جميله الرياض ©؛°¨غرامي متألق ¨°؛©

السلام عليكم
عندي مشكله مع قريب لي وقريب مره هذا الشخص من يوم انا صغيره كان يحبني ويعشقني اهلي وعمامي الكل عارف يوم كبر وتخرج من الثانوي درس قسم في الجامعه انا كنت اتمناه دخله عشاني <<اعتبرها تضحيه
كان يحكي لاخته احلامه معي واني بسوي لها وبحط لها وكل شي تبيه يسويه لها انا لما كبرت عجزت احبه اعتبره واحد من اخواني لا اكثر وربي عجزت احبه ماقدرت بنفس الوقت ماكنت ابيه يتعلق فيني وهو للاسف يتعلق اكثر واكثر لما جا عمري 17 سنه انخطبت لشخص ثاني واستخرت ربي وكنت افكر فيه افكر اني مقدر اجامله واعيش معه كزوج وانا نظرتي له اخ ومقدر اتزوج واجرحه ورفضت الخاطب وجاني ثاني بعد 6 شهور ورفضت وجاني الثالث يوم رفضت قالت امي ليه تعذرت بدراستي قالت لي بس الرجال يقول عادي تكمل واللي تبيه انا حاضر فيه يعني مالي عذر ارفض توترت مدري وش اسوي وولد عمي اللي يحبني كان باقي له سنه ويتخرج ويتقدم لي وجلست اماطل لعل وعسى يروح لكن ماراح واستخرت ربي ونصحتني صديقتي اني اتزوجه اذا كان كويس وقالت انتي مارح تاخذي ولد عمك لانك ما تحبينه ولا راح تاخذي غيره عشان ماتجرحينه يعني تعنسين المهم اقنعتني ووافقت وتمت الملكه يوم عرف جن جنونه وسافر ولاحضر زواجي بصراحه شعور حلو وقاتل بنفس الوقت كنت اتعذب عشانه لانه حبني ولاقدرت احبه وحاليا رجع من السفر مشكلتي الحين اذا صار فيه عزيمه مابيه يشوفني ولايلمحني اتوتر لين تنتهي العزيمه ومره شفته وانا طالعه من بيت عمي حاضن بنتي ويشم ريحتها انا بكيت حسيت اني بديت اكره نفسي لاني عذبت انسان حبني ورحت عنه ومدري وش اسوي ادعوا انه يتزوج وينساني تكفون وارتاح من هالعذاب

الـمـتـمـيـز ©؛°¨غرامي ذهبي¨°؛©




وعليكم السلام ورحمه الله وبركاته
مرحبا بك بيننا في غرام ،

الزواج قسمه ونصيب ، وللي حصل معك بالذات أعتبريه ماضي وغضي العقل عنه ،
أنتي حالياً في ذمه رجل ومعك بنت ، فخلي كل حياتك متعلقة بها الشخصين ،
والأخ للي تفكري فيه أيام وراح تسمعي عنه أنه تزوج .
بأذن الله .

ينقل لقسم الاستشارات النفسيه والاجتماعيه ،
وراح تجدي تفاعل من أعضاء المنتدى

دمتي بخير

جميله الرياض ©؛°¨غرامي متألق ¨°؛©

اسعدني مرورك وردك مقنع يعطيك العافيه يارب وان شاءالله الله يسمع منك ويتزوج ياااااااااااااااارب في القريب العاجل

دلعي وبس ©؛°¨غرامي متألق ¨°؛©

اهلين اختي

انتي تصرفتي بحكمه يوم تزوجتي اول شي انتي ماتحبينه وماتشوفينه الا اخ لك يعني حرام تدمرين حياتك

وحياته ونتي مالك شعور له بالعكس المفروض مايعذبك ضميرك قلبك موبيدك الحب هذا شعور من رب العالمين

وارتباط روحي على الاقل انتي ماخدعتيه وربي يعوضه انشاء الله بوحده تحبه وهو يحبها ويخلي لك زوجك

ونتي الان مرتبطه ولك زوج وبيت بالعكس لاتتجنبينه لو شفتيه خوذي الامور عاديه وبساطه وسلمي عليه

اذا بينكم سلام هو الان اخوك وانتي المفروض اخته ولاتشيلين همه مصيره ينسى ويحب زوجته مستقبله عنده

والقلوب تتبدل صدقيني فراقكم خيره وقسمه ونصيب وربي يوفقك مع زوجك واهتمي بعيلتك اهم شي

الإليـاذة ©؛°¨غرامي فعال ¨°؛©

أولاً : أحييك على عقلانيتك ...

فلم تربطي مصيرك بعلاقة أحد أركانها حب من طرف واحد ..

وكنتِ صادقة مع نفسك ومعه ..

لذلك لا تفكري بالموضوع وانشغلي بحياتك الجديدة ..

لأن هذا التفكير والإحساس بالذنب لاطائل منه ولن يُغيّر من الواقع شيئاً

حاولي إقناع نفسك بأن هذا قدركما الذي لاحياد عنه وامضِ في حياتك قُدماً

أما هو فسيجد نصيبه وإلى ذلك الوقت ستصبحين ابنة عمه فقط ..

بالتوفيق لك ..

وينه حبيبي فقدته ©؛°¨غرامي مشارك¨°؛©

السلام عليكم

انتي سويتي الصح لان لو كنتي تزوجتيه راح تعذبيه اكثر بكونك تحبيه كأخ
بس لمن قلتي انه كان حاضن بنتك ويشم ريحتها تأثرت لأنو شكله كان كثيرررر يحبك وللحين يحبك بس راح ينساكي يوم ويتزوج ان شاء الله انتي بس ادعيله
وانا معاكي في هذي النقطه يستحسن ما تتقابلي انتي وياه كثير
ما اقول الا يخرب بيت الحب ما يرحم احد

منهو بعدك مهم ©؛°¨غرامي مبدع¨°؛©

يا جميلة الرياض//// حياك الله وهلا بك وطرحك شي بسيط لا تشيلي هم ولا تشغلي بالك دامك بغرام


عنوان الموضوع افسره انك تحسفتي بعدم الزواج منه

المهم


انتي اعلم بتصرفك بعدم الزواج منه وهذا من حقك تقرري

وهو عرف انك تزوجتي وعندك بنت المفروض منه ينسى حتى لو تذكر بس بقلبه ولا يظهره قدام احد

اعرف شخص نفس اللي صار معكم وتزوجت ورزقها الله بعيال وهو بعد فتره تزوج وجاه عيال وممكن يذكرها بس داخله

يعني صعب نجبر نتزوج احد بمجرد اني حبيته او حبيتها وهو من طرف واحد صعب جدآ وخاصه من الاقارب


ما عليك بيجي اليوم اللي يتزوج واثق انه بيقول الحمدالله يمكن خيره

بالتوفيق للجميع

مودتي

منهو بعدك مهم

جميله الرياض ©؛°¨غرامي متألق ¨°؛©

المشاركة الأساسية كتبها دلعي وبس اقتباس :
اهلين اختي

انتي تصرفتي بحكمه يوم تزوجتي اول شي انتي ماتحبينه وماتشوفينه الا اخ لك يعني حرام تدمرين حياتك

وحياته ونتي مالك شعور له بالعكس المفروض مايعذبك ضميرك قلبك موبيدك الحب هذا شعور من رب العالمين

وارتباط روحي على الاقل انتي ماخدعتيه وربي يعوضه انشاء الله بوحده تحبه وهو يحبها ويخلي لك زوجك

ونتي الان مرتبطه ولك زوج وبيت بالعكس لاتتجنبينه لو شفتيه خوذي الامور عاديه وبساطه وسلمي عليه

اذا بينكم سلام هو الان اخوك وانتي المفروض اخته ولاتشيلين همه مصيره ينسى ويحب زوجته مستقبله عنده

والقلوب تتبدل صدقيني فراقكم خيره وقسمه ونصيب وربي يوفقك مع زوجك واهتمي بعيلتك اهم شي
مرحبا اختي اسعدني ردك وفعلا معك حق اذا جاملته وخذته رح اتدمر وادمره لا خلا ولا عدم حبيبتي

جميله الرياض ©؛°¨غرامي متألق ¨°؛©

المشاركة الأساسية كتبها الجليلة • اقتباس :
أولاً : أحييك على عقلانيتك ...

فلم تربطي مصيرك بعلاقة أحد أركانها حب من طرف واحد ..

وكنتِ صادقة مع نفسك ومعه ..

لذلك لا تفكري بالموضوع وانشغلي بحياتك الجديدة ..

لأن هذا التفكير والإحساس بالذنب لاطائل منه ولن يُغيّر من الواقع شيئاً

حاولي إقناع نفسك بأن هذا قدركما الذي لاحياد عنه وامضِ في حياتك قُدماً

أما هو فسيجد نصيبه وإلى ذلك الوقت ستصبحين ابنة عمه فقط ..

بالتوفيق لك ..
ردك جميل كجمال كاتبته وفيه حكمه نفعتني اشكرك جزيل الشكر على الرد
احترامي

جميله الرياض ©؛°¨غرامي متألق ¨°؛©

المشاركة الأساسية كتبها angel of hope اقتباس :
السلام عليكم

انتي سويتي الصح لان لو كنتي تزوجتيه راح تعذبيه اكثر بكونك تحبيه كأخ
بس لمن قلتي انه كان حاضن بنتك ويشم ريحتها تأثرت لأنو شكله كان كثيرررر يحبك وللحين يحبك بس راح ينساكي يوم ويتزوج ان شاء الله انتي بس ادعيله
وانا معاكي في هذي النقطه يستحسن ما تتقابلي انتي وياه كثير
ما اقول الا يخرب بيت الحب ما يرحم احد
تشرفت بمرورك وردك
اي والله موقفه يوم يضم بنتي جعلك ماتمرين فيه يارب عذاب نفسي لاني ماقدرت احبه ولا ادري وشلون اخليه ينساني

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1