اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 19-10-2012, 08:00 PM
صورة بنت أبوي 1 الرمزية
بنت أبوي 1 بنت أبوي 1 غير متصل
©؛°¨غرامي جديد¨°؛©
 
Post رواية بنات العم وعيال العم / بقلمي


السلام عليكم كيفكم إنشاء الله تمام حبيت انزل اول رواية لي رواية خياليه لو سمحتم الي يبي ينقل الرواية يكتب اسمي بنت أبوي وأنا ما أحلل اللي ينسبها له أو ينقلها بدون ما يذكر اسمي

اول شئ بقول الشخصيات


عائلة أبو راكان
الأبو عبدالله عمره 45 يشتغل محلل مالي
الأم هيله عمرها 39 معلمه تدرس دين
الولد الكبير راكان عمره 20 اول كليه ، الولد هذامملوح وطويل بس مو مثل جمال اخوه وأخته
البنت الجوري عمرها 17 اول ثانوي شعرها يوصل كتفها واسود وكثير وناعم مررره وبيضاء ومليانه بس موب شين جسمها وعيونها كبار ورموشها طوال مليانه شوي جسمها موب شين وكيووت وتستحي وناعمه مره بس إذا عصبت تنسى أنها بنت
الولد رائد عمره 17اولى ثانوي توأم الجوري تصرفاته غير عن الجوري مملوح شعره أشقر غامق عيونه بنيه بس مشكلته مشكلجي
الولد زياد عمره 13 سادس دلووع مرره يتصرف تصرفات بزر لانه أصغر واحد


عائلة أبو عبدالملك أخو أبو راكان
الأب حمد 46 يشتغل مدير شرطة
الأم هيفاء عمرها 40 مديرة مدرسة صديقة هيله روح بالروح
الولد عبدالملك 21 ثاني جامعة نحيف شوي شعره ناعم مملوح صديق راكان روح بالروح
البنت رنا 18 ثالث ثانوي مليانه شوي شعرها بني طويل بيضاء دلوعه شوي و طيوبه
البنت رتاج 17 أولى ثانوي جسمها حلوه شعرها بوي اسود عيونها كبار فمها صغير وتصرفاتها مثل الأولاد وشكلها يشبه الأولاد شوي وعليها افكار ماتخطر على البال صديقة الجوري روح بالروح مرره تحبها أكثر من أختها رنا


عائلة أبو نوره
زوجها اسمه فهد يسافر كثير لدرجة انه من 5 سنوات ماقد شاف عياله
الأم هيا عمرها 42
البنت نوره عمرها 25 متزوجة عندها بنت عمرها 5 سنوات اسمها جود وحامل
محمد 21 ثاني جامعه اسمر شوي عيونه كبار ورموشه كثيفه ومملوح ويحب الفله وخكري شوي
كريم 20 أولى كليه طويل ونحيف شوي وعيونه كبار بنيه اسمر يعني يشبه اخوه بس هو أحلا منه طيب وحبوب ويحب الفله
راشد 17 اول ثانوي صديق رائد روح بالروح تصرفاته مثله ونفس مدرسته يشبه محمد مرره بس محمد أحلى منه


عائلة أبو ياسر
الابو سعد 50 سنة
الأم فايزه43
ياسر متزوج وعنده بنت عمرها سنه اسمها فايزه سماها على امه ورايح هو وزوجته لبعثه لبريطانيا وبيرجع بعد 5 شهور
عبدالله 20 أولى كليه شكله جداً عادي وناشب ليريتاج يحبها مره بس هي ما تحبه ولا تبي تجرحه
طلال 19 ثالث ثانوي شكله يجنن البنات منهبلين عليه طيوب مرره صديق محمد مرره رومنسي ويحب الفله
العنود 18 ثالث ثانوي البنت تشبه طلال بس طلال أحلى وما تهتم بنفسها شعرها بوي أشقر شوي بس صبغت شعرها اسود عيونها كبار بنيه بس هي تلبس عدسات سوداء جسمها حلو تصرفاتها نفس الأولاد وما تحب الدلع وتحب الفله وألوناسه


عائلة ايو فيصل
الابو ميت
الأم فوزية عمرها 40
الولد فيصل عمره 20 اول جامعه جسمه حلو عيونه كبار وسوداء رموشه كثيفه ومملوح يحب الفله والرقص
رغد 18 ثالث ثانوي طويله شوي نحيفه شعرها بوي سمراء شوي عيونها كبار وبنيه عربجيه وشكلها يشبه شكل الولد تحب الفله
لجين 17 أولى ثانوي قصيره شوي فمها صغير ووردي عيونها بينه جسمها حلوه وبنوته وخوافه
ماجد 14 أولى متوسط صديق زياد بالمصلحة لان زياد تصرفاته بزر

العائلة بيوتهم جنب بعض يعني بيوتهم قدام بعض
وعيالهم بعد نفس المدارس بس الجامعات غير

الجوري ورنا ورتاج العنود ورغد ولجين بثانوية وحده
رائد راشد طلال بثانوية وحده
يعني مدرستهم نفس بعض بس البنات مدرستهم ورى العيال
وزياد مدرسه غير وماجد غير

البارت الأول


قامت رتاج من النوم وقعدت على الكرسي
عبدالملك : يالله صباح خير توك تقومين
رتاج : كيفي أقوم بالوقت الي أبيه ساري صلحي فطور لي
رتاج قعدت تغير بالقنوات وهي تغير طلع فلم يحبه أخوها
عبدالملك : رتاج رجعي بشوف الفلم تكفين
رتاج حبت تواحن أخوها
رتاج : افكر
عبدالملك : هاتي الريموت
رتاج : مافيه
عبدالملك : هاتي الريموت ولا ترى راح يصير لك شئ ما عمرك جربتيه
رتاج : يمه خفت ماما تعالي بابا تعال
نزلت رنا لتحت عشان تشوف قصة الإزعاج هي انت وياها اسكتو ترى أبوي بيقوم
نزل الابو : هي عبدالملك عط رتاج الريموت تحط عقلك بعقلها
عبدالملك : إنشاء الله يبه
رتاج : أحسن تستاهل
عبدالملك : هين والله لااوريك
رقت رنا فوق رقت معاها رتاج
قالت رنا : شفتي أخو صديقتي هو الحين بثالث ثانوي وسافر لأمريكا عشان يدرس لغه أبوه غصبه وبيعيد السنه مسكين
رتاج : في ذا الوقت خطر على بالها فكره جهنميه
رنا: هي رتاج تسمعين
رتاج : إيه والله مسكين
رنا : لا تصرفين
قامت رتاج تدق على العنود لانها تحب أفكار رتاج

عائلة أبو ياسر
عبدالله قاعد في الصاله
العنود : بروح الحمام عبدالله لاتاخذ البيبي حقي
عبدالله : إيه إيه طيب
رن جوال العنود عبدالله شاف مين المتصل ولقاه رتاج فرح رد على طول
رتاج : الو هلا عنود
عبدالله يقول في نفسه فديت هالصوت أنا
رتاج : الو عنود
عبدالله: هلا والله
رتاج : مين معي ؟!!
عبدالله : أنا عبدالله
رتاج تقول بنفسها وش يبي مني هالنشبه أف
عبدالله: الو رتاج
رتاج : هلا معاك أقول ما ودك تعطيني العنود
جت العنود : خييير تمون تكلم بجوالي عطني بسرعه الجوال
عبدالله : بأي رتاج
رتاج تقول بنفسها وأخيرا رحت يا النشبه
العنود : هلا رتاج كيفك
رتاج : الحمدلله العنود ما أبغى أطول عليك عادي أجي بيتكم
العنود : غريبه في العاده تروحين بيت الجوري وش غيرك
رتاج: الحين أجي بيتكم ولا لا
العنود : لا تعالي حياك الله
رتاج : خلاص بأي بالبس عباتي واجيك باتمان
العنود : هههههه يله بأي
رتاج بأي

راحت رتاج لبست بنطلون وبلوزة بولو وحطت كحل اخضر وقلاس وردي هي ماتحب تكثر بالمكياج الي بالعزايم الكبيرة ولبست عبايتها ونزلت من الدرج
شافها عبدالملك : انتي ماتملين من ذي الجوري وبعدين شوي شوي ترى الجوري مؤ طايره
رتاج : أنا ماراح أروح للجوري بروح للعنود
عبدالملك : ااها طيب تراك كسرتي البلاط امشي بشويش
رتاج : أقول يله مع نفسك العنود تحتريني

في بيت أبو ياسر
عبدالله وطلال قاعدين في الصاله
العنود : هي انت وياه يلا روحوا فوق بتجي رتاج
طلال رقى على طول أما عبدالله عيا
عبدالله : ماراح أرقى
العنود : هي انت وين تجلس البنت
عبدالله: ماراح أرقى يعني ماراح ارقى
العنود : هين أوريك
عبدالله : يعني مثلا وش بتسوين
راحت نادت أمها وأمها هزأته ورن جوال العنود
رتاج : عنود يا حيوانه ياجعلك العمى
العنود : أقول رتاج وش فيك تهوشين هدي
رتاج : افتحي الباب جرسكم خربان جتني ضربة شمس لي ساعه وافقه برى
العنود : ههههههههه خلاص بافتح ألباب
رتاج: أقول افتحي الباب الحين هذا مؤ وقت ضحك
دخلت رتاج البيت وعلى طول فصخت العباية أوف حرر
العنود : انتي غبيه تروحين للباب الثاني الجرس خربان هههههه
رتاج : أقول مع نفوسكم انتم ليش مازينتوا الجرس أقول الحين أنا بقعد ولا لا
العنود : حياك الله تفضلي
رتاج : تكفين جيبي مويه
العنود : أوكي وقولي لي ليش انتي جايه انتي ماتجين إلا إذا تبين شئ
رتاج : إيه أبي أقول شئ بس جيبي مويه


في بيت أم نوره
محمد في غرفته معلي على المسجل ويرقص
يدخل كريم عليه
كريم : هيه محمد
محمد قفل المسجل : وش تبي
كريم : الله يخليك قفل المسجل فيه احد يرقص الساعه 2 العصر
محمد : اجل متى ارقص يعني اطلع وسكر الباب
كريم : ارقص في وقت كلنا طالعين
محمد : والله انك راعي طويله
كريم : أوف طيب خلاص بسكر الباب
قام راشد من النوم ونفسه خايسه
راشد : هي محمد قصر المسجل أبي انوم
طف محمد المسجل
محمد : والله عاد لونك نايم مبكر كان الحين مصحصح بس محد غاصبك تروح عن رائد
راشد : والله عاد كيفي أروح للي أبي
محمد : اجل سكر الباب ولااشوفك جاي فاهم
راشد : أوف ماراح أسكر الباب لما تقفل المسجل
محمد: انت ما تفهم سكر الباب
راشد: خلاص بسكر الباب أوف

نرجع لرتاج والعنود
العنود : يله وش عندك ؟!!
رتاج : شوفي ياطويلة العمر عندي خطة جهنميه بنسويها في المدرسة بكره
العنود: طيب وشي
رتاج : بس أمانه ماتعلمين احد
العنود : اوكي بس قولي حسمتيني
رتاج : بندخل مدرسة العيال الي ورى مدرستنا
العنود : هي انتي مجنونة المدرسة فيها رائد وراشد وطلال بيعرفونا بعدين أنا فصل وإنني فصل والحصص تختلف وش لون بننحاش صدق مجنونه
رتاج : حبيبتي راشد ورائد ما يعرفون أشكالنا بعدين حنا بندخل المدرسة دقيقه بس
العنود : وأخوي طلال يعني مايعرف شكلي مثلاً
رتاج : يا غبيه بنتلثم ونلبس ثوب ومحد يدري عنا
العنود : طيب من وين بتجيبين الثياب
رتاج : من أخوي عبدالملك وانتي جيبي ثياب طلال وعبدالله
العنود : موافقه أجي بس مين بيدخل معانا
رتاج : أنا وانتي والجوري ولجين
العنود : عاد مالقيتي إلا الجوري ولجين
رتاج: ليش ايش فيهم
العنود : أولا الجوري نعومة وصوتها مره ناعم ولا تعرف تقلد الأولاد وثانيا أخوها رائد يدرس في هذي المدرسة ولجين قصيره وكيووت يعني مالقيتي إلا هذول البنات
رتاج : أقول لا تخربين خطتي وروحي جيبي ثياب اخوانك
العنود : الحين
رتاج : إيه الحين


بيت أبو راكان
رائد : غريبه ذي الرتاج ماجت اليوم
راكان : تلقاها ملت من الدلوعه
الجوري : اسكتوا عاد فجرتوا راسي من الصبح وانتم تحشون
رائد : والله محد غاصبك تقعدين عندنا روحي فوق
الجوري : خلاص بروح على الأقل افتك منكم وكلم راشد تراه يقول خليه يرد علي
رائد : خير من وين كلمتيه
الجوري : من تلفون البيت يقول خلي رائد يرد علي من اليوم أدق عليه ما يرد
رائد : ااها خلاص ظفي وجهك
الجوري : أوف خلاص بروح

بيت أم نوره
رتاج : خلاص العنود الحين الساعه 7 الليل لازم ارجع البيت ورانا خطة
العنود : أوكي بأي بوصلك للباب
عبدالله توه راجع من أصدقائه مبكر عشان يشوف رتاج
عبدالله: هلا والله رتاج
رتاج : من غير نفس هلا
عبدالله : كيفك وش اخبارك وش اخبار إخوانك
رتاج : تمام تبي شئ ثاني الحين
عبدالله : إيه أبي
العنود: أقول عبدالله ضف وجهك تراك مسختها
عبدالله : أوف خلاص بأي رتاج

جاء الصبح وبدت المغامرة الساعه 5:00
في بيت أبو عبدالملك
رتاج : هلا يبه كيفك
الابو : الحمدلله
عبدالملك : رتاج وش قومك من الصبح في العاده تقومين الساعه 6:00
رتاج : مالك دخل وأسكت أحسن لك
الابو : احترمي أخوك تكلمي معه بأدب
رتاج : آسفه يبه يله بروح اتجهز تبون شئ
الابو: سلامتك
عبدالملك : امشي بشويش
رتاج : أقول مع نفسك

في بيت أبو راكان
قامت الجوري قعدت تفطر
رائد : يمه مالي خلق آداوم أبي أغيب
الأم : لا لازم تداوم
راكان : أقول تراك مأخذ الرقم القياسي في الغياب
رائد : أوف خلاص بدوام

عائلة أم نوره
الأم : راشد بتداوم اليوم
راشد : بشوف بدق على رائد
محمد : دق على تلفون البيت تلقاه مقفل جواله
راشد : دق عليه انت تكفى مالي خلق
محمد: أوكي
ردت الجوري على التلفون تحسبها رتاج
الجوري : هاي رتاج كيفك
محمد: الو انتي الجوري
الجوري : إيه
محمد يقول بنفسه صوتها خقاق
الجوري : الو محمد بغيت شئ
محمد : لا بس رائد بيداوم اليوم
الجوري: يب بيداوم تبي تكلمه
محمد : لا خلاص يله تأمرين بشي
الجوري : سلامتك يله بأي
محمد : بأي

عائلة أبو ياسر
العنود: هاي شباب
عبدالله: بسم الله الرحمن الرحيم كدي شوشتك
الأم : قولي السلام عليكم مؤ هاي
العنود : السلام عليكم
الأم : وعليكم السلام
طلال : ليش قائمه مبكر غريبه !!؟؟
العنود : إذا قمت مبكر قلتوا ليه وإذا قمت متأخر قلتوا ليه
عبدالله : خلاص تراك كلتي الولد
العنود : أقول بروح اتجهز بأي
الأم : بأي


بيت أبو فيصل
رغد : يمه بداوم اليوم الساعه 8 تكفين
الأم : بشرط
رغد : وش
الأم: تروحين معي للعزيمه اليوم
رغد :إنشاء الله من عيوني الثنتين
فيصل : أقول لاتتمصلحين مع أمي
رغد: أقول اسكت بس
لجين : صباح الخير
كلهم صباح النور
رغد : ماراح أجي اليوم للمدرسة
لجين : طيب يعني وش أسوي
رغد : لابس أبيك تنقهرين
الأم : أقول يله تجهزوا السواق بيجي بسرعه


في المدرسة
الجوري لمت رتاج علطول هاي توجي كيفك
رتاج : تمام حبيبتي وانتي كيفك
الجوري : تمام وش رأيك نروح نسلم على العنود ورغد ولجين واختك
رتاج : يله
لجين : صباح الخير
البنات : صباح النور
العنود : يله رنا بنروح عندنا حصه يابزان
رتاج : أقول مع نفسكم
العنود : لا تنسين اليوم الساعه 8:00
رتاج : لا ما نسيت
رنا : وش فيه
العنود : ولا شئ خلينا نمشي بس
الجوري : لجين ليش رغد ماداومت اليوم
لجين : لا بتداوم بس بتجي الساعه 8
الجوري : أها
رتاج : بنات عندي لكم خطه جهنميه بنصلحها حنا بنات أولى ثانوي بس
لجين والجوري : ايش الخطة
رتاج: بس العنود بتدخل معانا هي آلوحيدهـ الي بثالث ثانوي
الجوري : قولي حمستيني
رتاج : أقول الحين علينا رياضيات بعد الحصه بقول
لجين : تتهربين
رتاج : أنا بقولكم بعد الحصه يعني بعد الحصه

في مدرسة العيال

رائد وراشد يتمشون
طلال: هلا والله كيفكم
رائد وراشد تمام وانت كيفك
طلال : تمام غريبه مداوم رائد
رائد: والله آليوم ناوي أغيب
طلال: والله انك راعي غياب المهم اخوياي يبوني تبون شئ
راشد : نبي نفتك منك
طلال : خلاص بروح
راشد: لا تصدق امزح عليك أبغى سلامتك
المهم رائد كمل السالفه

نجي عند البنات الحصة الثانية الأستاذة غايبه
رتاج : لجين كم الساعه
لجين الساعه 7:00 ليش
رتاج : لا بس اسأل
الجوري : يله وش بتقولين
رتاج : أحم أحم
لجين : يله قولي بتقولين محاضره
رتاج : نادوا وسن
بعرفكم على وسن عمرها 17 أولى ثانوي صديقه لجين روح بالروح شعرها قصير شوي بس مؤ بوي بني ملامحها طفوليه تحب الفله وألوناسه
وسن : يله وش عندك رتاج
الجوري : رتاج يله قولي
رتاج: تقول بسرعه بندخل مدرسة العيال الي ورانا
البنات متفاجئين وبصوت واحد : ايش
رتاج : اسكتوا فضحتونا
الجوري: انتي صدق مجنونه
لجين : غبيه انتي
وسن: انتي وش قصتك
رتاج : بننحاش من مدرستنا إلى مدرسة العيال انا وانتم والعنود
لجين : ماراح أروح
وسن : وأنا بعد
الجوري : وأنا ولا تنسين راشد وأخوي رائد وطلال يدرسون فيها
رتاج: مايعرفون أشكالنا
الجوري: تستهبيلين أخوي رائد يعني مايعرف شكلي وطلال مايعرف أخته العنود ها
لجين : بعدين بالله تخيلي لو كشفونا
وسن : بعدين بنلبس عبايات وندخل مدرستهم بيدرون أن إحنا بنات
رتاج: اسكتوا تراكم اكلتوني بعدين يا الجوري كلنا بنلبس ثوب ونحط لثمه وندخل مدرستهم شوي وبعدين ننحاش تكفون بنات الله يخليكم
وسن : أفكر
الجوري : لا أخوي بيكشفني ومابي أروح
لجين : انا لو تحلمين
رتاج : أوف صدق أنكم بزران
وسن : انا موافقه
رتاج : لجين بتجين ولا لا
لجين : لا
رتاج : كيفك بس ترى وسن بتجي
لجين خافت على وسن وقالت : أوكي بجي
رتاج : وأخيرا الجوري بتجين ولا اقطع صداقتي معك هي تمزح بس تبي تخوفها
الجوري : خلاص بأجي بس بشرط ماافك اللثمه
رتاج : شوفوا أختي رنا ماراح تجئ معانا بس العنود وانتم وأنا خلاص وبعد الفسحة بنناحش يعني تقريبا الساعه 8:00 ولا تعلمون احد
وسن : ماشاء الله مخططه من زمان
رتاج : إيه
لجين : طيب من وين بتجيبين الشماغ والاثواب
الجوري : إيه والله من وين بتجيبينها
رتاج : معي الحين
وسن : من متى خططتي
رتاج : امس انا والعنود
البنات : إها

نجي عند رنا والعنود في الحصه
العنود بصوت قصير عشان ماتسمع الابلة : رنا اليوم انا ولجين والجوري ورتاج ووسن بننحاش لمدرسة العيال الي ورانا
رنا : بصوت عالي ايش
الأستاذة : رنا عنود وش عندكم
العنود : أستاذه كنت بسألها سؤال عن الدرس
الأستاذة : خلاص اسأليها بعد الدرس
العنود : إنشاء الله
رنا : انتي وش تقولين
العنود : بعدين أقولك

في الفسحة
رتاج :العنود وين الثياب
العنود : معي في الكيسة
رنا : انتم صدق مجانين بتنحاشون للمدرسة ولا بتروحون مدرسة عيال الي فيها طلال وراشد ورائد
رتاج : إيه تبين تنحاشين معانا
رنا : لا والله انا مؤ غبيه مثلكم
رتاج : لا تروحين ماغصبناك
رنا : أقول بروح امشي مع أي شلة بنات على الأقل مؤ مثلكم
رتاج : روحي
الجوري : لجين أختك رغد متى تجئ !!؟
لجين الساعه 8
رتاج والعنود : الساعه 8
لجين : يب ليه فيه شئ
وسن : يا غبيه بننحاش الساعة 8
لجين : إها بس ماراح تشوفنا
البنات : انشاء الله

جت الساعه 8 والبنات راحوا للحمامات يتوزون
رتاج : وسن روحي شوفي في احد في الساحه
طلعت وسن بتشوف
الأستاذة : هي انتي ادخلي فصلك
وسن : إنشاء الله أستاذه
رتاج : بنات وسن ماراح تروح معانا
لجين : ليه
رتاج : الأستاذة مسكتها
الجوري : حرام مسكينه
العنود: يعني صرنا 4 انا ورتاج والجوري والعنود
لجين : إيه ياحسافه
رتاج : بنات مين تطلع وتشوف الساحه فاضيه ولا لا
العنود : انا بروح امسكي كيسة الثياب
طلعت ولقت الساحه فاضيه
العنود : بنات اطلعوا يله مافي احد
البنات : أوكي
الجوري : بنات وشلون بننحاش والحارس برى
العنود : هذا مفتاح الباب الخلفي جبته من مكتب المديره
رتاج : تعجبيني
الجوري ولجين : صدق مجنونات
رتاج يله البسوا الثياب
فجأة سمعو صوت خطوات في الساحه
الجوري : بنااات خايفه بأبكي الحين
رتاج : بنات غطوني انا لابسه الثوب
العنود : خلاص اسكتوا بروح أشوف مين
لجين : بسرعه
راحت العنود : ولقت رغد داخله للمدرسة
رغد : هاي عنود كيفك
العنود : أوف الحمدلله حسبتك أستاذه
رغد : انتي وش تقولين
العنود : ها ولا شئ الحمدلله طيبه وانتي
رغد : تمام
عند البنات
رتاج : بنات شوفوا وين العنود
الجوري : لا مابي الله يخليك
لجين وهي تبكي من الخوف : والله لو أموت مااروح روحي انتي
رتاج : صدق بزران تبوني أروح وأنا لابسه الثوب
الجوري : روحي عادي
راحت رتاج وشافت رغد والعنود
رغد يوم شافت رتاج متلثمه ولابسه ثوب طالع شكلها زي الولد زاعقت
العنود : وش فيك
سمعوا صوت خطوات البنات راحوا الحمامات والعنود سحبت رغد معاها
رغد : أي وجع ترى ابي يديني
العنود : وش فيك
رغد : والله تو شفت ولد والله بروح اعلم الاداره
العنود : أسكتي هذي رتاج يا غبيه
رغد : رتاج !!!!!
العنود قالتلها السالفه
رغد : انا معاكم بروح جبتولي ثوب
العنود : خذي ثوب وسن ماراح تروح معانا الأستاذة مسكتها
رغد : أوكي وين البنات
العنود قالت في الحمامات
رغد : يله ناديهم
البنات يوم شافو رغد انهبلو
لجين : اسفه رغد خلاص ماراح أروح المدرسة بس لا تعلمين أبوي
رغد : من قال أني بعلم أبوي انا بروح معاكم
رتاج : اوكي يله بنات البسوا الثوب وحطوا اللثمه

رتاج طلع شكلها زي الولد هي والعنود ورغد
أما الجوري واظح أنها ولد خكري
أما لجين شكلها بنت لانها قصيره وقالو لها البنات أنها ترفع نفسها
فتحت الباب العنود وطلعوا برى المدرسة

رغد : لجين والجوري ولا وحده ممكن تتكلم فاهمين لان أصواتكم مره ناعمه
لجين وهي ترتجف من الخوف : ط ي ب ا ذا
رتاج : تكلمي زين ترانا تونا ما دخلنا مدرسة الأولاد
لجين : أحم طيب إذا كلمونا انا والجوري
العنود : نصرفهم
الجوري ساكته مرره لانها خايفه ومستحيه
العنود : بنات وصلنا المدرسة هذي البوابة بندخلها الحين
لجين : صاحت
رتاج : لجين هذا مؤ وقت صياح
لجين : بناات أحم خ ا ي ف ه
العنود : خلاص انا معاك يله بنات انا بدخل الاولى ورتاج الثانية ورغد الثالثة ولجين الرابعة والجوري الاخيره
دخلو رغد والعنود ورتاج كانت الساحه فاضيه لانها الحصه الرابعة
العنود : يله لجين ادخلي بسرعه الساحه فاضيه
الجوري دخلت قبل لجين
لجين : وهي تصيح مابي
سحبوها البنات ودخلوها بالغصب


وفجأة !!!!!!!!!


انتهى البارت أتمنى يعجبكم وإنشاء الله كل ابوع بارت واحد


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 19-10-2012, 08:02 PM
صورة بنت أبوي 1 الرمزية
بنت أبوي 1 بنت أبوي 1 غير متصل
©؛°¨غرامي جديد¨°؛©
 
الافتراضي رد: رواية بنات العم وعيال العم بقلمي


معليش مع تصحيح الخطأ كل اسبوع بارت واحد


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 19-10-2012, 09:34 PM
صورة جذابه وعيونها خلابه الرمزية
جذابه وعيونها خلابه جذابه وعيونها خلابه غير متصل
©؛°¨غرامي فعال ¨°؛©
 
الافتراضي رد: رواية بنات العم وعيال العم بقلمي


السلام عليكم ورحمة الله وبركاته
روايتك رائعه بس ينقصهااا الوصف
وتمنيت انك ماعرفتينا بشخصيااات ببداية الروايه
وخليتينا نتعرف عليهم من خلال السرد
بس يله خيرهاا بغيرهاا
تحياااتي
وبتوووفيق...♥♡♥


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 20-10-2012, 01:11 AM
صورة بنت أبوي 1 الرمزية
بنت أبوي 1 بنت أبوي 1 غير متصل
©؛°¨غرامي جديد¨°؛©
 
الافتراضي رد: رواية بنات العم وعيال العم بقلمي


مشكوررهـ ^_^


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 20-10-2012, 01:39 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية بنات العم وعيال العم بقلمي


صباح الخير ......ياهلا فيك عزيزتي بغرام .......موفقة بطرحك .....بس عندي بعض االملاحظات اول شي فكرة انو البنات يدخلون مدرسة اولاد فكرة مكررة ومل القارئ منها غير انو هالفكرة مالها اي هدف ايجابي بنات بالغات ربي بيحاسبهم على تصرفاتهم يدخلون مدرسة اولاد وين الخوف من الله ووين اهليهم عنهم وعن تربيتهم ......لو الي يسوونه صح وعادي ماسووه من ورى علم اهاليهم ........ابي اعرف ايش الفليدة من دخولهم لمدرسة العيال ماخافو على نفسهم وسمعتهم ومستقبلهم .....

عزيزتي اتمنى منك تعدلي بمحتوى الرواية في فئات عمرية صغيرة تقراء الروايات ومايحطو ببالهم انو هذي رواية خيالية وراح يتأثرو وممكن يقلدو احداث روايتك وتاخذين ذنبهم ........خلي روايتك لها هدف ايجابي مو سلبي

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 23-10-2012, 11:52 PM
صورة بنت أبوي 1 الرمزية
بنت أبوي 1 بنت أبوي 1 غير متصل
©؛°¨غرامي جديد¨°؛©
 
الافتراضي رد: رواية :بنات العم وعيال العم /بقلمي


السلام عليكم مشكوره وردة الزيزفون ع نصيحتك بس حابهـ اقول شي ان الروايهـ خياليهـ وماتوقع بنآت بيدخلون مدرسة عيال لانهم يخافون ربهم وللمرهـ الثانيهـ مشكورهـ ع النصيحهـ ^_^


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 24-10-2012, 12:10 AM
صورة بنت أبوي 1 الرمزية
بنت أبوي 1 بنت أبوي 1 غير متصل
©؛°¨غرامي جديد¨°؛©
 
الافتراضي رد: رواية :بنات العم وعيال العم /بقلمي


أنآ إحترت أگملهـآ ولآ لآ إلي تبيني أگملهـا تقولي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 24-10-2012, 12:12 AM
صورة BRD W DFA الرمزية
BRD W DFA BRD W DFA غير متصل
©؛°¨غرامي فعال ¨°؛©
 
الافتراضي رد: رواية :بنات العم وعيال العم /بقلمي


روايه حلوه مره


استمري حياتي

توتي





  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 24-10-2012, 12:27 AM
صورة بنت أبوي 1 الرمزية
بنت أبوي 1 بنت أبوي 1 غير متصل
©؛°¨غرامي جديد¨°؛©
 
الافتراضي رد: رواية :بنات العم وعيال العم /بقلمي


وفجأة !!!!!


جاهم معلم : مفكرين تنحاشون ادخلوا بسرعه
رتاج : اااااا استاذ لا بس
المعلم : يله ادخلوا هالمره بعديها لكم لاكن المره الثانيه ياويلكم
العنود : شكرا استاذ
راح المعلم

رتاج فكت اللثمه : بنات شكلي بنت
رغد : لا بس غطي شعرك
رغد فكت اللثمه بنات شكلي بنت
البنات : لا
العنود : بنات إفك اللثمه
رتاج : مجنونه انتي وإذا شافك طلال
الجوري : صادقه
رغد : انا وش قلت لا تتكلمين
الجوري : آسفه
جاهم طالب : انتم طلاب جدد
العنود بصوت خشن :إيه تبي شئ
الطالب : لا بس اسأل وين فصلكم
العنود : ما نعرف
الطالب : اسآلوا الوكيل بأي انا عندي حصة

لجين كانت خايفه مرره وساكته وتنتفض
جاء طالب ثاني شاف لجين خايفه وكذا
الطالب : أخوي فيك شئ
البنات خافوا على لجين
الطالب : تسمع وش قاعد أقول
تكلمت رتاج: معليش الطالب خائف لانه اول مره يدخل المدرسة
الطالب: يعني فيه احد اول مره يدخل مدرسه
العنود: أقول انت ما تفهم روح ظف وجهك أوف نشبه
الطالب: أعصابك خلاص رحت
لجين قعدت تصيح بصوت عالي ومسكتها العنود وطلعت معاها في الساحه عشان مايشوفها أحد
أما البنات قعدوا بالكراسي الي جوا

العنود : لجين خلاص أسكتي فضحتينا
لجين : العنود انا خايفه احد يكشفني
العنود : خلاص محد يكشفك انا معك
لجين بدت تهدا : إلا العنود هذا مؤ كأنه أخوك طلال
العنود : إلا لجين تكفين صرفيه هو وشلته
لجين : اول تهديني والحين بتحسين انا وش أحس فيه اقعدي هنا وإذا جو عندنا انتي صرفيهم
العنود : اوكي

واحد من الشله
شباب شوفوا الي قاعدين هناك وش رأيكم نروح عندهم
طلال : يله شكلهم جدد
الشباب الباقين : يله

لجين بصوت خفيف: العنود جو عندنا
العنود : خلاص انا خايفه مره

الطالب : هلا مين انتم
العنود بصوت خشن : أحم أحم إحنا طلاب جدد
طلال : إها طيب وش فيه صوتك
العنود : حلقي يوجعني
الطالب : انت يلي جنبه ليش ما تتكلم !!؟؟
العنود خافت على لجين : أقول ماودكم تروحون
طلال : ليه
العنود : أوف مالكم دخل يله قوم ندخل جوا

دخلو جوا ولقو البنات قاعدين على الكراسي

لجين : أخيرا لقيناكم
رغد : قصري صوتك
رتاج : وين كنتم فيه
العنود قالتلهم السالفه
الجوري: يمه بنات تتوقعون بيعرفني رائد
العنود : ما أتوقع لأنك خوافه وماراح يخطر على باله
رتاج : بنات شفتوا المعلم من اليوم يناظرنا وش رايكم ندخل أي فصل
رغد : إيه والله شوفوا بنات العنود ولجين ما بعض وأنا ورتاج والجوري ما بعض
لجين : ليش نبي نكون ما بعض أحلا
رغد : يا غبيه شافوكم شلة طلال وبنتقابل في الطلعه اوكي
البنات : اوكي

نجي عند راشد ورائد خلصت الحصة
رائد : أوف توها تبدأ الحصة الخامسة
راشد : والله ملل أوف
رائد : عندك سوالف ياخي ملل
راشد : إيه

عند لجين والعنود
العنود : لجين بندخل فصل أولى ثانوي
لجين : ليش !!؟
العنود : انتي قصيره لا تنسين
لجين : إيه صح
العنود : شوفي لا تتكلمين ولا كلمه وسولفي بصوت قصير حتى إذا سألوك خلي كل شئ علي اوكي
لجين : اوكي

دخلو لجين والعنود فصل راشد ورائد
فجأه الفصل سكتوا والكل يناظرونهم
الطالب : هلا انتم جدد
العنود : إيه ليه في شئ
الطالب : لا
العنود : أقول كملوا سوالف
قعدوا لجين والعنود آخر مكان

الأستاذ السلام عليكم
الطلاب وعليكم السلام
طبعا العنود فكت اللثمه وطلعت شعرها هي شعرها بوي أما لجين مافكت شئ لان ملامحها بنت


نرجع عند رغد ورتاج والجوري
رتاج : رغد الحين انتي وين بتودينا
رغد : يعني وين بوديكم مثلاً
الجوري : بنات خلونا ندخل هذا الفصل
رتاج : رغد ادخلي قبلنا انتي فاكه اللثمه بكبرها
رغد : اوكي
دخلت الفصل وعيون المعلم والطلاب عليها
رغد : أحم أحم
الأستاذ : نعم بغيت شئ
رغد : اااا
دخلت رتاج : هذا فصل ثالث ثانوي
الأستاذ : نعم بغيت شئ
رتاج : إلا لا بس حنا طلاب جدد
الأستاذ : أهلا عرفونا على أنفسكم
رتاج : ااا راكان
رغد : رامي
والطلاب كلهم يضحكون
طالب : فيه احد اسمه رامي
الأستاذ : خلاص اسكتوا طيب انت وش اسمك
يقصد الجوري
الجوري بصوت قصير وفيه بحه : اااا جواد
الأستاذ : ايش
رتاج : جواد
الأستاذ : تفضلوا شوفوا المقاعد الخلفيه فاضيه وبنعطيكم الكتب إنشاء الله بكره
رغد : مشكور أستاذ
الأستاذ : العفو يله انتبهو للدرس
رتاج : فشلتينا فيه احد يقول اسمه رامي كان قلتي عبدالله محمد أي شئ
رغد : أسكتي بس أوف ترى الي فيني مكفيني
الجوري : هيه اسكتوا
رن الجرس وطلع الأستاذ والعيال الي يسولف والي طلع ......
رتاج : بنات مؤ كأنه طلال الي قاعد هناك ع الزاويه
رغد : إيه والله أقول البس اللثمه
رتاج : لا عادي
الجوري : رتاج فكي اللثمه
رتاج : لا بالله شكلي كأني بنت
الجوري : عادي
رتاج: صدق مجنونه تبيني اطلع شعري
رغد : خلاص اسكتوا
طالب : هلا
رتاج: هلا نعم أخوي تبي شئ
الطالب : لا بس ليش تسولفون بصوت قصير
رغد : وش رأيك تسكت مؤ أحسن
الطالب : موب الشره عليكم الشره على الي يبي يتعرف عليكم
رغد: من زينك عشان نتعرف عليك
الطالب : وش رأيك تعطيني كف مؤ أحسن
رغد بصوت عالي : عادي قرب وجهك وأعطيك كف
الطالب : يله
رغد من العصبية الي فيها عطته كف قوي
الطلاب كلهم متفاجئين
الطالب : مسك رغد مع يدها وعفطها بقوه
رتاج ما حبت تدخل بالسالفه لان بيطلع شعرها أما وجها مطلعته
الجوري كانت خايفه مره ويمكن بأي لحظه تصيح
رغد : يا الكلب كسرت ايدي
الطالب : تستأهل تبي زياده
واحد من الطلاب : هي الأستاذ جاي
الطالب : هين والله لوريك بعد الحصه
رغد : جرب
دخل الأستاذ
رتاج : رغد انتي مجنونه
رغد : وهي تبكي بصوت خفيف عشان محد يسمعهـا بنات انا خايفه يكشفني
رتاج : رغد انتي تبكين
رغد : رتاج انا تعبت خلاص
رتاج : خلاص قولي له آسفه وفكينا
رغد : خلاص بأقول له بعد الحصة

نجي عند لجين والعنود
الأستاذ غايب والفصل مره ازعاج
لجين : العنود تتوقعين ايش صار مع البنات
العنود : انشاء الله خير المهم وين الشماغ بحط لثمه أخاف يدخل أخوي للفصل يمكن يكلم رائد وراشد
لجين : هنا
رائد : راشد وش رأيك نجي عن الطلاب الجدد
راشد : يله
لجين : العنود شوفيهم جو عندنا
العنود : أسكتي لا تتكلمين ولا كلمه انا الي بتكلم
رائد : هلا والله ممكن اعرف أسمائكم
العنود : انا علي وهذا عبد اللطيف
رائد : تشرفنا
راشد : علي ليش انت مره تفك اللثمه ومره تحطها
العنود : ولاشي ليش حرام
راشد : لا بس اسأل
رائد : اليوم مع مين بتمشون
العنود : مع شلتنا
رائد : إها
راشد : عبداللطيف ليش مايتكلم طول الوقت ساكت
العنود : هذا نفسه خايسه
راشد ورائد : ههههههه خلاص يله باي تأمرون بشي
العنود : باي
لجين : الحمدلله راحوا
العنود : إيه والله


نرجع عند رتاج والجوري ولجين
طلع الأستاذ
الطالب : سحب رغد من الكرسي وطيحها من الارض
الجوري ساكته ممكن بأي لحظه بتصيح
رتاج : معصبه ودها تمسكه وتضربه وقالت بصوت مبحوح بخوف : معليش خويي كان بيتأسف لك
الطالب : خلاص أتمنى انه نال جزائه وإذا يبي زياده ترى ما عندي مشكله
الطلاب مرتاعين
رغد كانت دايخه تحس أنها ما تدري عن الي حولها لان الطيحه مره قويه طاحت على رأسها
رتاج : رامي قوم قوم
رغد ساكته والجوري صاحت ومحد درى عنها
رتاج : رامي رامي
طلال : عيال جيبو مويه بسرعه


التوقعات
طلال بيكشف رغد ؟؟؟؟
البنات بينكشفون ؟؟؟؟؟؟
الولد الي طيح رغد بيصلح معهـا شي مرهـ ثانيهـ ؟؟؟؟؟


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 31-10-2012, 06:03 PM
صورة بنت أبوي 1 الرمزية
بنت أبوي 1 بنت أبوي 1 غير متصل
©؛°¨غرامي جديد¨°؛©
 
الافتراضي رد: رواية :بنات العم وعيال العم /بقلمي


البارت الثالث

طلال : عيال جيبو مويه بسرعه
الولد الي طيح رغد : شوفوا ولا احد يعلم الوكيل ولا ترى بيجيكم شئ ما عمركم شفتوه
الطالب : يمه خفنا منك يعني وش بتسوي مثلا
الولد : تعرفون وش اصلح الي يعلم يشوف وش يجيه
طلال : محمد جيب مويه الولد مدري وش فيه
رتاج : وفيها الصياح بس استحملت طلال عطني المويه
كبت رتاج المويه على رغد
واحد من الشباب : شباب مين عنده عطر
رتاج تذكرت أن الجوري معها عطر رتاج يوم شافت الجوري تصيح لمتها علطول والشباب كلهم متفاجئين
الطالب : أحم
رتاج : اااااا همست في إذن الجوري امسحي دموعك وعطيني عطرك
الجوري عطت العطر لرتاج
طلال : جيبي العطر
وبخه بمنديل وقامت رغد شافت العيال كلهم حولها بس الي طيحها قاعد ولا اهتم
رغد بصوت قصير : انا وين
رتاج : رامي الحمدلله على السلامه وقومت رغد ولمتها
العيال يصفقون
طلال : تصدق رامي كلنا مرتاعين يوم أغمى عليك
طالب : إيه والله صادق
رغد : مشكورين
الطلاب : العفو ماصلحنا إلا الواجب
رتاج تذكرت الجوري وراحت عندها
رتاج : الجوري خلاص لاتصيحين شوفي رغد قامت ومحد كشفنا
الجوري : انا خايفه
رتاج : حبيبتي خلاص لاتصيحين
رغد : الجوري شوفيني انا الحين بصحه وعافيه
الجوري لمت رتاج ورغد
وبعدها رن الجرس وجت الطلعه

لجين والعنود طلعو
لجين : يا ربيه وشلون بنطلع الحين
العنود : أوف تراك زعجتيني دوري البنات بس
رتاج : هلا لجين والعنود
البنات تلامو و فجأه جاء راشد ورائد وطلال

طلال : هلا والله
رغد : هلا
راشد : هذا الي أغمى عليه
العنود : هيه وش القصه
رائد : خويك ولا تعرف قصته
العنود : انا وش دراني هو بفصل وأنا بفصل
طلال : خويك رامي أغمى عليه
العنود : احلف
طلال : أقول يله باي واشوفك بكره رامي


الجوري : بنات الحمدلله أخوي ماكشفني
العنود : أقول فكينا من أخوك وش قصت رامي
رغد : بأقولكم بعدين بنات انا دايخه متى نروح البيت
رتاج : بنروح بعيد شوي عن المدرسة ونلبس العبايات ونروح مدرسة البنات
البنات : اوكي
لجين : بنات ابي أروح الحمام
رتاج : هذا مؤ وقت حمام
لجين : بليز
رغد : يله بروح معك بس بشرط بدخل الحمام الأولى
لجين : اوكي

في الحمامات
رغد دخلت الحمام ولجين وافقه عند الباب
طلال : رائد هذاك موكأنه صديق رامي الساكت
رائد : إيه والله وش رأيك نروح نسأله وش اسمه ونسحب على راشد
طلال : يله
رائد : هلا والله
لجين ساكته وخايفه
طلال : هلا
لجين بصوت فيه بحه : هلا
رائد : وش فيه صوتك
لجين : ااحم حلقي يوجعني
رائد : إها وش اسمك
لجين : اااا
رائد : وش فيك مايعرف اسمك
لجين : لافي
طلعت رغد من الحمام
طلال : هلا والله برامي
رغد : هلا
رائد : اقول باي لافي أشوفك بكره
طلال : باي رامي
رغد : باي
رغد : انتي قلتي لهم اسمك
لجين : بعدين أقولك وش رأيك نروح عند البنات قبل مايجي السواق
رغد : يله

عند البنات
رتاج تركض بسرعه تروح عند رغد وفجأة تصقع براشد وتطيح فوقه والشماغ يطيح
الجوري تركض بسرعه لرتاج تخاف تنفضح والشباب مجتمعين وطلال ورائد يتفرجون
راشد : ااااااي وجع ماتشوف
رتاج ساكته ومنزله رأسها وشعرها هي بوي بس مؤ بوي مره جاي على وجها
راشد : ماتسمع
رتاج قامت على طول ولحقتها الجوري وعطتها الشماغ وحطته على شعرها
راشد : هي انت ووجع ماتشوف
رتاج : إيه مااشوف مين قالك تمر من طريقي
راشد : وانت ليش تركض
العنود تهمس في إذن رتاج السواق جاء بسرعه
رتاج : باي
راشد : هي انت لاتتهرب

وأخيرا طلعو البنات من المدرسة ولبسو عباياتهم وركبو مع السواق
رتاج : بنات تصدقون يوم واحد وصارت مصايب
رغد : إيه والله
العنود : بنات وش رأيكم اليوم نروح للسوق ونسولف وش صار في المدرسة
البنات : اوكي
العنود : بعد صلاة المغرب بنروح لغرناطة وش رأيكم
رتاج : لا
الجوري : رياض جاليري
البنات : اوكي

عند الشباب
طلال : والله ياحبيله رامي أحسه ولد طيب ومو راعي مشاكل
رائد وراشد : ليه !؟؟
طلال : عرفتوا الولد فلان بن فلان
رائد وراشد :إيه عرفناه وش فيه
طلال : تدرون كان بيعتذر له
رائد وراشد :من جدك
طلال : إيه والله
رائد : حتى انا مدري ليه يوم شفت لافي حسيت بشعور غريب
طلال وراشد : ههههههههههه
رائد : وش فيكم
طلال : تستهبل انت
رائد : اقول موب الشره عليكم الشره على الي يعلمكم
راشد : وش اسمه ذاك الولد الي صقعني
طلال : راكان ليه تسأل
راشد : لا حسيته مؤ راعي مشاكل مو مثل العيال الباقين
طلال : الشله بكبرها ودي أتعرف عليها صراحة أحسها أخلاق
رائد : بنتعرف عليها بكره

الساعه ٣ العصر
في بيت أبو راكان
رائد : صراحه هالشلة أخلاق يا ليتني تعرفت عليها >>>يقصد البنات
الجوري كانت خايفه مره
راكان : تعرف عليها بكره
الجوري حاولت تغير السالفه : زياد عطني الايباد حقك
زياد : مافيه
الجوري سحبته منه وراح يصيح
رائد : والله انه بزر
راكان : إيه والله بسادس ويصلح كذا
الأم : جوير
الجوري نعم يمه
الأم : عطي زياد الايباد
الجوري : بس
الأم : عطيه هو بزر
الجوري : انشاء الله
رن التلفون
الجوري : هلا
رتاج : الجوري وش رأيك تجين عندي
الجوري : ليه اليوم بتجين للسوق
رتاج : إيه بجي بس تكفين تعالي عندي مشتاقتلك في المدرسة مااقدرت أسولف معك
الجوري : اوكي باي
رتاج : باي
راكان : مين تكلمين
رائد : يعني مين مثلا أكيد رتاج
الجوري : إيه رتاج يله باي بروح عندها
رائد : ما ادري متى ذي البنت تمل منك


في بيت أبو عبدالملك
رنا : رتاج صراحة مااصدق الي صار ترى بأجي معكم السوق
رتاج : اوكي بأنزل تحت بخلي عبدالملك يروح قبل ماتجي الجوري
عبدالملك : هلا
رتاج : هلا عبدالملك بتطلع اليوم
عبدالملك : إيه وش تبين
رتاج : إذا تبي تطلع اطلع من الحين قبل ماتجي الجوري
عبدالملك : تراك ذبحتينا بالجوري
رتاج : يله رح
عبدالملك : يله باي
رتاج : باي
بعد ٥ دقائق جت الجوري
رتاج لمت الجوري : هلا والله بالجوري
الجوري : أهلين
رنا : هاي
الجوري : هاي
رنا : عادي اقعد معاكم
الجوري : عادي

في بيت أم نوره
راشد : ذي الشله مره غريبه
محمد : تلقاهم خكاريه هههههههه
كريم : متلثمين
راشد : إيه وهذا الي حيرني يوم صقعني قام وغطا شعره علطول
محمد : ههههههه ياحبيلهم
كريم : تعرف عليهم يوم السبت وشوف وش قصتهم
محمد : تتوقع ليه
راشد : لو اعرف قلت
محمد : اوكي باي
كريم : وين بتروح
محمد : بروح أتمشى انا واخوياي


في بيت أبو ياسر
طلال: رامي أغمى عليه يوم طيحه فلان بن فلان
عبدالله : والله حماس يا ليتني معاكم
طلال : وجبنا مويه
العنود قاطعته : اااااا عبدالله
عبدالله : نعم وش تبين شايفتني متحمس بالسالفه وتجين تخربين علي
العنود : بروح للسوق انا وأمي اليوم بعد المغرب توديني
عبدالله : فاضيلك المهم كمل طلال
العنود: اوف طيب بروح مع رتاج
عبدالله يوم درى أن رتاج بتجي : خلاص بوديك متى بتروحين
العنود : بعد العشاء أنا وأمي
عبدالله : أي سوق
العنود: رياض جاليري


في بيت أم فيصل
فيصل : ليش اليوم رجعتي من المدرسة متأخرة انا الجامعي جيت قبلك
لجين : اااا
رغد: والله عاد أبي افلها مع صديقاتي المهم باي بروح عند أمي


رغد : يمه بروح السوق مع البنات تكفين وأروح معك عزيمه ثانيه
الأم : لا يعني لا
رغد : يمه تكفين
الأم : بشرط
رغد : وش
الأم : تروحين معي عرس صديقتي الأسبوع الجاي
رغد : اوكي طيب بتجين معي للسوق لان البنات كلهم بيجيبون أمهاتهم
الأم : معليش مقدر
رغد : عادي


الساعه ٦

طبعا جو كل البنات وامهاتهم ماعدا أم رغد
والعيال ماراح يجون

نزلت رتاج من السيارة وعرفها عبدالله من عيونها
العنود : رتاج هلا
عبدالله نزل من السيارة : هلا رتاج
رتاج من غير نفس : هلا
العنود : وش تبي
عبدالله : لا بس جيت بأسأل تبين فلوس
العنود : إيه عطني
عبدالله يقول بنفسه ياليتني ما قلت
عبدالله : خذي
العنود : ٥٠ ريال
عبدالله : يله باي
العنود : تعال وين رحت
رتاج والجوري ورنا : هههههههههههه


البنات قعود في كفي وقالو كل شئ عن الي صار والحريم يتمشون في السوق
رغد : الله يعين طلال بيفقدني بكره
رتاج : بنات وش رأيكم نروح بكره لمدرسة عيال
البنات : صدق مجنونه
الجوري : روحي بلحالك
العنود : تدرون أخوي طلال قاعد سيولف عن الشله ويمدحها ويقول أحلى واحد رامي
رغد : كذابه من جدك
العنود : إيه والله
الجوري : إيه والله حتى أخوي يمدح لافي بس بنات مين الي مسميه نفسها لافي
لجين : انا
رتاج: اوخص يا بنات
البنات : هههههههههه


فجأه جاهم شباب



أنهى البارت أتمنى يعجبكم


الإشارات المرجعية

رواية بنات العم وعيال العم / بقلمي

الوسوم
العم , بنات , بقلمي , رواية , وعيال
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2320 اليوم 04:49 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM

الساعة الآن +3: 05:13 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم