:0041: :((())): :biggrin: :bye4: ما معلوماتك عن "أحمد عرابي"..
سوى أنه اسم لشارع شهير في المهندسين يوجد به فرع كبير لـ"عمر أفندي"؟!
ما الذي تعرفه عن "عبد المنعم رياض"..
سوى أنه اسم لميدان مهم في قلب القاهرة به تمثال لضابط عالي القامة؟
تسمع عن "إسماعيل المفتش" اللي كان الحاكم الفعلي تقريبا في عصر الخديوي "إسماعيل"؟ (مين الخديوي "إسماعيل" أصلا)؟!
هل قلت لصديقك ذات يوم إن الشعب المصري -اللي سيادتك منه برضه!- شعب لا يمكن أن يقوم بأية ثورة على أية أوضاع فاسدة أو مقلوبة..
وهل أمّن صديقك على كلامك وقال إنك فعلا عندك حق وإن دي سمة هتفضل في البلد دي على طول؟
هل قال صديقك هذا؟ ثم -وكأنه توصل لسر الكون- ظل يتابع "ميلودي" باهتمام شديد وظللت أنت تسحب نفسا من الشيشة مستمتعا بصوت الكركرة وقد نسيتما الموضوع الذي كنتما تتكلمان فيه أساسا..
احنا بقى عاوزينك معانا...
هنقفل التليفزيون شوية...
وياريت لو سمحت تبطل شرب شيشة لأن زي ما سيادتك عارف "التدخين ضار جدا بالصحة"..
وهنعمل شيء لطيف جدا..
لن نعطيك دروسا في التاريخ..
ولن نقول لك إن الحملة الفرنسية جاءت إلى مصر وكان على متن السفن الفرنسية 150 ألف عسكري وإن الأوغاد الفرنسيين داست خيولهم الأزهر..
ولن نقول لك إن الخونة أعطونا أسلحة فاسدة في حرب 1948..
باختصار نحن سنحاول أن نقلب في صفحات التاريخ المنسية..
سنغوص فيما بين السطور لنستخرج منها قيمة ما..
قيمة تؤكد لنا جميعا..
أن الشعب المصري -اللي هو أنا وإنت والناس الحلوين اللي بيقروا معانا- مش ضعيف.. ومتخاذل.. ومش "بينفض" على طول الخط... هو بس صبور شويتين.. صبور بزيادة.. لكن وقت الجد.. بيبقى جد الجد..
الكلام ده مش كلام في الهوا..
ده كلام كتب التاريخ..
اللي هنقلب في صفحاتها.. ونشوف تاريخ بلادنا بطريقة جديدة ومختلفة..
وقولوا لنا هو صحيح التاريخ بيعيد نفسه؟!
:0041:
العرض العادي
