عتمة حب جولييت بدر

[سحر صلاح]

وينو الحبْ ؟؟

العمر ال قضّيتو

سهرانة ،،

انطر شي همسة من قلب

شي نظرة ،،

شي لفتة حلوة ،،

تحس بقلبي ال ناطر وعدْ

ناطر هجمة متل الرعدْ

تقللي بين الغيم ال مارق

شفت اللهفة !!

رغم البعدْ !!

بَيْعَد.. متل الصرخة بوادي

مات ،،

وخلصت الزوادة

كان قبالي يكتب عهدْ

ويبصم بالعشرة

عالنسمة ،،

يرسم اسمو فوق النغمة

ويحلف لي بليالي السعدْ

رح يقطف لي نجوم الكلمة

يلملمها ويعملها عقدْ

يشنشل قلبي بمشتل زهرْ

وجوقة حوريّات البحرْ

وفراشات الحلمْ الأخضرْ

تغمرني بوراق الوردْ

ويْنو الحب ؟؟

سرسب عمرْ ،،

بقلب الدهرْ ،

الحب ال صاير

متل الصخر ،

كان يزهّرْ...

كان يعطّرْ ..

كان يموّج كنّو البحرْ

تعرّى..

بليلة كلا قهرْ ..

خنقيتو الغولة المجهولة

ورفعت سيفا وهدرت هَدْرْ

حتى المارد جوّا القمقم

قهريتو وحوّلتو شرْ

وَيْنو الحب ؟؟



جولييت بدر- (عتمة حب)

[زهرة التوليب]

الله يعطيك العافية على النقل .. اختيار مميز زهرة التوليب

[-• الطـَّرْف الحنـُون •-]

روووووووووعة تسلم ايدك ..

دمتي بود .. خالص التحيات ..

[hala]

اختيار جميل

بانتظار بوح قلمكـ


مودتي

[سحر صلاح]

اسعدني مروركن العطر


نورتو الموضوع وياهلا