مــــــغامــرات مــواسرجــي (تابع كل الاجزاء ) اُدخل للمتعه

[:: روح ::]

هدا في من الايام رحت اصلح عوامه لواحد المهم فتحت التنك لقيت العوامه مكربجه

ومزطومه زطم مديت ايدي جوه التنك عشان افكها ولفيت رقبتي عالجهه التانيه لقيت

في العماره اللي قبالي برنده قزاز واقفه فيها واحده بتحل عن حبل المشنقه انا رقبتي التوحت

ولك شو هدا ...بنت بتسطل سطل ..... :009:

انا انعمى ضوي وانا اتطلع عليها .....ايه شو هدا البنت

بتضحكلي رفعت النضاره شوي عشان امسحها واتاكد انها بتضحك الي مش لحد تاني لاني لابس

نضاره عدستها زي قاع قنينه الكازوز المصيبه لما ارفع النضاره ببطل اشوف وببطل اسمع كمان:hahahahh:

رجعت النضاره البنت بتطلع فيي وبتبسم انا سحت زي البوظة رحت انا ابتسمتلها طبعا وتمي

مسكر عشان ما تشوف السنين اللي قدام مش موجودات بس انا عارف حالي بجنن وحلو :005:

بس مش لهالدرجه ولك هاي احلى من هيفاء وهبي قلت هاي نزلت على من السما:romeu & julite:

انا شكرية اللي كنت احبها قبل خمس سنين وزنها قبل الاكل 140 كيلو وبعد الاكل الله بعلم الله لا يوفقها

قعدت احبها خمس سنين وتعطيني نص ليره اشتريلها اغراض وتطلع الاغراض بخمس ليرات وانا

زي الخروف ساكت اخر اشي طلعت متجوزه صارلها عشر سنين وانا مش عارف :Animation 94:


المهم نرجع للسطح قلت خلص يا ولد لازم تزبطها رحت مسكت ورقه كيس شمينتو

وطويتها واشرتلها يعني بدي ابعتلك مسج وانا ااشرلها اجا ابوها بسرعه انا حطيت راسي

بالتنك وعملت حالي بصلح بالعوامه لكن انا بايز من جوه خالص صرت اتطلع عليه وهو يحكي معها

من تحت لتحت وصار يزبطلها بقبه قميصها وهي مبتسمه ..اااااااااااااه ما احلى ضحكتها


المهم العوامه تكسرت تحت ايدي 100 شقفه مهو انا مش صاحي من الحب اجا صاحب البيت قللي الله لا يوفقك:638ee4cad4:

كسرتها؟؟ قلتله اسمععععع جميلتك على حالك هسا بشتريلك 50 عوامه عاد انا لو تخبطني

بالارض ما برن قاللي شو بتحكي يا مقلعط ..رفعت النضاره وقلتله اسمع انا اصلا مش شايفك

وانا عن جد مش شايفه سكت الزلمه قلت خليني اعربد كمان شوي قلتله انت وجهك هيك ولا

ماكل كريك ما لحقت اكمل هالكلمه ولا هو ضربني بوكس على عيني طفالي كل الكهارب بطلت

اجيب عمان قاللي بدك تصلحها غصبن عنك فاهم وله طبعا انا مش شايف قدامي قلتله حاضر :0111:

حاضر بعدين قلت فرصه عشان اشوف حبيبتي عن السطح فلازم اضحي شوي رحت اشتريتله

عوامه بالدين الله لا يوفقه وطلعت عالسطح وانا منشكح ومغطي عيني اليمين بايدي لانه صار

عليها دويره سوده وكانت حبيبتي واقفه كانها بتستنى فيي واقفه على وقفتها وبتضحكلي انا راح مني

كل الوجع وقلبي هوى لسابع ارض قلت خلص يا ولد هون طاب الموت هاي البنت لازم تكون من

نصيبي المهم اجا صاحب التنك وانا ولهان ومش صاحيله زي اللي فيقني من حلم حلو ...

اتطلع فييي شويه وطلع من جيبته ليرتين واعطاني اياهم شكله حزن على منزري ...انا اخدت

الليرتين وروحت عالدار وطول الليل وانا مش عارف انام ما صدقت يطلع الصبح عشان ازبط حالي



رحت عالحلاق ابو العبد وقلتله زبطني قاللي ولك انت بدك صب من اول وجديد عشان تزبط قلتله

دبرها المهم حلقلي وخليتوا يعمللي سناني اللي واقعين قدام حطلي سنين كبار شوي هم:hmm:

يعني شكلي صار زي سنان بس اكمل الفراغ ورحت لبست البوت الصيني اللي عندي ورشيت

عطر من تبع سحاب من اللي بحطوه عالموتى وتانكجت واخدت تكسي طلب لدارها وانا مش

حاسس بحالي من الفرحه المهم دقيت عالباب طلعلي ابوها ...حاطط متر شرايط على رقبته

ولابس نضاره حلوه قالي عفوا...انت؟؟؟؟؟ قاطعته بسرعه وقلتله انا؟؟؟؟ مزبوط هو انا.. الزلمه

قالي تفضل انا دهمت بسرعه ولا انا متطعطر واقع على بوزي:think2:

اجا الزلمه بسرعه وساعدني اني

اوقف وقعدني عالكنبايه انا صرت اتطلع شمال يمين عشان اشوف هيفاء حبيبتي بس ما كانت

موجوده الزلمه قالي بشو بقدر اخدمك يا اخ قلتله بصراحه ومن الاخر انا جاي اطلب ايد بنتك

الي طبعا انا ببتسم وانا واثق من نفسي لاني مركب سنان جداد :050103big_prv:

قاللي مين قللك انو عندي بنات

للجيزه؟؟ قلتله يللا عااااااد علينا ..انا شايف بعيني بعدين يا عمي انا وبنتك بنحب بعض واذا

وقفت بطريقنا بتظلمنا قاللي يا ابني انا ما عندي بنات شو انت ما بتفهم؟ قلتله اسمع انت

شكلك خايف مني يا عمي انا ابن حلال وكسيب يعني كل يوم بطلع خمس ست ليرات يعني

بنتك راح تتنغنغ وراح اسكنها بغرفه لحالها .....قاللي كمان لحالها لا انا بدي اياك تسكنها مع الحاره

ولك انت شو...حمار ؟؟ ما بتفهم ما عندي بنات يا بني ادم قلتله له له له بلشت تغلط كمان

كيف لو انا مش شايفها بالبرنده عندك لما سمع الزلمه هالكلمه وقع سخسخ من الضحك

قلت بعقلي ماله هدا الهبيله ليش صار يضحك:050103gig_prv:

المهم الزلمه وقف ومسكني من ايدي وقاللي تعال

اورجيك اياها ولك هاي يا لطخ مانيكان قلت بعقلي يا الله ما احلى اسمها ما..ني..كان يا سلام

مش زي شكريه المهم شدني واخدني عباب البرنده اول ما شفتها درت وجهي بسرعه وصرخت

زي امينه رزق لااااااااااااا لا يا عمي عيب تورجيني بنتك مشلحه قاللي لا بدي اورجيك وراح شد

شعرها ولا هو طالع بايده انا شفت هالشوفه قلت بعقلي قرعه قرعه راح اتجوزها:yaaahoooooooh:

المهم الزلمه

قاللي ولك يا حمار انا ما عندي بنات وساكن لحالي وبشتغل خياط وهاي لعبه بنقيس وبنفصل

عليها فهمت يا محترم ؟؟






منقولهـ

و انتظروا الاجزاء الثانية



:
:

،‘

[دمعة حـب]

هههههههههههههههههههههههههههه

يعطيكِ الف عافيه
وننتضر الاجزاء الثانيه


مع حب
دمعة حب

[! الزين يفرض نفسه !]

عطر من تبع سحاب من اللي بحطوه عالموتى

ههههههههههههههههههههههههه
هههههههههههههههههههههههههههههههههههه
هههههههههههههههههههههههههههههههههههههه
<<<< فاطس ضحك حسبي الله على ابليسك^ـــ^

اجا الزلمه بسرعه وساعدني اني

اوقف وقعدني عالكنبايه انا صرت اتطلع شمال يمين عشان اشوف هيفاء حبيبتي بس ما كانت

موجوده الزلمه قالي بشو بقدر اخدمك يا اخ قلتله بصراحه ومن الاخر انا جاي اطلب ايد بنتك

الي طبعا انا ببتسم وانا واثق من نفسي لاني مركب سنان جداد

داف كل المصاري على الاسنان الله بيكون بعونه الزلمه
هههههههه

المهم الزلمه وقف ومسكني من ايدي وقاللي تعال

اورجيك اياها ولك هاي يا لطخ مانيكان قلت بعقلي يا الله ما احلى اسمها ما..ني..كان يا سلام

مش زي شكريه المهم شدني واخدني عباب البرنده اول ما شفتها درت وجهي بسرعه وصرخت

زي امينه رزق لااااااااااااا لا يا عمي عيب تورجيني بنتك مشلحه قاللي لا بدي اورجيك وراح شد

شعرها ولا هو طالع بايده انا شفت هالشوفه قلت بعقلي قرعه قرعه راح اتجوزها

المهم الزلمه

قاللي ولك يا حمار انا ما عندي بنات وساكن لحالي وبشتغل خياط وهاي لعبه بنقيس وبنفصل

عليها فهمت يا محترم ؟؟

ههههههههههههههههههههههههههههه
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههه

<<<< وربي اني فاطس ضحك على المسكين
الله يرجك خيتوووو روح اتوقع الزلمه صاير معاه المؤقف بتلاع العــلي:002:


يسلمو14541 مليون على القووووصه وننتضر الاجزاي الثانيه على احر من الجمر:f55:

تحياتي
محبكمـ
الزين يفرض نفسه

[MoOoN...7]

هههههههههههههههههههههههههههههههههههههههههههههههههه ههههههههههههههههههههههههههههههههه

يعني موقفه من( الآخر)

<اتأثرت و صارت تحكي زيه
بنستنى الاجزاء اللي جاي

[:: روح ::]

دمعة حـب

دوووم الضحكه حبيبتي

يسلمو عـ المرور