اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 06-04-2007, 07:46 PM
ikrama ikrama غير متصل
©؛°¨غرامي مشارك¨°؛©
 
آه من قلبٍ غدى حبه جنوني / كاملة


بسم الله الرحمن الرحيم

السلام عليكم والرحمه

حبيت انزل هاي القصه الحلوه واااااااااااايد

على ايــام البرد و الهوا القويه من شدتها تقطع الشيـر ,, و صوت البرق والرعد القوي ,, والامطار الغزير ,, و الجو البــارد من الخـاطر ,, ولا طيـر يطيـر فـ هالجو من كثر ما هوه يخوف ,, وعلى صوت الصُراخ و الصيـاح ,, كان في واحد يكرهه بنتـه لـدرجه انه يضربها كل يوم ,, ويدعي عليها بـ الموت كل يوم ,, ويضربها من شدة الضرب ساعات دم ينـزل ,, خلوني اعرفكم ع البنيـه ,,

فطـامي ,, عمرها 18 ,, ثالث ثانوي آخر سنه (طلعو النتايج الحين بتبدا الأجازه) ,, على نيتها و مالها خص فحـد ,, طيبـة و قلبها ابيض وتحب الكل ,, ونفس الوقت مظلومــة ,, جمالها رباني طالعه على امها ,, جمالها جمال الهنـود ,, شعرها طويل لين ركبتها اسود سواد الليل وغليض ,, عيونها وســاااع و سود ,, بشرتها بيضا هب وايد بس اوكيه ,, واللي محلنها غمزاتها الخفيفه ,, و خدها اللي ع كل شي يحمر لووول ,, وخاصه يوم تستحي .. و حبة الخـال اللي على خدها ,, مغززه شويه ,, وعليها جسم ماشالله عليها ,, وصوتها العذاب ,, بس يوم تبا تضارب تضارب صدق لانه محد يسلم من لسانها بس يوم تعصب اكثر شي ,, امهـا متوفيه يوم يابتها ,, وعقب تزوج ابوهـا وكان فـ خاطره انه فطوم تكون الولد ,, و من جي يكره فطوم ,, و ام فطـامي هنديـه وكانت حليوه و فطـامي تاخذ من امها وايد بس طبعاً فطـامي احلى ,, ومرت ابوها ماتحبها لانها تغار من فطـامي و بجمالها الربـاني ,,

واخيراً ترقبــوا جزء الأول ,,


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 06-04-2007, 07:47 PM
ikrama ikrama غير متصل
©؛°¨غرامي مشارك¨°؛©
 
الافتراضي


الجـــزء الأول

:: يـوم الخميــس ::

على صوت اذان الفير كانت فطـامي ناشه عليه ,, وعقب سارت تاخذ شاور و وعت ابوها و مرت ابوها و عقب سارت اتصــلي و تقرالها كمن آيه ,, ويوم خلصت حضرت الريـوق و دخنت البيت و عدلته و نظفته ,, كــل يوم على هالحـاله ,, وهيه صابره ,,

وعلى الساعه 6 ونص .. سارت فطـامي تلبس ثيـاب المدرسه و لفت شعرها الطويـل و حطت جحال خفيف و حطت شيلتها على راسها و نزلــت تحت ,, شافت ابوها و مرته ,,

فطـامي: السـلام عليكم ,, صبـاح الخيـر ,,
بو فطـامي + ايمان ((اللي هيه مرت بو فطـامي )) : وعليكم السلام ,,
فطـامي : شحالك ابويه ؟ شحالج عموه ؟و حبتهم على راسهم
بو فطـامي : يسرج
ايمـان : كنت بخيـر
فطـامي حطت فخاطرها و سكتت و جان تسير تشوف التيلفزيون شويه ,, ويوم خلص ابوها من الريوق شافها بعدها ماسارت المدرسه ,,
بو فطـامي : انتي بعدج ماسرتي المدرسه ؟!!
فطـامي : ليش ابويه تباني اسير الحيـن !! محد فالمدرسه !!
بو فطـامي : مالي خص مسودة الويـه ان شفتج عقب الساعه 7 الا ربع فالبيت ماتلومين الا عمرج فاااهمه !!
فطـامي انقهرت و بدون ماتحس قالت : ابويه شو تباني اسير اخم المدرسه من الحين ,, حرام عليك اذا انته ماتباني ايلس وياكم قولي بسير برع لين ما تستوي 7 !!
بو فطـامي يمط شعرها و يوقفهـا : والله و طول لسانج يا بنت الهنديه ,, ماتستحين على ويهج ,, وهوه يضربها ,, انا ابوج تقوليلي هالرمسه هاا ,, ويضربها بالقو,, ان طولتي لسانج مره ثانيه ماتلومين الا عمرج بذبحج بايدي فاهمه و يهدها على الارض ,,
فطـامي والدموع فعيونها : مشكــور ابويه ,,
ايمـان : تستاهل بنت اللذين ماتستحي ..
بو فطـامي : والله لا اعيشها الليل نهار و نهار ليل !!
ايمـان : خلاص الغالي ريح ولا تشيل هم خلها تولي ,,
فطـامي تسمع الكلام و تحس جنه حد يطعن قلبها و سارت فوق تسحي شعرها و عدلت عمرها وتذكرت الجاكيت الوردي هديه من ربيعتها لبسته ,, ونزلت تحت و سارت المدرسه ,, على فكره ترا فطوم تسير المدرسه مشي لانه المدرسه هب بعيده وايد ,, تمت تمشي لين ما وصلت المدرســه فاضيه و يمكـن 20 بنت فالمدرسه بس ,, تمت فالصـف هيه اول وحده ,, وعقب 10 دقايق بـدّو البنات ايون المدرسه ,,
اصـلا هم مداومين بس عشان يشوفون النتــائج ,,
ودقايق جان اوصلون عليـا و مريـم ,, هييل خوات بالرضاعه و عقب بتعرفون زياده عنهم ^_^ ايلسون ويا فطـامي 3 فالصف عدال البعض ,, شافو فطـامي حاطه راسها على الطاوله ,, سيده سارو صوبها
عليا : باسم الله عليج شوفيج !!
فطـامي و هيه ترفع راسها : ها لا مافيني شي !!
مريم : شو مافيج شي و خدج احمر و شفايفج فيها دم !!
عليا : شو مسوي ابوج بعد الله لا يسامح العدو اففف ياربيه فطووم 600 مره قلنالج تعالي عيشي ويانا ...
جان تقاطع فطـامي كلامها : شو قلنا علايه !!
مريم : خلاص عليا ,, قومي فديتج سيري الحمام !!
سارو الحمام و يابو ثلج من المطبخ و تمت فطـامي تقولهم السالفه وهيه تصيح وهم يهدون فيها ,,
كانو سايـرين المدرسه عشـان يشوفون النتـايج ,,
فطـامي : ياويل حالي انا 95,3 فديتني شطوره ..
مريوم : وانا 93,1
عليـا : ههه وانا 91,2
فطـامي : الله وناااااااسه ,,
مريوم : الف مبروك حبايبي ,,
فطـامي وعليـا : الله يبارك فيج ,,
وعقب روحو سارو البيـت ,, مريوم و علييا ,, فرحو اهلهم بـ النسب
اللي ترفع الرااس ,,

فطـامي وسارت البيت مشي كل العاده ,, جان تدخل البيت و بسرعه المطبخ خذتلها تفاحتين و ماي و شرده فوق ,, ماتبا ابوها ولا ايمان يشوفونها عن يحتشرون ,, سار فطوم تغسلت و صلت و كلت التفاحتين ,, كل يوم على هالحال نادراً تاكل اكل يشبع ,, بس الحمدالله ماكانــت تشكي من هالاكـل كل يوم تحمـد ربها ,, سارت طاحت ع الشبريــه ,, سارت الحمام بتغسل جسمها بس شافت الماي بارد ,, فغيرت رايها و دقايق تسمع صوت المطر الخفيف و خذت الكرسي و يلست فالبلكونه ,, و حجرت فطوم مجابله الشارع تقدر تشوف الساير و الراد عاد هيه تحب تطمش عليهم ,,

:: صوب مريم وعليـا ::

مريم : اقولج عليـوه شو رايج نسير المول ؟ و ناخذ فطـامي ويانا بمناسبة النسب الحلوه
عليا : هيه والله بس بيوافق ابوها >> وهيه حايسه بوزها
مريم : والله لا ايب راسه هههه بس تريي عليه بخبر اميه و بييج
سارت مريوم فوق تخبر امها عشان يسيرون المول ,,
مريم : اقووول ماماتي عادي نسير المول ؟؟
ام مريم: ويا منو ان شاء الله ؟
مريم : ماماتي لاتعصبين انزين انا و فطـامي و عليوه بليييييز وتسوي عمرها تغمض ..
ام مريم: لادام فطامي بتسير حافظنكم الله
مريم : تسلمين ماماتي

طلعت من الحجره و هيه فرحانه و تنزل من الدري بسرعه زين ما طاحت
عليا : ايييه شوي شوي ,, ها شو قالت ؟
مريم : اكيد مابتقول لا هههههه
عليا : يلا عيـل قردني الشيبه
مريم : افا عليج ,, جان تتصل ..

فبيت بو فطامي
ترن ترن ,, ترن ترن ,,

بو فطـامي : ألوو
مريم بدلع : السلام عليكم
بو فطـامي : وعليكم
مريم فخاطره وغــد بس براويك : شحالك عميه شخبارك انا مريم الـ ******
بو فطـامي : هلا والله بالغاليه مريم الريم ,, شحالج الغاليه شخبارج و شحال ابوج و امج ؟
مريم فخاطرها مالت والله يسرك الحال عميه كلهم بخيـــر ما يشكـون بـأس ,,
بو فطـامي : يا حيالله بالغاليه ..
مريم : الله يحييك اقول عميه ممكن ارمس فطامي شويه ؟
بو فطـامي : اكيد فديتج ,, وهوه يناديها ,, فطووم ,, فطوووم و صمخ
فطـامي وهيه نازله من الدري : ها ها ابويه آمر ,,
بو فطـامي : اندوج ربيعتج تباج ,,
فطـامي : الو
مريوم : مالت ع الحظ اللي انتي فيه .. بتخبرج قولي حق ابوج عادي تسيرين ويانا المول ؟
فطـامي فخاطرها تضحك على مريوم كان صوتها يضحك : ههههه ,, آآ ها مادري تعالي خبريه اندوج ,,
بو فطـامي : يا الخديه بلاااج ؟؟
فطـامي : تباك ..
بو فطـامي : آمري الغاليه ؟؟
مريوم : آآأأ عميه ممكن طلب صغنووني ؟
بو فطـامي : آمري الغاليه عيوني لج ؟
مريوم بصوت خفيف مالت على هالعم يوم جي من زينك ماباها عيونك تخوف ..
عليـا : ايييه انجبي و تضربها ع جتفها ..
مريوم : وابويه آآآآ .. اقول عميه عادي نودي فطوووم ويانا المول ؟؟
بو فطـامي : افا عليج الغلا عادي اكيد و خذو راحتكم بعد افا عليج انتي بس اندوج فطوم ..
فطـامي : الو
مريوم : هع هع هع واخيراً ..
فطـامي : غربلات هالضحكه
بو فطـامي : اقول فطوم انا بسير ويا حرمتي بيت اهلها .. ماوصيج اذا عطوج بيزات عطيني وياهم انا أولى ..
فطـامي فخاطرها ونعم الأب الصراحه الله وياكم ..
بو فطـامي : ايمااااان يلا تاخرنا
ايمان : يلا ييت ييت
بو فطـامي: يلا فمان الله
فطـامي : فداعة الله

طــاااااخ >> الباب ..

فطـامي : واخيراَ ما اصدق ههههه ..
مريم : افا عليج والله لا اقردنه كل يوم عيل يضربج و لا يظهرج ماعليج كل ما ظهرنا مكان بنوديج افا عليج انتي شرات اختنا و اكثر ,,
فطـامي : فديتكم والله ,,
مريوم : انزين اسمعي عيل ,, سيري لبسي اي لبس اوكيه هب لازم تنوره و لاتحطين شي فويهج بصفعج ,,
فطـامي و هيه فاجه عيونها : ليييـــش !! اسير المول وانا امبهدله ,,
مريوم : يا العنز عندنا مفاجأ لج يلا دقايق و بوصل عندج باي ,,
فطـامي : آآ ,, بـاي : هاي بلاها ,, ويا هالمفاجأت اللي يسونها مصايب والله ,,
سارت فوق و لبست عباتها و شيلتها و نزلت تحت تترياهم ,,
ترا بيتهم هب بيعيد وايد ,,

صوب مريم و عليا
مريوم : اقولج عليوه بصفعج زهبي كل شي فالكبت خلي البشاكير يزهبون العبي و الشيل و وتنانير ..
عليـا : مزهباات ,,
مريوم : عيل زهبي اللي قلتلج عنه و سيري خبري ابويه انه بنسير انزين و ماوصيج ..
عليـا : هههه ماعليج اعرف يلا انجلعي و دزتها باي ..
مريوم : ماتبوين و عقب سارت و ركبت السياره ,, دقايق جان توصل مريوم بيتهم ركبت السياره تسلمت عليها ,,
مريوم : اشوف عيونج !! قلتلج لاتحطين !!
فطـامي : والله هب حاطه طبيعي طبييعي !!
مريوم :غربلات العدو هههه انزين ..
فطـامي: اي مول ان شاء الله ؟
مريوم : امارات مول ..
فطـامي: الله يستتتتر .. غربلات العدو شو مسوين انتو !!
مريوم : ماعليج بتعرفين الصبر زيين ..

صوب عليا
دق دق دق
بو مريم : ادخل
عليا : باباتي !
بو مريم: هلا علايه
عليا وهيه تلوي عليه : ابوووويه ممكن طلب ؟؟
بو مريم: آمري !
عليا : باباتي بنسير المول انا و مريوم و فطوم عطنا ألوووووش
بو مريم: من عيوني الغلا ,, اندوج 1000 حقج و1000 حق مريوم و فطـامي خليها تيني انا ابا ارمسها ,,
عليا : ان شاء الله ابويه ,,


وعقب و صلو مريوم و فطوم و سارت فطـامي سلمت ع ام مريم و عقب سارو فوق
سلمت على عليا و تمو يسولفون كانت الساعه 4 ونص ..

فطـامي: اقولكم عادي اغسل جسمي الماي والله قفــطه ونزلت راسها ..
عليا : عادي فديتج بلاج والله مابينا شي قسم بالله صح مريوم ؟
مريوم : اكيد فديتج مالت عليها مادري متى بتفهم هالشي قومي الغلا سيري و عليوه سيري ييبي الكيكه و العصيير ..
فطـامي : لايكون هييج الكيكه !!
مريوم :هههههههههههه مانسيتيها هيه .. هاي هيه ..
فطـامي: وين الحمام ,, ههههه بتغســل بسرعه..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 06-04-2007, 07:48 PM
ikrama ikrama غير متصل
©؛°¨غرامي مشارك¨°؛©
 
الافتراضي


وعقب سارت تغسلت بسرعه مال 5 دقايق و ظهرت تمت بنفس الثياب لين ما تتريا مفاجأت عليا و مريم ,, وعقب تمو ياكلون و ضحك على فطوم لانها تموت على هالكيكه ويوم خلصو ..
مريوم : يلا عليوه تكشخي وانا بعدل فطوم ..
فطـامي : الله يستر
عليـا : بس طلبناج ..
فطـامي: تــم الساع !!
مريوم : ماتشوفين عمرج الا اذا قلنالج ..
فطـامي : ههههه خيبه انزيــن ,,

عليـا تعدلت بروحها و حطت شدو اسود و برتقالي كان الشدو خفيف وايد و حطت الاكسسوار و الجلوز البرتقالي الخفيف و لبست ثيابها و مريوم سوت حق عمرها اول شي وعقب سوت حق فطـامي ,, نفس الشدو طبعـاً و لبستها الاكسسـوار كلهم نفس الشي ,, تعرفون ليـــيش !!

لانه السبوع الي طاف عليا و مريوم ماخذين 3 اطقم نفس الشي (تنوره قميص جاكيت و شنطه و بوتو اكسسوار ) .. التنوره مخمل اسود وتحت شرات الكركش البرتقالي ,, و القميص هاي نــك برتقالي ,, و فوقه الجاكيت المخمل اسود ,, والشنطه مخمل عليها سلاسل على لون البرتقالي ,, و الجوتي المخمل (بوت) ,,

فطـامي : لبسكم خبال وايد ماشالله ,,
مريوم : حتى انتي شراتها
فطـامي : كيـــف !!
عليـا : مزيدين لج
فطـامي: والله !!
مريوم : هيه فديتج
فطـامي : بسرعه بسرعه ابا ابلس بليز !!
عليـا : هيه صح يوم بتخلصين سيري عند ابويه يباج
فطـامي: باسم بالله ليش ؟
مريوم : شو مابيسويلج شي اكيد بيسلم عليج و بيسولف وياج ماعليج والله دوم يقول احب اسولف وياها وناسه
فطـامي :ههههه حليله والله ..
مريوم : يلا خلص لبسي لبسج و ياويلج ان شفتي عمرج و البس هالاكسسور و الجوتي انزين ويوم بتخلصين قوليلنا بس امانه والله مانتشوفين عمرج !!
فطـامي ابتسمت : ان شاء الله ..
طلعو عليوه و مريوم من الحجره و فطوم تلبس ثيابها و هيه متشققه تبا تشوف عمرها بس ماتروم هههههه و يوم خلصت ,, ادخلوو
عليـا : غربلات بليس .. احلى منا !!
فطـامي : اصلا ابوني حلوه ..
مريوم : ماشالله يا عليج من الخاطر اوكيه
فطـامي : اشوف عمري ..
عليا : لاااااا يلا طوفي لبسي هالشيله وانزلي عند ابويه
و لبست شيلتها و سارت عند عمها ..
فطـامي : باسم الله ,, دق دق دق
بو مريم: تفضل
فطـامي : السلام عليكم
بو مريم: وعليييييييكم السلااام ,, هلا والله ,, حي الله بالبدو ,, شخبارج غناتيه اخبارج شو مسويه ..
فطـامي وهيه شاقه الحلج : يسرك الحال عميه و من صوبك ؟
بو مريم: يوم شفتج شفت بخيـر وجان يقوم و يلس فطـامي و يلس عدالها
بو مريم: اخبارج فديتج طمنيني عليج ؟
فطـامي: والله الحمدالله عايشين
بو مريم: اخبار ابوج ؟
فطـامي تغير ويهها : يسرك ..
بو مريم: اسمحيلي فديج
فطـامي: لا افا عليك عميه
بو مريم: الغاليه فطـامي بغيتج بشي بس و غلات امج ما تردينيه ..
فطـامي مستغربه : ان شاء الله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 06-04-2007, 07:49 PM
ikrama ikrama غير متصل
©؛°¨غرامي مشارك¨°؛©
 
الافتراضي


الجـــزء الثـاني

بو مريم: الغاليه فطـامي بغيتج بشي بس و غلات امج ما تردينيه
فطـامي مستغربه : ان شاء الله
بو مريم: ادري انه ابوج مايعطيج ولا شي و حتى مصروف المدرسه ,, بعتبرج بنتيه الثالثه و بفتحلج رصيد فـ البنك ,,
فطـامي وفاجه حلجها : بس عميـه ليشـ ها ...
بو مريم: لاتكملين انا ابا اساعدج ولا ترديني وانا بقول حق بناتي كل ما خذو حق عمارهم شي ياخذولج وهم اكيد ما بيمانعون
فطـامي ودمعت عينها : تسلم عميه وباسته ع راسه
بو مريم: لا لا ليش هالدمووع خربتي كشختج يلا فديتج خذي هالـفلوس ومعطي بناتي بعد وقلنا لاترديني ..
فطـامي : والله ماعرف كيف اشكــرك عميه ,, انا ابويه ماسوالي اللي تسويلي حتى يوم كنت صغيره ,, الله يخليك لي و السموحه ع المعثــه
بو مريم: افا عليج فطامي قلتلج انتي بنتيه الثالثه ,, الله يحفظكم وتحملو بعمـاركم ..
فطـامي قامت و لوت على بو مريم و حبته على راسه : الله لا يحرمني منك عميه ..
بو مريم ابتسم و حبها و سارت ,, بو مريم من قامت فطـامي تيهم البيت وهوه معتبرنا شرات بنته و اكثر ,, و يحبها وايد من جي يعاملها هالمعامله ,,

بعرفكم ع عائلة بو مريم و ام مريم
بو مريم اسمه (علـي) : ريـال طيـب ,, و يحب بناته وايد ,, و هب مقصـر وياهم فـ شي ,, خاصه عليـا ,, معتبرنا شرات بنته ,, من عقب وفاة امها و ابوها ,, عنده شركـه ,, وريـال معروف ,,
بو مريم اسمها (نـوره) : تحب عيالها وااااااايد ,, حرمه ماعليها كلام حبوبه و طيبه وايد ,, وهب مقصره ويا عيالها ,,
مريم : عمرها 17 قد فطـامي ,, حبوبه هالبنيه وايد ,, الكـل يحبها ,, حليـوه ,, عيونها بني غـامج ويها حنطـاوي ,, وجسمـي اوكيه ,, و تحــب فطيــم وايـد ,,

عليـا اخت مريوم بـ الرضاعه ,, هيه يتيمه ,, اهلها توفو فـ حادث سياره ,, وكان ام مريم ترضع عليـا يوم كانت امها تسير الدوام ,, و من عقب الحادث و فات امها و ابوها ,, عاشت وياهم واعتبروها شرات بنتهم واكثر ,, عمرها 17 قـد فطـامي و مريوم ,, حبوبه و حنطاويه شرات مريوم ,, عيونها عسليات ,, و تحب مريوم و فطـامي وااااايد ,,

واخيـراً راشد عمره 3 سنوات ,, يحب مريوم و عليـا وايد ,, So Cute هالولد

طلعت فطـامي من الغرفه و بس ماشافت عليا و مريوم ,, قالت اكيـد فوق

صوب البنات
فطـامي : انتو ليش سرتو عني ,,
مريوم : فطوووم شفتي عمرج اشوف الشدو اخترب
فطـامي : لا والله بس بيني وبينكم صحت ,, وقالتلهم السالفه ..
فطـامي : الحين والله مفتشله و كيف اخاف يوم ابويه يعرف يذبحني قسم بالله ..
عليا : ماعليج اذا بوج عرف وين مكان البطاقه او حس ونحنا ماندري بخلي ابويه يسوي طريقه عشان مايفتح
مريوم : ماعليج انتي تعالي بعدل عيونج الحلوه ,, عدلت عينها بس شويـه كان مخترب..
فطـامي : بخبرج حددتي تحت و سويتي شرات الظل ,,
مريوم : هيه فديتج يلا شوفي واذا تبغين تعدلين شي قوليلي ,,
فطـامي فجت عيونها وسارت صوب المنظره وهيه هب مصدقه اللي تشوفه ..
فطـامي : ياويل حالي انا بذوب على عمري اميه ليش جي مستويه ,, شو سويتيبي خليتيني حلوه زايده عن اللزوم و تغمزلهم ,,
عليا : افا عليج عدلناج عشان فالمول يخطبونج .. طابور وراج
فطـامي : مابا اعرس و يغصص بي
مريوم : هههه يلا يلا طوفو لبسو العبي
فطـامي سارت تلبس عباتها ,, عليا : لاااااااا هاي عباتج
فطـامي : بعـــد !!
مريوم : ابويه من يوم و رايح قالنا كل ما تشترون شي بنزيدلج
فطـامي : لا لا والله انا خايفه على الي نسويه
مريوم : ابووج ماله خص ابوج اهبل رشيه بكمن فلس و الله بيسكت
فطـامي : والله بيتم يحن عليه قسم بالله
عليا : نحنا يوم بنسوي الـShopping بندخل البيت وهوه مايدري و بندس الثياب ماعليج انتي ,,
مريوم : يلا خلونا نسير انتي لبسي هالعباه و شيله و لبسي هالبوت و خذي الشنطه و خذيلج كمن قلوز و الجحال عشان نتعدل هناكي
عليا : دااهيه قسم بالله
فطـامي : لا لا كشخه ههههههههههه بتخبركم وين الـ MP3
مريوم : وي وي وي فديت هالضحكه .. ها اكوه موجود خليه فشنطج يلا طوفو ..

توكلـو البنات و سارو امارات مول و فـ السياره
مريوم كانت فالنص و علايه و فطوم كانو صوب الدرايش ,,
فطـامي : عنبو كتمه اقولك فج الديشه بلاك قافلنها ..
وعقب الدريول فج حق فطوم ,,
فطـامي :يا ويل حالي والله اني ارتاح يوم اظهر من البيت
عليا : هيه يا بوج هب تمين 24 فالبيت هالمره كل ما بنظهر بنشلج ويانا
مريوم : غريبه ماقلتي حطو آآه من قلب ..
فطـامي و تزاعج : هيييييه حطوها لايكون هب حاطتنها فـ الـ MP3
مريوم : هههه حطيتها لاتحاتين ,, بوبكر حطلنا هالسيدي ,,
وبدت غنيـه حربي و الشـاجي بصوتهم العذب و فطـامي طايره من الفرح ,, لان هالغنيه تحبها موت
فطـامي تشل ويا الشاجي :

آآه من قلـب غدا حبـه جنونـي ,, وآآه من خل(ن) على بالـي طرا ,,
لي سطا فالروح و تملكـ شجوني ,, من صدوده يا ملا دمعي جرااااااا ,,

فطـامي : ياويل حالي ,, ابا فـاارس احلاااام يخبل شعره طويل و 24 ساعه ايوولي ..
بو بكـر : فطوم انته صوت واجد حلو ..
فطـامي : تسلم يا عزيزي
مريوم : هههههههههههههههههه ,, عطيني اخوه ,,
عليوه : انا ولد عمه ..
فطـامي : ويا هالويه ,, ههههه خلوه ايي اول فديته و فديت طاريه انا
مريوم : لا البنيه استخفت ,, انتي اي اي اي انجعمي شويه لاتخلييني انا بعد اتم اتحلم و عقب ايني واحد مايتشاهد !!!
فطـامي : ههههههههههههههههههه
مريوم : خبال قسم بالله تقهرين ويا هالغمازه
عليا : ههههه الله يحفظج ترا يقولون بعض الناس عيونهم حرا
فطـامي : لا امييه قريت ع عمري قبل لا اظهر من البيت اصـلا ,, ههههههه
مريوم : ههههه مالت عليكم ,, بتخبركم بسرعه شوفو الرنج السبورت السودا اللي صوب فطوم ,, !!
فطـامي و هيه تتأمل : ليني اركب فيها ,, عليا و مريوم بيظهرون من دريشت .. فطـامي : ونحنا بعد ,,
هههه المشكله انه ماكان حاط مخفي فـ كانو ولدين جدام و وكان في ولد متعصم فالنص بس ماشافوه نونو ,, وهم يشوفون كانو واقفين لانه اشاره حمرا ,,
فطـامي : اعتدلو غربلاتكم اكوه فج الجامه ,, آآ احم صوت خفيف : مالي خص
(*** 2):عنبـو هب شايفين اولاد
فطـامي : قسم بالله مانشوفكم نحنا !!
(*** 2): عيل منو تشوفون ان شاء الله ؟,,
فطـامي و هيه تلعب بشيلتها : هممم الرنج ,, وتسـكر الجامه
(***1) : هههههه شو قالت ؟
(*** 2): يشوفون السيـاره ,, هههههه حليلهم ,, شو رايك تخليها وردي احلى بيلحقونك البنات ؟
(***1)1 : هههه ماشي شغل ,, خل سيارتك جي
(*** 2): 2 : لا فديتني انا و لد
(***1): وجيه ان شاء الله انا شو !!
(*** 2):: مادريبك
(***1): عنتلاتك !!

صوب البنات
يوم سكت الجامه تمت اتشوف السيـاره ,, بس طبعا (***1)ماطاع انه يلحقهم ,, و عقب 5 دقايق و صلو المول ,, كان المول شويه زحمه ,, دخلو المول و فطـامي حاطه الـ MP3 وتسمع الاغاني ,, و دشو كمن محل و كل ما دشو ياخذون كل شي نفس الشي ,, شي حلو يوم الواحد يطقم ويا ربعه وناسه ,, مريوم وعلايه كانو يحاسبون بس فطوم خلصت جان تطلع و شافت كليرز و سارت صوبه وهيه تتعبث فـ الMP3 وتغني غنيه صوت ينسمع ..

من غلاك اتخيك دوم ف عيونــي ,,
شوف حالي كيف عقبــك مخطــرا ,, >> يوم قالت مخطرا تأشر بـ ايدها شرات حربي لوول ..
لك غلا لك حب في دمــي مخــزوني ,,
يا لزيمــي حتى في نومــي ترا ,,


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 06-04-2007, 07:50 PM
ikrama ikrama غير متصل
©؛°¨غرامي مشارك¨°؛©
 
الافتراضي


ماشافت الولد جان تدعمه
فطـامي بدون ما تحس : Oops I So sorry
(*** 1):: It's Okay
فطـامي بتسمت : السموحه
(*** 1): وهوه ساير : على فكره صوتج طر ,,
فطـامي : >_<
عليوه : انتي وينج ,,
فطـامي : .................. وجان ادعمه و بعدين ................ وبس >> ههه تقولهم السالفه
مريوم : شاطره ,, طوفي اندش كليرز ,,
عاد فطـامي تعشق هالمحل كل الاكسسوار اللي فالمحل عندها بفضل مريوم و عليوه هههه كل ما خذو شي يزيدون لها ,, دشو المحل وماخذو شي ماخذوه و عقب سارو ,,
كملو الـ Shopping و ماخذو شي ماخذوه ,, وسارو عقب صوب الالعاب ,,
مريوم : اقولج عليوه اتصلي حق بو بكر خله يشل الاغراض ,,
فطـامي نقعت من الضحك : ههههههههه حليله والله بيدعي علينا
عليوه : ههه جب جب حماره
وعقب اتصلو عليه و و صل و عطوه الاجياس و سارو صوب الالعاب ,, و سوو كرت بـ 200 حقهم هم الثلاث ,, تمو اول شي يحوطون و عقب لعبو لعبه اللي جي دائره و عليها كراسي على برع و ادور و تسير يمين و يسار ,, لعبوها وهم يضحكون 24 ساعه هههه واللي يشغل اللعبه مواطن ,, يوم بدا يسكر عليهم يا دور عليا سكر و عقب سار بيجهز اللعبه : ياخـي وايد راص عليه بموت !!
فطـامي : حتى انا >> وهيه ادز الحديده
مريوم : وانا .. ايه ايه شو ها بتكسرينه
الريال : هههههههه اضحكون انزين جي اوكيه الحين ؟
عليا : هيه اوكيه
وسار وعدل ما فطـامي و مريوم ,, و يوم سار بيشغل اللعبه ,, فطـامي : بتخبرك سرع اللعبه و طر الاغاني ,, السموحه ع الازعاج ..
الريال : هههههه ماعليه انزين وعقب لاتموون ازاعجون ,,
عليا : غربلاتج فطوم والله انج داهيه ..
و بدت اللعبه ,,
مريوم : وناسه ههههه
عليا : بصيح ..
مريوم : عن السخافه يادبه هههههه
بدت اللعبه و الصريخ لين آخـر المول ..
عليا : انجبي تراني استهل بس عشان
يقول اني دلوعه ..
فطـامي : وااااعليه عليج ,, اصلا انا الدلع كله مايليق لج صرختج صرخت اولاد شوفي انا ,, واااايه و تضحك صوت عالي ,,
عليا : انا صرختي شرات الاولاد يا العنز و اتم ادوس ريولها
فطـامي وهيه تزعج : واااااااايه ههههههههههههههه ,, بتخبـررك زيد زياااااااده ..
مريوم زعجت بصوت عالي : فطوووم لاتضحكين تقهريني ويا هالغمازه !!
فطـامي : ههههههههه تتمنينها اصلا ,,
يوم خلصت ,, فج الريـال عنهم ,,
عليـا : غربلاتج فطوم راسي دار ,, انته الثاني ماتصدق تسرع
فطـامي وهيه تنزل : لازم انا الشيخه ,, لازم ينفذ كلامي ,,
مريوم : هههه لاتصدق هب شيخه ولا شي !!
فطـامي وهيه رافعه خشمها فوق و تاشر بـ صبعها : غصبن عنج شيخه و غصبن ع اللي مايرضا بعد ..
الريـال : ههههههههههههههه ,,
وعقب روحو .. حاطو و سارو تصورو ,, وكل صوره اضحك ,, و يوم يايطلعون الصوره ,, ماطاع تم فتره..
فطـامي : وابويه انا شو ها فضيحه ليش ماطلع !!
عليا : اللي بيشوف صورتي يمموت !!
مريوم تبا تقهر بعليا : بسير ازقر راعي هاللعبه يظهري الصور
عليا : لااا يا المستخــفه بيشوف الصوره !!
فطـامي : هههه لاتزعجون فضحتونا ,, هممم اقولكم ويت شويه بسير و برد ,, فطـامي سمعت صوت صياح ياهل ,, بس ماتدري وين ,, جان تزقر البنات بس قالت و صور ,, خلني اسير بروحي ,, تمت ادور لين ماحصلت


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 06-04-2007, 07:51 PM
ikrama ikrama غير متصل
©؛°¨غرامي مشارك¨°؛©
 
الافتراضي


الجـــزء الثــالــث



فطـامي : هههه لاتزعجون فضحتونا ,, هممم اقولكم ويت شويه بسير و برد ,, فطـامي سمعت صوت صياح ياهل ,, بس ماتدري وين ,, جان تزقر البنات بس قالت و صور ,, خلني اسير بروحي ,, تمت ادور لين ماحصلت
واحد بو 3 سنوات لابس كندوره عنابيه و عصامه بيج ,,So Cute ,,
يت صوبه ,,
فطـامي : حبيبي شوفيك اتصيـح ؟
الياهل : ابي امدااان (حمدان)
فطـامي: وين باباتك وماماتك حبيبي ؟
الياهل : فالبيت >> ويصيح
فطـامي : كيف وفالبيت ,, حبيبي انته ويا منو ياي ,,
الياهل : يا امدااان و اموود (حمدان وحمود)
فطـامي شلته وباسته : لاتخاف حبيبي انا وياك ,,
الياهل صاح زياده ,, فطـامي : حبيبي شوفيك ؟؟ خافت جان تنزله
الياهل : واواااا ,, >> ويصيح
فطـامي : وين واوا حبيبي ؟
الياهل : انييه (هنيه)
فطـامي : باسم الله عليك حبيبي تعال انزين بوديك الحمام
فطـامي شلت الياهل و سارت الحمام ,, يلسته على الطاوله و غسلت ويهه ,, و مشت اليرح اللي ع ريوله ,, كان يلده متيلف ومن جي يعوره
فطـامي: حبيبي لاتصيح حمدان و محمد بتحصلهم تعال ويانا الحين اوكيه بشتريلك دبدووب وايد حلو ,, انته شو اسمك حبيبي ؟
الياهل : عبدالهمان (عبدالرحمن) ..
فطـامي : وايه فديت انا صوتك محلاااه ,, يلا حبيبي بلعبك و باخذلكم هديه وبنحصل حمدان ومحمد ..
عبدالرحمن وهوه يحرك راسه انه انزين ,, جان تسير و تيود ايده و سارو

صوب البنات

مريوم : فطووووم كيووووت ويت يايبتنه !!
فطـامي : ولدي مالكم خص فيه ..
عليا : خييه من متى ؟ ماشوف فيج كرشه !!
فطامي : لا ماعليكم يوم دريت اني حامل نفس اليوم ربيت ههههههههه
عليـا : حشى هب انسانه حيوانه !!
مريوم : حبيبي تعااال فديت روحك ,,
عبدالرحمن وهوه متيود فريول فطـامي: امااره (حمار) ويسير ورا فطوم وهوه متيود فيها
عليا : بعطيك حلاوه تعال .
مريوم : حمـاااره اللي محصتلنك !!
فطـامي : جنج سبيتيني .. عليووه لاتقصين عليه يادبه ,, حبيبي حماني ,, هذي خالوه اوكيه ,,
عبدالرحمن : آثف
مريوم : فديتك لاتتاسف ,, قمر والله ,, مطولين شعره بعد فديته وين شفتيه ؟
حرام شفته .........وعقب وديته الحمام ..... خلونا نونسه شويه وبالمره يمكن نحصل اخوانه ,,
عليا : اوكيه ,,
مريوم و هيه ماسكه ايده : شو اسمه ؟
فطـامي : حمني ,,
مريوم : فديته قمر والله
فطـامي : بتخبركم وين الصور ؟
عليا : غربلاتها 10 دقايق و طلعت الصور ,,
مريوم : ههههه خلاص ماعليه طوفو
المهم سارو يلعبونه ,, يوم خلصو شافو لعبه غريبه ,, عااد مريوم و فطوم يحبون المغامرات وايد
فطـامي : شكلها تخوف ,, تعالي نركبها
مريوم فاجه حلجها : قدها !!
فطـامي : افا عليج يلا طوفي ,,

الله يسلمكم هاللعبه جداام وين اطلعون صورلكم يوم ركبتو الالعاب ,, بس 2 يركبونها ,, شخطو البطاقه و سارو يركبونها ,, سكر الريال على مريوم و فطوم و دخل الحديده اللي تحتهم لوول الحين هم فالهوا ,, و عليا و عبدالرحمن تحت يشوفونهم ,, جدام فطوم و مريوم شاشه العدل التنازلي من 5 لين 1 من قال 1 اللعبه هدتهم جنه بيحيطون ع ويهم ,, عقب ردتهم على ورا و ع هالحال يمين يسار و تجلاب دائري
فـطامي بصوت عالي تصارخ : غربلاتها من حديـــــــــــــــده !!!!! يعووور
مريوم : امييييــــــــه بصييييح

ههههه الحديده اللي بين ريولهم راصه عليهم و يوم اللعبه تسير يمين و يسار ادق الحديده ع ريولهم ,, مريوم و عبدالرحمن زاغو جاان يسيرون داخل صوب الالعاب لوول لين مايخلصون طبعاً الصريخ لين داخل الالعاب ,, لووووول ,,

صوب الولدين
(*** 1) : غربلااات العدو وين سـاار حمانوه !!
(*** 2) : اييه تسمع صوت الصريخ !!
(*** 1) : هييه !!!! بل هب صريخ شو مستوي
(***2) : صوب الالعاب قوم يلا ,, و ركيييييييييض صوب الصوت ,, يوم و صلو انصدمو يوم شافو فطوم و مريوم
(*** 1) : بــــل طاع منو راكبنها !!! ربيعي يوم ركبها بغا يصيح !!
(*** 2) : لايكون الحديده !!
(*** 1) : هييه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 06-04-2007, 07:52 PM
ikrama ikrama غير متصل
©؛°¨غرامي مشارك¨°؛©
 
الافتراضي


فوق صوب البنات
فطـامي : اويه هييل !!! ياويلي توني انتبهه لابسين تنانير !!!
مريوم : يطالعونا !! فشله ,, يوم قالت فشله صرخت لانه الحديده يت عليها بالقو !!

(*** 2) : ههههههههههههههههههههههههههههه يضحكوون !!
خلصت اللعبه فطوم نزلت قبل مريوم و ماعليها من اللي موجود سيده يلست ع الارض و يودت راسها
فطـامي : OMG OMG كنت بموووت ,, جان تقووم ,, تهوس ع الويع اللي فريولها ,,و تنطنط .. آآآآآآي ياويلي بموت كيف بمشي يعور
(*** 2) : ههههههههه مسويين عماركن سوبر مان راكبين هاللعبه !! و صريخكم طار الدنيـا
فطـامي عدلت شيلتها : وانته شو يعورك .. كيفنا !! و روحت عنهم و مريوم لحقتها صوب الحمام سارو

(*** 1) : هههههههههه محد قالك
(*** 2) : طااااعو بنت اللذين ,, تقهر قسم بالله
(*** 1) : محد قالك ويا هالويه طووف خلنا ندور حمانوه الجلب !!!!

فطوم و مريوم سارو الحمام و تعدلو و عقب اتصلت مريوم ع عليـا ,, و حصلوهم
عليـا : خيبه صريخن طار المول !!
فطـامي قالت السالفه حق عليـا عن الولدين
مريوم : هذا يقهر اللي رمس فطوم فـ السيـاره !!
فطـامي : واااااااايد ..
عليـا : هههه بلاكم ماترومون تمشون
مريوم : غربلاتها عورتنا مابنركبها مره ثانيه تووبه !!
فطـامي : ههههه هيه والله ,,
عبدالرحمن : خالو ليش اتصارخين ؟
فطـامي : ماشي حبيبي يلا خلونا نسير
و عقب سارو المحل اللي فوق في العب ( Toy Store )دخلو ,,
مريوم : بتخبرج انا متكسره انتي يوم بتخلصين ازقرينا نحنا فـ هالكوفي انزين
فطـامي : اوكيه و تمسك بايد عبدالرحمن ,, حبيبي هذا حلو ؟
عبدالرحمن : ابا هالسيااره
فطـامي : من عيوني حبيبي ,, وخذ هالدبدوب حلو ؟
عبدالرحمن و هوه مستاااانس : هيييييييييييه ,,
فطـامي : ههههه فديت روحك و لوت عليه ,,
وعقب سارو يحاسبون ,, حطت السياره داخل الجيس اما الدبدوب اصر انه يشله بايده ,, شلت العلامه و عطرت الدبدووب
عبدالرحمن : اتــر ,, اتيلي ( عطر حطيلي )
فطـامي : ههههه اوكيه وحطلته و عطته الدبدوب و عقب سارت زقرت البنات وعقب سارو ,, مرو صوب ماكدونالز وهم كانو يبغون وجان عبدالرحمن بشوف ماكدونالز ,,
عبدالرحمن : الاااااه ماكدوونااالز ,, ابا ابا ابا خلووه ابا ابا وهوه يناقز
فطـامي : هههه ان شاء الله فديتك
عبدالرحمن : هييه هيييه (مستانس كان و يدور حول فطـامي و عقب مطها ) : يلا يلا خااالو ابا ابا
عليا و مريوم ناقعين من الضحك
مريوم : هههه طلبيله وجبة Happy meals ,,
فطـامي : هههه فديت هالولد والله ,, يلا حبيبي هات ايدك
سارو البنات ماكدونالز وعليا طلبت حق عبدالرحمن Happy meals وهيه و مريوم طلبو ماك جكن و فطـامي قطع دياي ,, و عقب خذو الاكل و سارو يدورون مكان ,, و يلسو و تمت فطـامي تاكل عبدالرحمن ,, ويوم خلصو,, حمدان و محمد مرو عدال البنات
عبدالرحمن شهق : امدااااااااااااااااااااااان و يركض صوبه ,,
عبدالرحمن : انته ليث خليتني بلوحي ,, (انته ليش خليتني بروحي)
حمدان : حمانوه وينك انته جلبت الدنيا وانا ادورك و يلوي عليه ,, خفت عليك والله الحمدالله ما استوالك شي ,, عليا و مريوم سارو يعقون اللي في الصينيه ,, قامت فطـامي وشلت الجيس و الدبدوب ,,
فطـامي : حبيبي حمني ماتبا دبدوبك ,, و وخت تحت عشان اييها
عبدالرحمن سار صوبها ولوا عليها
عبدالرحمن : امممواح احبج وايد
فطـامي : بعد هنيه عطني ,,
عبدالرحمن : امممواح امممواح امممواح احبج و لوا عليها بالقو >> لين ما يلست ع الارض قفطت
فطـامي فخاطرها : فشلـــــه !! : ياربيه محلااك ربي يحفظك ,, وعطته بوسه من الخاطر ,, جان تقوم
محمد : اووه هاي ,, تعال نسير صوبها ..
حمدان : اسمحيلنا اختيه تعبناج وين حصلتيه ؟
فطـامي : فديته حصلته صوب الالعاب يصييح ,, غمضني خذلته دبدوب عشان يهدا و عشيته
حمدان : والله ماعرف كيف اشكرج ,, لو اسواله شي كـنت بتخبـل !! >> من شطارتك الزايده مستوي الأب الحنون
عليا و مريوم يالسين يشوفون شو يستوي لوول ورا الكواليس ,,
فطـامي : الحمدالله اني حصلته والله لو حدن غيري جان ماسواله سالفه فديته شطور ,, حرام عليك مره ثانيه يوده او شله ,,
حمـدان : من عيوني مشكوره اختيه مره ثانيه تعبنااج ,,
فطـامي وهيه تشوفه وفخاطرها : سبحان اللي خلقك ,, محلاك ,, العفو اخويه .. افا عليك لاشكر على واجب
عليا بغت تستهبل شويه اونها ماتعرف شي صوت عالي : فطـامي يلا طوفي نسير ,, اووه سوري
فطـامي وهيه تشوفها و فخاطرها تضربها ضرب : يايه ,, بخليكم عيل وتحمل على حمني مره ثانيه ,,
حمدان : ان شاء الله
فطـامي : فداعة الله
حمدان : ربيه يحفظج ,,
محمد : يخرب بيتها محلاها ,, ملامحها جمال هنود
حمداان : هههه طالعه عليك ,, وانته شلك خلها ع راحتها
محمد : بس حلوه الصراحه..
حمدان : قول ماشالله ,, وانته حمانوه ليش سرت عنا ؟
عبدالرحمن : تااب ماحبكم ابا خالو اتااامي (فطامي)
محمد : ليش اسمها فطـامي ؟
حمدان : حشى اقولكم طوف طوف خلنا نسير

صوب البنات
ركبو السياره وكل وحده تعبانه ,, فاتصلت حق ابوها تسال عنهم وقالها انه بيوون متأخر ,, يتها فكره انه ترتب الاغراض و ماتراوي حد ,, و صلو فطـامي البيت ,, و سارت بسرعه غيرت ثيابها و رتبت الاغراض اللي ماخذتنها تبغون تعرفون لوول لا لا عيب ,, هههه بقولكم شو ماخذين البنات ,, بس عقب شويه ,, المهم سارت غيرت ثيابها و عجلت الاجيــاس و بدت ترتب ,, ماخذه 3 تنانير ,, وحده جنز وعليها تور بالوردي وقميصها ابيض وعليه ورود ورديه ,, والثانيه تنوره سودا وفنص في فتحه داخل قماش ابيض ياي مدرج ,, و القميص هاي نك ابيض و بلبس وياه الجاكيت ,, و خذت جاكيت احمر و وردي و اسود بس طبعا كل موديل غير من ثاني ,, وخذت شال حق رقبتها لانه برد ومايكفيها الجاكيت خذت نفس الالون ,, و خذت تيشيرتات و بناطلين ,, وطبعا عليا و مريوم نفس الشي ومن غير الكسسوار و شنط و الجواتي و النعل ,, ماخلو شي ماخذوه ,, احلى ثلاثي مرح ,, ويوم خلصت ,, اذكرت بطاقة البنك وقالت يبالها مكــان عشان ابوها مايحصل البطاقه ,, كان عندها بوكس تحط في الاشياء الغـاليه شرات الذهب ,, بس فطـامي ماكان عندها ذهب وايد ,, بس كان عندها سلسله مال امها ,, غاليه عليها وايد ,, حطت البطاقه و دست البوكس عشان ابوها مايشوفه ,, طبعا علايه و مريوم يعرفون وين هالمكــان,, وسارت ارتاحت شويه و عقب رقدت ونست تحط باجي الفلوس فالبوكس ,, فـ نص رقادها ,, دخل عليها ابوها و فتش بوكا جان يشوف 250 بو فطـامي فخاطره : من وين هالفلوس ؟؟! اكيد بو فطـامي عطاها والله لا اراويها وانا قلتلها تعطيني ,, بس الصباح ربااح ,, وخذا الفلوس و روح ,,

يوم الثاني ,, بو فطـامي نسى ,, وعقب اسبــوع ,, فالصاله ,,
بو فطـامي : هيه صح !! انا نسيت السالفه !!
ايمان : اي سالفه !
بو فطـامي سوالها طاف و سار صوب فطـامي فالحجره ..
و دش عليها بالقو ,, كانت راقده تعبانه ,,
جان يمطها من شعرها : فطوم من وين لج 250 ها مسودة الويه لايكون بو فطـامي عطااج !!
فطـامي : ابويه اي فلوس ؟؟
بو فطـامي وقفها و مط شعرها : قبل شفت شنطتج فيها 250 من وين لج انا ماحيد بعمري اني عطيتج !!
فطـامي دزت ابوها : ابويه مالك حق ادش حجرتي و اتفتش ,, لو انا مسويه جي فحرمتك جان سويت زلزال فالبيت ,,
ليش انته تعطيني فلوس ,, بس هبابك حق حرمتك انا حتى 5 مستكثر عليه ,,
بو فطـامي كان فـ ايده العصا (دوم وياه) : عنتلاتج و ترفعين صوتج عليه و يضربها ضرب ,,
فطـامي : آآآآآي ابويه حرام عليك شبعت من الضرب قسم بالله ,,
بو فطـامي : جااب يا حيوانه قلتلج عطيني الفلوس و يضربها من الخاطر ,, يضربها بالقو ويمط شعرها ويرفسها ع
بطنها ,, وهيه يوم ترقد تلبس تيشيرت بدون ايـد يعني (كـت) و طبعاً الضربات كلها ع ايدها و يضربها ع ريولها ..
بـ العصا ,, وتناثر الدم فالحجره ,, مارحمها من الضرب بس عشان قالتله جي ,,
بو فطـامي: انا قلتلج ان رفعتي صوتج عليه لا اذبحج ,, وانا قد رمستنيه ,,
فطـامي وهيه ميته من الصياح : ابويه حراام عليييك ابويه قسم بالله مافيك رحمه ,, الحيوان مايسوي جي حق عياله ,, خلاص خذت الفلوس انته ,, شو تبا بعد !!
بو فطامي وهوه يضربها ما وقف ( يرمسها وهوه يضربها ) : يوم اقولج بوديج عن الريايل ,, ياخذون منج الي يبغونه و يعطونج فلوس ,, انتي مارضيتي ,,
فطامي وهيه تصيح : ابويه شرفتيه ها كيف ترضا على بنتك جي !!
بو فطامي : تخسين انتي هب بنتيه ,, والله لا اذبحج من الضرب ,, تم يصفها طراقات و يضربها بالعصا فـ جسمها كله ,,
طبعا فطامي من راسها لين ساسها دم نزيف من الخــاطر ,, ماقدرت تتحمل ,,
وجــااان ,,,,,,,,,,,


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 06-04-2007, 07:53 PM
ikrama ikrama غير متصل
©؛°¨غرامي مشارك¨°؛©
 
الافتراضي


الجــــــزء الرابـع
بو فطامي تفاجأ : فاطمه فاااطمه ... فطوم..
لاحيــاه لمن تنـــادي
بو فطامي يصرخ صوت عالي : ذبحتهااااااااااااااااا ذبحتها و افتكيت منها ههه ههه هههه ,,
بو فطامي تركها ع الارض و سار صوب ايمان ,,
بو فطامي : ايماانووه ايمااااان !!
ايمان : ها ها شفيك تزعج ؟ !!
بو فطامي : ذبحتها ههههه ذبحتها بايدي ,,
ايمان : شوووووووووووو منو ذبحت !!!!
بو فطامي : ذبحت فطوم خلاص انا وانتي فالبيت و ثيابها كلها حقج ههههههههه احلى شعور ..
ايمان مصدومه جان تسير صوبها و شافتها طايحه ع الارض و الدم يسيل من جسمها انصدمت تمت اصيح
ايمان : انته مافيك رحمه ليش تسوي جي شو بيقولون النااس عنك !!
بو فطامي : انتي اوووص ولا كلمه تعالي وديها وياي السياره بدفنها مكان بعيد واشوفج تخبرين حد !! وقفلي حجرتها انزين ,,
بو فطامي ياب شلة صلااه و حطها على فطامي و ايمان شلت فطامي و حطتها فـ دبّت السياره !!

:: بو فطامي فالسياره ::

ذبحتها ,, واخيـراً افتكيت منها ,, 24 مصايرف مصاريف ماتشبع ,, بس كيف خلت بو مريم يعطيها بلوس اكيد عطاها اكثر ,,
ماعليه الحين ,, وين ادفنها ,,
وين ,, وين ,, لقيتها !! بسير بوظبي صوب الـ ***** بدفنها هناكي و لا حد يعرف ,,
و زاد السرعه و ع الساعه 3ونص الفيــر و صل المنطــقه الي يباها ,, و تم يحفر يحفر يحفر وعقها داخل بلا ضميــر ,,
انســان بلا احســاس و ذمه وضمــير جي يسوي حق بنته ,, بنته اللي عانته من كانت صغيـره لين يومها جي يسويبـها كله صريخ .. و ضرب و هلااك و سوي و ايبي و خمي و نظفي وغســلي ,, جي يسويبها ,, مايخااف ربه !! لو صدق يخاف جان مادفنها ,,
وتم يحط التراب عليها اول شي من ريولها ,, بس سمع صوت جلاااب و اصــوات تخـوف خلها ولا دفنها عدل و روح و رد دبــي ,,
ايــمان خلت كل شي مثل ما هوه وسكت الحجره وهيه مصدومه وهب طايعه تصدق اللي يستوي .. بس نست تاخذ المفتــاح من الباب ,, سارت بيت امها فليل ساعه 3 اتصلت حق الديول و سارت !!

,, يوم الاثنين ساعه 9 الصــبح ,,

مريوم نشت فجأ و صرخت تمت تناهي : باسم الله باسم الله اعوذ بالله من الشيطان ,,
عليا : بلااج !!
مريوم : فطووم ,, احس شي فيها !!
عليا : تصدقين حتى انا حلمت حلم ,, اعوذ بالله منه ,,
مريوم شهقين : ابوها عرف انها عندها فلوس !!
عليا : باسم الله مادري مادري قومي خلي ابويه ودينا دخيلج ,,
مريوم : قومي قومي بسير الحمام ,,

دخلت الحمام بسرعه و عليا خبرت ابوها انه يوديها بيت فطـامي بسرعه وطبعاً ما رفض الطلب و بسرعه لبسو اي شي
و سارو صوب بيت فطـامي ,, شافو البيت مفتوح ومحد فيه !!

بو مريم: باب البيت مفتوح !!! شو السالفه
مريوم : فطوم و نزلت من السياره ,, وعليا وراها ,,
بو مريم سار وياهم بسرعه دخلو البيت شافو صوب الدري نقاط دم
بو مريم: وين غرفت فطامي بلاكم ماتسيرونلها ,,
مريوم صعدت الدري بسرعه و سارت صوب حجرتها دقت الباب بالقو : فطوووم ,, فطووم ,, فجي حبيبتي فجي الباب ..
عليا : فطووووم .. فطووووووووم دق دق دق دق دق فجي البااااااب !!!
بو مريم: يافاطمه فجي الباب ,, فطامي فجي الباب ..
مريوم وهيه تصيييح : سوابها شي اكييد .. و تشوف مقبض الباب المفتااح و فجت الباب و دخلو بسرعه شافو دم على الارض جنه ذابحين ذبيحه !!
عليا وتصــارخ : فطووووووووووووووم و تصيح : لااا مستحيييل قسم بالله ما اصدق !! !!
بو مريم: لاحول ولا قوة الا بالله !!
مريوم : لا لا وين فطوم ,, مستحيل استوالها شي !!

جان بو فطامي و ايمان يدخلون البيت يسمعون صوت صياح و صريخ !!
بو فطـامي : شو هالحشره اللي هنيه !! بو مريم حي الله البدو شخبارك الغالي ,
بو مريم: وين فاطمه !
بو فطـامي : سارت المدرسه ,,
بو مريم: كيف سارت المدرسه واصـلا هم مخلصين من المدرسه !! بتقولي وين فاطمه ولا اتصل لـ الشرطه ,,
بو فطامي : فطوم ماتت هههههه ماتت فطووم ذبحتها بـ ايدي انا و طلع من البيت ومحـد يدري وين سار

مريوم : هاا .. ايمان صدق هالرمسه !!
عليا : فطامي ماتت !! صدق ايمان ,,
ايمان : لاحول ولا قوة الا بالله ..
مريوم : لاااااااااا مستحيييل كيف ماتت و امس كانت ويانا تسولف و تضحك .. شو بيقولون الناس شو بيقولون ,,
بو مريم: لاحول ولا قوة الا بالله بخبر الشرطه ,,
ايمان : لا دخيلك لاتخبر ابوس ريول لاتخبر ,,
بو مريم: عيل جي يسويبها ,,
ايمان : بو فطامي ريال كبير السن و يخاف عليها !!
عليا : لو يخاف عليها جان ماسوالها جي
مريوم : والله ما اخذلي شي فالحجره الا و آآآخذه قسم بالله ,,
وسارت فجت الكبت و خذت الشنـطه و لمت كل اغراض فطامي ماخلت ولا شي فـ الحجره من صوب و عطور من كل شي !!
واتصلت حق الخدم ايوون ياخذون كل شي و يودونه بيتهم ,,
مريوم : سيري هاتي الصندوق ,, وخبرت الخدم يوم يخلصون يسكون الباب و ايبون المفتاح ..
وفضوا حجرة فطامي ماخذو فيها شي ,, وتمت ايمان بروحها فابيت تصيح ,, و صلو البنات البيت وهم هب مصدقين اللي يستوي ,,
دشو البنات البيت ,, فـ الصاله ام مريم
ام مريم: شفييكم !!
مريوم وهيه تصيح من الخاطر وماتروم ترمس : امايه فطووم ذبحووها ذبحوها ,,
عليا : امايه فطامي راحت ,, والسبب ابوها ذبحها بايده ,,
مريوم : امايه غرفتها كلها دم ..
ام مريم وهيه مصدومه : فطامي ربيعتكم !
مريوم : هيه امايه فطامي محد خلااص راحت !! شلت راشد و تمت لاويه عليه و اتصيح
رشود : مريوم بلاااج ..
مريوم : فطامي راااحت
رشود : هممم وين راحت
مريوم : حبيبي سارت فوق عند الله >> وهيه
رشود : مابترد ؟
مريوم : لا حبيبي
رشود : ابا اسير عند الله
مريوم : حبيبي كلنا بنسير
ام مريم تلو عليهم : فالجنه ان شاء الله فالجنـه ,, و ابوها الله بيراويه ,,
مريوم : كيف بعيش بدونها من كانت صغيره وهيه مظلومه لين كبرت و الحين شوفي نهايتها كيف !!!
بو مريم: خلاص مريومه خلاص ,, فالجنه ان شاء الله ,, قامو مريوم وعليا ,, يشوفون الصندوق بس طبعا مارامو ,,
اغمــى عليهم و ودوهم غرفتهم !! يرتاحون شويه ,,

اما اغراض فطامي ودوهم غرفه من الغرف و سكو الباب ,, و مر اليوم بسرعه و عليا ومريوم الله يعلم في حالهم ,,
لا اكل ولا شرب و كل دقيقه يدشون غرف اللي فيها اغراض فطامي ,, و يذكرون المواقف اللي استوت وياهم ,, و صورها ,,
ويذكرون صوتها كيف كانت اتشّـل ,, وكيف كانت تشكيلهم ,, و موقفها ويا عبدالرحمن وراعي الرنــج ,, و اذكر كل صغيره و كبيره و هم يصيحون وهب رايمين يرقدون ,, رضو بالأمر الواقع ,, و اليوم الثـاني ,, انتـشر الخبـر بين النـاس والكل عرفو انه ابوها اللي ذبحها و صار اسم فطوم ينذكر فـ كل بيت ,, و مايرمسون الا ع هالسـالفه !! وطبعاً ابو فطامي مايعرف وين يسيـر ,, اكيــد بيزخونه الشرطه ,,
تمو يعذبونه والشرطه يبغون يعرفون وين دافن فطامي ,, بس هوه قال لو تنطبق الارض بـ السما
و اقولكم ,, كل يوم تعذيب !!
طبعا و بيتم فـ السجن مدا الحيـــاااااااه !!! ,,

وعقب 3 ايام

فـ يوم الخميـس ,, الفــير ,, مكــان ظلمه من الخــاطر ,, وعلى قطـرات المطر الخفيفه على ارجــا العـاصمه ,, بنت فـ شبه قبـر ,, تتألم من شدة الويع ,, و تنش بصـعوبه ,, و الدم على
جسمها !! ,, يومين وهيه راقده ,, شبــه غيبوبه !! ,, من هاي البنــت !! ,, هاي .. فطامي ماتعرف وين الله حاطنـها نشت و قامت و تحاول تذكر شو استوا !! واذكرت انه ابوها تم يضربها لين ماطاحت ع الارض هالي تعرفه بس شو تسوي فهالمكــان ,, الله يعلم ,, كانت فطامي لابسه ايد قصيره و برموده ,,
و شعرها كله ترااب ,, و مغطي ع جسمها ,, لانه شعرها طويل ماشالله ,, ايدها حمـرا وع بنفسجي من كثر الخطوط العراض اللي عليها ,, جسمهـاا حااار ماتروم تشل عمرها ,, ويها احمر شاحب من كثـرالضرب ,, تمشي و هيه حافيـه ,, زاد المطر و هيه ادور على حد يساعدها ,, تعبت فطامي وبعدين
تمت ادور على مكــان تيلس فيه ,, تمت ادور لين ماحصلت ,, مكــان يستر عليها و يحميها ,, تمت
ادور على لقــمه تاكلها و نشت مره ثانيه ادور على حد ,, تمت ادور و ادور و تمشي فالشــارع
جنه وحده ظايعه ماتعرف وين هيه بالضبط ,, ماتعرف وين الله حاطنها ,, والسياير ساير راد ,, وهيه تمشي صادفت عــامل وهوه مستغرب ,, ليش هالبنيه طالعه فـ هالجو البارد و المطر الصبيـب ,, ومستغرب من حالتها اليـائسيه ,, سار و رمسهــا .....


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 06-04-2007, 07:54 PM
ikrama ikrama غير متصل
©؛°¨غرامي مشارك¨°؛©
 
الافتراضي


العـامل : شو فيه بنيه ؟
فطامي ترفع راسها و ادمع و عيونها تقول انها خايفه ,,
العـامل : انت ليس وجه مال انته تعبـان ,, روحي البيت مافي زين عقب انته مريض ,,
فطامي : هذي دبي عشان اسير البيت !!
العـامل : لا مافي دوبي هذا ابوزبي ,,
فطامي وهيه متفاجئه : بوظبي !! الله يسامحك يا ابويه و دمعت ,, بصوت تعبان : تقدر تيبلي ماي عشطــانه ,,
العـامل : انجين انته ايلس مني و انا روح اخذ ماي ,, واكل ,,
سـار العـامل و خذتلها من الدكان عصير ترتوي منه وماي يعيشها و سندويجتين يسد يوعها ,, و صل العـامل عند فطـامي و عطاها و شكرته و خلاف سارت المكان اللي بتم فيه لين ما الله يفرجها !! كلت اول سندويجه ,, كلتها بشراهيه ,, بدون ماتحب ,, وشربت الماي نصه و العصر كــامل من شدة العطــش ,, وتمت اتصيح من الآلام اللي في جسمهــا ,,

صـوب ,, اهل دار الحــي ,,

فـ المدرسه ,,

الحصـه الثالثه ,, باجي 5 دقايق و بيرن الجرس
فطـامي : مس طلبتج ,,
المـس : نعـم
فطـامي بدلع : مس ودينا المقصه الله يخليج يوع من الخاطر قسم بالله
عليا : هيه والله ابلا بطني يصــااااوي ,, جنه عصفور داخل
مريوم + البنـات : ههههههههه
المـس : ههههه تحاتون بطونكم ,, خلاص عيل صفو طابور ومابي حشره
فطـامي : مشكوووره مس صوت خفيف : يهال نحنا عشان نصف طابور
المـس : فطووم سمعتج !!
فطـامي : ماقلت شي هههههه

وعقب سـارو المقصـف و شبه زحمه ,, تمت يضاربون لوول وعقب خذو اللي يبغونه و سارو ورا المدرسه ,, فطـامي يلست ع الارض مجابله علايه و مريوم ,, عقب دقايق رن جرس الفسحـه ,, و تمو ياكلون و يسولفون وعقب صخو ,,

فطـامي : بلاااكم !!
عليا : ماااشي
فطـامي : بتخبـــركم
مريوم : هلا
فطـامي لو انا يوم من الايـام مت شو بتسوون !!
عليا : عنتلاتج !!! شو هالرمسه ,, وكفختها بالقو قسم بالله بزعل عليج فطوم !!
مريوم : شو هالرمسه فطوم ,, ماتخافين ربج ,, قلتلج 600 مره لاتيبين طاري الموت ..
فطـامي : انزين ,, نهاية كل واحد ,, تحت الترااب ,, مثل ما الله عطاكم بياخذ عنكم >> تبا تقهرهم ..
عليا دمعت قامت مريوم ومطت وياها عليوه و دمعت بعد و سارو عن فطـامي
فطـامي : ايييه يا الهروم وين سايرييين !! جان تقول و تركض و يت ع ويهم ...
فطـامي : بلاكم
مريوم وهيه اتصيح : قومي ماحبج
فطـامي تشوف عليا ,, و عليا صاده الصوب الثاني ,,
فطـامي : ياربيييه يعلني ما اذوق حزنكم و لوت عليكم ,, والله اسولف وياكم ,,
مريوم و عليوه فجو مناحه ,, فطوم دمعت ,,
فطـامي : خلاص والله آسفه ماحب اشوفكم اتصيحون

جان يمرون بنات ,,
هـدى : بلاكم !!
فطـامي وهيه تبتسم : لامافي شي ,, عليوه و مريوم قومو يلا فديتكم ياربيه..
مريوم : وعدينا ماتعيدين هالرمسه
فطـامي : ههه وعــد توبه والله يلا قومو ,,
مريوم و عليا : والله نحبج ويا هالراس ..
فطـامي : اموت فيكم طوفو

..........
........
......
....
..
.
.

فـ الغرفه اللي فيها اغراض فطـامي,, عليا و مريوم كانو هناكي ,, اذكرو هالموقف و تمو يصيحون,,
عليا : ليييييش جي يستوي ,, الله ياخذ من كاان اسبب ,, وهيه اتصاارخ ,, الله يااااخذ من كان السبب
مريوم : والله ماكنت متوقعه انه جي نهايتها ,, قسم بالله ما حطيت فبالي هالفكــره ! !!!
عليا : فذمتج ,, ها ابو جي يسوي فـ بنته ,, امحق ابو قسم بالله ,,
مريوم : فديتج فطامي ,, آآآآآآآآه ليتج رقدتي عندنا ولا سرتي بيتكم ,, الله يرحمج ,,
وزاد الصيــاح عليا و مريم ,, و الصوت ينسمع ,, مرت ام مريم ,, ودمعت ,, بس مارامت اسـوي شـي لاـنه مافـي فايـده ,,

صوب الحيـاه القاسيه ,, استــوا المغرب و بدا الجو يتغير ,,و الريـاح تزداد ,, و الدنيا مغيمه ,,
و برد من الخـاطر ,, قامت فطـامي تحوط ,, يمكن تحصل حد ,, شلت السندويج والماي ,,
وهيه تمشي فالشارع ,, اللي فالفريـج ,, عيـال الحرام لعوزوها و خذو الاكل منها ,,
وهيه ساكته و ماقالت شي ,, تمت تمشي لين ما طاحت ما بين الشارع والتراب صوب المطبه ,,
تعبــت فطـامي ,, حالتها بدت تسوء ,, مرضت و يتها حمـا قويه ,, ترتجف من البرد و امبونها فيها حما
و التراب ع اليروح ,, و ماخاز الويـع ,, مرت سيـاره صوب الشـارع ,, واللي يســوق ,,
شـاف حـد طايــح صـوب المطبـه ,, و شيلتـها كلـها دم ,,
(*****) : شو السالفه ,, منو ها اللي طايح ,, انزل ولا لا !! ,, باسم بالله اخاف شي ,, >>> متفيـج قسم بالله قوم تزحزح !!
بس حرام فـ هالجو حد طايح لا وين بعد فالشــارع ,, شو ورانا بنزل و بشوف ,,
كان الجو بارد و الريـاح قوية ,, و المطر غزير ,, راح (*****) يشوف اللي طايح ,, عرف انها بنيه ,,
استغــرب ,, يوم حطها فحظنه و لف ويها ,, انصدم فاللي شافه ,,
(*****) : معقوووووله !! ,, مستحيل مستحيييييل !! شو ها اللي انا اشوفه لا ,, اوووه ماعندي سالفه يالس اتحرطم عن تموت ,, وقام و شلها
و وداها ورا و اتصل حق ربيعه ,,
(*****) : السلام عليكم
الدكتور عـادل : وعليكم السلاااام ,, هلا والله بالشيوخ شحالكم
(*****) : الحمدالله بخير ,, بتخبرك ,, عندي وحده تعبانه اوكيه ,, الحين ياي ,,
الدكتور عـادل : يالله بستر شو السالفه ,,
(*****) : بنيه متـعوره ,,
الدكتور عـادل : لاحول ,,
(*****) : الحين ياي يلا فداعة الله ,,
وزااااد السرعه كان يسوق بجنون بس عشان البنيه ,, و وصل المستشفى و شل (*****) و شرات اليهـال ,, و دخل المستشفى ,,
و الكل يشوفه و يشوف البنيه ,, و الممرضات خذوها لـ الطوارئ ,, (*****) حالته ماتسـر وايد يحاتي ,, ومايعرف منو مسوي جي !! ,,
يوم خلص الدكتور عادل زقر (*****) عشان يرمسه ,,
الدكتـور عادل : وين حصلتها ,, حالتها فضيعه !! لازم اخبر الشرطه ..
(*****) : اي شرطه اي خرابيط الله يهديك ,, مانبغي نسوي سالفه ,, المهم شخبارها ,,
الدكتور عادل : الصراحه حالتها كانت صعبه ,, وايد جروح فـ جسمها ,, جنه حد ضاربنا بشي ,,
بس الصراحه ,, سبحان من خلقها ,, جمالها جمال هنود ..
(*****) : هيه ادري ,,
الدكتور عادل : المهم هيه الحين فالغرفه ,, طهرت اليروح و ان شاء الله خير
(*****) : مشكـووور ,, اقدر اشوفها ,,
الدكتور عادل وهوه يغمزله : هااا شو السالفه ,,
(*****) و يضحك : هههه لا يروح بالك لبعيد ويا هالويه انا بسير ,,
الدكتور عادل : يالله يا العاشق الولهان ,, قمنا نحب و نحاتي ,,
(*****) : عنتلاتك يلا باي ,,
راح (*****) اتصل اول شي فـ اهله و قالهم انه بيتأخر ,, دخل الغرفه شاف شعرها مغطاي
و و يهها الابيض ع خدها اليسـار مستوي احمر جنه حد معطنها كـــف !! وعقب ربع ساعه
فطـامي : حرام عليك ابويه تسويلي جي ,, آآآآه يعووور
(*****) في خاطره : بلااه ابوها !! ,, : الحمدالله ع السلامه
فطـامي : آآآآآآآآي ابويه بس دخيلك يعور والله يعوور ,, تمت تنااهي و عقب نشت فجأ جان تقوم ..
(*****) : لا لا خلج مكانج ارتااحي !!
فطـامي اتشوف المكان ,, و تشوف (*****) وهيه مستغربه : انا ويين ,,
(*****) : انتي فـ المستشفـى ,, ارتاحي ,,
فطـامي فطـامي وهيه خايفه : انته منو !


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 06-04-2007, 07:55 PM
يوزر يوزر غير متصل
©؛°¨غرامي مشارك¨°؛©
 

قصة حلوة جداً

ماشاء الله عليكِ


Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم