اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-02-2007, 11:05 AM
صورة مجنونة بس عاقلة الرمزية
مجنونة بس عاقلة مجنونة بس عاقلة غير متصل
©؛°¨غرامي مشارك¨°؛©
 
الافتراضي رواية ناداني و لبيته / كاملة


صبااااااح الخير اعضااااااء:040104_emI3_prv:

كيفكم وش اخباركم ان شاء الله زينين؟>>>>>>>خلصينا وحطي موضوعك

المووهم انا اليوم جايبة لكم قصة قريتها في احد المنتديات

وعجبتني مرررررررررررة فقلت انقلها لكم:f55:

وراح انزل كل يومين جزء او جزئين

والحين بانزل جزء وهالله هالله بالردوووود:009:

اذا شجعتني باحط الباقي:050103norm_prv:

الجزء الاول:
بمستشفى التخصصي بالرياض دخلت ام فيصل بكل وقار وهيبه تمشي مع ولدها فيصل متجه للغرفه الي بالطابق الرابع
الي تضم بداخلها رجل..لكنه ظلم ..عذب ..شرد....تخلى عن مسؤلياته ..
ظلت أم فيصل تمشي وهي تفكر كيف بيكون اللقاء هل بتقدر تسامح هل بتصرخ بوجه الرجل الي غير حياتها كانت خايفه
متوتره قلقه رغم قوتها وحكمتها وايمانها بالله سبحانه وتعالى الخوف بدأ يتصاعد بداخلها لحد ماوصلت لدور الرابع وامام الغرفه
دخلت ام فيصل للغرفه واهتالت من شكل الرجل وقالت بخاطرها سبحان الله كل قوه لابد لها من ضعف والله يمهل ولايهمل
هذا الانسان كان مضيع دينه وراكض وراء ملذات الدنيا الزايفه ماتخيلت بيوم تشوفه بهالشكل الضعيف حاولت تكون قاسيه لكنها
دعت الله انه يرحمه ولايعذبه بمقدار ماعذب ويسامحه على كل شئ عمله لها ..
ام فيصل بعد ماقربت ...السلام عليكم
ابراهيم...وكله تعب ..وعليكم السلام هلا نوره
فيصل ويحاول يسند ابوه ..ارتاح يبه لاتتعب نفسك
ام فيصل...سلامات ماتشوف شر طهور ان شاء الله
ابو فيصل وبصوت منهك ....سامحيني ياام فيصل ظلمتك
نوره...الله يسامح الجميع
ابو فيصل ...آه يابنت عمي ظلمتك وانتي يتيمه بنت 16 سنه زوجك لي حتى يسكت ابوي الناس الي تقول تركوا بنت
اخوهم تزوجتك وانا طايش مااعرف من الدنيا الا زيفها وترابها قالوا لي تزوجها واتركها المهم تكون زوجتك قالوا
اتركها خدامه لك تخدمك وتسهر على راحتك وتزوجتك وحطيتك ببيت مو عشان راحتك لاني اعرف امي بتسبب مشاكل
وانا ماني رايق للمشاكل تزوجتك وقلت لك من اول يوم انتي زوجتي على كيفي انا حقوقك الي ابي بعطيك ولاقلتي شئ
لكن الشئ الوحيد الي مااهتميت فيه دراستك قلت ادرسي وفكيني من شرك مادريت اني بعد 29 سنه بعد ماصحيت من
ضياعي وهدني المرض ومنعني من سفراتي ان بنت عمي الي ذبحتها من الضرب والاهانه وكسرت وهديت كل فرحه بحياتها
بتكون ام ربت صح وكانت مدرسه انا طلقتك من 20 سنه لكن مافيه احد قال لي انك تخرجتي تزوجت غيرك كثير لكن دائما الطيبين
هم الي يتحملون اهانتي تزوجت ام سلمان وصبرت علي 20 سنه وبعد ماتعبت طلقتها
فيصل وامه مستغربين لاول مره يعرفون ان ابوهم تزوج واستمر لهالمده
ماتت ام سلمان من ثلاث سنين ومن يومها مااعرف شئ عن عيالي
فيصل وبااستغراب ...يبه انا عندي اخوان ولااعرف
ابوفيصل. ...ربيتي رجال يانوره مع اني ماسألت عنه ولااعرف عنه شئ كان يزوني ويسأل عني والحين انا
بوصيك يافيصل قدام امك امك الي تحدت كل العالم والله عزها فيكم بوصيك بسلمان وأماني
فيصل وحس ان ابوه تعب من كثر الكلام ...مايحتاج توصيني هذولي اخواني وبعيونا وان شاء الله بتقوم بالسلامه وتأخذ بالك من الجميع
ابو فيصل....فيه بنت عذبتها ضربتها اهنتها لاتتركونها هاتوها بستسمح منها
فيصل....من ابوي هالبنت
ابو فيصل...العنود اخت المرحومه ام سلمان جابتها معها عمرها سنه وربتها بعد وفاة امها وهالبنت حرمتها من
كل شئ وانا متأكد انها هي الي عند عيالي وانا واثق فيها لانها تربية ام سليمان كنت اضربها وتعتذر لي
اصرخ عليها ولاتقول شئ ولاتنزل دمعتها قول لها تسامحني
فيصل...يبه ارتاح خلاص الكلام يتعبك
ابو فيصل...ياابوي خلني اقول الي عندي
ام فيصل وهي تصيح ...ارتاح ياولد عمي والي راح انا مسامحتك عليه وادعي الله يسامحك والحين مااقول الا الله يشفيك
ويعافيك يارب
طلعت ام فيصل وطلع فيصل يوصل امه ..
وبالسياره ..فيصل سرحان يفكر كيف مايعرف ان عنده اخوان ولا بعد امهم متوفيه كيف عايشين وقطعت تفكيره
ام فيصل....فيصل حبيبي انت كنت تزور ابوك
فيصل....ايه يمه كنت ازوره واتصل فيه شبه يومي لكن ماقدرت احنن قلبه كان دائما يصدني يرفض مقابلتي
ام فيصل...وليه ماقلت لي ..؟؟
فيصل...خفت تزعلين
ام فيصل....فيصل انا ماازعل من الحق ولو قلت لي كنت شجعتك لكن ماتتخيل فرحتي فيك اليوم
فيصل....يمه اخواني الي مااعرفهم هذا الي قاهرني الحين
ام فيصل...اخذ من ابوك العنوان ونروح لهم نزورهم ونتطمن عليهم

وصل فيصل امه وراح يمر شركته يتطمن عالوضع وبعد ماانتهى وصل عند بيت سعد صديقه من ايام المدرسه
اتصل فيه ودخل عنده شرح له بعض الامور بالشركه وطلع راح لابوه بالمستشفى

ببيت ام فيصل دخلت ام فيصل والا البيت هادي مافيه احد استغربت وين البنات
ام فيصل ....حبايبي حمودي ..سارونه ....غدير
مااحد رد خافت حطت عباتها وقالت بتطلع تشوفهم وتوها بتطلع
البنات....بووووووووووووو
اخترعت ام فيصل ....حسبي الله على عدوانكم بنات هبلتوني
غدير وتبوس راس امها....بسم الله عليك الغاليه
سارونه....مامتي
غدير...ساروه عن الدلع الله يخليك
ساره....حبيبتي الدلع طبيعي فيني كيف اتركه
ام فيصل....ههههه بس انتي وياها وين حمودي
غدير....ايه هذا الي يهم حمود نايم بعدين يمه محمد رجال خلاص قولي محمد
ام فيصل.... نوم العافيه وكلكم بعيني بتظلون صغار لو شلت عيالكم
سارونه. بأبتسامه ..وحتى فيصل
ام فيصل وبأبتسامه حزينه....نظر عيني فيصل الله يخليه يارب
غدير...خلاص الحين فيصل بالسيره خلينا نروح سونه لغرفتنا
ام فيصل....ههههههههه تعالوا بقول لكم شقال لي ابوكم
غدير....يمه متى بنروح نشوفه
ساره...والله انا خايفه منه يطردنا
ام فيصل....المرض يذكر الانسان بكل شئ يمه واابوك مايبي الحين الا دعائكم له
غدير...الله يشفيه يارب
سارنه وام فيصل....آمين
ام فيصل قالت لبناتها عن زواج ابوهم وان عندهم اخوان وفرحوا كثير اما محمد راح لابوه وعرف
كل شئ هناك لما طلب ابوه من فيصل انه يشوف العنود قبل الكل ..
طلع فيصل وتردد كيف يروح لهم وشو يقول مايعرف هم يعرفونه او لا وحتى مايعرف كم اعمارهم
ابوه كل ساعه يزيد عليه التعب ولايقدر يتكلم كثير وبالاخير قرر فيصل يطلب من امه تتصل وتكلم
خالتهم العنود وتقولها وفعلا طلب من امه واتصلت
في بيت ام سلمان الله يرحمها سلمان يلعب كوره كالعاده بالصاله واماني تصارخ عليه
ورن التليفون وبسرعه اخذ سلمان الي عمره سبع سنوات السماعه
سلمان......الوووو
ام فيصل وباابتسامه.....السلام عليكم
سلمان....وعليكم السلام مين
ام فيصل وتناظر عيالها ....سلمان
فيصل واقف عند الباب وكل تركيزه عند امه
سلمان....ايه انا سلمان من انتي
ام فيصل....حبيبي وين خالتك
سلمان...مين خالتي ..؟
ام فيصل وترددت....العنود
سلمان....ههههه ايوه تبين عنوده
ام فيصل وتضحك لضحكة الطفل.....ايه عنوده وينها
الكل ابتسم الا فيصل الا مو راضي عن كل الي صار من ابوه
سلمان وينادي.....عنوده عنوده
العنود....الو
ام فيصل ....السلام عليكم بنتي
العنود ....وعليكم السلام من معي
ام فيصل....والله مااعرف شو اقول لك
العنود.....خير ياخالتي امري
ام فيصل ....انا ام فيصل اخو العيال
العنود وباابتسامه....هلا ومرحبا خالتي شلونكم
افيصل وتبتسم لهم وتأشر لفيصل حتى يجلس ....بخير يابنتي انتم شلونكم
العنود...بخير ونعمه الحمد لله
ام فيصل...سلمحينا يابنتي ماكنا نعرف عندكم شئ والله الا اليوم
العنود...معذورين ياخالتي والله كان ودي ان سلمان واماني يعرفون اخوانهم لكن المرحومه ماقدرت بقدر انا
ام فيصل...,كم عمر سلمان واماني
العنود...اماني 18 وسلمان 7
ام فيصل ....الله يخليهم يارب والله يابنتي انا ودي تزورونا لكن ابو فيصل بالمستشى وطلب يشوفك بكرا الصباح
العنود. بخوف ...انا..؟؟ ليه
ام فيصل....والله يابنتي ماادري بس فيصل قال لي
العنود...ان شاء الله اروح له بكرا الصبح بس وين فيه
اتفقت انها تروح له الصباح وبعدها تمر ام فيصل الصباح لانها حابه تكلمها قبل ماتشوف اخوان عيالها
فيصل ماعجبه الوضع وظل يناقش امه لكن فجأه قطع عليهم
محمد...السسسسسسسسلام عليكم جميعا
الكل..وعليكم السلام
فيصل معصب ....ليه تركت الوالد ورجعت
محمد....فيصل من امس وانا عنده ملابسي ملت تقول ارجوك حمود روح تحمم وبدلها
سارونه....هههههه مسكينه
محمد....تسلم لي هالضحه ياناس
فيصل....خلاص انت ارتاح وانا بنام عنده اليوم وبكرا من الساعه11 انت عندي لاتتاخر عندي موعد الساعه12
محمد....اوكي والحين والدتي العزيزه ابي اكل وانام
ام فيصل.....ههههههههههه اول ارحم ملابسك على قولك وبعدين انزل وتحصل كل شئ جاهز
طلع فيصل عند ابوه ومحمد بعد الدش جلس يسولف مع خواته واامه عن خواته وكيف بيكون موقفهم
بعدها نام محمد والبنات طلعوا ينامون عندهم دوام الصباح
ام فيصل مثل العاده ماتنام الا بعد ماتتأكد من كل شئ بنفسها وخصوصا باب البيت تتاكد انه مقفل بعدها تنام


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 11-02-2007, 11:07 AM
صورة مجنونة بس عاقلة الرمزية
مجنونة بس عاقلة مجنونة بس عاقلة غير متصل
©؛°¨غرامي مشارك¨°؛©
 
الافتراضي


بالمستشفى الساعه عشر احد يطق الباب ويطلع فيصل
الزائره...السلام عليكم
فيصل ...وعليكم السلام
الزائره....غرفة ابو فيصل ابراهيم
فيصل...وصلتي اختي
الزائره....انا العنود اقدر اشوفه
فيصل وكان ناسي زيارتها ....تفضلي
دخلت العنود ودمعت عينها لما شفت الشخص الي عذبها وضربها وحرمها من طفولتها
فيصل...يبه هذي العنود عندك بطلع واذا احتجت شئ انا موجود برا
ابوفيصل....لا اجلس هنا واسمعني
العنود...هلا عمي شلونك سلامتك ماتشوف شر
ابو فيصل..الله يسلمك وشلونكم يابنتي عيالي شلونه
العنود..وتقول بخاطرها عيالك توك تتذكرهم....كلهم بخير الحمد لله
ابو فيصل..العنود سامحيني على الي سويته فيك
العنود...وتقاطعه ...عمي انت تعبان وانا مسامحتك يكفي انك خليتي بحضن اختي انت الحين
لاتتعب نفسك والله يعافيك
ابو فيصل...ربيتي ياعايشه الله يرحمها وين سلمان واماني
العنود...بكرا او بعده بيجون يزورونك ان شاء الله انتبه لصحتك عمي
ابو فيصل....عيالي امانه يالعنود
العنود...ياعمي عيالك اخواني لاتخاف عليهم
طلعت العنود من عند ابو فيصل وهي حاسه بشعور مختلف سبحان الله الدنيا دواره من 23 سنه ظلمها
والحين ربي رحمها لما عرف انها مظلومه وهذا يكفيها طلعت العنود وراحت لام فيصل وقالت لسوواق
يروح يجيب شوية اغراض فيما تطلع
سلمت العنود على ام فيصل الي تفاجأت من جمال عيون العنود مشاء الله تبارك الله سلمت عليها وجلست
تسولف معها
العنود...خالتي بصراحه انا مو عارفه شو اقول لكن البنات وعيالك متقبلين اخوانهم اخاف بصراحه ينصدمون
اماني وسلوم حبيبي
ام فيصل...والله يابنتي فيصل زعلان لانه ماكان يعرف وهو دائما كان يحاول يزور ابوه والي كدره ان عنده
اخوان ولايعرف عنهم شئ اما البنات والله فرحانات بأخوانهم
العنود..الحمد لله سلوم واماني يعرفون ان عندهم اخوان لكن المرحومه حاولت مع ابو فيصل يزوروهم لكنه رفض
ام فيصل ....العنود اسمحي لي بهالسؤال اختك ليه تحملت ابو فيصل وين اهلها
العنود....ياخالتي عايشه تزوجت ابو فيصل وهي صغيره تزوجها من الديره وتعرفين عندنا البنت اذا تزوجت وتطلقت
اكبر عيب وزياده امي وابوي ماتوا ولا لنا الا عمان راح تنهان من الكلام الي تسمعه منهم ومن كل اهل الدبيره وزياده


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-02-2007, 11:08 AM
صورة مجنونة بس عاقلة الرمزية
مجنونة بس عاقلة مجنونة بس عاقلة غير متصل
©؛°¨غرامي مشارك¨°؛©
 
الافتراضي


مااحد بيتحمل لها وانا طفله معها صبرت وتحملت وقالت له اعمل الي تبي بس اتركني اعيش ببيتي وابو فيصل الله معطيه
ماهمه البيت الي سكنها فيه لكنه ماكان يصرف عليها
ام فيصل..وشلون كانت تصرف وبعد وفاتها شلون عشتوا
العنود....الي مايعرفه ابو فيصل ان عايشه كان معها مبلغ حلوو لي ولها من ورث ابوي ووحده من الجيران قالت لها تشتري لها
عماره وشرتها بذيك الايام رخيصه والحين موقعها تجاري وارتفع سعرها وكانت هي مصدر دخل لنا على حياتها وبعد وفاتها
ام فيصل..الله يرحمها
العنود..خالتي بو فيصل طلب يشوف العيال وبكرا بروح له معهم بتكونوا موجودين
ام فيصل ..البنات بكرا بيأخذهم فيصل
العنود..اجل بقولهم اليوم وبكرا نشوفكم والحين تااخرت اسمحي لي بروح امر على سلمان بالمدرسه
طلعت العنود وتوها بتركب السياره الا فيصل وصل عرفها وقال بتبعها اشوف البيت وفعلا تبعا لكنها راحت
لمدرسه وانتظرت عند الباب خمس دقايق ولااحد طلع فتحت الباب ونزلت وتوها بتمشي الا جاء طفل صغير
وحضنها ضحك فيصل لانه توقع انه سلمان مسكته وركبت وراحت للبيت من حسن الحظ انه البيت مو بعيد
لان فيصل عنده موعد عرف البيت وراح للموعد وبالطريق جاءه اتصال من محمد اخوه قال له يجي بسرعه
للمستشفى راح وماوصل الا بعد فوات الاوان حصل محمد جالس عالارض ويصيح
فيصل....مات
محمد..لما حصلناه وقلنا بنقدر نغيره راح راح مات يافيصل
فيصل وحس انه مو مصدق بعد محاولة سنين لما حس بالنجاح الموت كان اسرع ...انا لله وانا اليه لراجعون
خلص الاجراءات وطلع للبيت ومن دخل هو ومحمد عرفت امهم محمد طلع لغرفته على طول وفيصل بلغ اهله
البنات صاحوا وهم عمرهم ماعرفوه الا بالصور وطلعوا لغرفهم كل وحده تشكي عالثانيه اما ام فيصل حست بفيصل
ام فيصل...ابوي ادعي له ان الله يغفر له ويرحمه وهذا طريق كلنا ماشين له
فيصل.....آه يايمه حلمت بالحظه الي يطلع ونجتمع معه مع كل اخواني حلمت فيها خططت لها حتلى سلمان الصغير
قلت بنعطيه حنان ابوي كله حتى مايحس بفقدان الاب والام رسمت اشياء كثيره لكن المووووووت يايمه الموت اسرع
من احلامي
ام فيصل ..ياابوي اذكر الله وتعوذ من الشيطان واخوانك شلون بنقول لهم
فيصل....عندك الرقم كلمي خالتهم وعطيها خبر
ام فيصل..والله ياوليدي ماادري مو زينه اعلمها بالتيلفون
فيصل..قومي معي نروح لهم
ام فيصل..تعرف البيت
فيصل..اعرفه يالله يمه بس انا مابشوف احد الحين بنزلك واروح
ام فيصل..الي يريحك
راحت ام فيصل وبلغت البنات وشافت اماني فيها من خالتها لكن فيها نعومه واضحه اما سلمان كان مشاء الله عليه
اماني بكت بشكل يقطع القلب اما سلمان ماعرف شئ عن الموضوع وحتى العنود صاحت عليه بشكل ملتخيلته ام
فيصل اتفقت العنود مع ام فيصل ان اماني تحضر ايبام العزاء عندهم وهي بتجي لكن سلمان رفضة انه يحضر او يشوف
العزاء واحترمت ام فيصل قرارها

هاااا وش رايكم؟

تحياتي:
مجنونة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 12-02-2007, 10:43 AM
صورة !.ملاك وعيونها هلاك.! الرمزية
!.ملاك وعيونها هلاك.! !.ملاك وعيونها هلاك.! غير متصل
©؛°¨غرامي ماسي ¨°؛©
 
الافتراضي


القصة روووووووووووعة مشكورة اختي
بس لا تطولين علينا بالتكملة
أنتظرك,,,,,,,,,,,,,




بس ممكن تقوليلي دموعي راح تبات عنها يوم
ولا لأ؟؟؟







أقصد القصة نهايتها محزنة ولا سعيدة؟؟



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 13-02-2007, 12:25 AM
صورة مجنونة بس عاقلة الرمزية
مجنونة بس عاقلة مجنونة بس عاقلة غير متصل
©؛°¨غرامي مشارك¨°؛©
 
الافتراضي


يسلموووووووووووو متكحلة على المرور الي اسعدني جدااااا
وان شاء بأكمل القصة لعيونك

وما راح اطول عليكم بالتكملة

اما بالنسبة للنهاية اقريها وراح تعرفي
بس اكيد ما بتندمين على انك قريتيها

تحياتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 13-02-2007, 12:00 PM
صورة مجنونة بس عاقلة الرمزية
مجنونة بس عاقلة مجنونة بس عاقلة غير متصل
©؛°¨غرامي مشارك¨°؛©
 
الافتراضي


الظااهر ان الجزء الاول ما احد عجبه

عشان كذا بانزل الجزء الثاني

واذا ما شفت ردود مثل الجزء الاول الي احبطتوني فيه
ما راح اكمل القصة

الجزء الثاني
ومن بكرا وبعد صلاة الظهر الكل بدء يروح لبيت فيصل يعزيه بأبوه فيصل كل جيرانه يقدرونه ويحترمون امه وغير كذا
فيصل رجل اعمال له اسمه ونزل صديقه سعد نعي بالجريده وهذا خلا الكل يعرف والبيت امتلئ ووصلت العنود واماني
الي ميته من الخوف بدت تسترجع عزاء امها الله يرحمها وغير كذا المتوفي ابوها وبتشوف لاول مره اخوانها
يعني اماني كانت تحت ضغط نفسي ماهي عارفه تفرح لانها اخيرا بتشوف اخوانها اوتبكي لوفاة ابوها الي عمرها
ماحست بحنانه او بالامان بوجوده تاهت أماني مابين هالمشاعر المتضاربه بداخلها وصلت للبيت خافت من الزحمه
دخلت وعلى طول عرفت ام فيصل العنود وراحت لهم وسلمت على اماني وعزتها وبالغرفه الثانيه
عرفتها على اخواتها صح تعارفهم كان غالب عليه الحزن والاستغراب من الظروف الي جمعتها بسرعه لكن
البنات بداخلهم حسوا بحب لاماني لان شكلها طيبه كثير لكن العنود حست غدير تجاهها بشئ ماتعرف شو تحسها قويه جدا
غدير ماطولت طلعت ورجعت وتركت اماني الي حبتهم بسرعه وخصوصا ام فيصل الي اخذتها وطلعت لغرفة محمد
طقت الباب وفتح محمد وتفاجئ بالبنت الي مع امه
اماني وبنبره كلها خوف ..عظم الله اجرك اخوي
محمد واقف مكانه مو عارف شو يرد او شو يقول هذي اخته لكن لما شاف دموعها حضنها وبعدين ابتسم لها
محمد....والله صار عندي ورده ثالثه بحياتي يابختي ياناس
اماني وتبتسم ..والله انا فرحانه ان عندي اخوان بعد
محمد..تعالي اجلس معي وسولفي لي عنك
ام فيصل نزلت وتركت اماني مع محمد لكن كانت خايفه من لقاء فيصل اكثر يمكن لانه الكبير او لانها ماسمعت
احد يحكي عنه لكن خايفه وبعد مافضى البيت والكل راح دخل فيصل وهو متوقع ان اماني راحت لكنه حصلها
جالسه ووقف عند الباب ولاهي منتبه له
فيصل بكل هدوء ....السلام عليكم
الكل..وعليكم السلام
اماني كانت خايفه من لقاء فيصل مررره ماتعرف هل بيحبها ويتقبلها مثل باقي اخوانها
ام فيصل وهي تبتسم لاماني ...هذا فيصل يااماني
قامت اماني وراحت عنده وسلمت عليه لكن الي صار وهز فيصل بداخله انها حبت راسه حضنها فيصل
وبكت اماني ومسح دموعها
فيصل ويرفع رأسها ....امون ماابي دموع خلاص مانبي بحياتنا دموع
ابتسمت لهم بعدين قالت ..انا تأخرت لازم اروح
فيصل....افا ماجلسنا معك
اماني...بس اكيد العنود تنتظرني ولابتنام لحد ماارجع
ساره..طيب اتصلي عليها وقولي انك بتنامين عندنا
غدير...اقتراح حلو
اماني وبدون تفكير ....واترك العنود لحالها لا مااقدر
محمد ...خلاص انا بوصلك وبكرا تجين عندنا من بدري
اماني..لا انت تعبان من الصباح مانمت العنود بتجي اكيد
فيصل وبنبره حاده ....بتجي تأخذك واحنا موجودين لا اتصلي وقولي لها بوصلك أنا
وراحت اماني واتصلت والكل موجود عندها
اماني...هلا العنود
العنود...هلا اماني شلونك
اماني..تمام
العنود....والاهل عندك كيفهم
اماني ....تمام
العنود....اماني تأخرتي اجي لك
اماني..لا بيجيبني احد اخواني لاتتطعين الحين
العنود....اموون اخاف تعب عليهم عادي انا مع الشغاله والسواق بجي
اماني..لا فيصل يقول لا هم بيوصلوني
العنود...اوكي انتظرك سلمي عليهم
اماني ..يوصل..باي
اماني ...تسلم عليكم العنود
محمد وهو يغمز لساره ....حتى انا
اماني ومستغربه....
فيصل....ههههههه يااخي انتظر ماتعودت عليك صدمتها
غدير....اماني مادام فيصل بيوصلك اجلسي شوي
اماني...اوكي بس مابطول حرام العنود اكيد تعبانه وبتنام
ساره....خالتك عادي تقولي لها العنود حاف من غير خالتي
اماني.....هههههههه لو اقول خالتي ذبحتني
فيصل....اماني حبيبتي تعالي اجلسي عندي
محمد بصوت واطي لغدير....بدء الاستجواب
فيصل رفع رأسه ....سمعت
محمد....هههههههههه مشاء الله مايفوتك شئ
ام فيصل....بسم الله على وليدي اذكر الله
محمد ....لا اله الا الله قلت مشاء الله
فيصل....اماني انتم مافيه احد يزوركم من عماني ولا احد من خوالك
اماني....ابدا كان ابوي الله يرحمه يمرنا كل شهرين وبعدين من ولادة سلمان ماشفناه
فيصل..ولا عندكم اي احد يجي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 13-02-2007, 12:03 PM
صورة مجنونة بس عاقلة الرمزية
مجنونة بس عاقلة مجنونة بس عاقلة غير متصل
©؛°¨غرامي مشارك¨°؛©
 
الافتراضي


تابع
اماني..ابدا
فيصل..طيب وكيف الوضع من الي يشوف طلباتكم من يصرف عليكم
اماني...امي الله يرحمها من ولادة سلمان وهي مريضه ولا كان فيه الا العنود الي تسوي
كل شئ وهي الي تصرف علينا
محمد....طيب وكيف السواق الي عندكم من عمل اجراءته ووين ساكن ومن يدفع راتبه
اماني..العنود طلبت سواق وزوجته لانها توصلنا ولاتركب لحاالها مع سواق وبعدين بنينا
بداخل البيت ملحق صغير لهم وبابه عالشارع
ام فيصل..وهالشغاله شلون اذا بتروح لزوجها تطلع بالشارع كل يوم
ساره تقول لغدير بصوت واطي..ههه امي شالت هم الشغاله
اماني ..رفضت العنود قالت تطلع بالشارع كيفها ولا تفتح باب بالبيت لهم تطلعها الصباح وتقفل الباب
والصبح تفتح لها
غدير...خالتك قويه مشاء الله عليها
فيصل..طيبب وسلمان
اماني بأستغراب ..شفيه
فيصل..شو مفهمينه عن ابوي الله يرحمه
اماني..العنود دائما تقول له انه تعبان وبرا مسافر يتعالج
فيصل..كويس كذا سهلت الموضوع
ساره....طيب خالتك ماتدرس
اماني ..تخرجت العام
اماني..فيصل تأخرت
فيصل ..اوكي يالله مشينا
ام فيصل..اماني بتجين بكرا
اماني ..بحضر كل ايام العزاء ان شاء الله مع السلامه
طلعت اماني مع فيصل والبنات وامهم ومحمد ظلوا يتكلمون
غدير..ماادري خالتهم ماحبيتها احسها قويه
ساره ..بالعكس احسها محترمه
محمد ..والله الي سوته مافيه كلام بنت رجال مشاء الله عليها
ام فيصل..غدير لاتحكمين على احد من غير ماتجلسين معه انتي اول مره تشوفينها
غدير ..يمكن
اما فيصل ظل يسولف مع اماني الي فرحانه ومو مصدقه وصل للبيت
اماني..يالله مع السلامه
فيصل...طيب اتصلي يمكن نايمه او فوق
اماني ...ههههههههه عند الباب جالسه الحين العنود ماترتاح واحنا مو موجودين
فيصل ..طيب يالله بشوف
وعلى طول ضربت الجرس وفتحت لها العنود ابتسم فيصل ورجع البيت الظاهر هالعنود مثل امه

دخلت اماني وجلست تسولف مع العنود عن الي صار لهم وكيف شافتهم
العنود..اماني قولي لي رأيك بكل شخص
اماني..طيب اول شئ خالتي ام فيصل طيبه وحنونه رغم اني اول ماشفتها حسيتها قاسيه
العنود..حتى انا لكن شكلها طيبه مره
اماني..ساره حبيتها مره احس قلبها ابيض مع انها دلوعه شوي
العنود..وغدير
اماني..غدير صريحه وهذا شئ يميزها بينهم لكن احسها بعد قلبها على اخوانها وتهتم فيهم
اما محمد بصراحه احسه مو اخ لهم احسه صديقهم يتكلمون معه بحريه وبأحترام وبصراحه الجلسه معه ماتنمل
العنود..وفيصل
اماني..فيصل بصراحه احس له هيبه عندهم واول ماشفته خفت لكن بعد ماتكلمت معه حسيته لا مو مثل ماانا
متصوره
العنود..وانا شفته قاسي لكن الله العالم المهم خلينا ننام الحين يالله تصبحين على خير
اماني..تلاقي الخير يارب

مرت ايام العزاء واماني عندهم يرجعها محمد او فيصل وبعد ماانتهى العزاء بدا فيصل يفكر
شو راح يعمل راح يترك اخته واخوه ببيت لحالهم مع بنت كبر غدير اخته الدنيا مافيها امان وهم اخوانه
لازم يهتم فيهم ظل يفكر ويفكر كيف لو اخذهم عنده حرام البنت يتركها لحالهم ولو تركهم عيب بحقه
وهم سرحان يفكر بالشركه والدوام انتهى دخل عليه شخص شاف وجهه بالعزاء لكن مايعرفه
الزائر....السلام عليكم
فيصل..وعليكم السلام
الزائر....عفوا ماحصلت احد عند الباب ودخلت اسف عالازعاج
فيصل....لا ازعاج ولا شئ تفضل اخوي
الزائر ....زاد فضلك
فيصل...ماعرف الاخ
الزائر...اكيد مابتعرفني وانا لو ماسمعت الناس يقولون فيصل بالعزاء ماعرفتك معك
حمد العبدالله
فيصل وهو مو فاهم ....اهلا
حمد.....حمد راشد العبدالله
فيصل وهو مصدوم ..ولد عمي
حمد. بأبتسامه ...ولد عمك
فيصل....ياهلا فيك تفضل
حمد....اعرف انك مستغرب لكن الي صار لك صار لي يعني الحال من بعضه
فيصل ..ماني فاهم
حمد....ماعندي مانع اقولك لكن اخاف اعطلك
ناظر فيصل ساعته..لا عطله ولاشئ حياك معي بالبيت تعشى عندنا ونعرف الموضوع
حمد...اعفيني من العشاء مااقدر اتأخر عن تسع
فيصل بأبتسامه....اوكي الظاهر متزوج الحبيب
حمد...لا ياشيخ ناقص مسؤليه انا معي خواتي ولااقدر اتاخر عليهم
فيصل...افا عليك البيت بيتكم حياهم عند الاهل
حمد ..ماعليه وقت ثاني خلينا نروح لمقهى واحكي لك الموضوع

اما في بيت المرحومه عايشه كانت العنود جالسه تكتب عالعاده وفجاه تسمع سلمان
سلمان....عنووووووود ....عنووووده
العنود وباابتسامه لانه يلحن اسمها .....نعم هنا بالصاله انا
سلمان....تعبت اخيرا لقيتك
العنود..بسم الله عليك تعال اجلس عندي وقول شتبي
سلمان....ابي اشوف فيصل وغدير مو اماني شافتهم وابوي الي انتظره خلاص راح للجنه
العنود وعورها قلبها ..ان شاء الله راح للجنه حبيبي وبعدين الاربعاء بتروح تشوف اخوانك
سلمان..قولي والله
العنود ماردت عليه
سلمان...اسف صح مانقول والله على كل شئ بعدين انتي ماتكذبين الي يكذب ربي وين يحطه
العنود.....ههههههههههه تقلدني بعد يحطه ربي بالنار وجلست تضحك مع سلمان

اما بالمقهى كان فيصل وحمد
حمد...يافيصل الي صار لامك صار لامي لكن الفرق ان عمي حط لها بيت لحالها وبكذا ارتاحت
لكن امي لا جلست بنفس البيت معهم وجدتي الله يرحمها كانت تحرك البيت على كيفها ولك تتخيل الضرب والاهانه
والتهزئ حاولت تتطلق لكن كان ابوي دائما يمسكها مع اليد الي تعورها عيالها يقول بطلقك لكن عيالي عندي
فتتحمل وتجلس وعلى هالحال مرت الايام كبرت وانا اشوف امي تضرب تهان قدامي اشياء كثيره كنت اشوفها
ولااقدر اعترض ولما خلصت ثانوي بيوم تخانقت مع ابوي ماعدت اقدر اشوف امي المريضه الكبيره بالسن
تتعامل بهالقسوه طردني من البيت يومها امي قالت خذني معك لاتروح عني لكن ابوي حلف لو تطلع ماتشوف


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 13-02-2007, 12:04 PM
صورة مجنونة بس عاقلة الرمزية
مجنونة بس عاقلة مجنونة بس عاقلة غير متصل
©؛°¨غرامي مشارك¨°؛©
 
الافتراضي


تابع
بناتها الي هم خواتي الثنتين اقنعتها اني رجال واعتمد على نفسي وخواتي يحتاجون لها وخليتها مع خواتي وطلعت
اشتغلت سنتين هنا وبعدها سافرت برا درست وتخصصت ورجعت بعد ماعرفت ان اابوي توفى وامي مريضه ومن سبع شهور توفت امي
كنت اعرف منها ان عمي متزوج بنت عمه وانها شافت مثلها هالعذاب لكن مااعرف عنكم شئ وخصوصا اني هالسنه عشتها بالشرقيه
لكن انا استقريت من شهر هنا بسبب شغلي وشفت النعي بالجريده والله ماتتخيل شكثر فرحت اني عرفت اهلي
فيصل....لا حول ولاقوة الا بالله مانقدر نقول الا الله يرحمهم جميعا
حمد..آمين يارب
فيصل..الا ماقلت لي شو تخصصك وطبيعة عملك
حمد...دكتور جراحه بمستشفى الامن العام
فيصل....مشاء الله لكن عمري ماشفتك مع اني دائما هناك
حمد بأستغراب ...خير ان شاء الله شعندك
فيصل....اختي تعبانه وعندها مراجعات عندكم
حمد..الله يشفيها يارب
فيصل..امين
حمد....الحين اسمح لي تاخرت عالبنات لحالهم بالشقه
فيصل بااستغراب...انت ساكن بشقه
حمد....انا كنت ساكن فيها لحالي لاني اروح اشرقيه كل اربعاء لكن بصراحه ماعجبني جلست خواتي عند خالي
اخذتهم عندي والحين ادور لي على بيت مناسب
فيصل...وحصلت
حمد.....للاسف لا
فيصل....مالها الا سعد ابشر موضوعك عنده
حمد....من سعد
فيصل...اخو دنياا سعد اعز من اخو بالنسبه لي
حمد....كفوا والله انزين انا ماشي الحين وبينا تليفون
فيصل..اكيد ان شاء الله
تركه فيصل وهو محتار كيف يخلص هالمواضيع الي تراكمت على راسه
موضوع اخوانه وموضوع حمد الي طلع فجأه وتعب ساره واشياء كثيره تحتاج بعض القرارات السريعه اتخذ قراره مع امه
وراح لبيت المرحومه عايشه ام سلمان زوجة ابوه الظهر
دخل لللمجلس هو وامه ومعه اماني وشوي ودخلت العنود
العنود وهي لابسه عباتها وكالعاده بالبرقع لكن مغطيته بطرق خفيف
العنود..السلام عليكم وجلست عند الكرسي الي عند الباب
الكل...وعليكم السلام
فيصل وهو منزل عينه بالارض ....كيف الحال اخت العنود
العنود بصوت واطي ولارفعت عينها ...الحمد لله
فيصل...اول شئ اسف عالازعاج لكن فيه مواضيع لازم نتكلم فيها والوالده فضلت انا الي اتكلم فيها
العنود..البيت بيتكم وتشرفون بأي وقت
فيصل....انا بصراحه ماكنت اعرف اي شئ بخصوص اخواني ولااعرف عن وجودهم اصلا الا بالايام الاخيره
من حياة والوالد ولو كنت اعرف ماكنت برضى بسكنهم لحالهم على حياته
العنود وكانت متوقعه وبسرعه ..ايوه ولابترضى يعني بعد مماته
فيصل..اختصرتي الموضوع بالضبط هذا الي اقصده
اماني متوتره شو يقصد فيصل وام فيصل تعرف فيصل صح هادي لكن اذا عصب عصب
العنود وبصوت جامد ..والمطلوب
فيصل..انا جاي اسمع منك انتي يرضيك اختي واخوي يعيشون لحالهم مع احترامي لك لكن بوقتنا
مانضمن الناس الي برا والدنيا مافيها امان
العنود ..انا احترم خوفك على خواتك لكن اذا انت حاب تأخذهم عندك مافكرت
وهنا سمعوا صوت سلما ن ينادي ..عنوووووووده عنووووووده
ودخل بسرعه وحضنها ولاانتبه لناس الي وراه
سلمان..عنوده شوفي المدرس قال اعطي عنوده تشوفه عشان انا ماعندي بابا وانتي مايدخلونك
العنود تضحك على شكل سلمان وفيصل مو مستوعب وام فيصل عيونها دمعت عالطفل البرئ
سلمان.....ههههههههههههههههههههههههههه عنوده ماشلتي عباتك نسيتي
اماني وهي تضحك على اخوها ..سلوم شوف من وراك
التفت سلمان وشهق ...يمه ماشفتهم
وقرب عند العنود ومسك يدها....
ابتسم له فيصل وقال ...تعال حبيبي سلمان
سلمان يناظر العنود وخايف مايعرف منو هذا
العنود...سلمان انت من تبي تشوف امس قلت لي
سلمان....فيصل وغدير وكلهم
العنود....روح سلم على فيصل وخالتي ام فيصل
سلمان ضحك وقال ....انت فيصل
فيصل...وهو يبتسم ...انا فيصل تعال سلم
راح سلمان يركض وقام فيصل ورفع بين يدينه وضحك سلمان
سلمان...اتركني بسلم على خالتي
فيصل....ههههههههههههههه يالله روح
راح سلم على ام فيصل وحب راسها وابتسم فيصل له رجع وجلس جنبه والورقه بيده
سلمان. وبكل براءه ...شوف انا الاول واعطوني ورقه لعنوده
اخذها فيصل وقراها ورفع راسه للعنود ..عفوا كيف تسجيل فيديوا مافهمت
العنود....سلمان هالسنه متفوق بكل المستويات هو الاول ولانه مافيه احد يحضروالمدرسه تعرف هالشئ
عملت له المدرسه
هديه تسجيل حفل التكريم فديوا حتى اهله يشوفوه
سلمان..ايوه حتى انت اذا جبته بتشوفه صح
فيصل ويبتسم له..لا ماابي اشوفه فيديو
سلمان وشوي بيصيح..ليه
فيصل..بجي للمدرسه وبشوفك واصفق لك
ابتسم سلمان بعدين ضحك وراح بسرعه بحضن العنود وبكت معه
سلمان بحزن ..ليه تصيح عنوده..؟؟
اماني..سلوم حبيبي رح بدل ملابس وتعال يالله
التفت عليهم بحزن..بتروحون
فيصل..لا بتغداء عندك بس بدل بسرعه
طلع سلمان والكل سكت العنود تحاول تمسك نفسها وفيصل بعد الي شافه مو عارف شو يقول
العنود..يااخ فيصل لك الحق بااخوانك لكن مالك حق تحرمني منهم
فيصل وهو يقول بخاطره بعد الي شفته مااقدر ....ومن قال اني بحرمك او ببعدكم عن بعض
العنود....اجل فسر كلامك
ام فيصل استغربت شو يقصد فيصل بكلامه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 13-02-2007, 03:39 PM
صورة !.ملاك وعيونها هلاك.! الرمزية
!.ملاك وعيونها هلاك.! !.ملاك وعيونها هلاك.! غير متصل
©؛°¨غرامي ماسي ¨°؛©
 
الافتراضي


حراااااااااااااااااااااااااام علييييييييييييييييييك وقفتي
في مكان حسااااااااااااااس الله يخليك
لا تطولي وترى حتى أنا يأست من قصتي
ليل الرياض في الأول لأنه ما كان
فيه ردود بس انتي اصبري وبيجيك الفرج







بس لا تطولييييييييييين يالغلا



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 13-02-2007, 05:19 PM
صورة عشق العيون الرمزية
عشق العيون عشق العيون غير متصل
©؛°¨غرامي مشارك¨°؛©
 
الافتراضي


لاااا عاااااد بجد قطعتي وخليتيني اتحمس زوووووود

بس تبين الجد قصة جناااااااااااااااان روعة القصة يابت<<على طول تطيح الميانة لوووووووول

انتظرك على اخر من الجمر وكملي القصة كفاية انا ومتكحلة نرد عليك <<ماخذة مقلب بنفسهاا لووووول

المهم انتظرك لاتتاخري

تحياتي لك



الرد باقتباس
إضافة رد
الإشارات المرجعية

رواية ناداني و لبيته / كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مخ عربجي / الكاتبة : غرامها ساحر ، كاملة غرآمهآ سآحر روايات كامله - يتم نقل الرواية هنا بعد اكتمالها 765 07-07-2014 09:31 PM
رواية ضحية زمن / بقلمي ، كاملة شاربه فليت و مضيعه البيت روايات كامله - يتم نقل الرواية هنا بعد اكتمالها 95 23-04-2013 08:56 PM
رواية صعب المنال / كاملة برائـــة طفلـــهـ ارشيف غرام 3 10-12-2010 02:29 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 05:07 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم