انا .. وروحي من فينا الصح

[احساس عاشق]

:

الحياه صعبه ...

من يقول كذا ..

انا اقول لك اذا ما تدري ..

طيب ليه وكيف ... اسئله بريئه

كنت قاعد اسولف ويّا روحي .. عن كلام الناس اللي نسمعه دايم (( الحياه صعبه ))

طيب وبعدين .. (( الحياه صعبه )) ..... وبس

انا مادخلت قلوب هالناس ولا ادري عن مشاكلهم وظروفهم اللي اجبرتهم على الإيمان بهذه المقوله

بس اعتقد صعوبتها تكمن في محاولة التكيف معها ...

أي تكيف يابن الحلال انت ووجهك .. اصلاً من يوم ما جينا للحياه واحنا موبمتكيفين مع انفسنا ونستنى الحياه تتكيف معنا ...

والله انك صادقه
روحي ... يا روحي .. انتي هييييه وين رحتي تعالي ابيك

انتي هالحين وشعليك ... انتي اكثر من 90% من امنياتك اتحققت وابوك شايل مصاريفك وربعك يموتون فيك
ومحبوبه بين الناس ومكانة ابوك الإجتماعيه تخليك اول وحده بأي طابور حكومي .. او خاص
تنامين مرتاحه .. احيان احسك ناكره .. جاحده .. وياكثر هالأحيان

ابسألك سؤال ..
هيييييه انتي معي والا لا

ايه معك قووول تراك بطيت كبدي بفلسفتك

طيب

عمرك بحياتك ... ولو مره وحده بس .. قبل لاتنامين فكرتي انتي وشهو اللي لك واللي عليك
هذا سؤال غريب وش تبي فيه

انتي بس جاوبي

لا
لا .. !!؟

إيه لا .. ! وليه افكر اصلاً وانا مو بمحتاجه حق شيء .. قصدي الحياه ماتبي مني شيء وانا آخذه منها كل شيء

شفتي .. قلت لك من قبل .. جحود ..

طيب

عمرك بكيتي على شيء .. يعني اتأثر قلبك بموقف مؤلم او حدث اجتماعي مؤسف حد البكاء

شقصتك معاي ... انت قالبها نكد ومخلي الحياه بوجهي كلها حزن .. بالغصب هي

اولاً ما فيه شيء بالدنيا هذي يخليني ابكي عليه .. وبالنسبه للمجتمع اللي تقول عليه

أي مجتمع تقصد يا كثرها عندنا ... !!؟

انا اقصد المجتمع اللي انتي عايشه فيه .. يعني لك شيء بحياتك او انه مجرد ساحه تقضين وقتك فيها ؟

والله المجتمع اللي انا عايشه فيه يحاول انه يعيّش نفسه بحال محزن .. ليه ما ادري !

بعدين تعال .. انت هالحين تكلمني عن المجتمع ومدري وشهو

انت كم مره ابتسمت لولد جاركم اليتيم والا قعدت تلعب معاه
انت اش سويت بالمانه اللي اعطاك اياها خلود قبل لا يروح العسكريه
انت كم مره قلت لربعك والله اليوم ما اقدر اجيلكم .. مرتبط مع اهلي
انت كم مره سألت امك او ابوك (( انتم راضين علي والا لا ))

انت كم مره ... انت كم مره .. انت كم مره

بس ... بس .. بس

كل هذا فيني وانا ما احس .. انا وين انا عايش يووووووووه يا كبرها !!؟

اقول لك استنيني هنا لاتروحين شوي وارجعلك

تعال وين رايح

ابروح اشوف امي العجيّز تبي شيء والا لا

انثبر يالخبل هالحين حنا بنص الليل والعجيّز راقده من المغرب بس تبي تقومها من نومها وتكدّر عيشتها

يكفي انها عمرها ما قالت لك شيء وسويته على السنع

روحي ... يا روحي

نعم .. اش تبي يا كثر طلباتك

تعرفين كل هالعيوب اللي فيني من ايش

لا والله ما ادري !!؟

هذا والله منك ومن سواياك .. كم مره امي تقول لي (( انتبه على روحك يا ولدي .. )) وانتي تقولين لها

انتي فكيه منك ومن طلباتك وهو ينتبه لي

كم مره ابوي قال لي (( روحك الشينه هذي متى بتسيبها )) وانتي تقولين له ياحووووووول هذا متى بيرحمني من الحش والنصايح قول له طيب ان شالله .. على امرك يصير خير .. بس امش عنه

روحي .. يا روحي

تعرفين متى بينعدل حالي

متى !!؟

الا منك عدّلتي حالك وعرفتي اللي لك واللي عليك وعاملتي الناس زي ما تبينهم يعاملونك وحفظتي حق ربك ووالديك

روحي ... هييييه وين رحتي

ابي انام

قومي هذا مو وقت النوم باقي على اذان الفجر دقايق وانتي سهرانه ليلك كله فكلام فاضي

قومي وعدلي نفسك من الحين وصلي الصبح وبعدها تعالي وسلمي على راس العجيّز وشوفي ان كان انها تبي شيء والا لا

الا على فكره ...

ترى اكيد الناس بتستغرب التبديل اللي صار فيك ... يحق لهم .. هذا والله من كثر اللي سويتيه فيهم

بس ما عليك ربك قال (( ان الله لايغير ما بقوم حتى يغيروا ما بأنفسهم ))

قومي وروحي المسجد واقري لك كم سوره يمكن ربي يعدل حالك ويهون عليك التغيير

:
:

كل هذا حديث نفس مع .. نفسها

لكم ان تقبلوه إن شئتم .. اعتزّ بكم

إحترامي لكل الأقلام الكبيرة اللتي ارهقت محابرها .. فماهي الا خربشات قلم رصاص ارجوا ان تعذروني عليها




mangoool

[anobeees]

إحساس عاشق00

دى مش خربشات قلم رصاص

ده الحوار اللى كل واحد صادق00

بيقوله لنفسه00 :020194_em


ده الحوار اللى مش بيخرج من جوانا00

مع إننا بنقوله كتير00


لازم أحييك على شجاعتك00 لإجرائك

هذا الحوار00 علناً00 :22:وبصوت مسموع00


حوارك00 مع روحك00 هو بداية الطريق

نحو التصالح مع النفس00 ومعرفة عيوبها00

وكسر الغرور الذى (( قد )) يعشش بداخلها00


أشكرك ياأخى على كلماتك الصادقة00

التى يتمنى الكثيرون منا00 :015: أن يمتلكوا

بعض شجاعتك00 ليعترفوا بها _ كما فعلت _

000 علناً00


تحياتى إليك00

وإلى روحك الطيبة :8:

[! sultan al7nan !]

[a7la1=CC99CC]

حوار هادف

يثبت أن

النفس تإمر بالسوء

ومعصيه النفس لرضا الرب واجبه

:::::::

يسعدك ربى

[/a7la1]

[roro]

نسال الله ان يحسن احوالنا للافضل


موضوووووع جداااااااااااا راااااااااااااااااااااااااااائع


يعطيك الف عافيه اخووووي

[القلب المحطم]

[glow1=00CCFF]

كم هو جميل محاسبة النفس ..
ومحاورتها .. ومراجعة أخطاءها ..
وردعها عن الخطأ..

إحساس عاشق .. موضووع راااائع ..
ونقل رائع ..
وذوق راقي بالإختيار ..

جزاك الله كل خير ..

لك تحياتي ..

ودمت بود،،

[/glow1]