النور خدعة فيزياء

[الفراشة الرقيقة]

كتب الشاعر هذا القصيدة في صديق عمره اللي توفى

في حادثة ارهابية



صدق الحياة تعلم اللي مانفع فيه العلام

وحتى القلوب الميته تبكي بوسط الزعزعه

مني سلام من أول الدنيا لآخرها سلام

اللي يبي درس ببلاش يثمّن اللي يسمعــه

النور خدعة فيزيا واليوم كذّبها الظلام

ولابقى من ظلم خلق الله ولاضو شمعــه

والضيق ضيق القبر-لابالله- بصدور الأنام

بالعكس يابعض القبور إنها لميتها سعــه

والكسر هو كذبة رياضيات من بسط ومقام

والشاطر اللي يعرف إيش الحل يرفع أصعبه

نعم نعم مافيه كسر ولاانكسار ولاانقسام

إلا انكسار الرجل لاجاه اتصال وروّعــه

وأنا لو توافد عليّ العلم وازداد الكلام

إن كنت أبا أكذب ثلاثة مابكذب أربعــه

وإذا تذكرت أن دم المسلم على المسلم حرام

أكذّب الاخبار لاجابوا طريقة مصرعـه

وشلون مسلم تتجه حوله أصابع الاتهام

ضيّع شبابه مثل ماضيّع شباب اللي معه

أستغفر الله: كني أسمع صوته يرد سلام

مع أن قلبي حس بنه آخر وداع أودعـه

ياليت لي شوفه أخيّره لوبعد شد الحزام

أقسم بربي لأنزل بنفسي وأقوم وأجمعه

وأجمع أشلاءه وأحطه في وسط عيني وأنام

وإذا كتبت آخر قصيده بازهمه واسمعه

وأقول يا(محمد) عسى اللي تسمعه مني تمام

اشتقت أسمع منك كلمة في قصيدي موجعه

من عادته يكون أول واحد بوسط الزحام

ومن عادته لاغاب جاب اعذار ماهي مقنعه

لكن هالمره ياكبر اعذاره وقلّ الملام

ياليت لي حيله وأبيع اعضاي واشري مسمعه

جعل بفمه شهادتين وجعلها مسك الختام

اللي تمر بقلبه وهي رايحه عند اصبعــه





للشاعر نواف الدبل

[®§إحساس جدة §®]

الفراشة الرقيقه

جميل مانقلتيه
يعبر عن ذوق جميل ورائع

تسلم يدك

[nashwan/wish master]

صح السان الشاعر

سيدتي الفراشة الرقيقة

يسلم ذوقك



اجمل الامنيات

من سيد الامنيات

تحياتي
نشوان/سيد الامنيات

[الفراشة الرقيقة]

شكرا على مروركم الحلووو


يعطيكم الف عافية

[@ ورده @]

يسلم ذوقك على الاختيار