اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 221
قديم(ـة) 30-11-2012, 01:28 AM
صورة A7KY BHMSK الرمزية
A7KY BHMSK A7KY BHMSK غير متصل
©؛°¨غرامي مشارك¨°؛©
 
الافتراضي رد: أحبها حب أكثر من حب قيس لليلى / بقلمي


الــــــــــبـــــــــارت الــــــــعــــــــاشـــــــــر

الساعة 10 الصبح
في بيت ابو نايف
رهف كانت نايمه ودخلت عليها هنوف وهي تركض وراحت تصحيها
هنوف : رررهف ررررهههف رررررهفففف
رهف قامت خايفه : وشووو ؟؟ وش فيكم ؟
هنوف : نايف جااا
رهف : اماااااااانه ؟؟؟؟
هنوف : واللللله هو برا جالس بالصاله
رهف : متى جا ؟ وليه ماعلموني
هنوف : كنتي نايمه ورحت انا وبابا وماما عشان نطلعه من المستشفى
رهف : اوك خلاص اطلعي انا بجي الحين
هنوف : طيب
وطلعت هنوف ورهف قامت ودخلت دورة المياه
----------------------------------------
في بيت ابو عبدالعزيز
الكل نايم ومحد قايم الا ريوف وتولين كالعادة وطفشانين وجالسين بالغرفة
تولين : ريووف
ريوف : هاه
تولين : احنا وش مصحينا الصبح ؟ ياليتني ماقمت
ريوف : من جد طففشش
تولين : حتى التلفزيون مافيه شي يونس
ريوف : اممممم خلينا نفكر وش نسوي ؟
تولين : امممم والله مدري مافي مخي أي فكره
ريوف : اييوووه لقيتها
تولين : وشي ؟
ريوف : جيبي اللاب
تولين : ليه ؟
ريوف : جيبيه وتعرفين
تولين : طيب
وجابت اللاب وحطته على السرير وجلست جمب ريوف
تولين : وش بتسوين ؟
ريوف : عندي فكره حلوه
تولين : قوليها
ريوف : وش رايك ندخل على موقع الخطوط السعودية ونحجز
تولين : مو بابا يقول انه بيروح مع عماني وبيحجزون بالمكتب ؟
ريوف : ايه عارفه ياغبيه انا ما اقصد جده
تولين : اجل وش قصدك ؟
ريوف : نحجز لشخصين انا وانتي
تولين استغربت : وييين ؟؟؟
ريوف : اندونيسيا
تولين : ههههههههههههههههههههه مجنونه انتي ؟
ريوف : هههههههههههههه والله حلوه الفكره
تولين : لالا وين والله يعصبون علينا
ريوف : عادي ماراح ندفع شي
تولين : طيب بيطلبون بيانات ورقم جوال وايميل
ريوف : نحط جوال عبدالعزيز
تولين : هههههههههههههههه انتي تبينا ننذبح ؟
ريوف : ههههههههههههههههههه عادي خليه عشان يرسلون على جواله واذا جا وسألنا نقول له اكتشفنا احنا مو اخواتك .. اهلنا في اندونيسيا
تولين : هههههههههههههههههههههه اوك خلاص ونسوي مسلسل عليه
ريوف : هههههههههههههههههههههه يلا تحمست
وفتحوا اللاب ودخلوا على الموقع ونفذوا خطتهم
-------------------------------------
في بيت ابو سارة
كلهم كانوا قايمين وبعد ماخلصوا فطور اميرة راحت الغرفة وراحت معها سارة
سارة : شفتي نايف طلع من المستشفى ؟
اميرة : اوماا وش دراك ؟
سارة : تو رهف ارسلت بالقروب نايف طلع
اميرة فتحت جوالها وشافت : ايه والله من جد
سارة : وناااسسسه يعني بنسافر بعد يومين
اميرة : من جد فللله والله احس اني متحمسه بقووه
سارة : وش رايك اليوم نطلع السوق نشتري اشياء للسفر ؟
اميرة : ايه توني بقول لك
سارة : نروح لحالنا ولا مع بنات عماني ؟
اميرة : لا احسن نطلع مع البنات
سارة : خلاص ابرسل لهم واشوف مين بيروح
اميرة : بروح اقول لماما
سارة : طيب
وطلعت اميرة وشافت ايمان طالعه من غرفتها
اميرة : وش عندك ؟
ايمان : بروح اقول شي لماما
اميرة : وش بتقولين لها ؟
ايمان : بقولها نطلع اليوم المول
اميرة : هههههههههههه حتى انا
ايمان : هههههههههههههه طيب امشي نقول لها
وراحوا عند ام سارة
اميرة : ماماا
ام سارة تناظر التلفزيون : هلا
ايمان : وش رايك نطلع اليوم المول ؟
ام سارة : وش عندكم ؟
اميرة : عشان السفرة نشتري شوي ملابس للشالية
ام سارة : ياكثر ملابسكم ماله داعي تشترون
ايمان : انا ماعندي ملابس
ام سارة : ايه مسكينه انتي ماعندك الا ملابس مقطعه
ايمان واميرة : هههههههههههههههههههههه
ام سارة : خلاص استأذنوا من ابوكم وروحوا .. بيروحون بنات عمانكم ؟
اميرة : قلنا لهم بس مابعد رد احد
ام سارة : طيب
ايمان : انتي ماراح تروحين معنا ؟
ام سارة : لا انا عندي ملابس جديدة عقب المزرعة
اميرة : اوك طيب وين بابا ؟
ام سارة : تحت بالحوش
اميرة : بروح واقول له
ونزلت ايمان واميرة تحت في الحوش وشافوا ابو سارة يرتب الأدوات حقت المخزن
اميرة : بابا
ابو سارة : سمي
ايمان : سم الله عدوك
اميرة : نبي نطلع اليوم المول عشان نشتري ملابس للسفر
ابو سارة : متى ؟
اميرة : اممم بعد العشاء
ابو سارة : خلاص روحوا بس لاتتأخرون
اميرة : اوكي شكرا
ابو سارة : العفو .. تبون فلوس ولا معكم ؟
اميرة : لا مايحتاج معنا
ابو سارة : طيب روحوا لاتخربون شغلي
ايمان : هههههههههههههه طيب
وراحوا فوق وقالوا لسارة وشهد ورغد
--------------------------------
في بيت ابو نايف
رهف طلعت للصالة وشافت نايف يفطر
رهف : ناااااااايييففف
نايف : هلا والله
رهف راحت تسلم عليه
رهف : خير ليه ماعلمتوني ؟
نايف : احسن تستاهلين
رهف : ههههههههههههههه اكيد انت قلت لهم
نايف : ايه انا ههههههههههههههههه
رهف : واخيرا جيت البيت مابغيت
نايف : والله اشتقت لبيتنا ولغرفتي
رهف : الله وش هالفطور ماما اكيد مصلحته
نايف : ايه تقول لازم اصلح لك احلى فطور ههههههههههههه
رهف : ههههههههههههه طيب وخر باكل معك
نايف : حقي لا تاكلين
رهف : مو على كيفك
نايف سحب شعر رهف بقوه
رهف : ااااااااااييي وش فيك انت ياخي ابي اكل جوعانه
نايف : ههههههههههههههههه انتي بتخلصينه علي
رهف : احسن تستاهل ههههههههههههه
رهف : المهم الحين كيف الجرح
نايف : الحمدلله يوم عن يوم يتحسن
رهف : تحس بألم ؟
نايف : لا
رهف : اهاا حلو يعني تقدر تسوق سيارة ؟
نايف : ههههههههههههههه اهاا تبين تطلعين يعني السؤال موعشاني
رهف : ههههههههههههههههههه لالا والله بس اسأل تقدر تسوق
نايف : لا ما اقدر توني طالع بسم الله
رهف : طيب انت تقول ماتحس بألم
نايف : انا اقول ما احس بألم بس مو معناته انطط واسوق وارقص
رهف : هههههههههههههه طيب يمه كلتني
نايف : وش عندك وين تبين تروحين ؟
رهف : البنات بيطلعون المول عشان بيشترون ملابس للسفر
نايف : بتروحين ؟
رهف : ايه ابي اروح بس حضرتك ماتقدر تسوق
نايف : هههههههههههههه روحي مع السواق
رهف : السواق ذا ماخذ اجازه من بابا ولد الأمير هههههههههههههههه
نايف : مدلع ذا الأنسان .. طيب روحي مع ابوي
رهف : بابا مشغول اليوم بيروح عشان الحجز
نايف : خلاص اجل قولي لأي وحده تمرك
رهف : طيب بقول لهم
وقامت رهف بتروح لغرفتها وقبل ماتمشي ناداها نايف
نايف : رهف
رهف لفت : نعم
نايف : بتروح معكم رزان ؟
رهف : ههههههههههههههه ليش ؟
نايف : اسأل
رهف : مدري عنها
وراحت غرفتها
وارسلت للبنات " بنات مافيه احد بيوديني اللي تقدر تمرني تعطيني خبر "
وردوا عليها بنات ابو سارة يقولون أن سيارة السواق صغيره وماتكفي
ومها بتمر رزان وشوق وتولين وريوف بسواقهم
وحصه تقول مافيه احد يوديها عشان خاد ومشعل طالعين مع بعض بيمرون احد من العيال
رهف : ياربييه كلهم بيروحون الا انا
راحت رهف لأم نايف
رهف : مااماا
ام نايف : هلا وش فيك ؟
رهف : ابي اروح المول مع البنات
ام نايف : روحي طيب
رهف : مين يوديني ؟
ام نايف : ابوك
رهف : بابا مشغول اليوم
ام نايف : خلاص قولي لأي وحده من بنات عمانك
رهف : مافيه احد كلهم زحمه
ام نايف : طيب لازم تروحين انتي ؟
رهف : ايه ابي اشتري شوي اغراض
ام نايف : تبين اقول لعيال عمك ابو سعود ؟
رهف : لا وين تخيلي ههههههههههههه
ام نايف : طيب وش اسوي لك
رهف : خلاص بشوف البنات ثانيه
ام نايف : طيب



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 222
قديم(ـة) 30-11-2012, 01:29 AM
صورة A7KY BHMSK الرمزية
A7KY BHMSK A7KY BHMSK غير متصل
©؛°¨غرامي مشارك¨°؛©
 
الافتراضي رد: أحبها حب أكثر من حب قيس لليلى / بقلمي


----------------------------------
صارت الساعة 6 المساء
في بيت ابو عبدالعزيز
جهزوا تولين وريوف وخلصوا ولبسوا عباياتهم وجلسوا بالصالة ينتظرون مها تمرهم
ام عبدالعزيز : جيبوا لي معكم مسكرة حقت ماكس اللي عندي خلصت
تولين : حقت ريميل احسن من ماكس
ام عبدالعزيز : لالا ماحب ريميل تلصق
ريوف : طيب تبين شي ثاني
ام عبدالعزيز : لا حبيبتي بس اهم شي تنتبهون لأنفسكم وماتتأخرون
ريوف وتولين : أن شاءالله
واتصلت مها على ريوف وقالت لها انها عند الباب
ريوف : يلا جت مها
تولين : اوك
ولبسوا الشوز وخذوا شناطهم
تولين وريوف وهم طالعين : باي ماما
ام عبدالعزيز : مع السلامة
وطلعوا وركبوا السيارة
ريوف : اهليين مهاوي حبيبة البي
مها : اقول لايكثر واركبي بس
تولين : هههههههههههههه وش فيها ذي
مها : متى تكبرون انتم ؟
ريوف : بكره أن شاءالله
مها : احمدوا ربكم مريتكم ورحمتكم
تولين وريوف : الحمدلله
مها تكلم السواق : آدي الحين روح بيت ابو محمد
آدي : اوكي مدام
تولين : احلى يامدام
مها : اسكتي ولا يكثر
ريوف وتولين : ههههههههههههههههههه
----------------------------
في بيت ابو سعود
راكان واحمد كانوا يتجهزون بيطلعون
ابو سعود دخل غرفة احمد
ابو سعود : ماشاءالله وش هالكشخه على وين ؟
احمد : هلا والله يبه بنروح نتمشى شوي
ابو سعود : وين ؟
راكان : مدري مابعد حددنا
ابو سعود : المهم لا تتأخرون
راكان واحمد : ابشر
ابو سعود : انا بروح مع عمكم ابو نايف نحجز
راكان : حركااات الله يقويكم
ابو سعود : انتم هالأثنين بالذات بنخلي مقاعدكم فوق لحالكم عشان ماتزعجون خلق الله
احمد : ههههههههههههههههههه والله تسويها يبه
راكان : هههههههههههههه لالا لاتخاف بنهجد
ابو سعود : يلا فمان الله
راكان واحمد : مع السلامه
وطلع ابوهم وراح
احمد : راكان
راكان : هاه
احمد : وش رايك ناخذ سعود معنا
راكان : امااا سعود هههههههههههههه
احمد : نجرب
راكان : اخاف يجلدنا بس
احمد : لا عادي هههههههههههههههه
راكان : يلا امش قدام
وراحوا احمد وراكان عند غرفة سعود وطقوا الباب بس محد جاوب
راكان : وينه ذا ؟
احمد : مدري
راكان يناديه : سسسعوووود
بس محد جاوب
راكان فتح الباب ودخل هو واحمد .. كانت الغرفه هااااديه وباااارررده والأضاءه هاديه مرره وشافوا السرير مرتب وراحوا وشافوا باب الحمام مفتوح ومافيه احد
راكان : وينه ؟
احمد : تعال نشوف الجهه الثانيه
كانت غرفة سعود كبيره وفيها جهتين .. جهه عند الباب وفيها السرير والدولاب .. الخ .. والجهه الثانيه كلها مثل المكتبه وكتب كثيييررره وفيها جلسة وكنب وطاولة للقراءه
وراحوا للجهه الثانيه
وشافوا سعود جالس وحاط راسه على الطاولة ونايم وكان فاتح كتاب
احمد : ليه نايم كذا !!
راكان قعد يصحي سعود
راكان بهدوء : سعوود
احمد نفس النبره : سعووود
سعود فتح عيونه : وش تبون
راكان : وش فيك نايم كذا ؟
سعود على نفس وضعيته : مانمت بس غفيت
احمد : جينا نقول لك شي
سعود رفع راسه : وشو ؟
راكان بأبتسامه بريئه : نبيك تطلع معنا
احمد : ايه
سعود يدلك راسه بتعب : مالي خلق
احمد : يالله سعود اطلع ياخي طول وقتك بالغرفه ماقد طلعت منها
سعود : اقولكم مالي خلق خلاص اطلعوا ومره ثانيه لاتدخلون الا لما اقول لكم ادخلوا
راكان : طيب بكيفك
وطلعوا احمد وراكان
راكان : قايل لك
احمد : ياخي غريب ذا الأنسان جوه كئيب
راكان : امش بس بكيفه
احمد : يلا مشينا
--------------------------------------
في بيت ابو محمد
رزان : شوووووووق يلاااا مها تنتظرنا تحت
شوق : جت ؟؟
رزان : اييه جت بسسرعه يلا
ام محمد دخلت الغرفة : رزان يلا مها تنتظركم تحت
رزان : شوق ساعه ماخلصت
ام محمد : وينها الحين ؟
رزان : في غرفتها
ام محمد راحت لغرفة شوق : شووووق خلصي بسسرعه مها تحت
شوق طلعت من الغرفه : خلاص خلصت
رزان : يلا امشي
شوق : تبين شي ماما ؟
ام محمد : لالا مابي شي سلامتكم
رزان وشوق : الله يسلمك
وراحوا تحت وطلعوا برا وركبوا السيارة
مها : وينكم ساعه ؟
رزان : سوري ياقلبي بس شوق الغبيه اخرتنا
شوق : وش اسوي غصب عني
مها : شوق ذي يبيلها تنجلد
ريوف : هههههههههههههههه ماتصير شوق اذا ما تأخرت
تولين : من جد هههههههههههههه
مها تكلم السواق : آدي خلاص الحين روح بانوراما
آدي : اوكي
رزان رن جوالها وشافت المتصل اميرة
رزان : اميره دقت
الكل : ردي
رزان ردت : هلا اميرة
اميرة : اهلين وينكم ؟
رزان : بالطريق جايين
اميرة : يوووه مطولين يعني ؟
رزان : لالا خلاص كلنا اكتملنا
اميرة : يلا ترى احنا وصلنا
رزان : اوكي .. باي
مها : وش عندها ؟
رزان : تقول وصلوا
----------------------------------
في بيت ابو خالد
حصه اتصلت على خالد عشان تحاول معه
خالد : هلا
حصه : اهلين خالد
خالد : وش عندك ؟
حصه : ابي اروح السوق مع البنات والله مره محتاجته كلهم راحوا
خالد : طيب انا معزوم انا ومشعل مانقدر نجي
حصه : انتم وينكم الحين ؟
خالد : واقفين عند الكواي عشان يكوي غترتي
حصه : طيب اذا خلصتوا تعالوا خذوني انا ورهف وودونا على طول المول وروحوا
خالد : رهف ؟
حصه : ايه رهف
خالد بأستغراب : ماراحت ؟ ؟؟
حصه : لا ماراحت هي نفس حالتي مافيه احد يوديها
خالد : الله يهديك بس ليه ماقلتي لي من اول
حصه : تستهبل ؟؟ من اليوم وانا اقولك ابي اروح
خالد : لا من جد يعني مالك داعي المفروض قلتي لي من اول واجي طيرااان
حصه بأستغراب : خالد انا قلت لك من زمان اني ابي اروح
خالد : ياغبييه انا ما اقصدك .. اقصد ماقلتي لي أن رهف ماعندها احد يوديها
حصه : لا اله الااا اللله !!!! وانا من اليوم اقولك ودني وتقول معزوم الحين صرت فاضي
خالد : لعيونها افضى والله ولعيونها اسحب على العزيمه وراعي العزيمه بعد جايك يابعد عمري جايك
حصه : سبحااان الله انقلب 180 درجه من قلت له رهف .. انا ماقلنا اسحب على العزيمه قلنا ودنا بس
خالد : بوديك افا عليك .. المهم قولي لها لحد يوصلها بجي انا ومشعل ونمرها
حصه : ياليتني من اول قلت لك رهف .. المهم لا تتأخر
خالد : يلا بجي الحين
حصه : ومشعل وينه ؟
خالد : جوا المحل قلت له اذا خلصت الغتره جبها
حصه : اهاا طيب يلا مع السلامه
وسكر الجوال وجا مشعل معه الغتره
مشعل : امسك غترتك
خالد لبسها وتكشخ فيها
خالد : يلا اركب بسرعه بنمر حصه ورهف نوديهم السوق
مشعل : اوماااا !!!
خالد : والله
مشعل : ماراحت رهف ؟
خالد : لا ماراحت
مشعل : طيب يلا مشينا



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 223
قديم(ـة) 30-11-2012, 01:31 AM
صورة A7KY BHMSK الرمزية
A7KY BHMSK A7KY BHMSK غير متصل
©؛°¨غرامي مشارك¨°؛©
 
الافتراضي رد: أحبها حب أكثر من حب قيس لليلى / بقلمي


--------------------------------
في بيت ابو نايف
اتصلت حصه على رهف وقالت لها بيمرونها
رهف : لالا حصه والله احراج لو سواق عادي بس اخوانك كلهم
حصه : رهييف وقسم بالله لأزعل عليك .. خالد ماصدق على الله قلت له رهف ماراحت وانهبل يقول ليه ماعلمتيني من اول
رهف : حصه تكفين والله احراج اركب معكم
حصه : دايم تركبين معنا جت على الحين يعني ؟
رهف : اول غير والحين غير
حصه : رهف تكفين والله مالك داعي وشذا انتي من اليوم تبين تروحين السوق والحين يوم جتك الفرصه قلتي لا
رهف : حصه حبيبتي ما اقدر صعبه والله
حصه : افف خلاص بكيفك يلا باي
رهف : الوو حصه .. لحظظه
رهف : اففف قفلت الجوال اكيد زعلت
----------------------------------------
في بيت ابو خالد
خالد ومشعل واقفين عند البيت ويتنظرون حصه
حصه نزلت وركبت السيارة
حصه : السلام عليكم
مشعل وخالد : وعليكم السلام
حصه في نفسها : يااربيه وش اقول لخالد الحين اقول رهف ماتبي ؟ بيقول انتي اكيد تكذبين علي افففف يارهف ليه كذا
خالد : حصه وش فيك ؟
حصه : اممم خالد بقولك شي
خالد : وشو
فجأه رن جوال حصه وشافت المتصل رهف
ردت على طول : هلا رهف
رهف : اهلين حصه .. وش فيك زعلتي علي ؟
حصه : ايه
رهف : خلاص انا اسفه مروني انا جهزت الحين
حصه بففرح : من جججدك ؟؟؟
رهف : ايه
حصه : يازيينك والله اخيرا مابغيتي يلا احنا بالسيارة الحين بنمرك
رهف : اوك انتظركم .. باي
حصه في نفسها : اشوووا اتصلت في وقتها
خالد : حصه وش كنتي بتقولين لي ؟
حصه : لا ولاشي بس كنت بقول انك احسن اخو بالعالم
خالد : ههههههههههههههه نصابه
مشعل : هههههههههههههههههه
حصه : المهم عجلوا لا نتأخر على البنت
مشعل طاير من الونااسه : من جد
خالد ناظر مشعل : هههههههههههههه وش فيك كأن احد كاب في وجهك مويه
مشعل : اومااا وجهي خايس ؟؟؟
خالد : ههههههههههههههه ايه
مشعل : امانه حصه وجهي غلط ؟؟
حصه : لا عادي ليه ؟
مشعل : اشوواا
خالد : هههههههههههههههه
حصه : حركات وش هالكشخه كلكم مرسمين
خالد : عشان العزيمه
حصه : من ذا اللي عازمكم ؟
خالد : واحد اعرفه
مشعل : وانا اعرفه هههههههههههههه
حصه : هههههههههههههههه
ووصلوا عند بيت ابو نايف
مشعل : يلا اتصلي عليها
حصه : طيب
واتصلت على رهف وقالت لها يالله احنا عند الباب
نزلت رهف وركبت وهي ودها تنشق الأرض وتبلعها من الأحراج
رهف : السلام عليكم
خالد ومشعل وحصه : وعليكم السلام
مشعل مبسوط : هلا ببنت عمي كيفك ؟
رهف : الحمدلله تمام
مشعل في نفسه : يالبييه
خالد طول الوقت مبتسم وكل شوي يطالع المرايه ويشوفها
وطول الطريق هدوء وخالد حب يفتح سالفه
خالد : الا ماقلتي لي رهف شخبارك ؟
رهف منحرجه وقلبها يدق بسرعه : الحمدلله بخير وانت كيفك ؟
خالد مبتسم : انا ؟ مره مبسوط والحمدلله
رهف ابتسمت
حصه تهمس لرهف : احلللىى يسأل عن اخبارك
رهف منحرجه : لايكثر بس
خالد : احم ايه صح حصه بتروحون أي سوق ماقلتي لي
حصه : تستهبل قايله لك بس شكل فيك زهايمر تنسى هالأيام
رهف تضحك بهدوء
خالد في نفسه : يقلع ابو الأحراججج
خالد : لا ماقلتي لي اخلصي بس أي مول ؟
حصه تتنهد : بانوراما
خالد : اهاا .. طيب
مشعل : تبون نشغل لكم شي ؟
حصه : اممم ايه شغلوا شي لفهد الكبيسي عشان رهف تحب اغانيه
غمزت حصه لرهف ورهف ميته من الأحراج
مشعل : يالبى فهد الكبيسي حتى انا احبه
خالد : عندي سيديات كثيره طبي وتخيري
وعطاها السيديات
وشافت اللي فيه .. فيه فهد الكبيسي و عبدالمجيد عبدالله و رابح صقر و وليد الشامي و صلاح الزدجالي وسيدي مكتوب عليه ( For my love ) وسيدي ثاني منوع
رهف شافت السيدي اللي مكتوب عليه "إلى حبي" وضاق صدرها وانصدمت وسكتت وطلعت سي دي المنوع
خالد : وش قررتوا عليه ؟
حصه : مدري رهف ساعه تختار
خالد : فيه اغاني منوعه عبدالمجيد وفهد الكبيسي ووليد الشامي ورابح ووالخ.. اختاروا اللي تبون
رهف : اوك منوع اجل
خالد : من عيوني
رهف تضايقت مره
وشغلو منوع واول اغنيه جت لبلقيس ياهوى
وكانوا طول الطريق ساكتين ومشغلين الأغاني
ووصلوا للسوق
خالد : يلا انتبهوا لأنفسكم
رهف نزلت على طول .. وخالد لاحظها
خالد : وش فيها ؟
حصه : مدري خلاص يلا باي
ونزلت حصه وراحت مع رهف
____________________
في بانوراما
اميرة : اقول سارة رهف وحصه بيجون ولالا
سارة : ايه تقوله
اميرة : وينهم تأخرو اهم ومها سحبوا
سارة : هههههههههههههههه من جد اصبري ادق على حصه اول
اميرة : اوك يلا
دقت سارة
حصه : هلا
سارة : وينكم الساعه 8 ونص وانتو توكم
حصه : وشوو زعاج ما اسمع
سارة : اقوول ويينكم ؟؟
حصه : في بانوراما انتو وين
سارة : تعالي احنا في بيرشيكا
حصه : طيب طيب يلا باي
سارة : هههههههههههههههههه خرشه هالحصه
ودقت على مها
مها : اهلين
سارة : اهلا وينكم ؟
مها : في زارا
سارة : مشاءالله تتمشون وحنا نحتريكم من سنة جدي
مها : هههههههههههههه وش اسوي ريوف وتولين نشبو الا ندخله
سارة : طيب تعالو لنا في بيرشيكا مو تطولون عاد
مها طيب طيب احنا نحاسب الحين
سارة : ههههههههههه يلا بسرعه
مها : يلا باي
سارة : باي
اميرة : هاه وش يقولون
سارة : حصه توها جايه ومها في زارا تقول ريوف وتولين يبونه ويحاسبون بعد يعني شروا
اميرة : ههههههههههههههههه عاد ريوف وتولين تلقينهم قشوا المحل
سارة : ههههههههههههه من جد
شوي شافو حصه ورهف جايين
ايمان : مو كأن ذولي رهف وحصه ولا انا غلطانه
سارة : الا الا هم
واشرت لهم
وجوهم
رهف : اهليين
وسلمو عليهم حصه وهي ماده يدها لشهد تسلم
وشهد في عالم آخر في قزها
حصه : شههدد هييه ياهوووه
شهد : نععم
حصه : سلمي
شهد : سلمت خلاص
حصه : وش فيك نفسيه
شهد : يختي خربتي علي عالمي
حصه : ههههههههههههههههه أي عالم بعد
ايمان ورهف واميرة وسارة : ههههههههههههههههههههه
رغد : سارة
سارة : هلا
رغد : خلاص
سارة : حمدلله والشكر
رغد : حصه حصه
حصه : سمي ؟
رغد : خلاص
حصه : ههههههههههههههه وش تحسين به
رغد : رهوفه
رهف : وشو
رغد : خلاص خلاص
ايمان : خلاص عاد بلا بثاره
رغد : كلمتك انا كلمتك استغفرالله
شهد : بدت بالبثاره الله يعينا عليك
حصه : يلا خلونا نتوزع
تولين : يلا انا وريوف وشهد وايمان وشوق بنروح
حصه : وانا ورهف
مها : انا ورزان واميرة وسارة
رغد : وانا ؟
مها : روحي مع اخواتك الله يعافيك
رغد : طيب
وتوزعوا والكل راح من جهه
------------------------------------
في محل زارا
حصه ورهف كانوا يتفرجون على الملابس وساكتين
حصه : رهوف
رهف تتفرج على الملابس : هلا
حصه : وش فيك ؟
رهف : مافيني شي
حصه : الا فيك شي من نزلنا وانتي متغيره
رهف : لالا يتهيأ لك
حصه : ررهف انا شفتك لما نزلتي من السياره بسرعه وحسيت فيك شي
رهف : عشاني كنت مستعجله
حصه : وش مستعجله عليه ؟
رهف : لأننا جايين متأخرين ويمكن مايكفي الوقت
حصه : اممم ترى حتى خالد لاحظ عليك
رهف تذكرت السيدي وتنرفزت : حصصصه خلااص عاد خلينا نتفرج
حصه : ليش معصبه طيب بسم الله
جا الموظف حق زارا : مرحبا تفضلوا
رهف : ممكن تعطيني من هذي مقاس ميديام
الموظف : ابشري
------------------------------
في محل وجوه
مها : اممم لا عطني غيره لو سمحت
الموظف : اوكي فيه عطور ثانيه هنا تعالي شوفي
رزان : مها خلصتي عطورهم
مها : خلاص اخر عطر ونطلع
اميرة : شوفوا وش رايكم بكريم اساس هذا ؟
سارة : حلو مرره
مها : ايه يجنن خذيلي معك
رزان : اخلصوا ابي اشتري ملابس
البنات : يلا
مها : خلاص لو سمحت عطني العطر هذا
الموظف : اوكي
---------------------------------
في محل تيرانوفا
شوق : الللله مررره حلو التي شيرت كيوووت
ريوف : وععع
تولين : ههههههههههههههه شوق وشذا
شوق : حرام عليكم يجنن
ايمان : شوق ترى ماتوا اللي يشترون كذا
شهد : من جد
شوق : اقول ماعلي منكم باخذه
تولين : بنات وش رايكم بالشورت هذا ؟ اباخذه عشان الشاليه
شهد : ايه حلو
ايمان راحت تجرب القبعات حقتهم
ايمان : اللله حلوووه مره للبحر
شهد : ايه خذيها
ريوف : انتم تصرفون الفلوس على شي مايستاهل
تولين : ترى لنا ساعه في ذا المحل بسرعه
شهد : من جد
شوق : يلا تعالوا نحاسب
وراحوا يحاسبون عند مصري
المصري : الله أيه دي الحلاوه كلها
شوق : وش يبي ذا بعد
ريوف : هههههههههههههههههههههههههههه
المصري : ههههههههههههه في ايه ؟
ايمان : ذا السبيكه يضحك ههههههههههههههههههه
تولين : اخلص حاسب بسرعه
المصري : حاضر يا ستي
وحاسبوا وطلعوا



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 224
قديم(ـة) 30-11-2012, 01:32 AM
صورة A7KY BHMSK الرمزية
A7KY BHMSK A7KY BHMSK غير متصل
©؛°¨غرامي مشارك¨°؛©
 
الافتراضي رد: أحبها حب أكثر من حب قيس لليلى / بقلمي


---------------------------------------
في محل زارا
رهف : خلصتي ؟
حصه : ايه خلصت وانتي ؟
رهف : ايه
حصه : يلا تعالي نروح محل اكسسواريز
رهف : اوك
حصه : ررهف تكفين علميني وش فيك
رهف : حصه خلاص الله يخليك لاتحنين على راسي
حصه : ما ارتاح اذا شفتك كذا زعلانه
رهف : بقولك بس مو الحين اذا رجعت
حصه : طيب خلاص بصبر الله يصبرني
وهم كانوا ماشين شافوا مثل الحمله عن مرض السكر للأطفال ومتجمعين عنده الناس
رهف : وش فيه ؟
حصه : مدري شي مرض السكر اتوقع
رهف : تعالي نشوف
وراحوا يشوفون ويتفرجون عليهم
رهف تحب هذي الأشياء اللي فيها طب وامراض .. وراحت تستكشف
حصه : ياربييه ذي متى تخلص عاد
رهف : اصبري بس
حصه : انا بروح الدو اذا خلصتي بتلقيني هناك
رهف : اوك
وشافت رهف مثل المجسم لأنسان وعجبها وراحت تتفرج عليه .. واحد من الأطباء شافها وجا عندها
الطبيب : مرحبا .. حابه تعرفين شي ؟
رهف : انتوا حملتكم عن مرض السكر صح ؟
الطبيب : ايه
رهف : ممكن تعطيني معلومات عن المرض
الطبيب : اكيد من عيوني .. اولا مرض السكر هو مرض مزمن واعراضه ارتفاع عالي في مستوى السكر في الدم لأن البنكرياس ماتقدر تفرز الأنسولين
رهف : اهاا حلو .. طيب كيف اعرف أن الشخص فيه مرض السكر
وجا 2 من الأطباء عندهم يشوفون وش يتكلمون عنه
وكلهم تحمسوا مع رهف
الطبيب 1 : يكون الشخص عطشه كثير وينقص وزنه ويكون مجهد كثير
الطبيب 2 : وحتى يصير فيه استفراغ كثير الله يكرمك ويصاحبه الم في البطن ودوخه
رهف : طيب ايش الأشياء اللي لازم يسويها مريض السكر ؟
الطبيب الثالث والطبيب الأول كلهم تكلموا بنفس اللحظه : اول شي ..
رهف : ههههههههههههه
الطبيب الثالث : هههههههههه معليش بس جا دوري
الطبيب الأول : تفضل
الطبيب 3 : اول شي لازم يمارسون الرياضه بشكل مستمر لأن الرياضه مهمه كثير وتحسن الدوره الدمويه وتمنع مستوى السكر من الأرتفاع والشي الثاني لازم ينتبهون للأكل مايكون حالي كثير
الطبيب 2 : اختي انتي معاك السكر ؟
رهف : لالا بس استفسر
الطبيب 1 : بعيد الشر عنك .. تفضلي اسألي باللي تبين
رهف : شكرا بس كل المعلومات اللي بغيتها عطيتوني .. انتم اطباء امتياز صح ؟
الأطباء : ايه
رهف همست لنفسها : عقبال ما اصير مثلكم
الطبيب 3 : امين يارب
رهف استغربت شلون سمعها وضحكت
الطبيب 1 : ترى مجال الطب ممتع مره انصحك فيه .. انتي دخلتي الجامعه ؟
رهف : ايه بس لسه ماتخصصت ادرس سنه تحضيريه .. افكر ادرس طب لأني حبيت المجال مره .. صعب ولا الناس مستصعبته ؟
الطبيب 2 : شوفي هو عن صعب صعب صراحه .. بس يبيله طولة بال وصبر
الطبيب 3 : اذا من جد حابه المجال مافيه شي بيصعب عليك
الطبيب 1 : صدقيني بيعجبك مرره بس دراسته مكثفه وكثيره وكلها اشياء تفصيليه عن جسم الأنسان
رهف حست انهم شوي ويفلونها ويسولفون عن قصص حياتهم
رهف : اهاا طيب مشكورين والله يوفق الكل
الأطباء : حياك الله
وراحت رهف محل الدو وشافت حصه تدور فيه
رهف : حصه
حصه : هلا وينك لما الحين وانتي عند ذيك الحمله السخيفه ؟
رهف : وش سخيفه بالعكس مفيده فاتك الأطباء هناك متحمسين وينصحوني بالطب
حصه : ههههههههههههههه امشي بس
--------------------------------------
صارت الساعه 12 الليل
سارة واميرة وايمان ورغد جاهم السواق وراحوا
وباقي مها وتولين وريوف ورزان وشوق ورهف وحصه
رهف : مها متى بيجي سواقكم ؟
مها : توه مكلمني يقول بالطريق
رهف : عادي اجي معكم ؟
حصه : ليش ؟؟
مها : ماراح تروحين مع حصه ؟
رهف : اممم لا بروح معكم فيه مكان ؟
حصه : رهف ليش ضيق معهم مافيه مكان تعالي معنا
رهف : لا حصه مابي اثقل عليك انتي واخوك
حصه : اخوي ؟ تقصدين خالد .. تستهبلين عادي مثل ماجيتي معنا ترجعين معنا
مها : اسفه رهوف بس والله مافيه مكان زحمه بالسيارة
رهف تنهدت : اوك خلاص بروح مع حصه
حصه همست لها : ترى انتي مو طبيعيه على فكره
مها : يلا باي بنات آدي جا
حصه ورهف : باي
وبنفس اللحظه اتصل خالد وجا
خالد بالسيارة عطرها وكشخها عشان رهف .. وغير لبسه عشان خلصت العزيمه ولبس برموده وتي شيرت
وهالمره ماجا معه مشعل لأنه مايدري أن خالد بيجيبهم
حصه ورهف ركبوا السيارة ورهف حطت راسها على ورا .. وحصه كانت جالسه جمب خالد ورهف ورا
خالد : هاه كيف السوق ؟ وش شريتوا ؟
حصه : مسوي تخفيضات على حظنا مرره فيه اشياء حلوه
خالد : وش شريتوا ؟
حصه : اممم انا شريت ملابس وبجامات واكسسوارات
ورهف كانت ساكته طول الوقت
وخالد طالعها بالمرايه وشافها حاطه راسها وكأنها مالها خلق لشي
وناظر حصه وأشر لها يعني يقول وش فيها ؟
حصه رفعت كتوفها يعني ماتدري
حصه بتلطف الجو : رهف تعبت مرره من كثرة المشي
رهف : لا ماتعبت عادي
خالد بيغير السالفه : اليوم كان فيه حمله عن السكر صح ؟
حصه : اييه شلون دريت
خالد : فيه اصحابي اطباء اعرفهم وقالوا انهم مسوين حمله اليوم
حصه بعفويه : ايييه هذوليك هم ؟؟ اللي تقول رهف عنهم .. كانوا يسولفون معها وينصحونها بالطب ومدري وشو
رهف ناظرت حصه بعصبيه وسكتت
خالد : يسولفون ؟؟
حصه خافت من نظرات رهف : لالا مو سواليف بس هي كانت تبي تسأل عن المرض وكذا
رهف كانت شوي وتجلد حصه
خالد : يعني مثل السواليف ؟
حصه : وش سواليف انت ؟
خالد : توك تقولين كانوا يسولفون تستهبلين علي انتي ؟
حصه : انا غلطت بالكلام ولا هو مو سواليف مثل ماقلت لك تسأل بس
خالد : ياسلام والله انتي كنتي معها ولا لا ؟
حصه : انا رحت محل وقلت لها انتظرك هناك
خالد : يعني يارهف كنتي لحالك ؟
رهف ساكته وماتكلمت
خالد كلم حصه : يعني كانت لحالها ؟
حصه بخوف : ايه
خالد : ماشاءالله فالتها سواليف ووناسه .. انتي رايحه تشترين ولا تسولفين مع خلق الله ؟
رهف تنرفزت وحاولت تصبر وسكتت
حصه تدخلت : خالد خلاص ماله داعي هالكلام
خالد بعصبيه : انتي اسسكتي
حصه خافت ورهف ساكته
خالد : وانتي ردي علي اكلمك انا ما اكلم جدار
رهف ساكته وماودها تنفجر
خالد بعصبيه : تحسبين الدنيا فله ووناسه رايحه تسولفين مع شباب .. اصلا من قبل ماتنزلين للسوق وانتي موعاجبتني .. الحركات هذي ما احبها .. اثرك رايحه تدورين احد تسولفين معه مو تشترين
حصه درت عن خالد انه لما يعصب يطلع كلام مايدري وش معناه .. ومايحس بنفسه
رهف عصبت ومارضت عن نفسها يتهمها بأشياء قويه
رهف بعصبيه : الله الله على التفكير .. اهنيك بصراحه على تفكيرك النظيف فعلا وضح كل شي الحين وتأكدت من كل شي ..
خالد : تأكدتي ؟ اقول اسمعي بس اتركي ذي الحركات عنك وخلك عاقله
رهف بعصبيه : ممكن تسكت ؟؟ لأنك زودتها .. صدق من قال كلن يشوف الناس بعين طبعه .. هذا انت اللي تسوي هالحركات مو انا
خالد يصارخ : ايش ايش ؟؟ وش قلتي ؟؟ تسكتيني ؟؟
رهف دمعت عيونها وقعدت تصيح : نزلني
حصه : ايش ؟
رهف تصارخ : نزلوووووننننيييي
حصه : رهف اهدي حبيبتي
رهف تصيح : نزلني الحييين بسرعه
خالد وقف السيارة بهدوء وسكت
حصه بخوف : خالد لاتوقف السيارة
خالد ساكت
رهف شالت اغراضها ونزلت وسكرت الباب بأقوى شي عندها
حصه نزلت بسرعه
حصه : رهف وين بتروحين بالليل ذا
رهف : اتركيني مالك دخل فيني اروح لجهنم انتي مالك دخل
حصه : رهف الله يهديك امشي اركبي بس
رهف : مستحيل اركب مع المتخلف هذا روحي بس
حصه وقفت تطالع رهف
رهف صرخت : روووووحي
وراحت حصه وركبت السيارة وهي تصيح
خالد مامشى
حصه تصيح : كله منك انت
خالد : لا ياشيخه الحين صرت انا السبب
حصه : حرام عليك ظلمت البنت والله ظلمتها ياخالد
خالد ماعاد صار يحس بنفسه ودعس على السيارة ومشى مسرع
ورهف صارت لحالها بالشارع واقفه تنتظر تاكسي
ومرت سيارة كلها شباب وكانوامشغلين اغاني بأعلى صوت ومسرعيين وتعدوها
رهف في نفسها : الحمدلله مابيهم ينشبون
ورجعت نفس السيارة مره ثانيه لما انتبهوا بوجودها
رهف في نفسها : ياربيييييه مو وقتهم لازم اصير قويه
ووقفت السيارة عندها
: هلا والله بالزييين
: يالبببى العيووون
: وش مخلي القمر هنا لحاله ؟؟ تعالي معنا ياحلو نوسع صدرك
رهف ساكته وتناظرهم
: اموووت انا على النظرات
: والله مضبوطه ياعيال هههههههههههههههههههههههه
كل اللي بالسيارة : من جدددد
رهف بصراخ : اقول احترم نفسك انت وياه وقسم بالله لو تدرون من انا لأوديكم ورا الشمس
: اووه ومين انتي ياعسسل ؟
: عرفينا على نفسك
رهف : والله العظيم بأتصال واحد مني لأخليكم كلكم تروحون فيها .. لا تحدوني اسويها الحين
: افااا
: شكلها بنت امير ياعيال
: تعالي بس تعالي معنا والله ماراح تندمين
رهف : يعني مصرين ؟؟
الكل : اييييه ايييه
رهف طلعت جوالها من الشنطه وسوت نفسها كأنها بتكلم احد
: اقول ياعيال شكل السالفه صدق
رهف : والله بتروحون فيها صدقوني
: هييييييه حرك حرك يبوووي بسرعه
ومشى بالسيارة بسسرعه وراحوا
رهف : اففف الحمدلله
وشافت سيارة تاكسي من بعيد واشرت له
وقرب عندها وشافت شكله طععس وشعره طوييل وخشن وحاط طاقيه مايله وثوب اصفر ومشغل اغاني كسرات ومسرعه
رهف في نفسها : ياسلام كمملت افففف
راعي التاكسي : تعااالي اركبي معايا اوصلس لبيتس واوصلس للقمر لو تبين
رهف في نفسها وعيونها مدمعه : اسستغفرالله بس انا وش صار لي





نهاية البارت العاشر

توقعاتكم :
وش بيصير مع رهف والمشكله اللي فيها ؟ بتركب مع الطعس ولا لا ؟
خالد وانفعاله الزايد وكلامه الجارح .. بيندم عليه أو لا ؟
علاقتهم بتستمر ؟؟
رهف بتسامح حصه ولا بتزعل عليها زعل قوي ؟
الأستعدادات لجده .. باقي يوم واحد على السفر وش بيصير معهم ؟



تابعوني



انا اسفه على التأخير .. ادري طولت عليك مرره من زمان مانزلت .. بس كل واحد وظروفه .. وانتم عارفين ظروف الدراسه والأختبارات والضغط اسبوعين كامله كل يوم اختبار ياليت تعذروني .. وانتظروا البارت الحادي عشر بنزله قريب أن شاءالله



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 225
قديم(ـة) 30-11-2012, 10:35 AM
صورة جُ ـنُونّ الّغُمُـوضّ الرمزية
جُ ـنُونّ الّغُمُـوضّ جُ ـنُونّ الّغُمُـوضّ غير متصل
©؛°¨غرامي مجتهد¨°؛©
 
الافتراضي رد: أحبها حب أكثر من حب قيس لليلى / بقلمي


اهلييييين باااااارت روووووووعه مرررره

توقعاتكم :
وش بيصير مع رهف والمشكله اللي فيها ؟ بتركب مع الطعس ولا لا ؟

صراحه انقهرت من خالد وش هالعصبيه حرام عليه ……اتوقع بتركب لان محد بيوديها

خالد وانفعاله الزايد وكلامه الجارح .. بيندم عليه أو لا ؟

بيندم عليه واشد الندمم

علاقتهم بتستمر ؟؟

اتووقع ان خالد بيحاول يعتذر منها لكن هي بتطنشه

رهف بتسامح حصه ولا بتزعل عليها زعل قوي ؟

مو زعل قوي بس راح تزعل منها ٣ ايام او زي كذا <شوي مره خخ> وصراحه ماتنلام

الأستعدادات لجده .. باقي يوم واحد على السفر وش بيصير معهم ؟

احس ان رهف بيضيعها هالطعس وبتصير حوووسه وخالد بيتندم وبيأجلوون السفره لين يلقون
رهف>$ لاا عااد تحسييين تكفييين خخخخ

ومشكوووره آوووي ع البارت ……سلاااامم



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 226
قديم(ـة) 30-11-2012, 11:37 AM
صورة أام يوسف الرمزية
أام يوسف أام يوسف غير متصل
.¸¸۝❝رغم أسوار الفراق العاليه سـنلتقى ذات يوم❝۝¸¸.
 
الافتراضي رد: أحبها حب أكثر من حب قيس لليلى / بقلمي



توقعاتكم :
وش بيصير مع رهف والمشكله اللي فيها ؟ بتركب مع الطعس ولا لا ؟
لأمابتركب مع الطعس

خالد وانفعاله الزايد وكلامه الجارح .. بيندم عليه أو لا ؟
يب يب بيندم
علاقتهم بتستمر ؟؟
رهف بتسامح حصه ولا بتزعل عليها زعل قوي ؟
حصة مالها ذنب وبتسامحها
الأستعدادات لجده .. باقي يوم واحد على السفر وش بيصير معهم ؟
مدري

البارت حلو تسلم ايدك يارب
لأحياتي عادي والله يوفقك يااارب




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 227
قديم(ـة) 30-11-2012, 12:22 PM
صورة !..ove you£ الرمزية
!..ove you£ !..ove you£ غير متصل
©؛°¨غرامي مشارك¨°؛©
 
الافتراضي رد: أحبها حب أكثر من حب قيس لليلى / بقلمي


وآو ببآرتت مممرإ جججنآن حمممممإسس بسس حسسيت اننو قصصير ششوياا لانوو لكك اسبوععين م نزلتتي بارتت بسس برضضضضو حلو وفيلوو احداثث 

توقععآتتي
وش بيصير مع رهف والمشكله اللي فيها ؟ 
ممدري بسس اتوقع خخالد م حيخليها لححالهها حيرججع لهها < قهرتنننني حركتتتو مممرا ببآيخخخخخه

بتركب مع الطعس ولا لا ؟
لاا م حتركبب مععآهه 

خالد وانفعاله الزايد وكلامه الجارح .. بيندم عليه أو لا ؟ 
آفكككورسس بينندم وحيعضض اصصآبيععو منن النددم < •_•

علاقتهم بتستمر ؟؟ 
يممكن اييوا ويمككن لاا بسس الكلامم اللي قالوو خالدد يجججرح ف اتوققع اننها م حتسسامححو ب سسهولهه

رهف بتسامح حصه ولا بتزعل عليها زعل قوي ؟
لاا ححصهه ممآلهآ ششغل ليششش تزععل مننها وآددآ زععلت مننها م حتططول ب الزععل! 

الأستعدادات لجده .. باقي يوم واحد على السفر وش بيصير معهم ؟
ححآسسسه آنهمم حيروحو ججدهه بسس في ششي بينككد ع بعضضض الابططال وم حينبسسسطو ب السسفرهه < اححساس لا اكثثر ي ربب انوو يكوون خططا وينبسسسطو قيدآ قيدآ < !! 


يسسسسسسسلمممو ع البببارت القمممميل ي قمميلههَ 

ونسسستننا آلببآررت الجججآي وي ريييت اننو يكككون قرييب لاننا ممممرآ متحمممسينن

سسسسسياا ..  ولي عودهه ب البارتات التتآنييييهه !! 



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 228
قديم(ـة) 30-11-2012, 06:51 PM
rar0 rar0 غير متصل
©؛°¨غرامي مشارك¨°؛©
 
الافتراضي رد: أحبها حب أكثر من حب قيس لليلى / بقلمي


وش بيصير مع رهف والمشكله اللي فيها ؟ بتركب مع الطعس ولا لا ؟
ما بتركب خالد بيرجع او انها بتركب مع الطعس وبيسمعها كلام لانه من بدايتها قال اوديك القمر وبتبكي ويعدوا من جنب خالد ويوقف خالد الطعس ويعتذر من رهف
.
خالد وانفعاله الزايد وكلامه الجارح .. بيندم عليه أو لا ؟
ايوة حصه بتشرح له
.
علاقتهم بتستمر ؟
ايوة او ان رهف بتزعل ويخطبها مشعل وتوافق
.
رهف بتسامح حصه ولا بتزعل عليها زعل قوي ؟
لا بتسامحها لانه اساسا مو غلط حصه هوا خالد يقهر
.
الأستعدادات لجده .. باقي يوم واحد على السفر وش بيصير معهم ؟
ما ادري بس اللي بيصير له صله بإن ريوف وتولين حجزوا لاندونيسيا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 229
قديم(ـة) 02-12-2012, 06:01 AM
صورة صمت فاقدة الرمزية
صمت فاقدة صمت فاقدة غير متصل
©؛°¨غرامي جديد¨°؛©
 
الافتراضي رد: أحبها حب أكثر من حب قيس لليلى / بقلمي


الله يجننننننننن البااااارت بس مو كأن البااارت قصيررر ..بالله عيوني متى راح تنزلي البارت الثاني
فديتك على هالروايه الحلوووة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 230
قديم(ـة) 02-12-2012, 06:42 PM
صورة ..TaghRid الرمزية
..TaghRid ..TaghRid غير متصل
©؛°¨غرامي جديد¨°؛©
 
الافتراضي رد: أحبها حب أكثر من حب قيس لليلى / بقلمي


نهاية البارت العاشر
  توقعاتكم : 
وش بيصير مع رهف والمشكله اللي فيها ؟ بتركب مع الطعس وﻻ‌ ﻻ‌ ؟
ياربييييييييہ مرررره رحمتها اللہ يہدي خالد .... لا ان شاء اللہ ما تركب معہ

خالد وانفعاله الزايد وكﻼ‌مه الجارح .. بيندم عليه أو ﻻ‌ ؟  عﻼ‌قتهم بتستمر ؟؟  اممم ايہ أگيد بيندم علييہ ....لا ما راح تستمر
رهف بتسامح حصه وﻻ‌ بتزعل عليها زعل قوي ؟
أتوقع تزعل عليہآآ شوي وبعدين رآآح تسامحہآ لأن رهہف قلبہآ طيووب

اﻷ‌ستعدادات لجده .. باقي يوم واحد على السفر وش بيصير معهم ؟
اممم ممآآآ أدري



الرد باقتباس
إضافة رد
الإشارات المرجعية

أحبها حب أكثر من حب قيس لليلى / بقلمي

الوسوم
رواية بقلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
قلوبٌ محرّمة على النسيان / للكاتبة : بقايا بلا روح ، كاملة احلى كيوت روايات كامله - يتم نقل الرواية هنا بعد اكتمالها 134 12-02-2014 11:47 AM
رواية عشاق في زمن الخيانة / بقلمي مشكلتي أهوآهـ أرشيف الروايات المغلقة - لعدم إكتمالها 96 17-10-2012 12:52 AM
يا مأحلى لذة اللقاء / بقلمي خيالها بلعب بواقعها>.<لعب ارشيف غرام 4 27-08-2012 10:00 AM
تحبني و أحبها و القدر ضدي و ضدها / بقلمي راحت عليك يا قلب أرشيف الروايات المغلقة - لعدم إكتمالها 4 12-04-2011 11:39 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 09:49 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم