ا.هـ ©؛°¨غرامي متألق ¨°؛©

ايش هي الشخصية الكرتونية اللي تكرهها ...؟؟

أنا بالنسبة لي أكره ( سالي ) ..

سالي الآدمية هذي ( اللي جبهتها كأنها طاولة بلياردو ) فيها كمية كآبة غير طبيعية ..

وفيها برود يكسر الحجر ...

أما صوتها لوحده يجيب الهم والغم ..بشويش تتكلم وبضعف ..ودك إذا جت تتكلم تقفل الصوت ..

بس حلال اللي سوته فيها ( آنسة منشن ) ...

( منشن ) داعس عليها دعس وسالي ولا على بالها بس محتضنة لعبتها ومسوية فيها أخلاق ...ودي بس لو تعبر عن زعلها لو بكلمة ولا بكلمتين حارة ...ولكن ماعندك أحد ...

لا والكارثة الحلقة الأخيرة بعد مارجعت سالي لحالتها الاولى برنسيسة على قولتهم راحت وتركت ( منشن ) في المعهد ....انا قلت بعد الفعايل اللي سوتها راح تطردها أو تسوي فيها أي شي ...ولكن اركبت راسها وخلتها تجلس في المعهد هي والبنت اللي اسمها ( لافينا) اللي كانت مبهذلتها ...

أحس يوم جبت سيرتها جتني ضيقة واكتئاب ...

قالت ايش قالت أنا أبسط إنسان أنا جنح الظلام ..

ماتدري انها أدلخ إنسان ...

...

ميوكو ©؛°¨غرامي جديد¨°؛©

ههههههه لاحرام احسها مظلومة
بس من ناحية برودها مرره تقهر
وانقهرت يوم راضت لافينيا في الحلقة الاخيره

ا.هـ ©؛°¨غرامي متألق ¨°؛©

المشاركة الأساسية كتبها ميوكو اقتباس :
ههههههه لاحرام احسها مظلومة
بس من ناحية برودها مرره تقهر
وانقهرت يوم راضت لافينيا في الحلقة الاخيره
تصدق ماسمعتها ترد على ( منشن ) إلا مرة وحدة ..والرد ماتجاوز 20 ثانية ...بس كان ردها بااااااااااارد يخلي الواحد يكرهها زيادة ...

والبنت ( لافينا ) تمثل شريحة كبيرة من البنات في المدارس وخارج المدارس ... في واقعنا ...

والبنات اللي مع ( لافينا ) إمعات مالهن شخصية رايحات جايات مع لافينا لقالتلهن يمين يمين يسار يسار ...

البنات حتى في أفلام كلاتون مغثة ... ..

تشكر على تعليقك ياعسل ...

ياولد خايف تكون بنت ثم تورط لأني قلت لك ياعسل ...

بيني وبينك الأسماء في المنتدى ما أعرف أفرق بينها هل الإسم لرجل ولا حرمة ...

....

فدا لعيونه أحدهم كسرني ليُقيم اعوجاجي
✿ إدارة الإقسام ✿

..|




السلام عليكم و رحمة الله و بركاته

بالنسبة لي ما اعتقد في شخصية اكرهها
كل شخصية مميزة بشيء يخصها

لو لقيت راح اكتب هنا (=

يعطيك العافية اخوي
ودي لك (=


ا.هـ ©؛°¨غرامي متألق ¨°؛©

المشاركة الأساسية كتبها فدا لعيونه اقتباس :
..|




السلام عليكم و رحمة الله و بركاته

بالنسبة لي ما اعتقد في شخصية اكرهها
كل شخصية مميزة بشيء يخصها

لو لقيت راح اكتب هنا (=

يعطيك العافية اخوي
ودي لك (=
وعليكم السلام ورحمة الله وبركاته ...

نعم صحيح كل شخصية لها مايميزها ...حتى لو كانت شريرة ...

مثلا ( سلفر ) شخصية قرصان شرير مميز بأخذه للأمور بكل بساطة ولا يفكر في المظاهر .. شخصية محبوبة ..

وبرضه ( زوريل ) شخصية شريرة في مسلسل قرندايزر أو جريندايزر ...وبالرغم من الشي هذا إلا أنه له صفات جعلته محبوب ..مثل الذكاء والدهاء والحكمة وعدم التسرع ...حقيقة أبدع من أوجد تلك الشخصية ...

وبرضه ( كوروزاكي ) شخصية شريرة في مسلسل ( سانشيرو ) ...واثق من نفسه وفرفوش وعليه طلعات قوية ...

هناك الكثير من الشخصيات الشريرة في المسلسلات الكرتونية إلا إنها محبوبة ....

تشكرين على تعليقك ...

ضجيج مدينة ©؛°¨غرامي ذهبي¨°؛©

اكره سبونج بوب وكل الي فيه مزتفزين وفِي كمان شخصيات مزتفزة بانميات ثانية كثير بس اكثر شي هالسبونج بوب

ا.هـ ©؛°¨غرامي متألق ¨°؛©

المشاركة الأساسية كتبها ضجيج مدينة اقتباس :
اكره سبونج بوب وكل الي فيه مزتفزين وفِي كمان شخصيات مزتفزة بانميات ثانية كثير بس اكثر شي هالسبونج بوب


فعلاً كلامك صحيح .. مستفز بشكل غير طبيعي ....

وبيني بينك الملاحظ ان أي فيلم كرتون قديم يصدرون له نسخة جديدة في وقتنا الحاضر يكون رسمه وخلفياته وكل شي فيه مستفز ...

لاننسى انمي ( الفتيات االصغيرات الثلاث ) ما أدري كيف ماشي سوقه ...

أنا عن نفسي أفضل الكرتون القديم ... جميع مميزات الجودة موجودة فيه ....

شكراً على تعليقك ...

......


Loomasa ©؛°¨غرامي مشارك¨°؛©

يعطيك العافية

(Maysa) ©؛°¨غرامي نشيط¨°؛©


امم تيتش من انمي ون بيس
شخصيه كريهه

..


ا.هـ ©؛°¨غرامي متألق ¨°؛©

المشاركة الأساسية كتبها (maysa) اقتباس :

امم تيتش من انمي ون بيس
شخصيه كريهه

..
صحيح ... وبالمناسبة هذا الانمي بشكل عام طريقة رسمه ما اعجبتني ....

شكراً على تعليقك ...

..............


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1