اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 28-08-2012, 10:48 AM
صورة الـــجــازي الرمزية
الـــجــازي الـــجــازي غير متصل
©؛°¨غرامي مجتهد¨°؛©
 
Uploadfef5c031fd رواية قد قالوا العاشق خفوقه دليله وأنا خفوقي طاح في كف يمناك



صباحكم / مسائكم . سعاده وراحه يارب

كيفكم ان شاءالله تكونوا بأفضل حال

من هنا وبأكثر منتدى احبه ( غرام )

اقدم لكم بداية لقلمي المتواضع

وارجوا لكل من يريد نقل روايتي .. ذكر اسمي

واهم شي : ما ابغى ولا حرف من روايتي يلهيكم عن الصلاه ولو ثانيه وحده


ماراح اكثر كلام .. راح اتركم مع روايتي .. لعل وعسى تحوز اعجابكم .. ولا تبخلوا بارائكم





مقــــــــدمــــــــــه

عندما تتحوّل حياة الفرد منا إلى صحراء جرداء ..
وعندما تجف مشاعرنا وتستحيل إلى أغصان يابسة ..
يتوق قلب كل منا إلى الحبّ .. الحبّ الذي يروي هذه المشاعر ..
فيعيد إلى أوراقها الخضرة .. ويبدل صحراءها إلى بساتين مزهرة , ورياض غناء .
أنه الحب .. الحب بمعناه الرحب : حب الحبيب .. حب الابن .. حب الأم .. حب الأب ..
حب الوطن .. حب البشر .
هذه الكلمة السحرية التي تذيب أحجار القلوب .. وتنبت الزهور اليانعة
في صخور المشاعر الصلدة ..
أنها الزهور التي ينشدها كل منا في لحظات اليأس .. وفي لحظات الغضب ..
وفي لحظات الكراهية .. وفي لحظات الجفاف .. فتشيع عبيرها الفّواح في ثنايانا ,
وتعيد الخضرة إلى قلوبنا , والربيع إلى كهولتنا , والأمل إلى حنايانا .
إن الحب بمعناه الكبير .. ومعناه السامي .. وبابتعاده عن الأنانية والرغبات والشهوات
لهو أعظم شيء خلقه الله في هذا الوجود !!
وفي هذا الزمان الذي طغت فيه الأطماع المادية والأنانية الفردية
نحن نحتاج الان لمن يسمو بمشاعرنا .. ونحتاج لهذا النوع من الحب .. نحتاج زهور نستنشق عبيرها .. فتحرك مشاعرنا , وترقق عواطفنا ..
وفي كل كلمه من هذي القصة .. دعونا ننتقل من زهره إلى زهره .. من بستان ملؤه جمال المشاعر .. ورقه الأحاسيس ..وزهور الحب .

(( 1 ))

جـــــــــده

تقلبت في فراشها بسرعة .. ودموعها مغرقه وجهها . وتون بألم
وبدت تتقلص ملامحها .. معبره بصدق عن مدى معاناتها
وما هي الا ثواني وقامت من نومها .. وهي تطلق صرخه مدوية , ضمت رجولها لصدرها
من الصراخ العالي دخلت الخدامه وهي تصرخ .. وراحت لجهه السرير وقالت بخوف : مس ريهاف انتي كويس ؟
ناظرتها ريهاف بضياع .. من الحلم الي يتكرر عليها بأستمرار .. لاهي الي قادره توقفه ولا قادره تنسى
غمضت عيونها بألم كبير .. وهي تتذكر ذاك اليوم الكريه بالنسبه لها .. صــــراخ . هــواش .. وتحف تتكسر .. وبعدها صدمتها بالخبر الي كرهها حياتها
وخلاها انسانه بسرعه تنكسر ودموعها على طرف .. حست بان احد يهزها بقوه
فتحت عيونها على على احـــــب شخص على قلبها .. ولسببه هي عايشه .. لولا الله ثم وجوده بحياتها .. كان اهي بالمصحة النفسيه تتعالج
ابو فهد وهو يهز ريهاف والخوف مرتسم على ملامحه الي رغم الكبر لازالت جذابه : ريهاف يابوك فيك شي .. تشكين باس ؟؟
رفعت يدها وهي تمسح دموعها .. وكان ودها تمسح ذكرى اليوم المشؤوم . استغفرت في نفسها ( اللهم لا اعتراض ) رفعت عينها وقالت بابتسامه باهته : سلامتك يبه .. مابي شي .. ونزلت راسها بحزن .. بس الحلم رجع لي
كشر ابو فهد من هالطاري .. وقال بحنيه : الله يهديك .. اهدي يابوك هو كله حلم
نزلت دمعه يتيمه من ريهاف وهي تقول بصوت مبحوح من البكي : موب حلم ... الا عقاب جاني .. انا الي كسرت كلامه .. صارت تشاهق بألم .. انا السبب .. انا خليته يطلع وهو معصب .. صرخت وهي تطيح بحضن ابوها .. ياليت لساني انقطع ولا طلعته من البيت مقهور ..
غمض ابوها عيونه بالم ... الي يشارك فيه بنته .. وهو ماينكر انها كانت السبب بكل شي .. بس وش ينفع الكلام الحين .. ولده مات ومافي شي بيرده..كل الي عليه انه يدعي له .. ابو فهد حس ان انفاس ريهاف بدت تنتظم .. بعدها بخفها وهو يشوفها .. نايمه بسلام
ناظر ملامحها إلى تذكره .. بحبيبته ام عياله .. تنهد بحسره ..: الله يرحمك يامها ويرحم ولدي .. ويبعد عن بنتي احساسها بتأنيب الضمير .. سدحها بسريرها وغطاها عدل
باسها من جبينها .. وطلع وسكر الباب .. شاف الخدامه وعلى وجهها الخوف وهي تقول : بابا .. مدام روهاف كويس
هز راسه وقال بحزن : اذا صحت خبريني .. ولاتصحينها اليوم للمدرسه
هزت راسها الخدامه ونزلت للمطبخ تكمل شغلها


بطلتنا ( 1 ) : ريهاف خالد .. عمرها 18 سنه ..ثالث ثانوي علمي عايشه مع ابوها في البيت .. امها توفت بولادتها .. كان عندها اخو اسمه فهد بس توفى .. ووفاته بسبب لها ازمه . ودايم تلوم نفسها على موته .. عندها اخت بالرضاعة وراح تكون بطلتنا .. بس بعدين نتعرف عليها .. اسمها رنا .. عندها خال اسمه عبدالله يدرس بفرنسا

الريـــــــــــــــــــاض

كان جالس على لاب توب يسوي البحث حق الجامعه .. ويمينه كوب كوفي ( عشقه ) والاقلام متبعثره بشكل عشوائي حوله .. كان مندمج وكل شوي ياخذ رشفه من كوبه .. قطع عليه صوت جواله رفع راسه عن الاوراق بتعب .. وهو يفرك عيونه .. اخذ جواله وشاف المتصل ( بدر ) ابتسم ورد : هلا بدير
سمع ضحكه بدر وهو يقول بعصبيه مو لايقه : بدير في عينك يافاصوليا
فلتت ضحكه من فيصل وقال بتعب : شكلك والله اعلم انك جوعان
قال بدر بفشله : والله وكفشتني .. ياخي ميت جوع .. عصافير بطني عم بتزءزء
قال فيصل بطنازه : ياااي مش ممكن.. ما اقدر على .. وبضحكه .. بتزءزء
بدر ضحك : مايدميك .. المهم خمس دقايق القاك مزروع عند الباب
فيصل وهو يجمع اقلامه ويفتح الدرج ويرميهن ويصفف اوراقه ويحطهم على جنب .. مسك جواله وحطه من الجهه الثانيه وقال : وليش ان شاءالله وش مشروعك اليوم ؟
بدر بحماس : عازمك على اكل يحبه قلبك
فيصل استند على الكرسي الدوار حق مكتبه وهو يقول : وش مكوناته ؟
زفر بدر بقهر وهو يقول : ياخي قلت عازمك لاتقعد تسوي تحقيق قلت لك اطلع ابغاك ماتفهم
ضحك فيصل : ابشر استاذ بدر .. اوامر ثانيه ؟
قال بدر وهو ينفخ صدره وبغرور : ايه البس عدل .. المكان كله بنات .. لاتطيحني من عيونهم
فيصل بغرور اكبر : دام انا معك .. استكين ماراح تطيح من عين احد
بدر بقهر : زيين لاتنافخ .. مالت على خشتك زين . باي
طوووط .. طووط
رفع فيصل الجوال وبضحكه: ياحبي لهالمخلوق
رفع نفسه عن الكرسي وتوجه لدولابه .. طلع له برمودا وتيشيرت ورماهم على السرير .. اخذ المنشفه ودخل الحمام .. اعزكم الله .. خمس دقايق وطلع وهو ينشف شعره .. لبس لبسه على السريع واخذ المشط وهو يمشط شعره .. دق جواله ..رد وهو يعرف من المتصل : خلاص دقايق ونازل
سكر بوجهه وهو يضحك بقوه .. وامنيه حياته يشوف وجه بدر هاللحظه .. بدر ويعرفه زين . اكره ماعنده شخص يسكر بوجهه ..رمى المشط وغرق نفسه بالعطور .. ناظر شكله برضى .. كان لابس برمودا رمادي .. على تي شيرت اصفر
اخذ بوكه وجواله ومفاتيحه .. طفى الليت ونزل من الدرج وهو يهرول كان بوده يسلم على امه .. بس تذكر انها طالعه . ما اهتم اكثر وراح للباب .. وقبل لا يفتحه انفتح بلحاله . دخل ابوه وهو يناظره : فيصل ؟؟ .. وين رايح يابوك ؟
ابتسم فيصل وقبل راسه :هلا والله يبه .. بروح مع بدر نتعشى
ابو فيصل : اهاا بالعافيه يابوك .. وبعدين قال بتسأل .. وين امك وخواتك ؟
فيصل : طالعين يبه .. اذا ماخاب ظني انهم عند خالتي
ناظره فيصل وقال : تامر على شي يبه ؟
ابوه : سلامتك .. وبعدين قال بتسال .. معك فلوس
ابتسم فيصل وقبل راسه : أي يبه الله لا يخلينا منك
يلا يبه انا طالع
هز ابوه راسه: بحفظ الله
وصعد فوق يريح
وهو طلع حصل بدر برا سيارته ومعاه جواله يلعب فيه
ضربه من كتفه وقال بمرح: ها يابو سعود نمشي
بدر بنص عين : نمشي ياولد عبداللعزيز نمشي
ضحكوا كلهم وركبوا السياره وحركوا

بطلنا ( 2 ) فيصل عبدالعزيز .. عمره 21 تخصص اداره اعمال
مرح .. بشوش .. اكثر شي محليه الخدش الي جنب فمه معطيه جاذبيه
عنده اختين .. وحده منهم بطله من ابطالنا .. خويه ورفيق عمره بدر .. هالاثين من ولادتهم مع بعض مع انهم مايقربون لبعض ابد .. نادر جدا مايعصب .. بس بشهادة بدر ,, اذا عصب بعدوا يسفهل ام الدنيا ..

بطلنا ( 3 ) : بدر احمد .. عمره 21 تخصص اداره اعمال .. مهبول درجه اولى .. استفزازي . يرفع ضغطك بسهوله .. جته فتره اكتئاب من وفاه ابوه راح صبغ شعره رمادي .. منها انهبل فيصل وقاله يغيره .. بس من شاف ان محد عاجبه عاند .. وهذي صفه فيه . عنييد . واذا قلتي لا قال ايه .. ولحد الحين مصمم مايغير الصبغه .. وهي حلوه عليه بس الاسود احلا .. عنده اخت متزوجه.. عايش مع امه .. امه واخته وفيصل .. اغلا ثلاث بحياته .. معجب بوحده بعدين نتعرف عليها ..


فرنســــــــا
في جامعه باريس


كان بالمحاضرة ومرتفع ضغطه .. مايحب هالدكتور ابد .. كان يضرب القلم بالطاولة وهالشي مسبب ازعاج بما ان المحاضره هاديه والدكتور يقرا الكتاب
رفع نظره الدكتور وقال بلهجة حادة : Abdullah vous a fait sensation dans la salle S'il vous plaît, arrêtez de harceler
(عبدالله انك تسبب ضجه في القاعه ارجوك توقف عن الازعاج )

عبدالله بطفش : je ne veux pas
( لا اريد )

الدكتور بامتعاض : Si éliminé de la conférence

( اذا اخرج من المحاضره )

بدون تفاهم اخذ عبدالله اغراضه وشنطته وطلع بسرعه وهو يضحك .. واول ما طلع تنفس بعمق وبضحكه ( واخيرا ما بغى يفهم اوف )
ناظر الجامعه الي تقريبا فاضيه والكل بالمحاضرات تنهد وطلب قهوه فرنسيه .. جلس على احدى الطاولات وطلع جواله .. طوالي على الاستديو .. صوره لحبيبه قلبه .. بالصدفه لقى الصوره بغرفه بنت اخته ..تنهد بالم .. من زمان عنها .. من وقت ما انتقل زوج اخته الله يرحمها من الرياض .. راح معهم .. ويسمع اخبار قليله .. ويجر الحكي جر منها .. قرر يدق عليها وياخذ اخبار .. يروي قلبه شوي
اتجه للهاتف وطوالي .. ضغط الزر الاخضر وحطه على اذنه .. دقايق وصله صوتها المبحوح من النوم: .. هاه !
عبدالله بضحكه : وجع اه وش هاه احترميني يابنت
سمع صبخه .. وصرخه .. وصوتها وهو يقول بالالم : ايي راااسي ..وبصراخ مفرح .. عبوووودددي ياقلبي قلبك متى طرينا ع البال
ضحك عبدالله بخفه : عبودي بعينك اصغر عيالك انا
قالت بشقاوه : يوه .. عدال يالكبير .. كلها كم سنه .. لاتنفخ صدرك علينا
ضحك بقوووه وقال بعصبيه مصطنعه : ريهافوه عن الكلام الماصل .. وقلتيها .. وباستهزاء .. كم سنه .. ومو يقولون اكبر منك بيوم
قاطعته ريهاف بخفه وملل : اعلم منك بسنه .. دريينا والله حفظته من كثر ماتعيده .. المهم .. وبنغزه . خالو عبودي .. شلون اجواء مدينه الرومنسيه
عسى مالقيت عروس
دق قلبه بقوه وقال بتوتر : أي عروس بعد انتي .. انا رحت ادرس .. مارحت العب
ضحكت ريهاف و بهمس خبيث : أي لا تلعب عشان ماتزعل !!
مسك قلبه وقال بخوف وتوتر : وش قصدك ؟؟ ومنو الي يزعل ؟
قالت ريهاف ببرائه مو لايقه : لاتهتم .. المهم . وبنغزه .. تولين تدق علي
عبدالله وقلبه يدق بقوه : تولين مغير .. اخت خويي فيصل
ضحكت ريهاف بشقاوه .: ايه مغير .. وبملل .. وياهالفيصل الي ماسلمنا منه بكل مكان ناقز لي طاريه .. امنيه حياتي اشوفه
عبدالله بضحكه وحده : وش امنيه حياتك .. تراني خالك موب خويتك
ضحكت بقووه وقالت بلعانه : على طاري خويتي .. تولينوه اخت فصيل الي ما ادري متى بشوفه .. بسفهل فيها .. الدوبا امس دقيت عليها لقيتها نايمه .. بس ابي اخذ حقي اليوم . وبضحكه .. سي يووو خالوو
وطووط ... طووط .. طووط
غمض عيونه بحب وابتسامه : عسى نوم العوافي يارب . وبخوف .. وش قصدها الخبله هذي بعد .. الله يعين لا تحس بشي .. وبلا مبالاه . بكيفها اهم شي اني حاجزها وبعدين يصير خير .. اه متى تمر سنتين وافتك .. واجيك ياتولينه قلبي .. سند راسه بخفه وهو يتذكر نعومتها .. بحياته كلها مالقى نعومه مثلها .. ماينكر انها عاديه الجمال .. مو ذيك الي تخلي ادنى شاب يغمى عليه من جمالها .. بس نعومتها وحياها .. تخليك تشوفها جميله .. سمع صوت تصفيق قوي عند اذنه . فتح نص عين وهو يشوف خويه محمد .. .. غمض مره ثانيه وقال بهمس وبنص ابتسامه : خير ؟
ضحك محمد وقال باستهزاء : ولا شي كمل احلامك
رفع راسه بسرعه وقال : وش دراك
محمد بضحكه وهو يعدد باصابعه : لانك مو مكشر .. وترد علي بهمس .. ومغمض عيونك .. ورايق .. ونص ابتسامات وحركات نص كم
وو..
قاطعه عبدالله : بس . بس . بس يرحم امك فكني .. خربت مزاجي
محمد وهو ياخذ القهوه من عبداالله الي ماشرب منها شي .. وكانت بارده .. شربها كلها وهو يقول : يلا يااغبي .. بروح محاضرتي .. وش عليك خلصت محاضرات بدري .. غمز له بضحكه ومشى
رمش عبدالله يحاول يستوعب .. وبعدين صرخ : اياااااا .. حميييد حسابك عسيير
.التفت محمد وهو يضحك واشر له باي وركض للقاعه
ابتسم عبدالله ورجع على نفس وضعيته .. وده يطلع ويروح االشقه . بس يدري خويه محمد . مايحب يفرفر بالشوارع لحاله .. عكسه هو الي يموت بالوحده .. ماهان عليه يتركه .. قرر يجلس ينتظره


بطلنا ( 4 ) عبدالله سعود .. عمره 24 .. تخصص طب اسنان .. يحب الوحده .. وقليل ثقه بالناس .. عنده صديق واحد محمد .. حب له صديقه ريهاف بنت اخته .. انتقل للجده بعد ماحس ان جلسه الرياض ماعاد لازمه .. بس وقت يتزوج تولين بينقل شغله لرياض .. الاشخاص القريبين لقلبه يكون على طبيعته . بس الي مايعرفهم يكون غامض وعصبي . بقى له سنه ويخلص دراسه .. بس السنه الثانيه لازم يطبق باحدى مستشفيات باريس .. لتجربه .. حاول يطبق بالسعوديه لاكنهم رفضوا .. واافق .. خايف لاتروح منه تولين .. بس الي مطمنه .. ان ابوها قال .. تولين لك ياعبدالله .. تولين لك



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 28-08-2012, 10:53 AM
صورة الـــجــازي الرمزية
الـــجــازي الـــجــازي غير متصل
©؛°¨غرامي مجتهد¨°؛©
 
Uploadfef5c031fd رد: روايه هذا احساسي الجديد / بقلمي




( 2 )

ناظرت شاشه الجوال وهي تضحك بقووه .. شوي شوي وهدت ضحكتها .. وتحولت لعبره وخنقه .. من مشوي واهي تجامل خالها عشان مايحس .. تدري اذا حس بشي راح يجي طاير .. تنهدت بالم .. ابتسمت .. تدري ان خالها يحب خويتها .. شافته مره يصور الصوره الي بغرفتها .. فقدتها الدوبا \.. من انتقلوا للجده قطعت .. شحذتها الجنه تجي عندها ... بس اخوها الزفت رفض .. هالفيصل الي امنيتي اشوفه .. الكل يحكي عنه .. ما اهتمت اكثر بالسالفه .. ودقت على تولين .. دقايق وصلها صوتها : نعم ؟
ريهاف بضحكه : نعامه ترفسك .. وبدلع .. مشتاقتلك يادوبا
ضحكت تولين بفرح ونعومه : ريوفه .. ياقلبي وانا اكثر .. وينك يالقاطعه
ريهاف تنهدت وهي تحس ان كل هم انزاح منها .. كلمت كل الي تغليهم .. بس باقي رناا .. وتفرح ويحلا يومها : الله اعلم من القاطعه .. المهم ازايك ياقمر ؟؟
تولين بنعومتها المعتاده : بخير ياعسل ..اند يوو ؟
قالت وهي تمسك طرف شعرها وتلويه : الحمدلله تماام .. وبطفش .. لحد الحين اخوك الموقر رافض انك تجين
ضحكت بشقاوه : ايه تخيلي .. امس تقطعت وانا اشحذه .. ابد راسه يابس
تنهدت بقهر من هالمخلوق .. ودها تخنقه .. ماتدري ليش .. استغفرت ربها .. هي ما تكرهه بس .. رفضه ان تولين تجي .. حقدت عليه .. صحت من افكارها على صوت صراخ تولين .. كشرت وبضيق : خيييير .. تراني اسمع
تولين بقهر : ايه وااضح .. خمس ساعات اناديك .. وين كنتي
تنهدت ريهاف بملل : معك .. المهم تولينه .. وبخبث .. ماتبين معلومات ؟
سمعت شهقتها وبعدين ضحكه خفيفه وبحماس : ايي يرحم امك تكفين .. وتنهدت .. مشتاقه له
قالت بلعانه : اياا يالي ماتستحين .. قال ايش .. وبطنازه .. مشتاقه له
وبنغزه .. اجل ما الومه هو .. يلا هانت مباقى غير سنتين
ضحكت بنعومه : شسوي . انتي اكثر وحده تدرين اني احبه من وانا صغيره .. واذا على الانتظار .. ماعليك .. انتظره عمري كله
صفرت بحماس : احلاااااااا يااحركاااات .. مايمدينا
صرخت تولين بخجل : هييه خلاااص انطمي
وبعدين قالت بجديه : ريهافو .. المام بتناديني .. تبين شي ؟
ضحكت بخفه : لا سلامتك يا قمر .. سي يوو
تولين بابتسامه : سيي يووو

بطلتنا ( 5 ) تولين عبدالعزيز .. 18 سنه ثالث ثانوي علمي .. اخت فيصل .. تموت بشي اسمه عبدالله .. وعندها خبر انه حاجزها .. له اكثر من سنه مسافر .. ويبي له سنتين ويخلص .. نعوومه وحياويه .. صديقتها ريهاف من المتوسطه .. بس من انتقلوا ماشافوا بعض .. واخوها رافض فكره انها تروح لجده ..


جـــــــــــــده

كانت عند التلفزيون ومندمجه .. بفلم ( توايلايت ) ومعها بوب كورن وبيبسي .. والمخده بحضنها .. سمعت امها وهي تقولل : رنووه .. شو تسويين انتي ؟
قالت رنا باندماج: هااه .. ايه ايه الحين
عصبت امها : رنوه وصممخ وش الحين .. اصغر عيالك
استوعبت رنا انها تكلم امها .. قالت بتلعثم : اسفه يمه .. ما انتبهت .. امري
قالت امها بعصبيه خفيفه : من الدش ذا الي ماسلمنا منه .. قومي ذاكريلك كم كلمه بدال مقابله اربع وعشرين ساعه
قالت بضيق : يممه .. تكفين ماعندي اختبار .. وبعدين اصلا .. هذا الفلم من زمااان انتظره >> الكذبه المنتشره حاليا ^^
هزت راسها امها وقالت .: مااش مافيك فايده .. الله يهديك .. المهم وين ابوك ؟
قالت رنا بهمس : ايه الله يهديني .. وعلت صوتها .. هااه .. ابوي .. امممم .. مدري
ماكلمت الا المخده جايتها على وجهها وامها تصارخ وتسفهل فيها .. ناظرت امها بغباء غبي .. وبعدين ضحكت .. امها عصبت : قوومي لا اشوف وجهك .. اكلم عنز انا .. حتى العنز اذكى منك .. قووومي
اخذت رنا اغراضها .. وحطت رجلها وطارت فوق .. وهي تضحك بقوه .. تضحك ودموعها تسيل من الضحك .. وصوتها واصل لسابع سما .. تعرفون الشعور اذا كنتي تضحكين .. وانتي تمشين .. تجيك حاله عجر عن المشي .. كانت بصعوبه .. تصعد الدرج واخيرا وصلت غرفتها
فتحت الباب واستندت عليه وهي رايحه بنوبه ضحك قويه .. سمعت رنه جوالها .. اخذته وردت وهي ما زالت تضحك
رنا بضحك قووي عجزت لا تسكت
المتصل : رنوه . ههههه علامك ؟؟
رنا بضحكه : ههههه فات هههه امم ...هههههههههه اصبري اصبري ههههههههه
المتصل بضحكه لضحكها : دوم الضحكه .. بس ما فهمت فهمي زين
رنا بعد ماهدت : ههههه اسمعي ياطويله العمر .. وبعدين سكتت فجاه !
المتصل باستغراب : رنوو . علامك ؟؟
رنا باسلوب مضحك قالت باستغراب : انتي مين ؟
المتصل اطلق ضحكه قوييييه من غبائها : يازفت .. قسم موب صاحيه .. طالعي الشاشه يابقره .. هزت راسها باسف .. راده على جوالك يامفهيه وماتدرين من
ضحكت رنا ورفعت السماعه .. ماي سستر .. ردت جوالها لاذنها وقالت : هالو ماي سستر
ريهاف بضحكه : هالوو ما سستر توو
رنا بقرف وهي تقول : خلااص تكفين .. مالت علينا مانعرف ننطقها حتى
ضحكت ريهاف وقالت بحماس : اسمعي .. يوم ميلاد نجلا .. يوم الخميس .. يعني بعد كم يوم تقريبا ..
رنا بطنازه : طيب سلمي السلام لله ترا
ريهاف بملل : عارفتك اكثر من عمرك مايحتاج .. المهم .. نجلا يوم الخميس اوكي
رنا بتسال : اهاا .. طيب نشترى هديه ؟
ريهاف بضحكه : انا شريت من زمان .. وشريت لك بعد .. بس ابي نحجز استراحه
رنا باستغراب : أي استراحه ؟
ريهاف بحماس : استراحه خالك .. ذيك الي جنب بيت جدك .. منها نكون بامان .. ومنها يوافقون اهلنا .
صفرت رنا بحماس : ينصر دينك ياشيخه .. وش ذا المخ .. صراحه عشره على عشره
ريهاف بغرور : مايمديك .. المهم انتي خبري شوق وهند ونجود
وانا بخبر ندى ونوره ونجلا
رنا بصرخه : لا يالخبله .. لاتعلمينها
ريهاف بخبال : اكيد ماراح اقول شي .. بس بقول تعالي للاستراحه .. الا هي اسمها استراحه الواحه صح ؟
رنا بتاييد : أي صح
ريهاف : اوكي صار .. يوم الخميس بيننا فوون
رناا : اوكي .. سي يوو
ريهاف : سيي يوو

بطلتنا .. رنا محمد .. 18 سنه ثالث ثانوي علمي .. هبلا ومرجوجه .. اخت ريهاف .. عندها خال اسمه راشد .. تميل لولد عمها .. بس الي تميل له ماقد شافته ريهاف .. وعندها احساس انه يميل له .. دوم ريهاف تضحك عليها .. على قوله ريهاف ( مافي احد شفته بالحياه .. لا فصيل .. ولا بدير !!)) رنا .. ماتعرف تولين .. لانها ماقابلتها ..وبدر كانت تشوفه قبل كثير بما انها برياض .. بس نقلت مع ريهاف لجده .. لان امها جتها وضيفه اداريه .. وهي تبغاها .. وتشوفه من وقت لوقت

بالريــــــــــاض

قال وهو ياخذ شوكته .. وياكل المكرونه : هييه فصيل !
فيصل وهو يطقطق بجواله ومارفع راسه : هممم
بدر بطفش : همم في عينك ..
رفع فيصل نص عينه وقال : وش تبي ؟
بدر وهو وهو ياخذ كوب الشاهي ويشرب : امممم . ترى زواج عبدالملك يوم الاربعاء
رفع عيونه فيصل وباستغراب : ما امداه .. متى قرروا ؟
بدر وهو يرفع جواله وشوف كم الساعه : ما صار لهم مده توهم
فيصل بتسال : باي قاعه ؟
بدر بضحكه : ماراح يسوونه برياض
كشر فيصل : ليش وين ؟
بدر بلا مبالاه : بـــجده
فيصل بطفش : الله .. مالهم داعي صراحه
بدر : أي . بس ابو زوجته تعبان ومايقدر يسافر
فا هم راحو جده .. وتراه وصاني عليك
فيصل بطنازه : اصغر عيالك !
ضحك : لا مو كذا .. بس يعرفك ماتطيق السفر وخاصه جده
ترا بتروح الله لايعوقك بشر
هز راسه وقال باستفسار : متى نسافر ؟
بدر : الزواج يوم الاربعاء .. واليوم الاحد .. نسافر يوم الثلاثا بالصبح ..ونرجع الجمعه
فيصل بتكشيره ومو عاجبه الوضع : ليش الجمعه .. نرجع الخميس وقضينا
بدر برجا : تكفى .. اهو بيحط مرته عند اهلها عشانهم بيسافرون يكمل دراسته بامريكا .. بيخليها تشبع منهم .. وحنا بنسوي حفله توديع له بحدى الاستراحات
فكر فيصل شوي .. وقرر يغير جو عقب الكرف بالجامعه . هز راسه وقال : على خير

بــــــعد يومــــــــين

أهـــــم الأحــــداث

ريهاف ورنا وخوياتهم جهزوا للحفل بدون علم نجلا طبعا .. وفرحوا لما قال لهم خال رنا .. اجلسوا فيها زي ماتبغون بس بدون صجه .. على قولته . لان الاستراحه الي جنبنا يستأجرونها الشباب .. زبطوا كل شي ويستنون يوم الخميس .. ودهم يعرفون رده فعل نجلااا

فيصل وبدر وصلوا جده .. وبدر رفع ضغط فيصل .. وفيصل يهاوشه .. وبدر يضحك .. وعلى هالحال .. قالهم عبدالملك يجون عنده ينامون .. بس رفضوا .. على قوله بدر .. يافشلتااه ^^ .. حجزوا في فندق راقي ..

عبدالله وتولين .. كل واحد مشتاق للثاني .. ومستنين لحظه رجوع عبدالله .. يتشاركون حبهم ... وكل واحد مو داري عن الثاني وش يسوي .. عبدالله ندم انه ماملك عليها قبل لا يروح . عشان ياخذ راحته .. وطبعا محمد ملازم عبدالله .. وهو الي يرسم الضحكه على وجهه الحلو ^^

لـــــيله الأربعاء


فيصل بصراخ وهو يرمي المخده على وجهه بدر الضاحك : بدددر ياازفت .. شلون يععني ماننام حنى مثلا
انقلب وسحب البطانيه وغطى وجهه وهو معصب
قال بدر بضحكه : الله اكبر .. الي يسمعكم يقول انكم جيش قريش .. كله رجال عظم بجلد ويخب بعد
كتم فيصل الضحكه وقال بعصبيه .. بس ماقدر يخبي نبره الضحك بصوته :: بدرر يرحم والديك . بس يكفي بكرا ورانا حلاقه وهوشه وسخافه ..
بدر باستغراب : مع مين ببتتهاوش ؟
تنهد فيصل بملل وقال بضيق : انا وش الي جايبني . كان جلست عند اهلي احسن لي .. ماكثر الله الا التلفيونات . رنه وحده .. الف مبروك .. وانتهيناا . اوووف
بدر باسلوب استفزازي وهو يحرك حواجبه : احلااااا . ياسريييع انت ..
التفت لبدر ورفع ايده دلاله انه بيضربه .. ثواني ومسك بدر تيشيرته وهج للغرفه الثانيه .. تنهد فيصل بضحكه وهو يقول بصوت عالي .: خلني المحك الليله . موتك على ايدي
صرخ بدر بخوف: يالمتوووحش .. ماعليك شرهه .. انت وعمك نفس الطينه

( عم فيصل .. عصبي حيل ومايرحم .. وكذا مره سفهل ام جد بدر على حركاته العفويه .. وصار بدر يخاف منه ^^ )

انتــــهى البااااارت

توقعاتكم وأرائكم



اسفه ادري الخط مو ذاك الزود .. بس دوبي اتعلم تنزيل الروايه .. ان شاءالله البارت القادم اكبر الخط

ودي (=



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 28-08-2012, 12:33 PM
صورة الوان الجوري الرمزية
الوان الجوري الوان الجوري غير متصل
©؛°¨غرامي فعال ¨°؛©
 
الافتراضي رد: روايه هذا احساسي الجديد / بقلمي


الرؤوووائه رووعه الصراحه !!
ؤالله فيصل تعجبني شخصيته ..
و بدر فللللللله ..
أكثر شخصيه عجبتني رنا !


سجليني من متابعينك ..

ودي ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 28-08-2012, 09:36 PM
صورة الـــجــازي الرمزية
الـــجــازي الـــجــازي غير متصل
©؛°¨غرامي مجتهد¨°؛©
 
11302798240 رد: روايه هذا احساسي الجديد / بقلمي


اقتباس:
المشاركة الأساسية كتبها الوان الجوري مشاهدة المشاركة
الرؤوووائه رووعه الصراحه !!
ؤالله فيصل تعجبني شخصيته ..
و بدر فللللللله ..
أكثر شخصيه عجبتني رنا !


سجليني من متابعينك ..

ودي ..



هلا وغلا الوان الجوري .. نورتي روايتي يالغلا ..

واكـــيد مسجلتك انتي اول وحده .. تسلمين على ردك ..

ودي لك



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 28-08-2012, 10:57 PM
صورة الـــجــازي الرمزية
الـــجــازي الـــجــازي غير متصل
©؛°¨غرامي مجتهد¨°؛©
 
الافتراضي رد: روايه هذا احساسي الجديد / بقلمي



سلام عليكم

الباارت شوي وينزل ان شاءالله .. وفي احداث بتقلب الروايه .. ان شاءالله يعجبكم ..

اتمنى منكم ردود تشجعني ..

ودي (=



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 28-08-2012, 11:29 PM
صورة الـــجــازي الرمزية
الـــجــازي الـــجــازي غير متصل
©؛°¨غرامي مجتهد¨°؛©
 
الافتراضي رد: روايه هذا احساسي الجديد / بقلمي


( 3 )

جــــــــــده

كانت منسدحه على سريرها .. ومشغله الراديوا على( صوره البقره )

سمعت طق الباب عليها .. رفعت نفسها وسكرت الراديوا وقالت بصوت مبحوح شوي : ادخلي سارينا

دخل ابوها وهو يقول بمرح: وانا ما ادخل
انفرجت اسارير ريهاف بفرح وقالت وهي تنط وتحضن ابوهها : هلا وغلا بالغالي ابو الغاليه .. ياعساني ما افقد هالطله
ضحك ابوها وقال بمزح : اشوف الغرور زايد
ضحكت بخفه : والله يابوي .. يحق لي . دام انك ابوي .. تسطفل الدنيا
ابتسم ابوها ومارد
ريهاف بخجل : الا يبه .. ابي اطلب منك طلب ؟
ابوها ومازالت الابتسامه بوجهه : امري يابوك
شبكت اصابعها ببعض وقالت بحياء واهي مستنكره فعلتها انها خططت للحفله بدون علم ابوها .. بس شي صار غصب .. وقالت واهي تدعي انه يوافق : امم صديقتي بنسوي لها حفله يوم الخميس .. وانا ودي اروح للحفله
كشر ابوها وقال بتسال : حفله ؟؟ وشوله .. وش المناسبه ؟
نزلت راسها وقالت بخجل : اهي بتكمل ال18 .. وبنسوي لها حفله لكذا
قال ابوها بنفي : لا مايصيير .. هالحفلات حرام يابوك .. ماني موافق
تنهدت ريهاف وقالت برجا وهي تدري انها غلطانه وتدري انه حرام بس : بس يبه والله مو قصدنا كذا .. تنهدت وهي تبي تشرح وضعها .. البنت البنت تعاني ضغوط .. واهلها مو لمها .. وهي بتتزوج قريب .. وبتسافر .. احنا موقصدنا الميلاد .. ندري انه حرام .. بس قررنا نسوي حفله لا اكثر عشان نفرحها المسكينه .. وصدقني يبه .. ماراح نسوي مثل الكفار .. بس بنجتمع .. وحتى الكيكه ماراح نكتب كل عام وانتي بخير .. تكفى يبه ابي افرح البنت ... الله يخليك
ابوها بشك : من كل قلبك هالكلام .. يعني مافي حركات ... وهابي بارث ومدري شنو
قالت ريهاف بتاكيد .. وهي ندمانه انها قالت للبنات انها حفله ميلاد .. قررت تغير اسمها .. وتسميه حفله توديع عزوبيه لا اكثر .. :: أي يبه .. واحلف لك بعد .. وقامت وحبت راسه .. الله يخليك ذخر لي يالغالي
ابوها باستغراب : طيب من معكم بالاستراحه
قالت ريهاف : هي استراحه خال رنا .. جنب بيت جدها .. ومايفصل الا باب واحد .. واحنا بس بنات .. وماراح نطلع اصوات عاليه . اوعدك يبه
هز راسه وقال : خال رنا راشد صح ؟
قالت ريهاف : أي يبه .. واهو راح يشرف علينا.. بس هو عنده شغل .. يعني الساعه 12 بالكثير اكون بالبيت ..وهو الي بوصلني مع رنا .. واهو يعتبر خالي .. يعني ان شاءالله ماعلي خوف باذن الله
تنهد ابوها وقال بتهديد : 12 بالضبط انتي بالبيت
ابتسمت وقالت وراه : 12 بالضبط بالبيت ان شاءالله
تمتم ابوها ب : ان شاءالله .. يالله تصبحين على خير ..
ابتسمت ريهاف بحب : وانت بخير يالغالي


كانت تصعد الدرج بغرور .. وكعبها العالي يرج البيت بصوته .. لابسه بدي ضيق وجينز .. وماهمها ابد وهي تمشي في بيت ابو فيصل هاللبس الي استغفر الله
راحت لغرفه تولين وهي تطق الباب .. سمعتها تقول ادخلي .. فتحت الباب ودخلت وهي تقول بمياعه : هاي تولينوو
استغفرت تولين ربها وقالت بتقزز : هلا .. انتي وش جايبك ؟
ضحكت بغنج وهي تقول : افاا ماهقيتها منك ياعومري .. جايه لبيت عمي .. فيها شي
قال تولين بقرف : وابوك راضي على اللبس الي لابسته .. احمدي ربك ان فيصل مسافر .. وعلى الاقل البسي شي ساتر يابنت الناس
قالت بضيق : فصولي مسافر . وين رايح قلبي هو ؟
عصبت تولين وقالت :: وانتي وش دخلك .. وفصولي بعيينك ياعنودوه الداشره .. صراحه غرفتي تتعذرك .. اطلعي براا لا انادي لك ابوك يشوف لبسك
عنود بخوف .. وهي تدري اذا شافها ابوها كذا . تعتبر من عداد الموتى .. قالت بغرور واهي تغطي فشلتها : خلاص قمنا .. بل كليتيني .. اشرت بيدها .. باااي تلتونه
كشرت بقرف واهي تقول : ياعسى ربي يهديك .. مدري متى بتعقل البنت ذي .. اوف منها

عنود فواز .. 19 سنه اول جامعه تخصص اقتصاد .. بنت جمييييله جدا .. بس مو نافعها .. لان اخلاقها ( صفر ) وتحب ولد عمها فيصل .. ومدخلته براسها ..فيصل .مايطيقها .. ودايم ترز حالها بالغصب .. واهو خايف من عذاب ربه بس وش يسوي .. قرر انه كل ماقالت له تولين ان عنود عندنا ينام برا البيت .. مايبي ياخذ ذنوب .. واهي تكلم شباب والعياذ بالله .. ابوها صح عصبي .. بس قليل يشوفها .. لانه ضابط .. ودايم مستلم .. ولو شافها لعن ابو جدها .. انسانه استهتاريه .. وهمها الدنيا والفشخره واخر صيحات الموضه ( بس ربي يمهل ولا يهمل )



سكر منها واهو يضحك بخبث .. والله وطحتي ياعنود ومحد سمى عليك .. اجل انا تكلميني على الماشي .. وتحبين ولد عمك .. انا اوريك منهو سعود
شاف خويه واهو يسحب كرسي الي جنبه ويضحك بقوه .. : وش عند سعيدان .. ضحك ونناسه .. وناظر المعسل الي يشرب منه سعود .. حركات ياصقيقي
ابتسم سعود نص ابتسامه وقال بهمس مرعب : راح اوريها من سعود .. انا تلعب علي قليله الحياا ..
قال خويه واهي يسحب المعسل من فم سعود ويشرب : عنوود
سعود بضحكه خبيثه : أي عنود ..
قال خويه : الله يعينها عليك
ضحك سعود بقووه من تعليقه وقال بصوت عالي : الحساااب يامعلم

سعود ناصر : 23 سنه اداراه اعمال .. مغرووور وشايف نفسه .. ويلعب بالفلوس لعب .. كل بنات الدنيا يعرفهم .. ومنهم عنود الي عرف موخرا انها تلعب عليه للتسليه .. قرر يوريها قدرها .. بس راح يطبخها على نار هاديه .. لو زادت النار طفرت .. وبكذا يخرب طعمها .. ابوه وامه متوفين .. متزوج وعنده بنت .. وبالاسبوع يشوفهم مره .. مايهتم فيهم ابد .. وزوجته متحملته عشان بنتهم .. مالها دور بالروايه الا بالاخير .. عشان كذا ماراح اكتب عنها شي .. سوى انها كل يوم تصيح على حالها .. بنتهم عمرها 3 سنوات


يــــــــوم الأربــــعاء

ريهاف قالت لرنا سالفه الميلاد .. ورنا هم ندمت واستغفرت .. صحيح اهي كيف مانبهت ريهاف من الاساس .. قرروا يتوبون لربهم .. ويسونها حفله توديع عزوبيه .. لان نجلا بتتزوج الشهر الجاي .. وزبطوا الاستراحه كلها .. باقي انهم يجيبوا الكيكه .. الي غيروا كتابتها .. وكتبوا ( باي باي سنقل ) أي مع السلامه للعزوبيه .. وماراح يجيبون طاري عمرها والميلاد .. وطلعوه من بالهم نهائي



عنود وسعود .. مازالو على اتصالهم .. لعب عنود . وخبث سعود .. طبعا اهي ماتدري عن نيته .. قالها انه بيتزوجها .. واهي تسلك .. لانها ماتبي الا فيصل .. وكل هذا للعب وتسليه واظاعه وقت ..

بدر وفيصل .. لاجديد . سوى اننهم توهم طالعين من الحلاق واهم بالمسجد يصلون المغرب عشان يلبسون للعرس ..

عبدالله وتولين : لا جـــــــــــــــــديــــد



بالقــــــــــــــــــصر

كانوا مبتسمين ويسلمون على الناس .. لين وصلوا لعبدالملك
فيصل بحراره : الف مبروك منك المال ومنها العيال يارب .. الله يوفقك ويسعدك
عبدالملك بخجل من حراره سلام فيصل .: وياك يارب ماتقصر ياخوي .. عقبالك
ابتسم فيصل وسلم على الباقي
بدر واهو يبارك لعبدالملك : هااه .. متى مابغيت شي الو تلقاني جنبك .. ومو تنسى صلاتك وتلهيك المدام
ابتسم عبدالملك من اسلوبهم الراقي والناضج : ان شاءالله ولا يهمك .. تعال صور كم صوره انت وفيصل
صور كذا صوره وسلموا عليه ووصوه يجي بكرا للاستراحه فيصل قرر يطلع
قال بدر برجا : فصيل .. لانطلع الحين تكفى ببتعشى
ضحك فيصل : وهذا همك .. بطنك يادب
ابتسم بدر وبانت صفه اسنانه : والله عاد .. قلب الرجل بمعدته مدري .. الوصول الا قلب الرجل معدته .. قطع السالفه .. المهم اني جوعان وبتجلس
ضحك فيصل وقرر يجلس .. ماوراه شي



كانت تكلم .. جوالها بيد .. واليد الثانيه فيها بيبسي زيرو .. ومتحمسه : اقول نجوده قولي للشله المقربعه .. لحد يجيب طاري الميلاد السخيف .. الله يتوب علينا يارب .. ياويلك اذا سمعت انك جايبه طاريه
وضحكت وهي تسمع جود تصارخ وتسفهل فيها .. سكرت بوججهها واهي تضحك رمت الجوال ورفعت يدها .. شافت شوي وياذن الفجر .. قامت توضت وتسسننت .. ومافكت جلالها .. جلست على السجاده تقرا قران .. سمعت المؤذن ياذن .. ينادي المسلمين لقيام الصلاه وعباده الله سبحانه وتعالى .. سكرت القران ورددت معاه .. جلست شوي تنتظره يقيم .. انفتح الباب عليها طلعت امها : هاه رنا مانمتي
ابتسم رنا : لا يمه انتضره يقيم .. عشان اصلي واخمد
هزت راسها بتفهم وقالت : عسى الله يصلحك
ردتت رنا بهمس : امين .. ويخليك لي يايمه
اقامت الصلاه .. صلت وخلصت فكت جلالها .. وهي تستغفر وتقرا ادعيه النوم .. انقلبت على جنبها اليمين .. غمضت عيونها .. وراحت بغيبوبه


عندها .. كانت تتشهد .. وبعدها سلمت .. قامت وهي مقرره تصحي اخوها فهد حتى يصلي .. راح لغرفته وطقت الباب ودخلت شافت الغرفه حاره .. وكلها غبار .. راحت للسرير تبي تصحيه .. بس انصدمت مو فيه .. جلست تستوعب شوي .. وبعدها .. صــــــــــرخت بــــــقوه واهي تنادي : فــــــــهد .. فـــــــــــهد انا اسففه ياخوي .. والله موب قصدي .. اااه يارب ساامحني .. طاحت على الارض تنتحب بقوه .. وهي تتذكر ذاك اليوم ..


قبل 8 شـــــــــهور

كانت مقرره ماتكمل دراسه .. بس اخوها عصب عليها .. واهو من النوع العصبي جــــــدا .. واهي كانت تستفزه .. لانه غاصبها على الدراسه .. قالت كلام ماتدري وشهو .. ممكن من الصدمه نسته .. بس الضاهر انه كلام مو حلوو اببد .. لدرجه طلعت فهد من طوره .. وصــــــوت كــــــف هز البيت كله .. وطلع وسكر البـــــــاب
كانت تدعي عليه بس مو من قلبها .. كرهت نفسها وكرهت لساانها .. بعد ماسعمت خبر وفاته بحادث سياااره .. انعزلت البيت كله .. وكرهت نفسهاا .. وصارت تدعي على نفسها .. لين ابوها صحاها من الكابوس الي تعيشه .. ووداها عمره .. وعلمها ان الي صار قضا وقدر .. تعددت الاسباب والموت واحد .. سويت عمره وتصدقت من فلوسها وفلوس ابوها وفلوسه .. وبنت مسجد له .. وعسى ربها يغفر لها هالجرم الي سوته .. بطيشها البايخ والسخيف


الخمـــــــــيس

بالمغرب .. كان يمشط شعره الرطب .. وحط جلي .. واخذ بوكه وكرت الباب الفندق ..التفت حصل فيصل جالس بالكنب قدام التلفيزيون .. صوت له : فصيل يلا مشنا
تنهد فيصل وبملل : واخيرا خلصت حظرت جنابك .. كلها برمودا وتيشيرت .. وخلصنا . بتروح عرس انت
ضحك بدر : اقول امش وانت ساكت . وناظره .. مشاءالله لابس ثوب وشماغ وش عندنا .
فيصل بضحكه :: والله شفتح مدعوس بالشنطه .. قلت البسه واكشخ فيه

ضحكوا وطلعوا من الفندق وخذوا تكسي .. قال السواق : وين روح بابا
التفت فيصل لبدر الي جالس ورا يستنجده لانه مايعرف وينها . ضحك بدر وقال وهو يفكر .. : شوف اعرف هذا شارع .....
هز راسه السواق
قال بدر : هذا استراحه جنب استراحه الواحه في معلوم واحه
قال السواق وهو يهز راسه : معلوم بابا معلوم
وصلهم للاستراحه ودفعوا الحساب وشكروه .. التفتوا لقو استراحه الواحه وبجنبها فيلا .. مشا فيصل بيدخل .. جره بدر بضحكه . وين مدرعم بالاخو ؟
قال باستغراب : بدخل
اشر له بدر لاستراحه قدام استراحه الواحه بالضبط وقال بضحكه : من هنا الطريق
ضحك فيصل بقوه وهي يضربه مع راسه .. وانا وش دراني
بدر وهو يمسك راسه بالم .. امش وانت ساكت
دخلوا وسلموا على الشباب .. شوي وجاء عبدالملك .. سلموا عليه وباركوا له وقضوها سهره شبابيه


قدام استراحه الشباب بالضبط

كانوا جالسين ومبسوطين .. ونجلاا طاايره من الفرحه بهالحفله .. صاحت لانهم تذكروها .. وماجابوا سيره الميلاد ابد .. بعد ماكلوا الكيكه .. اكل تفرق .. الي على جهازه .. والي الحمام ( اعزكم الله ) . في غرفه من الغرفـــ كانت شوق وهند ..
يسولفون .. فجاه قالت هند بهمس خايف : توقعي وش جايبه معي ؟
شوق بخوف : وش جايبه .. ياهبلا
طلعت هند من جيبها علبه سجاير
شهقت شوق بقوه .. وهند حطت يدها على فهمها بعصبيه .. : انثبري لايسمعون
شوق واهي تضرب صدرها بخوف وراحت تشوف الباب فيه احد .. بس تطمنت لانهم بمكان معزول عن جلستهم .: يالهبلااا .. وش ذاا .. ناويه يكشفونك
تنهد هند بملل : شسوي ياخي . ادمنت .. بس بولع وحده
اخذت وحده وولعتها .. وشربت منها شوي
وبعدها شوق .. الي تشرب بس مو بكثر هند .. سمعوا صوت رنا واهي تضحك .. شهقوا بخوف واهم يرمون السجاره على الارض . والي كانت تقريبا الاستراح كلها مافيها بلاط .. كله سجاد على الارض .. بسرعه خرجوا من الغرفه ينحاشون
عند البنات قالت ريهاف بنعاس وبتموت من النوم : بنااات ابي الننوم انا
قالت رنا قومي نامي . في غرفه على يدك اليسار فيها سرير .. حطي راسك ونامي
ريهاف وهي تتثاوب : ااه اعوذذ بالله من الشيطان .. وبنص عين وعيونها تدمع من النوم .. تهقين
هزت رنا راسها بتاييد .. قامت ريهاف بدون تفاهم وراحت للغرفه ونامت



الســــــــــاعه 11:00
قالت رنا بخوف : بناات .. من الي شاب نار
ندى بعدم اهتمام : تلقينهم الاستراحه الي جنبنا مسوين باربيكيو
رنا وهي تقوم لشوق وهند الي يتهامسون قالت بخوف : بنات تشمون ريحه حريق
شوق بخوف : والله ريح ...... وماكملت جملتها الا وشهـــــــــــــقت بقوووه
ومنها هند فهمت وقامت ترجف .. وراحوا يركضون للغرفه الي يدخنون فيها وقبل لا يوصلون ...........


قدامهم بالضبط

كانو يلعبون بلوت ويسولفون .. فجاه فيصل سكت .. قال بدر : شفيك يارجال سكت
قال فيصل بهمس : اووش
قالو الشباب بصوت عالي شوي : شفيييك فصيل
صرخ فيهم فيصل وهو يحط يده على فمه : قلت اوووووووووش
سكتوا كلهم وهم يركزون وفجاه قال فيصل : تسمعون صراخ صح
هزو راسهم بالايجاب فتح بدر فمه بيجاوب .. سمعوا طق الباب .. وصوت عالي يقوول .. سااعدوووووووووناا تكفووووووون

طلعوا كلهم ويهم يرجفون فتح فيصل الباب شف مجموعه بنات واقفات يرجفوون وياله متسترين بشي الي معها سجاده . والي بطانيه متشاركين فيها 2 .. قتح قمه فيصصل بيجاوب بس انصــــــــدم وهو يـــــــشوف الاستراحه النار واصل لعند البااااااب


انتهى البااااارت
توقعاااااااتكم ياحلويييييييين






  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 28-08-2012, 11:31 PM
صورة الـــجــازي الرمزية
الـــجــازي الـــجــازي غير متصل
©؛°¨غرامي مجتهد¨°؛©
 
الافتراضي رد: روايه هذا احساسي الجديد / بقلمي


تكفووون لا تخيبون ظني فيكم .. وان شاءالله يعجبكم البارت .. صحيح قصير بس كتبته لاجلكم

ودي (=



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 28-08-2012, 11:57 PM
صورة أحاسيس _أنثى الرمزية
أحاسيس _أنثى أحاسيس _أنثى غير متصل
©؛°¨غرامي متألق ¨°؛©
 
الافتراضي رد: روايه هذا احساسي الجديد / بقلمي


بددداااايه أكثر من روعه أسلوب اللي استخدمتيه بالمقدمه يجنن .. بس حبيبتي ماابيلك الشي اللي انا للحين ندمانه عليه ... فروايتي وهوه حجم الخط ياابعد قلبي .. كبريه والسرد اكثر بالشخصياات .. ادمنت ادمنت المقددمه مميزة مااشاء الله .. واحساسك خياااااااااااااال حبييت شخصيه رنا .. والعنود يبيلها قرص ... وفيصل يجنن حييل ... لبى قلمك واحساسك استمري ولا يحطمك شي .... ومن تالق لتالق ياارب .. وبانتظار القادم ... حبيبتي انتي ..


أحاسيس _أنثى



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 29-08-2012, 12:02 AM
صورة الـــجــازي الرمزية
الـــجــازي الـــجــازي غير متصل
©؛°¨غرامي مجتهد¨°؛©
 
الافتراضي رد: روايه هذا احساسي الجديد / بقلمي


اقتباس:
المشاركة الأساسية كتبها أحاسيس _أنثى مشاهدة المشاركة
بددداااايه أكثر من روعه أسلوب اللي استخدمتيه بالمقدمه يجنن .. بس حبيبتي ماابيلك الشي اللي انا للحين ندمانه عليه ... فروايتي وهوه حجم الخط ياابعد قلبي .. كبريه والسرد اكثر بالشخصياات .. ادمنت ادمنت المقددمه مميزة مااشاء الله .. واحساسك خياااااااااااااال حبييت شخصيه رنا .. والعنود يبيلها قرص ... وفيصل يجنن حييل ... لبى قلمك واحساسك استمري ولا يحطمك شي .... ومن تالق لتالق ياارب .. وبانتظار القادم ... حبيبتي انتي ..


أحاسيس _أنثى

هلا وغلا بالغلا كله .. يابعد عمري تسلمين على ردك الذوق .. وبالنسبه للخط من مشوي وانا احاول اكبره .. بس الحمدلله زبط .. وان شاءالله البارت الجاي راح اكبره .. وتسلمين على ردك ريحتيني .. والعنود اتفق معاك صراحه ^^ يبيلها ضرب لاخلا ولا عدم يالغلا



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 29-08-2012, 02:56 AM
صورة الـــجــازي الرمزية
الـــجــازي الـــجــازي غير متصل
©؛°¨غرامي مجتهد¨°؛©
 
الافتراضي رد: روايه هذا احساسي الجديد / بقلمي


سلااااااام وعلييييكم

اخباركم .. ان شاءالله البارت الجاي راح ينزل يوم الخميس باذذن االي ماتنام عينه . وتصبحون على خير

ودي (=



الإشارات المرجعية

رواية قد قالوا العاشق خفوقه دليله وأنا خفوقي طاح في كف يمناك

الوسوم
انا خفوقي , بقلمي , خفوقي , روايه , في كف يمناك , طاح في كف يمناك , قالو العاشق
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
من يحبك كثر ما أحبك أنا ؟ / كاملة فديت دلعي روايات كامله - يتم نقل الرواية هنا بعد اكتمالها 92 15-09-2014 07:15 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
كتاب تحفة العروسين الصوت الحر الحياة الزوجية - الحمل - مشاكل الزواج - خاص بالمتزوجين 23 15-03-2010 08:10 PM
أختر سؤال وجاوب عليه بصراحه؟ UMWEASM ارشيف غرام 19 27-02-2009 08:23 AM

الساعة الآن +3: 06:25 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم