يلي زعلت أزعل ولانــــــــــي مراضيك
أشرب كدر ماي البحر جانه أرضـــــــاك
لاتحسب أنــــــــــي عقب صدك بداريك
بعز نفســــــــــي عنــــــــــــك ما أدراك
أربع سنين أنــــــا متحمل تغليـــــــــــك
راضـــــــــــي بتعذبيك لجل قلب أغلاك
خليتنـــــــــي واليوم والله لا خليـــــــك
وأدوس قلبـــــــــــي لينه يقــول خلاك
قبل تورينـــــــــــي الحسايف بوريـــــك
لين ما يقال فلان هانـــــــــــــــك ووراك
كانك أتحداني فأنا أقبل تحديــــــــــــك
وانسى الغرام اللـــي مضى واتحداك
مانــــــــــــي بقايلك عسى الله يهنيك
الله يحرمك كـــــــــــــــــل ما كان هناك
عسى العمى يخاين العهد يعميـــــــك
فوق الغرور اللي عن الماضي اعماك
وعســـــى ما تسمع قريب يناديـــــــك
حيثك تجاهلت صوت محروم نــــــاداك
وعســــى الشلل يعوق رجل تمشيك
لينك تندم ليش غيرت ممشـــــــــــــاك
وعســــــى حياتك بس فرحه لشانيك
يلقـــــــــى بها الفرصه عدوك ويشناك
وعسى الليالي اللي تجيني بطاريك
يصبح عليها الصبح وتموت طريـــــــاك
وعســــــى المنام وكل راحه تجافيك
آمين حتـــــى اللــــــــي تمناك يجفاك
وعســــــاك ماتفرح وتكثر بلاويـــــــــك
وأمك تشق الجيب من عظم بلــــواك
ولا مت جعلك فــــــــي جهنم تصاليك
ونــــار الجحيم ونار دنيـــــــــاك تصلاك
الله يكره فيــــــــــك حتى دوانيــــــــك
غشاش خايـــــن من من الناس داناك
هذي النهايــــه روح الله يجازيــــــــــك
أمســـــــــك يومـــــــك عن الغد يجزاك
ازعل ولاني مراضيك 
العرض العادي
