السلام عليكم
هذه قصيدة للشاعر الكبير محماس بن شميسان الروقي العتيبي
إليكم القصيدة
ياحسين لو صادفت غرو ٍصدفتـه=العصر لاقاني على فتحـت السـوق
غرو ٍخطف قلبي وانـا ماعرفتـه=واقفا يجر اخطاه مـن غيرمنطـوق
الابـسـود ٍ خـدرنـي بلـفـتـه=حور ٍ طرف ملحوظهن ساقني سوق
موضي جبينه ساطـع ٍ لو وصفتـه=العنق عنق الريم واللـون غنـوق
وعودٍ ذعاذيـع النسايـم عطفتـه=غصن ٍ محيط ٍ به ثمر طلع وعـذوق
ماشفت وصفه بالخلايـق وشفتـه=بـه ميزتيـن وثالثتهنـه الـذوق
واقفا وانا ماعـن لــزوم ٍ كلفـتـه=اخـشـى مناقيدالمقاريد والـبـوق
وامسيت اقاس الهم والنوم عفتـه=و قلبي لصلفات الهواجيس طاروق
كاس المراره من عموقـه رشفتـه=نفسي مهايمة ٍعلى العذب واتـوق
ياليـت تيار الـهـوى ماجرفـتـه=ولا عادلي يابن وجب طايف الشوق
وأن كان شكاي الهوى مانصفتـه=عزالله انك منه ياحسيـن محقـوق
غزلية للشاعر الكبير محماس بن شميسان 
العرض العادي
