بعد الفراق
أحرقت صدري
نيران الأشواق
رياح السنين
طفت النيران
ومات الاشتياق
وصار رماد
بقلب تمنيت
أنه جماد !
جتني تطلب الرجوع
لحب كان مزروع
بقلب لرحيله مفجوع
وقالت بصوت
أغرقته الدموع
أنفاسه خصوع
وش أخبارك
وش أخباري !
وش الطاري
وش الي صار
ليه جيت ع البال
عسى ماشر!
وش ذكرك فيني !
من شاغل
الي شاغلك عني
تتذكري كلمتك
لو أفارقك أموت
هذا أنتي
صرتي أحلى !
بس الغريب
كيف صدقتك أنا !
تتذكري وعدك
بأن الوفا
يصير دربك
أشوف بعيونك
للخيانه ألف معنى
تبشر بالعنا
وتساليني عن أخباري
/
\
/
أبد على حطه يدك
كان هذايسعدك !
جفت أنهاري !
أعلنت إنهياري !
مظلم نهاري !
وبالليل ساري
أنثر بحضه أسراري
وأنفاس سيجاري
نجومي .. دمعاتي
مرايا لنجومه
ولا لبس ثوبه الداكن
الي في السواد ساكن
وأقبل وغطى الأماكن
الدنيا كلها والأنام ..
تصد عنه و تنام ..
إلا أنا وحدي ..
أرد عليه السلام
يشتكي لي
غياب الشمس !
قبل لاياصل !
وأوهام اللقا ..
يشتكي لي
صدود الناس
عن واقعه
والهروب للأحلام
العايشه بالمنام
وأسولف له
عن قصه حبك
والغرام
الي صدقها أوهام ..
/
\
/
ياليل
شربت كأس الأحلام
وصحيت بمدينه الأحزان
ياليل رغم السواد
رغم الظلام
أبرحل لعالمك
وأبهجر المنام
ليه أتبع
زيف نور الأحلام
والواقع ظلام
ولاأشرقت الشمس
على قلب ..
هو بقاياأمس
تذوب من حراره الجرح !
تحرقها نيرانه !
والجمر الي بالعروق
يغلي ويفوح !
أروح وين ما أروح
مثل ظلي الجروح
صارت جزء من الروح
ولسان للبوح ..
تسأليني عن أخباري ..
بالعين دمع
يحرق أهدابي
من شافه رحمني
حتى عذالي
رياح الغدر ..
طيرت أزهاري
الي خبيت فيها
آمالي
من بعدها قلبي
صار عاري
يلدغه برد الشتا
يحرقه جمرالغضى
الحزن القاسي
خذ مقاسي
وصار لباسي !
لكن مو مقاسي
هالباس ..
يغطي كل الناس
أنا وحدي
شلت شوكه
على كتوفي
وصادق حروفي
جذور الشوك
جمره بجوفي
على عكس الأرض
شوكهامزروع فوق
وجذورها
ماهي شوك !
أنا مدينه
وقلبي ملك
كنت أحفرحبك
بقلبي وأدفنه
وصحيت على الحقيقه
كنت أحفر قبري
ودفنت فيه قلبي
وعلى عرش المدينه
تربع حبك بديله
العذاب هودينه
والقلب قتيله
هوشمع
والغدر يشعل فتيله
صار ينبض جراح
وآلام ومعاناه ..
طرد الأفراح
لغته الآه
والظلم
دربه ومجراه
حبك كان
يضخ الجروح
بالعروق
حبك غاب
عن سماه الشروق
وأشرق خيط البروق
والحين راجعه
/
\
/
تجددي تعذيبك
وتطالبي بحبك
يرجع مثل ماكان
حبك دمعه
تايهه في
بحر النسيان
كيف ألاقيها
حبك شمعه
ذابت من
نيران غدرك
الي مثل البركان
كيف أرجعها !
والحين راجعه
تزوري المقبره
وتسلمي علي
تقتليني
وبعدها ترجعي لي
تتأكدي من موتي !
أطمني أنا ميت !
ولوكان بقلبي
بقايا نبض
مستحيل أرجع
لسكين قلبك
مستحيل أرجع
لعذاب حبك
/
\
/
هذي قطره
من بحر حروف
على تمثال حزني
تطوف
سكنها الخوف
جمعتها وعلى
هالورق نثرتها
هذي بعض أخباري
وأكثر أخباري
تعجز حروفي
عن وصفها
بااختصار
آخر أخباري
جروحك
لكن أبسألك
وش جابني على البال
يمكن ندمتي
محال محال
صخور الجبال
تصبح أزهار
عسى ماشر
من شاغل
الي شاغلك عني
وش ذكرك فيني
من متى
القاتل يسأل
عن أخبار قتيله !
أخبار قتيله ..
آهات جروحك
تنطق أخباري
وقبل لاتجف أشعاري
أبسألك سؤال
بعثر أفكاري
عل الجواب
يطفي بعض ناري
الي أشعلها ثاري
بالله وش الطاري !
//
\\
//
سـمـوالـمـشـــاعر
(( ميت ، على قيد الحياة ! ))
21 / 4 / 2007
اخر اخباري 
العرض العادي
