اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 511
قديم(ـة) 27-06-2013, 03:12 AM
صورة الجميلة نويرة الرمزية
الجميلة نويرة الجميلة نويرة غير متصل
©؛°¨غرامي مشارك¨°؛©
 
الافتراضي رد: روايتي الثانية : ضمني لك و حسسني بالأمان ترى الدنيا حيل تعبتني


تكملة
الزين عطت عبير ولدها:خذيه يمه زهقت
عبير:ان لله توه ساكت ولد جنان صرخ ولد الزين !
الزين:صدع رااسي اووف
روان تناظر يوسف ولده اخوها فيصل:احسه بيطلع شري ومدلع مثل ابوه
فيصل ناظرها:اسم الله على عيالك المؤدبين
ماكمل جملته الا محسن ولد راكان عنده مسدس موية لعبة ويرش على الكل
ابو راكان قام له واخذه من عنده وقعد يبكي وراح لامه
روان تضمه:حبيبي خلاااص
فيصل:هاه مين الي عياله شريين
روان تخزه:اسكت احسن لك
ابو فيصل:هههههههههههه ولدك ياروان يبي له تأديب
روان:يببببه حرام عليكم
نور:وااي رواان ولدك شري شوفي بللنا كلنا
عبير تاخذ محسن من عند روان:شفيك يايمه الله يهديك ويصلحك زين كذا بللتنا بهالمويه
ام ناصر:اجل شبيطلعون عيال امل
ريم وفارس كانوا ساكتين يفكرون لو عندهم عيال الحين كيف بيسولفون عنهم وش بيقولون ..
ضغط فارس على يد ريم وهي نفس الشيء
همست ريم لفارس:قوم نطلع نتمشى برى
فارس:طيب انتظري شوي لايفكرون تضايقنا
راكان:عيال امل من اول مابيطلعون من بطن امهم بيتناقزون
امل:هاهاهاهاها بايخ
نجلاء:لاا ان شاء الله يطلعون هادئين مثل ابوهم
تركي ابتسم:.....
امل:ليه يمه وانا ماكنت هادئة؟
ابو راكان:انتي اسم الله عليك من كنتي طول قارورة المويه وانتي شيطاانة ماتجلسين ابد
امل بوزت:يببببه
فارس:وابوي الصادق الكل كان يقارن بيني وبينك يقولون الحين وين الولد فارس لو ريم
الكل:ههههههههههههههههه
راكان ضغط على يد روان ووهمس لها:تعبانة ؟
روان بنفس الهمس:شوي
راكان:لم تحسين بإي شيء قولي لي
روان هزت راسها وابتسمت وسرحت وهي تتذكر
******************************
في غرفة روان
عبير:روان الله يرضى عليك انزلي لراكان تحت يبيك
روان كانت معصبة ومضايقة على حالها مع راكان تبي ترجع له بس كرامتها ماتسمح لها.. نزلت له
روان:شتبي ؟
راكان تنهد:اولا أنا
روان:ممكن ماتبرر أغلاطك ؟
راكان همس :استغفر الله ..ورفع صوته:روان ممكن تسمعين ؟
روان:تكلم قول الي عندك اسمع ؟
راكان:اولا انا غلطت يحقك كثير وانا اعترف واعتذر لك واتمنى تسامحيني ..
روان عطته ظهرها:لاتقص علي وعلى نفسك انت كارهني من البداية ..بس مدري ليه قاعد تكمل معاي ..المفروض نتطلق من زمان لان مانصلح لبعض
راكان لفها له ومسكها من كتفها بيدينه:روان وش هالكلام
روان بإنهيار:راكان خلااص انا تعبت مني ومنك ومن كل شيء جننتي وتعبتني عااانيت كثير معك غلط كثير وسامحتك يكفي ولدي الي طاح وانا متعلقة فيه واتهمتني اني طيحته متعمدة حرااام علييك وببداية زواجنا تذكر كيف كنت تعاملني ؟ حراام عليك راكان حرررررااااام ..جلست على الارض وهي تبكي وتصارخ
راكان نزل لمستواها وضمها:بس روان خلاص
روان بعدته عنها:بعد عني ماابيك طلققني
راكان فتح عينه على وسعها:طلااق لا!!!
روان:اقول لك طلقنيييييي
راكان:العناد ماينفع روان
روان:............
راكان جلس على الكنب وهو تعبان:روان انتي تبيني او تبين محمد ؟
روان انصدمت وقالت لاشعوريا:أبيك
راكان كان عارف انها ماواقفت لانه سمع الحوار الي بينها وبين ريم :طيب ليه واقفتي عليه
روان:انت مصدق ؟ انا بس بغيت اقهرك ولا انا شبي بمحمد !
راكان:طيب دام انك تبيني ليه هالعناد ياروان
روا:ليه ماتطلقني ؟
راكان:طلاق لا ياروان انسي ..اقول لك انا احبك انتي ماتدرين كيف حالتي لم اختفيتي .. كل يوم اطلع ادورك ماخليت مكان
روان بسخريه:ليه يعني على اساس خايف علي وتحبني ماكأني كنت خدامة عندك و كـ ..... *سكتت كانت بتكمل بس حست بشيء ولفت* انصدمت وهي تقرب من راكان:تبكي ؟!!!!!!
راكان:لاني احبك
روان حست انها زودتها بالعناد قربت منه ومسحت دموعه:انت رجاال ياراكان والرجال مايبكي
راكان:تكفين روان خل نرجع لبعض تعبت وربي تعبت
روان:بنرجع لـ بعض حبيبي
راكان مسك يدها وباسها
روان ضمته:سامحني راكان
راكان:لآتعتذرين انا الي اسف
روان:انت لاتعتذر
راكان:روان انسي كل شيء سويته لك كل شيء !
روان ابتسمت:
راكان:انا بنتظرك في السيارة ودي نطلع مع بعض
روان:طيب الحين جاية
راحت لبست عبايتها وحجابها وطلعت معاه ..
راحوا للبحر ~
كانوا جالسين عند البحر
راكان:لحظة حبيبي بروح السيارة بجيب حاجة
روان:طيب
راكان راح السيارة وقعد يدور الزقاير كان مخبيهم عن روان وقعد 10 دقايق يدور لين لقاهم
حس بأحد جاي وخبى الزقار
روان كانت جاية
راكان:ليه جيتي تأخرت؟
روان:اي خفت بروحي وجيت ... سكتت شوي :اففففف شهالريحة ريحة دخان
راكان ارتبك :المكان عام واكيد فيه ناس هنا يدخنون
رروان بعدت راكان ومسكت علبة الزقاير:راكان تدخن؟
راكان :...............
روان:ليه ؟ راكان ماتحبني ؟!!
راكان بسرعة:تستهبلين؟ اموت فيك
روان:اجل ليه تدخن؟ يعني عادي تمرض نفسك وتخليني بروحي
راكان:لا بس
روان:بس ايش؟
راكان بغصة:انتي جبرتيني روان
روان تفاجأت:اناااااااا
راكان:ايه انتي تركتيني ورحتي ماتدرين شصار فيني جنيييييييت ياروان مالقيت الا الدخان
روان خنقتها العبرة:اسفه حبيبي وربي مو قصدي سامحني
راكان ابتسم:لاتبكين طيب مااحب اشوف دموعك
روان:طيب اوعدني تتركهم عشاني راكان
راكان:بحاول عشانك
روان :لااكييد مو تحاول
راكان وهي يقطهم:اهم شيء رضاك
روان ابتسمت:ورضا رب العالمين قبل
***************************
امل:الا شخبار الجوري زمان عنها
نور:توي البارحة كلمتها
نجلاء:قلتي لها تجي وتقول لاهلها يجون ؟!
نور:اي خالتي قلت لها
روان:اماا ليه ماقلتوا لي انها بتجي وحشتني
شوي الا بدخلة الجوري مع طلال وعيالهم وعبدالعزيز وشهد وعيالهم وسيف والجازي وعيالهم
قام الكل يسلم عليهم
اما ريم وفارس طلعوا يتمشون برى
الجوري تضم روان
:يالدبة ويينك لاتسألين ولاشيء ماتقولين عندي صديقة
روان:مشاغل الدنياا يااختي
الجوري:مشااغل الطل ماعندك الا ولدك محسن
الزين:ومحسن عن عشر عيال
روان:انتي بتسكتين ولا اوريك شغلك بودلك
الزين تضم يوسف ولدها: اسم الله عليه
الجوري:ههههههههههههههه مهاابيل مثل ماعرفتكم
امل وهي تسلم عليها:مافي الا انا الراكدة
الجوري:انتي لو مو حامل كان الحين تتنططين تراني اذكر ايام الثانوية كل تتنططين على الكراسي والطاولات هههههههه
امل:ههههههههههههه واو للحين تذكرين صدق وحشتني ايام الثانوية
الجوري:اي والله اياام
نجلاء:ذكرتوني بالمدرسة ودي ارجع واشتغل
امل:ايييي ييمه خلاص كبرتي وين تشتغلين بعد
نجلاء:شف النحيسة
امل:هههههههههههه هذا الصدق يمه
نور:لا اسم الله عليها خالتي بعدها شباب
نجلاء:يابعد عمري يانور ياحظ خالد يوم اختارك
روان:ويين رحححححححنااااااا؟.
نجلا لفت عليها:ههههههههههههههه ولا تغارين ياحظ راكان يوم اختارك *ناظرت فارس وريم الي توهم داخلين* وياحظ فارس بريم
فارس وريم تبسموا مايدرون شالسالفة
الجوري راحت لـ سيف والجازي
لان لمياء راحت للعنود وطقتها والعنود راحت عند امها وابوها ولمياء لحقتها
الجوري:ماما عيب ليه طقيتيها
لمياء:مااحبها
الجوري بصوت عالي :لمييييييييااااااا
لمياء خافت وسكتت
الجازي:يووه الجوري ليه بكيتيها
الجوري:خلها تتأدب قليلة الادب
انحت الجوري للعنود وباستها:ياقلبي تهبل الله يخليها لكم
الجازي:ويخليك ان شاء الله ويخلي لك عيالك حبيبتي
الجازي لحقت سلمى الي قامت تمشي
وبقت الجوري مع سيف
سيف:كيفك بنت عمي؟
الجوري:هلا سيف بخير انت اخبارك ؟
سيف:الحمدلله بخير ..
الجوري ابتسمت وراحت عنه ..
:طلال ماسلمت على سيف ؟
طلال ببرود:لا
الجوري:ليه روح سلم ..
طلال يناظرها ..يعني افهمي ليه مابسلم
الجوري:الي فات مات رووح ياطلال
طلال تنهد راح له وكان يحاول يبتسم:شلونك سيف
سيف:هلا طلال الحمدلله انت كيف امورك
طلال:الحمدلله كل شيء تمام
راح سيف وجت الجازي
سيف مسك يدها وضغط عليها
الجازي ناظرته وابتسمت وعيونها كانت لامعة همست له:احبك
سيف:وانا اموت فيك
مرت ببالها ذكرى ~
********************************
بعد مازفوهم لـ جناحهم بالفندق ..
سيف وقف مقابل الجازي
سيف:مبروك حبيبتي
الجازي بخجل وصوت منخفض:الله يبارك فيك
سيف وهو مركز نظره في عيونها ..حتى الجازي استحت ونزلت راسها بس مسكها من ذقنها ورفعه:احب اطالع عيونك .. احس فيها نظرة برائة
الجازي توردت خدودها وابتسمت
سيف باس خدها:الحمدلله الي جمعنا كنت ناطر هاليوم ..
الجازي بداخلها .. هه انا ناطرته من سنيييييييين:وانا بعد كنت ناطره اليوم الي اكون فيه معاك بروحنا .. الحمدلله
سيف وهو يفسخ البشت:انا بطلع وانتي اخذي راحتك حبيبي طيب ..راح عند الباب بيطلع جا بيفتح الباب حس بألم فضيييييييع في رأسه
الجازي بخوف صرخت:سييييييييف
سمع صوتها عمها الي كان واقف عند الجناح دخل :وش فيه يبه شصاير
الجازي وهي تبكي:عمي سيف طاح بروحه مدري شفيه
محمد نادى عبدالعزيز وشالوا سيف وحطوه على السرير
وحاولوا يصحونه .. وبعدها فتح عينه..
محمد:يبه سيف حبيبي شفيك تعبان
سيف هز رأسه بـ لا
عبدالعزيز:ياخوي إذا يألمك شيء انادي لك الطبيب يجي لي عندك بس تكلم
سيف:مافيني شيء .. بس دخت
محمد وقف وعبدالعزيز:يبه الجازي إذا صار لك اي شيء كلمينا طيب
الجازي:ان شاء الله عمي
طلع محمد وعبدالعزيز والجازي بتلحقهم عشان توصلهم لعند الباب بس سيف مسك يدها:انتي كيف وافقتي تتزوجيني !!!
الجازي بصدمة من سؤاله:سيف اسم الله عليك شتقول انت!!
سيف عدل جلسته:الجازي انا اعتديت عليك .. عارفة يعني ايش ؟ وانا كنت فاقد الذاكرة يعني مدري و
قاطعته:انت تتذكر !!!!!
سيف:توي الحين اتذكر كل شيء كل شيء يالجازي يابنت خالتي
الجازي تبكي:سيف انا نسيت انسى انت خلي يومنا يعدي على خير
سيف:انا جرحتك الجازي و
الجازي قاطعته:الله يخليك ياسيف تكفى لاتفتح جرحي .. نبدأ صفحة جديدة ننسى الامنا واحزاننا ..
سيف ابتسم :..
**************************
روان:الجوررررري وجع تعالي شيلي ولدك يتحرش ببنتي
الجوري حطت يدها على قلبها:ولدي ..لا مايسويها هذي اكيد بنتك قليلة الحيا
روان:لا حدك عن لولوه بنتي الذهبة مؤدبة هذا ولدك عينه زايغه
هنا حسن بكا
الجوري شالته :لالا حبيب الماما ماعليك من خالة روان تمزح معاك ..
حسن يطالع بحقد في روان
روان:يمااا يخوف هههههههههههههه امزح معااك حبيبي
طلال:كل شيء ولا حسوون عاد
نور وهي تعطي خالد ولدها:اووووفففففف مليت منه مايسكت كله يبكي وش هالحالة
عبدالعزيز:طالع عليك لم كنتي صغيرة
نور:اماا انا كنت هادية مو كذا
سيف:نسيتي نفسك الظاهر
خالد:افاا صحيح هالكلام حبيبي
نور تطالع خالد ببرائة:تصدقهم خالد ؟
خالد:والله يمكن اصدقهم هههههههه
نور:لااا زعلت خلاص ...
خالد باس خدها:هاه رضيتي ؟
نور استحت:ليه قدام العالم عاد انحرج ترا
خالد يغمز لها:قومي الغرفة
نور حمرت:خلووود
خالد:عيون خالد*طبعا بالهمس الكلام*
نور:خلاص استحي
تذكرت يوووم يووم ...
*********************
خالد بفرح:من جدك !!!!
نور تهز راسها :اي
خالد ضمها:مبروك حبيبتي
نور بخجل:الله يبارك فيك
خالد:يالله بصير ابو !! موب مصدق !!
نور رفعت حاجيبها:لهدرجة فرحان !
خالد مسك يدينها:واكثر ؟ نور بصير عندنا بيبي يرطبنا ببعض تدرين ليه بفرح كثير ؟ لانه منك من حبيبتي
نور استحت وحست بحرارة تسري بجسمها
خالد:لمتى بتستحين صار لنا سنة و6 أشهر مع بعض وللحين تستحين مني ؟!!
نور:حتى لو شيبت بستحي منك
خالد:ههههههههههههههه إذا شيبتي بتزوج عليك ياحبيبتي وش اسوي فيك شايبة
نور عصبت:تتزوج علي هاه !! ماعليه ياخويلد
خالد وهو يضحك:وين راح الحيا ؟ صدقتي انتي من جدك اخذ اغيرك ياروحي انتي وحياتي انا ماتملى عيني الا انتي بس نور الي تملى عيني ماغيرها
نور ابتسمت:اي عبالي بعد
*******************
(ملاحظة :
سعود وجنان صار عندهم : ناصر & رغد
الزين وفيصل : يوسف
روان وراكان : محسن & لولوه
وليد& سارة : سعود
نور وخالد : محمد ونور حامل بالشهر الثالث
الجازي وسيف:العنود
الجوري وطلال :لمياء وحسن
شهد وعبدالعزيز:جوليا
أمل وتركي :أمل حامل بالشهر الخامس )
كان الكل يسولف والجو ازعاااج فجأة الكل سكت وتوجه نظره لجهة البوابة انصدموا
عبير ويوسف وقفوا :مراااااااااااام
مرام راحت لامها وابوها وضمتهم وهي تبكي
عبير:الحمدلله على السلامة حبيبتي
مرام:الله يسلمك يممه
وسلمت على الكل ....
مرام:واااو تغيرتووا ...رووااانووو ليه امتنتي وانتي جنون صايرة سمراا واملوو محلوة
غادة:لا اله الا الله مرام شفييك
مرام:هههههههههههه لامتغيرين !
روان:انا امتنت يالكريهة !!!!
جنان:وانا سمراا
مرام:لا اميقاد امزح معاكم بس من زمان مو شايفتكم
ام ناصر:الحين صرتي طبيبة لو بعدك؟
مرام:لا بعدي ياجدة بقي لي كم سنة بس
مرام وهي تقوم :بريح شوي بغرفتي عن إذنكم ..
قامت مرام وهي تعبانة من السفر و الدراسة
دخلت لغرفتها المعتادة عليها ..
حست بأحد يمشي وراها
لفت:فوااااااز!
فواز وهو يبتسم على جنب:الحمدلله على السلامة بنت العمة
مرام بستغراب:الله يسلمك
فواز وهو يعطيها ظرف:من زمان ودي اسلمك هذا الظرف الي طاح منك بالغلط بس ماصار فيه وقت ..وراح
مرام اخذت الظرف ودخلت داخل فتحته وتفاجأت بصورتها مع زيااد
غمضت عينها .. ليه ذكرها ليه فتح جرحها خلااص انا نسيت او حاولت اتناسى يافوااز الله يسامحك
مرت ببالها ذكرى
**************
جات لها رنيم :مرام وينك احاول اكلمك ماالقااك واتصل عليك ماتردين علي ابي اقول لك شيء
مرام:خير شتبين انتي
رنيم:انا كنت بقول لك على تخطيطات رند تبي تخرب بينك وبين فواز ..وودت صورة لك انتي مع زياد وعطتها فواز ..
مرام وسعت عينها وبصدمة:ايشششش!!!!!
رنيم:اييه هذا الي سمعتيه صار
مرام:متى هالكلام ؟
رنيم:قبل ثلاث اسابيع تقريبا
مرام ..غريبة ماوصلني خبر منه وهي عطته الصور قبل لانتطلق معقولة ماتكلم ولا قال شيء!:مشكورة رنيم .. وراحت للإدارة
خالتي نجلاء ممكن اكلم بالتلفون
نجلا وهي طالعة :اي بس لاتطولين ..مين بتكلمين؟
مرام:ماراح اطول ..
واتصلت ..
مرام:فواز
فواز:مرام!!!
مرام:فواز انت ولد خالي وتهمني نظرتك عني بغض النظر انك طليقي .. الصور الي
قاطعها فواز :عارف وش بتقولين .. عادي مرام انتي كنتي مراهقة انا عذرتك صحيح كنتي غلطانة بس الي عرفته انك تبتي وماصرتي تكملينه وكنت عارف قبل لااخطبك..
مرام:يعني انت تدري من قبل !!!
فواز:أيه
مرام:ايش ؟ ليه ماتكلمت ووو فواز انت من جدك !!!
فواز: ليه افتح جروح واذكرك بماضي انتي تبين تنسينه او نسيتيه اصلاً
مرام وهي تبكي:ليه ماقلت لي كان ماصار هذا حالنا ..
فواز بضيق:خلاص مرام الي صار صار وانتي بتظلين بنت عمتي الغالية والعزيزة الي غلاتها من غلاة ريم والزين ..وسكر منها
ومرام تضايقت وطلعت لرنيم:احبببه يارنيييم ليه صار كذا
رنيم ضمتها:قضاء وقدر حبيبتي .. ورند خذت جزاها اهلها عاقبوها وحرموها من المدرسة
مرام:ماتهمني رند مايهمني احد يهمني فوااز
رنيم:خلاص ماصار نصيب مرام استهدي بالله لاحد يشك
مرام:طيب ... ومشكورة رنيم لانك ساعدتني
رنيم:العفو ولو وياليت يكفر بالي سويته بس خلاص انا تركت رند لانها كانت على وشك تخترب حياتي وتتدمر بسبة صديقة هالسوء
مرام:الله يهديها
عند فواز بعد ماسكرت منه
حط راسه على الطاولة ..بتجنيني يامرام ااخ ليه طاوعتك وطلقتك ...مشكلتي احبك وانتي جرحتيني وانا تغاضيت عن ماضيك مع صديقي .. فتح جواله وفتح على مقطع الفيديو الي ارسلته ريم له وفيه مرام في العرس ..ابتسم بس سرعان ماتلاشت ابتسامته وهو يتذكر انها ماتحل له ..حذف المقطع واستغفر ربه وندم انه فتحه .. المفروض يحذفه من قبل
*************************************************
قطعت الصورة والظرف وبكت ..قامت توضت وصلت ركعتين لربها عشان تهدأ وقرت لها كم آية ونامت
بعد اربع ساعات
فتحت عينها على ضجة اطففال:اوووووووووووووف برااااااااااااااااااااا
الاطفال اخترعوا وكلهم راحوا برى الا محسن ولد روان:خاالة مررام
مرام:تخلخلت ضلوعك شتبي
محسن باس خدها
مرام ابتسمت على برائته:ياقلبي حبيب الخالة وباست خده
قامت غسلت ونزلت لهم تحت
كانوا مجتمعين ويلعبون جرأة .. صراحة
مرام جلست معااهم:سوو لي مكان بلعب معاكم
سوو لها مكان وجلست بين امها وروان
زهرا لفت القارورة وطلعت ..*نور ونجلاء*
خالد يصفق:الله عدددددل يلااا امي ومرتي
نور:هههههههههههه هاه خالتي صراحة لو جرأة
نجلاء:وييه مالي بالجرأة ودي بصراحة
نور:مممم طيب .. موقف في المدرسة مستحيل تنسينه
نجلاء وهي تتذكر:هههههههه اي قبل سنتين !! ..لم كنتوا بالمدرسة .. كنتوا مجننيني ..تذكرين لم طلبتوا من المطعم وعطيته الفراشة .. وشبيتوا لي الضو بغرفة التدبير المنزلي ..والله وطلعتي شريرة يانور ههههههههههههههههه
الكل:ههههههههههههههههههههههه
خالد منصدم:صدق نور مسوية كذا
نور:شفيك منصدم مو بس انا ..حتى الجوري وريم وامل وروان
امل:لاا ماكنت معاكم انا شهالظلم
ريم:املل كانت مع اخت الحب ههههههههههههه
امل رمتها بعلبة الكلينكس:وجع
سعود مسك القارورة:يلاا نرجع نلعب بسكم ضحك ..لفها وطلعت*فارس وريم*
ريم:ابي صراحة ..
فارس:لو رجع فيك الزمن وتقدمت لك بتوافقين علي ..
لحظة صمت ... دقيقة دقيقتين ..:أكيد .. ولو يرجع الزمن مية مرة راح اوافق بدون تردد
فارس ابتسم وبقلبه .. احبك ..
ريم بادلته الابتسامة ..
رجعوا لفوا القارورة ..وطلع بين *ام ناصر وناصر*
ناصر:يلاا يمه
زهرا: دام طلع علي ماراح اسأل ولا شيء انا محضرة لكم مفااااجأة كبيييييرة
الكل انشد :ايش ؟؟ ...حمستينا .. تنكلمي يمه .. يمه وشهي المفاجأة فرحينا ..
زهرا تغمز لماري:ماااااري يللاا
ناصر:امي طلعت مؤامرات مع ماريييو وسحبتي علي
زهرا:هههههههههههههه يلاا قومو برى
طلعوا الحديقة برى وراحوا عند النافورة الكبيرة ...
انصدموا
المكان كان كله بالوناااات وزينة
وطاولة عليها كيكة كبيرة مكتوب عليها *Happy Eid* واسم العائلة بالإنجليزي
وحواليها كب كيك لكل شخص واساميهم عليه
عبير:الله يمه كل هذا انتي مخططة له
ام ناصر:أي
محسن:يابعد قلبي يمه عسانا ماننحرم منك
وليد:يمه طلعتي تعرفين لهلحركاات ههههههه
الكل:ههههههههههههههههه
ام ناصر وهي تاخذ سعود ولده:يلاا جوز عني وتعالوا نحتفل ..
جت ماري وصورتهم كلهم متجمعين على الكيكة وقلوبهم طايرة من الفررح


*تمـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــت*




آخر من قام بالتعديل الجميلة نويرة; بتاريخ 27-06-2013 الساعة 03:19 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 512
قديم(ـة) 27-06-2013, 03:18 AM
صورة الجميلة نويرة الرمزية
الجميلة نويرة الجميلة نويرة غير متصل
©؛°¨غرامي مشارك¨°؛©
 
الافتراضي رد: روايتي الثانية : ضمني لك و حسسني بالأمان ترى الدنيا حيل تعبتني



~ بكذا انهيت روايتي *ضمني لك وحسسني بالأمان ترا الدنيا حيل تعبتني*~
جد جد اتمنى انها اعجبتكم وماقصرت بأي شيء .. واتمنى تعذروني إذا وعدتكم واخلفت او اي خطأ صدر مني سامحوني
وعندي كلام من الكاتبة للقراء واتمنى اي احد بينقل الرواية ينقل هالكلام مع الحقوق ....
((أنا ماكتبت الرواية لغرض التسلية فقط كما يفعل الكثير .. كتبتها لغرض اخر وهو العظة والعبرة والإستفادة ايضاً وفيها من التسلية .. أتمنى أنكم أستفدتوا من الرواية .))

حبيت اعلق على قصص أبطالنا ...


جنان وسعود
كان العدو الي دمر حياتهم هي الغيرة والشك.. اقتحمت حياتهم ودمرتها ..تعبوا كثثثثير حتى تعدلت حياتهم ..خسروا ولدهم ..بس ربي عوضهم بولد ثاني ...

راكان وروان
آآآآآه أكثر إثنين تعبنا وعانينا معاهم ..كان العناد متمركز براسهم اثنينهم كل واحد يعاند الثاني ..وآخر شيء كل واحد اعترف بأغلاطه ..واعتذر عنها .. والإعتذار موب ضعف ابد بالعكس الإعتذار ..إحترام ويدل على حسن التربية ..وروان عرفت انها غلطانة لم هربت لان الهروب زاد مشاكلها مشاكل ....

فارس وريم
حب الطفولة والبرائة الحب الطاهر ....نتعلم من قصتهم ..إن الي يحب يتحمل كل شيء من حبيبه ..مايتخلى عنه لسبب تافه مثل عقيم ..الحب تفاهم وعطاء ..الحب مايخلينا نفترق عشان الناس تكلموا اني مااجيب عيال .. وخير ؟ ماجابت عيال او تأخرت .. هذي حياتها وهي حرة ..

الزين وفيصل
صحيح بداية حياتهم ماكانوا متفاهمين .. الزين كانت عندها عقدة من مرضها ..على بالها الكل مايبيها وبتوقف حياتها على هالمرض !
بس بالنهاية عرفت ان الحياة ماتوقف لأي شيء كل ذا بفضل فيصل بعد الله .. حسسها انها إنسانة عادية حالها حال باقي الناس وهذا الصدق هي إنسانة عادية بس المجتمع مايرحم دائما ينظر للمريض نظرة خاطئة كأنه جاي من المريخ ..وعنده او عندها السكري وخير ؟ هذا ابتلاء من رب العالمين ماراح توقف الحياة عشان هالمرض !

الجازي وسيف
الظلم شين وربي مايترك الظالم شفتوا كيف سيف ظلم الجوري وظلم ناس كثير هو وأمه ..وكيف ربي عاقبهم وابتلاهم العنود جاها الشين و سيف صار في غيبوبة طويلة وفقد الذاكرة..والجازي كيف سامحت سيف على كل الي سواه لها من طيب قلبها ..مع ان الي سواها مب هين !


الجوري وطلال
حياتهم كانت مغامرات .. انجبروا على بعض وماكانوا يعرفون وش مصيرهم .. صارعوا الحياة يوم حلو يوم مر تحلموا المصايب الي جتهم .. بس بالنهاية طلال حب الجوري حب برائتها حب عفويتها وصفاء قلبها .... والجوري كيف فشت اسرارها لوجدان وخربت بيتها .. انتبهوا مو أي أحد نتعرف علينه نثق فيه ..الثقة غالية ماتنعطى الا للناس الغاليين !

تركي وأمل
صدمة أمل بعد زواجها من تركي .. انه يشرب ؟ ويزني ؟ ..خلتها تبكي ندم انها وافقت عليه .. ندبت حظها ليه وافقت واهلها ماسألوا عنه ليه ؟ عشان انه من عايلة معروفة وكبيرة ؟ ..ليه هالتفكير ؟ بعض الناس هذي طريقتهم اي شخص يتقدم لبنتهم ومن عائلة معروفة غنية بسرعة يوافقوا قبل لايسألوا والسبب الولد ماينعاف عشان مكانته الإجتماعية ..هالأشياء كلها مالها اي اهمية ..لم يكون الولد ملتزم بدينه وماعنده خرابيط هذا الشي الي له اهمية .. بس امل على صبرها ودعائها وتمسكها بربها انه ماراح يخيب املها بلحظة تركي تاب وندم بسبب آيات من القرآن ..شفتوا كيف القرآن غير حياة شخصين للأفضل ..سبحان الله !


وليد وسارة
آآآخ صحيح كانت نهاية حزينة .. بس تعلمنآ منها كثير ..تعلمنا التضحية والوفاء .. تعلمنا ان نصبر على كل شيء يجينا من الإنسان الي نحبه ونضحي بسعادتنا علشانه ..تعلمنا الأمل والتفاؤل ومحاربة اليأس والتشاؤم .. الإنسان لم يحب إنسان يهتم فيه ويوقف معاه بأصعب أيام حياته ..يظل في البال لو يموت وبعد عشر سنين مستحيل ينسى ..لانه قدم لنا شيء ماننساه ..



فواز ومرام
كانت نهاية فرااق ..كلها بسبة أصحاب السوء ..رند ورنيم الي غزو حياة مرام وصارت تكلم زياد ..وفواز الي شلة السوء غزت حياته وصار يدخل شقق مشبوهة ووو ... صحيح تابوا بس آثار الماضي ظلت وباقية ..فواز عذر مرام على طيشها ..بس مرام تسرعت وطلبت الطلاق وكلن راح بطريقه !


وبسس هذي التعليقات الي عندي ..

وأخيرا عندي كم سؤال ..
مين الإثنين الي يستحقون يتسمون بأبطال الرواية .. واكثر قصة عجبتكم .. وقصة ماعجبتكم ..والابطال الي حبيتوهم وكرهتوهم ؟؟



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 513
قديم(ـة) 27-06-2013, 04:25 AM
hmoodah hmoodah غير متصل
©؛°¨غرامي مشارك¨°؛©
 
الافتراضي رد: روايتي الثانية : ضمني لك و حسسني بالأمان ترى الدنيا حيل تعبتني


السلام عليكم
مرهه جميل البارت
ابطال الرواية مدري كلهم حبيتهم
احس روان وراكان
واحس مرام وفواز
واحس وليد وساره
واحس ريم وفارس
لانهم اكثر شي حبيت قصصهم
احب اشكرك لاني فعلا استفدت من الرواية والله يعطيك العافيه والصحة والتوفيق


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 514
قديم(ـة) 27-06-2013, 04:25 AM
hmoodah hmoodah غير متصل
©؛°¨غرامي مشارك¨°؛©
 
الافتراضي رد: روايتي الثانية : ضمني لك و حسسني بالأمان ترى الدنيا حيل تعبتني


السلام عليكم
مرهه جميل البارت
ابطال الرواية مدري كلهم حبيتهم
احس روان وراكان
واحس مرام وفواز
واحس وليد وساره
واحس ريم وفارس
لانهم اكثر شي حبيت قصصهم
احب اشكرك لاني فعلا استفدت من الرواية والله يعطيك العافيه والصحة والتوفيق


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 515
قديم(ـة) 27-06-2013, 06:36 AM
البنوته النوري البنوته النوري غير متصل
©؛°¨غرامي جديد¨°؛©
 
الافتراضي رد: روايتي الثانية : ضمني لك و حسسني بالأمان ترى الدنيا حيل تعبتني


اكثر اثنين حبيتهم بالروايه

هم فارس وريم
عجبني تمسكهم ببعض ووفائهم وصبرت ريم على العقم والعيال عشان حبها





يااااي مرره رومنسيين❤❤❤❤❤❤


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 516
قديم(ـة) 27-06-2013, 07:11 AM
صورة زهرة المايا الرمزية
زهرة المايا زهرة المايا غير متصل
©؛°¨غرامي متألق ¨°؛©
 
الافتراضي رد: روايتي الثانية : ضمني لك و حسسني بالأمان ترى الدنيا حيل تعبتني


روايه تجننننننننننننن
ننتظر روايتك الجديده


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 517
قديم(ـة) 27-06-2013, 09:14 AM
مآبي غيره مآبي غيره غير متصل
©؛°¨غرامي جديد¨°؛©
 
الافتراضي رد: روايتي الثانية : ضمني لك و حسسني بالأمان ترى الدنيا حيل تعبتني


وااااو روووعهه الصراححه
يعطيج العافيه حبيبتي
بجد الروايه رووعه خياليه
ﻻتحرمينا هالطلهه ♡♡♥


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 518
قديم(ـة) 27-06-2013, 08:07 PM
صورة Almash w ra7t! الرمزية
Almash w ra7t! Almash w ra7t! غير متصل
©؛°¨غرامي مشارك¨°؛©
 
الافتراضي رد: روايتي الثانية : ضمني لك و حسسني بالأمان ترى الدنيا حيل تعبتني


هلا وغلا ‏

نهاية روووووووعةة والله حتى رووووعة شوي بحقج

اسمحيلي يمكن تأخرت فالرد بس كانت عندنا ظروف عائلية سيئة

و ما كنت أقدر أتركهم وايد وانشغل بأشياء ثانية وسط هالظروف ‏‏^‏‏^‏

أكثر الشخصيات اللي حبيتها

روان وراكان
ريم وفارس
نور وخالد
أمل وتركي

بصراحة معظمهم هههههههه

اللي ما حبيتهم رند طبعا وزياد

ويععة تويعهم خربوا بيت فواز ومرام

والنهاية واااااااايد حلوة وعلى قولة السعوديين * خ ق ق *‏

بس حزنت على نهاية وليد ومرام وفواز ‏

بس طبعا الحياة فيها الحلو والمر و انا شخصيا استمتعت وايد وايد بقصتج

واتمنى تكون لج رواية ثانية

ودي و وردي لج ‏

اختج:‏ الماسه وراحت‏!‏


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 519
قديم(ـة) 27-06-2013, 08:15 PM
صورة Almash w ra7t! الرمزية
Almash w ra7t! Almash w ra7t! غير متصل
©؛°¨غرامي مشارك¨°؛©
 
الافتراضي رد: روايتي الثانية : ضمني لك و حسسني بالأمان ترى الدنيا حيل تعبتني


امممممم ممكن اعرف اسم الرواية الاولى ‏؟؟ ‏:$


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 520
قديم(ـة) 27-06-2013, 10:44 PM
صورة روعة غلا الرمزية
روعة غلا روعة غلا غير متصل
©؛°¨غرامي نشيط¨°؛©
 
الافتراضي رد: روايتي الثانية : ضمني لك و حسسني بالأمان ترى الدنيا حيل تعبتني


ابطال الرواية مدري كلهم حبيتهم
احس روان وراكان
واحس مرام وفواز
واحس وليد وساره
واحس ريم وفارس
لانهم اكثر شي حبيت قصصهم
اشكرك ياعسل


الرد باقتباس
إضافة رد
الإشارات المرجعية

روايتي الثانية : ضمني لك و حسسني بالأمان ترى الدنيا حيل تعبتني ، كاملة

الوسوم
الثانية , الدنيا , بالأمان , تعبتني , روايتي , وحسسني , ضمني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6249 20-10-2014 05:39 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
يا شاري حب الدنيا هذا هو مقدارها عند رب العالمين جداوي كوول مواضيع إسلامية - فقه - عقيدة 23 19-04-2011 10:20 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 10:14 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم