هذه البوذية لشاعر من ذي قار (منقول)
تون بس ونه لا محزن ولا حاد
ولا سبت اليمر تنشد ولا حاد
كل مطرود اله مده ولا حاد
وطردهن ظل وراي سويحليه
فأجابة الشاعر منهل هادي ابو بيادر
الشرف لهل الشرف يبره وما حاد
وصبرهم ما اله مده وما حاد
الحادي الما فزع مره وما حاد
يخاف من الطرد صبح ومسيه
وهذه لشاعر من ذي قار
حياتك يا العراقي اصبحت لاغاز
وعمرك من غزو تكضيه لا غاز
لانفطه التصح بشتاك لا غاز
ويه الكهرباء راحن سويه
فاجابة الشاعر منهل هادي من عفك
من ايدك تكضي العمر بالغاز
ومن فعلك تبدل الغاز بالغاز
تخدرون الدلال اليوم بالغاز
والوجاغ اندعه وشور خطيه
وعقب عليهم شاعر من الكوت قائلاً
العراق الكفر محتله وغازاك
لكاك امن ذهب كومه وغازاك
نفطة بعد متشوفه وغازاك
أذ سيطرت عمي الافنديه
وهذه للشاعر منهل هادي
هنياله الكضاهه بعز ويخلاص
منها وي اهل فزعه ويخلاص
ظلم يكضي العمر كله ويخلاص
يبوكك لا خلت منك ثنيه
وهذه لشاعر من ذي قار
ادري بكل عمر يخلص ويفني
او بعدكم ماهجع طرفي ويفني
البخل هيهات يبقيها ويفني
الجود بيوم اهي تجبل عليه
فاجابة الشيخ منهل ..
وسافه احبابي ظالم علي ولات
حكمني بحكم عاد وهبل ولات
البخل ما حفظ دنيا ومال ولات
ولا جود الفناهه من اجت هيه
وله ايضاً يخاطب صديقه
اظنك من اهل عقال وندار
يدارون الزمان الخان وندار
تريد الشح زمانك الك وندار
ترضع والثداية تشح عليه
وله ايضا
رسايل مو بخط وقلم وديت
وتفصلني عله طولك ترف وديت
جثيره حمول ذبو علي وديت
وبعد حملك ثكل واصعب عليه
وهذه للمرحوم حمزه جون من ناحية ال بدير
ضاع العمر يا صاحب متاهه
وراح التعب وياهم متاهه
درب الدنيا للسالك متاهه
حليم اليتجنبه ويعمل تقيه
صيادالاحبة:040104_emI4_prv: :0041:
العرض العادي
