منتديات غرام

منتديات غرام (/)
-   أرشيف الروايات المغلقة - لعدم إكتمالها (https://forums.graaam.com/157/)
-   -   روايتي الاولى : ودي عيونك ما تفارق عيوني (https://forums.graaam.com/580863.html)

موج الزمان 11-08-2014 01:41 AM

روايتي الاولى : ودي عيونك ما تفارق عيوني
 
بسم الله الرحمٰن الرحيم

اضع بين يديكم روايتي الاولى ( ودي عيونك ما تفارق عيوني ) للكاتبه ( موج الزمان )

الشخصيات :

الجد محمد ( الجده متوفيه)
الجد عنده ثلاث اولاد

عبد العزيز ( ابو عزام ) << متوفي
( ام عزام : طيبه و حبوبه )
( عزام : 28 سنه طووويل ابيض و جسمه رياضي ، شعره اسووود حريري و عيونه لونها اخضر غريب و نظرته حاده حواجبه مرسومه ، انفه سلت سيف و شفايفه ورديه و اللي مميزه اكثر الجرح اللي بحاجبه اليمين مخليه يخقققق << يدير شركات العايله )

( دلع : 19 سنه قصيره شوي و جسمها نحيف ، شعرها لاخر ظهرها لونه اسود ، بيضاء و عيونها عسليه و انفها سله سيف ، و شفايفها ورديه تقريباً فيها شبه من عزاام بس عزام احلى )

( عنج : 19 سنه ، توأم دلع تشابها مررره بس شعرها قاصته بوي عشان يميزو بينها و بين دلع )


عبدالله ( ابو فهد ) << طيب و حبوب ووقت الجد جد
ام فهد ( طيبه و همها عيالها )
( فهد : 25 سنه طويل و جسمه رياضي ، حنطاوي و عيونه سوداء و انفه سلت سيف و شعره اسوود لنهايه رقبته ، شفايفه كرزيه و اللي محليه اكثر السكسوكه اللي تحت شفايفه << متزوج جنى بنت عمه احمد و يشتغل في شركات العايله )

( طلال ؛ 23 سنه طويل و ضعييييف شعره اسود و عيونه سوود ، ابيض و انفه سلت سييف و شفايفه كرزيه صغيره ، حلووو مثل اخووه )

( احمد : 22 سنه ، طويييل و جسمه رياضي ، حنطاوي و عيونه رماديه و حواجبه مرسومه ،انفه سلت سيف و شفايفه متوسطه كرزيه << يشتغل في شركات العايله )

( ليان : 20 سنه طولها متوسط ، نحيفه و شعرها بوي صابغته بني فاتح ، بيضاء و عيونها بنيه و انفها صغير و شفايفها مليانه بس حلووه << وقفت دراسه )

( لين : 16 سنه طولها متوسط و مربربه شوي مو متينه و لا ضعيفه ، شعرها اسود ويڤي لنص ظهرها بيضاء و عيونها بنيه انفها سلت سيف و شفايفها كرزيه مليانه شوي << ثاني ثانوي )


احمد ( ابو فيصل ) <عصبي شوي بس طيب
ام فيصل ( طيبه و حبوبه )

( فيصل : 25 سنه ، طويل و جسمه رياضي ، ابيض و شعره بني ، انفه سلت سيف و عيونه عسليه و شفايفه ورديه مرسومه و يخققق << يشتغل دكتور في مستشفى ابوه فاتحه له )

( جنى : 20 سنه طويله وشعرها لكتفها لونه اسود ، بيضاء و عيونها عسليه انفها صغير و شفايفها ورديه مليانه و حلوه << زوجه فهد )

( رهام : 19 سنه طولها متوسط و تشابه جنى كثيير بس اللي يميزها الغمازه اللي بذقنها << تدرس اداره اعمال )

( ملاك : 18 سنه ، اسم على مسمى جمالها بدوي اصيييل ، قصيره نوعاً ما و جسمها مثل عارضات الازياء ، شعرها ناعم لاخر ظهرها لونه اسوود و عيونها سوداء و حواجبها مرسومه رسم و انفها سلت سييف و شفايفها كرزيه متوسطه مرسووومه و عندها غمازه في خدها الايسر يعنى بالاحرى تخقققق )


البارت الاول :


ملاك و هي تجري لخيلها : ي التبن انتظريني بتسابق معك
دلع : محد تبن غيرك
غنج : اللي تخسر العشا عليها الليله
ملاك تكلم دلع : سمعتي ؟ العشا عليك الليله
دلع : في احلامك
ملاك : راح نشووف
هيام : ووووون تووووو ثريييي قوووو
و صارو دلع و ملاك يتسابقو بس ملاك لمحت شخص واقف عند بوابه المزرعه و يلوح لهم
فجأه وقفت الخيل و صرخت بأعلى صوتها : طلوووووووول
كل البنات التفتو للجهه اللي تناضرها ملاك و اتفاجأوو بوجود طلال و كلهم صارو يتسابقو مين اللي يوصل له قبل
لين و هي تضم طلال : ي الدب ليه م قلت لنا انك راجع
طلال و هو يضم ليان " يعني صار ضام لين و ليان " : ابد حبيت اسويلكم مفاجأه
البنات : و احلى مفاجأه
طلال بضحكه : ي رباااه لهل الدرجه انا محبوب
ملاك : لا تصدق نفسك بس اشتقنا لمقالبك و ليه واقف هنا تعال سلم على الشياب و الشباب كلهم في المجلس الخارجي جالسين يتقهوون

ملاك راحت ركض للمجلس الخارجي و صفقت الباب بقوووه
ملااك : طلووووووول وصللل
ام فهد بفرحه : وينه
ملاك : جاي مع البنات
دخل طلال و استلمته امه بالاحضان : يممه ولدي ليه ما قلت لنا انك راح تجي اليوم
طلال و هو يبوس يد امه : حبيت اسوي لك مفاجأه يالغاليه و لا شرايك !
ام فهد : و احلى مفاجأه يمه
بعد طلال عن امه و سلم على ابوه و جده و عمامه و وصل للشباب
ضم احمد بقوووه : اشتقت لك ي الدب
احمد : و انا اكثر
فيصل و هو يضرب طلال على ظهره : يقولون انك تزوجت بريطانيه
طلال فك احمد و ضم فيصل : لا تتبلى علي ي التبن ،، لا تسمعك الوالده بس و الله انها تقتلني
سلم طلال على الكل عدا شخص م كان موجود و جلس جنب امه و مسك يدينها
الجد : وينه عزام !
احمد : شفته طالع الصبح قال انه رايح الشركه عنده كم شغله لازم يسويها
الجد : دق عليه خله يجي
احمد : امرك
طلع احمد الجوال من جيبه و دق على عزام ،، بعد كذا رنه وصله صوت عزام المبحوح
عزام : الوو
احمد : الووو ،، عزام تعال المزرعه جدي يبيك طلول رجع من السفر
عزام : الحمد لله على سلامته مسافه الطريق و اكون عندكم

سكر احمد الجوال : يقول مسافه الطريق و هو هني
ملاك و هي تدف ليان على الخفيف و بهمس : تكلمي
ليان بنفس الهمس : لا ليه مو انتي
ملاك بتكشيره و بهمس : ي ليل القلق طيب طيب
ملاك بصوت مرتفع شوي : جديي ليه م نسوي حفله برجوع طلال بالسلامه
الجد ببتسامه : جبتيها ي بنت احمد
ملاك و شوي و ترقص : يعني موافق
الجد و بنفس الابتسامه : اي ،، ان شاء الله بكره كونو جاهزين راح نسويها هنا بالمزرعه
ملاك و هي ترمش كذا مره : جدي ممكن اعزم صديقتي اليوم تجي هنا
الجد : ليه لا اعزميها و اعزمي اهلها
ملاك راحت باست راس جدها : تسلم ليه

دخل المجلس بكشخته المعتاده و ريحه عطره القويه اللي سبقته : السلام عليكم
الكل : و عليكم السلام
دخل و سلم على طلال و ضمه : الحمد لله على السلامه
طلال : الله يسلمك
بعد عن طلال و راح جهه جده و سلم على راسه و جلس جنبه
الجد : ليه تأخرت ي وليدي
عزام : كان عندي كم شغله م تتأجل
الجد ببتسامه و حط يده على يد عزام : العمر يخلص و الشغل عمره م يخلص

عند ملاك ،،
طلعت من المجلس و اتصلت على صديقتها ساره
ساره : الوووو
ملاك : فزززي بسرعه و بدلي ملابسك و تعالي مزرعه جدي انتي معزومه مع اهلك و
قاطعتها ساره : شوي شوي اصبري اسأل ابوي و اخبرك
ملاك : الحين تسأليه
ساره : طييب ثواني ادق عليه و اسأله

سكرت منها و بعد خمس دقايق دقت ساره
ساره : الوووه
ملاك : ها وافق ابوك ؟
ساره : اي بس انا راح اجي
ملاك : ليه م راح يجو !!
ساره : ابوي يقول عنده اجتماع و امي راح يجونها صديقاتها
ملاك : طيب استناك لا تتأخري سلااااااام
ساره : سلام

سكرت ملاك الجوال و راحت تخبر البنات بجيه ساره

،،

العصر على الساعه 4 وصلت سارره المزرعه و سلمت على الحريم و صعدت مع البنات وحده من الغرف اللي يلتمو فيها ، فصخت عباتها و جلست تسولف مع البنات
ملاك كانت واقفه عند الشباك و فجأه صرخت : ساروووه تعالي
ساره فزت جنبها : ايشش فيه
ملاك و هي تأشر على الشباب : شوفي اللي لابس ثوب و شماغ ابيض و الكبك الالماس
ساره و هي ماسكه قلبها و تسوي نفسها بيغمى عليها : ي وييلي يخقق ابو عيون خضرر ، من هذا !
غنج بضحكه : اموووت عليه اخويي ساحر الهبلات
ساره : احلفي هذا اخووك يخقققققق
ملاك بضحكه : مالت عليك و على اخوك قالت ايش ساحر الخبلات محد خبل غيرك و غيره
و لفت على ساره تكمل لها : و شوفي هذا اللي لابس تي شيرت احمر و جينز ازرق هذا احمد فاصل بس عنيييد و اللي ف راسه يسويه و اذا عصب ي ويلك لو قربتي منه ، و اللي جنبه ابو التيشرت الاسود طلال هذا الله يسلمك راعي مقالب و فاصل و مرووق على طول ، و هذاك الي لابس برموده و يتكلم في الجوال فهد طيب و حبوب بس وقت الجد جد و عصبي شويات ، و الوسيم اللي لابس ثوب و شماغ احمر اخوي فيصل هذا فال ام امها و ما احد هامه ابد

ساره و هي ترمش اكثر من مره : عزام احلى منهم كلهم
ملاك : اي صح ما قلت لك عن عزام ، عزام الله يسلمك كتله من الجليد ودي في يوم اشوفه معصب بس ما في اي امل و عنييييد مره و فوق هذا يهابه ويحترمه الكل و مستحيل يثني كلمته ابد

عنج : بسكم حش في اخوي و تعالن نجهز لبكره



نهايه البارت
طبعاً قصير البارت بس هو عباره عن تعريف للشخصيات لا اكثر
اتمنى اشوف ردودكم عشان اتحمس و اكمل

همس الخواطر.. 11-08-2014 02:21 AM

رد: روايتي الاولى : ودي عيونك ما تفارق عيوني
 


بداية موفقة يا عسل

عندي تعليق على بدايتك للرواية
كان احسن لو ما عرفتينا عالشخصيات واحنا نعرفهم مع الأحداث


وانتي معتمده عالحوار وعلى شكل الشخصيات بس ما وصفتي اي شيء
الوصف يخلينا نتخيل الحدث معاكي
اوصفي لبسهم المكان الي جالسين ديكوره اضاءاته
علشان نتحمس معاكي أكثر


استمري عزيزتي وكملي الأجزاء (: تقبلي مروري


monaleeza 11-08-2014 02:36 AM

رد: روايتي الاولى : ودي عيونك ما تفارق عيوني
 
سلاام
بداية جميلة وموفقة
ويشرفني أكون من متابعين روايتك
تحياتي : موناليزا

موج الزمان 11-08-2014 01:54 PM

رد: روايتي الاولى : ودي عيونك ما تفارق عيوني
 
اقتباس:

المشاركة الأساسية كتبها همس الخواطر.. (المشاركة رقم 25750822)


بداية موفقة يا عسل

عندي تعليق على بدايتك للرواية
كان احسن لو ما عرفتينا عالشخصيات واحنا نعرفهم مع الأحداث


وانتي معتمده عالحوار وعلى شكل الشخصيات بس ما وصفتي اي شيء
الوصف يخلينا نتخيل الحدث معاكي
اوصفي لبسهم المكان الي جالسين ديكوره اضاءاته
علشان نتحمس معاكي أكثر


استمري عزيزتي وكملي الأجزاء (: تقبلي مروري



شكرا خيو على مرورك و ان شاء الله راح تتحمسو في الاجزاء الجايه :graaam (99):

موج الزمان 11-08-2014 01:55 PM

رد: روايتي الاولى : ودي عيونك ما تفارق عيوني
 
اقتباس:

المشاركة الأساسية كتبها monaleeza (المشاركة رقم 25750879)
سلاام
بداية جميلة وموفقة
ويشرفني أكون من متابعين روايتك
تحياتي : موناليزا


لي الشرف انك تتعابعي روايتي :graaam (46):

رَنِيـْــِـنْ آسْــرَآهَا 11-08-2014 02:24 PM

رد: روايتي الاولى : ودي عيونك ما تفارق عيوني
 
سّلامُ عّلُيّكمُ

بُدًايّة رًائّعة لُكنَ لُوٌ تّحَاوٌلُيّ بُقًدًرً الُامُكانَ تّزّيّدًيّ الُسّرًدً

حَاوٌلُيّ لا تّسّرًعّيّ الُاحَدًاثٌ لانَهّ يّفُقًدً الُرًوٌايّة تّمُيّزّهّا وٌ رًقًيّهّا

وٌ حَاوٌلُيّ يّكوٌنَ الُخِطِ كبُيّرً فُيّ الُبُارًتّاتّ الُقًادًمُة.

دًمُتّيّ بُوٌدً

تّقًبُلُيّ مُرًوٌرًيّ

موج الزمان 11-08-2014 03:17 PM

رد: روايتي الاولى : ودي عيونك ما تفارق عيوني
 
اقتباس:

المشاركة الأساسية كتبها رًنَيّنَ (المشاركة رقم 25753924)
سّلامُ عّلُيّكمُ

بُدًايّة رًائّعة لُكنَ لُوٌ تّحَاوٌلُيّ بُقًدًرً الُامُكانَ تّزّيّدًيّ الُسّرًدً

حَاوٌلُيّ لا تّسّرًعّيّ الُاحَدًاثٌ لانَهّ يّفُقًدً الُرًوٌايّة تّمُيّزّهّا وٌ رًقًيّهّا

وٌ حَاوٌلُيّ يّكوٌنَ الُخِطِ كبُيّرً فُيّ الُبُارًتّاتّ الُقًادًمُة.

دًمُتّيّ بُوٌدً

تّقًبُلُيّ مُرًوٌرًيّ


شكرا على مرورك و على نصايحك و ان شاء الله بعوض في البارت الجاي
انتضروني بعد اذان المغرب <3

روعة غلا 11-08-2014 05:23 PM

رد: روايتي الاولى : ودي عيونك ما تفارق عيوني
 
واااااااااااااااااو روووووووايتك حلووووووه
عندي طلب ارجوك لاترديني
كبيري الخط 5 واختاري شكل الخط هذاArial
خلي تنزل الباااااااااااااااارت 3 ايام في الاسبوووووووووع عشان خاطري
مو مهم الردود اهم شي المشاهدين وعدد المشاهدين حلو
بلييييييييييز نزلي باااااااااااااارت
ارسلي رابط الرواية على الاعضاء عشان تلقى تفاااااااعل

موج الزمان 11-08-2014 06:19 PM

رد: روايتي الاولى : ودي عيونك ما تفارق عيوني
 
اقتباس:

المشاركة الأساسية كتبها روعة غلا (المشاركة رقم 25754791)
واااااااااااااااااو روووووووايتك حلووووووه
عندي طلب ارجوك لاترديني
كبيري الخط 5 واختاري شكل الخط هذاArial
خلي تنزل الباااااااااااااااارت 3 ايام في الاسبوووووووووع عشان خاطري
مو مهم الردود اهم شي المشاهدين وعدد المشاهدين حلو
بلييييييييييز نزلي باااااااااااااارت
ارسلي رابط الرواية على الاعضاء عشان تلقى تفاااااااعل



مشكووره حبيبتي :graaam (290):
راح انزل كل يوم بارت بعد اذان المغرب الى 12 << في حدود هذا الوقت :graaam (163):

موج الزمان 12-08-2014 12:10 AM

رد: روايتي الاولى : ودي عيونك ما تفارق عيوني
 
البارت الثاني :


****
ربما يبيع الانسان شيئا قد شراه
لكن لا يبيع قلباً قد هواه لا تسألني عن الندى فلن يكون ارق من صوتك
ولا تسألني عن وطني فقد اقمته بين يديك
ولا تسألني عن اسمي فقد نسيته عندما احببتك.
****

تسلل ضوء الشمس بقوه ليسقط على عينها الناعسه ف وضعت يديها على عينيها لتمنع اشعه الشمس من المرور و صرخت ملاك : يماااااااه سكري الستاره تكفيين نبي ننااااااااام .. ولفت على الجهه الثانيه و غطت راسها بالبطانيه
ام فيصل و هي تسكر المكيف : يالله قدامي اذن الظهر و ليه كلكن نايمات على الارض كذا حتى انتي ي جنى المتزوجه و العاقله تاركه زوجك و جالسه مع الخبلات
جنىى بنعاس : يمممه خلينا ننااااام
رهام و هي تشيل البطانيه عنها : طيب طيب قايمات
رهام تجر عنج : قوومي يالله
عنج بنعاس : اتركيني
ام فيصل بعصبيه : كم مره انا قلت لكن لا تلبسن هذا اللبس الفاصخ بالمزرعه
رهام و هي تناظر ملابسها اللي كانت عباره عن شورت لنصف الفخذ اصفر و بدي ابيض : يمه وش فيك احنا هنا في الغرفه ما راح ننزل بهذي الملابس
دلع بعدت البطانيه عنها و شعرها منكوش و لابسه بجامه ورديه اكمامها طويله مرسوم عليها سبونج بوب : استغفر الله
لين و ليان قامن من دون نقاش و رحن ياخذن شور << شطار
ام فيصل تشيل البطانيه عن ملاك بس ملاك مسكتها بقوه ،، ام فيصل : بنتتتت
ملاك و هي تغطي راسها بالبطانيه : يمممه ٥ دقايقق بسسس
ام فيصل : يالله قدامي لا اغرقك بالمويه
و لفت ام فيصل تكلم دلع : دلع جيبي لي كاسه مويه بااارده الله يرضى عليك
دلع ابتسمت بخبث : حاااظرر على امرك
ملاك فزت على طولها : قمت خلااص
ام فيصل : خذن لكن شور وصلن و انزلن عشان نتغدى
الكل : ان شاء الله
خرجت ام ملاك من الغرفه و البنات اللي تاخذ شور و اللي تصلي اما ملاك اخذتها فرصه و كملت نومها

في المجلس الخارجي ،،


الجد ماسك عكازته البنيه المنقوشه بالابيض و متناثر عليها بعض من الاحجار الكريمه و متوسط المجلس اللي على شكل حرف " c " يكتسيه اللون البني و داخل معه اللون الذهبي و الجلسه البنيه اللي ماخذه شكل المجلس و مطرزه من على الاطراف بالون الذهبي الفخم و اضواء صفراء هادئه و السرميك باللون البني و بالوسط دائره بالون الذهبي مزركشه باللون البني على الاطراف و داخل الدائره موجوده دائره صغيره في الوسط مزركشه على الاطراف بالون البني و طاوله بنيه تتوسط المجلس ، و اللي معطيه اطلاله احلى النوافذ الفرنسيه الفخمه
و على يمين الجد ابو فيصل و ابو فهد و في اخر المجلس طلال و فهد و فيصل كل واحد ملتهي بجواله
الجد يكلم فهد : فهيد قم صب قهوه
فهد ترك البلاك بيري و بصوت ما يسمعه الا طلال اللي كان جالس جنبه : مدري وش شغلته الصباب
طلال بضحكه : ليه في صباب دام انك موجود ؟
طنشه فهد و راح يصب قهوه للجد و ابوه و عمه و حط الدله على الطاوله و رجع للبلاك
فيصل بترييقه : قمم ي صبي بلاك م قهويتنا
ما حس الا بعلبه المناديل على راسه ،،
فيصل : فهيد ووجع
فهد : فهيد بعينك اصغر عيالك انا
ابو فهد بشويه حمق : اطفال انتم
الجد بهدوء يناظرهم و يشرب من فنجال القهوه و بعد ما كمل الفنجال التفت الى فيصل : فصيل قم صب لي فنجال ثاني
فهد بضحكه : ههههههههههههه و الله ان الدنيا دواره
فيصل يغير نبره صوته و يقلده : و الله ان الدنيا دواره ،، و رجع صوته : عساك دوره براسك ما تقوم منها
فهد : صدق انك شايب
فيصل طنشه و صب القهوه باليد اليمين و مد الفنجال باليسار : سم يالشيخ
الجد ضربه بعكازته على رجله : انت م تستحي
فيصل بستغراب : وش سويت !!!
فهد و طلال م قدرو يمسكو ضحكتهم على شكله : هههههههههههههههههههههههههه
ابو فيصل غطى وجهه من الفشيله : انا متبري من ذا الولد ماهوب ولدي
فهد و طلال زادت ضحكاتهم
طلال : ههههههههه اعطه باليمين ههههههههههههه فشلتنا يا اخي
فيصل ضرب جبهته بيده : اي صح .. و لف عليهم : انكتمو لا بارك الله فيكم جاهزين للشماته بس
فيصل مد القهوه بيده اليمين لجده : السموحه ي الشيخ تفضل
الجد اخذ القهوه و بضحكه : زاد فضلك
رجع فيصل الدله على الطاوله و راح بتجاه الشباب و جلس جنبهم

...

عند دلع

لبست تي شيرت بنك مكتوب عليها كلمات بالانج باللون الابيض و برمودا جينز لنصف الساق و فلات بنك و رفعت شعرها ذيل حصان و ما حطت اي شيء على وجهها

نزلت بسرعه على الدرج و عيونها تدور في المكان حتى طاحه عيونها على المرايا الكبيره عاكسه صوره عزام جالس على كنبه بنيه من الجلد الطبيعي و امامه طاوله متوسطه من الزجاج حاط عليها الابتوب مع مجموعه من الاوراق المبعثره بأهمال و لابس تيشيرت ازرق و برمودا جينز اسود و شعره مبعثر على وجهه باين انه قاعد من النوم

ابتسمت دلع على شكله حتى و هو قاعد من النوم يخقق ، قربت منه و صارت واقفه جنبه بس هو ما حس عليها ابد لانه مندمج في الاوراق
دلع باسته على خده : مساء النور ي احلى اخو
عزام تفاجأ و ابتسم ابتسامه خفيفه : مساء النور
مسكها عزام من يدها و جلسها بحظنه مثل الاطفال و صار يمسح على شعرها
دلع بضحكه : من صغري و انت تسوي لي هذي الحركه
عزام ببتسامه : كيف !
دلع : تجلسني بحظنك و تمسح على شعري تحسسني اني طفله
عزام بضحكه : ههههههههه راح تظلي في عيوني طفله مهما كبرتي ،، و انتي ليه نازله كذا بدون غطا .. بسرعه البسي غطا و بعدين تعالي
دلع : طيب بس لا تعصب

.....

على الساعه ٤ الفجر

صحت ملاك من نومها و اخذت دش و صلت الصلوات اللي فاتتها و لبست جينز سكني رمادي و تيشرت ابيض فيه رسمه بنت صغيره باللون الرمادي و لبست كعب ابيض عالي " مكرمين " و حطت قلوز لماع و كحل على طرف عينها و فكت شعرها

سمعت اصوات البنات و طلعت من الغرفه تدورهن و لقتهن في وحده من الغرف مع الكوافيره اللي ماسكه جنى و تحط لها مكياج
ملاك : مساء الخير
الكل : مساء النور
ليان : ملاك ووجع توك قاعده !
ملاك و هي تجلس على الكنبه : شرايك انتي
لين : بسكم هذره ما بقي الا انتم ثنتينكم ما جهزتو و الا احنا كلنا جاهزين
كملت الكوافيره من جنى و بدت في ليان
اما ملاك كانت ماسكه المجله مع غنج تختار لها تسريحه حلوه و ناعمه
ملاك : سوي لي هذي
الكوافيره : ذوقك عن جد حلوو
ملاك بيتسامه بانت فيها اسنانها المصفوفه مثل حبات اللؤلؤ : شكرا
ملاك تكلم رهام : رهامو وين امي
رهام : رهاامو بعينك .. امي مع خالتي ام عزام و خالتي ام فهد جالسات بالصاله اللي تحت
ملاك و هي ماسكه بطنها : يووووه جوعااانه مرره وحده منكن تجيب لي اكل
دلع : الخدم مالين المزرعه دقي ع المطبخ و راح يجيبو لك اكل
ملاك و هي ترمش كذا مره : دقي انتي
دلع و هي تدق على المطبخ : اففف منك .. الوو جيبي اكل حق ماما ملاك فوق بسرعه قبل تاكلنا
ملاك : ماما بعينك


...


(( دلع و غنج : فستانهم بدون كم قصير من الامام و طويل من الخلف و عند البطن حزام ذهبي ، دلع لون فستانها اسود مع مكياج اسود مدموج بذهبي و روج بنك مع كعب اسود عالي ، اما غنج فستانها لونه تفاحي و حطت مكياج تفاحي و روج بنك فاتح ، و خلو شعرهم مفتوح ))

(( ليان : فستانها اصفر بدون اكمام و يوصل لفوق الركبه منفوخ و يريبط بشريطه كبيره من الخلف ، و لبست كعب اصفر عالي ، سيحت شعرها حطت مكياج ذهبي حلوو و روج بنك ))

(( لين : فستانها ابيض طويل و واسع شوي و من تحت الصدر فيونكه سوداء، و لبست كعب عالي اسود و فيه فيونكه صغيره ابيض و شعرها ويڤي مع مكياج فضي و روج احمر صارخ ))

(( جنى : فستانها اسود مخملي يوصل لتحت الركبه مع اكمام لنصف الذراع و مفتوح من جنب لنصف الفخذ مع كعب اسود عالي ، و شعرها ويڤي جامعته كله على جنب و مكياجها اسود نااعم و روج احمر صاارخ ))

(( رهام : فستانها اسود بدون اكمام يوصل لفوق الركبه و فيه جرار من الخلف لونه ذهبي و لبست كعب ذهبي و شعرها رفعته بتسريحه حلوه و مكياجها اسوود مع روج احمر ))

(( ملاك : لابسه فستان احمر بدون اكمام يوصل لفوق الركبه و من جنب فتحه توصل لنصف الفخذ و ظهرها عاري و يتسكر بفيونكه كبيره سوداء ، و لبست كعب اسود عالي ، شعرها رافعته بتسريحه ناعمه و مكياجها لونه اسود متداخل معه شويه اسود مع روج احمر صارخ ))

.....

على الساعه ٩ وصلو كل المعازيم الرجال بالمجلس الخارجي و النساء بالحديقه ، الحديقه صارت شيء خيالي .. النخيل كلها ملفوفه بالزينه و الطاولات مغطيه بشاش ابيض و على كل طاوله مجموعه من الشوكولاته الفرنسيه و ورده حمراء في مزهريه بيضاء و بعض الشموع البيضاء و الحمراء و غير الديجي اللي يضج صوته في المكان & طبعاً حبيت اخبركم ان المجلس صاير في الجهه الثانيه من المزرعه بعيد عن الحديقه &

ملاك و هي تأشر على وحده لابسه فستان اخضر : ليان ناظري ذي
ليان : اللي لابسه فستان اخضر صح ؟
ملاك : ايي هذي الله يسلمك كانت متزوجه مرتين و الحين متزوجه الثالث و مسويته خروف مدري وش لاقي فيها لا جمال و لا اخلاق عدله دايماً نفسها واصله لسقف انفها و شايفه نفسها على الناس
ليان : ايووووه وولدها الله يسلمك بنفس عمرنا تقريباً و ما تدري عنه ابد
ملاك و هي تاخذ العصير من الخدامه و تشرب منه : الا وين رهام ؟
ليان : شفتها من شوي مع لين و التوأم جالسات عند هذيك الطاوله ( و تأشر على طاوله موجود عليها لين و جنى و التوأم )
ملاك عقدت حواجبها : مب هنا

...

عند طاوله لين و التوأم و جنى

كانو جالسات يشربن عصير و يحشن على الناس طبعاً .. جاتهم ملاك و ليان يسألن عن رهام
لين : من ١٠ دقايق تقريباً كانت هنا و جاتها مكالمه و اختفت بعدها
ملاك عقدت حواجبها : اهاا يمكن انها راحت الحمام " مكرمين "
و جلسو يكملن سوالفهن
...

في المزرعه ورى الاسطبل

دق عليها و سمع نغمه جوالها وراه
التفت لها و ضمها لصدره بقوووه
بعدت عنه بسرعه ووجها يعطي الوان
ضحك على حياها و مسك يدينها وقال :
شمس حبك في عيوني ما تغيب

وفي حنانك يا بعد عمري وفاء

فيك معنى الحب يا روحي يطيب

صادق شوقك وشوقي صفا

لو تروح بعيد من قلبي قريب

في غرامك هام قلبي واكتفاء

في غيابك مشتعل مثل اللهيب

ومن عرفتك شوق قلبي ما طفاء

ابتسم ابتسامه حلوه و همس بأذنها : اشتقت لك


نهايه البارت الثاني
نوقعاتكم


الساعة الآن +3: 04:00 PM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1