سلام يا ورد سلام يا قمر
هلا بالغلا هلا بالحلا
ولكم ::
يا صاحبي مني لك الروح مهداه
والله لو به غيره اهديته
ما قلت لأحد غيرك الروح تفداه
انت الوحيد اللي بروحي فديته
وانت الذي لولاك ماقلت أنا آه
ولا شكيت من الهوى ما شكيته
يا زين حبك عن هوى الناس عداه
جميع وصف كامل بك لقيته
سلم المحبه ماوطاالزين ناطاه
حد الخطر لعيون خلي وطيته
واللي يودك كل منك يرضاه
حتى عذابك يا حبيبي رضيته
الأمير:خالد الفيصل
******************************
يا صاحبي ما ابيك تزعل وانا حي
فدتك روحي والاهل والحبايب
وش الحياه بلاك يا مصدر الضي
يا فرحه الأيام حاضر وغايب
دونك حياتي ما تسوى ولا شي
يا ثامن بالطيب سبع العجايب
حياه خلق الله على طاهر المي
ياماء المروه .. والمحبه هايب غايب
الأمير : عبد العزيز بن سعود آل سعود
********************************
غردي بالحب يا لحظه هواي
والعبي تطريب يا نجمه سماي
واحظني خفقات فلبي لو يطير
ولجمعي رقصات فلاحي في خلاي
إزد هم في صدري الشوق العظيم
والهوى في قلبي ابعد من مداي
فيني أكبر من غرام العاشقين
والامل يسبق من الفرحه رجاي
إنت الدنيا إذاد جاد الزمن
وإنت الحسره غذا جاني بلاي
وانت الما في حياتي والهول
انت ارضي والوطن انت سماي
وانت أجمل لحن غنيته طرب
وأنت الحب الذي يملا فضاي
الأمير : خالد الفيصل
*********************************
اسألوا دمي .. وسعادتي وهمي
اسألوا التوفيق ..
والكدر والضيق
اسألوا الطيب في صفاتي ..
والدعاء اللي في صلاتي
واسألوا شهودي ..
الدموع اللي في سجودي
اسألوهم .. واسألوا دمي ..
عن غلا أمي
الأمير:: عبد الرحمن بن مساعد
********************************
لك ايـــــــــاامي وتبخل في دقيقــــــــه
اجل وشلــــــــــون لو كانـــــــت ثـــــــواني
بخيل بالعطـــــــــااا ماهي طريقـــــــــه
واحد مرتـــــــــااح والثــــاااني يعااانــــــي
تعـــــــاال وفك من هالصــــــدر ضيقـــه
تعــــــــــاال ولا تفـــــــــــرط في حنـــااني
انااا مليــــــــت اذا تبغـــــــي الحقيقــه
ولا ودي بغــــــــــــــــــيرك حب ثـــــــااني
تــــرى مـــال العشيق الاعشيقـــــــــه
تــــــــــرى ماتسعـــــــــدك الا احضــــااني
لك ايـــــــــاامي وتبخل في دقيقــــــــه
اجـــــــــل وشلـــــــــون لو كااانت ثــــواني
الشاعر نواف بن فيصل (أسير الشوق)
********************************
ما سألتوا صاحب النظرة iiالخجولة
كيف يسهرني وله وجهٍ صبوح
كيف يظلمني وله طهر iiالطفولة
كيف يسكنّي وهو دايم iiيروح
وكيف أنا ألقى ربيعه في iiفصوله
دام كذبه صادق وصدقه iiمزوح
له صفاتٍ تورد العاشق iiذهوله
مستكين و صامت وكله iiجموح
أصعب الأشياء و أكثرها iiسهولة
أغمض الأشياء و أكثرها iiوضوح
سهل تغرم به وصعب انك تنوله
غامضٍ في طبعه و واضح في الجروح
أسعد بشوفه ولكن ما iiأطوله
كنّي الوادي وهو أعلى السفوح
يبتسم لا منهم عنّي حكوا له
ولا حكوا لي عنه أعماقي تنوح
لي بقلبه شيٍ لكن ما يقوله
وله بقلبي كلّ لكنّي iiأبوح
كنّه الغيمة و انا أرجي هطوله
ما نزل غيثه ولا برقه iiيلوح
ما عرفتوا ليه تسهرني فعوله
وليه يسكنّي وهو دايم iiيروح
هو يبيني بسّ أطباعه iiخجوله
وما يبي أغفى وهو وجهه iiصبوح
الامير عبدالرحمن بن مساعد
**************************
عجب عجاب .. طيبة قلبها أبيض سحاب
أخلاقها مامثلها .. أخلاقها
أخلاقها تنتظر عشاقها
ومايجون .. !!
ياهي جريحة .. طيبة .. لكن قبيحة
عجب عجاب
وسيم أنيق شاب .. كسبه حلال مشروع ماجرب الجوع
ناجح مركزه مرموق
ورغم هذا الحزن ساكن عيونه
ماتت امه .. وحبيبته كانت تخونه
عجب عجاب
كثر الفقر ماله
كلٍ يبي قربه ورضاه
رغباته قوانين وزلاته صواب
الناس حوله من شمال ومن يمين
يأمر .. يطاع
الدول تحسب حسابه
والكل يخشاه ويهابه
لكن مريض ياعذابه
ممنوع ياكل لو أكل جايز يموت
عجب عجاب
مرتاح الضمير لاسرق لاظلم لاحسد
عنده قليل أصحاب
قلبه كبير .. بيته صغير
والمرض عن صحته بعيد
عنده ثلاث اطفال
أحمد وايمان ويزيد .. وامهم
وكثر السماء يحبهم
لكن فقير مالقاء لصوته مسامع
مايملك الا طيبته وملح المدامع
ولو مادفع مبلغ حقير
ينطرد هو والعيال وامهم في الشوارع
عجب عجاب
عبقري في الطب ملحد
عجب عجاب
شاعر عظيم داخله فارغ
عجب عجاب
أمير كذاب
عجب عجاب
ملايين البشر .. تعبد بقر
عجب عجاب
ماتصلي فرضها .. وتلبس حجاب
ياصاحبي عطني يقينك والظنون
من ودك تكون ؟!
الامير عبدالرحمن بن مساعد
*************************
تفنن في طروق الحب شرقنــي وغربنــي
معك يازيــن دوخات الهوى وياحــلو مشـواره
وغرد في سما سمعي ابي تحكي وتطربني
سواليفك مطر عمري . ربيعي ضحكة أزهاره
حبيبي يا بعــد كلي وكلك صدق تعجبـــنـي
بغيــبـاتك وصــداتـك وتــلويعــك وتــكـراره
تجنن كــل ما اشوفــــك احس انك تذوبني
وتضــيعــنـي من الدنيا .. وتشب بخافـقي ناره
جمالك ناهـــب قلــبي وتفكيـــري ناهينـي
دلالك يارقيــــق العود .. عـــود تعزف اوتاره
تولعت بتصانيفك ....... وتعذيــبك يولعني
وعلى أي حال راضي بك شمس العمر وانـواره
الشاعر نواف بن فيصل (أسير الشوق)
*****************************
انتظرتك .. عمري كله .. وانتي حلم
ومرت الايام والله .. وانتي حلم..
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي ..
كل حرفٍ حرك شفاهي بكلمه .. عنك انتي ..
وكل حبي اللي مضى والحب قسمه .. منك انتي ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا إنتي .. قولي والله إنه إنتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ اعيوني وعنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه نأخرتي علي .. وما طرى لك تسألي ..
إنتظرتك عمري كله عمري كله .. وانتي حلم
الأمير:: بدر عبد المحسن
******************************
خالص محبتي::
أختكمـ:::pangel4:
$* غـــدرت بـــيـــا الــدنــيــا*$
من أجمل ما سطره الأمراء حروف تعطرت بعبير الورد واندمجت بالألماس 
العرض العادي
