اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 29-07-2012, 04:10 PM
الــسوسن الــسوسن غير متصل
©؛°¨غرامي جديد¨°؛©
 
الافتراضي رواية متشرده في واقع بلا رحمة / بقلمي


السلام عليكم ورحمة الله و بركاته

كيف الحال ان شاء الله بخير . .

انا بكتب روايتي يارب ان شاء الله تعجبكم . . .

اسم الرواية : متشرده في واقع بلا رحمه . .




بطلة الرواية شذى

شـــذى بنت طيبه و حنونه اللي في قلبها على لسانها و فيها جمال مو طبيعي شذى لها قصص و ذكريات ولا احلى بس للاسف كلها صارت حزينه >< تحب امها وايد و متعلقه فيها و تخاف في لحظه تروح منها مثل ابوها
اوصف لكم شذى . .
شذى شعرها لحد كتوفها و ناعم مره مشاء الله لونه بندقي غامق بس حلو عليها قصيره بس شوي يعني انفها صغير شوي عيونها واسعه مشاء الله و بشرتها صافيه و شفايفها صغار لونه توت على جمالها الا انها ما فيها غرور ابدا و تحب تساعد و سهل اللعب عليها يعني الخدع تمشي فيها
عمرها 16 سنه . .
والدة شذى بعد لها دور كبير في القصه
اسمها سوزان طيبه و حنونه و جميله يعني بنتها شذى ما خذها الجمال منها مشاء الله له قصة حزينه وايد مريضه بالقلب لازم عمليه بس للاسف ما تملك مال كثير عشان تسويها !! عمرها 40 سنه
ربت بنتها على افضل تربيه مشاء الله





عائلة الماسي . .
الماسي . .
الماسي عائلة كبيره و معروفه تقريباً مشهوره في الخيلج لهم شهره في التجاره و شهره في المجال الفني الشهره . .


الجد عادل الماسي . .
الجده شيخه الماسي بنت عمه في الماضي بنت العم لـ ولد عمها ممكن مازالت تصير في بعض القبايل .

ابنائهم . .

ابراهيم عادل الماسي مدير الشركه بعد ما وقف والده عن العمل طيب و حنون وربي ما رزقه غير بولد واحد وربي منعم عليهم بكل خير ..

نوره سالم الماسي بنت عمه جالسه في البيت عشان ولدها و زوجها ما يحسون بنقص . .

يوسف ابراهيم الماسي
الولد الوحيد و الدلوع يدرس في الجامعه فترات محدده لانه ولد ابوه و ابوه له واسطات كبيره و كثيره
المعروف فيه فنان العايله و فنان الخليج بنفس الوقت يوسف يمتلك جمال غير طبيعي له جمال خليجي مع ملامح غير عربيه لان والدة امه مو عربيه
يوسف له عيون كبار و سوداء حلوه شعرها لونه مايل للبني ناعم و طويل لحد رقبته و طويل و نحيف مره بس جسمه يعني نقدر نقول حلو عليه يشتغل في المجال الفني ممثل . .
عمره :19 سنه موهبته التمثيل من هو صغير عشان كذا جده و ابوه ما حرومه منها ابدا . .



بسام عادل الماسي اخو ابراهيم الثاني هذا له ذكريات اعوذ بالله شنيعه ربي اهدا لكم الحمدالله و رزقه بـــِ اولاد و بنات مشاء الله زي الورده كل واحد احسن من الثاني . .

مشاعل ثنيان الراشد تصير له من بعيد يعني مو من قريب واجد طيبه و حنون و حبوبه بس فيها شوية غرور يعني ما تتقبل الاموور بسرعه . .

زياد بسام الماسي رفيج يوسف الروح بروح اسراره كلها عنده يدرس في الجامعه حلمه يصير طبيب يعني ماله في المجال الفني كلش . .
عمره : 19 سنه
زياد حلو بعد بس مو مثل يوسف بس احلى ما فيه انفه سلة سيف و حلو عليه و اللي يميزه اكثر لون شعره مايل للبندقي شوي . .

العنود بسام الماسي عمرها 23 سنه متزوجه مشعل ولد خالتها طيب و يحبها و هي تحبه بعد و تتمنى تكون معه طول عمرها ما دوها تفارقه ابدا . .

ديما بسام الماسي عمرها 17 سنه هاديه و ما تحب تتكلم كثير و شاطره في دراستها و ما تحب الشقاوه و الشيطانه لانها من ربي هاديه حنونه بشكل مو طبيعي لها جمال بريء و حلوه عيونها احلى شي عسليه واسعه مشاء الله . .

غلا بسام الماسي عاد هي غير عكس ديما في كل شي عليها هبال مو طبيعي و حلوه بس مو مثل ديما يعني نقدر نقول عليها ملامح حلوه شوي عمرها 18 سنه ...

راكان بسام الماسي هذا الولد كله خقه حلوه و يذبح بس على جماله ان ما يعطي البنات وجهه يعني هو مو مغرور لكن عنده قاعده الحب اذا تبي تحب روح اخطبها من باب اهلها مو بس تلعب عليها كفو والله حنون و طيب و حلو طبعا زي اخو اكثر شي يحب السيارات يعني كذا ولا كذا السيارات حياتها كلها هع
عمره 20 سنه




خالد عادل الماسي شديد على اولاده مو اي شي ينفذه لهم عصبي و ما يهتم لهم ابدا كله مسافر

عبير المحمد ما هي مهتمه في اولادها كل شي عندها عاادي اهم شي السفرات و الوناسه عندها !

فارس طيب و يخاف على اخوانه بس فيه ميزه صوته حلو يعني ممكن احلى صوت في الشباب مع انه له احزان هو صغير بس عليه ابتسامه مشاء الله ممكن لو تبيها تحتاج تشتريها مليوون ريال من جمالها مشاء الله . .
عمرها : 20 سنه

ريان ما يهتم لحد يعني عند قاعده كل واحد لنفسه في هذي الدنيا ! ما عليه بأحد ما يخاف لا من امه ولا من ابوه لانه اصلا ما حسسوه بالحب و الحنان من هو صغير شلون بحس الحين فيهم !
عمره : 17 سنه ..

علاء حنون و طيب بس مثل ما نقول هادي بعض الشي يخاف على بنات الناس مثل اخواته عمره 19 سنه . .

لانا مخطوبه من ولد خالتها تدرس جامعه اخر سنه طيبه و حبوبه ما عليها من امها و هاديه مره بس النصيحه عندها واجب عمرها 22 سنه ..
قصيره شوي عيونها حلوه مشاء الله انفها صغير شوي و شعرها طويل لحد نصف ظهرها لونه اسود

رغد مغروره ما تهتم في مشاعر احد و مالها خص في اي احد كان اهم شي عندها صديقاتها و لها مشاكل راح نشوفها في الرواية عمرها 18 سنه
عيونها عاديه لونها عسلي مثل امها و انفها طويل شوي ملامحها عاديه طويله شعرها طويل لحد خصرها



فيه شخصيات بس الحين ما اقدر اكتبها لانها ممكن ما راح توضح في البارت الاول . .


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 29-07-2012, 05:06 PM
الــسوسن الــسوسن غير متصل
©؛°¨غرامي جديد¨°؛©
 
الافتراضي رد: رواية متشرده في واقع بلا رحمه


البارت الاول

قبل سته سنوات . . .
انا سوزان أروي لكم حياتي مع والد شذى بسام الماسي . .
انا كنت في قمة الجمال و الادب و الاخلاق مشاء الله كانت عندي ملاك صغيره اللي هي بنتي شذى حبيتها و حبها زوجي بعد كنا سمن على عسل كنت احبه و اموت فيه و هو ما يقدر يفارقني اخذني من بيت اهلي و انا للحين في عمر الزهور تزوجني و ظلينا سنين طويله بدون اي طفل كانت زوجته الاول اللي هي مشاعل كل سنه او كل بعد سنتين مشاء الله تجيب له بنت ولا ولد اما انا كله جالسه بروحي و كل شوي هو عندها بخصوص زواجي منه ما احد كان يعرف غير رفيجه ابو عبدالسلام " راح تتعرفون عليه قريباً " كتم سره صرت ادعي ربي في كل صلاه يرزقني ببنت ولا ولد يسعدوني في الدنيا لان عائلة الماسي ما لهم امان كلش مع اني حبيته و ما خليت شي من الحنان ما اعطيته الا ان الزمن لف راسه و خلاه ينسى بنته و زوجته و هذا انا من بعد ما جبت فرحتي الاولى ملئت علي الكون كله ربي يخليها لي لكن كنت حزينه على حال بنت اللي عاشت طفوله ولا احلى فجأه ادمرت طفولتها بسبب طلاقي عن والدها اللي خبرتها انه مات من بعد تهديد منه جائني كاتب فيه هذا صار وقت ما كان عمر بنتي 10 سنوات . .
لو درت بنتي اني للحين على الحياه و قلتي لها منو انا و منو عائلتي اعرفي انها راح تموت في الليله اللي تعرف فيها
وقتها بكيت بحرق جائت لي بنتي سألتني ببرائه
شذى :ماما شفيك ليه تبكي ؟؟
جاوبتها و انا منزله رأسي : ابوكِ مات
شذى نزلت دموعها : ماما لا تقولي كذا بابا ما ماتت ما ماتت
ضميتها لصدر و بكت في حضني واجد
بعد مرور اربعه سنوات صار عمر بنتي 14 سنه صارت تعرف ان ابوها خلاص مات ماله وجود في الحياه صارت متعلقه فيني غير عن قبل تنام في حضني و تخليني ادرسها و كل شي و انا كنت فرحانه لان نفسيتها تغيرت و صارت احلى واحسن بكثير عن قبل الحمدالله و الشكر لك يارب
كبرت بنتي و صارت في سن المراهقه الحين قلبي بدا خايف عليها اكثر من قبل لكن ان شاء الله ربي يحميها من كــــل شر يارب . . .

في الزمن الحالي . . .
نزل من الدرج و هو لابس الثوب الابيض الجميل و ماسك الشماغ في يده و عاقد حواجبه و زعلان
راح لي ابوه اللي كان جالس على الكنب و ماسك كوب القهوه في يده يوم شافه رسم ذيك الابتسامه العذبه
يوسف : يبه ما اعرف اضبط الشماغ بعد شوي عند مقابل ويا المخرج
ضحك ابوه بضحكته الحنونه و حط كوب القهوه على الطاوله اللي كانت بقربه و وقف و قرب من ولده
ابوه بهدوء : اعطيني الشماغ
يوسف بأبتسامه : تفضل يبه
ابوه مسك الشماغ و ضبط له
ابوه : بسم الله مشاء الله اللهم يحفظك يا ولدي من كل عين و شر يارب قول امين
يوسف : امين و يخليك لي يا احلى و اطيب ابو في الكون كله
ابوه : امين يا حبيبي يلا روح قبل لا تتأخر على الموعد
يوسف باس رأس ابوه : فمان الله يبه
ابوه : فمان الكريم يا الغالي
ابتسم يوسف و راح
خرج من البيت و سكر باب الفيلا و راح لسيراته الجديده اللي قبل اسبوعين اشترها كانت فخمه مميزه بـ لونها الاحمر اللون المفضل عند يوسف طبعا اللوان كثيره لكن الاحمر احلى شي عنده . .
ركبها و طالع في المرأيه و ابتسم لنفسه
رن موبايله اغنية "الله لا يحرمني منك يا عسا عمرك طويل يا للي كل الناس عندي ما يساويها غلاك "
يوسف : هلا يمه
امه : اهلين يمه وينك انت فيه
يوسف : يمه انا رحت ليش ابوي ما قال لكِ ولا وش السالفه
امه : لا يا حبيبي ابوك قال لي لكن ما قال لي وينك رايح
يوسف : هههه انا يمه بروح عند المخرج عند معه موعد
امه : اها حبيبي الله يوفقك و يسعدك
يوسف : امين يارب و يخليك لي ..
امه : طيب حبيبي يلا مع سلامه
يوسف : مع السلامه
قفل من عند امه و طالع في الموبايل و ابتسم : الله يخليكم لي يا يمه و يبه . .
في الكوفي شوب جالس ومعه الاوراق ينتظر فنانه و مدير اعماله جالس ينتظر معه . .
وصل يوسف لـــِ الكوفي و نزل من السياره و دخل الكوفي شاف مدير اعماله و المخرج جالسين راح لهم . . .
وقف المخرج و وقف مدير اعماله بعد
يوسف : السلام عليكم
المدير و المخرج : عليكم السلام
جلسوا و جلس يوسف بعد . .
المخرج : يوسف انا ابيك تمثل في هذي الدراما
مد له الاوراق
مسكها يوسف
المخرج : انت اقرأ دورك فيها و قول لي وش رايك يعني يصير تكون البطل ولا لا
يوسف ابتسم : ان شاء الله
قرأ يوسف النص
. . .
بعد قراءة النص
يوسف : مشاء الله كثير حلو بس ممكن سوأل
المخرج : ايه آفا عليك تفضل
يوسف : مشكوور بس منو طاقم العمل
المخرج : والله كثير مشاهير لكن التصوير ماراح يكون هنا
يوسف : وين
المخرج : الكويت
يوسف : اها اوكي خلاص موافق بس قبل ما اوقع لازم اشوف طاقم العمل خوفك بعد ما يقبلون فيني
المخرج : ههه طيب على امرك
يوسف : مشكور اصيل والله
المخرج : الله يخليك خلاص انا انظم لك وقت وياهم و اخليك تشوفهم صح رفيجك الممثل عبدالسلام علي وياك في التمثيل
يوسف : مشاء الله خلاص اجل دائم سلوم فيها اكيد العمل راح يكون حماس
المخرج : هههههه اكيد يلا توصى شي
يوسف : مشكور ما ابي غير سلامتك
مدير اعماله : يوسف ان شاء الله نتقابل المساء اوكي اتصل فيك
يوسف : اوكي
المخرج: ها بتأخذ النص وياك ولا شلون
يوسف : ههه اذا موافق ما عليه
المخرج : ايه افا عليك محمد اعطيه النص مو الاصلي
يوسف بمزح : ليش
المخرج : هههه يا حبيبي عشان النص الاصلي لو ضائع انت بتضيع فـ بعطيك نص مطبوع مثله بس مو اصلي اوكي انت اقراءه زين في البيت و مثل بعد عليه ها
يوسف : ان شاء الله
اخذ يوسف النص مو الاصلي و راح . .

انتهى البارت
ادري قصير بس بشوووف رايكككم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 29-07-2012, 05:28 PM
صورة غرآم الحب الرمزية
غرآم الحب غرآم الحب غير متصل
©؛°¨غرامي مشارك¨°؛©
 
الافتراضي رد: رواية متشرده في واقع بلا رحمه


اممم عجبتني البدااية وكمبتدئة حلوو اسلووبك يا عسل وااصلي وبتاابك اعتقد شذى بتقاابل واحد من عيال

عمهاا ولا ليه واحد اكيد يوووسف فديت اسمه حبيته لان مثل اسم اخوووي يلا قلبوو انتظر البااارت الجاااي

وشي اخييييير سجليني من متابعينك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 29-07-2012, 06:46 PM
الــسوسن الــسوسن غير متصل
©؛°¨غرامي جديد¨°؛©
 
الافتراضي رد: رواية متشرده في واقع بلا رحمه


اقتباس:
المشاركة الأساسية كتبها غرآم الحب مشاهدة المشاركة
اممم عجبتني البدااية وكمبتدئة حلوو اسلووبك يا عسل وااصلي وبتاابك اعتقد شذى بتقاابل واحد من عيال
مشكوووره يا الغلا من ذوقكِ العالي و الراااقي

عمهاا ولا ليه واحد اكيد يوووسف فديت اسمه حبيته لان مثل اسم اخوووي يلا قلبوو انتظر البااارت الجاااي
هههه يا حياتتتي الله يخليه لكِ

وشي اخييييير سجليني من متابعينك
اوووه اكيد لي الشرف الكبييير اول اسم في القائمه فديتكِ و فديت قلبك بعد


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 29-07-2012, 10:31 PM
الــسوسن الــسوسن غير متصل
©؛°¨غرامي جديد¨°؛©
 
الافتراضي رد: رواية متشرده في واقع بلا رحمه


البارت الثاني

في البيت جالسه فاتح الكتاب طالع فيه كأنها اول مره تمسكه
طق طق
شذى هي ماسكه القلم في يدها : تفضل . .
دخلت امها و جلست جنبها . .
امها : ها يمه شلون الدراسه ؟؟
شذى : والله كل شي زين يمه لا تخافي علي بعدين انا شذى بنت سوزان مو اي وحده ههه
امها : الله يخليكِ لي ولا يحرمني منك
شذى هي تقرب من امها باستها على راسها : ويخليكِ لي ولا يحرمني منكِ يا الغاليه
امها : زين ما تبين عشا
شذى : اممم اوكيه الحين اقفل كتابي و اجي اساعدكِ
امها ابتسمت : لا يا روح امكِ ذاكري و خلصي و بعدين تعالي
شذى : اوكي
راحت امها قبل لا تطلع
شذى : ماما
لفت عليها امها
شذى : احبك يا احلى ماما
امها ضحكت عليها وراحت
رجعت شذى طالع كتابها هي تفكر في الحل
شذى : ياربي يا ابلة عريب يعني لازم اسوي شي قدامكِ عشان تسجلي درجه انا بكره لازم ما اصير خجووله لازم لان لو خجلت راح انقص درجتين انا ما ابي انقص درجه وحده عشان ادخل الجامعه و اصير دكتووره وااي يارب يحقق حلمي اذا كان لي فيه خير و تحفظ لي امي . .
في المطبخ
حطت القدر على النار و حست بصداع مو طبيعي و ألم في قلبها طاحت الملعقه من يدها لكن الصوت كان خفيف جلست على الكرسي و حطت راسها على الطاوله و حطت يدها على قلبها
امها : بسم الله الرحمن الرحيم وش ذا الالم المفاجأ ياربي ان شاء الله ما يكون فيني شي يارب . .

دخل البيت
رمى نفسه على الكنب و مسك الاورق بيده و طالع فيهم : اهــ بالعب الدور بطوله يارب يسر الاموور لا تصعبها علي
نزلت امه من الدرج هي مبتسمه وجلست على احد الكنبات ..
نوره : ها يا ماما وش سويت
يوسف : هههههه وش ماما يمه ترى انا كبرت
سوى حركه بشماغ ..
نوره :ههههه حبيبي انت عارفه انك كبرت يا روحي بس بعيني تبقى بيبي صغير
يوسف : ههههههههههه الله يخليكِ لي
نوره : ويخليك لي ها رحت و رجعت فاضي ولا معك شغل . .
يوسف : لا والله عندي نص بكره بروح عند الشباب و بمثل قدامهم
نوره : هههههه بس ها لازم تركز مو تأخذ الدور لعبة عندك
يوسف : هههه مو هذا اللي مخليني خايف يمه دايما اللعب ادوار بسيطه المره ذي بالعب دور بطوله
نوره : الله يوفقك بعدين توكل على الله لا تخاف
يوسف : نعم بالله يمه انا بروح ارتاح توصي شي . .
نوره :ما ابي غير سلامتك
يوسف باس راس امه وراح غرفته . .

في الغرفة
رن الموبايل " زياد الماسي "
يوسف : هــــــــلا
زياد : اهــــــلـــــين اخبارك يا فناني المفضل ههههههه
يوسف : ههههههههههه الله يقطع بليسك فنانك المفضل مره وحده هههههههه
زياد :ايه وش فيها فنان و تاج بعد ما قلت لي اخبارك
يوسف : اسف والله بخير انت ؟؟
زياد :والله تمام و مودي بعد رااايق
يوسف : دوووم يارب اقول يا الاصيل بقفل
زياد :آفا ليه مليت مني ولا وشو ؟؟
يوسف : آآفا انا امل منك لا بس والله تعبان بنام بكره عندي لك انت والشباب مفاجأه
زياد يحك شعره : ها مفاجأه وش هي قولها لي والله ما اقول لحد
يوسف : زيووود قلت مفاجأه بكره اصبر يا اخي بيت جدي نتقابل
زياد :اوووكيه بااي
يوسف : بااي تصبح على خير
زياد :انت من اهله ..
قفل يوسف و قفل زياد بعد
الكل نائم . .

في الصباح
صحيت و بدلت ثيابها و خرجت من غرفتها راحت حق امها لاقتها تجهز الفطور لها
شذى : صباح الخير
امها التفت لها و ابتسمت : صباح النوور و السورو
شذى : كيف حالك يمه اليوم ان شاء الله خف الصداع
امها : ايه يمه الحمدالله خف
شذى: الحمدالله
جلست مع امها عشان تفطر
امها : ها عاد ابيكِ تخلصي الحليب
شذى هي تشرب ضحكت على الخفيف حطت الكوب على الطاوله : يمه شايفتني بزره ترى كبرت مشاء الله قريب بصير عروس ههههه
امها : ولو حتى لو تصير ام تبقى في نظر امك طفله صغيره
شذى اخذت شنطتها و راحت لي امها و باست راسها : ديري بالك على روحك يلا مع السلامه
امها : انتي بعد يمه
تغطت شذى و راحت للمدرسه . .

دخلت على اختها و هي تصارخ
غلا : دموووش ديمااااا
ديما بهدوء : نعم وش فيكِ ؟؟
غلا : ابي الساعه
ديما : اي ساعه
غلا : ساعتي الورديه ابيها اليوم ضروري
ديما : اه طيب الحين اعطيكِ اياها ليش مسويه ازعاج كذا من الصباح
غلا : بسسسسرعه
ديما : طيب
راحت ديما لتسريحه و فتحت الدرج طلعت الساعه اعطتها اياه
غلا : شكرا
ديما بأبتسامه هاديه : عفوا
راحت غلا بسرعه لغرفتها
تحت على طاولة الطعام
عادل : يا الله يا مشاعل وينهم بناتكِ ما صاروا كل هذا يلبسون
نزلت ديما هي لابسه عبايتها
ديما : صباح الخير يمه يبه
امها و ابوها : صباح الخير
ابوها : وين غلا
ديما : ما ادري جائت طلبت الساعه و بعدها راحت
نزلت غلا و حالتها حاله العبايه في جهه و هي في جهه
ابوها بصوت حاده : غلا
غلا بابتسامه : هلا يبه
ابوها : ياويلك تخرجي بعبايتكِ كذا فاهمه
غلا : افا عليك يبه انا تقول لي كذا لا تخاف راح اعدلها لكن انا الحين بالبيت الا وين ريكو و زيود
مشاعل :راحوا من زمان
ديما : يلا انا بروح غلا بسرعه امشي
غلا : ويه بسم الله علي ما اكلت شي
مشاعل : كذا راح تتأخري خذي اكلك و روحي
غلا تنهد : اه حاضر
اخذت توست و راحت ويا اختها و ابوها
وصلهم للمدرسه و راح

في مدرسة الشباب
ريان : عاد اقول لك يا تركي امي و ابوي عادي عندهم بس انت تعال ولا يهمك
تركي : بس اليوم متأكد ماراح يكون في احد في البيت
ريان : انت اشفيك اقول لك اليوم الاربعاء كلهم في بيت جدي
تركي : خلاص بجي و بجيب رائد و سليمان
ريان : ايه آفا عليك جيبهم والله نفلها انا و انت و الشباب
تركي : ههه خلاص اعتمد
ريان :ايه افا عليك . .
تركي : اوكي ..

في الجامعه
جالسين في الكفتريه
يوسف : واااي يا شباب حدي خايف خايف ما اسوي الدور صح
زياد : ههههه يا الخواف ذكرتني بأول ما بداية التمثيل تذكر اول دور لك ههههههههههههههه
يوسف : ههههههههه الله يرجك والله ذاك اليوم بغيت ابكي من الخوف المشكله مو بطوله
راكان :توكل على الله مو صاير الا خير بعدين مو قدك وياك الفنان عبدالسلام و مشاهير كثير مشاء الله وناااسه
يوسف : ايه صح وناسه لكن رعب والله
زياد : طييير زين شنو رعب والله ونااسه وش رايك اروح معك الكويت
يوسف : لا يا حبيبي اقعد في الشرقيه لان انا حتى لو سافرت لي واسطات في الجامعه بس انت لا ما لك مسكين
زياد : اشدعووه يوسف ترى انا ولد عمك
يوسف : بس لا يا عسل انت اصحاب ابوي ما يقدرون يسون لواحد غير ولد ابراهيم الماسي
زياد : مالت عليك
فارس : وش فيك صرت مغرور ما تسوى عليك ترى
يوسف : ههههههههههههههه اشفيكم ترى امزح افا عليكم والله لو تبون اخذكم كلكم معي بس وش اسوي ما اقدر
زياد : بعد ما خليتني ازعل
يوسف : هههههههههههههه ليش بنت
زياد : لا ولد ههههه
يوسف : غبي
زياد : شنو قلت ترى انا اكبر منك
يوسف :بشهرين بس هههه
زياد : ولو اكبر منك
يوسف : روح زين


رغد : خيير منو انتي يا حبيبتي عشان تقولي كذا
فرح : والله يا رغد اياكِ تقربي من البنت مره ثانيه فاهمه
رغد تضحك ضحكتها الماصخه : هههههههه يا حبيبتي هذي الاشكال انتي مالكِ خص فيها بعدين انت وش دخلك في البنت يالله مرررره مررره ملقوووفه بعدين يا حبيبتي ذي مالها لا اصل ولا فصل يعني كذا ولا كذا بنت شوارع هههههههههههه حطت يدها على فمها هي تضحك
ريناد :رغوده راح نظل واجد هنا هيا نروح بس و نترك العذال
فرح : اصلا انتي و هي تمشوون في طريق غلط طريق النار استغفر الله
لفت عليها رغد قربت منها طالعتها بشر : لا تحطي رأسك برأس رغد الماسي ترى للحين موعارفه منو رغوده وش تقدر تسوي يا فرح الحنونه ههههههههه
راحت رغد ويا البنات
عند شذى
في الحمام "بالكرامه "
خرجت من الحمام " بالكرامه " مسحت دموعها شافتها رفيجتها قمر
قمر : فيك شي انتي بخير
شذى : ايه حبيبتي بخير بس الله لا يسامحها

نرجع شوي وراء . .
جالسه ويا قمر صديقتها الروح بروح
فاتح الكتاب و تراجع حق الدرس اللي راح تحضره اليوم للابله . .
جائت رغد
رفعوا نظرهم لها . .
قمر : خير يا رغد
رغد : شذى تعالي ابيكِ شوي
شذى : اش تبيني
رغد : مو هنا ابيك موضوع ضروري
شذى : قمر مو غريبه قولي بسرعه
رغد مسكتها من معصم يدها و وقفتها بقوه : انا قلت ابيكِ انتي مو هي
شذى هي تحاول تفلت يدها : اتركي يدي
رغد هي مشدده للحين : امشي معي ابيكِ ضروري . .
شذى ما قدرت تسيطر على قوة رغد صارت رغد تشدها معها وقفتها عند الجدار و جو بنتين صارت شذى بين ثلاث قمر تمشي وراهم
رغد : اسمعي زين يا بنت الشوارع ابيك تصير خدامتي وش قلتي
شذى طالعت فيها بصدمه و دفتها : وخري عني يا قليلة الادب وش هالكلام
كانت تبي تروح مسكوها البنات من يدها
رغد : لحظه لحظه يا حلوه على وين
كانت تبي ترفع شعر شذى عن عينها بس شذى دفتها برجلها
شذى بصوت عالي : قمرررررر
قمر خافت ما عرفت وش تسوي راحت للابله عواطف بسرعه
طق طق
دخلت عليهم
قمر شوي تبكي : ابلة رغد ماسكه شذى ويا ريناد و ساره
وقفت عواطف بسرعه : وشو
راحت لهم
شذى هي تبكي رغد كل شوي تقرب منها
شذى هي تشهق : وش تبيني م م م ني مني وخر عني صارت تبكي بقوه
رغد : لالالا يا ماما ليش تبكي والله ما تسوى هالدموع
وقفها صوت ابلة عواطف
عواطف : رغـــــــــــــــــــد
طبعا البنات يوم شافوا الابله تركوا شذى شذى للحين في مكانه واقفه
عواطف : رغد ساره ريناد على غرفتي بسرعه
رغد بغرور : هههههههههه ضحكتيني والله انا رغد الماسي اروح غرفتك ههههههه
عواطف : يا قليلة الادب انا معلمتكِ هذا اسلوبك معي
رغد : والله انا امي ما احترمها هالدور احترمك صارت تأشر بصباعها السبابه بسخريه
عواطف : يا قليلة الادب رغد بدون مشاكل على غرفتي بسرعه
رغد : بس عشان قلبي يشفق عليك ما ابيك تصارخ اكثر
راحت بدلع و غنج و غرور تمشي ولا احد قدها
قمر ضمت شذى و شذى تبكي بحرق بحضنها
عواطف : لا حول ولا قوة الا بالله ما عليه يا بنتي بأخذ لكِ حقك منها لا تخافي
راحت عواطف لهم . .
اخذت قمر شذى للحمام "بالكرامه " عشان تغسل وجهها
في غرفة ابلة عواطف
عواطف تجلس على المكتب و طلعت ورقة فصل لمدة ثلاث ايام
رغد خالد الماسي فصل لثلاث ايام
رغد : ويه يالبيه فديت اسمي واسم بابي
عواطف : اسكتي ماابي اسمع صوتك
رغد طالعت فيها بحقد و غرور
عواطف : ساره حمد ال . .
ساره : ابله الله يخليك . .
عواطف : ولا كلمه
عواطف : ريناد راشد ال . .
ريناد : . .....
عواطف:الحين يلا برا
خرجوا البنات
رغد : وووووويه فكه بأخذ اجازه منهم هههههههه
ريناد بداخلها : اهــ يا يمه والله ضعت ويا الرغد و الساره ذوءلا انا لازم اتغير و اغيرهم معي لازم


خرجوا من الجامعه
في سيارة يوسف
زياد : يوووسفوه وقف
يوسف وقف : بسم الله وش فيك
زياد : بنزل السوبر ماركت اشتري لي ماي وارد
يوسف : اوكي
نزل زياد
اشترى ماي و رجع
زياد : هاك تفضل
يوسف : اصيل مشكوور
زياد : العفووو


انتهى البااااااااااارت


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 30-07-2012, 05:25 PM
الــسوسن الــسوسن غير متصل
©؛°¨غرامي جديد¨°؛©
 
الافتراضي رد: رواية متشرده في واقع بلا رحمه


للللللللللللللللللييييييييييييييييييييييييييش ما في ردود الروووواية مو حلووو


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 30-07-2012, 05:47 PM
صورة غرآم الحب الرمزية
غرآم الحب غرآم الحب غير متصل
©؛°¨غرامي مشارك¨°؛©
 
الافتراضي رد: رواية متشرده في واقع بلا رحمه


لا قلبووو حلووة انا كذا اول ما نزلت روايتي ما لقيت تفااعل بس بعدين صااارت فيها تفااعل وانيت روحي ع صفحة

كل عضو من الاعضاء وانشريها لهم وصدقيني بقروونهاا وانتظر البارت الجاااي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 30-07-2012, 06:18 PM
الــسوسن الــسوسن غير متصل
©؛°¨غرامي جديد¨°؛©
 
الافتراضي رد: رواية متشرده في واقع بلا رحمه


اقتباس:
المشاركة الأساسية كتبها غرآم الحب مشاهدة المشاركة
لا قلبووو حلووة انا كذا اول ما نزلت روايتي ما لقيت تفااعل بس بعدين صااارت فيها تفااعل وانيت روحي ع صفحة

كل عضو من الاعضاء وانشريها لهم وصدقيني بقروونهاا وانتظر البارت الجاااي
اووووووووووكي شكراااا حياااتي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 30-07-2012, 10:02 PM
صورة زهرة المايا الرمزية
زهرة المايا زهرة المايا غير متصل
©؛°¨غرامي متألق ¨°؛©
 
الافتراضي رد: رواية متشرده في واقع بلا رحمة / بقلمي


مشكوره على الدعوه وروايتك حبيتها بدايتها حلوه
باكون من متابعيك ان شاءالله
متحمسه للبارت الجاي كثير


حددتي مواعيد البارت والا لسى

بانتظارك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 30-07-2012, 10:12 PM
صورة زهرة المايا الرمزية
زهرة المايا زهرة المايا غير متصل
©؛°¨غرامي متألق ¨°؛©
 
الافتراضي رد: رواية متشرده في واقع بلا رحمة / بقلمي


وترى لا تحبطي نفسك الروايه في بدايتها واحنا في رمضان والمتابعه بتكون اقل في الشهر بس نزلي ولا تقطعي وبتشوفي كيف بيكثر المتابعين واذا حددتي مواعيد لا تأخريها عن وقتها المحدد واذا مانزلتي لظرف قولي عشان ماحد ينتظر


اتمنى تستمري ولا تقطعي


الإشارات المرجعية

رواية متشرده في واقع بلا رحمة / بقلمي

الوسوم
رواية متشرده
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه فتون الوررد أرشيف الروايات المغلقة - لعدم إكتمالها 2302 08-09-2012 07:04 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM

الساعة الآن +3: 07:18 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم