اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 09-11-2012, 11:30 PM
صورة زَفرآت السنِين ! الرمزية
زَفرآت السنِين ! زَفرآت السنِين ! غير متصل
©؛°¨غرامي فعال ¨°؛©
 
الافتراضي روايتي الثانية : أنا رجل الهزائمِ ليلا أعلن انكساري أمامك




السلام عليكم ورَحمةُ الله وَ بركَاتُه ، !

أينمَا يخَطُ القَلمُ تَقعُ ارجُوزَة الحُلمِ والوَاقِع بَينَ يدَينَا لِ نتحَاورهَا !

كُنتُ قَد كَتبتُ روَاية سَابقِة ألا وَ هِيَ ( تَدري ياقلبي الاعاقَة خلت لحبنا حكايات )

لا أعَلم إذا كَانتْ السّابِقة تَسبقُ الحَاليةْ . . لكِن عَلى مَتنِ الحَافلةَ

سَنعلمْ . .كَيف نتعمّق ونحصلُ على ذَروةُ غريبَة مشُبعَة . . !

كَما تعلمُون ! . . انّي أكتُبْ .. لكنْ راجِيةً مِنكُم التّفاعُل الذّي أستحقّه وتستحِقهُ روايتِي

علمًا بأنّي على ثِقة بِ أنّكنُ لن تخَيبنُ ظنّي !

بِدايةً الرِوايةَ ربمّا غرِيبةٌ بَعضَ الشّيءْ .. لأنّها تتحدّث عنَ حضَارةُ البدّو فِ زمَننُا الحَاليْ

والخِلافَاتْ العصبية والقُبلِية التّي تتضمنْ الإنتقامَات والتّعصُب القُبلِي !

كمَا تعلمُون فِ اسمِ روايتِي كُتبَ ( رَجُل الهَزائم ) أَيْ رجُلٌ قاسِي صلبْ جِلمودُ جليدْ

يُطلق عليهِ دائمًا ( الرجل الجِدار ) فِ الرواية ، من سَابِع المستحِيلاَت أنْ يبتِسم إلاّ ماندرَ جِدّا

وحِينمًا يبتَسم الكلّ يُدهَش ! .. منَ المُستحَيل اذا حَقدَ أنْ يرحَمْ ، صلبُ القلبِ جدّا وجِدّا .. رجُل

يفزَعُ فِ الحربِ حتّى اطلق عليهِ ( رجُل الهَزائِمُ ليلاً ) فَ شعُراء قبيلتُه كتبَوا عنِه دِيوانًا بسيطَا

لِقسوتِه .. يُعتمَد عليهِ فِي أشدّ الأمُور التّي لا يتحمّلها القلبِ .. لآ يَخضَع إلاّ لأمَهِ فقطْ .. لكنّه قليلاً

ماتجِدهُ مبتسِمًا .. إذَا حقدَ لآ يَرحمْ .. لاَ يرحَم .. !

فقِيل عَنه ! ( إنّها مجنُونَةٌ مَنْ تقبلُهُ زوجًا لهَا وردِيئَة الحّظْ إنْ لم تُحافِظ عليه ) !

يُعتبِر قائِدَ قومِه .. وسيدُ أسيادِهمْ .. فَ كلّ القَبائِل تخَشى فَقطْ مِن ذِكر اسمِه ..

إلاّ قبيلةُ ( بَنُو عَنزْ .. فِ زمننَا الحَاضِر يطلق علِيهم " العنِزي " )

كلّ قبيلَة تعِيشُ فِ وادٍ ولا يختلِطُ بعضُهما بِ بعضْ بسببَ الحربْ القبلية القائِمة !

ومن يتعدّى حدُودْ الوَادِي ويتخطّى الوادِي الآخِر .. ينَال بِئسَ العقُوبَة !

انا قارئة بينكم ومازلت قارئة .
.
فتقبلوني بينكم .. ولكم ارفع قبعة التواضع !










آخر من قام بالتعديل وردة الزيزفون; بتاريخ 10-11-2012 الساعة 03:17 AM. السبب: تم اضافة بعض التعديلات بطلب من الكاتبة
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 09-11-2012, 11:35 PM
صورة زَفرآت السنِين ! الرمزية
زَفرآت السنِين ! زَفرآت السنِين ! غير متصل
©؛°¨غرامي فعال ¨°؛©
 
الافتراضي رد: روايتي الثانية / أنا رجلُ الهزائمِ ليلاً ، أعلنُ انكساري أمامكِ !


بسم الله نبدأ
برب .. :)


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 09-11-2012, 11:36 PM
صورة زَفرآت السنِين ! الرمزية
زَفرآت السنِين ! زَفرآت السنِين ! غير متصل
©؛°¨غرامي فعال ¨°؛©
 
الافتراضي رد: روايتي الثانية / أنا رجلُ الهزائمِ ليلاً ، أعلنُ انكساري أمامكِ !


البارت : الأول








البارت : الأول









أيظن أني لعبة بيديه؟
أنا لا أفكر في الرجوع إليه
اليوم عاد كأن شيئا لم يكن
وبراءة الأطفال في عينيه
ليقول لي : إني رفيقة دربه
وبأنني الحب الوحيد لديه
حمل الزهور إلي .. كيف أرده
وصباي مرسوم على شفتيه
ما عدت أذكر .. والحرائق في دمي
كيف التجأت أنا إلى زنديه
خبأت رأسي عنده .. وكأنني
طفل أعادوه إلى أبويه
حتى فساتيني التي أهملتها
فرحت به .. رقصت على قدميه
سامحته .. وسألت عن أخباره
وبكيت ساعات على كتفيه
وبدون أن أدري تركت له يدي
لتنام كالعصفور بين يديه ..
ونسيت حقدي كله في لحظة
من قال إني قد حقدت عليه؟
كم قلت إني غير عائدة له
ورجعت .. ما أحلى الرجوع إليه ..





لنزار قباني :$








كان يردد بداخله " الثار ب الثار .. ونشوف نتايج أفعالكم .. مثل ماقال ربي " العين ب العين والسن ب السن والبادئ أظلم " ..
مازال يتذكر ابوه .. يتذكر كيف عانى وشقى يومه مات ..
تحسر .. وانقهر .. كل الوديان اثبتت ان القاتل من بنو عنز ..
والعين صارت واضحة .. وابو حاتم مابيده حيلة ..
صحيح القاتل من واديه لكنه يعرف ان مستحيل يكون من اهله ..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛
بـ الجامعة
كانت تمشي وهي كلها فخر بأنها بنت ابوها .. والكل يعرفها ويعرف قدر ابوها بين العرب .. بنت مشهورة .. لكن في بنات من بعض الوديان مشهورين مثلها ..

" رنيم " بنت عمرها 18 سنة .. دخلت المدرسة بوقت مبكر .. فعشان كذا هي بسنة أولى من الجامعة ومازال عمرها 18 .. وهي اصغر وحدة بالكلاس ..

اعرفكم عليها ..
رنيم بنت الشيخ عبد الرحمن العنزي ( من وادي العنزي ) عمرها مثل ماقلت لكم 18 سنة ..
الجازي اختها عمرها 19 ..
باقي اخوانهم الرجال ..
حاتم عمره 26 سنة .. رجل حازم في كل قرارته .. ويعتبر يد ابوه اليمين في كل شيء .. وكل عائلة العنزي تحترمه ..
و عز عمره 24 سنة .. يعتبر مثل اخوهـ حاتم الا انه يختلف في بعض الميزات بحيث انه يمزح ورجل فكاهي ..
سلطان .. عمره 22 سنة .. هذا انسان فكاهي لأبعد درجةة .. يدرس بالجامعة ..

العائلة الثانية عائلة الشيخ عناد العنزي
دحام عمره 29 سنة
سارة متزوجة عندها ولد وعمرها 25
رهام عمرها 19
مأثر عمرها 18

العائلة الثالثة عائلة الشيخ يعقوب العنزي
ياسين عمره 26 سنة
تركي عمره 25
الجوهرهـ عمرها 23 دكتورة
رغد عمرها 19 سنة ..

جلست مع رهام والجازي وتكلمت / الا وين رغد ؟
رهام / والله مدري مير يمكن انها عند الكافتيريا ..
رنيم ابتسمت / وكيفها مع الدراسة ؟
رهام ضحكت\هههه العلم لله مير والله انها محفلة
الا وجت رغد حاملة صحن الوجبة وجلست\اوف وقسم بنجلط من المحاضارات
ماظل شيء ماجى معنا .. ي خي ابو لآبو نيوتن وطواريه
رنيم ضحكت\ههههه أفا وش دخل نيوتن وطواريه ؟
رغد\العلوم يايمه .. ماهو الا خزعبلات وادي قريح ..
رنيم\هههههه ياوادي قريح
رغد\والله انها مابتعدي سليمة ..
رنيم\لا ان شاء الله فالك النجاح ..
رغد\ياحسرتي من وين لي النجاح .. يوم ان امي كل شوي
تزفني وتقول لي ذاكرتي يامال العافية وانا ابلع العافية وارطن وارطن ولا من فايدة
رهام\ههههههههه لالا زين ماتسوي خالتي فيك
رنيم\هههه والله انك حالة مشابهة لسلطان اخوي .. مابه مفر القلوب عند بعضها
الجازي\هههه يقال انه كذآ

رهام\الا ماسمعتوا بضاري الـ ......... ؟
رغد\علامه ؟
رنيم\مححد كاسرن ظهر ابوي وموجعه غيره .. الله لايهدي له بال
رغد\هذا ذاك الرجل الجنتل مان اخو العنود ؟
رنيم\ايوووآ بالضبط ..
الجازي\آآه بس ي حسرتي .. وربي ان ابوي ماهو بمرتاح من هالطواري
رنيم\فديته عسى ربي يريح قلبه ..

البنات\آممممممممين ..


من جهة أخرى ..
كانت العنود واقفة مع صاحباتها شيماء وداليا .. وكانت جالسة مقابل طاولة عيال العنزي
قالت وهي مكشرة / وهذول ماني بطايقة وجودهم .. الحمدلله اللي فكنا منهم ومن شرهم .. وصرنا بوادي وهم بوادي
شيماء / ايه الحمدلله ..
داليا / بس حرام البنات مالهم ذنب بفعايل رجالهم ..
العنود بنرفزة / على تراب .. دم ابوي مابعد يجف .. واخوي الا ماياخذ بحقنا .. دمه مانبيعه برخيص .. وحنا نطالب بدية الدم ..
داليا بلعت ريقها من سمعت طاري اخو العنود ..
شيماء تنهدت / بس ماشاء الله عليهم جمال وملامح حلوة ..وخصوصا البنت اللي جالسة هناك " تأشر على رنيم "
العنود تاكل / مانكر ان الصراحة عليهم جمال .. بس يهبون ثم يخسون نرافقهم ..
داليا / سيرتكم يالعنود على كل لسان .. كل الشرقية عارفة ب هالمنازع اللي طايحة فيه قبيلة العنزي مع قبيلة الدوسري ..
العنود رفعت حاجب / وحنا شكو ؟ .. يعني شنسوي لهم ؟ .. كلام الناس عمرهـ ماوقف .. بس احنا لازم نوقف هالمهزلة اللي ابتدوها بالثار
شيماء / يعني مابودي اتدخل لكن بتقوم عليكم باقي القبايل ..
العنود ضحكت باستهزاء / تقوم القبايل .. اخوي يهجدها بلسانه اللي يسل السيف ..
داليا وشيماء بلعوا العافية .. وقاموا كل وحدة لمحاضرتها ..

العنود مشت جنب طاولة بنات العنزي وناظرتهم باستحقار ومشت ..
رهام بقهر / هالحين انا هالنسرة ذي باخذها وبشق فكها وبطلع سنونها ..
رغد بقهر لا يقل عن رهام / مدري ايش مفكرة نفسها .. خير يعني ؟ .. كل من جى تبلى على عيال العنزي .. محنا بسالمين من لسانهم بكرة ..
الجازي / أيه والله .. هذا ابوي مو تاعبه غير سالفتهم .. بالذات الغبي اخوها ..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

دخل وهو تعبان بعد ماجى من شركة ابوه ..
بيتهم كان عبارة عن قصر كبير .. ممتلئ بالأثاث الفخم والديكورات الباهظة الثمن .. الأثاث كلاسيكي .. جدا .. الا ان المجلس العائلي فهو يميل للطابع الخليجي .. الإنارة الخافتة أساس الهدوء والراحة ..
والبساط الأحمر ( الفرش ) الممدود من قمة الدرج الى اسفله ..
الثريات الذهبية المضيئة .. والتماثيل والتحف الفرنسية .. تعطي طابع عن ان الذوق هو منبع لأهل هذا المنزل ..

لما دخل رمى بحاله ع الكنب ونادى الخادمة / موليااا .. موووليا ..
موليا جت له وهي تهرول / نأم ( نعم ) بابا ؟
حاتم بـ تعب / جيبي لي كاسة موية بسرعة .. ونادي الوالدة ..
موليا / ان شاء الله .. وراحت تنفذ الأوامر ..
ماهي الا دقايق ودخلت ام حاتم معاها كاسة الموية ..
حاتم فز وسلم على امه / هلا والله بـ الغالية .. أخبارك يايمه ؟
ام حاتم ابتسمت / الحمدلله يايمة .. ( مدت له كاسة الموية ) ماخبرك ابوك متى راجع هو وعز ؟
حاتم / لا والله .. لان هو هالحين يدرب عز على امور الشركة ..
ام حاتم / كويس .. ماراح احط الغدآ الا لما يجون ..
حاتم ابتسم / ايوآ .. لان مو رايق للأكل هالحين .. خواتي ماوصلوا ؟
ام حاتم / لا لسة ماطلعوا من الجامعة ..
حاتم / اممم .. طيب .. يلا انا بقوم ارتاح فوق ( وباس راسها ) تامرين ع شيء .؟
ام حاتم / سلامتك ..

صعد فوق لجناحه .. اللي كان مأثث من درجات الأزرق والتركواز والألوان البحرية اللي تبعث للهدوء ..
انبطح ع سريره ينام .. عله يخف الصداع اللي في راسه ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛

كان جالس في مكتبه .. ويناظر الأوراق الموجودة قدامه .. دخلت عليه أحد الخدم ( شريفه ) خادمة سورية قالت له / استاز ضاري مابدك تاكل ؟
ضاري من غير مايطالعها اشر لها بـ لآ ..
شريفة ابتسمت .. تنحت في جماله الحاد .. اكثر مايعجبها في ضاري شخصيته .. جماله .. عيونه الواسعة العسلية والنظرات الحادة .. الخشم الطويل .. والفم المشدود .. بشفايف مليانة .. وجهه فيه عرض وجسمه معضل .. كان لآبس ثوبه وشماغه الأحمر .. ومنزل راسه متعمق ب الأورق ..

انتبه لنظراتها له .. ورفع عينه عليه وحاجبه مرفوع واشر لها بمعنى " خير تطالعين " .. ماشاف الا غبار رجولها .. شيء طبيعي تخاف منه ومن شخصيته القوية والقاسية .. اذا هو بمجرد نظرة يرعب .. كيف اذا كان كلام !

سكر الملفات وعقد حواجبه .. وشبك يدينه ببعض وحطها ع المكتب .. يفكر كيف يبرد قلبه من قضية ابوه .. ابوه مات وماهو بقادر ينتقم له .. الدم ماجف .. بعد حي في قلبه .. مايدري شنو الطريقة اللي ممكن تخليه يهدآ ويرتاح باله من آل الـ.......... ..

تنهد .. وطلع برى مكتبه ..
بيتهم عبارة عن قصر .. يضاهي الاف المرات قصر آل العنزي في المساحة والكبر ..
القصر فرنسي .. ممزوج بحيوية خليجيه .. ألوان الأحمر والأبيض والأسود متداخله .. ومن ناحية اخرى اللون الليموني مع الأزرق والسماوي والتركواز متداخلة .. من ناحية اخر ايضا ألوان الأخضر العشبي والبنفسجي والزهري الفاتح متداخل .. والمجلس العائلي طبعا رايح يكون تصميمه خليجي بدرجات البني مع البيج ..

راح للصالة الوسطى في بيتهم بما انهم ثلاث صالات ..
جلس وشاف امه .. سلم عليها وجلس قبالها ..
وتكلم بصوته الحاد مع بحة / وين العنود ودانه ؟
ام ضاري / العنود لسة ماوصلت من الجامعة .. ودانة طلعت مع عمتك ملاك ..
ضاري سكت وناظر بسرحان امه وهو مكتف يدينه .. حاس بحزن امه على فقدة زوجها اللي هو ابوه .. وفقدة اخوانه لأبوهم .. وعمته ملاك دلوعة ابو ضاري فاقدته ..
كل هذا بسبب قاتل مجهول لكنه من آل العنزي .. لان لقوا جثة ابوه بوادي العنزي ..
وقريب ياخذ بـ حقه , قريييب ..

ضاري قال لأمه / يمه انا رايح انام .. لاتخلي احد يصحيني .. لان انا بصحى لوحدي ..
ام ضاري / طيب ..
راح فوق .. وهو يمشي .. كل ماشافته وحده من الخدم ارتعبت والدم تجمع بوجهها .. دخل جناحه .. وأكره ماعند لما يشوف بغرفته البخور العربي اللي يسبب له حشرة صرخ بصوت عالي / شريييييييييفة .. شريييييييييييييفة
جت بسرعة وهي بتموت من الخوف وتلهث/ نعم استاز ضاري ؟
ضاري بعصبية / للمرة العاشرة اقول لك بس الظاهر عقلك ماهو فيه .. بخخووور عربييييي مابيي .. الغرفة تتعطر بمعطرات الجو العادييييييية ..
شريفة وهي تتنافض / حاضر استاز ضاري ..
اخذت البخور وشالته .. وهو عاقد حواجبه .. قفل الباب وانبطح وهو يقول / يا شييين هالعمايل في سود الأطباع .. نعلمهم وهم مايفتهمون .. الله يثبتهم بس !

ونام في سابع نومة ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

دخلت البيت مع اختها الجازي وتكلمت \ يووومة .. يووومة ..
ام حاتم / نعم يارنيم
راحت لها هي واختها وسلموا عليها وباسوا راسها وجلسوا ..
رنيم / يووومة .. ابوي واخواني ماوصلوا ؟
ام حاتم / حاتم موجود باقي ابوك واخوك
رنيم وهي تفرك ببطنها / يوومة تراني ميتة هلآك .. وربي جوع مماهو بطبيعي ..
دقايق الا دخل ابو حاتم مع عز ..
دخل عز سلم على امه وصافح خواته .. وابو حاتم سلم ع ام حاتم وحضن بناته ..
رنيم ابتسمت له / اخبارك يووبه ؟
ابو حاتم ابتسم بحنان / الحمدلله يابنتي ..
رنيم باست جبينه / عسى دوم فديتك .. ( وقالت بعتب ) يوببه واللي يسلمك ويحفظك خفف من الشغل ترى وربي احس بتعبك .. ( وضغطت على يده ) فديتك يوبه خف على نفسك .. ( ناظرت عز وحاتم ) يوبه حاتم وعز يناوبون عنك .. لاتنسى انك تعبان وشايل مسؤلية الوادي
ابو حاتم ضغط على كفها / وانا ابوك ماضغطت على نفسي الا لآن المسؤولية كبيرة .. بس بحاول ان شاء الله ..
الا دخل سلطان اللي كان ماخذ الجده للمستشفى ودخل معااها وهو ساندها عليه ..
سلطان دخل وجلس جدته / السلام عليكم
الكل / وعليكم السلام ..
الجازي قامت وحضنت الجد / ياتيتة .. فديتك ماتشوفين شر ..
رنيم قامت لها وباست راسها / الله يحفظك ويخليك لنا ياتيتة .. ( وبمزح ) ياشمعة البيت وضواها
الجدة بحنان\هههه فديتك يايومه عساني مافقدك لا انتي ولا اختك
سلطان يمزح / أفا ياتيتة .. مغيرك علينا .. وش مسوين لك رنيموه والجازي ؟
الجدة تعشق احفادها وتموت فيهم
ردت عليه / والله انت اللي ترد لي الروح يادرة هالبيت ..
رنيم بوزت .. وابوها قعد يطالعها وهو سرحان فيها ..


بوحاتم يتكلم\يايومه طلعي صدقي عن رنيم
الجده\ليه وانا امك علامها رنيم .. ليكون صاير لها شيء وانا مالي بالعلم ذرة ؟
بوحاتم\لا يايوومه بس دوم اشوف عنها كوابيس تقبض القلب ..
الجده\يايومه هذي اضغاث احلام مابهها فايدة .. " ناظرت رنيم اللي حاضنتها"
وان شاء الله رنيم مابها الا العافية والخير ..
وانا بطلع صدقة وانت كذلك ..
بوحاتم\انا طلعت يالغالية ..



دقايق الا وام حاتم مع الخدم حطوا الغدى ..
الجدة بداخلها تحب رنيم والجازي .. بل تعشقهم .. بس تعودت تعاملهم بالهطريقة .. ولم يتأخرون قلبها يفز ويخاف عليهم ..

وصلتها لغرفة الطعام وجلست جنبها وحبت تعطيها الاكل بنفسها .. الكل يستغرب من حب رنيم لجدتها
الجدة بداخلها تدعي لرنيم .. اللي عندها اصرار اكثر من اختها الجازي ..

عز / يوبه
بو حاتم / سم وانا ابوك ؟
عز / سم الله عدوك .. ( ارتبك ) إحم .. يوبه .. اليوم اتصل علي ضاري بن راشد الدوسري ..
بو حاتم وقف الاكل بفمه ولا بلعه .. وانصدم .. قلبه دق .. حس ان ورا مصيبة ابوه مصيبة ثانية اكبر منها .. غص بالأكل وقعد يكح
الجازي اللي كانت جنب ابوها عطته موية وضربت ع ظهره بخفة وقالت / بسم الله عليك يانظر عيني .. بسم الله عليك ..
حاتم اللي توتر ورفع حاجب لعز يعني " ايش فيه ؟ "
وسلطان يناظر اخوانه بترقب ..
بو حاتم ناظر عز / وايش يبي ؟
عز / يقول انه على ماهو عليه .. والوجه من الوجه ابيض ..
بو حاتم عصب \ يعععقب ويخسى مضيع سلوم العرب والمراجيل ..
ام حاتم هدته \ خلاص ياعبد الرحمن لاتتعب حالك .. هالانسان واقفن لك بالمرصاد لاتزيده شعر ويخر قلبك علينا ..
بو حاتم \ أبعرف ليه يسوي فينا كذا .. ليه يتبلى علينا وحنا مالنا منه شيء ..
حاتم \ يوبه .. أنا وعز بنروح نتفاهم معاه ..
سلطان تكلم \ وشنو بتقولون له ؟ .. دم ابوه طايح علينا وحنا مالنا باليد حيلة ؟ .. هو يبي الثار .. رضينا ولالا
بو حاتم وقف بحمية \ لا والله مو من شيمنا نرضى ب هالذل والمهانة .. كأنه منصاع لأمر الذل والقتل والمقاتل .. فحنا سيوفنا مابعد تبرد ..
الجده ضربت على صدرها \ ياحسسرتي ياعبد الرحمن .. لاتتهور وانا امك مالي حيل على الفقده .. كافي هم ومصايب يايمة .. خله في حاله ..
بو حاتم بقهر \ الرخمة يبي ينكس روسنا بين العرب .. كافي علينا ذل يايمة .. عيالنا راحوا .. كل يوم يمسك له واحد ويحقق معاه .. وماعندي ادنى شك انه يزود هالزود بجواسيس ..
عز \ يوبه .. وكل امرك لله .. هو قال يبي يشوفنا بمجلسه ..
حاتم بسرعة \ لا ابوي مايروح .. حنا مانضمن الاعيبه .. هذا انسان قاسي .. قلبه مابه رحممة .. وحنا مانواجه ابونا به ..
عز \ لا ياحاتم .. عطانا الامان ..
حاتم \ دامه كذا .. الله لنا والعزم للوالد " وناظر ابوه "
بو حاتم توتر \ خلاص .. الليلة ع السااعة 9 انتم وسلطان يجي معاكم ..
الجدة \ لا والله ماتاخذونه .. الا واانا مطلعة الشيب من روسكم .. خلوه عندي ..
سلطان \ ياجدة .. انـ ...
الجدة \ وعز الله ووجه وجلاله ماتروح .. العلم لله محد بضامن عمره من ولد الـ ...... اجلس وانا امك
سلطان طالع اخوانه اللي اشروا له بمعنى " خلاص ظل هنا "
انسحبوا واحد ورا الثاني ..
ورنيم تلاحظ توتر الجو بمجرد ماطروا اسم ضاري " ياترى هو قاسي لـ هالدرجة ؟ .. قلبه مابه رحمة ؟ .. "

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

ضاري بخبث \ انا لكم يابنو عنز .. اما طلعت الشيب من روسكم وجبتكم تحت مطاي ترتجون الرحمة ماكون ولد ابوي .. " تنهد " الله يرحمك يايوبه .. ويجعل مثواك الجنة "
دخل عليه سالم \ ياطويل العمر .. اليوم ع الساعة 9 راح يجون لك كبارية بنو عنز ..
ضاري رفع حاجب \ الشيخ عبد الرحمن مع اخوانه ؟
سالم \ لا ياطويل العمر .. بس هو وعياله ..
ضاري سكت شوي ثم قال \ اسمع .. اطلب من الخدم يجهزون العشا من اطيبه .. والمجلس الرجالي تفتحونه وتطيبونه .. وتخلونه جنة يحلم بها العاقل والمجنون ..
سالم استغرب من ضاري \ استاذ ضاري عذرا ع التدخل .. بس على ماعتقد هذولة اعدائك ليه تضيفهم ؟
ضاري بفخر من اصله \ انا بدوي .. ومن العرب السابقين .. ان جاني عدوي ضيفته .. واعطيته احسن ماعندي .. وان اشتد الهمس قمت عليه ..
سالم خاف \ والنعم منك .. بس ياطويل العمر احذر منهم ..
ضاري \ انا عارف شنو قاعد اسوي ..
سالم \ عن اذنك استاذ ضاري
ضاري اشر له بمعنى " اذنك معك "

رفع حاجبه وبخاطره " تبون ادوس ع الكرامة .. ماني بولد ابوي .. قايل لكم الوجه من الوجه ابيض .. وانا ابي عزز وحاتم وسلطان .. ولا ابوهم مابي منه شيء .. يومه يدري اني اخذت عياله .. بيفقدهم ويتندم قد هالشيب اللي ملى راسه "

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛
بيت الشيخ عناد ..
دحام وهو يكلم حاتم جوال \ الخسيس .. الرخمة الضايع القاسي اللي ماله قلب .. ذبح عيالنا .. وش يبي اكثر من كذا
حاتم تنهد \ ابوي مهدود حيله .. كل ماسمع ان واحد من عيال الوادي انمسك فزع له .. وانا اقول ان جاينا الدور لا محالة
دحام \ يعقب يمسكم ياعيال العمومة والشهايم .. استهدوا بالله وتوكلوا .. ولو بيدي اجي معكم كان جيت .. بس تعرف الوالد قاضبني بالبيت .. عارف ان رجال ضاري تحوم علينا حوم الكلاب الهايجة ..
حاتم \ الله يعين .. سلم على عمي ..
دحام \ يوصل ..
حاتم \ يلا فمان الله انا بسكر ..
دحام \ فمان الله ..

مأثر اللي كانت تذاكر لان عندهم اختبار \ مين تكلم ؟
دحام رفع حاجب \ خيير ؟
مأثر بجرأة \ مين تكلم ؟
دحام \ هذا اللي ناقص بزر تراقبني من تكلم ومين تكلم
مأثر \ بزر بعينك ي الدثو .. انا بثالث ثانوي وانت تقول لي بزر
دحام \ اقول ذاكري اصرف لك

دخلت رهام مع امها ..
رهام تكلم دحام \ صج دحام عيال عمي بيروحون عند وادي الدواسر ؟
دحام تنهد \ اييه .. الله يكون بعونهم .. حاسة ان ورا هالوهقة شيء ..
رهام \ ومن بيروح معاهم ..
دحام \ عمي وعياله عز وحاتم بس ..
مأثر بلقافة \ وسلطان ؟
دحام \ مابيروح .. جدتي مارضت له ..
رهام ابتسمت \ فديتها جدتي ..
ماثر كشرت \ وش تتفدين فيها .. والله ماتطيقنا ..
أم دحام عصبت \ وانتي ماتفتهمين يامال الوجع اللي يوجع ترابن خلقتي منه .. هذي جدتك ياعيب ع العقل اللي ماخذته ..
مأثر \ يومه .. انا ماقلت شيء .. انا احب جدتي بس هي ماتحبنا ليه ؟
دحام \ ماثر .. صيري مثل رنيم والجازي ورهام .. وعزة الله تسفل فيهم لأسفل السافلين .. بس هم يحبونها ..
مأثر \ ان شاء الله .. " وتنهدت " ثم قامت تذاكر ..
الا بدخلة ابو دحام ..
سلموا عليه عياله ..
دحام \ يوبه دريت ؟
ابو دحام هز راسه \ ايوا وانا ابوك .. كل اهل الوادي دروا .. مابه احد ماعرف ..
دحام \ يايبه احسه بيطالب بالقصاص ..
ابو دحام \ هذا قاسي فرعوني ومايرحم القلوب الضعيفة .. الله يعين اهل واديه عليه .. والله يرجع اخوي بالسلامة من دون شر ولا قتل ولا مقاتل ..
الكل \ امييين ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

الساعة 9 بالليل .. طلع عز وحاتم والشيخ عبد الرحمن من برى الوادي .. وتوجهوا لوادي الدواسر .. بعد ما أذن لهم ضاري انهم يدخلون دخلوا .. ثم توجهوا لبيته .. ودخلوا المجلس وشافوه جالس ..

ابو حاتم \ السلام عليكم ..
ضاري وقف \ وعليكم السلام ..
سلام بارد وجاف .. طرف مظلوم .. وطرف ظالم .. بكرهه وعدواته .. استمد القوى من شر نفسه .. وشاف الضعف والانكسار بعيونهم ..
لحظات من الصمت ..
ابناء الشيخ عبد الرحمن ملاحظين الرفاهية اللي بالمجلس .. ومبين انه مجهز على أحسن هيأة ..

ضاري بدون أي تعابير بوجهه غير القسوة والصلابة \ لكم الأمان يابنو عنز .. رغم الخلاف اللي بينا وبينكم .. لكن حقي باخذه بالطيب ولا بالغصب .. ابوي دمه مايروح هدر .. لكن قبل هذا .. تفضلووا ع العشآ ..

الشيخ عبد الرحمن وحاتم وعز قاموا للغرفة الثانية من المجلس .. فيها طاولة طويلة مفروشة بقماش بني من الدانتيل .. والرفرفات والمانديل الممزوجة بين اللون البيج والبني .. الأكل من وإلى .. كل مالذ وطاب ..
اكلوا بخفة .. وماثقلوا ..
وضاري بخبث في نفسه " والله لأخلي سيرتكم على كل لسان يابنو عنز .. على القاصي والداني .. وعلى العاقل والمجنون "


دقائق معدودات .. وتوجه الرجال الى المجلس ..

ضاري \ أنا بما ان خلصنا اكلنا ابتكلم .. وبقول اني ماني ساكت ولاني خارس عن حق ابوي
بو حاتم \ والوادي صاير فاضي يسرح بيه الخيل .. وانت تاخذ وتسحب من عيالنا كل شوي .. تحقق معهم ثم ترميهم رمية للكلاب ومايرجعون الا معذببين
ضاري \ انا مقدر اوقف عن هالحال الا بشيء واحد
بو حاتم \ شنو ؟
ضاري \ القصاص
بو حاتم وعز وحاتم بدهشة \ القصاااااااااااص ؟؟؟
ضاري \ أيه القصاص .. ان لكم في القصاص عبرة يااولي الألباب ..
بو حاتم حس حاله ضعيف \ وعلى مين تجري حكم القصاص ..
ضاري بحدة \ اخذتوا دم ابوي .. وانا اخذ دم عيالك حاتم وعز .. وسلطان
بو حاتم وقف بصدمة غير متوقعة ثم نطق \ ................











؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

قُربُكَم مَعِي أَجملْ وَتوقعَاتكُم تُعطّر متصفحِي :)





آخر من قام بالتعديل زَفرآت السنِين !; بتاريخ 10-11-2012 الساعة 02:36 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 09-11-2012, 11:45 PM
صورة همسات وردة الرمزية
همسات وردة همسات وردة غير متصل
©؛°¨غرامي فضي¨°؛©
 
الافتراضي رد: روايتي الثانية / أنا رجلُ الهزائمِ ليلاً ، أعلنُ انكساري أمامكِ !


السلام عليكم ورحمة الله

حياك الله مرة ثانيه .. بداية جميله وتنبا عن رجل المستحيلات ..
بس حبوبه ذكرك لاسماء القبائل ممكن يعرضك لمشاكل كثير
من اعضاء ينتسبون لهالقبائل .. فالافضل انك تذكري اسماء من مخيلتك
وبعيده عن الواقع منعا لاي لغط مستقبلاً ..


القوانين / الإطلاع هام و الإلتزام ضروري




بالتوفيق ان شاء الله



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 10-11-2012, 12:04 AM
صورة زَفرآت السنِين ! الرمزية
زَفرآت السنِين ! زَفرآت السنِين ! غير متصل
©؛°¨غرامي فعال ¨°؛©
 
الافتراضي رد: روايتي الثانية / أنا رجلُ الهزائمِ ليلاً ، أعلنُ انكساري أمامكِ !


اقتباس:
المشاركة الأساسية كتبها همسات وردة مشاهدة المشاركة
السلام عليكم ورحمة الله

حياك الله مرة ثانيه .. بداية جميله وتنبا عن رجل المستحيلات ..
بس حبوبه ذكرك لاسماء القبائل ممكن يعرضك لمشاكل كثير
من اعضاء ينتسبون لهالقبائل .. فالافضل انك تذكري اسماء من مخيلتك
وبعيده عن الواقع منعا لاي لغط مستقبلاً ..


القوانين / الإطلاع هام و الإلتزام ضروري




بالتوفيق ان شاء الله



شكراً لوجودِك ياحُلم
وأهلاً بِ نصيحتِك :)
أنرتِ رغمْ نورِك البَاذِخ ْ . . .



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 10-11-2012, 12:06 AM
صورة اصداء الحنين الرمزية
اصداء الحنين اصداء الحنين متصل الآن
©؛°¨غرامي مجتهد¨°؛©
 
الافتراضي رد: روايتي الثانية / أنا رجل الهزائمِ ليلا أعلن انكساري أمامك


بداية جميلة وظفتي السرد والحوار بشكل جميل

بس مثل ماقالت همسات وردة الاحسن تغيرين في العوائل

اما بالنسبة للتوقعات
اعتقد ضاري ماراح ينفذ القصاص يمكن يشترط ياخذ وحدة من بناتهم او رنييم تفدي اخوانها بانها تكون له واكيد هالشي بيكون بداية للاحداث وهو اعتقد بيوافق وبتكون كـ خادمه او جارية عنده بس زوجه لا ودام انها اخته تكرهم فاكيد رنييم ماراح تشوف الخير بينهم

وموفقه في طرحك^^



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 10-11-2012, 12:27 AM
صورة زَفرآت السنِين ! الرمزية
زَفرآت السنِين ! زَفرآت السنِين ! غير متصل
©؛°¨غرامي فعال ¨°؛©
 
الافتراضي رد: روايتي الثانية / أنا رجل الهزائمِ ليلا أعلن انكساري أمامك


اقتباس:
المشاركة الأساسية كتبها اصداء الحنين مشاهدة المشاركة
بداية جميلة وظفتي السرد والحوار بشكل جميل

بس مثل ماقالت همسات وردة الاحسن تغيرين في العوائل

اما بالنسبة للتوقعات
اعتقد ضاري ماراح ينفذ القصاص يمكن يشترط ياخذ وحدة من بناتهم او رنييم تفدي اخوانها بانها تكون له واكيد هالشي بيكون بداية للاحداث وهو اعتقد بيوافق وبتكون كـ خادمه او جارية عنده بس زوجه لا ودام انها اخته تكرهم فاكيد رنييم ماراح تشوف الخير بينهم

وموفقه في طرحك^^


جميلة يا أصداء الحنين ..
وتوقعاتك اجمل ..
حقا أنرتِ ي عطر

ب النسبة للقبائل
فأنا لا أستطيع أن أنهي مابدأته
وشكرا لوجودك يانقاء :)



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 10-11-2012, 01:04 AM
صورة Anaat Al R7eel الرمزية
Anaat Al R7eel Anaat Al R7eel غير متصل
©؛°¨غرامي مجتهد¨°؛©
 
الافتراضي رد: روايتي الثانية / أنا رجل الهزائمِ ليلا أعلن انكساري أمامك


السلام عليكم ورحمة الله وبركاته
اسلوبج حلو ويشد الواحد ..
بس شخصية الجدة وشخصية البنات .. وشخصية ضاري ..
وبعض الاحداث اللي صارت مثل رواية اما غرام ..
يعني الجدة كانت تعامل بنت ولدها بهالشكل ..
هذا غير نظرات ابوها لها نفس اللي صاير في رواية اما غرام ..
وحتى الحديث عن الرياضيات والطلاسم كان موجود فرواية اما غرام ..
صح الفكرة متغيرة .. بس في اشياء تطابق مع رواية .. وهالشيء بيضعف افكارج فديتج ..
اسلوبج ما عليه كلام وكان بامكانج تحطين افكار مغايرة عن اللي كانت .. حتى توقع اصداء اظن انه بيصيب ..
لان غازي تنازل عن دم اخوه مقابل انه ياخذ هديل عبده عنده <<<< هذا فرواية اما غرام خخخخ
المهم يا قلبي موفقة ..
والسمووحه منج فديتج ^^



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 10-11-2012, 01:11 AM
صورة زَفرآت السنِين ! الرمزية
زَفرآت السنِين ! زَفرآت السنِين ! غير متصل
©؛°¨غرامي فعال ¨°؛©
 
الافتراضي رد: روايتي الثانية / أنا رجل الهزائمِ ليلا أعلن انكساري أمامك


اقتباس:
المشاركة الأساسية كتبها anaat al r7eel مشاهدة المشاركة
السلام عليكم ورحمة الله وبركاته
اسلوبج حلو ويشد الواحد ..
بس شخصية الجدة وشخصية البنات .. وشخصية ضاري ..
وبعض الاحداث اللي صارت مثل رواية اما غرام ..
يعني الجدة كانت تعامل بنت ولدها بهالشكل ..
هذا غير نظرات ابوها لها نفس اللي صاير في رواية اما غرام ..
وحتى الحديث عن الرياضيات والطلاسم كان موجود فرواية اما غرام ..
صح الفكرة متغيرة .. بس في اشياء تطابق مع رواية .. وهالشيء بيضعف افكارج فديتج ..
اسلوبج ما عليه كلام وكان بامكانج تحطين افكار مغايرة عن اللي كانت .. حتى توقع اصداء اظن انه بيصيب ..
لان غازي تنازلعن دم اخوه مقابل انه ياخذ هديل <<<< هذا فرواية اما غرام خخخخ
المهم يا قلبي موفقة ..
والسمووحه منج فديتج ^^



مانكر ان الرواية فيها من أما غرام
الا ان الرواية صادرة في محيطنا ب الحياة


لآ ابو حاتم لن يتنازل عن احد بناته من اجل أبناءه
بتاتا وقطعا لن يحصل هذا ..
الفكرة مشابهة الا ان التزامن مختلف بعض الشيء ..
وبصراحة أن الأفكار عندي منذ القدم
الا اني لم اضعها الا حالا

خابت شكوكك ياعزيزتي :)



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 10-11-2012, 01:59 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روايتي الثانية / أنا رجل الهزائمِ ليلا أعلن انكساري أمامك


صباح الخير .......تسلم ايدك كيان على الرواية ومبروك على مولودتك الثانية .....ان شاء الله تتميها على خير ......اول شي اهنيك على اسلوبك وتمكنك من السرد ..... جدا ابدعتي فيه

بالنسبة لذكر اسماء القبايل انا مع خواتي بس لانو من الممكن تتعرضي لبعض المشاكل من المتابعين على حسب الاحداث او بسبب تشابه بعض الاسماء

الفكرة حلو ومثيرة بالرغم انها فيها من اما غرام مثل ماذكرتي بس الاختلاف واضح بالنسبة للفكرة وحتى العوايل فيها اختلاف وانتي قلتي انها بتكون مختلفة جدا لانك اخترتي احداثها من وقائع صارت بالحياة فعلا وانتي بتصيغيها بطريقتك ......

انا بعد خطر ببالي انو ضاري مابيتنازل عن دم العيال الا بمقابل وهو اختيار وحدة من بنات الشيخ .......بس الي مستغربة منه ليش يطالب بدم ثلاثة مقابل شخص واحد .......غير كذا هو ماكلف عمره وتأكد من هوية القاتل يمكن قبيلة ثانية وهي الي رمته في وادي هالقبيلة يعني بدون ادلة يرميها بهالاتهامات ويطالب القصاص

ودامه حافظ كلام ربه هل ذكرت الاية القصاص من ناس ابرياء وترك المجرم والقاتل يتمتع بحياته هل معنى القصاص يكون بثلاث ابرياء مقابل واحد ..........قبل مايفتي ويتفلسف يروح يفسر معنى الاية والقصاص يكون من الجاني مو بشكل عشوائي ومثل ماهو حافظ اية القصاص اكيد حافظ اية التأكد من النبأ الي يجيه قبل مايجني على غيره

اعتقد انو الشيخ عبد الرحمن مابيكون بهالسذاجة والبساطة الي الاخ قاعد يتفلسف فيها رجل بمكانته اكيد يملك من الحكمة الكثير

ننتظر كيف بتنحل الامور وعلى ايش بيتفقو لحقن الدم ........وبنشوف المقابل الي بيطلبه ضاري انا اعتقد بيكون النسب والتزاوج بين القبيلتين هو الحل ياخذو منهم ويعطوهم

في انتظارك وانتظار مفاجأتك


الإشارات المرجعية

روايتي الثانية : أنا رجل الهزائمِ ليلا أعلن انكساري أمامك

الوسوم
أمامكِ , ليلاً , أعلنُ , الثانية , الهزائمِ , انكساري , رجلٍ , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6683 13-11-2014 02:53 AM
روايتي الثانية : أسى الهجران / كاملة #أنفاس-قطر# روايات كامله - يتم نقل الرواية هنا بعد اكتمالها 5657 29-10-2014 10:24 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2127 08-11-2010 01:09 AM

الساعة الآن +3: 08:42 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم