مشاعر كتبتها لكم
ياليت تعجبكم .....
مع فائق تحياتي
بقلمي المتواضع
على فكره
أبيها اليوم
قبل بكره
وأبي اهمس بإذنك شيء
وأبين صحة
الفكرة
ممكن تنتظرني شوي
نبي نرجع لهذكره
أبي اسهر معاك الليل
ونلعب لعبة العشاق
أبيك تقول احبك حيل
و أقلك يالغلا مشتاق
نبي حب الطفو ليه
نبي نكذب
كذب عشاق
نبيه يكون بعفويه
نقول ونشتكي
ونعتب
نبي نشتاق في حنيه
شغل عشاق حارتنا
نبي نقعد
ونتكلم
مثل أمي وجارتنا
نخلي الأمس يتكلم
ونقول لغيرنا تعلم ..!!
أبي وبكل حسن نية
اقبل خدك الوردي
وأقلك باقي آهنيه
تخجل وتمسك بيدي
تذكري يوم تبرقعتي
وقالوا كبرتي يا بنيه
رحتي تشتكي يمه
آ ذبحتني حيل
الحساسية
وكل هذا تبيني بس
أشوفك يالغلا شويه
ليت الأيام ترد شوي
ويرد بداخلي الإنسان
ويرد ذاك الضمير الحي
ونمحي خصلة الخوان
ليه مانرد مثل اول
نعيش نضحك ونتمنى
نحب للغير
نحب الخير
نحب نعشق ونتهنى
زمان أول ودنيا بخير
ما فيها الكذب شايع
ولا فيها قليل الخير
يخون نفسه وهو ضايع
صحيح انه حلم إحساس
وأماني تسكن الخاطر
ليت إحساس يرد بيوم
قلب طفلٍ وهو قاصر
محمد
شغل عشاق حارتنا..!!! جديد 
العرض العادي
