في المدرسه وتحديدا في مدرسة (هديل) كانت هديل جالسه مع صديقاتها وتسمع سوالفهم ..((هذي هي هديل من يومها وهي تحب تسمع بس كلامها قليل واي احد يكلمها تكلمه عادي
بس اذا خلصو من السالفه ترجع تسكت وتسمع للبنات واي سؤال ينطرح عليها يكون جوابها على قد السؤال (هديل) بنت محبوبه محد قد شاف منها اي شر طيبه ومحترمه وحنونه
والكل يحبها صغار وكبار الي يعرفونه عنها انها بنت غامضه تجيها ايام تكون متظايقه فيها وزعلانه وع هذا محد يدري عنها مافي على وجهها اي شي يدل على زعلها او فرحها عشان كذا قالو انها
غامضه والي محبب الناس فيها طيبتها الكبيره
المهم نرجع لموحور حديثنا << اكشخ يا محور
كانت هديل تسمع سواليف صديقاتها كانت شلتها عباره عن( ثمان بنات)غدير وهنادي وسارا وبدور ودانا والعنود وجمانه وهي كانت سارا تسولف ومتحمسه والبنات مبين عليهم الحماس معها
كانت تقولهم عن موقف صارلها وردة فعلها كيف خلصو البنات من سوالفهم على دقة الجرس يبدون فيها حصه جديده ...
على فكره العنود تصير بنت عم هديل وتصير اصغر من هديل باربع سنين وجمانه تصير اخت هديل وهي اصغر من هديل باربع سنين العنود وجمانه بنفس الفصل هم بثاني متوسط وهديل بثاني ثانوي
خلوني اشرح لكم شكل (هديل)عشان تعرفونها اكثر ((هي بنت متوسطة الطول طولها حول 160 وزنها 49 50 شعرها طوليل يوصل لين اخر ظهرها بشوي لونه بني غامق ناعم مرره ماشاءالله
عليها عيونها كبيره ولون عيونها بني غامق على فاتح يعني بالنص بشرتها بيضه بس مو بيضه مرره بياضها حلو متوسط تقدرون تقولون انها بين السمار والبياض بس الي يشوفها يقول انها بيضه مو
موسمره حلوه مرره وكثير متخبل عليها للمعلوميه العنود تشبه هديل لدرجه كبيييره نفس الشكل الملامح واللبس الذوق كل شي ))
دق جرس المدرسه قامت هديل واخذت اغراضها وطلعت وطلعت وراها بدور الي هي من اعز واقرب صديقاتها وراحو لمكان اللي يجتمعون فيه بنات المدرسه يستنون اسمائهم عشان يرجعون لبيتهم
جلست هديل هي وبدور بزاويه ينتظرون اسمائهم كانت هديل ساكته وسرحانه لبعييد شافتها بدور وحبت تقطع عليها سكوتها وقالت لها
بدور:هديل ممكن سؤال؟
هديل: اكيد اسالي ميه بس لا تكثرين .
بدور: احلفي بس كيف ميه ولا اكثر.
هديل: اقول اسالي ولا والله ان نادا اسمي لاقوم واروح بدون ما اسمع سؤالك.
بدور:لالاخلاص ابسال امممم بصراحه انا من يوم ما تعرفت عليك وانتي شخصيتك غريبه عجزت افهمها
هديل:كيف يعني ايش الي ما فهمتيه في شخصيتي؟
بدور:شخصيتك كلها انتي دايما ساكته وسرحانه محد يعرف ايش يدور بمخك ولا احد يعرف اذا انتي مبسوطه ولا زعلانه معالم وجهك جامده واللي يشوفك يقول انك قويه ما يدري انك رقيقه وحساسه
هديل: طيب هذي انا من يومي صغيره ايش الغريب فيها الكل يعرفني كذا ولا احد قد سالني عنها
بدور: طيب هذي شخصيتك ما قلت شي بس ابيك تغيرينها شوي
هديل:ايش اغير فيها؟
بدور:طيبتك مثلا انتي طيبه زياده عن اللزوم مع البنات وبصراحه فيه بنات ما يستاهلون ذي الطيبه
هديل:هههههههههه اذا على الطيبه لا تحاولين لاني انا نفسي حاولت اغير من طيبتي اتحكم فيها بس عجزت ومع هذا انا مبسوطه بشخصيتي وطيبتي عاجبتني
بهذا الوقت نادا اسم هديل
هديل: معليش دوري << دلع بدور ..نادا اسمي لازم اطلع
قامت هديل تدور جمانه والعنود عشان يروحون فجأه جت وحده ودفت هديل وخلتها تصدم بالجدار بقوه لدرجة ان يدها أألمتها شوي يوم التفتت تبي تشوف مين هذي البنت وهي معصبه مرره من ذي البنت
الوقحه الا تشوف جمانه والعنود ميتات ضحك عليها وعلى شكلها المعصب
هديل:خير جمجم<<دلع لجمانه ..ايش هذي الحركه السخيفه حرام عليك عورتيني ياويلك ان عدتي هذي الحركه فااهمه
العنود وجمانه للحين وهم يضحكون عليها
هديل:خير في شي يضحك انتي وهي
جمانه:هههههههههههههههههههههه لا بس ههههههههههههه تعرفين نادر نشوفك معصبه كذا خخخخخخخخخخخ
العنود:اي والله شكلك تحفه تجننين وانتي معصبه خليك كذا دايما ههههههههههههههههههههههههه
هديل:هاهاهاا مالت عليك انتي هي يالله بس بلا كلام فاضي خلي نروح السواق احترق بره وانتم تضحكون على هبالتكم
العنود:لا والله يقالك انتي بس انك شخصيه وانتي هبله
جمانه:اي والله معانا تصيرين هديل الهبله النكوته (يعني خفيفة دم) ومع الناس هديل الثقيله الهاديه
هديل:احم اقول تمشون ولا بالجزمه علىوجهك انتي وياها؟
العنود وجمانه:لا لا خلي نطلع حر هنا
راحو البنات للسياره السواق دايما متعود يوقف السياره بالشارع الثاني اللي قدام المدرسه عشان الزحمه بس ركبو البنات السياره
العنود:راج شغل المسجل
راج :طيب ماما
جمانه:راج غيرالاغنيه مو حلوه
هديل :يالله ظهر الخير تونا طالعين الناس تعبانه وهلكانه وانتم شغل وغير
العنود:اي عادي خلينا نعيش حياتنا
جمانه:الله اكبر عاد نتي الي يشوفك يقول انك ما تسمعين اغاني
هديل:اي اسمع بس لكل شي وقته
استمر النقاش بينهم لين ما وصل راج لبيت العنود الي ملاصق لبيت هديل وجمانه
العنود:راج خير ليش رحت لبيتنا انا ما قلتلك روح المفروض تسالني وين تبين تروحين
هديل:احلفي بس يعني وين بتروحين بذي الشمس بالله وبمريول وذي الحوسه
العنود: بروح عندكم
هديل:احلفي بس انتي كل يوم عندنا يختي استحي على وجهك شوي ملينا منك افففف
العنود:وانتي وش حارق رزك هااا
هديل:النار هااا
العنود:هاهاها وطي عليه
جمانه:اقول انتم دايما كذا اسكتو صجيتوني ابي اناااام
هديل والعنود:حاضر عمتي
جمانه:اي كذا ابيكم مطيعات اقول بنات (تشيل جمجم رجولها وتحطها على هديل والعنود)همزو رجولي والله تعورني من المدرسه الله يقطعها ابله عواطف هلكتني انا انحاش وهي وراي الا تمسكني
اففف تعبتني بس اعجبكم مو انا جمجم الي تنمسك
هديل والعنود بصوت واحد:احلفي بس
جمانه:والله
هديل والعنود ناظرو بعض والتفتو مره وحده على جمانه وقامو عليها وما خلوها لين ما وصلو للبيت نزلو البنات ودخلو جوا البيت لقول ام هديل وينادونها الناس بأم(فهد)قعدو عندها
يكملون هواشهم اللي كان بالسياره
ام فهد: يالله انتم وش فيكم كل يوم كذا هواش روحو غيرو ملابسكم وانزلو تحت بسرعه عشان نحط الغدا
العنود:لا انا مابي ابي انااااااام فيني نوووم مو طبيعي مابي احد يقومني اوكي
ام فهد:والاكل
العنود:عادي اذا قمت اكلت ولا يهمك بس ابي ارتااح
ام فهد:خلاص على راحتك روحي ارتاحي وانا بحط لك على جنب اكل لك
العنود:اوكي مشكووووره خالتي والله اني احبك وامووت فيك وه بس
ام فهد:هههههههههههههه ياحبيلك حتى انا احبك مثل ما احب بناتي وغلاتك من غلاتهم يالله نامي وارتاحي
العنود:اوكي يالله تمسون على خير باااي
اول ما قمات العنود قامت هديل ووقفت بوجهها
هديل:على وين ان شاءالله
العنود:ماسمعتيني وانا اتكلم مع امك بروح انام
هديل:ووين بتنامين ان شاءالله
العنود:احم وانا من لي غيرك ياقلبي بنام عندك
هديل:ههههههههههههههههههههههه ضحكتيني لا حبيبتي انا اليوم تعبانه وابي انام
العنود:ياسلام وما لقيتي تتعبين الا الحين يوم جيت انا انام بغرفتك
هديل :وانا وش علي منك
العنود:ياقلبي انتي والله اني احبك زي اختي الكبيره تعرفين انا ما عندي اخوات كلهم اخوان وانتي اختي اللي احبها واموووت فيها بليز بليز ابي انام عندك
هديل:لا والله شوف المصلحه شوف وليش ما تنامين عند جمجم
العنود:هذي احد ينام عندها بالله ما تخلي احد ينام اعوذ بالله حتى وهي نايمه تسولف ما تتعب ابد
هديل:ههههههههههههههههههههههه اسكتي اسكتي لا تسمعك والله تكسرك
العنود :ادري عنها حافظتها وانا بنت عمكم
هديل:يالله انا بنام على السريييير
العنود وهي تغمض وتفتح بعيونها بسرعه:وانا بنام جمبك
هديل:امري لله يالله مشينا
راحو البنات ونامو محد تغدا غير ام فهد وابو فهد وفهد وغاده ونجود
نجي نقولكم عن عائلة هديل شوي ((ابو فهد وام فهد .. وفهد عمره 12 سنه ..غدو عمرها 7 سنوات .. نجود الاخت الكبيره عمرها 20 متملكه ورح تتزوج باخر الصيفيه وخطيبها
اسمه نواف .. هديل اصغر من نجود وعمرها 17 سنه ..وجمجم عمرها 13 سنه))
الحين الساعه بالرياض 5.30 والبنات لسا ماقامو ولا شافو دروسهم ولا تغدو جتهم ام فهد ودخلت على جمانه وسكرت المكيف وطلعت (جمنانه من النوع الي تموووت بشي اسمه مكيف ما تحب
الحر واول ما تحس ان المكيف مسكر تقوم على طول)
راحت ام فهد لغرفة هديل ودخلت وقومت هديل (هدين نومها مو ثقيل ابدا اي حركه او صوت تقوم عليه )
ام فهد:يالله هديل قومي الساعه الحين 5.30 وانتي للحين ما سويتي شي ولا صليتي حرام عليك يابنيتي
هديل:لا يمه لاتخافين صليت العصر الحمدالله والعنود صلت بعد
ام فهد: الحمدالله يالله اجل قومي انتي وذي ام لسان (تقصد العنود)
العنود:افا خالتي انا ام لسان اهي اهي تحشين فيني وانا نايمه بعد
ام فهد:بسم الله الرحمن الرحيم روعتيني اقول بس يالله بلا هذره فاضيه وقومو شوفو دروسكم وقبل تعالو اعطيكم اكل ما تغديتو انتم
البنات:انشاءالله بنجي الحين
العرض العادي
