وأنا متأكده انه يحبني

بدر // طيب ارجعي له حرام تفرقون وانتم تحبون

بعض

عناد // بعدين فكري بالمسيكينه وش ذنبها

جودي...بٍٍٍٍٍٍٍٍٍٍٍٍٍٍٍســــــــــــــــــــــــــ ــــ ,,,, الله يخليكم والله ما انتم فاهمين شي والله

وصعدت فوق لغرفتها ومعها بنتها ريتاج

المكان صار هدوووووووووووووووووووء

فيصل // عرف أن جودي ورآها قصه مع زوجها فهد


وواضح أنها للحين تحبه والدليل أنها متقول اسمه عادي

كانت تقول فهيدي وهذا يوضح أنها للحين متعلقة فيه

قطع الهدوء صرخة أسيل // هييييييييييييييييييييييييييييه

انتم جعلكم لصاروخ يجي ويشيلك قولو امين


صدقتوا كلام الشايب يوم انكم محتاجينه ما فكر

فيكم والحين يوم احتاجكم جمعكم اسمعوا انا عن نفسي

برجع للي رباني وعلمني الصح من الغلط وانتم بعد

لازم ترجعون لأهاليكم اللي ربوكم

فيصل ................................

عناد // انا يا وخيتي ان رجعت رجعت لحلالي واذا على

اهلي انا مالي غير امي وتوفت قبل سنه الله يرحمها

وليد// اما انا امي تزوجت وزوجها رفض يستقبلني

وامي شرطت لخالي فلوس بس يخليني عنده ويوم صار

عمري 17 سمعت بالغلط مرت خالي تشتكي مني اني

مضايقها هي وبناتها و انهم ما يخذون راحتهم بالبيت

وبعد شهر طلبت من خالي اني اطلع من البيت با البدايه

رفض هو مو حبن فيني خايف على فلوسه اللي بتنقطع

عنه اذا طلعت بس معا الحاح بناته ومرته وافق واخذت

شقه مع مجموعه شباب تعرفت عليهم والى يومكم هذا

وأنا ساكن بستراحه

ياسر// اوما باستراحة؟؟!

هز وليد رأسه بمعنى نعم

ياسر// انا...............

وألا اقولكم خلوه البارت الجاي

يله

ابغى اشوف الردود


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 29-07-2012, 05:37 AM
صورة فـتـنـه الكــــون الرمزية
فـتـنـه الكــــون فـتـنـه الكــــون غير متصل
©؛°¨غرامي مبدع¨°؛©
 
الافتراضي رد: رواية عيال منصور / بقلمي


بااارت رأائع ماشاء الله
يعطيج العافية
بانتظار البارت القادم


الإشارات المرجعية

رواية عيال منصور / بقلمي

الوسوم
منصور) , الاولى(عيال , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية سعوديات في بريطانيا / كاملة :) يمقن أنآ يمقن لآ !! روايات كامله - يتم نقل الرواية هنا بعد اكتمالها 632 14-11-2014 02:00 PM
طحت طيحة في هواكم / الكاتب : السولعي , كاملة سحر آلنعيمي روايات كامله - يتم نقل الرواية هنا بعد اكتمالها 62 28-01-2014 03:12 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
دارت بي الدنيا A هوآ قلبي قصص - قصيرة 6 27-03-2011 07:22 PM

الساعة الآن +3: 11:29 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم