هدا في يوم من الايام حكى معي واحد اسمه ابو راضي
وابو راضي هدا كان يشتغل شفير عند وزير غني كتير
قاللي اسمع بدي اياك تنظفلنا هالبويلر وبعطيك عليه عشرين ليره
ولمن لا يعرف البويلر فهو جهاز لتسخين الميه وبطلع شحبار اسود زي الزفت
قلت بعقلي انت جيت ولا الهوا رماك والله ما في بجيبتي ولا ترن
قلت بس خليني اتقل شوي فقلتله : خليني افكر شوي
قالي : ولك انت فيك عقل تفكر قوم فز بسرعه احسن ما اجيب واحد تاني
قلتله : طيب طيب خليني اجيب العده ونطلع
المهم طلعنا من واد الحداده على عبدون
ودخلني على هالبيت هو بيت؟ قصر
انا انشوحوا عيوني من اولها..... مليان شجر ومليان نسوان ومليان اصنام
بقوله : ولك يا ابو راضي كنه ما في زلام بالبيت كله نسوان؟:110103_pick_prv:
قالي : يا هبيله هدول الخدامات لسه اهل البيت ما صحيوا من النوم
قلتله : ولك السيعه 12 ولسه ما صحيوا انا امي بتكون مخلصه طبيخ السيعه 8 الصبح:040104_emI2_prv:
طيب وليش كل هالاصنام احنا جايين على ابو جهل؟
قاللي : هدول تماثيل بعدين اتكترش برم والتهي بشغلك:chair:
المهم انا انبلشت بالبويلر ونضفته وخليته يوج وج بس انا اكلت روح الوحله من الشحبار
صرت كلي اسود من ساسي لراسي ومشحبر وحالتي بتصعب عالكافر:gohan:
اجا ابو راضي واول ما شافني فقع من الضحك قلتله : خير مالك بتطلع وبتضحك شو ناسي بوجهي بريزه:103fhdhdg:
قالي : ولك هو انت ضللك وجه مهو وجهك وقفاك واحد
قاللي : اسمع وقف هون احسن ما توسخ
الدنيا وتلعن ابونا على عزا امنا وننطر (ننطرد) من ورا ضهرك اسحك تتحرك من مكانك فاهم؟
قلتله : حاضر ..:oha:
والله انا ضليت واقف زي الصنم مهو البيت مليان اصنام ولا هو جاي على واحد
شكله زي السيرالنكيين:hz:
قلت بعقلي خليني اطلب منه كاسه مي لانه تمي وزوري مليانين شحبار
فقلتله : انت انت ...ابو شباب... ممكن جيب واهد كاسه ميه (يا عيني عاللغه السيرالنكيه)
اتطلع علي باحتقار من فوق لتحت وقاللي : ولك انت شو اللي جابك هون
ابن الحرام بحكي عربي احسن مني قلتله : والله ما ضل عالخم الا ممعوط الدنب>> :hahahahh:
ما ضل غيرك يحكي يا مصدي ولك انا شايف زيك كراتين روح انقلع جيبلي كاسه مي
الزلمه وجهه اسود بس انا حسيت انه الدم بده يطلع من وجهه من كتر الغضب:110103_ang_prv:
قاللي : شو بتحكي يا كلب يا حيوان ولك انت عارف حالك بتحكي مع مين
قلتله : بطلعلك يا معفن مهو كلب الشيخ شيخ
المهم وانا احكي معاه ولا هي جاي هالبنت
الحلوه لابسه اللي عالحبل اجت بسرعه عليه وقلتله : بابيييييييييي وباسته:009:
انا الفار بلش يلعب بعبي شكله في اشي غلط قالتله : مالك معسب بابي
قالها : هدا الحقير بده اياني اجيبله كاسه مي ....البنت شهقت شهقه حسيتها بدها تموت
الفار بلش يلعب اكتر بعبي..... قالتله : معلش يا بابي هدول الناس اللي بئرفوا ما لازم تحكي معهم
خلي ابو رادي يئلعوا من هون
قلتلهم : ايه ايه ايه شو اللي صار شو اللي انا خبصته ومين بابي هدا ولك انتي بيضه وهدا سيرالنكي كيف صار ابوكي بعدين انا بئرف يا بنت ال..........؟؟ وانا مزبهل من اللي صار ولا ابو راضي شرف
ومن ساعه ما اجا زي اللي تكهرب وقال : صباح الخير سيدي معلش سيدي هدا المواسرجي جبناه عشان ينظف البويلر سيدي
قلت بعقلي مين سيدي هدا؟ وليش ابو راضي بهزله دنب ؟انا صرت اضحك على ابو راضي وطبعا وجهي اسود بشبه كونتا كونتي تبع فيلم الجذور ومش مبين غير سناني ورحت قلتله :ولك يا ابو راضي هسا هدا السيرالنكي سيدك ؟ شو صار بعقلك يا زلمه
قاللي:ولك اخرس يا حيوان هدا سياده الوزير
انا قلت ااااااااااااااااااااااااااه اجاك الموت يا تارك الصلاه اكلنا ..ره ورجعنا لورا:plz:
ولا هو هدا الوزير صار يصرخ ويقول:ارمولي اياه بره ما بدي اشوف خلقته هون
والبنت بتقول:الله يئرفك شو بتئرف بره بره يللا بره
المهم هجموا علي الخدامين والخدامات وابو راضي معهم وبكسات وشلاليت ورموني بره:tometo:
وانا اصرخ فيهم طيب اعطوني العشرين ليره يا نصابين ولكم معيش اروح عالدار لكن لا حياه لمن تنادي
طيب هسا كيف بدي اروح على واد الحداده كلي شحبار واسود وما حد برضى يطلعني معه صرت
امشي وطول الطريق وانا ابكي ودموعي تنزل سوده مع الشحبار واقول طيب هدول عايشين واحنا عايشين؟ بشو هم احسن منا؟ ليش بحتقرونا؟ وطول الطريق وكل واحد يشوفني يضحك علي
طبعا معاه حق هو انا منظري منظر ؟ المهم وصلت عالبيت مقهور وتعبان وهلكان ومنصوب علي
والعده راحت اخدوها الكلاب نفسي افهم ليش اخدولي العده.. طبعا مهمو متعودين عالاخد ومش
مستعدين يعطوا ولما شافت امي منظري كلي شحبار ومضروب وحالتي حاله:annoyed:
قالتلي مالك يا مشحر
شو اللي جرالك شو صار معك؟ قلتلها القصه وصارت تدعي عليهم وعلى اللي جابوهم المهم
الحجه الله يخليلنا اياها سخنتلي ميه عشان اتحمم وحضرتلي اكل وجطيت راسي ونمت زي القتيل
كنت متعود كل فتره اروح على محل انترنت اتفرج على اصحابي وهم يلعبوا عالكمبيوتر وفي واحد
من اصحابي هدول ابن حرام بالكمبيوتر رحت قعدت عنده وقلتله شو صار معي قاللي بسيطه يا زلمه علقه تفوت ولا حد يموت بس اسمع انا راح اطلعك من كل هالجو شو رايك ازبطلك بنت وتصير تحكيوتطلع معها بس بشرط انك ترد على اللي بقولك اياه
انا بصراحه ريالتي نزلت قلتله انا من ايدك هاي لايدك هاي بس كيف ؟
قاللي:في واحده صارلي فتره بحكي معها هون وما بعرفها وانت وحظك تطلع حلوه او بشعه ما بعرف بس شكلها هاي هاي وانا زهقان النسوان فراح اعطيك موبايلي لاني اشتريت واحد جديد وفيه الرقم راح اعطيها اياه لانها مستقتله تحكي معي وانا تقلان بس بتحكيها انك دارس دكتور باليابان
فاهم؟لازم باليابان لانك حمار بالانجليزي
قلتله دكتور دكتور اصلا انا ازعم دكتور ما بفهم قدي حتى راح اقولها اني متخصص بالمسالك البوليه
لانها شغلتنا
قاللي والله جبتها خلص بوعدك كمان ساعه راح تحكي معك وبدي اياك تحكي معها من فوق فاهم؟
قلتله ماشي وفعلا بعد ساعه ولا هو برن التلفون وصوت نسائي ناعم بقوللي هاااااااااي
كيفك مشتائه اسمع صوتك ولازم اشوفك اليوم مش بكره
انا ضربت لخمه بطلت اعرف شو بدي احكي
قلتلها اسمعي انا مش فاضيلك اليوم عندي موعد بالمستشفى في عمليه تسليك قصدي فحص لواحد المسالك عنده مسكره
قالتلي بس انا حابه اشوفك اليوم مش قادره استنى لبكره اذا بتحب بجيلك وين ما بدك
قلتها طيب بشوفك بس وين بدي اشوفك قالتلي اذا بتحب بشوفك عند سينما جاليريا
قلتلها لأ اذا بدك بشوفك عند سينما غرناطه بعدين هدول 5 افلام وعرض متواصل يعني بنضل للصبح
قالتلي موافقه وين ما بدك بشوفك ومش عارفه ليش حاسه حالي بحبك بدون ما اشوفك
قلتلها بلاش عرط قصدي بلاش نحكي عالحب هسا الا لما اشوفك لاني مشغول كتير والناس
بستنوا فيي يللا مع لسلامه وسكرت الخط بوجهها وانا ايدي بترج من الصدمه مش مصدق حالي
انه في واحده حكت معي وشوي ولا هو صاحبي جاي قاللي شو صار معك قلتله كل اشي قاللي الله لا يوفقك ولك على غرناطه بدك توخدها شو بتفكرها ابو العبد الحلاق؟ >> :hahahahh:
اسمع اعطيني موبايلي
خليني اصلح الوضع المهم اخد التلفون وبعتلها مسج وقالها بشوفك عند المكدونالدز اللي بالصويفيه وقالها انا لابس كذا وكذا
وقاللي انت تعال معي راح لبسني بلوزه ملهاش كمام وبنطلون جينز ممزع وعبالي شعري جل وتطلع فيي وقاللي علي الطلاق انك احلى من سيلفستر ستالوني قلتله مين سيلفستر سويلم هدا؟ قاللي بعدين بتعرفه
واخدني بسيارته ال190 ورحنا هناك عالموعد ودخلني عالمحل وانا قلبي بدق ووجهي احمر
وميت من الخوف المهم تطلعت بالمحل هيك ولا هو كله بنات وولاد اواعيهم ممزعه متلي
قلت شو هدا؟كانه مركز تجمع الشحادين الدولي فكرت حالي غلطت بالعنوان وجيت بدي اطلع
ولا واحده بتصرخ من جوه...توووووووتي توووووتي
ولا هي جاي ركاض عليي ولابسه لبس غير شكل وبالاحضان يا معلم
انا فكرتها بدها تضربني دفشتها لورا وجيت بدي اضربها بوكس على عينها :hahahahh:
ولا ايدي وقفت
ولك هاي انا بعرفها هاي بنت الوزير وجاي كمان بدك تكملي علي انا ما صدقت خلصت منك ومن ابوكي
وللقصه بقيه بعدين بكمللكم اياها
ترقبوا الاجزاء القادمة
العرض العادي
