اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 14-01-2013, 11:04 PM
صورة انثى ينحني الورد لرقتهاّّ الرمزية
انثى ينحني الورد لرقتهاّّ انثى ينحني الورد لرقتهاّّ غير متصل
©؛°¨غرامي مشارك¨°؛©
 
B6 روايتي الثانية : عشقته بمستشفى المجانين/ كاملة


السلام علكيم كيفكم انشاء الله تمام !!
هذي ثاني رواية لي بعد ما خلصت روايتي الاولى منافسة على سباق الحب
اخليكم مع اول سطوورها وانشاء الله تنال اعجابكم

عشقته بمستشفى المجانين
المقدمة:
امممم ما ادري ويش اقول بس راح اكتب ثاني روايه لي واتنمى انها تعجبكم ماراح اطول عليكم ادري البعض يزهق من المقدمات والكلام الكثير وانا اولهم اتركم مع اول صفحات رواتي الثانيه تحكيها بطلتها
بنفسها! لكم.

تقول:كان يوم مهم بالنسبة لي نسيت اعز انسانه على قلبي اليوم عرسها خويتي من الثنوية بس والله بحسب طبيعة شغلي والربكة نسيت اليوم عرسها ولا كمان ما اشريت فستان حلوا رجعت البيت ومن الظهر اقنع في أمل أختي ابيها تعطيني فستانها مو راضيه لانه فخم وغالي عليها حاولت بس ما ينفع معها غير الحليه وبسرعة اخذت الفستان ولبسته وجت الكوفيرة لا حد عندي الفله سوت لي مكياج ولا اروع وشعري كمان طلع شكلي حلو وبسرعة ادق على السايق يطلع عند الباب طلعت على الحوش امشي بخطوات ثقيله واتلفت يمن وشمال ورى وعبايتي في يدي لسه ما لبستها لان الكل مجتمع في غرفة وسوالف امي تدري فيني اما أمل ما تدري ولو درت صارت مصيبه وكنت مرتبكة كثير السايق مو موجود ادق عليه وهو يقول واقف عند الباب ..كذاب بس مو علي انا شفت احد قاعد بالملحق بس ما اهتميت كثر بس ابي اطلع قبل أمل لا تدري كنت واقفه عند المسبح في الحوش واصرخ في الجوال على السايق
طلع ماجد من المحلق وشافني
قال لي: ويش فيك تحوسين
قلت له: مجود حبيبي توصلني عرس خويتي؟؟
ماجد: انتظري السواق قلت له يروح يجيب لي ولي راشد عشاء من برى شوي يجي وياخذك؟
كشرت بوجه: ليش اهو متى اجي هنا؟
ماجد: انتي ما عليك بروح اسلم على عمي قاعد مع ابوي باي
قلت له: طيب ويش فيها يعني ما توديني؟؟
ماجد: فجر خلاص الحين راشد منتظرني والسواق جاي
وراح عني وانا قاعدة في الحوش انتظر هل المفن يجي
وشوي وتخرج أمل على الحوش وكان احد قال لها اختك شالت فستانك وراح تهرب فيه على العرس
طبعا تهاوشنا وصارت امام الامر الوقع وراحت وهي زعلا نه مني قالت بحرة بيجلك يوم ما تنهي فيه
قلت: ويش دعوه لهدرجة غالي عليك !!يلا حياتي كم يوم تزعلي ونرد لبعض سلام
فتح النافذه على هوشنها ورجع قفلها قبل لا تروح أمل قعدت اشوف الاغراض في شنتطتي يمكن ناقص شي
وفجئة ومن وري يجي ولد اختي الهنوف مشعل الله يسامحة وهي اكبر و حدة فينا كان يعلب بسيارته في الحوش
ودعمني من ورى ولا ني لابسه كعب اختل توازني الي ان طحت في المسبح انا وكل اناقتي حاسفه ولاني صرخت سمعني راشد وفتح النافذة على خفيف ويشوفني واغرق في المسبح بالله ؟ اخصائية علم نفس وما اعرف اسبح والله كبيرة في حقي ما عليه كنت اطلع وارجع انزل لتحت احاول بس والله احساس غريب في هذيك اللحضات مرت على شريط حياتي بكامل يمكن اموت ويش دراني بس ما اعتقد تكون هذي نهايتي يادوب بديت اقول قصيتي المهم طلع من الملحق وهو عارف انها فجر حبه الاول من ايام الطفوله وسحب شماغة من على راسه ونزل يركض على المسبح وبعدها راح مشعل يركض لداخل الفله ويصرخ :خاله فجر طاحت في المسبح!!
ضمني بسرعة لصدرة وانفاسي تخالط انفاسة وبسرعة طلعني مثل الريشه كان وزني عنده ومددني على الارض وهو يلهث ويضغط على بطني بيده عشان يطلع المويا الي شربتها
راشد: فجر سامعتي !!فجر انتي معي؟؟
ويطلع ماجد وابوي وعمي الي اهو ابوه وامي واختي أمل والهنوف واول ما شاف ماجد جاي قام على طول بسرعة مرتبك جاء ماجد وضميته وكنت ابكي وارجف من هل الاحساس واقول: كنت بموت ياماجد!!
وامي تضمني وتبكي وراحت عند راشد وشكرته وابوي كمان شكره جت الخدامه وجابت مناشف لي ولا راشد
ورجع راشد على بيته وانا شالوني على الفله كنت ابكي وخايفة وكنت مابي راشد يسوي الي سواه
وكان شكلي لا يرثى له المكياج اخترب والتسريحه وكل شي فيني كنت ابكي بحرقة وبقهر وبخوف كبير
أمي وهي تمسح لي المكياج الله يهديك يابنتي ليش كذا وهقتينا معاك وخوفتينا
الهنوف: المهم ماصار لها شي
امل وهي تبتسم وتدري ما مدي كرهي لراشد:اهم شي لحق عليها راشد!!
الهنوف وهي تدقها بكتفها ما تبيني اتنرفز:خلاص الحمد لله على كل شي
وانا ابكي: كله من ولدك حسبي الله على بليسه دعمني من ورى وطحت في المسبح
امي وهي تمدح فيه:هذا راشد مو أي احد مشاء الله عليه رجال والنعم فيه
رحت على غرفتي بسرعة لاني اكره وما احبه ابد
وبدلت الفستان وانا حاسه اني برجع وبطلع كل العشاء
ودامني قاعدة بغرفتي بعرفكم فنا
اولا:انا إختصايئه في علم النفس درست باخارج عشان الدراسه هنا طويله
وما ادري ليه اخترت هل القسم ما الا عشان اخلي زواجي من راشد يتاخر وبحسب شرطي الي قلته لعمي بكمل دارسي بالخارج وافق ولا زال راشد يحبني رغم كل الي السنين الي عشتها بعيده في الخارج كانت معي اخته ريم احب الحياه ومنفتحة شوي بس مجود ما يتركني بحالي مميزه من بين بنات العيله بشفايفي التوتيه مثل امي ودلعوه ابوي
الهنوف هذي اختي الكبيرة متزوجة بولد عمي وعندها ولد اسمه مشعل
ماجد اخوي حلو ا وحبوب ويدخل القلب بسرعة بس عيبه انه مجنون يسوي الي براسة سواء كان زين اوشين ولاحط
احد براسه ما يتركه الا وماخذ حقة منه ويعجبني في خوي لون بشرته البرونزيه ما ادري لمين طلع هل الولد
أمل اخر العنقود خوية رهف الروح بالروح بس ماجد شوي قاسي عليها بضرب لا نها دلعوعه امي بعد ما كان اهو الدلوع اسلوبها حلو بس مادري ايش فيها هل اليومين قالبه علي انا
وهذة عائله من اربع عوائل!!
كنت زهقانه ومو طايقه نفسي بزوجوني راشد عن قريب وانا اكره وليه؟ كل اعمامي عندهم هل العادة السخيفة الزواج من داخل العائلهة وبس ليه؟كل ماجونا معاريس طيروهم منا اخ مسكينه اختى الهنوف زوجها ولد عمي مشاري غصب عنها وعليه كنت اذكرها وهي تبوس يد ابوي ما تبيه! والحين الحمد الله عندها مشعل وانا ما راح اكون مثلها وما راح خليهم بزوجوني راشد لو مهما صار وراح اعترف قدام عمي وابوي يمكن يهونوا ما ابيه !!
وقطعت على حبل افكاري اخت العروس اتصلت تسال علي قلت لها با الي صار وانا متفشله حدي وعذرتني وقلت اكيد الحين أمل الحين مبسوطة على حظي التعيس مع راشد والطيب عند ذكر اسمه
دخلت علي وهي تحاول تخفي ابتسامتها بس قبلتها منها خاصة اني اليوم زعلتها مني وبدت تسال ايش الي صار قلت لها كل شي لانها دايم تفتح قلبها لي
امل: ههههه في الوقت المناسب جاء راشد!!
قلت: والله لوا ادري كان ماشلت فستانك من الاساس ولا طلعت في الحوش
امل تبي تقهرني: يلا تعيشن وتاخذين غيرها ويمكن اقوى بعد هههه
عقدت حواجبي:نععمم
ورميت المخدة عليها وهي تضحك على وجهي
قلت مع ابتسامه جانبيه:ههه اعيش يارب واخذ غيرها بس موقف حلوا مو رعب مع الي راح يدخل قلبي وياليت يكون جوا درما ههههه
امل: هذا وانتي الكبيرة وتقولين لي هذا الحين عييييب يالكبيرة والاخصائيه!!
قلت:ههههههههه يلا ضفي وجهك الحين بنام والاكلام ما يطلع منك اوكيه
أمل: اوكيه طيب بكرة البنات جاين عندنا ويش بنسوي
قلت:عادي ولا شي نفس كل جمعة البنات عندي وعندك والعيال عند الاخ ماجد
امل: طيب ويش بتلبسين؟
فجر: يوووه من الحين لحد بكرة
أمل :طيب ويش ريك نجتمع في الحديقة!!حلوة الفكرة
فجر: خلاص ترا معطياك اليوم وجه بزيادة
أمل: بيلز خلني اقول لهم في الحديقة
فجر عطتها ظرها: كيفك الي بسوينه سويه برى من غير مطرود
طعلت وهي فرحانه وقفلت الباب بهدوء
صحيت الصباح وتجهزت ورحت لدوامي كعادة لمستشفى المجانين والامراض النفسية وصادفت راشد طالع رايح لشركة ومعاه اخته و عرفني اني فجر ابتسم لي بثقه قهرتني بقوة وطلع على سيارة طلعت مع السايق ووداني للمستشفى
كان يومي عادي مع المجانين والمخابيل هههه صرت متعوده عليهم الي يشوفهم يحمد ربه على نعمة العقل
آآآه الحمد لله والشكر لقيت اخته ريم تقريبا بنفس عمري سلمت عليها وانا متفشله اكيد راشد وابوه قالوا لكل العائله الكريمة
ريم :سلامات فجر!!
فجر: الله يسلمك مسرع ما انشر الخبر!!
ريم:هههههههه عوائل وساكنين جنب بعض وكل صغيرة وكبيرة ما تخفى بذات على هل الاربعة
فجر: اخ اهم الي كاسريني ياريم
ريم بمزاح: هااااا مانوينا على شي؟؟
فجر: انتي تدرين فيني لو يقبى راشد اخر رجال ما خذيته ولو على قص رقبتي
ريم وهي تدري فيني اني اكرة بس ما تقول شي عادي مايأثر في علاقتنا: آآه منك يافجر ما شفتيه يوم رجع
مبلوول كل جسمة يالمويا ودخل غرفتي يركض ويلهث ومسك ايدي وحطها على صدرة ناحيه قلبه كان يدق بقوة
فجرقاطعتها: ادري في حبة تعلميني انا ياريم هههه من الطفوله وراشد يحبني وانا ما احبه لليوم والله ما ودي اجرحة ولا اكسره ابيه يفهم من تصرفاتي معاه اني ما ابيه يمكن يقول لعمي وابوي ما بيها وبنات العيلة كثير مشاء الله
ريم: على طاري بنات العيله الجمعة عند مين؟
فجر: عندنا بس أمل ودها نطلع على الحديقة ويش قلتي؟
ريم: حلو خلاص ندق على البنات ونقول لهم
وبعد ما درا هل الحوار وبعد ما كملت شغلي قعدت احوس بالمستشفى واشوف مجانين جدجد
مشيت على جناح ما يدخلونه ناس مخصصه جناح فخم اول مرة اشوف هل الجناح
كان هدوء غريب مخيم على المكان خفت شوي بس تجرءت ودخلت اكثر واكثر الي ان وصلت الي غرفة فتحت الباب على خفيف وانا اتلفت يمن وشمال وكاني بسوي جريمة وطلعيت ع الغرفة كانت الانور كلها طافيه وظلام
وسمعت صوت احد يبكي بحرة وتعذيب الضمير سمعت احد يمشي بالممر بسرعة اقفل الباب وامشي بسرعة طالعة وانا بموت واعرف مين الي بيكي؟ وليش؟ ومتى وهو هنا وانا ما ادري؟ ليه غرفته بعيدة عن المرضى؟ من بكون اساله كثير دارت ودارت براسي رجعت على مكتبي والعبرة خانقتني على الي يبكي داخل هذيك الغرفة انتهى الدوام
اتصلت بالسايق بس ما جاء يقهرني بهل التصرفات وكانه بكيفة يوصل الي يبي
جت ريم:يلا باااي
فجر: بااااي
ريم: اكيد السواق ما جاء
فجر: الحين بيجي
ريم: وبعدين معاه ويش يظن نفسه هل الانسان بصرحة يبي له طردة من بيتكم
فجر: الله ياخذة يقهرني ما يجي بوقته
ريم: خلاص لا تدعي على الرجال.. حلفت عليك تركبي معي
فجر: مين راح يوصلك؟
ريم: يووووو راشد؟؟
فجر:ما راح اركب !
ريم: يعني تبين تخليني اصوم ثلاثة ايام يا الشريرة!
فجر:لالا انا قلت لا يعني لا
ريم: انتي اركبي ولو قال لك شي بكسر خشمه قدامك
فجر: امممم دام فيها كسر خشم
قاطعتها: انتي اركبي وابشري بالي يسرك ليه انتي عنيدة ما رح يقول شي وانا موجودة لا تخافي ريموامعاك
فجر: اوكيه يلا
طلعت وانا مرددة شوي واول ماشافني جايه ابتسم بصدر رحب
ركبت ريم قدام وانا ورى
وكان قلبي يدق واكيد اهو يدق كنت خايفة حدي مع ان بيتنا جنب بيتهم بضبط مايفصله غير الباب
ريم ارسلت مسج في الجوال تقول فيه: شفتي اخوووي فديته مؤدب وقلت لك ماراح يسوي شي!!
ارسلت لها مسج: مالت على اخوك لو مؤب ماسوى الي سواة امس
ريم: ردت ليش انتي كذا ؟؟
رديت: والاحين الشياب الاربعة بصير انا والشيخ راشد اخوك عرق في حلوقهم
ريم ردت : انتي طنشي وما عليك فيهم
كانت السيارة هدوء ولا احدفينا قال شي ما غير صوت جوالتنا انا وريم بسمجات نتراسل وهو قاعد ولا يدري عن شي
حسيت طريق البيت طويله وكاني بسافر مثلا دامني زهقانه بقول لكم عن الشياب الاربعة والحديقة

هم كبار العائله كلهم كونوا واساسوا شريكتهم حتى صارت من اكبر الشريكات صارت معروفه عالميا وصاروا اغنياء وهل الاربعة لا اجتمعو سوى الله يستر ههععع بس كلمتهم ماتنرفض ابد لا قالوا شي من سابع المستحيلات يتنازلون عنه يحبون بعض وعمرهم ما اخلتفوا بشي وكلهم ساكنين بنفس الحي او يمكن يملكون
كل الحي لهم حتى صار مشهور باسم عائلتهم وحتى من حبهم لبعض كل واحد فلته حنب الثاني وفي ابواب ومداخل تربطهم ببعض ومتى ما حبوا يسريرون على بعض يسروا وخلف فللهم الفخمة حديقه كبيرة مجهزة بكل الي يحبون ومتى ما حبوا يلتقون ويدردشون بعيد عن اجواء الشغل ما غير يفتحوا ابوابهم الخلفيه ويلتقون فيها الحديقة روعة وحلوة وتحس الانسان براحة نفيسه غيرطبيعية فيها اجمل ذكرياتهم كل اسراهم متخبية هناك تجمعهم على الحلوة وعلى المرة تتربع في وسطها نافورة حلوة غير الخضرة الواسعه الي تحتها والاشجار الي في كل الجهات والعاب وجلسات واجواء لا يمكن اوصفها لكم غير الزهور والعصافير وكل شي متكامله والكمال لله ومن حبهم الزايد لعيالهم وحتى ما يشقوا مثل ما شقوا قبلهم قرروا واعتبروها عادة ان الزواج يكون من داخل العائلة وهنا بدئت اول واكبر مشاكلنا!!
خلوني اقول لكم اهم مين اولهم 1>ابو راشد2> ابوي3>ابو مشاري4> ام فيصل هذولالي اهم الشياب الاربعة
نزلت من السيارة وكنت بمشي متجه الي باب الفله في احد حط ايدة على على كتفي التفت بسرعة وبدفاشه شلتها ماغير ما اشوف وتطلع لي ريم
ريم بابتسامه: عازماك اليوم تغدين عندنا؟
فجر:لا بليز خليها يوم ثاني
ريم: طيب على راحتك بس هاااا المرة الثانيه بذبحك اذا قلت لا
فجر: اوكيه
ودخلت على بيتها دخلت وانا امشي بخطوات متثاقله وانا اتذكر نظرات راشد الي يطالعني من المريا
مسكينه ريم ماتدري عنده
نمت لحد الغداء وقمت بعدها تجهزت عشان الجمعة احترت في البس شوي بس اخترت جاء المغرب وانا جاهزة رحت المطبخ عند الشوفيرة قلت لها تسوي الاكالات المفضله عند البنات
ودقيت على امل في الحديقة تشوف الحديقة وتجزها اهي والخدم
صار لنا مدة ما قعدنا فيها
اتصلت على الكل وقلت جاهزين
وبدءت اول ثينتين يدخلون ريم واختها رهف رهف قعددت مع أمل وانا وريم
وراح اعرفكم فيها رهف اصغر وحد من بين اخوانها راشد وريم ومازان دلعوعة ومصحلجيه مثل أمول اختي وعندها عقدة من الامكان المغلقة والمظلمة بذات وهي حلوة وماعليها قاصر وما تقدر تقاوم المندي
سالت ريم: وين الباقي؟
ريم : الحين جاين
فجر:اقول ريموا قلت لا ابوي اني ابيه بسالفه اليوم على الغداء
ريم" والله انا عندي احساس هل السالفه ما راح تعدي على خير!!
فجر:انتي قولي الله يستر من الباقي ابوي انا دلعوته ما راح يقول شي
ريم: الله يستر
فجر: انتي قد طلعتي في بالمستشفى الدور الثالث؟
ريم: ابد ما وصلتها ليه تسالي؟
فجر: في موضوع بعدين بقول لك الحين رهف وأمول هنا
ريم: والله كانهم اطفالقاعدين على المراجيح هههه
فجر: ويش فيها خليهم نفتك من شرهم
ريم: جت الست سمورة
فجر: وين ليان؟؟
سمر: والله ما ادري وين ارضيها الحين او بعد شوي راح نتط عليكم من فوق السور ليون واعرفها
ريم: اخبارك يا القاطعه!!
سمر: تمام بس والجامعه هل الايام مو فاضيه ابد دقيتوا على ريماز ولميس
فجر: الحين راح يوصلوا
وبعد شوي
دخلوا ريماز ولميس
لميس: هااااي يوا صبايا
سمر: هياااات
ريماز:لكم وحشة حتى وانتوا جنبنا ههههه
لميس: سلامات فجر من جد الي وصلني والا اشاعات!
فجر:ههههههه من جد الله يسلمك
ريم: حياتي انكتب لك عمر جديد
سمر: ورشود ويش سوى
ريم:ههههههههه اقول خلوني ساكته احسن لا تقلب الجلسة فوق روسنا
وفعلا تطب عليهم ليان من على السور
ليان:سلاااااااااام
سمر: انتي ماراح تتركين هل الحركات الي ان يصير لك شي لا سمح الله
ريماز: ليان والله عيب عليك هل الحركات انتي بنت!!
فجر: الحين ويش يقولون عنك الجيرن!!
لميس: ليان مو لايقه لك هل الحركات!
ليان: اففف ويش فيكم كلتوني بقشوري ياناس كيفي ارحموني من تعليقاتكم اخر مرة اقول لكم
وبحذركم لا تدخلون فيني ولا بترك الجلسة الحين وبروح ..
سمر: وين؟؟
ليان: لجهنم انشاء الله المهم اروح
فجر تلطف الجو: اقول خلاص فكوها بنات خلونا نروق وانتي ست ليان اقعدي تراك واحشتني
ليان: بقعد بس فكوني من هل التعليقات
ريماز : اوكيه
سمر : ما تبون تشوفون اخر لوحاتي؟؟
فجر:اجل ويش رسمتي؟
سمر: الحين راح تجيها لكم وحدة من الخدم
ريم: ويش رايك يافجر تعلمي السباحة
فجر:هههه اكيد بتعلم بعد هل الموقف!
لميس: قولوا لنا ويش جديكم مع المستشفى
فجر : الجد يد وان قبل اسبوع في مكتبي جاء عندي واحد يعاني من الخوف من الظلام
بس آآآآآآآه عليه عيون سبحان الخالق
ريماز والباقي:ههههههههههه اهم شي العيون
فجر: كانه مو من السعوديه او امه او ابوة من بلاد ثانيه
ريماز: ليه ما عندك ثقه في المنتج الوطني؟؟ههههههههه
ليان: اخ يا القهر ريان اخوي طلع مه اخوياه يلعوبون كورة ياحظهم
لميس: القعده هنا ما عاجبتك!!
ليان: حلوة احس اني زهقانه ما ودكم بشي يسلي
فجر :ودنا!!
ليان اجل ثواني وانا عندكم بجيب لكم شوي وشويات هههههههه
سمر: تبيني اساعدك؟
ليان: مشكورة يلاسلام
وفي الوقت الي راحت تجيب معاه الي تبيه خلوني اعرفكم بالاخوات الي جنبي
ريووم اخت راشد ومازن ورهف حلوه وحبوبه ومتفاهمة وعليها عيون نا عسة وحلوة ما تحب شغلها معاي وما تحب تغير الروتين ابد
لميس بنت عليها صوت يهبل وموهبتها روعة حلوة وهي بنت كيوت على الاخر
سمرناعمة وانثويه بقوه تحب ترسم وتبدع في الصاميم خطير في هل الامور كتومة شوي اذا زعلت واذا فرحت لحوالتها اهي الي تدل على مزاجيتها ومافي شي يمر عليها بساهل وتمنى تخلص درستها خارج الممكله بس امها رافضة الفكرة
ليان:الوحيدة الي طالعة بينهم مسترجلة طالع لاخوها التوئم ريان يتشابهون بالقوة حتى مرة في الابتدائي كل راحت على مدرسة ريان عشان تحل له الاختبار وريان منتظرها برى المردسة ورجعوا البيت سوى الحين اهم مومثل ايام الخوالي ايام ما كانوا الحين ريان يحاول يكون اكثر وقته مع العيال عشان يفتك من تليقاتهم وهي لزقه ماتبي البنات تبي تروح معاه ومع العيال
ريماز:بنت مزاجيتها متقلبه حلوة وخفيفة بس اذا عصبت تسوي العمايل هههههبس ما في اطيب منها شاطرة وذكيه بدراستها
وبكذاعرفتونا حنا يا لبنات
إحلوت السوالف تحت ضوء القمر والنجوم تشهد على ان هل القعدة حلوه بهل اليوم وبعد مافاجئنا ليان انها راحت للقراج وجابت دباب اخوها التؤم وتحوس فيه عندنا كنا نهرب منها وهي داعسة ورنا كانت اشكالنا حلوة ومبسوطين كثير وبعد مارجعوا كل وحدة على بيتها وقلت لريوم ويش ناويه عليه اليوم رحت على مجلس ابوي وطبعا الشياب الاربعة عنده قاعدين كنت شوي مترددة ما بي ادخل بس جتني جراءة من صميم قلبي لا زم اوجهم كلهم ماراح اكون ضعيفة انا الي راح احدد مستقبلي معى الي يفوز فيه قلبي ومستحيل اقبل براشد اعلنت تمردي من بينهم كلهم
دخلت وانا مستحيه شوي من اعمامي وعمتي قاعده كمان ام سمورة سلمت عليهم وانا ادعي في قلبي ان الله يعديها على خير
ابو راشد فتح موضوع زواجي من ابنه وهنا انا ماصدقت على الله وجت منه اخذت نفس عميق وانا اقول في قرارة نفسي ما راح اطلع منهزمة اربعة ضدي اكيد وانا لحالي عقددت حواجبي وبلعت ريقي كم مرة ووقفت وايدي مشبكة مع بعض وقلت: يبه انا ما ابي راشد!!
وعلى ما استوعبها وقفت اولهم بغطرسة عمتي ام سمر والسبحة في ايدها وبعدها ابو راشد وقف وهو معقد حواجبة وياطالع فيني وشكله مو ناوي على خير وقف عمي ابو مشاري وهو فاتح عينه هل الكبر
ابوي لحد الان مو مستوعب وقال ببرود ذبحني: بنتي انتي تدري ويش تقولين؟؟
خاطبني بهل الطريقة وكاني مسويه جريمة لاتغتفر ابد قالي كذا عشان يتاكد
قلت:رشاد مابيه يايبه
ام سمر:ليه خليتينا نتظرلحد ماتكملي دراستك والحين حضرتك تشتغلي أأخ كله من دلع ابوك اهو الي اقنعنا انك تكملين دراستك قلنا ما عليه وان البنت من عاداتنا تنثبر في البيت بس ماعليه شفت ياخوي اخر الدلع وموصيلك وين وصلتنا
قفلت الباب علينا احنا الخمسة عشان اصوتنا ما ابي احد يدري بهل الموضوع وانا اقول في نفسي والله ورحتي فيها وطي يافجر بس كان لازم من هل القعدة عشان احدد فيها مستقبلي ونهايتي ومصيري وكل شي يربطني بهل العائلة
صرخت: عاااداااات وعااااادات طفشتونا بها ترى ملينا من حكمكم المسيطر علينا كافي انكم متحكمين في كل شي حتى تخصوصاتهم في الجمعات انا الوحيدة الي فرضت قراري واخترت الي ابية يايبة انا مو مثل الهنوف ضعيفة!! ولا راح ابوس ايدكم واحد واحد مثل ماسوت عشان ماتزوجوني لراشاد والله لو فكرت اسويها وابوس ايدكم الموت اهون لي ولا اوطي لكم راسي
ابوراشد: ليه انتي بذات غير عنهم لييييه ماتبين راشد ويش سواى لك ولدي؟
سؤال الكل يبغي له اجابة وكل هذا وابوي ما قال شي الظاهر لساته مصدوم في دلوعته
رديت بكل ثقهولدك والنعم فيه انا ما ابيه وما اطيقه ما احبه مثل الشوكة لا اهو راضي يطلع ولا يزل فهمتوا الحين ليه؟؟ ما راح تجبروني عليهّ!! وانا فجر واسوي الي براسي
بعد ما قلت هل لعبارة بكل قوته اعطاني كف الي ان طحت على الارض من قوة الكف!! اخر شي كنت اتوقعه ابوي يضربني قدام هل الشياب خدي صار احمر حطيت يدي على مكان الكف كان حار ايدي ترجف جسمي مادري كيف شعوره لا هوبارد ولا معرق شوي رجلي خانتي في هل اللحضات ما قدرت اوقف واكمل بعد.. دموعي نزلت على خدوتي تشهد لي بمدى قوة هل الكف بس ما بكيت جاء ابو مشاري كان حنون وشالني من على الارض شفت عيون ابوي حسيته مو متحسف على الكف اعطاني كاس مويا وقال: شوي !!شوي على البنت مايصير!! كان اعقلهم واحنهم علينا كلنا شلت الكاس ورميته في الارض الي ان انكسر اعلانا عن قوتي وعدم ضعفي قدامهم
قلت ودموعي على خدودي: يبه تاكد انك في يوم من الايام بتحسف على هل الكف وبذكرك قدام الكل وراشد لو يبقى الرجال الوحيد في العالم ماتزوجته وحتى لو كتتبتوا كتابي عليه ماراح تزفوني على بيته الا وانا جثه على ظهوركم تحملوني وفستاني الابيض راح يكون كفن لي!! تفهم يا يبه تسمع بنتك ويش قالت !!
طلعت من عندهم وانا مبتسمه معلنه بدايه الحرب والتحدي عليهم واولهم ابوي الي هاني وضربني وما ابتسمت الا عشان اقهرهم ودموعي مثل النهر على خدي مادري كيف نزلت وانا مابي ابكي دخلت غرفتي وانا مومستوعبه
الي صار لي رميت كل شي قدامي وما هديت ابد قعدت في الغرفه الي الساعة1باليل وانا في الغرفة واعصابي ثايرة
ودي افضفض لحد سحبت اقرب طرحة وغطيت شعري فيها طلعت اهرول للحوش فتحت الباب الخلفي
ودخلت الي الحديقة المكان الوحيد الي ارتاح المكان الوحيد الي اسراري فيها
بكيت بكل صوتي كانت هدوء غريب ولما حسيت نفسي ارتحت جلست على المرجيه ابكي بقلت حيلتي قدامهم
بس ماراح استسلم وراح اخلي هل الكف يوقفني من اول لطريق
وفجئة وانا جالسه على المرجيه حط ايده على كتفي وضغط عليها التفت عليه
فجر بستغراب:راشد!!
راشد: عيونه!!
غطيت وجهي بسرعة وقعد في المرجيحه قريب مني
فجرتغير الموضوع: ويش الي مقعدك لهل الوقت
راشد:ابد ولاشي موقادر انام احس نفسي مخنوق قلت اطلع هنا افضفض شوي دام و لااحد فاضي يستمع لي الا هل المكان اقول كل شي ويسمع لي
فجر: حتى انا!! ارتاح هنا
راشد:ممكن اسال مع ان الموضوع ما يخصني بس ابعرف
فجر بلعت ريقها: اسال؟؟في مقدر استطاعتي
راشد: لييه تبكين ؟
سكت ثواني وانا اتذكر كل شي
راشد: قولي في احد مزعلك والله ما ارحمة!!
قلت في انفسي: انت السبب في الي انا فيه وقلت له: ابد ولاشي تهاوشت مع الولد وجيت هنا اطلع كل الي مضايقني
حس ان اكذب عليه:أهااااا
نزلت من على المرجيحة وانا مرتبكه ورجعت على بيتنا ورحت على غرفتي شفتها
وهي ماهي مرتبه طلعت كل شي على الارض قلت الصباح بقول للخدم ينضفوها
ونمت عند اختي امل وهي وماتدري فيني
كنت ما ابي ادوام الصباح بس اصراري اعرف مين الي في ذاك الجناح
كان الشغل فوق راسي وما فضيت الا على اخر الدوام
وطلعت اسال وادور على الي بغرفة
سالت وحدة من الممرضات عن الي في الغرفة اعطاتني اول معلومة قالت اهو ولد
بس ماتدري ويش اسمة
سالت عليه الكثير البعض اجابني والبعض مارد علي بس عرفت اسمة
الممرضه: وليد
انا بستنكار: وليد؟؟
الممرضه: ايوة وليد
فجر: اوكيه يعطيك العافيه
والحين بديت ادور واعرف مين المشرف على حالته مين دكتوره بعد كم يوم عرفت مين سالته عنه آآآه ويش لاقفني في خلق الله بس ابعرف ورحت اراقب الجناح مابين فترات وهل الوليد مايطلع ابد من غرفته دامه ما طلع انا الي بدخل
وفي فترة الفطورلقت وحدة بتدخل له الاكل
فجر: لحظة!!لحظة!!
هي: هلا امري
فجر: مايمر عليك عدوا لمين هل الفطور؟
هي: المريض وليد
فجر: انتي روحي الحين وانا بوديه الفطور له
هي:لالالا انا بوديه
فجر: لا اناالدكتورة ولازم انا الي بوديه بدرس سلوكياته اثناء الاكل
هي: اصلاً المريض ما احد شافة وهو ياكل من قبل .. نعطيه الاكل ونطلع بسرعة حتى وجة القليل الي يشوفنه
والجناح بفلوسه ساكن فيه صار له ثلاث سنوات
فجر: أما ثلاث سنوات!!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 14-01-2013, 11:07 PM
صورة انثى ينحني الورد لرقتهاّّ الرمزية
انثى ينحني الورد لرقتهاّّ انثى ينحني الورد لرقتهاّّ غير متصل
©؛°¨غرامي مشارك¨°؛©
 
الافتراضي رد: روايتي الثانية:~~عشقته بمستشفى المجانين~~ بقلمي <<كاملة


باااااااااك
هي:هذا الوحيد هادئ من بين الكل دايم انوار غرفته طافيه ومايعرفة غير الدكتور تركي
فجر:اهاااا طيب انا الي بودي له الاكل بليز!!
هي: اوكيه بشرط
فجر:ويش هو؟
هي: تاخذي لبسي وتدخلي فيه ع الجناح
فجر: اوكيه يلا
ورحت وياها غرفة نبدل فيها الملابس اخذت ثياب الممرضه واخذت صنيه الاكل طبعا بعد ما غطيت وجهي زين عشان لوصارت مشكله ما تصيدني الكيمرات
دقت الباب وانا اقول: بسم الله ودخلت كانت الانوار طافيه قال: حطي الاكل وانقلعي
حطيت الاكل بس ما انقعلت ولان الغرفة الانوار طافيه قفلت الباب واوهمته اني طلعت واتخبيت ورى الدولاب
آآآآآه وياليت ماسويت هل السواه وبمجرد انه سمع الباب بسرعة شغل الانوار وهجم على الصنيه ياكل
وانا موت من الخوف كنت اتابعه واشوفه ياكل بشوكة والسكين استغربت طبيعي ميه بالميه حركاته تدل عليه انه عاقل ومافيه شي بعد ماخلص حضرته راح على دورة المياة اكرمكم الله وانا رحت على سريره
انصدمت اول ماشفت الابتوب والجوال واجهزة ما يستخدمها غير العاقلين حتى ادوات الحلاقة كلها مخبيه تحت السرير
سمعت صوت الباب فتح جريت واتخبيت مكاني وهو ما يدري قعد على سريرة وحط رجل على الثانيه واخذ الجهاز المنبه الي ينادي فيه على الممرضه وحتى غرفته ماشفت فيها كيمرا للمراقبه
وبدى الجهاز يطلع صوت غريب في جيبي توهقت وما عرفت ويش اسوي خاصة انه عقد حواجبة وبدى يدور على الصوت وبعدها طفى الانوار قلت الظاهر بينام ورحت على الباب بسرعة بفتحة وبطلع بسرعةويفتح الانوار وايدي على مقبض الباب
وليد:ايوواااااا صدتك مين الحلوا
فجر:هااا الممرضه الجديدة
حاول يستهبل علي يوهمني انه مجنون او متخلف
فجر:هييييه انت عاقل !!
وخرجت بسرعة اركض
رجعت على الغرفة وبدلت ملابسي معاها وشوي وتصل على ريم
فجر: هلا ريوم
ريم: وينك فيه
فجر: بالمستشفى وين بروح
ريم: الحلقي علينا صارت هواشة بين اثنين مجانين دقي على امن المستشفى بسرعة وشيلي معاك شنطةإبر التخدير بسرعة الدور الاول
فجر:اوكيه الحين جايه
ريم : الحقي مو قادرين نوقفهم بسرعة تعالي
واروح بسرعة على الدور الاول وبالقوة قدرنا نوقفهم
وبعدها جت عندي في المكتب
ريم: يووووه اخيراَ!
فجر: خلاص حدي راسي بينفجر!! عندي صداع
ريم: أأخ ايدي تعورني حدي
فجر:ههههههههههه كانت اشكالنا تحفة واحنا نحاول نفكهم !!
ريم:آآآه منهم يالمجانين يعني لازم هواشه في الاسبوع
فجر: ساعات وانا في البيت قاعدة لحالي احن لهواشاتهم
ريم: تذكرين لما نزلنا من الستشفى نشتري لعبه لواحد منهم انكسرت لعبته
فجر: اذكر ما بقي شوي وما سواه في المستشفى لحد مارجعنا في العلبة
ريم: اليوم عاد بتغدين عندنا وبتقولين لي بالتفصيل الممل ويش سويتي مع الشايب الاربعة هذا ك اليوم
فجر: لالا بتغدى في البيت
ريم: لالاهل المرة قلت لك بذبحك
فجر: خلاص راح اتغدى عندكم
وبعدين تعالي هنا بشرط انا واتي نتغدى مع بعض سوى ابوك بذات ما ابي اشوفة
ريم: اوكيه تامرين امر حتى راشد موجاي اليوم عنده غداء عمل
ومازن راح يتغدى اهو وباسم ولد عمي ابو مشاري
سوى مع بعض.. ودخلت
ورجعنا للبيت
عندنا رهف وقلبها يدق وفي ايدها عصير بيبسي
فجر: خير ويش فيك طابه علينا كذا
ريم: في احد ملاحقك انتي والببسي ليه خايفة
رهف بربكه: ولاشي
فجر: ليه شكلك خايفه قولي والا ترى بنشب لك لحد ما تقولي لي
رهف: باسم!!
ريم: ويش فيه ويش سواى لك
رهف: بشرط واحد
فجر: جينا للمصالح!!
رهف: بس آكل معاكم جوعانه
قعدت على السفرة وبسم الله بدئت تحكي ويش الي صار تقول: كان يومي مرهق في المدرسة رجعت على البيت حدي هلكانه من الزفت المدرسة اخذت شور وزاد جوعي واشم ريحة المندي انطلق للبحث عن الريحة ادخل على مجلس الحريم واشوف ذيك السفرة على الارض ولسه قصديرها فوقها الظاهر من المطعم جايه حولها عصير لشخصين وفواكه ياااااااااييي كيف اقدر اقاوم وانا ما ادري ان باسم هنا
مازن: حياك تفضل الغداء جاهز
وافتح السفرة وبسم الله بديت في الاكل بشراسة قويه طبعا مندي وما اقدر اقاوم
باسم: الله يحيك
مازن: اسبقني على الغرفة بغسل ايدي وبيجي وراك
مشى باسم ويدخل على وتيجي عيني في عينه اللقمة في حلقي علقت لا دخلت وطلعت بساهل نزل عيونه على الارض وهو مبتسم علي شكل العصير في ايد والثانيه فيها القلمة ما صدقت وانفرد بحالي بعيد عن تقاليد امي على الغداء ام شوكة وسكين ولباقة مع شويه تفلساف
طلع بسرعة الا في وجه اخوي مازن
مازن: ادخل يارجال حياك !!
باسم مبتسم ولا قال شي
وانا داخل الغرفة اعدل الي سويته الدمار الشامل الي في السفرة ابي اهرب قبل لا يطب علي مازن
باسم: ادخل انت الاول!! الظاهر نسيت لا اتصل بالوالد واقول له
دخل مازن ويتفاجئ فيفني
مازن: رهف ويش جابك هنا
رهف: اممم والله ياخوي ما كنت ادري ان باسم هنا
مازن بحرة: اكيد شافك الحين شفت وجه عليه ابتسامة هل الكبر
رهف: والله العظيم ما ادري ان هل السفرة لكم الاثنين
مازن: حنا ساحبين على اهلنا من تفلسافهم تاكينها انتي
رهف:مازن موقصدي !! صدقني موقصدي اكلها وبعدين يادوب بديت في الاكل
مازن:يلا اطلعي بشوف ويش الي بقى لنا .. وكان حاط ايدة على خصر ويتاطلع في السفرة وبوجهي وكانه يقول
عسى بس بقى لنا شي
رهف:ههههههههه
مازن: لهل الدرجة عاجبك الموقف بدل ماتستحين على وجهك
رهف: بليييز امي لا تدري والله راح تعلقني برقبتي
مازن: اطلعي يلا
ف اخذت الببسي وانا طالعة
مازن: حتى الببسي راح تاخذينها معاك
رهف بابتسامة: اكيد
طلعت اركض على أي مكان وجيت هنا فتحت الباب على خفيف وشفتكم ارتحت ودخلت
ريم: وانتي ماتدرين ان ابوي جمع كل مكيفات مجلس الرجال وودها على المغسله لان الغبار دخل فيها عشان كذا مازن
اهوا وباسم قعدوا بعيد عن امي والكل
رهف: ما دري ؟؟ بس الحين باكل خلوني
فجر:ههههههههه
ريم: مساكين بيفتكون من اهلنا تروحين انتي وتاكلها عسى بس ما خلصتي كل السفرة
رهف:يوووووه يعني لهدرجه انا كذا بنظركم ترى بروح عند أمول
ريم:اقعدي!! وكلي بالعافيه تليها انقلعي عند أمول حقتك
فجر:هههههه تلقينها اهي الثانيه قاعدة تبلع في هل الاكل
بعد ما تغديت عند ريم رجعت على بيتنا ودخلت شفت ابوي والكل مجتمع وياكلون شفت وجه اخوي وابوي ما تبشر بالخير شفت وجه امي وأمول عادي مايدرون عن شي نادت لي امي تبين اقعد على الغداء قلت لها تغديت عند ريم طلعت على غرفتي وانا مطنشه نظرات ابوي وماجد لي قلت باخد غفوة لحد المغرب لان الهنوف جايه عندنا اليوم
قفلت عيوني واستسلمت للنوم إلا واسمع صوت الباب راح ينخلع من كثر الدق قمت من فراشي وقلبي يدق وافتح الباب
فجر: ماجد!!
ماجد: أيوه انا ويش فيك ليش مفزوعة كذا؟ويش شايفني
فجر: ولاشي بس كنت نايمة وانت دقت الباب بقوة ودفاشه بعد ايش تتوقع وجهي اول ما اصحى
دخل وقفل الباب
ماجد: امي طلعت على السوق ! ابوي راح للمجلس ! أمل راحت عند رهف يعني البيت فاضي مافيه غيرنا
فجر: نعم!! وخير ياطير وانا ويش دخلني جاي تقول لي نشرة الاخبار
ماجد: لا انتي اليوم الطبق الرئيسي
فجر: ماجد بدون لف ودوران قول خلصني ترى حدي عندي صداع وابي انام
ماجد: تمام انتي مثلي انا بقول لك ويش الي ابيه وايش راح اسوي فيك لو اصريتي على الي تبينه انا ابعرف بس انتي كيف تجيك الجراءة والعين القويه توقفين قدام اعمامي وتقولين لهم كييييف؟؟
فجر:ههعع سهله لاني بنت وما اخاف غير من الي خلقني وبس والله لو يبقى راشد اخر رجال ماتزوجته لاانت ولا حتى ابوي او غيره يقدرون يغصبوني عليه
ماجد:كبري عقلك زين يا اختي انتي ما تدرين ايش كثر فيه مصالح وفوائد من ورى هل الزواجة
فجر: المصالح لك انت وابوي هههع كم فلس راح يصير لكم بحسابكم كم عقار اومن هل الخرابيط راح تنفك انت وابوي ترها ياماجد ماتسوى شي قدام انك تحرم احد من سعادة وانا متأكدة ان سعادتي مو معى راشد
ماجد: صدقيني راح نعيش فووووق اكثر من كذا
فجر:انت وابوي ماهمكم غير الفلوس والعز والمصالح ماجد الدنيا هذي فانيه لا الفلوس ولاغيرها راح تغنيك يوم ماينفع الندم ماجد انت وانا وابوي وراشد وكلنا مرجعنا لحفرة صغيرة وكفن باقل الاسعار
ماجد: امي لحد الان ماتدري بسواد وجهك انا الوحيد من بين اعمامي ادري اهم قالوا اعقلك يمكن يرد لك عقلك هههع اذا فيه
فجر: الحمد الله والشكر خليت العقول لاصحابها!!
فجر:لو مهما يصير راشد ما ابيه والله ما ابيه ماتفهموااا انا قلت الي عندي وما راح اتراجع الا على موتي انا
ماجد: الظاهر الكف الي اعطاك ابوي ماجاب نيجة معاك !
فجر: لا كف ابوي ولا غيرة ولاحتى اقوى منه بعد ماراح يرجعني في قراري
ويلا الحين برى؟ ابي انام
ماجد: انا طالع بس
قاطعته: يلا برى مو ناقصاك انت بعد وحتى لو امي درت ماهمني
وطلع وبدت دموعي تجمع في عيوني مجمدة ماتنزل آآآه اليوم ماجد درى وماجد لاحطني في راسه آه الله يستر من بكرة مين راح يدري كان ودي احلها بيني وبين اعمامي
نمت لحد المغرب قمت اخذت شور على السريع ولبست بلوزة فوشي وفيها احرف سوده وبنطلون ابيض وصندل من نفس لون البلوزة سويت شعري كيرلي لاني ما لي خلق اسوي استشوار ولمسات خفيفة من المكياج
نزلت من غرفتي وانا اتمنى ما اشوف لاماجد ولاحتى ابوي ولااحد من اعمامي موجودين
دخلت الصاله واشوف أمول والهنوف وام راشد وريم بنتها الكل جالس سوالف عادي الحمد الله الظاهر الامور اليوم تمام
ريم:ليش ماتردين على الجوال؟
فجر:هااا الظاهر قبل لاانام خليته صامت سووري ماشفت الجوال!!
ام راشد: مشاء الله هذي فجر احلوت والله!
فجر:هههه هذي انا ماتغيرت
ام راشد: لاكبرتي واحلويتي وصار ويش زينك بنت كل الرجال تبي تشتريك
فجر: مشكورة
ريم بغيرة مزيفه: وانا يمة ما احلويت؟
امها:هههههههه انتي اسا س الحلى
فجر: اقول ريم تعالي شوي على الحوش نسوف وتنرك الباقي براحتهم
ريم:يكون احسن عندي لك كم سالفة
طلعنا على الحوش
ريم: ويش فيك؟ اليوم مو على بعضك
فجر: ماجد!!
ريم: ويش فيه؟؟
فجر: ريم ماجد درى بكل شي واليوم بعد ماتغدى والكل طلع من البيت جاء عندي
ريم:لا دام ماجد فيها خلاص انتهيتي
فجر:لا مستحيل يسون الي براسهم
ريم: ماجد هذا موهين ما راح يخليك بحالك حتى يسوي الي بيه
فجر: اصلا اهم ماقالوا له الا وهم عارفين اخوي زين الي براسه يسويه
ريم: ويش بتسوين؟ على ايش ناويه؟
فجر:راح اكون دايم مع امي او مع اخواتي ما راح اخليه يستفرد بي لان المرة الاولى تكلم معاي والثانيه راح نتهاوش اكيد والثالثة راح يمد ايدة علي وما ادري ويش تاليها مع هل الاخوا
ريم:والله حتى انا مادري ويش اقولك اشجعك والا اخوفك من اخوك الي انتي ادرى فيه والا اسكت واشوف نهايه لهل السالفة
فجر: خليها على ربك يحلها
ريم: وانا اقول سوي الي انتي تشوفينه صح الي راح يسعدك حتى لو على حزنهم كافي الي سواه بمشاري والهنوف
اتبعي قلبك وحمكي عقلك وماعليك منهم عليك بالي اقوى منهم بلي راح ياخذ حقنا كله منهم
فجر:حكمت على نفسي الشقى من اول ما اخذت هل القرار بس متاكدة ان ورى هل الشقى سعادة وراحة
ريم: خلاص لا تكدرينها اليوم ودي اتونس
فجر:يلا ندق على الباقي ونروح على الحديقه
ريم: هل المرة نجرب نركب خيول يلا على الاصطبل
فجر: لحظة بقول لامل ورهف وانتي دقي على الباقي
دخلت على المجلس وقلت للبنات بس ماقلت لهم قدام امي اننا بنركب الخيول عشان نصايحهم الي مالها نهايه اولها انتبهي لا تعوري والثانيه مو زين للبنات ظهرك بعيورك اركبي مع اخوك....ألخ
طلعت انا ورهف أمل وريم على الحديقة الاوالكل مجتمع وكل وحدة جت ومستعدة تمام واولهم ليان كنا شوي خايفين لان اهلنا مايدرون دخلنا على الاصطبل اعطينا حارس الخيول كم فلس عشان يستر علينا وبعدها قلنا له يطلع عشان بنكشف وبناخذ راحتنا في الحديقه طبعا كابتن ليان اهي الرئيسة وهي الي تقودنا وتشجع البعض على الركب جلسنا كلنا وهي قعدت واقفه تقول: اولا الي جبانه ما ابيها معاي!!وثانيا انا بعلمكم كيف تركبونها بس بشرط ابي الكل يلبس
بنطلون
فجر والباقي: لابسين
ليان: عفارم عليكم تربيتي!!
ريم: اقول خلصينا واختصري ياليت
لينان:اسمعوا ياحلوين راح نقسم الي فريقين ونسوي سباق وخط البدايه من عند احواض الشجرة الي النافورة
مابي دلع بنات الي راح تبيكي ماتلوم نفسها اذاجاها الطراق على وجهها والكلام مقصود فيه
<<قصدها على أمل ورهف
ريماز:بنات نبي حماس اوكيه وما نبي احد يقول للعيال او الشياب الاربعة
سمر: اظن ركوب الخيل للعيال وبس احنا ويش لاقفنا فيها وبعدين ما جابوا الخيول الا عشان فيصل
ليان:يوووه وراك ما تنقلعين على البيت!!
أمل: يلا علمينا كيف ترى زهقت
ليان: راقبوا كيف امسك اللجام و وين احط رجلي و انتوا بتعرفوا
وبعد ماتعلمنا هههههه وكانت اشكالنا تحفة واحنا نتعلم والبعض منا طاح وتعور كم مرة بس تعلم وركب والبعض ركب من اول مرة وناس عندها خوف منها والي متقرفة منها المهم ركبنا كلنا وليان وصلت قبل الكل على خط البدايه واحنا نحاول في الخيول نبيها تودينا مكان ماقالت كابتن ليان واخير بعد محاولات سيطرنا عليها وعرفنا كيف نقودها مكان مانبي استعدينا وفقنا صف واحد المتسابقات هم ريماز ولميس ريم رهف سمر وليان وامل واخيرا انا وقفنا صف واحد وبدت ليان في العد الي الثلاثه
ليان: واحد..اثنين..ثلاثة..
وكل وحدة ضربت بايدها والي بصوت وانطلقت الخيول طبعا لانها خيول فيصل والاغلبيه مدربة كيف تسابق بس قيادات البنات لها مو تمام فا الي انطلق خيلها وراح يمين والثانيه يسار والي الي مشى مع السباق
وفي وسط الحوسة في الحديقه دخلت الخدامه وهذي في صفنا
لميس: نعم خيير؟
الخدامه: ماما فيصل والباقي كلهم جاي هنا عند اصطبل يبي يلعب
لميس: يووه مو وقتهم ابد انتي روحي عند ليان وقولي لها تقول للباقي
الخدامه: اوكيه
وكل وحدة درت ونزلت بسرعة وسحبت الخيل معاها الى الاصطبل
بقت سمرتحاول فيه مو راضي يمشي يبي يشرب مويا من النافورة وبسرعة تيجي الخدامة وتحاول معاها لحد مادخل مع الباقي في الاصطبل وبعدها غطوا وجههم وثم قعدوا قعده عاديه وسوالف على ما وصلوا العيال عندهم الا وكل شي تمام بس نسو الحارس ما ينادونه عشان يرجع للخيول
فيصل بعصبيه: وينه؟؟ وين ذلف؟
ريان ينادي عليه: يامحمد؟
عند البنات
ليان:محمد نسيناه مارجع للحين؟
لميس: مسكين الرجال راح فيها وطي
ريماز:ياريه ويش نسوي ؟ مسكين فيصل ماراح يرحمة
ريم: بنات لازم نرقعها له مسكين اهو الوحيد الي يطلع لنا الخيول يستر على عمايلنا في هل الحديقه
رهف: ويش نسوي الحين فيصل اسمعه مزلزل الدنيا على محمد
سمر: نقول له قلنا يروح يجيب طلب من المطعم
ليان:تمام واذا سالنا عن الخدم نقول له مشغولين او موب فاضين
أمل:والمطعم يقول ان خدمه التوصيل مزحومة او شي كذا
فجر: انتوا متأكدين راح يقتنع اهو والباقي؟
لميس: عاد كلن وله اسلوبه المقنع؟
سمر: بروح لفيصل
وراحت سمر عند فيصل اخوها بعرفكم فيه
فيصل اخوا سمر وليان وريان واخيرا رائد اهو الكبير فيهم عضلنجي وعصبي بمعنى الكلمة اهو خيال ويحب الخيول
وعندة اصطبل كله خيول يحب يقضى معظم اوقات فراغه مع خيوله ومتعلق فيهم حيل
راحت سمر عندة
سمر:سلام!! ويش فيك صوتك واصل لحد عند البنات
فيصل: محمد امس وانا اقوله لايترك الخيول والحين ما ادري وين ذلف
سمر:امممم
فيصل: نعم ؟خير؟لايكون تعرفي وين مكانه
ليان تدخلت: اسمع يافيصل الرجال راح يجب لنا اكل وراح يرجع
فيصل: محمد شغلته الخيول وبس وانتوا مين عشان تقول له؟
سمر: يا خوي مافيها شي وبعدين الكل مشغول ما لقيناه الا اهوا وحنا قاعدين في الحديقه لحد مايرجع يعني لو صار لهم شي حنا موجودين
لميس والباقي راحوا يجبون محمد
وشوي واهوا عندهم
فيصل: انت ليش روح وتترك الخيول كم مرة قايل لك الخيول لا تتركها في غيابي انت ماتفهم حيوان!
سمر: خف شوي يافيصل
فيصل: انتي وياها اووووص تفهمون !!
ليان بعصبيه: لا ماراح نسكت وحرام عليك تاكل الرجال بقشورة وبعدين تعال هنا ليش كل هل الخوف عليهم طول الوقت في الاصطبل قاعدين واحنا الي قلنا لمحمد يروح يجب لنا عشا من المطعم
فيصل حقرها والفت على محمد:الظاهر بكنسل اقامتك وبرتجع على اقرب طيارة لديرتك
وصار محمد يترجى فيصل
وتدخل فجر: حرام عليك كل هذا عشان الخيول بتسفر الرجال واحنا قلنا لك احنا الي خليناه يروح اهو مجرد عبد مأمور
فيصل: انتوا بذات لاتدخلون
فجر:ليش منت مصدق الي قلناه اسأل محمد
ومحمد يهز براسه بمعنى نعم
فيصل: انا ما ابيه ..اهو رجال ورى المصالح وبس
فجر: والله ما اقول غير مالت عليك وعلى هل الخيول ترها مجرد بهايم مسويلنا سالفة طويله عريضه
لوهي بشر ماسويت هل السوات
فيصل: فجر!! وخري عني زين ترها واصله معاي؟؟
راشد كان موجود وسمع فيصل يقول هل العبارة
جاء بسرعه عندهم خاصة انه درى ان فجر في السالفه شافته اخته ريم ولحقته
راشد: خيير؟؟خير ؟؟اصواتكم عااليه
فيصل: شيل البنات من هنا وروح لا اقلب اليوم عزى
راشد: بنات روحوا ويش مسوين هل المرة بعد لا يكون سويتوا شي بخيوله!!
فجر بخبث تدري ان راشد اكيد راح يكون بصفها:راشد يرضيك بيسفر الرجال عشان قلنا له يروح يجب لنا عشا
ويش فيها لاترك الخيول فترة بسيطة وبعدين احنا البنات موجودين ولو صار شي للخيول كلنا هنا
ليان بغرور: وبعدين ماعليهم خوف دام كابتين ليان هنا
ريان: وراك ما تنثبرين ؟؟
ريم: والحين خلاص كل هذا عشان محمد والخيول خلاص فكوها ما صارت يا فيصل
وسحب راشد فيصل من عند البنات وغمز لمحمد انه راح يحلها ولحقهم ريان
بقى محمد والبنات
ريم:لا تخاف ما راح يقدر يسفرك من هنا؟؟
سمر:الحين راشد راح يروق الامور
فجر: وحتى لو مارضي انا الي بكفلك وبخليك سايق بدل المعفن الي هناك اوكيه
ليان:والله انتا طيب كثير تستاهل نساعدك مثل ماتسعدنا
سمر: والحين روح وارجع لشغلك و لا تخاف
ورجع محمدوالبنات رجعوا اما فيصل وراشد روقوا شوي
بعدها شافوا كل واحد من العيال راكب على خيل وكل وحدة تشوف اخوها
فجر: مشاء الله الكل هنا!!
ريم:حتى مشاري زوج الهنوف معاهم
فجر: الكل هنا ويش السالفة اليوم؟؟
لميس:راشد وماجد وباسم ومازن وريان وخالد حتى رائد جاء كمان غربية صح؟؟!
ريماز:غربيه جاهم والاهوا حياته معلقه في التفحيط
سمر:فديت فصول اخويه شفوه كيف راكب على الخيل بشموخ
أمل:ماعليك بفصيل شوفي اخوك الثاني رائد مسوي تعذيب للخيل ذكروه قولوا له ترها ماهي بسيارة
فجر: ههههه الخيل الي راكب عليها رائد حظها اليوم نحس
أمل: رهوووف وين رحتي؟؟
رهف ماقالت شي طارت على ارض الاحلام وعيونه مانزلت من على باسم
أمل: رهف ياهووااااا نحن هنا!
التفت اخيرا: هلا بغيتني في شي
أمل: اقول قومي نمشي بشوف ويش سالفة السرحان اليوم
ابتسمت رهف وقامت معاها وشبكوا أدين بعض ومشوا عن البنات
ليان: ياحضهم متونسين واحنا نتفرج عليهم بالله موشي يقهر
فجر: قول من الاخير تبين تركبين معاهم والا القعدة في الحديقة حدها من الوناسة
ليان:ايوواا جبتيها لي بروح لريان اخوي الغالي
وابتسمت وراحت عند ريان
ريان:خير ويش بغيتي
ليان: الله يخليك ياريان بركب لو شوي
ريان: انقلعي عند البنات
ليان:بلييييز الله يخليك!!بسوي لك الي تبيه بس ركبني !!
ريان ابتسم بخبث: اكييد الي ابيه؟؟
ليان:ايوه الي تبيه بس في حدود طاقتي
ريان: تركبي وراي اوكيه
ليان: اوكيه
ريان: واذا رجعتي في كلامك!!
ليان:قول عني كل شي اني موكفوا واني موقدها اهم شي تطلب طلب في حدود طاقتي
ريان:طيب بس مو الحين راح اطلب افكر وراح اقول لك
ليان: يعني اوكيه خلاص اركب
ريان:يلا
وركبت معاه وهي مبسوطة وكل العيال يطالعون ريان واخته وراه راكبه بكل ثقه
شافهم خالد وراح عندهم
ليان:يووووه جانا المطوع ههههههه
ريان: انتي اسكتي الحين ويش يفكنا منه
ليان:ههههه
خالد: ريان عيب عليك تركب انت واختك سوى!!
ليان:لالالا موعيب ولااهو حرام ركوب الخيل ياشيخ خالد
خالد:انتي بنت ليييه ماتقعدين مع البنات؟؟عييب تركبي بهل الطريقة مثل العيال
ليان: ويش فيك كذا مافيها شي انا راكبه مع اخووووووووي مع محرم
خالد:آآآه استغفر الله وبس
اعرفكم بخالد
خالد الشخص الوحيد فيهم ملتزم ويذكر الله وعليه عيون واسعة وحلوة وصلاته مايتركها وهو اعقلهم وغير عن كل الشباب ودايم اهو وليان يختلفون في الاراء
بعدها رجع عند العيال
ليان:هههههه اذا مالقي تجاوب دايم يرجع
ريان: خلاص الحين والا بنزلك الحين
ليان:خلاص!!خلاص!! اقول مر من عند البنات ابي اقهرهم شوي
ريان:لا
ليان:بلييز!!
ريان:اوووف ياذا البليييز كل شوي حاضرتامرين امر
وراح عندهم
لميس:شوفوا !!شوفوا ليان وريان
ريماز:اقسم بالله اذا موجايين يقهرونا ما اكون ريماز بنت ابوي
فجر: هذي ليان ما تخلي طبايعها
وجت عندهم ومسكت ايدها على كتف ريان والتفت الي البنات
ليان:هاااااااااااااااااااي صبايا بدكم تركبوا ؟هههههااااي
ريان:ياحرام عليكم يلا ترى فيه حمير جاهزة للركوب الي ودها تركب تروح ترها نفس الخيول!بس الحجم اصغر
ليان:هههههااااااااااااااااي
سمرفي نفسها: ياكرهي لهل الضحكة
لميس في نفسها: اخرتها ياريان تقول نركب حميير؟
فجر في نفسها:أأأأخ لو الحشميه كنت بأنزلكم من شعروكم واخلي الحمير تمشي عليكم بس راح تخوني قوتي
ريماز: بسيطة يا ليان انتي وريان بيجكم يوم؟؟ حنا نركب حمير!!
ليان: اقول ريانواا امشي واحقرها قبل لا الثانين ينفجروا علينا !!ههههههااااااي
ومشوا وريان مبتسم على عيونهم الي هل الكبر عليهم من كثر القهر
بعد ما مشوا من عندهم
ريماز:أأأخ لو عندي تؤم مثلها كان شوفتوني معاهم اتونس
فجر:قولي لاخوك يمكن يرضى ويخليك
ريماز:مين فيهم اقول مشاري عنده ولدة مشعل خالد راح يقول عيب او مايصلح البنت انها تركب خيول وراح يقول كم نصيحة اخوي واعرفة مابقى الاباسم وهو الي راح يوافق
فجر:لالالا باسم ما اعتقد
ريماز:انا متاكدة اني راح اقنعة وبكل سهوله بعد
سمر: اجل ويش منتظرة قومي لاتفوتك الفرصة ههههه
ريماز:فجر اذا اقنعت باسم يركبني معاه تركبي مع اخوك ونسوي سباق هاااا ويش قلتي
فجر:قلت تم اصلا ويش ورنا!! مع اني مو متفائلة
وراحت ريماز عند باسم واقنعته وجت فجر تحاول في ماجد
فجر: ماجد يلا ايش فيك كذا
ماجد:قلت لا يعني لا ماعندنا بنات يركبون خيل انتي بذات لا وخاصة بعد الي سويته اما امل ممكن
ورحت عند ريماز وقلت لها راحت ريماز عند ماجد
ريماز:سلام
ماجد بستغراب: وعليكم السلام
ريماز بحيا وكانت تفرك ايدها وعيونها على الارض:ممكن طلب ياولد العم
ماجد:تامرين امر خير ويش بغيتي؟؟
ريماز:ممكن فجر تركب وياك على الخيل !
ماجد بابتسامة ثقة: أي وليش لا
ريماز: ويش رايك نسوي سابق اخوي باسم وانا وانت وفجر توافق؟؟
ماجد: اوكيه بس بقول لريان وليان عشان المنافسة تكبر وتقوى بنفس الوقت
ريماز:الحين بقول لفجر
وراحت عند فجر
فجر: احلفي؟؟
ريماز:روحي قبل لا اروح واقول له اختك هونت
فجر:لالا خلاص
ريماز: انا وباسم وانتي واخوك وليان وريان كلنا بنسوي سباق
لميس بحرة: ليييه انتوا بس كمان ودي اسابق
سمربخبث:شفوا لنا مكان وراكم ودي كمان العب
ريماز:ههههه في مكان ورى خالدهههههههههه تبي تروحين روحي اركبي!!
سمر تغيرت ملامح وجها:لالا الاخالد بيقول لامي والقبر بعدها.. حبيبتي ماودي اموووت وراي مستقبل وتصاميم
تبيني اموت على يد امي ناقصة عمر!!!
لميس:اقول قومي نحاول في احد من اخونا ياجعل يومي قبل يومك يارب
سمر: فديتها لمووووسة اهي الوحيد الي تحس فيني
ومشوا وراحوا عند اخوانهم
سمرتحاول في رائد
سمر: عشان خاطري يارائد بعطيك 200 اذا ركبتني
رائد: احلفي
سمر: والله بس ركبني بحر فجر وليان
رائد: اركبي لعيونك اذا ماخليتهم يموتون من الحرة بس!! سمورة تبي تحرهم !!
وركبت اما لميس راحت عند اخوها مشاري
مشاري:لالا ما راح اترك ولدي
لميس: تكفى يامشاري بس ابركب دقائق وبعدين حبيبي مشعل ماقال شي انت الي ملزم عليه والاهو مايدري
بالخيول وين كل ميولة الكترونيات
مشاري: خلاص بوافق بس تكونين لابسة شي ساتر عشان اول ماتركبي مايبان شي عليك
لميس: جاهزة ولابسه كمان ادري فيك راح تقول لي واستعديت
مشاري:اذا ركبتي ما ابي صياح ودلع بنات
لميس: اوكيه اوكيه يلا
وركبت معاه
بقوا رهف وامل جالسين على المراجيح ويسالفون سوى اما ريم قعدت لحالها تشوفهم كل وحدة قاعدة مع اخوها جاها راشد على خيله وقال لها:اقول ريوم ماودك تركبي؟؟
ريم: ودي بس عندي احساس ما يطمن ابد
راشد: اقول قومي وفليها مثل خوياتك البنات شوفيهم كيف مبسوطين
ريم:لالا روح انت واتونس
راشد: يلا عاد ما ابي اقعد اترجاك شوفيني انا غير عنهم كلهم اهم راحوا يترجون اخوانهم اما انا عكسهم انا الي جيت اترجاك وما اعتقد بترديني خايب
ريم: ماعاش ولا راح يعيش ما يردك خايب بركب معاك!
وركبت معاه مابقى غير
مازن وخالد وفيصل مافي احدراكب معاهم
استعد الكل وحتى خالد ومازن وفيصل شاركوا في السباق طبعا كان اول المعترضين ليان
تقول:السباق هذا للعوئل مانبي شباب
<<تقصد خالد
فيصل: والخيول لي انا يعني باطلع من السباق انا وكل خيولي ويش قلتي؟
ليان ترقع:لالالا انت الكل في الكل خلاص وافقت دام فيه هيئة الامر بالمعروف والنهي على المنكر ماراح يصير شي
خالديدرى انه اهو المقصود وقال من بين اسنانه: ليان اسكتي ترى مورايق لك اليوم!!
قاطعهم صوت ماجد يعد لحد الثلاثة كانت فجر مستحية شوي لان عن يمنيها راشد واخته
حطت ايدها على بكل ثقة على كتف ماجد وهمست له:ماجد زم نفوز احنا؟؟
وابتدى السابق وكل البنات صراخ ووااااااااووو وحماس
سمر من الخوف كانت حاضنه اخوها من ورى وايدها على بطنه ومقفله عيونها بخوف
ليان وريان هم اكثر ناس مبسوطين بهل السباق كلهم يصارخون
فيصل هدوء غربيب ومركز على خط النهاية ولا همة احد اهم شي يفوز اهو الاول
مشاري كل شوي ويقول لميس تستري ويقصدة انها تغطي رجولها وساقها
امل ورهف نزلوا من على المراجحيح يصورون السباق
خالد ماقال شي بس يحاول يسرع اكثر حتى تعليقات ليان طنشها
رائدشاد على اللجام بكل قوته ومتوتر كثير خاصة سمر ماتركت له مجال يتحرك اكثر لانها لاصقه فيه من كثر الخوف
فجر وماجد
كل شوي تقول فجر اسرع ياماجد !!ماجد لاترك راشد يفوز عليك!!
ماجدبسرعة !!
وكل شوي تكررمثل هل العبارات
وماجد يهز براسه بمعنى اوكيه

طاحت الكيمرا من ايدها بعد ما شافتها اختل توازنها وطاحت من على الخيل وراحت تركض من بين الخيول مسرعة


ّّنهايه البارات الاولّّّ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-01-2013, 12:21 AM
صورة Miss Rima الرمزية
Miss Rima Miss Rima غير متصل
©؛°¨غرامي مشارك¨°؛©
 
الافتراضي رد: روايتي الثانية:~~عشقته بمستشفى المجانين~~ بقلمي <<كاملة


الروايه روعـــــــةة
بنتظر البارت الجديد
لا تتأأخري



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-01-2013, 01:37 AM
صورة عاصفة حب الرمزية
عاصفة حب عاصفة حب غير متصل
©؛°¨غرامي فعال ¨°؛©
 
الافتراضي رد: روايتي الثانية:~~عشقته بمستشفى المجانين~~ بقلمي <<كاملة


الرواية رووووووووعه مره اعجبتني اتوقع سمر الي طاحت

اعتبريني من متابعين ان شاءالله بس ياريت تكبرين الخط عيوني تحولت
مووووووووووووفقه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 15-01-2013, 04:53 AM
صورة انثى ينحني الورد لرقتهاّّ الرمزية
انثى ينحني الورد لرقتهاّّ انثى ينحني الورد لرقتهاّّ غير متصل
©؛°¨غرامي مشارك¨°؛©
 
21302798094 رد: روايتي الثانية:~~عشقته بمستشفى المجانين~~ بقلمي <<كاملة


اقتباس:
المشاركة الأساسية كتبها Miss Rima مشاهدة المشاركة
الروايه روعـــــــةة
بنتظر البارت الجديد
لا تتأأخري
انتي الاروع انشاء الله مارح اتاخر عليك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-01-2013, 04:57 AM
صورة انثى ينحني الورد لرقتهاّّ الرمزية
انثى ينحني الورد لرقتهاّّ انثى ينحني الورد لرقتهاّّ غير متصل
©؛°¨غرامي مشارك¨°؛©
 
21302798094 رد: روايتي الثانية:~~عشقته بمستشفى المجانين~~ بقلمي <<كاملة


اقتباس:
المشاركة الأساسية كتبها عاصفة حب مشاهدة المشاركة
الرواية رووووووووعه مره اعجبتني اتوقع سمر الي طاحت

اعتبريني من متابعين ان شاءالله بس ياريت تكبرين الخط عيوني تحولت
مووووووووووووفقه

تسلمين كلك ذوق ويشرفني انك تابعيني وبعد ياليت دايم توقعي الاحداث واذا على الخط سلامة عيونك الحلوة من البارت الثاني راح اكبره



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 15-01-2013, 06:21 AM
صورة ~الفارسه المجنونه~ الرمزية
~الفارسه المجنونه~ ~الفارسه المجنونه~ غير متصل
©؛°¨غرامي مجتهد¨°؛©
 
الافتراضي رد: روايتي الثانية:~~عشقته بمستشفى المجانين~~ بقلمي <<كاملة


صباحكم ومسائكم جوري
بارت ابداااااااااااع حبيبتي بنتظار البارت الجاي ان شاء الله







الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-01-2013, 06:30 AM
لامــارا لامــارا غير متصل
©؛°¨غرامي متألق ¨°؛©
 
الافتراضي رد: روايتي الثانية:~~عشقته بمستشفى المجانين~~ بقلمي <<كاملة


صبــــــــــــــــــــــــــــــــــــــــــــــــ ـــــاح النور والسرور على البنور والسكر المعقود على أجمل الورود

شلونك وردة الورود

مشكورة يا قلبي على الدعوة

يشرفني ويسعدني ذلك لانك غالية وملتزمة ومبدعة وفنانة الحرف

تفضلي باقة البارت

اضغط على الصورة لرؤيتها بحجمها الطبيعي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 15-01-2013, 07:32 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روايتي الثانية:عشقته بمستشفى المجانين


صباح الخير ......ياهلا فيك بغرام للمرة الثانية .....موفقة بطرحك ........بداية حلوة ومشوقة مع انو العنوان كشف احداث الرواية ....فجر ماحبيتها ولا حبيت تفكيرها ولا عصيانها لابوها ولا انها ترفع صوتها عليه متناسية حقوق الوالدين عليها وقوله سبحانه وتعالى ولا تقل لهما اف .....

وبعدين شهالغرور الي فيها مو علشان ابوها خلاها تسافر وتدرس تغتر وتتكبر على ابوها الي لولاه تحلم انها بهالشخصية هذا ردها لمعروفه وتربيته ودلعه تجازيه بعدم الاحترام انا موشايفة انو الحق معاها

يعني شتبغي تختار الزوج الي تبغيه بعد ماتحبه وهو مو حلال عليها ولا كيف ......وحتى روحتها ودخلتها على وليد على اي اساس شدخلها اصلا عيب عليها دكتورة مهنتها تعالج الناس مو تقز ملامحهم وهذا حلو وهذاك شين .. مافرقت عن البنات الغير متربيات بشي اتمنى لو ماتزوجت راشد وهي ماتستاهله ابوها يمنعها من الوظيفة لانها هي الي كبرت راسها على اهلها هي مو هدفها تشتغل هدفها تناظر الرجال ولا شمدخلها عند مريض مو تبعها ولحالها بعد
اصلا المستشفيات الي مثل هالنوعية يعتمدو على الرجال اكثر من الحريم لانو المجانين يحتاجو لقوة وقت مايثور واحد منهم والممرضات والدكتورات مهما حاولو مايقدرو على قوة رجال

ملاحظة انو البنات بالرواية رافعين الكلفة بينهم وبين الشباب وماعندهم احترام لاحد ... اعذريني على رايي بس مايعجبني انو البنت تنسى حياها وترفع صوتها عند عيال العيلة ولا تعجبني البنت الي تعصي اهلها وتغضب ربها وتعق في اهلها علشان مطالب دنيوية خصوصا مثل حالة فجر اسبابها غير منطقية ولا مقنعة تبغي هي الي تحتار زوجها بعد ماتحبه ...لاديننا ولا عاداتنا تقبل هالشي

تذكير بالقوانين

القوانين / الإطلاع هام و الإلتزام ضروري


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 15-01-2013, 07:34 AM
صورة انثى ينحني الورد لرقتهاّّ الرمزية
انثى ينحني الورد لرقتهاّّ انثى ينحني الورد لرقتهاّّ غير متصل
©؛°¨غرامي مشارك¨°؛©
 
21302798094 رد: روايتي الثانية:~~عشقته بمستشفى المجانين~~ بقلمي <<كاملة


اقتباس:
المشاركة الأساسية كتبها االجوري مشاهدة المشاركة
بارت ابداااااااااااع حبيبتي بنتظار البارت الجاي ان شاء الله
يسلمووواا والله نورتي الروايه
ومشكورة لمور على الباقة كعادة رد حلوا ويحفز وهلا والله بوردة بنسبة لفجر انا تعمدت انها تكون شخصيتها كذا مو كل وحدة كاملة ومؤدبة ودين واخلاق وكذا ولا كل بطلات الرويات مطيعااات واذا على المستشفى ودخلتها عند وليد تقدرين تقولين لاقاااافة او من باب حب الاطلاع والمعرفة واذا على المستشفيات
في رجااااال بس مو الحين !! فحبيت شخصيات البنات والعيال تكون عادي ومنفتحين وكل الي يطرا على القلب يقولنه على السنتهم ومشكوورة غلاتي على ردك
ومهما كان هذا رايك انتي . وذا على البنات وحياااهم في بعض المواقف لازم البنت تبرز نفسها وتفرض قررها



آخر من قام بالتعديل انثى ينحني الورد لرقتهاّّ; بتاريخ 15-01-2013 الساعة 08:07 AM.
الرد باقتباس
إضافة رد
الإشارات المرجعية

روايتي الثانية : عشقته بمستشفى المجانين/ كاملة

الوسوم
<<كاملة , المجانين~~ , الثانية:~~عشقته , بمستشفى , بقلمي , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية : يا خاطفي وين ألقى عزتي في زمان المذلة ! / كاملة على شاطئ النسيان روايات كامله - يتم نقل الرواية هنا بعد اكتمالها 5384 06-12-2014 12:57 PM
روايتي الثانية : سما غابة الأوهام ، كاملة أيـات أحـمد روايات كامله - يتم نقل الرواية هنا بعد اكتمالها 1296 20-05-2014 06:49 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2030 15-04-2011 07:51 AM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2127 08-11-2010 01:09 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 02:24 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم